|
مشتاقة لزوجي أريده هو ان يطلب مجيئي لعنده((تمت العودة.. الرد 233))
بسم الله الرحمن الرحيم
اريد مساعده اناحزينه متطربه مااعرف شو اعمل اناكنت الزوجه الرابعه والان انا الزوجه الثالثه تزوجت من سبع سنوات ولم ارزق باطفال احببت زوجي رغم فارق السن بيننا احب زوجي ومشتاقه اشوفه لكن للاسف انا في زياره عنداهلي من خمس شهور وكانت اتصالات يوميه بينا بسب سفره الدايم كان يقولي لا تجي ابغي اذا اجيتي اكون فاضي وقلت خلص اصبر وتميت عند اهلي للان بس للاسف قبل شهر خبرني زوجي انه تزوج من شهرين والعروس من بلد عربيه اخرى وجايبها لبلده ومستانس انا ما افكر في الطلاق لاني احب زوجي المشكله ماقالي تعالي ولا شي بس كل ثلاث ايام يرسل رساله بس تعبانه ما اعرف شو اقول او اشرح ما اعرف اعبر تعبانه مشتاقه يقولي تعالي لكنه مش سائل اجي او اظل عند اهلي ماني حابه الاتصل عليه او اقوله احجزلي ابغي هوه يقولي تعالي هوه مرتاح مع الزوجه الجديده وانا تعبانه قلتله ليش تزوجت قالي هذي غريزه فيني زوجاته الي قبلي عندهم اولاد |
واضح جدا انك تحبي زوجك وهو بشخصيته قادر يحببكم فيه رغم زيجاته الكثيرة وواضح ايضآ انك صغيرة وتعلقتي بيك وانتي من النوع اللي ما تبي شي من الحياة سوى زوج يحبك
ومشكلتك الان انه يطلب منك الرجوع للبيت بس ملاحظة انتي قصدك كنتي زوجة ثالثة والان الرابعة صح ؟ لان المكتوب فوق العكس المهم يبدو ان كل هذا مو في بالك بس لو عالرجعة انا من رأيي تصبري شوي في بيت اهلك طالما انك تحبي زوجك وتبي تظلي معاه وهو بس يمل شوي من العروس الجديدة بيبعتلك تردين بس هو لسه عريس جديد ويمكن يبي يستانس بشهر العسل شوي ( لا حول ولا قوة اى بالله) هل العروس اللي جابها في بيت لوحدها ؟ وكل زوجة ببيت مستقل ام انتي والجديدة ببيت واحد ؟ بس جربتي تروحي طبيبة وتكشفي عن اسباب تأخر الحمل ياقلبي؟؟؟؟؟؟؟؟ ولا زوجك مايبغى اطفال ربي معاك ياقلبي ربنا يسعدك ويعوضك الذرية اللي تقر عينك |
الله يعينك ويفرج همك احس اكبر غلطه الزواج من رجال يحب الزواج
ان شاء الله الاعضاء يفيدوكى والله يرزقك يارب بالذريه الصالحه |
مشكوره على ردك حبيبتي
اناكنت الرابه من سنه لان زوجي طلق زوجته الاوله لانه مايجيهامن زممممان هي طلبت الطلاق بسبب انها تروح او تطلع مكان لازم تاخذ رايه المشكله ماني عارفه شو اقول او اوصف مشاعري ماحاد فاهمني انا احبه يا ترى هوه بعده يحبني |
مشكوره حبيبتي على المرور كل وحده في بيت لوحدها والعروس جابها عند امه رحت دكاترين كثير سبحان الله في حد يقول جاهزه للحمل ومن جديد سويت فحوصات وقلت الدكتوره عندك الغده النخاميه الله يعين الحمد لله على كل حال
|
اقتباس:
اختي الله يسعدك ان شاء الله يرزقك ربي الذرية عاجى غير اجل هل اعتطك الطبية علاج بشأن الغدة لان علاجها سهل بأذن الله وتظلي تتناوليه حتى وانتي حامل ولا ما اعتطك علاج |
مشكوره بنت مكه على مرورك
صح مشكله الزواج من رجال يحب الزواج لكن الله كتب النصيب اناما كنت اعرف انه يحب الزواج الا الحين وتفاجءت يوم قالي انه يحب الزواج بس انا متعلقه فيه كثير |
الله يعينك ,,, ويرزقك بالضنا اللي يفرحك يارب ’’’
الله يكون في عونك ويردك للزوجك في اقرب فرصه ويارب يرزقك الذريه الصالحه يارب يارب يارب كم سنه لك متزوجه ,,.؟ وكم فارق العمر بينكم .؟؟ اذا مافيها احراج,,.؟ انت خذي بالاسباب وتعالجي وربنا كريم ويرزقك |
معلش اصبري واكثري من الدعاء والله يعطيك على قد نيتك
للاسف ما عندي حل لك حبيت بس ادعيلك يا حبيبتي لاني والله حسيت بالالم اللي انت عيشاه نصيب مقدر ومكتوب تعملي ايه غير الدعاء للذي خلقه وخلقك على الله يصلح الاحوال ويزرع العدل في قلب زوجك بس لا تفرطي في حبه كثيرا حتى لا تتعدبي اكثر خلي الامور تمشي على بساطتها ولو عايزة تطلبي من زوجك اي شئ اطلبيه مباشرة لا تخليه هو من يبادر ويفكر زي ما انت شايفة اتزوج بالرابعة يعني اللي كان في بالوا هو الزواج الان لك حق عليه اطلبيه به ولا تترددي ابدا ابدا الله المستعان ربنا معاك |
الحمد لله انى اجد زوجه فى هذا الزمن تحب زوجها رغم انه عدد الحمد لله واراك عاقله محترمه جزاك الله الخير كله ولاحرمك منه ابدا ورزقك الذريه الصالحه بإذن الله نعم هو يحبك والا لطلقك كما طلق الاولى وهذه نقطه اثيرها حتى تعلمى انه يريدك ولا يريد فراقك ولكى تقتلى هذه الفكره من داخلك. ثانى شىء يجب ان تتحدثى معه بصراحه وبهدؤ ويبدو انى لايجب ان اوصى حريصه مثلك فانت عاقله من كلامك ماشاء الله ابعثى له برساله حميمه قولى له انك تباركين زواجه وانك تحبينه وانك ستصبرين عليه حتى يتم شهر عسله وبعدها تتساوون كزوجات هو قام بحقه فى الشرع فى التعدد اين حقكن عليه كزوجات فى العدل ؟؟؟؟؟؟؟؟؟؟ قولى له ان يحجز لك للسفر عنده......وانه مادام زوجتيه الى جواره ببلده فانت ايضا مثلهن يجب ان تبقى معه والى جواره حتى يستطيع اعفافك لا تخجلى ان لم تاتينا حقوقنا على طبق من ذهب وجب علينا ان نطالب بها بقوه من ذهب ايضا الحق كل الحق معك ولا تخجلى ، ولا تنتظرى ان يقولها هو فانا اسفه على ما ساقول هو سعيد بتخاذلك عن المطالبه بحقك.....او انه لايحمل هم وجودك...... ان لم يعطك مكانا بين زوجاته فجدى انتى لك مكانا لاتنتظرى ان يقولها هو فلن يقولها اعطيه مهلته فى شهر عسله ثم تحدثى معه بشرع الله. وفقك الله يارب |
الله يفرج همك
وانا من رايي تروحي لبيتك اذا كان مستقل مو من حقه يحرمك من بيتك ممكن تجي امك معاك عشان ما تتعب نفسيتك عشان يجي عندك ويعطيك حقك بس اذا ظليتي فبيت اهلك ماراح يسال عنك وادي رب العالمين انه يرده لك |
التعدد شرع الله و لا اعتراض عليه
لكن حقك انت فين هو حقك في بيتك و استقرارك الشرع فيه تعدد و استوجب معاه العدل و ما أشوف انو زوجك عدل بيناتكم طلب الأولى للطلاق كان احسن من انها تعيش في الهجران الكل بيقول شرع الله و الحق.......بدأو الاية و ما اكملوها حتي يعرفو شرط التعدد هدا رايي |
هذا مو رجال قد التعدد
كيف يعدد ويظلم ؟؟!!! دامه مو قد المسؤولية ليش يعدد ؟؟ ليـــــــــــــــــــش؟؟ لـــــيش؟ ماتنلام زوجته الاولى طلبت طلاقها بعد العذاب مايكفي انها محرومه من حقوقها .. ومايجيها ولا تشوفه .. كنها معلقه ولازم تاخذ اذنه بالخروج .. حياة قررررررف وربي .... لو اني مكانكم لاطلب الطلاق ولا اجلس دقيقة مع واحد مايقدرني ياختي دامه باع الاولى ام عياله واول عروس دخل عليها بيبيعكم كلكم بالتدريج لانه يحب التنويع لا مل منكم غيركم ... وبيجي يوم وبتقول يونا قالت ... انا مابي اخرب عليك بس اطلبي حقوقك منه .. وقولي كل وحده لها حق وانا اخاف عليك تجي يوم القيامة شقك مايل .. قولي ابجيك مكانك وروحي له حتى لو مارضى واطلبي كل شي بدون حياء اي والله شافكم ساكتات .. قال خلاص يا محلا التعداد .. كل واحده تسكت عن حقها وهو يستانس ينوع وييع فلوس على كيف كيفه ياختي اهروووه قطعوه من كل الجهات لاتبقون فيه حنه خخخخخخخخخخ اطلبي ينام معك بالعدل ويعطيك بالعدل كل شيء لاتتنازلين ابدااااااااا |
مشكورين على مروركم جميعا ويعطيكم العافية
راح اصبر والي الله كاتبه راح يصير ادعولي اني اصبر |
اتكلم عن نفسي سامحوني مللتكم
بسم الله الرحمن الرحيم
مشكلتي في قلة الصبر نفسي اكون صبوره الى حدن ما ااقول اني صبوره لكن افعالي وتصرفاتي غير ادعي واقول يا رب صبرني لكن عند اول مشكله انهار احب ان اتقرب الى الله دائمن اخاف من الله كثيرا نفسي اهرب الى الله بعيدا اريد ان يرضى علي ربي اريد ان احس ان ربي راضي علي اعرف اني ممله سامحوني تراني اول مره اشارك في منتدى سامحوني اذا ما عرفت اصيغ الكلمات اريد ان اقول الي في نفسي اخاف من الله كثيرا ومتعلقه بزوجي كثيرا اخاف اني اضل او اضل احد زوجي تزوج عادي حقه الشرعي لكنه كان سبب في هدايتي الغريبه كان يقولي لو حطو العالم بكف وانتي بكف راح اختارك احس انه يحبني لكن ما ادري شو الخلل تزوج بكل سهوله وما اهتم لامري مع اني احبه من كل قلبي وماني مستوعبه الي صار الي يحب كيف يقدر يصبر عن حبيبه تعبت وانا انتظر رساله منه او اتصال صارله اربع ايام ما راسلني كل يوم افز من النوم اقول يمكن ارسل رساله استانس اذا ارسل واذا ما ارسل احس بظيق واقول في نفسي اريد اطلب الطلاق لكنه مش حل نفسي اكون صبوره سامحوني مللتكم بافكاري ومشكلتي سسسسسسسامحوني |
وعليكم السلام ورحمة الله سأعلق على كلمة كررتها عدة مرات .. "سامحوني " ما يحتاج تقولينها اصلاً ... فأنت لا تحملي نفسك اكثر مما تتحمل ، ولم تقومي بشيء خطأ وتشعري بالذنب ،، فقط لأنك شعرت به ....!!! ومن حقك تطرحي مشاكل وهمومك وتبحثي عما يناقشك فيه ويساعدك ويقدم لك النصح والكلمة الطيبة فكوني واثقة من نفسك .... أما بالنسبة لزوجك فحتى لو تزوج عليك ،،، هو من كلامك يحبك ويقدرك وله في قلبه الكبير كل الحب والإحترام والشوق لك.... فأنت تستحقينه وهو يريدك ولا يريد الإستغناء عنك .... ولعل الأخوات المتزوجات يفيدونك في وضعك وفقك الله وشرح صدرك ورزقك الذرية الصالحة عزوبي:22: بس:d رجل:30: |
تم دمج الموضوعين.. |
اقتباس:
|
يارب يتذكرك زوجك و يطلب مجيئك
|
اقتباس:
|
اقتباس:
والله يوفقك |
اناما كنت اعرف انه يحب الزواج الا الحين وتفاجءت يوم قالي انه يحب الزواج
غريبة إنك ما كنتي تعرفي إنه يحب الزواج ‘‘‘‘‘‘ طيب كيف تزوجك أنتي و قبلك 3 الله يصبرك و يعوضك سبحان الله المعادلة صعبة أنتي مشتاقة له و هو توه متزوج << ؟؟؟؟ إن شاء الله يحس فيك و يدق عليك يقولك يلا تعالي بسرعة بس مو حرام بعذبك و هو متهني لا تزعلين بس و الله إنقهرت |
اقتباس:
وين الخوف من الله الظلم ظلمات يوم القيامة كيف يترك الانسانة بقلب مكسور ويهمشها حتى لو هي مادعت عليه ولا تحسبت ربها عليه راح يعقبه ربه لان الظلم مايرضي ربنا والواحد على الاقل يخاف من العقوبة الدنيوية والله حاسة فيك ياقلبي الله يفرج همك ويرده لك ويكتب لكم الخيرة اقتباس:
اقتباس:
الظلم له مرارة فضيعة جدا والله يلوم من يلومك والله يفرج همك عاجلا غير اجلا اقتباس:
واقري كل فجر جزء من القرآن لانه يوسع الصدر واستغفري كثير قال تعالي( (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)) تمعني في الاية الكريمة زين وراح تعرفين الحل واتصلي فيه واطلبي منه يصارحك هو يبغاك او انه مستغني حرام يترك قلبك مفطور ولا يسأل صدقيني خمس شهور مو قليلة خصوصا بوضعك واذا شافك حازمة راح يتخذ قرار ياما يجي ياخذك يايتركك ويرزقك ربي بواحد افضل منه ويرزقك بذرية عارفة ان كلامي قاسي عليك بس هذا الواقع مو معقول انت تعيشين بكرب وهو بنعيم ومستغل صمتك لصالحة وحاولي تدعين بالفرج مع اغلب انفاسك ادعي دايم ربك يفرجها وان شاءالله ربي راح يفرجها عليك والله يوفقك ويستر عليك وينولك اللي ببالك ويرده لك ويرزقك بالذرية الصالحة وآسفة اذا جرحتك بكلمة او قسيت عليك وبقى كلامي مجرد رأي |
اقتباس:
زواج تقليدي وناس هم عطوه بناتهم لانه رجال والنعم وانا الوحيده الي شافني وحبني بصدفه وتم يكلم اهلي الين وافقو عليه معرفته بأهلي عن طريق اخوي كان يشتغل في بلده وجا زياره على بلدنا وعزموه اهلي عشان اخوي وانا ما كنت محجبه وشافني وحبني من اول مره شافني على قولته وانا ما كنت احبه بس كنت صغيره وماني فاهمه شو يعني الزواج قلت بتزوج وبصير عروس لابسه ثوب ابيض :14: |
مشكوره ام اياد حبيبتي
لا يكلف الله نفسا الا وسعها |
( بسم الله الرحمن الرحيم)
ما اعرف شو اقوللكم بس عندي شي امظايقني زوجي ارسل رسالة قبل اربع ايام يقولي تحبيني او لا حتى اعرف؟ ثاني يوم رديت علية وقلتله انك غالي واحبك والمشكله مش في مشاعري المشكله في مشاعر ك انتة ارسلي وقالي تعرفين اني اموت فيج واعشقج ارسلتله اساله عن امه والاهل قلي لا تسالين عن احد بس عني انتي تحبيني ارسلتله قلت نسيت ابارك لك الزواج والله يسعدكم زعل وارسل جزاكي الله خير اسف على الازعاج قلتله مافي ازعاج قالي خليكي دام مرتاحه وانا مزعجك قلتله الحمد لله على كل حال انته مو زاعجني انا يمكن ازعجتك بس من وقتها ما ارسل بصراحه متظايقه اريد تواسوني ليش يسوي فيني سواته ويزعل عشان باركتله ويرد يصد ولا يرسل شو قصده او شو يفكر بصراحه تعبت |
ليش ما حد رد علي
او قالي كلمة |
اكيد زوجك مايحبك مثل حبك له لانه تزوج عليك وانتي مامعك اطفال منه وتزوج عليك وصره انك ماتتطلقي منه لذلك الحب من طرف وحد لو انا في مكانك والله طلبت الطلاق بسرررررررررررررررررعه دون اي تفكير والله بيعوضك لان زوجك مزواج الله يعينك ويعينا
|
زوجك يسألك تحبيني وأنتي مارديتي بس تضيعين الموضوع.......... هذا اللي زعلة
لكن أنا أشوف انه يحبك وزواجه مش دليل على عدم حبه لك لا ابد لكن اتمنى انك تسايرينه وتوضحين له انك مازلتي تحبينه عسى الله ييسر أموركم |
اختي بردانه توي قريت مستجداتك ...
حبيبتي زوجك يحبببببك ويبيك ترجعين بس انتي على نيتك مافهمتي وش يبي ... يبييك ترجعين ..ارجعي دقي عليه وسمعيه الكلام الحلو وانك مشتاااقة له ... ياقلبي لاتضيعين الرجال من يدك اقري كثير عن التعامل مع الرجل واكسبي زوجك قبل لا يطفش منك ويروح للعروسه الجديده.... ياحبيبتي انتي طيبه وشخصيتك طيبه بزياده الرجل مايحب كذا ..انا كنت زيك وبعدين قريت واتوعيت كيف اعامل زوجي والحين الحمد لله مرتاااحه وهو بعد مبسوووط... بعدين هو يسألك تحبينه تقومي تردي برد جاف المفروض تردي برد يخليه يرجعلك طاااير ولما قال طيب انا اموت فيك كمان ماهز فيك شي هالكلام تقومي تباركيله بزواجه؟؟؟؟؟؟؟ المفروض تبيني ردة فعلك اقوا من كذا ولا تجيبي سيرة انه تزوج لما يكون زوجك معك انسي الدنيا ومافيها ولاتفكري باي شي يضايقك ولما يروح لزوجاته انتي اهتمي بنفسك واشغلي وقتي بكل الي يفيدك اقري كتب ادخلي منتديات نسائيه تعلمي خليه يتعلق فيك وكفايه بعيده عنه روحيله وخليك قربه والشغاله مو لازم ياقلبي اعتمدي على نفسك حتا زوجك بينبسط اذا شافك معتمده على نفسك ..شوفيني عندي3بنوتات وماعندي شغاله معتمده على نفسي ما ابي اعود نفسي ع الشغالات..يعني مو لازم شغاله وارجعي لزوجك قبل مايفهم انك ماتبينه ويرسل لك ورقة طلاقك لانه شكله زعل من برودك وتطنيشك لمشاعره... وطمنينا وش صار معاك... |
الأخت بردانة
بشري....وش صار معك عسى أمورك زينة؟؟؟ |
عندي فكرة لك
أنك تعملي حاجة مميزة عن باقي زوجات زوجك على شان تخليه يتعلق فيكي أتمنى من الأخوة الي حابين يشاركو يعطو الأخت أفكار بحيث أنها تصير مميزة عن باقي الزوجات وشكرااااااااااا |
شخصية زوجك والله اعلم إنه يبغى يحس بغيرتك عليه
يمكن الي مخليه كذا برودك معاه آسفه على إسلوبي بس من طريقة كتابتك ياأختي انتي بارده جدا إذا باقيه عليه حسسيه بشوقك وإنك تبغين ترجعين الأخ حاب يعيش قصة حب والله اعلم انه فعلا يحبك لكن انتي رغم انك تعترفين بحبك له لا أرى في تصرفاتك مايدل على ذلك ليش جالسه عند أهلك احجزي وارجعي بأول طياره وافرضي نفسك ووجودك ليش تاركته كذا |
اقتباس:
بصراحة ما اعرف اذا كان يحبني او لا بس الي اعرفة انة يممممممممموت فيني بس مشكلتة مزواج يعني اطلق وبعدين هذا مو حل |
اقتباس:
جزاكي الله خيرا |
اقتباس:
|
اقتباس:
|
اقتباس:
|
اقتباس:
وانا ما اقدر افرض نفسي على احد صحيح قلت الي في نفسي لكم لكن ما اقدر ابينلة اني تعبانة واعاتب وانا تاركتة لاني اعرف انة ما يصبر عني ويحبني هذا احساسي |
اخر الاخبار قلتلكم انه دق ثاني يوم ما دق
راسلني اليوم الثالث وارسلتلة رسالة حب دق علي وكلمني عادي حبيبتي وحياتي ومشتاقلك وقلي كل الكلام الحلو وانا نفس الشي وسالني متى بتجين قلتله على كيفك قلي بس تجي الخدامة يبالها عشرة ايام تقريبا قلت زين وخلصت المكالمة على حب ورضى ثاني يوم ما دق ولا ارسل وانا نفس الشي صابرة دق اليوم الثاني وحبيبتي وحياتي وكلام حلو وانا لو ما احبك وابغيك كان طلقتك من يوم قلتيلي طلقني قلت وينك امس ما دقيت قال كنت مشغول قلت زين خلص المشششششكله يوم قالي بسافر بكره وين بلد العروس الجديده لان عنده شغل وبياخذ العروس معاه قلتله انته كل ما تبي تروح تاخذها وترجع تجيبها معاك يا تخليها في بلدها وبس تروح شغلك تشوفها يا اما تخليها عند امك قالي يا ريت تتم في بلدها هي ما تبي يعني ماتصبر عنه المعنى الي فهمته انا وبعدين قالي دخيلك انا ما ابي مشاكل قلتله ما في مشاكل اعمل حسابك اذا رحت تاخذني معك وما عندي مشكله اذا راحت معنا قالي انا ما في على مشاكل وغير الموضوع انهرت وسرت ابكي قالي انا احبك قلتله وانا بعد ابغي حبك بس وقلتلة انت منو تحب اتلخبط وقالي احبك انتي ومن هالكلام وقالي بصراحه الحرمه طيبه ومن اخذتها ما زعلتني وتحاول ترضيني باي شكل من الاشكال واقتصاديه وما تعرف شي ولا تفكر في الامور الماديه قلتله زين الله يوفقها ورجع كلام الحب وسكرنا التلفون على كلام الحب وما في شي هذا كان اخر اتصال وسافر ثاني يوم ومعاه العروس ومن يومها لا اتصال ولا رساله وانا نفس الشي بصراحه انا مريضه الحين تتتتعبانه ككككثير ككككثير وتجيني افكار خلاص بقوله طلقني ما ادري شرايكم تعبت لو يحبني يدق كل يوم بس شكله والله اعلم ما يحبني |
| الساعة الآن 12:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©