منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   موصعبة علي أقولك عانس..بس أخلاقي ماتسمح..!! (http://www.66n.com/forums/showthread.php?t=201009)

صديقة احساس 28-01-2010 06:03 PM

موصعبة علي أقولك عانس..بس أخلاقي ماتسمح..!!
 
مرحبا


ابنتكم من سنين وأتابعكم عن بعد ودائماً معكم لكن مشاغل الحياة تلهينا عن المشاركة
والله يعين الجميع

موقف حصل لي قبل فتره ومزعجني هذيك الفترة أما الآ ن مايهمني

تابعوا معي الموقف وقولو رأيكم في تصرفي

كان عندنا بالمدرسة مجلس أمهات وطلبت منا المديرة أن نتوجه للأمهات حتى يسئلن عن بناتهن
توجهت أنا ومجموعه من المعلمات كلهن أكبر مني عمراًومتزوجات وعندهن أولاد أماأناالعكس ماتزوجت
وعمري26سنه
المهم أنا من باب التقدير قلت لهم يالله يابنات امشواقدامي انتم
أكبر ومتزوجات >>>>>>جملتي فيهاشي؟؟
أناوالله انظرلهامافيهاشي لإنه هذا الصحيح
مر اليوم ورجعت البيت وقت المغرب من نفس اليوم وصلتني رسالةعالجوال من وحده من المدرسات الي كانوا معي وقت نزولنا للامهات بالمدرسه
فيهاكلام يدل على صغر عقل المرسلة وتخلفها صراحه
من ضمن الكلام
تقول أنتي قلتي عني كبيره وفيه من هوأكبر مني والله موذنبي إنك عانس إلى الآن ولاتزوجتي وترى موصعبة اقولها لك قدام الناس بس أخلاقي ماتسمح<<<<<<<<<<<<<كل هالكلام والأخلاق ماتسمح
أنتي حقوده وغاير ه مني>>>>>>>>>وش أحقد عليه وش أغار منه

وكلام ماله داعي وختمتها بقول حسبي الله عليك ونعم الوكيل

أناصدمتني الرسالة انصدمت بهالانسانه وتفكيرها
وتضايقت أنااماقلت شي غلط ولا غلطت عليها ووهالكلام صحيح هي أكبر مني وومتزوجه ولاقصدي شي أبد أبد أبد


أنا أقدر أرد عليها بنفس إسلوبها أقل أدبي بس أنا بعد أخلاقي ماتسمح أكلم ناس زي كذا
بعدهااستشرت اعز صديقاتي وش أرد وش أقولها اقترحت علي رأي سديد ووحكيم
إني أطنشها ماأرد عليها وبالدووام ولاكأنها موجوده
وأناطبقت هالشي أحس إنها تغير مني وتحقد علي ليه ماأدري
للعلم أنا علاقتي معها جيده ولاعمري غلطت ولاتكلمت عليها بشي مو زين ولا لي دخل بغيري
وكثير من أيام دراستي أكرم لتميزي وأخلاقي
والحمدلله بشهادة الجميع مو مدح بس هذاالصحيح


أنا تعلمت من هالموقف إن مو كل الناس زي بعض ووإنه مو شرط يكون الواحد عقله بقد عمره

أجل وحده متزوجه وعندها عيال تقول كذا وياليت على شي يسوى



بس جد عش رجباً ترى عجباً

GREEN222 28-01-2010 06:42 PM

والله رح تجننوني ناقص تقولو للي عمرها 18 سنه وما تزوجت كلمة عانس


بعدك صبيه يا قلبي هي اللي عقلها صغير

وما في شي كلامك ابدااااااااااا بالعكس المفروض تاخذها انهم اكبر قيمه ووو من باب احترام الآخرين

انما هي شكلها من اللي يكرهو انو تبان اعمارهم ويحبو يبقو بعمر الطعش تحت العشرين


مفكرين الزواج شي مستحيل وكأن الواحده داخله شي مستحيل اختراقو


ما تحطي ببالك من كلامها انما اتأسف انو تكون مدرسة اجيال وتفكيرها بهذا الشكل لان افكارها تعكسها على التلاميذ

في الإنتظار 28-01-2010 06:45 PM

هههههههههههه من جد عالم مدري وش تبي


وحده من صديقاتي اكبر مني تقريبا5 سنوات

كلما قلت قربتي من 40 تجلس اسبوع ماتكلمني

وانا ماجبت طاري العمر الا واحنا نتناقش بموضوع يتعلق بالزواج ومن هالكلام

يعني ابد ماكنت اقصد احسها بشي

تقعد بالاسابيع ماتكلمني

من جد الواحد مايدي كيف يتعامل مع هالعالم

الله يرينا طريق الرشاد ويثبتنا


ويرزقك اخيه ماتقر به عينك ويكفيك شر الحساد

قلب صااافي 28-01-2010 07:11 PM

ياأختي الكريمة الله يوفقك دنيا وآخره...

وعين العقل إنك طنشتيها هذه الأشكال ما يصلح معها إلا التطنيش ووجودهم مثل عدمهم ....

اللهم ارزقنا الحكمة في جميع تصرفاتنا...

طيب ..هي يوم تكتب الكلمة هذه وتجرأت ما تخاف إنها بيوم من الأيام تعايشها مع أختها أو بنتها ..

اللهم ارزق أخيتي في الله زوجا صالحا تقيا نقيا يراها أجمل مافي الوجود...آمين

انتظار الفرج 28-01-2010 07:45 PM

يا حبيبتي انسي كلامها واحتسبي الاجر
اسأتها لك ذنب في ميزان سيئاتها
واجر في ميزان حسناتك اتاك من حيث لاتعلمين
وبعدين لاانت عانس ولا هم يحزنون
ياحبيبتي ترى مو بس انت يحصل معك كذا
حتى انا في عملي اقابل هالنوعية
ويحرجوني بأسئلة هم يعرفون اجابتها
لازم من قبيلتكم؟
لازم ملتزم ؟
وش رايك بمطلق ؟
وهي لاعندها لاعريس ولا شي بس فضول
بس انا لا اتضايق ولا شي
اطنش واحتسب الاجر عند ربي
واحسن لهم

ميــس 28-01-2010 07:48 PM

برافو عليكي .. أصلا اذا رديتي عليها بتقللي من قيمتك .. لا تنزلي لمستواها

هيه عندها عقدة نفسية
اتركيها الله يكون بعونها .. مسكينة

سحابة الصحراء 28-01-2010 09:13 PM

الناس اجناس وعقلياتهم تختلف <واذا خاطبك الجاهليون فقل سلاما>

والموقف هذا دليل على صغر عقليتها والاجابة عليها بالصمت وعدم الاحتكاك بها ماعدا السلام والشئ الضروري

وفقك الله ورزقك ماتتمنين

آية كبيرة 28-01-2010 09:23 PM

ما عليكي افرحي وفرفشي ولاتحزني إنت مازلت صغيرة وربما تعتبري قد بنات احدى المعلمات هناك ولكني انا حبيتك وعندي بنت زيك وربما أنها تعاني نفس المعاناة ولكن حسبكم الله ونعم الوكيل

سمو آنسانة 28-01-2010 09:31 PM

السلام عليكم
مساء الخير
في ناس ماعندهم أسلوب أبدا في الكلام وتطنيشهم أفضل
وانا قد صار علي موقف مقارب بعض الشي لموقفك واحدة من
المعلمات زميلتي عمرها 26 سنة وماجاء نصيبها الى الآن فمرة
واحد خطبني مطلق لكن عمره كبير وعنده أولاد فكنا نسولف
فقلت بأخذ رأيها في هالرجل قامت قالت لي تتشرطين وأنتي
مطلقة اذا إحنا البنات ماتزوجن أنتي هالمطلقة بتتزوجين واحد
شاب وصغير حتى لو كان عمرك 24 ترى مايفرق لأنك مطلقة
بالعكس أحمدي ربك وخذيه ..
والله أخذت بخاطري كثير عليها لكن ماناقشتها لأني مأبغى
أجرحها وأسوي مثلها يعني مافي أسلوب أفضل من كذا ؟!
وأخير ا الرزق عند رب البشر يرزق من يشاء بغير حساب ماهو
عند البشر وأكيد انهم بيقابلون ناس تتعامل مثل اسلوبهم معانا
وقتها بيعرفون خطأهم ..
تحياتي لك ..
وإلهـــــــــــي يفرح قلوبنا انا وجميع المطلقات والعوانس والأرامل
بالأزواج الصالحين اللي يعوضنا ويسعدونا نحن وأهلينا ..يارب ياكريم..

أم الشبل الصغير 28-01-2010 10:50 PM

سبحان الله
يا بعض البنات عسل و سكر بس إذا جاء طاري العرس أو العمر قلبوا حنظل ..
ماعليك يا قلبي يكفي سكوتك عنها دليل على أخلاقك الرفيعـــة ...
أنا مدري ليه فسرت كلامك هالتفسير ... عالم غريب بجد
وسعي صدرك ولا تاكلــي هم نفرح فيك قريب يا قمر

صديقة احساس 28-01-2010 11:45 PM

الجميع الله يجزاكم خير ويوفقكم
ومروركم أسعدني
والله يزرقني وإياكم كل خير ول وحده ماتزوجت ربي يزرقها الزوج الصالح
وأنا بعد

وأنا اٌقدر مروركم وكلامكم الي قلتوه

وفقكم الله

وترى جد أعزكم وأحبكم في الله مع إني والله ماتواصلت مع ولا واحده منكن

روعـــــــة 29-01-2010 01:11 AM

في ناس ماتعرف تتكلم وترمي أي كلام ولاتلقي لها بال ..ماتدري إن الكلام محسوب علينا ومكتوب وومكن ندخل النار بسببه


بس أحسن شئ ياقمر إنك طنشيتها كلامك مافيه شئ ..ولاتجعليه يهزك بشئ


أدعي الله مالك خزآئن السموات والأرض أن يرزقك بالزوج الصالح إنتي وكل طالبه الحلال يارب

noriin 29-01-2010 02:31 AM

:11:


:11:


:11:


الحين يالغلااا جد فهميني!
مانيب فااهمه شي!:29:
متأكده يالغلااا ماقلتي غير كذاااا؟؟
لان الكلام مب متطاابق!!
يعني الحين هي وش اللي زعلهااا؟؟؟؟
ومن جاااب طاااري العنوسه؟؟؟؟؟
يعني الكلام اللي برساااله كلللللللللللللللللللش مافهمته
يمكن تقصد غيرك ولخبطت بالرقم خخخ:d

او انه اذا فعلا هذا اللي صااار فهذي انساانه مريضه!!

او انه انتي قلتي شي وناااسيه تذكري ياعمري:d


الله يصلح الحاااال

قلبي طفل مغرور 29-01-2010 10:59 AM

الله يشفيها هذي باين عليها متعقده
من عمرها:(
الحمد الله والشكر:d

من جد في ناس اعوذ بالله تكون على نياتك :11:
ويفسرون افعالك على حسب عقولهم:29:
بس ماينفع مع ذي العقليات الا التطنيش :29:
برافو عليك:22:
انك طنشتي انتي والمطلقه الصغيره
اي وحده تلاقون كلامها يدل على عقد نفسيه مالك حل الا التطنيش:22::22::22:
كان قلتي لها مو صعبه اقولك معقده بس اخلاقي ماتسمح هههههههه:d

صديقة احساس 29-01-2010 02:08 PM

اقتباس:

المشاركة الأصلية كتبت بواسطة روعـــــــة (المشاركة 2340520)
في ناس ماتعرف تتكلم وترمي أي كلام ولاتلقي لها بال ..ماتدري إن الكلام محسوب علينا ومكتوب وومكن ندخل النار بسببه


بس أحسن شئ ياقمر إنك طنشيتها كلامك مافيه شئ ..ولاتجعليه يهزك بشئ


أدعي الله مالك خزآئن السموات والأرض أن يرزقك بالزوج الصالح إنتي وكل طالبه الحلال يارب


الله يجزاك خير وويوفقك
شوفي والله لو انا غلطانه وقايلهي غلط كان مايخالف استااهل بس وربي ماقلت غير المكتوب


والحمدلله موقف وعدى

صديقة احساس 29-01-2010 02:14 PM

اقتباس:

المشاركة الأصلية كتبت بواسطة noriin (المشاركة 2340582)
:11:


:11:


:11:


الحين يالغلااا جد فهميني!
مانيب فااهمه شي!:29:
متأكده يالغلااا ماقلتي غير كذاااا؟؟
لان الكلام مب متطاابق!!
يعني الحين هي وش اللي زعلهااا؟؟؟؟
ومن جاااب طاااري العنوسه؟؟؟؟؟
يعني الكلام اللي برساااله كلللللللللللللللللللش مافهمته
يمكن تقصد غيرك ولخبطت بالرقم خخخ:d

او انه اذا فعلا هذا اللي صااار فهذي انساانه مريضه!!

او انه انتي قلتي شي وناااسيه تذكري ياعمري:d


الله يصلح الحاااال

متاكده اني ماقلت غير كذا ولو قايله شي يزعل كان على الاقل وحده ثانيه من الباقيات تزعل مو هي بس وانا ماقصدتها ولاقلت شي غير الي كتبت لكم والي زعلها على حسب فهمي انه قلت انتو اكبر مني ماتبي تبين انها كبيره لانه برسالتها انا ماذكرت نصها لانه فيه كلام ماله داعي
بداية الرساله على طول اتهمتيني باني كبيره وعاد هي فهمت اني انا غايره وحاقده لانها متزوجه لانها تقول ازيلي الحقد والغيره من قلبك وش عليه ماادري
ولو هي تقصد غيري ولخبطت كان ماشفتيها لاجيت مكان على طوووووووول طلعت منه
لاهين انا هذا الي قلته ولانسيته ولاقلت شي زود
وانا طبعي لمن احس ا ني زودتها مع الشخص ووقلت شي ماله داعي بنفس اللحظه اعتذر بس والله ماقلت غير كذا


الواحد مهما سوى هالنظره ماراح تتغير دام فيه ناس زي كذا


وموقف وعدى الحمدلله
جزاك الله خير على مرورك غاليتي

مسز داني 29-01-2010 02:16 PM

اختي صديقة احساس
كم الفارق بين عمرك و عمر زميلاتك
أنا ضد تصرفه تماما
لكن ربما أحسنت انك تقصدين انها امرأة عجوز و انك اصغر منها بكثير
و تعرفين انزعاج النساء من وصفهن بالكبر
و على سبيل الإحترام فالجملة التي قلتيها تٌقال للكبيرات في السن فعلا بحيث ان اعمارهم مثل عمر امهاتنا حفظهن الله
و ليس زميلات العمل , و بهذا احست انك تلمحين لشكلعا الكبير و الله اعلم
لا ابرر تصرفها لأنه تصرف خاطئ, لكن احاول افهم ردة الفعل!!

بنت مكة2008 29-01-2010 06:57 PM

انا دايما اقول دي الكلمه الا اكبر يمشي اول بس مزح والحمدلله عمروا ماحد اضايق او اقول لاختى الاصغر انتى اطول امشي اول

عادى

بس احلى شي انك طنشتى بس الا يقهر تقول عانس شايفه عمرك كم يعنى من جد ماتستحتى يبغالها :16:

هند ام احمد 30-01-2010 03:36 AM

بصراحه زين هاذي اللي رسلت لك رساله مثل كذا انها متزوجه
وعندها عيال والا يدوبها بمستشفى الصحه النفسيه
الحمد لله ربي اكرمتنا بنعمه العقل ...

وبصراحه وانا اقرا الموضوع قلت ان شاء الله انك طنشتيها ومارديتي عليها وفعلا هذا اللي صار
لانك لو رديتي راح تعطينها اكبر من حجمها ....

yes no 31-01-2010 10:50 AM

شف الاخلاق انت بس لوول

الله بالعقل،،
مشكله لي اجتمعت قله العقل مع قله الذووق

هالناس لو بينتي لهم صفا نيتج مابيصدقون لانه نيتهم اصلا مب صافيه مو يقولج كلن يرى الناس بعين طبعه!
فـ احسن حل اللي سويته طنشي يرتاح بالج

ربي يسعدج وخيتو

المحبة لاستغفار 03-02-2010 08:03 PM

سبحان الله عاد هذه والله منعم عليها ومتزوجة وعندها اولاد شلون لو كانت معقدة وناقصة

سبحان الله بعض البشر غريبين
انت ولايهمك خليك واثقة من نفسك وتصرفاتك

تذكرى ان مخالطة الناس تجلب الاذى ولك الاجر على تحمل الاذى ان شاء الله


الساعة الآن 03:15 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©