|
رأيكم في اجهزه النوكيا والبلاك بيري؟
السلام عليكم ورحمة الله وبركاته في زحمة الاختبارات وضغط المذاكرة قلت بأوسع صدري شوي، وقمة متعتي إذا أهديت الي أحبهم هدية وفرحت قلوبهم فيها :22: فقررت إني أهدي وحدة عزيزة على قلبي جوال .. ولأني منشكحة ومبسوطة بسبب درجاتي الحلوة في الاختبارات الي راحت قررت إني أهدي نفسي أيضا بلاك بيري :d والسبب الحقيقي لهذا وذاك إني (كاثرتن دراهمي ولا أدري وش أسوي فيها) << حرمة ماعلي شرهة :d المهم قلت أشاور أعضاء المنتدى العزيز .. بخصوص الجوال الي بأهديه أبي مواصفاته كالآتي: أحمر أو عنابي + بدون كميرا + سعره إلى 800 + نوكيا لااازم وبخصوص البي بي حقي :25:: كبير الي يسمونه بولد + فيه عربي وكيبورد عربي + كشششششخة ومميز + الميزانية مفتوحة << أستاهل :22: والصراحة إني عليمية في البلاك بيري وماأعرف منه إلا اسمه بس ميخالف أتعلم بعدين ،، لذا اقترحوا علي بالإضافة للمواصفات السابقة أفضل شي باعتبار إنكم تعرفون مسبقاً تعاملي مع الالكترونيات :d بانتظاركم .. |
عليك بالعافية :)
انا شخصيا ما حبيته .. بس اتمنى يفيدونك الاعضاء بس حبيت ابارك لك بالنجاح |
جوالي بلاك بيري لكن قديم شوي حجمه كبير E61i
وإذا تبين نصيحتي معظم الخدمات الإضافيه اللي يقدمها تنفع لرجال الأعمال وهو أصلا مصمم لهم أماالعامه فبيكون إستخدامه محصور على الشات وفي تبادل رسائل البريدالإلكنروني عن طريق ماسنجر البلاك بيري بالإضافة إن استخدامه معقد والحسابه تحسب وتطلعلك الفاتورة شيء وشويات هذاما أحببت إفادتك به قبل شرائه مبروووووووووووك التفوق ياجنة موفقة |
انا ماحبيت البلاك بيري ياجنه وكثير اشتروه شهرين وباعوه مو عملي
|
اقتباس:
أوافق هذا الرأي بعض الشركات تصرف لمدراءها ومدراء الأقسام هالجهاز .... حتى يسهل عملية التواصل بينهم وبما أن التواصل داخل الشركة بالبريد الألكتروني ... فهو مفيد وعملي لهم وخاصة خارج المكتب فلا أظن انه مناسب للأفراد ...:27: عزوبي:22: بس:d رجل:30: |
الف مبررررروك النجاح
بالنسبه للبلاك ماعندي خلفيه ابداا |
ما قد سمعت احد يمدح البي بي ابدا
ومبارك النجاح عزيزتي |
جنة تعرفين ما ابي اصدمك !!!!!
شريتة من اسبووعين <<<< كنت طاايرة فية يعني من كثر ما اسمع مدح وانا مع الخيل يااشقرااء هو اجمالا حلوو بس المشكلة مو الكل عندة بلاك بيري يعني يوم شريتة <<<< مالقيت احد اسولف معة وغالباا البنات على المسن او تلفوون <<<< يعني شريتة وابتلشت فية بس ما رااح ابيعة لأني عندي قنااعة انة بيجي وقتة !!!!! لا وازيدك من الشعر بيت ما عرفت استخدمة صح :d كل شووي تلاقيني طاابة بقوقل وابحث عنة اذا نفسك فية اشترية عن نفسك بس :22: اما عن هديتك جهااز نوكيااا من دون كاميرااا <<<< ما اعرف بصرااحة بس حبيت افيدك عن البلاك بيري ربي يوفقك ان شاء الله |
اقتباس:
زوجي اشتراه وجلس معاه 6 شهور وبعدها بااعو مو حلو بنووووووووووووووووب:) مبروك النجاااح ياحلوه:d |
يووه كنت ناوية اشتري لي بلاك بيري بس من الردود غيّـرت رأيي ! http://www.66n.com/forums/images/icons/damp.gif آنا بالزووور قدرت اقنع روحي ابدل تلفوني http://www.66n.com/forums/images/icons/tongue3.gif الحين وين القى مو بايل يعجبني :29: |
اقتباس:
منت عاجبني عادي حبيبتي اشتريه وا ستخدميه مثل أي جوال موشرط تستخدمين البلاك بيري له سنه معاي مريح في الإستخدام وخدمة البلاك بيري ما أستخدمه إلا نادر وكل ما أروح مكان يسألوني عنه شكله مميز كبير الناس متعوده على الأجهزة الصغيرة وطالعه منه أشكال أحلى من جهازي صح كبيره بس رزه :) موفقة |
مرحبا استغرب كلامكم عن البلاك بيري انا اشتريته من اول ما نزل واستخدامه عادي جدا مافيه اي شي زايد ومرة مبسوطه فيه مااعرف يمكن عشان كل اللي احبهم عندهم بي بي اما بالنسبه للجهاز نفسه فاحب اقولك انه نازله الحين اجهزة جديده شكله زي N76 واشكال ثانيه بالتوفيق للجميع |
عندي بكرة اختبار ومرررة مضغوووطة : (
أشكر كل الي عطوني من وقتهم وردو ،، لي رجعة للردود بس حبيت أنبه إني مابعد خلصت امتحانات بس مستعجلة على المكافأة :d والشي الثاني لاتقنعوني ماأشتري بلاك بيري أمي حاولت فيني لييييت ملت وأنا وجهة نظري تقول إنه صح كثير ماأعجبهم بس برضة فيه كثير أعجبهم واستغنو حتى عن اللاب توب وهذا طموحي إني أفتك من هالجهاز المدرعة ! وحتى لو افترضت إنه ماراح يعجبني يكفيني متعة التجربة الجديدة :d ياكثر قرقري بس في الاختبارات تجيني متلازمة البربرة :d دعواتكم .. ولي رجعة إن شاء الله .. |
البلاك بيري ميزته ان اللي تبين تتتواصلين معهم يكون معهم بلاك بيري . واتصالك الدائم بالبريد الالكتروني .
اما عن استخدامه فـ هو بسيط جداا ,, مع الايام تتعودين عليه ,, مافيه فكره جديده . واذا شريتيه الكل هنا اللي عنده بيسااعدك وانا اوولهم يالغاليه . اما عن النوكيا .فيه واحد سعره اقل من الالف ,, ويكون معه غطائين سماوي وزهري بس ما اعرف اسمه ,, ربي يووفقك .. |
اختي جنه ...........
مبارك النجاح .... وان شاء الله الدرجاااات العلى في الجنه .... اما بالنسبه للجوال (n97) كتير كويس وكتير انا مرتاح معه .... والله يوفقك |
بصراحه انصحك بالبلاك بيري انا شريته من شهريين ومره فرحانه فيه
وحده عجيييب |
بكر الشايب
الله يعافيك حبيبتي : ) أطياف أنا أبي خدماته العامة الي قلتِ عنها .. يعني بشترية لسعة الصدر والوناسة :d والفاتورة ناوية أحط لها شريحة مسبقة الدفع أحسن وأوفر .. فيافي وأنا بعد بشتريه جاز لي الحمدلله ماجاز لي بعته :d عزوبي أنا أبي أستغني فيه عن اللاب توب ، صح فه أشياء كثيرة فيه ماراح أستفيد منها لكن في المقابل فيه وناسة وسعة صدر .. بنت مكة الله يبارك بعمرك عزيزتي .. مشكلتي أصدق كثيييير مدحوه لي .. والي مامدحوه يمكن ماعرفوا له والي مايعرف الصقر حامض عنه يقول :d daimound22 تكسرينه بالعافية ياقلبي : ) صدقيني إذا تعلمتِ عليه بتنبسطين مررة :22: والبنات يمديك تدخلين ع المسن منه .. بس ماقلتِ لي أي موديل شريتِ ؟؟ noriin الله يبارك فيك حبيبتي .. أحس اليلاك بيري ماينفع للناس العمليين والرجال غالبا عمليين ، يمكن عشان كذا ماأعجب زوجك : ) منت عاجبني ادخلي المنتديات الخاصة بالبلاك بيري وصدقيني بتغيرين رايك :22: miss. fofo تكسرينه بالعافية ياقلبي : ) بس ماقلتِ لي وش موديل جهازك ؟ هدوء المشاعر ماتقصرين يالغالية : ) وأنا متحمسة له مرة لأن كثير صديقاتي معهم فأتوقع بأنبسط مرررة فيه .. والجوال النوكيا هذا الي قلتيه فيه كميرا الظاهر .. العربي الله يبارك فيك .. والجوال الي قلت لي عليه كانه هو الي في بالي فهي قد استخدمته فترة ، فودي أهديها شي جديد ،، والله يعطيك العافية .. مش مجرد كلام تكسرينه بالعافية حبيبتي : ) أي موديل شريتِ ؟ |
| الساعة الآن 10:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©