|
كيف أفاتح أمي بموضوع الخطبة ؟
السلام عليكم ورحمة الله وبركاته
انا شاب عمري 21 ولله الحمد الوالد يعتمد علي بكل شيئ يعني مدبر اموري وامور بيتنا انا اكبر اخواني القضيه ومافيها اني اميل لبنت خالتي اذكرها يومها صغيره تقريبا في المتوسط اموره واخلاق وراعية دين ابوها ملتزم امها(خالتي) مربيتها على الاخلاق الحسنه يعني البنت منوة اللي بيعرس عمرها حول عمري (اصغر مني بقليل) انا كل ماحاولت اكلم امي عنها اني ابيها اتردد مره من المرات قلت لأمي ألمح لها انه ودي اعرس قلت لها فلانه بنت خالتي قالت ونعم الاختيار بس انت توك صغير ولا عندك وظيفه يعني حطمتني وانا ولله الحمد من الشباب اللي مايقعد طول عمره يبيع ويشتري وصراحة في نفسي لو اخطبها وبعد سنتين اتملك عليها وهذا اللي ودي افاتح امي فيه ولكن متردد فأرجو من اهل الخبره انكم تفيدوني |
ناطر تتطير من يدك
ووقتها تندم قوم فاتح امك بالموضوع وابحث عن عمل في هذا الوقت هكذا امور ما بدها حياء انت اخبر الوالده وتفاهم معها من غير احباط وهي تمهد لخالتك وتدوس النبض ومن بعدها يصير كلام رجال وكل هذا ياخذ وقت وتكون انت بهذا الوقت تكون اشتغلت |
عادي جدا روح فاتح امك واذا قالت وظيفه
قولها بس ابي احجزها لاتطير مني وبعدها ابحث عن عمل واذا توفقت ملك عليها الله يتمم لك على خير وييسر امورك |
اقتباس:
والله اني اقعد ايااااام وليالي افكر فيها |
اقتباس:
لو بأقول لها بتقول لي يبيلك اقل شي ثلاث سنوات عشان تهيئ عمرك ولا ودنا نعطل البنت على شانك لو ان الله كاتبها لك فهي بتصير من نصيبك |
السلاااااااااام عليكم ورحمة الله وبركاته
ما شاء الله ما شاء الله الف مبروك مقدما انت يبي لك "جرعة" افلام هندية شف .. انا يوم نويت قعدت "ازن واون" فوق راس امي :) فديت راسها انا وفعلا خطبت ياحبيبي يقول القائل : [[[اذا ما الشعب اراد يوماً ×÷+- فلابد ان تنكسر القيود]]] يعني سوي مثل هذا الماثل امامك وشرواك >> الي هو انا يعني .. واذا الوالده الله يطول بعمرها ويحفظها شافتك ملزم وعازم فبإذن الله انها بتوافق (طبعا لاتنساني فالعزيمة) . الف مبروك مرة ثانية بالتوفيق |
حاول ياخي الكريم أنك تكثر أستغفار ودعاء أنها تكون من نصيبك ..
ولاتصرف المحاوله مع الوالده بل بين لها أنك تريد أن تتزوج مبكراً لكي تحفظ نفسك من الفتن وتريد الاستقرار ونبئه الوالده على بركه الزواج المبكر واذكر لها أمثله لو على نسج الخيال لكي تقتنع .. وفقك الله لما يحبه الله ويرضاه |
ولكن هل لديك وظيفة؟؟؟
وكيف ستصرف عليها كما قالت أمك فلو أقنعت الوالدة بهذا فستقوم بخطبتها لك فالخلاصة اعمل على إلغاء الأعذار لتتمكن من الوصول إلى مبتغاك |
والله ياجماعة الخير
انا اللي مقيدني الوظيفه لو عندي دخل ثابت مثل الوظيفه ان كان مارددت امي ماعندها اي مشكله انها تتقدم لي بس تقول وش يصرف عليك وعليها مادام ماعندك دخل ثابت الوظيفه قريبه ان شاء الله بس وش يقنعها انها تتقدم لي بخطبه والملكه بعد سنتين لأنه ان الله احيانا بيكون بعد سنتين جمعت لي مبلغ ممتاز ودبرت عمري القضيه ابي اعرف كيق اقنعها انها تخطب خطبه لمدة سنتين (وهل في عرف المجتمع انه في خطبة توصل إلى سنتين؟؟) |
اقتباس:
الف مبروك مقدما >>>> مصمم على العزيمة :) ولا يبي يقهرك اذا انك تبي الزبدة دايركت اقراء الي تحت الخط ، واذا تحب البربسة وتضيع الوقت ارجع اقرا الموضوع من اوله ياعزيزي مشكلتك بسيطة ان شاء الله وهي من الاساس ليست مشكلة . طبعا موضوع الخطبة الطويل "سنتين" انا لا ارى اي مشكلة فيه ، وبخصوص المجتمع اعتقد انه اصبح من الشائع عندنا خطبة سنة وسنتين . دام الشرع ما يمانع ولا انت مسوي شي عيب ولا حرام خلاص ما عليك من احد . بخصوص الوظيفة اتمنى لك التوفيق والسداد ياغالي . بخصوص الوالده الله يسلمها فهي مقتنعة وبكل تاكيد ان شاء الله ، بس تبيك اولا تكون جاهز ولو مبدئيا ، يعني لما تتقدم للبنت حتى لو كنت دوبك متوظف ولا عندك ولا ريال ، بس اهم شي انه فيه وظيفة يعني فيه مصدر دخل ثابت يعني فيه بصيص امل . بصراحة انا وضعي كان زي وضعك والوالدة فعلا ما خطبت لي الا بعد ما توظفت والحمد لله . عشان نكون عادلين لو جاء لاحد اخواتك واحد يخطبها ونقول مثلا ولد عمك او خالك بس هو غير موظف يعني حالك حالوووو ، وش موقفك ؟؟ ================================================== ==== خلاصة الموضوع لا ارى اي تعارض بين رغبتك وبين طلب والدتك حفظها الله ، لذا انصحك بحل وسط وهو ان تطلب من والدتك على الاقل ان تلفت انتباه خالتك لهذا الموضوع بحيث يكون لدى خالتك علم برغبتك هذي وايضا بحيث انه تشاور البنت وتاخذ رايها طبعا بالتلميح وليس التصريح مدام انك لم تطلبها رسمي . وفقك الله |
كلام امك صحيح مأئة بالمأئة
انت لن تقبل أن يتزوج أحد اختك لو كان في وضعك فكيف تقبله على الفتاة؟؟ |
وفقك الله دائما و ابدا من وجهة نظري ان تخطبها خطبة " كلامية " حتى ما تضيع منك دام انك شاريها و بالنسبة للوظيفة الوالدة صادقة لابد يكون للإنسان عمل ثابت لان الدنيا تتبدل احوالها بكرة بيجونك عيال بإذن الله و متطلباتكم بتزيد هذا اللي عندي و ان شاء الله تتيسر اموركم |
أخي الافاضل:
بسرررعة عاااجلة قل لأمك الله يحفظها خلينا نحجز بنت الخالة لا تطير منا, بعدين تري ماراااح نلقى مثلها.. وان شاء الله الزواج ما راح يكون لين تتيسر الأمور... |
اخى الكريم
توكل على الله والح الطلب من امك بالموافقة على زواجك من بنت خالتك لان اجمل شى فى الحياة ان تحب وتتزوج من تحب حاول قدر المستطاع ان تتزوجها وبالنسبة للوظيفة ربك كريم راح يفتحها فى وجهك وراح يرزقك من حيث لاتحتسب مادام نيتك صافية ونيتك ان تتزوج وتستر على نفسك فلا يوجد خجل او عيب ان تطلب زواج بنت خالتك اخى توكل على الله وان شاء الله ربنا يجعل لك مخرجا |
فرحتوني والله في ردودوكم
وان شاء الله اني في الرد القادم اكون مبشركم بالخطبه والوظيفه بس دعواتكم لي واللي عنده نصايح لايبخل تكفون |
شوف اخوي انا اقول لك
انا لما خطبني ولد عمي كلم عمي ابوي وهو ماكان متوظف بس قال احنا نبيها لولدنا وهو يبيها كمان بس ننتظر الوظيفه ونخطب رسمي وبعد ماتوظف جاء عمي وكلم ابو واخذ الموافقه بس الي الحين ماملكنا يعني خلي امك تكلم خالتك وبعد ماتتوظف تخطبها رسمي وتملكون والله يوفقك ان شاءالله ويجعلها من نصيبك~ |
الله يوفقك
|
تزوج أختي ماعنده وظيفه يبع ويشري والحمد الله
|
انا من رأي انك تخبر امك بالموضوع وتفاتحها وبالنسبه للخطبه اذا
تطول ايه عادي مااشوف فيها مشكله ,, انا خطيبي عمره 21 بيدخل 22 خطبني بس خطبه يعني حتى ملكه ماملكنا والعرس بعد سنه ونص الى مايدبر اموره ,, يعني روح اخطبها واستخير ماتدري وش ربي يكتب لك وان شاء الله تتوظف وتبدا حياتك .. ربي يوفقك |
سلام يااخي مبروووووووووك مسبقا الف مبروك عادي يعني انا كمان صرلي سنتين مخطوبة لصغر سني دا مش دافع لرفض اقنع امك قبل ما تفلت منك الله يسعدك
|
بين الأقارب أرى أن هذا الوضع منتشر وشائع
بتكلم عن أخوي عمره نفس عمرك وخاطبن له بنت خالي وهو باقي يدرس في الجامعه وهي في الثانوي والزواج لا يمكن يكون قبل 3 سنوات على أقل تقدير لأن لو ما خطبناها أكيد بتطير الطيور بأرزاقها أخوي الثاني كان حاط عينه على وحده من قرايبنا لكن رفض نخطبها له قبل مايتخرج ويتوظف و انخطبت البنت وتعقد الولد جلس يضرب أخماس في أسداس أنا انخطبت وعمري15 وماتزوجت إلا وعمري20 عادي مع أن زوجي مايقرب لي لكن من الجماعة فالموضوع بعتمد على تقبلكم لمثل هذه الخطبة موفق |
ياأخي لاتردد ترا الامهات الله يحفظهن ويخليهن دايم يلينن على طول بس استعجل بخطبتك حسافه تخاف ان البنت تروح وانت عيونك طايرة:11:
|
| الساعة الآن 02:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©