|
قال لي كلميني او انشر رقمك للشباب ..ساعدوني
الســلآم عليكـم ورحمـة الله وبركــآته
مســـــآء البـــرد :24: ياجماعه في رقم مزعجني مره كل شوي يتصل وانا مطنشه لاني ما ارد على ارقام غريبه اليوم الصباح اتصل ومن كثر الازعاج رديت بس ما تكلمت وهو جالس يتكلم بس ماعرفت من يكون جيت قفلت الخط بوجهه وارسل مسج كاتب يافلانه كيفك ..؟ أنا انجنيت شلوووووون يعرف اسمي بس طنشت ونمت اليوم بالليل اتصل الف مره وكل شوي اعطيه مشغول ويوم رديت كان كانه محشش او سكران الله لايبلانا ونفس الشي ما تكلمت وقفلت بوجهه الخط قام ارسل رساله وكاتب فيها يافلانه كلميني ولا انشر رقمك عند الشباب :( عطوني الحل الله يجزاكم الجنه وش اسوي معه هالـ ..... خايفه وانا على وجهه زواج الحين |
اذا دق عليك عطي الجوال ابوك او احد من اخوانك
خليهم يكلمونه ولازم تخلين خطيبك في الصوره قوليله في رقم مزعجني ويقول اسمي عشان يكون بالصوره ولاتردين عليه ابد احقريه وتحسبي عليه بس اكيد مدام عرف اسمك انه قريب منكم وعارفك او احد مرسله عليك |
وعليكم السلام ورحمة الله وبركاته أختي الكريمة / لاتخافي ومثل هالأشكال ماينخاف منها أبدا.. وعندك خيارين / إما تبلغي أحد أخوانك ويتصرف معه بالحسنى ويوقفه عند حده .. أو تغيري رقم جوالك وترتاحي من الإزعاجات .. الله يوفقك ويحميك ويتمم لك زواجك على خير.. |
خبري احد اخوانك يتكلم معه
وبعدها افصلي الخط تماما وجيبي رقم جديد واشوف اذا كان شاطر يقدر يطلعك ثاني !!! |
من رأيي انك تغيري الرقم
|
الله يستر علينا وعليك يارب ,,
طاحين لهم في ذا الحركة !! من جد شلون يعرفون اسامينا ؟؟ قد صارت لي هالحركة !! بغيت اموووووت ياليت احد يفيدنا !! الله يحفظنا واياك والمسلمين يااااارب ,, ! |
اختي هو قالك يا فلانه كلميني ولا انشر رقمك بين الشباب
ردي عليه وقولي له يا فلان الزم حدود ولا انشر اسمك بين السجون لا تضعفي ابدا ً وكلمي اهلك اياكي ثم اياكي ان تسكتي له ولا تعطيه راحته ردي عليه بأسلوب قوي وواثق وعلمي اهلك الله يحفظك ويحفظ جميع بنات المسلمين ^_^ |
اعطي الجوال لاخوك او ابوك
غيري رقمك اياك ثم اياك تردي على مكالاماته لو ماسكت الجوال ابدا فردك يعطيله امل انك ممكن تليني اتصلي على خدمة الجوال وسوي بلاغ براقبوا الجوال وبسوا حظر للرقم المزعج |
اقتباس:
او ممكن وانتي فتحتي الخط سمع احد ناداكي وانتي ما انتبهتي ولقط الاسم عموما لا تردين على اي رقم حتى المشغول لا تعطينه خليه يدق لين يمل وحطي لك نغمة تونس الصدر لاي رقم غريب :d عشا ن اذا احد اتصل منهم تستمتعين للنغمة ويتوسع صدرتس:d << حركتي المفضلة وخل ينشره .. كل ماجاك رقم غريب اضيفيه للقائمة المتميزة بالنغمة اللي توسع الصدر :d دامك واثقة من نفسك وماغلطتي بشي خليه يهدد من هنا للصبح .. :18: |
اذا انتي موظفه فهذي وحده متسببه لك عطت واحد حقير الرقم
عموما حطي ابوك في الصوره ... وغيري الرقم ولا تعلمين فيه احد الا زوجك او والله اعلم احد موظفي الاتصالات نفسها يلعب على الارقام اللي بأسماء حريم وهم موظفين الاتصالات يشهدون بهذا على بعض عشان كذا دايما من الأسلم استخراج ارقام بأسماء رجاليه طمنينا |
هو انتي مش ممكن تبلغي رسمي عن الحاجات دي في الشرطة
خصوصا لو لسة المسج عندك؟!! |
الله يشغلة يارب بنفسة حسبي الله عليه انتبهي اختي الله يستر عليك ويتمم زواجك يارب العالمين
|
طنشيه ورح يتعب ويبعد ----اوخبري اخوك وقت مايتصل خلي اخوك يرداوخذي الرقم واشتكيه---- يحصل كثير مثل هذ المعاكسات لاتخافي خليك شجاعه والله يوفقك ويسعدك ويبعدعنك كل سوء
|
الله يجزاكم خير ويوفقكم
ردكم ريحني وصرت ادعي بدعاء( اللهم اكفينه بما شئت وكيفما شئت انك على كل شي قدير ) وابي اضيف شي علمت بنت عمي على الرقم اللي يجيني وخليتها تشوف الرسايل عرفت الرقم وعرفت الشخص من طريقة الرسايل هذا واحد من بلده عربيه خطبها وهي رفضت .. هو حقد عليها .. واتصل عليها وقالها اعرف عنك كل شي وكل الارقام اللي تتصلين عليها وقالها اعرف رقم فلانه اللي هو انا هي ما صدقته وعشان تصدق عطاها رقمي وقالها انا مخلي واحد يراقب تحركاتك ويراقب اتصالاتك وهالشخص من شركة الاتصالات وانا ماسك عليه شي كبير اذا ما سوى اللي ابيه بفضحه يا جماعه لدرجه انه قاله لاتعلم علي واذا تبي افتح لك بيتي تسوي بأختي والله خليتك ( انا جاني تبلد لهدرجه في ناس حقيره ولا عندها غيره ولا كرامه) الحين وش الحل مع هالـ ..... فكرت اني ابلغ عليه الهيئه ويتصرفون معه مشورتكم مره ثانيه |
حبيبتي انتي ريحي روحج من السالفة ,,
عطي خطيبج او ابوج الرقم وقولي لهم بالسالفة ! وهم يعرفون شلون يتصرفون ويوقفونه عن حدهـ بعدين خلاص غيري رقمج ,, ابعد عن الشر وغني لو ! ذكرتيني في بداية زواجي لمن كنت عروسة جديدة في واحد اذاني كل يوم الصبح والظهر يتصل فيني (يدري وقت دوامات وزوجي مو وياي) والله كنت احرق اعصابي واصرخ عليه واذبح عمري وآنا ازفه وهو ابد ولا مفتكر ويهددني بكل برود !! لمن رحت لبيت اهلي عطيت امي وابوي الرقم ووقفوه عند حده ولمن قلت لزوجي زعل علي لأني ما قلت له من البداية (يعني آخر من يعلم) خلاص دام قلتي لبابا حل مشكلتج ليش مخبرتيني الحين :D بس من خوفه علي طلع لي رقم جديد |
اقتباس:
بنت عمك ليش ما قالت لك عنه قبل لا تراويها الرسائل ؟؟ يعني معليش الواحد مهما كان يبي يهدد بنات الناس ما يقوم يتصل على صديقاتهم وبنات عمهم ! انتبهي حبيبتي من بنت عمك .. وخلي اسرارك لنفسك وعلمي اخوانك وخطيبك بالموضوع لا يتلفق لك حكاية انتي بغنى عنها! |
اقتباس:
يابنتي ايه ده بلغي الشرطة عشا موظفين الاتصالات يتلموا شوية والحاجات دي خصوصيات بالناس لو الشركة عرفت بكدا اللي ساعده ده هيترفد وبسيطة يعني غيروا نمركم وارتاحوا |
نصيحتي الك أختي .. غيري رقمك عالسريع الى شركة موبايلات اخرى كمان أو سجلي الرقم الجديد باسم حدا تاني و استعيني بأي رجل من عيلتك أبوكي أخوكي .. الخ و ازا لزم الموضوع استعيني بالشرطة |
قولى لابوك ولزوجك أو خطيبك
وبعدين انتى ما تفكرى خبريهم واقوليلهم انك هرفتى انه من شركة الاتصالات وهما بيتصرفوا غيرى رقمك وراح ترتاحى |
هلا يااختي
لاتعطين الجوال لاحد يدخل الشيطان بينكم ؟؟ نصيحتي كسري الشريحة وجيبي وحده جديدة . ولاكن شي صار أبد ويفضل رقم بدون أسم . رعاكي الباري |
مايبيلها كلام اعطي الجوال أبوك أو اخوك
وهم يتفاهمووا معه ولايهمك ولاتشيلي له بال ياكثرهم اللي كذا الله يكفينا شرهم ويشغلهم بأنفسهم |
حبيبتي لاتردين عليه قولي حق اهلك وغيري رقمك
|
لا احذري خطيبك يدري علمي ابوك واخوك واما خطيبك لا يدري بعدين يشك واسأل الله ان يوفقك في حياتك كلها وتقبلي تحياتي |
حسبي الله ونعم الوكيل اللهم من اراد ببنات المسلمين سوءا اشغله في نفسه واجعل كيده في نحره
اللهم اكفنا شر كل من به شر اللهم اكفنا شر كل من به شر اللهم اكفنا شر كل من به شر |
حطي خطيبك بالصورة ممكن يكون هو يبغى يختبر اخلاقك ولاتشكي فيه بس لازم تحطيه بالصورة الله يحميك ويحمينا
|
خلي اخوانك ا ابوك يتفاهم معه
اعطي ابوك الرقم وخليه يتصل من جوال ثاني يعني مو من جوالك ويتفهم مع هالاشكال |
اقتباس:
شوووفي قولي لوالدك واعطيه شريحتك وخلي والدك يطلعلك شريحة جديدة من موبايلي ولا زين مدام يعرف احد بالاتصالات وبعدين انتي مو مسويه شي عشان كل هذا الخووووف واذا يعرف اسمك خير وش بيسوي؟ يعني بيخطفك من بيت اهلك؟ الخوف لاتكون بنت عمك متورطة مع هذا الواطي وسالفة الخطوبة كذبة وبكره تورطك معها من الان روحي للوالد وسوي الي قلتلك عليه وخلك من كلام بنت عمك ولا تقولين لخطيبك انتبهي لانه لو بنت عمك طلعت متورطة مع هالواطي وعرف خطيبك وش بيقول عنكم ؟ عايلة ماعرفت تربي بناتها ابعدي خطيبك وخلي الوالد يتصرف |
الحمد لله ماعاد اتصل ولا شفت رقمه هالجبان الحين عرفته انه اكبر جبان
واللي يقول بلغي ابوك ولا اخوانك ابوي الله يرحمه ويسكنه فسيح جناته واخواني كل واحد بيته ما اشوفهم وخطيبي صعب ابلغه لان مابيننا كلام لكن تركت امره لله سبحانه .. وعرفت انه جبان و غيرت رقمي وقلت لبنت عمي ما ابيك تتصلين على جوالي ابد اذا تبيني تعرفين رقم بيتنا الف شكر لكل شخص عطاني من وقته ووفقكم الله لكل ما يحبه ويرضاه |
الله يحميك الحمد لله انها انحلت وفقك الله وانتبهي على نفسك
|
يغلق الموضوع .....
|
| الساعة الآن 12:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©