|
مأكولات أندونسيه من سفرة عزيمتنا بالصور
بسم الله الرحمن الرحيم
ماشاء الله تبارك الله حبيت اعرضلكم سفرتنا يوم الخميس ماكولات اندونسيه من صنع يد ماما الله يعطيها العافيه يارب ولا يحرمنا منها انا سويت الساتى بس :d مع انى اعرف اسوي باقي الاطباق واي وصفه تبغوها راح اكتبلكم طريقتها ومكوناتها نبدا لصورة السفره كامله من تريتيبى :22: دي تانى مره احمل الصور واكتب الموضوع اتحذف كل شي فجاه :29: http://img101.herosh.com/2010/01/15/803757842.jpg دا اهم طبق الارز الابيض http://img103.herosh.com/2010/01/15/193942625.jpg بعد كده نبدا بي اطباق الخضروات واللحوم دا طبق الروبيان http://www14.0zz0.com/2010/01/15/16/961344158.jpg ودا طبق الكفته http://img101.herosh.com/2010/01/15/473260479.jpg الرنقه يمين باللحمه والبطاطس يسار http://www14.0zz0.com/2010/01/15/16/828862530.jpg دا طبق الفاصوليا http://img101.herosh.com/2010/01/15/638097628.jpg دا طبق الباذنجان http://www14.0zz0.com/2010/01/15/16/644462803.jpg دا طبق دجاج بي الصويا صوص يمي http://img101.herosh.com/2010/01/15/472142651.jpg دا الساتى الوحيد الا سويتوا وراح انزل طريقتوا بالخطوات في موضوع خاص http://img101.herosh.com/2010/01/15/235591937.jpg دا طبق الدندن بي اللحمه http://www7.0zz0.com/2010/01/15/16/746921532.jpg دا الكروبوك المقلي http://img103.herosh.com/2010/01/15/968755651.jpg دا البيض بي الصوص http://img103.herosh.com/2010/01/15/347269220.jpg دا السمبل الحار جدااااااا http://img101.herosh.com/2010/01/15/331948567.jpg دا جانب من السفره http://img103.herosh.com/2010/01/15/972775240.jpg في صور كتير بس تعبت وانا احمل :23: نزلت اهم صور والاكلات واي استفسار جاهزة مامدنى اصور الحلى (( تشيز كيك )) <<< الله يستر من الوزن انتظر رايكم |
ياعيوني عليك يامكاويه الله يسعدك بس ليه ماعزمتيني
اقوول والله اموت في الاكل الجاوي ياااارب يارزقك الزوج الصالح عاجلا غير آجلا عرووووووسه لقطه:14: |
بنوته نبغى الوصفات كلها
انا ولاااااااااااا اكله من ذول كلهم اعرفها ! تسلم الايادي وعلكيم بالعافية :) |
اقتباس:
المره الجايه ان شاء الله اعزم كل عضوات المنتدى:d مدام تموتى فيه اتعلمى سوى وجربي سهل وطعم امين ياااارب ويزقك ياعسل ويرزق كل البنات |
اقتباس:
طيب اطلبى مبديئا وصفتين :25: ايش اكتر شي عجبك الله يسلمك يارب |
هههه كلهم والله عجبوني
طيب الدندن هذه ايش بالضبط ؟ ما فهمت وعندك طبق الدجاج بالصويا شكله لذيذ :) |
اقتباس:
الدندن عبارة عن لحمة مسلوقه جملى او بقري بس احنا ماناكل بقري فسوينها بي لحمه جملي بعد مانسلقها نخليها في الثلاجه يوم وبعدين تتقطع شرايح نحيفه جدا وبعدين تنقلي في زيت ساخن وبعد كده نضيف عليها صوص حار بي الطماطم والفلفل طريقتوا نحمر البصل وبعدين نضيف طماطم وصلصله وقيليل ملح ليمون ونضيف فلفل مطحون حار وبعد ماتنضج نخلى جزء سمبل وجزء نخلطو مع اللحمه ودا الدندن دجاج بي الصويا صوص نحمر بصل مطحون في الزيت ونضيف زنجيبل مطحون كمان وبعدين نضيف دجاج مقطع قطع صغيرة وفلفل ابيض ونخليهم لغايه ماينضجوا مع اضافة ماء ولمن تنضج نضيف صويا صوص وتقدم بس انتظر تطبيقك ياعسل |
آكلات غريبة وشكلها حلوه واكيد طعهما جنان وحار
وشكل العزيمة تعبتوا فيها سلمت يد والدتك وحفظها الله وسلمت ايديكم |
من يدين مانعدمها انا اعجبتني الكفته يالييت تقولين لنا طريقتها ومشكوووره حبيبتي
|
ما شاء الله سفرة دائمه حبيبتي
ياليت تقولي لي طريقة الكفته والساتي والبيض الصوص والله الاطباق الاندونيسيه رهيبه بس طبعا من دون فلفلللللللل تحياتي لك وتسلم ايدك وايد مامتك |
اقتباس:
مو كلها حارة في ناس ماياكلو فلفل والا يحبوا فلفل يضيفوا سمبل ماما اكتر شي تعبت الله يعطيها العافيه طريقة الكفته بطاطس مقليه وبعدين تنفرم ونضيف عليها جوزة الطيب - فلفل ابيض- ملح - بصل مكشن قليل - زنجيبل-لحمة مفرومة طبعا مستويه بعد كده نسويها اقراص ونحطها بيض بعدين تنقلي ودى صورة لعيونك قبل مانقيلها http://img101.herosh.com/2010/01/15/115242959.jpg تسلمى على مرورك |
اقتباس:
كتبت الطريقه في الصفحه التانيه تسلمى على مرورك اقتباس:
الله يسلمك يارب مو شرط الفلفل لانوا من الكل ياكلوا بس في الدندن ضروري |
يميييييييي شكلها يموت من الجوع
بس زعلتينا ليه ما كملتي تحميل الصور ؟؟؟؟؟؟؟؟؟؟؟؟ مشكورة يالغلا و الله يعطيك ألف عافية |
ماشااااااااااااااء الله وتباااااااارك الرحمن
سفرة عامرة غاليتي بنت مكة وتسلم الايااااااااااااااااادي كفيتي ووفيتي |
اقتباس:
انا حملت اهم صور صراحه اتحذف الموضوع كامل بلمسة وانقهرت ورجعت حملت الصور تانى ورجعت كتبت دي تقريبا كل الاطباق بس الحلى مالحقت اصوروا تسلمى على مرورك |
على قلبكم بالعافية وين العريس عنك اكيد صابهم العمى هالرجال يسلمو ايدك وايدين ماما وسلامي لها
|
ماشاء الله ايش هالزين
أطباق جديدة , الكفتة نعملها نفس الطريقة بس شكلها صاير كبير 8_8 مم بما ني عندي فاصوليا و باذنجان كثيير حبيت اسألك عن طريقة طبخهم و تسلم الايادي اللي طبخت و بالعافية عليكم سفرة عامرة دووم |
تسلم يدك يابنت مكة اطباق احلى من بعضها ياريت تكتبى طريقة الروبيان
|
ما شاء الله
سفره عامره والله يعطيك ويعطي الوالدة الصحة والعافية |
ليا عودة للرد عليكم وكتابة الوصفات بس الاب تو ب مو راضي يشتغل داخلة من الجوال صعب اكتب
انتظروني |
اقتباس:
كل تاخيره وفيها خيره ان شاء الله يمكن بي يجهز نفسوا :d كل شي نصيب من الله اقتباس:
طبعا نبدا بس البصل المطحون مع الزيت على النار نضيف زنجيبل وثوم قليل وبعدين صلصله وحليب جوز الهند بعد مانذوبوا ونضيف ملعقه من البهارات الخاصه وبعدين نضيف الفاصوليا نخليها لغاية ماتتنضج الباذنجان طبعا يتقطع وبعدين يتقلي ونحطوا في صينيه وبعد كده نعمل الصوص( بصل مع زيت وبعدين نضيف طماطم وقليل ملح ليمون وصلصه وملح ونخليهم يغلوا وبعد كده نضيفهم على الباذنجان وسلامتك انتظر تطبيقك اقتباس:
|
اقتباس:
تسلم يد ماما :d طبعا الروبيان قبل ماينطبخ لازم يتنقع في مويه دافيئه وبعدين نحضر البصل ونعمل كيشنة وبعدين نحط صلصله وطماطم وحليب جوز الهند وطبعا البهارات الاندونسيه وفلفل حار مطحون لو تبغى مفلفل وقطع صغيرة جدا فلفل رومى ومويه وملح يغلو وبعدين نضيف الروبيان لغايه ماينضج اذا عملتى اعطينى رايك صراحه مره طعموا كان طعم:22: تسلمى على مرورك |
ماشاءالله بنت مكه توي اشوف
ابداااااع بالعاافيه عليكم ابغى وصفة الدجااج بصوياااا الله يسعدك بنت مكه سؤال خاارجي:) فيك عرق اندنوسي؟:) |
اقتباس:
|
ماشاء الله تبارك الرحمن شيء يفتح النفس<<<<<من مدمنيّ الأكل الجاوي
تسلم ايدين كل اللي طبخوا وتسلم ايدين أمك الغالية بس لاتصعبي موضوع البهارات على البنات وتقولي من اندونيسيا ....موجود هنا وينباع في البقالات الإندونوسية بس ملاحظة انكم ماقليتوا البيض قبل ماتحطوه في الصوص لأنه بعد القلي يصير مثل المطاعم بالزبط عندي سؤال : ماتعرفي طريقة الفاصوليا بالــ تاهو والتينبي...والا تنفع أسويها بنفس طريقة الربيان؟ وتسلم ايدينك ألف مرة بروح أشوف الساتي لأن نفسي أسويه. |
اقتباس:
المواضيع اللي فيها مجهود وتحميل وغيره أنصحك تكتبيها في ملف وورد قبل ماتنقليها للمنتدى علشان لاقدر الله لو صار شيء مثل ماصار معك تكون موجودة وتعبك ماراح |
اقتباس:
|
اقتباس:
ان شاء الله تسلمى على النصيحه من جد انقهرت كان باقيلي صورتين مدرى كيف كل شي اضلل واتمسح :29: |
بسرعة اعطيني طريقة البطاطس وطريقة الرنجة قبل ماتنامي.
وألف ألف شكر أما بالنسبة للدايت ...بعدين بعدين نفكر في الموضوع:30: بعد ماأسوي الأكل الجاوي. |
اقتباس:
اووووووك ليلى طويل ماانام بدرى:d كم تدفعى ههههههههههه البطاطس اول شي تتققطع مربعات وبعدين تنقلى وبعدين نبدا في الخلطه بصل مطحون مو مقطع وثوم وزنجيبل يتكشن وبعدين نضيف طماطم ومعجون طماطم عشان اللون ونحط شويه كركم ونضيف حليب جوز الهند بعد مانحلو بي شويه مويه وطبعا البهار الاندوسي المشكل وملح واول مايغلى نضيف البطاطس ونخلي النار هاديه لغايه ماتستوى وانتبهى لاتفتحى القدر وتقلبي حاتتكسر المكعبات:29: دوقي قطعه افضل واهم شي لاتخلي مرقه فيها انتبهى << جالسه اخوفك الرنقه ياعسل طبعا دي لحمة مقطعه مكعبات برضوا جملى او بتلو احنا عملنا بي جملى طبعا ممكن تجلس على النار ساعتين لغتيه ماتطفشي يعنى اول طبخه ابدى بيها :25: ولازم تكون النار هاديه عشان ماتنحرق اللحمه الضانى لاتفكرى فيها ماتنفع ابدا ولا راح تظبط نجي للطريقه نفس طريقة البطاطس اووك بس بدون كركم وفي خضرة اسمها سرتى محلات الجاوة وجوزة الطيب قلبل وبعدها ضيفى اللحمة وانتظرى تستوى طبعا كل ماتنتهى المويه ضيفي يارب تطلع الاكلات كويسه اصحي بدرى وابداى يادوب من 10 صباحا عشان تنتهي بدرى باذن الله اي سئوال انا حاضرة وانتظر صور الاكلات |
تسلم يدك يا بنت مكة انت وماما على الاطباق المميزة ..
سفرة راائعة ومرتبة .. بالعافية عليكم وعلى ضيوفكم .. |
سفره عامرة بإذن الله
ماشاء الله بس اكلها اشياء جديد بس بالتأكيد لذيذه |
تهى تهى
اموت بالاكل الاندونيسي الكربك عشق ابدي الرندن ايدام بطاطس ودجاج ونارجيل فيه الكفته الساتي السنبل من غير اكل اندونيسي اكله زي الشطه وبكل شئادخله |
ياليت تنضاف الوصفات تحت كل صوره اسهل واحسن
دحين الاندونسين كلهم نحاف واحنا نخاف ناكل نسمن تهى |
اقتباس:
تسلمى على مرورك اقتباس:
تسلمى على مرورك اقتباس:
الله يحفظك تسلمى على مرورك اقتباس:
ههههههه خلاص قد نزلت الصور ونزلت كل الوصفات انتى اذا تقدرى عيدي ترتيب الموضوع ولكى الف شكر انا مااكل اكل جاوى الا في البيت حق السوق مهما كان مو طعم تسلمى على مرورك |
بي انتظار تطبيق وسفره ام جمانه طمنيني شو صار معك
|
يعطيك العافية
|
اقتباس:
خليني أرتاح وانزل بعدها الصور بإذن الله بس بصراحة طلع الأكل لذييييييذذذذذ تسلم ايدينك ويعطيك ربي أنت والماما العافية ويااااارب تفرح بك مامتك ونفرح بزواجك قررررررريب بزوج صالح يجعلك تاج رأسه. |
اقتباس:
الله يعافيكى يارب اقتباس:
بالعافيه عليكم بس انتبهي حاينطلب منك دايما زينا:22: امين يارب ويفرح بي ببناتك انتظر صورك |
عــــــــــوافي ..
دوبي أنتبه للموضوع .. لا و فيه طريقة الدندن يا عيني يا عيني .. إن شاء الله اضبطوا .. تسلم الايادي و بالهنا و العافية .. |
| الساعة الآن 01:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©