|
زوجي لا يريد رجوعي إلى شقتنا !!((مستجدات الرد 95))
السلام عليكم اعزائي ,,
ااااممم آنا مو متعودة اكتب بهذا المنتدى , مع إني متزوجة !! دائما ً افضل كتمان مشاكلي في قلبي , وأن احلها بنفسي :25: جئت هنا اخبركم في شيء محيريني ,, فهي ليست مشكلة , ولكن شيء اقلقني بصراحة !! آنا هنا في بيت اهلي من أجل الراحة بعد ما فقدت جنيني وتدهور حالتي النفسية والصحية مدة غيابي عن عشي الزوجي شهر تقريبا ً كان اسبوع في المستشفى واسبوعين آخرين في بيت اهلي واسبوع آخر قبل ان افقد جنيني كنت متعبة وجئت لراحة .... الي محيرني ,, إن زوجي لا يبدي مدى اشتياقه لي إلا عندما اسأله !! اقوله ما وحشتك ؟؟؟ ماتحس بغيابي في الشقة؟ ما يبين مكاني فاضي؟ يقول:: اي ويقول إنه يشتاقني !! لكن ما يقول الشيء منه ومن نفسه ابدا ً :( بصراحة يقهر :29: يعني مو شوووي المدة الي غبتها عن البيت !! خصوصا ً إن قبل لا يصير هذا كله هو كان رايح للعمرة وقبل ما يروح العمرة آنا كنت مسافرة عنه يعني الفترة الاخيرة كنا كله بعيد عن بعض ... والادهى من هذا كللله .... الحين من مساعة كنت طالعة وياه وفي نزلتي من السيارة قلت له آنا يوم الاثنين ان شاء الله برد لشقة ... الا تتوقعون اشقال لي !! يقول لا قعدي في بيتكم اريّح لج آنا بصراحة انصدمت !! وصابني احباط اقول له ليييش؟ يقول لي ارتاحي احسن لج لأن امج تقول يبي لج راحة 40 يوم قلت له خلاص لمتى بظل مرتاحة برد لشقتي وزوجي وبالشقة بريّح روحي مابسوي شيء يتعبني بس هو اصر على رأية وقال لالا قعدي في بيت اهلج احسن هناك يتحملون فيج ومنها تقضين وقت مع اختج وامج وما نظلين بروحج بالشقة (لأن دوامه طويل جداً + يدرس بالجامعة يعني ما يرجع البيت الا فوق التاسعة مساءاً ) بصراحة عصبني بس ما بينت له ,, قلت ولو مو مبرر حتى ما تبيني اقعد بروحي ولو تبي راحتي معقولة ما تشتاق لي ولا تبنيي ارد البيت ؟؟؟ لهدرجة وجودي والعدم واحد ولا فارقه عندك (كان كلامنا هادئ جدا ً وبدون اي عصبية) تدرون اشقال !!! هذا شكله يبي يجلطني !!! / آنا ما اقعد بالشقة ابدا ً اطلع من الصباح وما ارجع من الجامعة الا الليل على طول اجي لج بيت اهلج والشقة ما اجوفها الا وقت النوم !! (كان يقدر يجاملني ويقول اي غير هالكلام =( ) حدي فيني صيحة !!! مو قادرة استوعب !! اقوله اشفيك !!! حتى لو ما تقعد بالشقة معقولة هذا رأيك؟؟ يعني وجودي والعدم واحد ؟؟ مو حلو ترجع البيت مرتب معطر , ثيابك مغسولة ومكوية ... تدري شنو تلبس شنو تآكل .. في بني آدم يودعك عالباب ويستقبلك في رجعتك ... ما وحشك منظر الشقة وهي مرتبة ؟؟؟ (لأني رحت للشقة وانصدمت من منظرها المأساوي من العفسة والكركبة) قال لي اكيد ,, كل واحد بالعالم يتمنى يقعد من النوم ما يحاتي شنو يلبس وشنو يآكل ,, وكل الناس تحب احد يهتم فيها ويداريها ... لكن آنا راحتج عندي اهم من كل شيء بالعالم اهم من راحتي !!! ابيج ترتاحين في بيت اهلج بعد شوي وآنا لا تحاتيني بدبر روحي مو مهم ارد البيت الاقي عشاء ولا مهم نظافة الشقة وترتيبها ,, اهم شيء انتي تكونين بخير مع إن كلامه فيه شيء حلوو ,, بس بصراحة مصدووومة !!!!! ما كنت متوقعته ما يبني ارد البيت ؟؟ معقووولة هذا مبرر يخليه يقول لي لا تردين الشقة الحين ولازم ترتاحين؟؟ وهل كلامه صحيح إن بعد لازمني راحة أكثر؟؟ تتوقعون اسمع كلامه واظل قاعدة ؟؟؟ ولمتى يعني؟؟ ياربي مقهوووورة عليه !!! نزلت من السيارة قلت له اوكي شكرا ً عالطلعة ماتقصر ... واي وقت تبيني ارجع الشقة عطني خبر قال لي :: اوكي !! تصبحين على خير !! شفتوا احد مشاعره من صخر مثله ؟؟؟؟ معقولة ؟! اصلا ً قمت اشك في نفسي انتوا اشرايكم بهذا كله ؟؟؟ وشنو تفسرون كلامه ؟ ليكون بس كلامه عادي وبليس قاص علي؟؟؟:(:( |
ألحين إنت ويش جايبك هنا في قسم المتزوجين
تاركه قسم الأطباق الرئيسية لمبن ..؟؟ ..أمزح .. الموضوع بسيط وتعاملي مع زوجك على حسن نيه لأنه كلامه وفعله مبين فيه الصدق والعفوية وهو ربما لايفكر بطريقتك من ناحية إظهار الإشتياق أسعدكم الله تعالى |
أختي انتي أدرى الناس بزوجك .. ما بعرف شو قلك .. ما منقدر نحكم عليه و لو قرينا كل هالكلام ما بكفي لنحكم عليه لكن أنا بقلك .. بلكي متضايق و مزعوج من موضوع فقدان الجنين و انعكس هالشي عليه و خلاه يحس انو مزعوج منك ! يعني حس انو انتي السبب (مع انه كلو بإرادة رب العالمين ) بس في ناس هيك بتتصرف مو بإيدها غصب عنها ! |
من رأيي تعملليله مفاجأة يرجع من الشغل يلقاك في البيت وكل شي تمام
يمكن يبيك ترجعي بدون ما يحس انه هو اللي يقول يبيك انتي تحسي من نفسك ان غيبتك طولت وترجعي من نفسك والعفسة اللي بالشقة اكبر دليل على احتياجك بس خايف يظلمك لو قالك ارجعي وانتي لسة فيك تعب يبيها تطلع منك ولاحظي قال امك تقول للاربعين ............ما قال انا اقول اقعدي لل40 احسة متضايق من غيبتك بس يبيها تطلع منك انتي سوي اللي قولتلك عليه يعني يرجع يلقى الشقة تمام والاكل طبعا ما تتوصي عليه مبدعة ماشاء الله ولو بعد كل هذا ما حسيتي بترحيب ولا اشتياق من طرفه تعالي وكلنا اذان صاغية والله يوفقك |
حبيبتي من جد ايش جابك هنا انتي دايما هناك في الاطباق والاكل الزيز :) انا اشوف انو اللي قال طبيعي لان هذا تفكير اغلب الرجال فهمت من كلامك انه يدرس بالجامعه والحين تقريبا ايام الاختبارات الفاينل وشكله مركز فيها مرة وما يبغى ينشغل فيكي بدليل كلامه انه يروح ويرجع البيت ووقت النوم هذا معاناته انه بيذاكر ويدرس ويجي بيت اهلك يشوفك ويرجع البيت ينام فكري ياقلبي لو رجعتي هو راح ينشغل بيكي ويبغى يركز على الدراسه ماعرف ياقلبي اتمنى يكون كلامي صح وما تزعلي فعلا انتي طالعه من فتره صعبه و هو ما يبغاكي ترجعي وهو مشغول راح تقولي وقتها انا ايش اللي خلاني ارجع مدامه مشغول وليش ما قال انو مشغول وخلاني ارجع على الفاضي اتمنى لك السعاده يارب وسامحيني طولت |
هو خاااااااااااايف عليكي يا جمييييل
وأكييييييييد مشتاااااااااااق ليكي بس هو عرف النفاس اربعين يوم ففاكر انك لما تنظفى الشقة قبل الاربعين هتتعبي زيادة هو عايز راحتك تاخدى عافيتك كاملة في بيت الماما انا شايفة استردى عافيتك وعشان ضغطك ما يعلاش يا بنتى روووقي على الاخر واعملى نيولوك جديد وارجعى البيت وانتى بأبهة زينة وبعشا رومانسي ربنا يسعدكم بس انتى في حالة حساسية في اليومان بسبب الاجهاض حبيتي هدى نفسك وروقي اكيد هو كمان تعبان بس مش عايز يتعبك اكتر من انتي اللى فيه |
اقتباس:
الله يقومني بالسلامة إن شاء الله وارجع للقسم والطبخ مرة ثانية بروح أحلى :22: بصراحة آنا مو شاكة بكلامه ولا حتى 1% آنا متأكدة من صدق مشاعره , ولكن مادري اشفيني قمت اشك وبليس مو راضي يتركني بحالي مقدره خوفه علي ,, ويبي راحتي بس كلامه قهرررني .... حسسني آنا ولا شيء عنده ! ليش الرجال قلوبهم قاسية جذي =( شكرا ً عالمرور .. اقتباس:
لالا ابدا ً , الحمد لله الحمد لله .. آنا زوجي مؤمن ومستحيل يفكر بهذا التفكير .... بالعكس استقبل الخبر بكلمة الحمد لله وإنا لله وإنا اليه راجعون ,, ووقف بجانبي في ظرفي الصعب ومدني بالقوة لا انكر هذا ولكن الا ترين غرابه في كلامه ورفضه لعودتي للشقة؟؟ كل الشكر لك اختي العزيزة اقتباس:
آنا فكرت اعمل له هذه المفاجأة ... آخذ امي واختي للشقة ليساعدوني على ترتيب الشقة لأني لن استطيع تنظيفها لوحدي .... ولكني تراجعت عن الفكرة لأني كنت افكر في مفاجئته ... وكنت افكر في عودتي للشقة ... وافكر في عودتي له ... وافكر إنه سيفرح برجوعي ... لكن كلامه منذ قليل خلاني اتراجع عن كل شيء وكل مخططاتي ... مابي افاجئه ولا ابي اسوي له شيء =( خللللللله ينام بروحه :29: كل الشكر لك اختي |
مرحبا
حبيبتي دامه يطلع من الجامعه ويجي عندك تطمني .. بس يمكن شايل هم الشقه المكركبه ومايبي يتعبك من ناحيه التنظيف .. عندي لك نصيحه : روحي في يوم يكون هو بالعمل ونظفي الشقه ورتبيها وبخريها وارجعي بيت أهلك وصدقيني اذا شافها مرتبه ونظيفه راح يرجعك فوراً لان خلاص اللي شايل همه انتهى.. الله يعوضك حبيبتي |
لا لا منت عاجبني خرعتيني عليك لما شفتك كاتبه العنوان
حبيبتي الموضوع ان شاء الله بسيط اولا انتي ما خلصت ايام نفاسك وهو معه حق وما يبغاك تتعبي في الشقه وبما انه هالفترة مشغول فتفكيره سليم اش الفايده بتقعدي لحالك طول اليوم وانتي ما استرجعتي عافيتك .انا معك انك مشتاقه لبيتك ولزوجك بس افضل ترجعي وانتي في احسن حال جسديا ونفسيا علشان لا تفوتي عليك حلاوة الرجعه وصدقيني ما يقصد انه مو مشتاقلك يمكن مشاغله وامتحاناته بالجامعه مخليته طفشان ومتلخبط الله يسعدك يارب تقبلي مروري يا عسل |
اقتباس:
اهلا عزيزتي , ما شاء الله للحين تتذكروني :17: بصراحة فرحتوني !! :23: بصراحة نعم امتحاناته قريبة جدا ً ... وهو اصلا ً كل ليلة يطلع من الجامعة ويجيني بيت اهلي مباشرة ! وحتى يطلعني اغيّـر جو ... ويونسني ... شنو فرقت الحين لو كنت معاه بالبيت :( بالعكس بوفر عليه مشاوير الجيه بيت اهلي آنا بيني وبينك مستصعبة رجعتي للبيت وللوحدة مرة أخرى... خائفة جدا ً إني ارجع وافكر بالماضي لما اظل بالشقة طول اليوم بروحي ويفضى الجو علي للوسواس والتفكير ... ولكن مع هذا كنت فرحانة إني برد شقتي ... ونستقر مرة اخرى ... لكنه صدمني بكلامه :29: والله تذكرت ايام الخطوبة :d شكرا ً لك عزيزتي عالمرور ... وعسى الفرح والسعادة تمطر عالجميع اقتباس:
نعم , اقدر خوفه علي ... وخصوصا ً إنه متعقد من سالفة المرض من مرض (امه) لأن امه طول عمرها مريضة ... فكنت لو اقول له راسي يوجعني يموت خوف علي ويبي يوديني المستشفى الآن هو خايف وقلق على سالفة ارتفاع الضغط عندي ... ولكن هذا مو مبرر يقول لي لا ترجعين الشقة :29: عالاقل يجاملني بكم كلمة حلوة :29: كنت ناويه بكرة اروح للصالون ... بس شكلي بأجل هذا الشيء ! لحد ما اقرر وقت رجعتي للشقة ... اشكر لك مرورك غاليتي |
كلمتين ورد غطاهم
هو مصدوم مثلك ومشاعره مكبوتة مثلك لكن ازمة وتعدي على خير باذن الله ؛ |
منت عاجبني ايش مالك
ماهو يجيك كل يوم يسهر عندك ويرجع البيت بس يدور الفرشه ويطلعك ياحبيبتي هو خايف عليك يبغاك تشدي حالك ونفسيتك تسير احسن مايبيك تجلسي تحاتي بروحك اكيد مشتقلك ومايعرف يعبر ولو هالكلام غلط كان ما داوم ببيت اهلك دوام ثاني شوفي ماتستنيه يقولك ارجعي روحي وسوي البيت وسويله مفاجاه ماتعلميه انك رجعتي فكره شريره فكي عن نفسك وابعدي عنك الوساويس الله يوفقكم يارب تحياتي |
اقتباس:
مرااحب عزيزتي .. آنا اول ما شفت الشقة وعفستها والكركبة الي فيها (تصوري منظر شقة مو منظفة لأكثر من شهر) بصراحة عصبت عليه ... شلون يخلي الشقة جذي حتى ملابسه عالارض !! وهو وعدني قال ماعليج انتي , المهم إنج ما بترجعين الشقة مرة ثانية الا كل شيء مثل ما خليتيه نظيف ومرتب ... آنا ما افتكرت بكلامه وضليت معصبة عليه واعاتبه , إذا لهدرجة مشغول يخلي الشغالة تركب الشقة وتنظفها ... بس هو هدأني وقال خلاص صدقيني بترجعين المكان انظف من قبل ... انتي لفتي انتباهي لشيء مهم !! معقولة كلامي اثر فيه ؟ معقولة يبي يسوي لي مفاجأة :25: لأني طلبت منه يعدل بعض الاشياء بالشقة ويصلح بعض الاشياء!! ان شاء الله هذا الي خلاه يمنعني من العودة للشقة !! بكون اكيييد فرحانة !! :25: شكرا ً لك حبوووبة عالمرور ... والله يعطيك العافية اقتباس:
اسم الله عليك ... آسفه لأني خرعتك :dhttp://www.66n.com/forums/images/icons/tongue3.gif حتى هو يقول شنو الفايدة من قعدتج بالبيت بروحج ! انتي بالحالتين ما تشوفيني الا بالليل !! وهذا الي قاهرني :(:( اكييييد في فايدة ,, عالاقل بهتم فيه وبراعيه وبسوي كل اشغاله وبحس روحي متزوجة عالاقل في شقتي وعند زوجي :25: والله يكسر خاطري آنا معودته اطبخ له الغداء من الليل عشان يحمله معاه الشغل يتغدى فيه الحين افكر فيه شنو يآكل ... هو ما يهمه الاكل يقول مو لازم تطبخي لي ... ولكن آنا ما اخليه محتاج شيء دامني اقدر اخدمه اخدمه بعيوني .. حتى ملابسه آنا الي اكويهم بيدي واطلعهم له جدام عينه وحتى وانتي بكرامه اجهز له الجواريب والفوطة اذا بيتحمم .. يعني المفروض فقد هذي الاشياء !!!! والحين يرفض رجعتي للبيت ويرفض خدمتي ... ويرفض اهتم فيه صج شيء غريب :( الي اعرفه الرجال دلاليع ومثل الاطفال يبون كل شيء جاهز مجهز آآنا للحين افكر بكلامه , وودي اذبحه من القهر :25: ولازم بكرة بفتح الموضوع مرة ثانية اذا اتصل فيني من الدوام :30: وبجووف شنو يقول بعد ... كل الشكر لك اختي العزيزة ... |
ربما تعاملتِ معه بمثل موقفه معكِ الان .. يوما من الأيام ..
|
كلام زوجك مافي اي زعل وانا اشوف انة يموت فيكي عشان كذا قال هالكلام
كلامة صحيح 100% مع طول فترة الي كانت بينكم هو مشتاق لك مررررررررة بس هو عارف انك في فترة نفاس وان لا يجب ان تحدث اشياء موقتا لانك فالفترة فلو رجعتي الشقة لحدث ما يحدث بين اي زوجين من الاشتياق ثانيا هو لا يريدك ان تتعبي ابدااااااااااااااااااا وهو في فترة اختبارات وباله مشغول ومهو فاضي اختي لا تزعلي منة بالعكس زوجك احسة طيب مرة افرحي وابتهجي وعاملية معاملة طيب وانتي نفسك دكرتي الاسباب وخوفة من مرض امة ليش الزعل يا حلوة الله يهينكم مع بعض ويعوظك |
اقتباس:
كلامج عور قلبي ... خلاني اوقف stop شوي ... ودمعتي الحين تبي تطيح !! آنا لمن اكلمه عن مشاعري , وابيّـن له حزني وشوقي للبيبي الي راح منا ... يستغرب مني يقول مداج تحسي باحساس الامومة وتفقدي جنين يادوب مكمل شهرين كان يبسط الامر لي بشكل كبير جدا ً ,,, صج شفت نظرة الحزن بعيونه ... بس قوتة الي شفته فيها بهالظروف الصعبة , خلتني اقتنع إنه صج عن جد قوي ونسى سالفة البيبي الحين بس مر علي ذكريات اول ما سمع بخبر حملي شوي ويخبر المستشفى كلها : زوجتي حامل ! وشلون كان ودة اكون طول اليوم بالفراش عشان ما يصير لبيبي شيء حتى كاسة الماي يجيبها لي والي عمره ما مسك شيء بالبيت , قام يغسل ويكوي وينظف عني اكيد كان يحبه مثلي مو ؟؟ اكيد زعلان لأنه راح منا انزين بعد مو مبرر ما يبيني ارجع البيت ؟؟ خليتيني اصيح والبابا معاي , خايفة يشوفني ويخاف علي ام داليا , كل الشكر لك عالمرور اقتباس:
حبيبتي والله ,, ما فيني شيء .. بس شلت بخاطري شوي عليه مو متعودة على هالشيء =( آنا زعلانة ... تعبانة , ويمكن الي صار لي خلاني اتحسس من كل شيء كلامج عن جد ريحني ... واكيد كل شيء قلتيه متأكدة من صحته بس مادري اشفيني .... فقدت ولدي حبيبي وخفت افقد غالي ثاني !! إن شاء الله اصير احسن , واقوى ... وارد له احسن من قبل بعد شكرا ً لك اختي العزيزة |
السلام عليكم
كيفك عزيزتي انتي جاوبتي على تساؤلك بنفسك (( سبب رفض زوجك عودتك للبيت))) وهو : آنا بيني وبينك مستصعبة رجعتي للبيت وللوحدة مرة أخرى... خائفة جدا ً إني ارجع وافكر بالماضي لما اظل بالشقة طول اليوم بروحي ويفضى الجو علي للوسواس والتفكير ... وهذا عن تجربة لان انا بسبب غربتي وعدم وجود زوجي معي في كل الاوقات بسبب طبيعة شغلة كنت دائمة التفكير بالاجهاض وهذا كان ينعكس على حياتنا ويسبب مشاكل بيني وبين زوجي انتظري انتهاء امتحاناته وردي البيت بعدين عشان يقدر يتواجد معك الله يسعدكم بحياتكم ويعوضكم خير عن قريب |
منت عاجبني ممكن هو بيعمل لك مفاجأة ورجوعك المفاجئ خرب ترتيباته
|
اقتباس:
فكرت شووي .. وبعدها تعمقت بالتفكير ... لقيتني ما سويتها ابدا ً ... آنا ما اقدر ابتعد عنه والله العظيم حتى وآنا زعلانة منه ومهاوشته بعد اتصل فيه اقول تعال لي !!! ماقط حسيت زوجي عنده روح الانتقام ابدا ً :( اشكرك عالمرور اقتباس:
اتمنى يكون مشتاق !! بس الي صار , إن امس خذاني معاه الشقة ! و.... اشكرك عزيزتي على كلامك الطيب .. وإن شاء الله بعامله بالطيب مثل ما يعاملني , بس لو ما كلامه الي حيّرني:( |
اقتباس:
وعليكم السلام عزيزتي ... الحمد لله بخير إن شاء الله ... صحيح كلامك اختي ,, ولكن آنا افكر بظل لمتى قاعدة ببيت اهلي وتاركه زوجي عزابي آنا اعتقد لو يمر علي سنة وسنتين ما بقدر انسى جنيني ...وما راح يلهيني عنه اي شيء ! يمكن تحسبوني ابالغ ,, بس هذي مشاعري واحاسيسي ... شسوي ! وآنا زوجي ما يفضى , على طول مشغول ... طول السنة (ماعدا الويك اند)!!! إلا اذا اخذ اجازة طبيعة عمله دوامين من الصباح ولحد المساء , ودوام الجامعة يجعله يتأخر اكثر ... الله يعين ! اشكرك عالمرور حبووبة اقتباس:
|
زوجك خايف عليكي يااااااااااااااااااحلوة
يخاف يبين شوقة تحسي بالذنب وترجعي وتتعبي من الشغل وبعدين الاعمال المنزلية متعبة ارتااااحي انا زوجي اذاولدت عند اهلي مايبيني ارجع على طوووووول طفلي الأول خلاني شهرين والثاني قعدت اترجااااااااه وارجعت بعد 40 يوم اما الثالث قعدت على قلللللللللللللبه فالبيت ههههههههههههه |
حبيبتي فهمت من ردودك ان نفسيتك تعباااااااااانه عشان كذا انتي صايرة حساسة
الله يعوضكم بالذرية الصالحة وتترسون هالشقة عياااااااااال وبنااااااااااااااااات |
اتوقع كل السالفه انه مشغووول ولو جيتي للبيت انت بحاجه انه يكون جنبك فعشان كذا مأجل رجعتك حتى يفضى لك..
بالعكس احس تفكيرره سليم...بالتوفيق... |
بالعكس تفكيره سليم لأنك لو رجعتي صدقيني انتي نفسك راح تندمين لو قعدتي لوحدك!!
خليها لبعد الأربعين وعجبتني فكرة حرم المعلم |
[rainbow]يابنتي سيبك منه
عاوزة رأيي روحي بيتك انتي لو والده ولادة وفي طفل ورعاية وسهر وبتاع كنت قولتلك كفاية برده وروّحي البيت ماتعودهوش على بُعدك على الاقل طول الليل نايمين جمب بعض ونَفَسِك معاه وده مكانك الطبيعي .. وخليه حتى يتعامل مع تقلباتك النفسية والعاطفية والعكس من ناحيته .. ده يكون سبب تقارب وعمق في العلاقة وتفاهم.. وسواء في بيتك ولا بيت اهلك هتفضلي فاكرة! ارجعي البيت ولو في فعلا مفاجأه سهل يتصرف ويتحجج و يوديكي بيت اهلك يوم ويجهز البيت وخلاص انما مش محتاج اسابيع يعني عشان يعمل مفاجاه وربنا يصبرك ويصبر قلبك وتحملي تاني .. على فكرة في ستات اعرفها حملوا على طول بعد الاجهاض .. ماجتلهمش دورة حتى فروحي وشوفي حالك يا بنتي ربنا يحفظك[/rainbow] |
إحساسي يقول:
إنه خايف عليك وماوده يخليك لوحدك بعد الظرف اللي مريتي فيه خاصةً وهو مرررره مشغول : ) روقي ياعســـل..وبطلي تفكير |
هلا حبيبتي الحمدلله على سلامتك
و الله يعوضك خير إن شاء الله شوفي حبيبتي كلام زوجك واضح إنه خايف عليك لكن إنا مستغربة ليه إنتي ضاله هالمده هذي كلها أنا سقطت مرتين المرة الأولى ظليت بيت أهلي خمس أيام بس و المرة الثانية ما رضيت أظل هناك بقيت في شقتي و لا حتى أحد خدمني و الله لحالي قمت بنفسي و بعد ولدت مرتين المرة الأولى ظليت 20 يوم و المرة الثانية 15 يوم طبعا أمي ظلت تحاول فيني و أهلي كلهم بعد ظلوا يقولون ظلي لبعد الأربعين بس أنا ما رضيت أخلي زوجك مثل الضايع و لوحدة في الشقة هو يمكن كلام أمك خلاه يخاف عليك و يظن إنه فيه ضرر عليك لو رجعتي قبل الأربعين بس شوفي لإنتي جهزي أغراضك و رسلي له الصباح مبكر إنك راح تنتظرينه يجيك لأنك خلاص راح تمشين و ترجعين له و لعشكم الجميل و هو أكيد راح يجيك و حتى لو ما رضى ضلي تلحين عليه بالرجعه بأسلوب إنك مشتاقه له و ما تقدرن تبتعدين أكثر من كذا و إذا كان هو طول اليوم مشغول أوكي تقدرين تروحين بيت أهلك تقضين هنك وقت و ترجعين وقت رجعته أهم شيء مثل ما قالت أختي حلوايه تكونين جنبه وقت النوم و الله النفس مهما كان تأنس بوجود أحد جنبها.. الله يخليكم لبعض و يرزقكم بالذرية الصالحة |
فديت قلبك
لا تأجلين ولا تشيلين مشاريع من راسك روحي الصالون وتعدلي لزوجك .. وروحي البيت وخذي معك الشغالة ونظفي ورتبي وبخري بيتك وانتظريه وسوي له انتي المفاجأة واقعدي في بيتك احسن لك واريح لك اذا زهقتي تروحين لبيت امك تقضين اليوم عندها لكن في النهاية تنامين في بيتك مع زوجك احسن لك وله معليش اعذريه خايف عليكي وشايل همك انا زوجي بالاجازات لانه مشغول يصر اني اسافر لأي مكان بالدنيا المهم ما اجلس لحالي بالشقة كنت اظن قلة ثقة بي بصراحة لكن بين لي انه يشيل همي ازهق وهو مشغول :) طولي بالك حبيبة قلبي وربي يعوضك باذن الله وافرح فيك وبكل الراغبات ان شاء الله |
اقتباس:
بوو شهرين عاد http://www.66n.com/forums/images/icons/icon59.gif آنا طبيعتي آحب بيتي , واستصعب انام برى البيت حتى لو كان بيت اهلي !! بصراحة للحين نفسيتي تعبانة , وجرحي النفسي ما التأم .. الله كريم الله يصبرني ! شكرا ً حبووبة اقتباس:
هو قال لي خلال كلامنا , آنا بالشغل مرتاح بالي , وما صرت احاتيج مثل اول لأنج في بيت اهلج عالاقل قاعدة مع احد لكن بالشقة طول الوقت بروحج بين اربع جدران خايف تجيج حالة نفسيه :d:d بس مو معناها ما يبيني ارجع , والله عاد يقهرر ! :( اقتباس:
آآنا آدري هني برتاح اكثر , جسديا ً ونفسيا ً بس معور قلبي مخليته بروحه .. هذي السالفة كلها الي متعود عالدلع صعب بعدين يسوي كل شيء لحاله ! بس هو لا يقول عادي ... !! ما اعتقد اظل لبعد الاربعين واااايد http://www.66n.com/forums/images/icons/icon53.gif بنطر لنهاية الاسبوع ببدأ في تجهيز نفسي ... وتغيير اللوك ... وبعدها الشقة كل الشكر لك |
اقتباس:
حبيبتي والله ,, حبيت كلامج .. بس عميتي عيني من لون الخط جذي بتخليني ارجع اروح ايران واسوي الليزك مرة ثانية:d وهذا آآنا الي كنت افكر فيه ... كلامك في محله ... ولكن نفسيتي هنا طبعا ً افضل في بيت اهلي لأن ما اصير بروحي دائما ً مشغولة ولا في وقت افكر في اي شيء ... ولكن جلوسي وحيدة في شقتي ... بتترك مجال لأفكار كثيرة وتهدور حالتي النفسية مرة أخرى عالعموم الحمد لله على كل شيء ... وآنا افضل ارتاح شوي وبعدين احمل مرة ثانية عشان لا يصير لي مضاعفات او تعب بالحمل .. بروحي تعقدت من الي صار لي http://www.66n.com/forums/images/icons/icon9.gifhttp://www.66n.com/forums/images/icons/icon9.gif شكرا ً لك عزيزتي ... اقتباس:
إن شاء الله حبيبتي http://www.66n.com/forums/images/icons/tongue3.gif شكرا ً لمرورك ... وكلامك الجميل http://www.66n.com/forums/images/icons/icon7.gif |
اقتباس:
الله يسلمك حبيبتي ويسمع منك ... مادري والله .. ما حسيت المدة هالقد طويلة بس آنا اشتقت لبيتي اشتقت لحياتي المستقرة ابي احس نفسي صرت احسن .. ومثل أول , اسباب وايد خلتني للحين قاعدة في بيتنا ... الماما والبابا ماتوا خوف علي لأني بنتهم الكبيرة ومامروا بهالموقف من قبل ابدا ً وحبوا اكون عندهم وجدام عينهم خايفين علي من ذرة الغبار بعد ما شافوني منهارة ولأني تعبت جداً جسمي هزل ... ونفسيتي تحطمت كثيرا ً كنت حامل بحمل عزيز بعد تأخر في الحمل .. وفقدته بسرعة كبيرة ,, هذا الي خلاني انهار ! والسبب الرئيسي الي يخليني قاعدة اهو سالفة الضغط المرتفع عندي .. اي وقت احس ضغطي مرتفع البابا فاضي ويوديني المستشفى , لكن هناك بروحي ومو شرط اقدر اروح المستشفى بروحي ! والله يبعد الشر آنا من النوع الي وايد افكر واوسوس واخاف ويلعب فيني بليس ... وكل شوي افكر واتخيل إن ضغطي بيرتفع وبصير لي شيء خطير وبموت لأن في وحدة في منطقتنا صار لها جذي !! وآنا كنت بحاجة لرعاية مكثفة أكثر , لأني رجعت من المشتسفى والبيبي للحين ما نزل كامل , نزل جزء منه بالمستشفى والباقي بالبيت وتعبت ولو ما الماما الله يطول عمرها تسوي لي الاشياء الي تقويني , الله يعلم بحالي بس الحين يوم حسيت روحي احسن ... قلت برجع لبيتي ... كل الشكر لك اختي العزيزة اقتباس:
خلاص حبيبتي ولا يهمك .. بعد الغداء بسرق مفتاح البابا وبطير على اقرب صالون :25: لأن اصلا آنا نفسيتي محتاجة التغيير والتعديل عشان اصير فرش وعروسة نيوو :22: مااعتقد إني بقدر اجي لبيتنا يوميا ً ,, لأن سيارتي مو عندي حاليا http://www.66n.com/forums/images/icons/mama2.gif إلا اذا اضطريت اوصل زوجي للشغل وآخذ السيارة ! او اتصل في البابا يجيبني آنا ببدأ في نفسي الحين ... وبهتم بروحي مثل اول ... عشان تنتعش نفسيتي وبعدين بفكر بسالفة الشقة ... وترتيبها شووكرن كتيير كبيةر عالمرور http://www.66n.com/forums/images/icons/tongue3.gif |
عزيزتي واختي منت عاجبني
تفكير زوجج مثل زوجي يقول لو ولدتي تقعدين في بيت اهلج 40 يوم عشان يهتمون فيج ويديرون بالهم عليج وعشانه مثل زوجك مشغول طول اليوم واذا يقول جذي تحز بنفسي اقول له تبي الفكه مني واقعد افكر ليش بخليني هناك يعني معقوله ما يشتاق لي يعني ويعني وابليسو النحيس يقعد يوسوس لي لكني ارجع افكر عند اهلج يهتمون فيج ويحاسبونج لحالتج الصحيه والنفيسه وخصوصا لو قعدتي بروحج بتقعدين تفكرين وتتعبين اذا تحسين روحج نفسيا قادره على انج تروحين وترجعين الى حياتج الطبيعيه من غير ما تتعبين لو قعدتي بروحج روحي بيفرح من كل قلبه لو شاف اميره مملكته موجوده وتداريه هو ما يبي يبين لج شوقه عشان ما تتعبين زياده انه بروحه وانه مشاعره جذي وجذي يعني بتفكيرين في النونو الله يعوضج خير ان شاءالله اضافه الى كلامه انه مشتاق ويعني قعدي بينج وبين نفسج شوفي هل خلاص عندج قوه كافيه وانج قادره ترجعين مثل ما كنتي فراشته الي يحبها ول بترجعين كئيبه وبيأثر على علاقتكم واذا لقيتي الجواب طبقيه هو قال كل الكلام نابع عن حب وخوف وحرص خصوصا بعد ما ذكرتي حاله امه المرضيه الله يخليكم لبعض ويجي البيبي الامور المنتظر في القريب العاجل تحياتي |
اقتباس:
انا نفس حالتك الحمدلله الله عوضني خير بنوران بس للان ما بنسى وبالاخص التوأم لاني ارتبطت فيهم لاني كنت اشعر بحركتهم وشفتهم وقت الولادة وفي واحد منهم مسكت ايده لحد الان يمكن ما حد يصدق اوقات تدمع عيوني عليهم واتمنى لو كانوا موجودين . واكيد حبيبتي هذا السبب اللي زوجك مخليكي في بيت اهلك عشانه لان انا جربت مع زوجي كان يوريني انه مو مهتم لاجهاضي وانه عادي بس لما كنت اشوفه يلاعب الاطفال ما كنت اصدق بس طلع كل تصرفه عشاني لاني انا كتير حساسه وكان عبحاول يخفف عني ان شاء الله الله بعوضكم خير عن قريب . |
احيانا احنا نتوقع ردات افعال من الرجال ونلاقي اشي تاني
مو لانو مابحبك قال هيك وانت ادرى بزوجك لو واثقة انو مو راعي خرابيط وانسان محترم اعتقد هوة كمان مدايق ومخربط حاسس انك حترجعي مدايقة وهوة كمان زعلان حاسس انو بدوش يواجه الامر الواقع وفعلا كمان بدو راحتك صدقيني يعني من حبك ممكن يكون ضحا براحته و رغبته عشان انت ترتاحي في بيت اهلك خديها بحسن نية مرات الرجال بخبصو شوي بالحكي عندما كان زوجي بيشتغل كنت يوم الخميس اقلو فلانة عايزاني اطلع معها يقلي اطلعي حبيبتي ازعل اقلو ليش مفروض مايعجبك عشان اضل جمبك وقت الاجازة يقول اه بس انا بحبك وبنبسط لما حتكوني طالعة تنبسطي واحيانا اتاخر عند جارتي ومايتصل واطلع اقلو ليش مااتصلت ماوحشتك بقلي وحشتيني حبيبتي بس انت قاعدة مبسوطة ليش ازعجك واجيبك وانت لسة مابدك تيجي يعني احسن من وحدة ازا اجت عندي جوزها يهلكها ليش رايحة وتاركاني مسدقتي يعني يكون بدو اياها تلزق فيه لزق الزوج المراعي المتفهم مو معناه مابحب زوجته بالعكس من حبو الها براعيها اكتر واكتر |
اقتباس:
مع إني حاسة نفسيتي مو متهيئة لرجوع وللحين ما ااقدر انسى الي صار بس قررت ارجع البيت ... بس ما حددت متى , اكيد مو بكرة لازمني اخطط لمفاجأة ما !! شكرا ً لك عزيزتي ,, والله يسمع منك ويعطي كل محروم يارب ياكريم اقتباس:
اي والله محد بحس فينا الي جرب غير عن الي سمع ! , اتهموني بالمبالغة في شعوري , جرحني هالكلام !! بس دعيت بقلبي الله لا يوريهم الي شفته , مابيهم يحسون بإحساسي بصراحة , بيني وبينك .. آنا خائفة جدا ً إذا الله كتب لي حمل جديد ان شاء الله قريبا ً آنا خوافة ومسوسة جدا ً ... بظل طول التسع شهوري على احر من جمر بظل متوترة وخايفة على الي ببطني من التجربة الي صارت كل ما اتذكر الحمل ,, اموت رعب من تكرار التجربة ! شكرا ً لمرورك اقتباس:
سبحان الله !! وكأنك تتكلمي عن زوجي , دائما ً هذا الاسلوب فيه يحرق دمي اذا طلعت مع صديقاتي مهما طولت ما يتصل فيني الا نادرا ً اذا استأذنه المبيت في بيت اهلي او اي مكان يوافق على طول اذا اطلب منه السفر مع الاهل يوافق مباشرة اذا اطلب منه الخروج مع اي حد يقول روحي ليش لا اقوله ليش؟؟؟ ماتبي تقعد وياي؟ ما اوحشك ما تشتاق لي يقول لي : آنا ابيج تستانسين كفاية طول اليوم محبوسة بالشقة ! يمكن عشان جذي ما يبيني ارد الشقة , ولكن بسوي حيلة وبرجع له وبفاجئة قبل ما يفاجئني :25: كل الشكر لك عزيزتي |
رحت اليوم للصالون ,,
طول العصرية هناك .. تعدلت وسويت مساج وبودي كير وبعض التنظيفات ... طول العصر قضيته في تدليع نفسي ! الحمد لله أثر على نفسيتي شوي رجعت البيت مرتاحة نفسيا ً ومبوسطة من الانتعاش الي حاسة فيه , هذي اول خطوة عملتها .... وباقي الخطوة الثانية جاري التفكير في طريقة العودة للشقة ! |
اقتباس:
كل واحد يشيل ع الثاني .. ويردهآ بآقرب وقت .. الله يعافيك ولايبلانا |
^ اي والله استغربت من ردهـ !
معقولة زوج ينتقم من زوجة على سالفة جذي !http://www.66n.com/forums/images/icons/rolleyes.gif المهم ,, اليوم اتصل فيني من الدوام سولفنا شووي.. وجات سالفة رجوعي للبيت مع إني متفقه مع نفسي ما اتكلم بالموضوع لأن ابي اخطط لمفاجأة بس استغربت من ردة فعلة لازال مصر على رأيه يبيني اظل في بيت اهلي يا ناس يا عالم ابي اعرف شسالفته هذا يبي يجنني !!! سألتني إذا اهلي ضايقوني بشيء, قلت له لا شايليني على راسهم وحتى كاس الماي ما اغسله يغسلونه عني !! وآنا غصب اقنعت امي وابوي ارجع البيت والحين انت الي مو راضي ارجع !!! اكيد ما تحبني ! يقول إنه يحبني !!! ولأنه يحبني يبيني اقعد !http://www.66n.com/forums/images/icons/icon59.gif يقول لي لازم ترتاحين في بيت اهلج لحد ما يجي موعد المستشفى ونتطمن عليج كل شي اوكي اقوله خلاص برجع البيت بدون ما ااسوي شيء وبكون مرتاحة قال لالالالا اخاف تنظفين وتشيلين وتحطين بعدين يصير لج شيء !! ونرجع من اول وجديد مادري شنو قصده نرجع من اول وجديد ..!!! بس الي عرفته إن مايبي يصير لي شيء عشان لا نكون اصدقاء المستشفى ! آنا موعدي بعد اسبوعين ! يعني معقولة بعد يبيني اقعد اسبوعين زيادة !!! كللله من اهله وخالاته وامه عقدووه قالوا له تحمل فيها ترى الي صار لها اصعب من الولادة ! http://www.66n.com/forums/images/icons/eek.gifhttp://www.66n.com/forums/images/icons/eek.gif وامي بعد ما قصرت كل شوي تحمل فيها ولا تعصبها لا يرتفع ضغطها ويصير لها شيء ليش يخوفونه بروحه اهو خوواااف ... وكان مرعوب يصير لي شيء ! وعاد هو بصراحة مصخها في خوفه علي , الحمد لله آنا احسن صرت زينة انزين آنا وعدته ما بسوي شيء وبريّح نفسي وآنا صج ابي ارجع شقتي http://www.66n.com/forums/images/icons/icon9.gif اصلا ً من الحين قامو يتكلمون علي يقولون لي طولت في بيت اهلي! هو يقول ماعليج من كلام احد , اهم شيء انتي واثقة إني احبج وانتي قاعدة في اهلج لأن احبج ! اصلا ما يستاهل افكر اسوي له مفاجأة ,, ومابي اسوي شيء وخلاص ما بفكر http://www.66n.com/forums/images/icons/cry3.gif شلاخ شلاخ ما يحبني http://www.66n.com/forums/images/icons/icon8.gifhttp://www.66n.com/forums/images/icons/icon8.gifhttp://www.66n.com/forums/images/icons/icon8.gif لو آنا احب احد ما بخليه بعيد عني http://www.66n.com/forums/images/icons/icon9.gif آنا عصبت صحت قلت له انت مو حليو ! وما احبك ! واذا ما تبيني آنا بعد مابيك ! ومع السلامة !! ضحك على هبالتي كالعادة ! وقال اشوفج الليلة بحفظ الله ,, وسكر ! |
ههههههههههههه موتيني من الضحك
احلى شي انت مو حليو اقول تسنعي عدل حق مشوار الليلة وبلاش دلع |
ههههههههه
الله يهديك .. ما شايف للقلق لزوم خلك عادية وردي بيتك لو حابه في أي وقت مش لازم كل مرة تعيدي السالفه معه .. برد وما برد |
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©