|
للحكاية يقايا
للي ما عرف قصتي هذا الرابط
http://www.66n.com/forums/showthread.php?t=198887 و بعد كل اللي صار أستلمت ورقة الطلاق (طلقني طلقة واحده) مر علي الموضوع كأني خلعت ملابسي القذرة اللي صار لي 4 سنين ما شلتها حسيت حالي بلبس جديد و بعدني ماأخذت عليه الحمد لله أنا مو مبسوطه لكن أبدا مو زعلانه الي صار جاني اتصال من صديقه الضابط وقال لي إذا لي خاطر ألحين هو بيجي يردك .. أنا حطيت شماغي و عقالي تحت رجله و قال إنه بيردك .... جاوبته ،، ليه تسوي كذا أنا ما قلت لك يردني أنا قلت لك حاول تفهمه وش يعني الرجولة قال لي طيب هو ألحين بيتصل عليك وبيقول لك يلا البيت .. قلت له طيب إذا اتصل يصير خير المهم بعدها بـ5 دقايق أعطاني نص رنه يادووب الشاشه حقت الجوال ضوت حقرته جاني مسج يقول (أنا بره) بس و هذا للحين ناوي يذلني أتصلت عليه وعلى طول سألني بتطلعي معي قلت له طيب بس الولد نايم .... خلني ألملم أغراضي وبعد ساعه تعال .... أدري إنه غلط لكن أنا تفكيري دايما يجي متأخر المهم قال لي طيب رحت قلت لأبوي باللي صار قال لي أبوي رجعة ما فيه حبيبتي بنتي إنتي غالية ولا عاش من يذلك و يذلنا هذا لازم يتعلم الرجولة و إحنا بنعلمها وياه و إذا ما تعلمها ولا تعلمها هم ما في رده ,,,,, حسيت إن أبوي من جد كلامه صح ... و أنا ماأبي أرجع له من غير ما يقبل شروطي و ينفذها قبل الرجوع ....في نفس الوقت اتصل علي عمي و قال لي يا بنت الناس افهمي كلامي زوجك كلمني و قال لي بالي صار بينه و بين صديقه .. يعني هو يطلقك لأنه ماشي بدرب أصحاب السوء ويردك هم لأن صديقه حلف عليه يردك .. يعني حياتك كلها بيد اصحابه ,,,, حسيت بوجع في قلبي ... ان هالرجال لا محال يتغير .... اتصل علي و قال لي جهزتي قلت له لسه و قبل لا اكمل كلامي قال لي بس افهمي انا الرجال ماابيك تخنقيني اطلع و ادخل بكيفي (كأني مانعته ) و )....( بطلع في داخلي قلت هنا مربطها المهم ).....( وهو يكمل كلامه انا بروح في النهار مستحيل اروح )....( بالليل و اسألي ترا المراقص كلها بالليل ... قلت له طيب بس ابوي ماوافق اصلا اصلا ارجع لك .. قال لي خلاص خليه يهدأ كم يوم و اجي معاي هدية نراضيه .... مدري هو غبي ولا يستغبي ... كأنه ما يعرف ابوي لو بيجيب لأبوي جبل ذهب ما يغريه ... لا حول كيف هذا يفكر ... كسرت شريحة جوالي ماأبي أنحط في موقف حقير ثاني زي كذا ... و أنا اقول إني ارتكبت أكبر غلط كان المفروض أقول له أنا ماأبيك لكن في نفس الوقت أملي الخايب لازال موجود أنا دايما أفكر إني مستحيل أرد له ... ماأبيه .. أول ما يجي يقول لي بحرين .... وش هالرجال ؟؟ أخاف بس من التفكير في حياة جديده معه ... لدرجة اني امتغص لو تخيلت اني ارجع له .. انا اليوم رحت عند دكتور نفسي عشان ولدي لأن ولدي حالته مرره مو طبيعية و طول اليوم يقول لي ما أحبك .. و يضرب اخوه الصغير و صاير حاقد عالجميع .. و دايما يردد ابي انام ببيتنا ما ابي انام ببيت جدي ,,, الدكتور قال لي اشياء كثيرة اول ما طبقتها حسيت انه بدأ يهدأ.. طبعا انا حكيت للدكتور كل شي .. و قال لي خلي أبو الولد يجي يزورنا عشان الولد و أنا معه راح أعرف إذا كان عند الأب حالة نفسية ولا لا ... وش رايكم باللي صار .؟؟ ولا تقولو إني أحبه أبدا لحد يقول هالكلمة لأني مو حملها أنا ماأحبه و لا أبيه و زاد حقدي عليه على الحركة اللي سواها كل يوم عن يوم يثبت لي أكثر إن ما فيه عقل و إن اصحابه هم اللي يسيروه .. راح أمشي مع نصايحكم و اللي عندها تجارب من هالنوع لا تبخل علي.. |
أختي الفاضلة أنت مترددة ومتذبذبة بين العيش مع زوجك بدليل لما طلبك كأنك وافقت له ، ومترددة بين أن تبدأي حياة جديدة بعيداً عنه إن كانت مصلحتك وحياتك وراحتك وراحة أطفالك في إنفصالك وبعدك عن زوجك فأفعلي ، و إن كان العكس فلا أنت الآن محتارة وما لك إلا أن تراعي المصالح والمفاسد في كل جانب من حياتك وبعدها توكلي على الله وقرري ما عزمتي عليه ولاتلتفتي لأحد وبالنسبة لحكاية ضباط يتدخلون وهم أصحاب زوجك ، فمن رأيي هذه حياتكم ولا يتدخل فيها أي شخص حتى لو كان بنية حسنة ، لأن الشيطان ما مات ، وممكن يزيد الموضوع صعوبة ، ولذلك عليك بإستشارة مختصين هنا في المنتدى مع أراء الأعضاء ، وكذلك تواصلي مع جمعيات أسرية إجتماعية لتعينك وتنير طريقك المحتار صدقيني الأمر بحاجة لوقفة صادقة منك بدون تردد أو تذبذب |
السلام عليكم اختي الارملة السوداء للجميعطبعا انا اول مرة بشارك في موضوعك بس كان لازم قبل ما اكتب اي شي في موضوعك ادخل على الموضوع الرئيسي ابو 15 صفحة واطلع بشكل عام عليه وعلى ردود الاعضاء ولي والله اكثر من ساعة وانا بطلع على الموضوع :d وبعد ما خلصت الموضوع انتقلت هنا اولا الحمد لله وقدر الله وما شاء فعل وبصراحة اقولك الشيء الي شفتيه في حياتك معاه جدا شي صعب والله يعينك من كل قلبي لانو فعلا شيء رهيب , الحين انا مابعلق على اي شي في موضوعك لانو ما شاء الله الاعضاء بصراحة كفوا ووفوا وخصوصا اكثر ردوود عجبتني ردود العضوة روح الطير كانت تحلل بشكل علمي . المهم بصراحة انا لي رأي بموضوع الطريقة الي جائك زوجك فيها يرجعك , تلفون وعلى الباب وخلاص بروح معاه وصلى الله وبارك بصراحة لوطلعتي معاه بهذا الاسلوب اتوقع راح ترجع الامور لأسوء مما كانت عليه بالسابق وراح تشوفي المعاملة الي كان بيعاملك فيها بالسابق اهون من معاملته الجديده لانو ما يبغى يرجعك باقتناع , هوا لو كان مقتنع انو يرجعك من نابع ضميره الذاتي احنا كلنا اولاد عالم وناس وبنفهم في عادات الناس وتقاليدهم وفي مثل هذا الموقف كان لازم يجيب معاه حد من اهله مثل ابوه واعمامه لأهلك الي يكفلوه بصراحة احنا بنسميها بلغة بلدنا " الجاهه" يعني يصير الكلام قدام رجال وثقي تمام انو هذي المواضيع ما ينفع انو يحلها الا الرجال ويشهدوا عليه وهوا يتعهد انو بيعاملك بما يرضي الله اصلا فيها كرامة واحترام الك هذة الطريقة امام اهلك واولادك اما طريقة زوجك الي جاء فيها بصراحة تدل على انه انسان مستهتر لا يتحمل المسؤولية , وبصراحة بالنسبة لقصة الظابط صديقة انا اقولك لا تثقي في لانو صديق اله ولكن حاولي كل الامور بينك وبينه فيما يتعلق بموضوع الاولاد انها تكون عن طريق المحكمة والطرق الرسمية , حتى لو له معارف واصدقاء ظباط هوا في النهاية راح راح يفقد مصداقيته امامهم لكن لازم تلعبي معاه على سياسة النفس الطويل وشوفي انا حاسس انك بدك تلقنية درس فلمى تكون الامور بينك وبينه عن طريق المحكمة هذا درس قاسي عليه بس اهم شي انك تصمدي للنهاية ولا ترضخي لتهديداته واساليبه الملتوية وبصراحة انا بشوف موضوعك مع زوجك زي الحرب الي بينتصر فيها الي نفسه اطول وبيصمد للنهاية وتحياتي |
ابدا لا ترجعين
اللي حياته بيد اصحابه هذا مو رجال ونصييييييييييييييييييحه لا عاد تكلمين احد خلاص هالضابط هذا خلاص لا عاد يتعامل معك ابد لي عوده |
أخ عبد العزيز ... أنا فيني قليل من التردد بس الأغلب إني ماأبيه ... و شروطي اللي مستحيل هو ينفذها ماراح ينفذها فالحياة معه راح تكون مستحيله .. إلا إذا صارت معجزة ... الحمد لله رب العالمين
hammad78 جزاك الله ألف خير من جد حرب هو اللي جالس يشب نارها كل ما طفت .. ولعلمك قبل 3 شهور كان يقول لي إحنا مو في حرب ... يناقض نفسه دايما يسويها و ينكرها ...وحتى لو هدأت الحرب هل معقولة إن بعد الحرب كل طرف بيبوس راس الثاني وهو شايل بقلبه صعب ... مشكلتي أصدق .... تسلمين حبيبتي على متابعتك ... هذا الكلام اللي أنا أحتاجه لا ترجعين له ودي الكل يقول لي لا ترجعين له ...أبي أحد يسندني بهالكلمه أكثر و أكثر وتأكدي حبيبتي إني ماراح أتواصل مع أي أحد من أصحابه ... و أصلا زي ما قلت لك شريحتي كسرتها لجل لحد يتصل و يلا روحي و يلا تعالي ... اللي يبي شي أبوي موجود.. دعواتكم |
أختي الكريمة المسألة ليست من يسندك في طلب الطلاق أو يشجعك أنت أعلم بحالك وواقعك اللي راح تعيشيه بعد الإنفصال لو حصل يعني لو كانت حياتك راح تكون أفضل بالإنفصال سواءاً لك أو لأطفالك فأنفصلي ، ولكن لازم قبل كذا تقارني حالك قبل وبعد الإنفصال من جميع النواحي ، وقدري الإيجابيات والسلبيات لك ولأطفالك ولأهلك ولمجتمعك من ناحية التعامل والنظرات وكل شئ يعني هل أنت متقبلة بما راح يصير بعد الإنفصال وعلى قدر كبير من التحمل وعدم التذبذب والتردد أو لا ؟ الإنفصال حل ولكن هو آخر الحلول عند إنعدام أي حل للتقارب |
أخي عبد العزيز
سويت هذا كله و جبت الورقة و القلم .... و حطيت لحظاتي الحلوه كلها معه ... و حطيت في الأعتبار كلمة أحبك كم مره قالها لي و متى إن جيت للحق ما في لحظه حلوة كاملة ... لابد من شائبة تشوبها .. حتى لما كان يهديني بعدها بكم يوم يتمنن علي باللي يجيبه .. من جد هذي الأمور تافهة أخي .. أنا أحتجت إن أحد يقول لي كلمة تطلقي و أوعي ترجعي له ألحين .. لأن هذا اللي لازم يصير أنا جالسه أخدع نفسي بنفسي و جالسه أرسم أمل مو موجود .. ومو قادره أصارح حالي و أتقبل الواقع .. بأن أبو عيالي واحد ما يخاف ربه .. قعدت أحط له مبررات لتصرفاته بكل ماأستطيع بالذات قدام أبوي .. شي بداخلي غصب عني هو اللي يسوي كذا أنا نفسي صارت مريضة أنا حياتي معادلة صعبة أنا وهو مستحيل تجي بيننا كلمة تفاهم وعمرها الحياة ما كانت كذا ... أنا كثر ما قبلت بالطلاق كـحل و إختصار للمآسي مو قادره أقبل إني أنهي الموضوع بجاوبك على سوآلك أخي يعني لو كانت حياتك راح تكون أفضل بالإنفصال سواءاً لك أو لأطفالك فأنفصلي ، ولكن لازم قبل كذا تقارني حالك قبل وبعد الإنفصال من جميع النواحي ، وقدري الإيجابيات والسلبيات لك ولأطفالك ولأهلك ولمجتمعك من ناحية التعامل والنظرات وكل شئ يعني هل أنت متقبلة بما راح يصير بعد الإنفصال وعلى قدر كبير من التحمل وعدم التذبذب والتردد أو لا ؟ أكيد حياتي بتكون أفضل أكيد لكن لطفلي الكبير لا لأنه روحه بأبوه و أنا أحاول أحط حل لموضوع أبني ..أما أهلي و ناسي اللي عرف بموضوع طلاقي مالاموني أبدا وهم أبدا ما يعرفو وش اللي صاير بيني و بينه لكن يعرفو عن سوء خلقه مع الصغير و الكبير ... و الإيجابيات ماراح تكون أكثر من السلبيات مطلقة في مجتمع تحكمه عاداته و تقاليده و لكن الإيجابيات راح يكون هذا الحد للعذاب النفسي و الجسدي اللي سببه لي شبيه الرجال .. أنا جدا متقبلة اللي رايح يصير و عندي تحمل إن شاء الله أما ترددي و تذبذبي جايين من تعلقي بأمل مستحيل.... ما قصرت أخي .. |
أستخيري الله و أعزمي على ما قررتي عليه وتحملي و أصبري على ما هو قادم بنفس عزيزة قوية ولاتترددي أو تقفي في وسط الطريق |
انا من المتابعين لقصتك وماحبيت امر عليها مرور الكرام الا بدعوة لك من اختك في الله اسال الله العظيم باسمائه الحسنى وصفاته العلا ان يجبر كسرك وكسر اطفالك وان يقسم لك الخير حيثما كان ويرضيك به وان يبدل حياتك سعادة في الدنيا والاخرة اكثري من الاستغفار واستخيري رب العباد فهو الطف بحالك واعلمي ان ماكتبه الله لك خيرا وعسى ان تكرهو شيئا وهو خير لكم ابتسمي وتفاءلي واعلمي ان الله سيعوضك خيرا
|
اقتباس:
تحطمت يوم قريت ردك ! حسيت انك ضعيفة جدا، وكأنك راااضية بكل اللي سواه فيك! وكأن العيشة عنده أحسن من العيشة في بيت أبوك! باختصار موقفك وكلمتك هذي بيّنت له قد ايش انتي ذليييلة! لا تزعلين مني بس والله انقهرت قهر من موقفك لدرجة اني جلست أقرا اللي صار أكثر من مرة أبغى أستوعب هل اللي فهمته صحيح! صدقيني مافي رجال مهما بلغ سوءه يحب المرأة تكون بهذه الشخصية! كان أجدر انك لما اتصل تبينين انك ما تبينه ومستحيل تقبلين بالرجوع معه وغير راضية عن تصرفاته، بهالطريقة إن كان يحبك ويبغى رجعتك فعلا ومايبغى طلاق عشانك وعشان أولاده راح يعدل نفسه ويحاول فعلا يرضيك، أما إن كان بايع و منتي هامته ولا هامينه عياله فماراح يرجع وطبعا اذا كان كذا ما عليه حسوفة .. |
شكرا أخي عبد العزيز ... لكن أنا أخاف من الإستخارة (حالة نفسية )فكرت كثير بس خوفي يمنعني بخلي ابوي هو اللي يستخير ... شكرا
كرهت الإنتظار .. لكي جزيل الشكر .. دعائك هذا ريحني بقوة .. نجاح ...(فهمتيني صح) كل كلمة قلتيها انا عارفتها عشان كذا انا زعلت من حالي مرره سلبيتي على طوول مخليتني ولا شيء عنده... عشان كذا حبيبتي انا قفلت الجوال ... و لو فكرت اني اكلمه او اني اعطيه فرصه يكلمني لازم اكون عارفه وش بقول مو ألخبط الدنيا و ازعل على حالي ... تحياتي للجميع |
بسم الله واعوذ بالله من الشيطان الرجيم :19: <-- عصبيه
واكثر مايعصبني ويقوم شياطيني الحرمه اللي ترضى بالاهانه لنفسها واهلها!! قريت كل مواضيع قصتج وهذي انا ييت ادورج في قسم المطلقات قلت اكيد لها تكمله وقلت في خاطري عسى القاها تبشر ولقيت اللي نغص بالقلب والنفس والروح :eek: سمحي لي اختي عالاسلوب الجاف بس وربي ماقهرني فالموضوع هذا الا تصرفج! عزيزتي وصلتي للي تريدينه "الطلاق" بعد تعب وحرمان من عيالج وعذاب نفسي وووو،،، ليش ترجعين فيه!! ماكفاج مذله واهانات؟! ماكفى ابوج واخوج وعمج اللي يااهم؟!! ماكفى ولدج الحاله النفسيه اللي يعانيها؟! معتقد تحتاجين تسمعين من حد يقول لا ترجعين.. يمكن تبين تسمعين شي ثاني؟! للحين مااكتفيتي من الاهانات ولا شبعتي من الذل؟! تبين ترجعين لهالشي؟! والا تعودتي عليها وماتقدرين تعشين بدون ذل واهانات!! حبيبتي ماباا اقول اني اسفه عاللي اقوله لج لاني بقوله لاختي اذا انحطت في نفس موقفج ويمكن اكون اقسى اكثر عليها تساهلج مع هاللي مايتسمى يقهر يختي،، شوفي حتى لو صار وربنا راواكم معجزته في طليقج وكتب له الهدايه معتقد ينفع ترجعين له كيف عاد وهو بعده ماتعدل ولا اهتدى!! ارحمي كبر ابوج وشيبته ومرضه ارحمي امج وعيالج يختي ارحمي تعبج وحالج.. انتي ماوصلتي للوضع اللي انتي فيه عشان تضيعينه بهالبساطه!! لاترخصين هلج اكثر دخيلج.. عزي عزوتج وعزي نفسج الله لا يهينج واسفهي هاللي مايتسمى ربي يبعد عنج الشر كله |
السلام عليكم ..
أسأل الله ان يفرج همك و ويكتب لك التوفيق والسداد .. حبيت أذكرت حبيبتي بفضل الإستخارة .. ففى "مسند الإمام أحمد" من حديث سعد بن أبى وقاص عن النبي صلى الله عليه وسلم أنه قال: ( من سعادة ابن آدم استخارة الله ورضاه بما قضى الله ، ومن شقاوة ابن آدم ترك استخارة الله وسخطه بما قضى الله) http://www.islamqa.com/ar/ref/107330 |
حبيبتي اللي ماتعز نفسها بنفسها وبرجالها ما يعزها أحد
وإنتي الحمدلله وراك رجال (أبوك )الله يخليه لك بصراااحة إستغربت من تصرفك كيف إنك قبلتي ترجعين له ولو بالكلام كيف قلتي له أبجهز أغراضي!؟؟؟ يا أختي إنتي تزوجتيه عشان يعزك ويصونك يرفعك مو عشان يذلك ويهينك ولا تسمحين لحد يتدخل في حياتك غير أهلك لأنهم اكيد احرص عليك من أي احد لا صاحب زوجك ولا غيره مصلحتك عندهم فوق كل إعتبار وبالنسبة لولدك بيعينك الله عليه وراح يفهم مع الأيام لما يكبر إنك صبرتي عشانهم كثير وكل شئ له حد حبيبتي أنا ما احرضك على عدم الرجعة كارهة الخير لك لا والله أنا ما أبغاك توصلين ما وصل غيرك من الذل والمهانة مهما كان .. ويشهد علي الله إني أتكلم من باب الأخوة في الله.. الله يكتب لك الخير ويوفقك |
بأكتب على عجلة و من أمس ماقدرت أنام بسبب مشكلتك
انقهرت منك ،، نحن ما نبغى لك إلا كل خير إن شاء الله و ما قلنا لك ( تطلقي ) .. قلنا لك من البداية ، عامليه كأنه ( جدار ) في البيت ، كأنه ( و لاشئ ) .. و السلسلة الطويلة اللي حصلت .. و لا تناقشيه ، طنشيه ، عززي نفسك ووووووووو إلخ المهم ،، ألحين إنت عاندتيه ، و خليتيه مع الأطفال يتبهدل ، و أطفالك تبهدلوا ، في الأخير الأطفال جو عندك ، ثم جلستي تتشرطي عليه ، ثم بهدل في أهلك و سحبهم للشرطة و النتيجة ،، علشان ( خاطر عيون صاحبه ، اللي رمى الشماغ تحت رجول زوجك و قال - تكفي رجعها - ) حسبتي لصاحب زوجك و الله مو من وراهم غير المصايب ( ألف حساااااااااااااااااااااب ) و أبوك المسكين اللي تبهدلت شيبته و راحت هيبته و أخوك و عمك و نفسك و أطفالك وووووو إلخ ما حسبتي لهم أي ( مقدار و لا قيمة ) ؟؟؟؟؟؟؟؟؟؟؟؟؟ جالسة تقولي من أول ( هذه شروطي ) يمشي عليها و لا بكيفه - و مستخدمة أطفالك سلاح للتهديد و يوم إنه رمى شروطك على الجدار و ما هتم فيها ،، و جاء من عند الباب و قال ( انزلي و هذه شروطي ) جريتي و قلتي ( ابشر ) ؟؟؟؟؟؟؟؟؟؟؟؟؟؟؟؟ طييييييييييييب ليه من البداية خرجتي من بيتك ؟ ليه من البداية بهدلتي أطفالك ؟ ليه من البداية رحتي بيت أهلك ؟ و ليه من البداية بهدلتي أبوك المسكين و اترفع ضغطه ؟؟؟؟؟؟؟؟؟؟؟ تعرفي سبب المشاكل مين ؟؟؟؟؟؟؟؟؟؟؟ للأسف ( إنت ) .. هذه آخر جملة ممكن أكتبها .. إنت السبب في بهدلة أهلك و ضياع هيبتهم ،، و السبب في نفسية الأطفال السيئة .. و إنت السبب في كره زوجك لك و عدم احترامه لك .. على كل صغيرة و كبيرة تنكدي عليه ، و إنت عارفة إنه مو معطيك ( قيمة ) ،، و إنت ضيعتيها ،، لإنه اللي تعزز أهلها ،، فهي تعز نفسها و زوجها بيعزها و يعز أهلها .. لو جلستي في بيتك و طنشتيه و همشتيه و اهتميتي في نفسك و أطفالك .. ما كان الأفضل لك و لهم و للكل ؟؟؟؟؟؟؟؟؟؟؟؟ قلت لك الحل ( ابني نفسك ، غيريها ، عززي ثقتك بنفسك ووووووو إلخ ) لكن للأسف ،، تبغي تعيشي مع زوجك على هذا النمط ؟؟؟؟؟؟؟؟؟ _________________ ارحمي أبوك المسكين و أمك ..؟؟؟؟؟؟؟؟؟؟؟؟؟؟؟؟؟ وو ما تركتي أحد ما دخلتيه في مشكلتك ،، و في الأخير تكلمي صاحبه .. تقولي ما أبغى أخوه يتصل لإنه ( ما يصير يكلمني ) ،، و تتصلي على صاحبه علشان يحل المشكلة ؟؟؟؟؟؟؟؟ ( ليييييييييش التناقض ؟؟؟؟؟؟؟؟؟؟ ) أهوه ، حتى هيبة زوجك راحت .. و صرتوا على كل لسان .. هذا آخر شئ راح أقوله و ما راح أضيف شئ بعده بس راجعي نفسك ، راجعي شخصيتك .. اعرفي إيش اللي خلى زوجك يبعد عنك ؟؟؟ زوجك بإختصار ( مو معطيك قيمة ، و لا لأهلك ) .. و لا تستني شئ منه .. إن ما غيرتي الشئ هذا ( بيدك إنت و بديتي من نفسك ) ،، __________________________________________ نحن ما نقول لا ترجعي له ، ما نبغى دمار البيوت ،، بس ليه من البداية عملتي البهدلة هذه كلها و إنت عارفة النتيجة و في الأخير ترجعي بشروطه ؟؟؟؟ إيش الفايدة اللي خرجتي بها ؟؟؟ كنتي تستنيه يترجاك ترجعي له و تتشرطي عليه ؟ قلنا له ( أنسييي ) |
كلامكم كله بالصميم .. وصدقتو .. عارفه إني غلطانه ...
و حتى( لكن ) مقدر أجيب بعدها كلمة طيب روح الطير أنا والله ما كلمت صديقه هذا الا إني أعرف إنه هو من أشخاص معدوده اللي يحط لهم أبو العيال إعتبار .. وكلمته مره وحده ...فقط .. بعدها لما تكلم مع أبو العيال وسوا اللي سواه ... قال له أعطيني رقم زوجتك .... و كلمني و علمني باللي صار ... وكان كلامه بإختصار أنا أبيك ترجعين بيتك هالحين هو بيتصل عليك و يلا قومي شيلي أغراضك و أطلعي معه (صدمة قويه ) وش يقول هذا ؟؟؟ أنا على طول رحت عند أمي و علمتها وقالت لي ايه يلا حبيبتي ... إذا أتصل ردي عليه وقومي .... يمكن كانكلام أمي له دور و في لحظة بغيت بس أرجع و الأمل الحقير لازال موجود ................................. روح الطير كلامك جدا جدا صحيح و هذا أنا قبل كم يوم رحت عند وحده أستاذة سلوك عشان أرتاح قالت لي نفس كلامك ... حسيت إنها باقي شوي وتقوم تضربني .. من كثر ما عصبت علي و حملتني جزء كبير من الغلط اللي في حياتي ... ماأبي أقول لكم راعوني لأني هنا ماأبي مجاملات ... بس أبي أراعي نفسي ... كنت أفتكر حالي بكون قوية ... لو جيت أتكلم بصوت عالي بقول أنا مستحيل أرجع له و بداخي أقول الله يهديه عجلا غير آجل لأني أبي أرجع بيتي ... أبي أرجع بكرامتي ... و أنا اللي سويته جدا غلط ... .................................................. .................................................. ................... وعدت نفسي كم مره إني أصونها و أحافظ على إحساسها لكن ما في فايده ... ................................... ما بقول لكم إني ماراح أفكر فيه غصبا عني .. أفكر فيه وغصبا عني قلبي مقبوض على طوول ... و غصبا عني خايفه من بكره .... أمي و عماتي أخوات أبوي يزنون بشكل مو طبيعي لازم ترجعي له .. ولازم إنتي تتغيري وهو ماراح يتغير ... أنا أجاوبهم لا هو لازم أقلها ينسا إنه بيسافر و ينسا طريق الحرام ... وفي داخي أقول أهم شي يرجع ... .................................................. ........... أنا أقول يارب يصبرني على حالي و تصرفاتي الغبية ... و يارب اللي فيه خير يقدمه لحظات وراجعة لكم |
معليش تتحملوني شوي
و الله مستحية و أنا بقول لكم هالكلام يعني يعني ... هو عادي .. لو عمي كلمه و يبين له بطريقه غير مباشره إن إن أنا جدا متضايقة انه ما همه غير أصحابه و البحرين ؟؟؟؟ وإن أتصاله خلاني أتحطم أكثر ... سامحوني بس هذا حد عقلي وإذا كان ايه أو لا جاوبوني وعادي بتقبل منكم كل شي |
( ماعندي لوحة مفاتيح عربية .. باكتب من الجامعة )
انت تحبي زوجك + زوجك ماراح يتغير يا ترضي تعيشي كذا معاه ( ولاتحكي لابوك عشان الضغط ) وتتركيه براحته لانه ماحيتغير .. بس مو عمك اللي يكمله .. هو اللي يتصل و يتفاهم مع الرجال و باين عليه زوجك انه ( بايع ) او تجلسي عند ابوك تهتمي في نفسك وتغيريها .. و حتى نكون واقعيين اتوقع صعب انك تغيري من نفسك .. و الاعضاء ماراح يقصروا معاك salam |
اقتباس:
روح الطير لا تحطمي مجاديفي... حبيبتي روح الطير ... الحين عمي اللي اشتكا عليه ابو العيال في الشرطه صاير هو الجسر اللي بيني وبينه ._(بعد ما صار بينهم كلام و هواش يقول لي عمي صبرت على زوجك كأنه طفل يحتاج حنان و هديته و قلبت الموضوع معه و بكلمتين حلوين حطيته بمخباتي). يعني هو يتصل الحين دايما على عمي اذا يبي يجي للعيال و يتصل عمي علي خلي العيال جاهزين ... طيب يعني عمي ما يبادر بالإتصال وهو إذا اتصل على عمي ممكن عمي يجيب له الموضوع في داخل موضوع ويفهمه اني أنا ما حبيت كلامه اللي قاله ... كذا صح؟ الرجال بايعني وبايع عياله وكل من يقول له هذا غلط أمه خواته أخوانه بعد و الأهم في حياته إنه يترفه بطريقته لو ينصب يسرق امه عادي عنده ..اهم شي اللي براسه :29: روح الطير الله يوفقك .. ويجعل تحملك على بلاوي زيي في ميزان حسناتك |
:mad:
انتي تعرفين شو تريدين في داخلج لاتقولين امي وعماتي يزنون علي ارجعي له! تبين ترجعين له ارجعي ولا تعذّرين بأحد اللي يرخص بحاله لا يتوقع انه بيلقى من يغليه مابتلقين من طليقج الا مقدار ثمنج لنفسج،،، عالعموم الظاهر نهايه ابوج بتكون على ايدج انتي،، الله بس يسلمه من اللي بييه |
yes no
ويه .... من جد جالسين توبخوني ... بطريقة مرره قاسية جالسه أحاول و أحاول بقدر المستطاع .. إني أصبر وإذا تصرفت غلط فهذا غصبا عني .. طول عمري ما تعرضت لمصايب غير في حياتي الزوجية... أدعو لي خلاص يكفي تقسو علي |
ياعمري عليك الله يصبرك ويفرج همك عاجلا غير اجل صدقيني عزيزتي كثيرا من الناس مايحس بقيمة الاشياء الثمينة الي يملكها او التي تكون محيطة به الا عند فقدها زوجك رح يحس بقيمتك وانه فقد جوهرة ثمينة والايام كفيلة انها تثبت لك هالشي يمكن الحين باقي ماحس بقفدك بس رح يحسه مع الايام صلي واصبري واستغفري واستخيري وثقي ان ماكتبه لك الله فهو خيرا اسال الله انك تفريحنا بهداية زوجك ورجوعه لك عاجلا غير اجل
|
فديتج وربي ماابا اقسى عليج
بس مراات الواحد مايحس الا اذا انقرص وتألم وانتي الظاهر للحين بعدج ماتقبلتي طلاقج ولا تبين تتقبلينه حبيبتي،، بعض الامور حتى بعد ماتتعدل وتنصلح ماترد مثل الاول صعب جدا جدا ترجع مثل اول وخصوصا اذا دخلت فيها الكرامه انتي مع طليقج كرامتج انهانت وياليت بس انتي الا ابوج واخوج وعمامج وعيالج حتى محد سلم منه ولا حتى أمه الناس تبعد عن الشر وانتي تلاحقينه؟! يختي اذا مو عشانج عشان عيالج مو حرام يعيشون في بيئه كلها مشاكل مو حرام امهم تنهان وتنضرب جدامهم مو حرام؟! تبينهم يطلعون نسخه من ابوهم؟ تبين حريمهم يعانن اللي انتي عانيتيه مع ابوهم؟ تبينهم مايحترمونج اذا كبروا وكبرتي؟ ارحمي ضعفهم ارحمي طفولتهم وربي يكفيهم ماياهم ربي ماكتب الطلاق الا لانه الحل الافضل لبعض المشاكل انتوا صعب تعيشون مع بعض،، لازم تتقبلين هالشي اقبلي به وارضي وعزي نفسج واللي يرحم والديج |
مرحبا ..عزيزتي الأرملة السوداء ..الكلام اللي قالوه الأعضاء صحيح 100%..
عزيزتي أنا عارفه انو مش بالسهولة المراه ممكن تهدم بيته..أنت تمنين الاستقرار والسعادة الزوجية وانو أطفالكم يتربون بينكم ..بس هذي الأمنية صعب تتحقق ..لأن انت الوحيده اللي تحلمي فيها ..وأبوهم لا ..أنت تكونين 50% من الحلم والطرف الثاني 0%...وهذي حقيقة لازم تتقبلينها مع الوقت ...وبالفعل اللي ما يصونك ويعرف قيمتك احذفيه من حياتك ..حتى لو كان زوج ..أسمعيها مني ...الانسان لازم يغير نفسه وما يرضخ لكل المشاكل بهالسلبيه ....الحياة ياأما تنعاش بشكل صحيح ..وإلا بلاش منها ...لا تقارني حياتك بأي حياة زوجيه أخرى لأنها مستحيل تشابه ...تحرري من العواطف والامنيات ...وفكري بعقل شوي ....اللي خلق زوجك ..خلق اللي أحسن منه ألف مره...وأن ما كان في نصيب ..عيشي حياتك من داخلك صح ..حاولي ما تحتاجي إلى لرب العالمين ..هو حبيبيك وهو يرعاك ..ويلهمك صبر من عنده ..توكلي على الله ..وفكري صح ...ورتبي أمورك صح ....واللي صار لك كله رحمة لك....بالفعل ما تحتاجين أحد يقولك لا ترجعي له ...انتي تبين احد يقولك انو معاك في قرارك وان قرارك صحيح...الله يهديك لما يحب ويرضى |
أختي الكريمة إصبري وإبدأي بترتيب أوراقك من ناحية نفسك ومن ناحية زوجك و أهلك و أهله أنت الآن في وضع لاتحسدين عليه ، ولكنك راح تخرجي منه بأيسر الحلول إذا عدلتي من حالك صدقيني راح تخرجي من هذه التجربة بفوائد ممكن تظهر لك في قابل الأيام و أولها كيفة التعامل مع المشاكل وفقك الله |
اقتباس:
اسأل الله ان ييسر امرك ويفرج همك ويجبر كسرك ويبدد حزنك ويصلح حالك ويسعدك & |
ضعي كرامتك وسعادتك والبئية التي سوف تتربى فيها ابناءك فوق كل شئ
وانت الآن منفصلة عنه إذا حدث تغير كبير في حياته ووافق على شروطك ارجعي اما غير ذالك صعبة تدوسي على حياتك وتعدين الكرة من جديد ولا تكلمي اصحابه ولا يتدخلون ابدا فهو اساس البلاء اذا كان احد من اهله واعي وحكيم كلميه و توكلي على الله واكثري من الدعاء والاستغفار اعانك الله وفرج كربتك وهمك |
أنا اليوم احسن من كل يوم .... اموري ما فيها اي جديد ... وكثير كلامكم في راسي... احاول اردد و اقول انا قوية ... و احاول مرره اني اكون مبسوطه ...
جزاكم الله ألف خير .... |
وبإذن الله كل يوم بيكون احسن من اليوم اللي قبله
انتي بس قوي نفسج شوي وصدقيني كل شي بيهون اهم شي انج ملكتي نفسج الحين وملكتي عيالج ابدي صلحي اللي انكسر فيج وفيهم والنتائج ان شاء الله بترضيج ربي يكتب لج الخير كله ويبعد عنج الشر كله الله يعزج في دنيا وآخره عزيزتي عالهامش; يقولك لا كبرت همومك تبسم ،،، يجي لها من ربك افراج وحلول :d ابتسمي تراج افتكيتي من اكبر هم في حياتج وربي كل الهموم من بعده تهون |
اختي الارمله السوداء
انا جديده وقريت قصتك من الرابط اختي انا من قرائتي لقصتك زوجك كان بالاول طيب معك وبالاخير تغير زوجك مدمن لان تغيره عجيب او هل فيه امراءه بحياته لاتزعلين مني او انتي تطلبين منه اشياء مايقدر عليها وهل عنده حاله نفسيه اختي الطلاق صعب جدا المراءه ماتقدر على الحياه لحالها بتتغير حياتك 120درجه ماتقدرين تطلعين الا بموافقه الاهل ويمكن تمنعين لان الاهل ينظرون الى المطلقه والارمله نظره تقهر انا مريت بذا التجربه مسجونه في بيتي ماقدر اطلع الا بستئذان انتى فكري وصلى صلاه الاستخاره من استخارالله ماخاب الله ينولك ماتمنيتي |
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©