|
أنا على وشك الانهيار.من أبنائي و زوجي
اقسم بالله ضايقه فيني الدنيا وبس ابكي وضايق صدري احس راسي بينفجر والله اني قبل شوي حسيت بشي لف راسي وما اشوف الا سواد مع دوخه مده لاتتجاوز ثواني كل هذا بسبب الضغط النفسي اللي اتعرض له زوجي مهملني وجاف معي مايتكلم معي ابد الا اذا بغى شي ورامي المسئوليه كلها علي عيالي اثنين مراهقين تعبوني مره مشاكلهم زادت وولدي الكبير بس يضرب خواته البنات الصغار ومسيطر عليهم وماهو ضارب حساب لي وابوه اذا شكيت له سكت وطنشني والحين بناتي صار بهم خوف مو طبيعي اللي بثاني ابتدائي تتبول على نفسها بالليل واللي عمرها اربع سنوات تبكي زي المجنونه تركض للشغاله اذا ضربها اخوها حتى انا ماتبغاني تصوروا ان عيالي المراهقين صار لهم سنه ونص مايكلمون بعض عشان مشكله تافهه وكم مره اترجاهم واحاول اتحايل عليهم عشان يتصالحوا ولافيه فايده اخاف يكبرون وقلوبهم تجفا على بعضهم وعلينا ودائما اقول لابوهم صالحهم لاتتركهم كذا يقول اتركيهم بعدين يتصالحوا واوقات يقول احسن عشان الولد الكبير مايتضارب مع اللي اصغر منه وربي تعبوني نفسيتي تعبت وعندي مولود عمره شهرين واسبوع مسئوليته كبيره وقلق وسهر وتصوروا طلعت من النفاس كم لي عمر ولدي شهرين واسبوع وزوجي ما قربني ولا حتى جاب لي هديه رغم ان حملي كله منومه بالمستشفى والله العظيم صرت ودي بس انام عشان ما اتذكر شي والنوم مفارقني قلق وسهر وارق وتفكير وبيبي بس يصيح حتى صرت بس اتهاوش مع الشغاله بشكل يومي لدرجة اني ضربتها لانها تستفزني وتجادلني كثير وانا اللي فيني يكفيني يعني ضغوط نفسيه من كل جهه واهلي بعيدين عني وانا بمدينه بعيده الله يوفقكم وش اسوي ابي ارتاح تعبت والله اني على وشك الانهيار ادعوا لي |
ربنا يفرج همك ويهدي زوجك ويقرعينك بصلاح اولادك
|
الله يعينك ويصبرك ويهدي زوجك واولادك
توضي وسمي بالرحمن وصلي ركعتيت وطلبي من الله انه يصلح امورك ومن توكل على الله ما خاب ومن ساعه لساعه فرج الله المستعان يا رب ترحمنا يا رب ترحمنا |
والله ياغالية الله يعينك ويصبرك بصراحة ضغط رهيب بس ماعليكي الا بالهدوء معلش علشان الاطفال مع زوجك حاولي معاه انك تتكلمي وتفهميه ان ممكن يخسر اولاده بهذي الطريقة وان البنات بيخافوا ونفسيتهم تعبانة من اخوانهم وانتي حاولي انك تبعدي البانت الصغار عن اخوانهم علشان لايصير مشاكل بينهم والاولاد معلش اتقربي ليهم بالكلمة الحلوة والنقاش سن المراهقة متعب ولازم يكون حزم من جهة الاب ولاتنسي حرام المولود الجديد محتاجك ايش ذنبه حبيبتي بعد صلاة الفجر وصلاة المغرب قولي حسبي الله الذي لااله الاهو عليه توكلت وهو رب العرش العظيم 7 مرات بنية ان الله يهدي الاولاد ولازمي على فتح القران في البيت القران يهدي النفوس ان شاء الله والله يعينك
|
جزاكم الله خيرا
|
وربي حاسه فيك
طيب خلي احد من اهلك او اخوانك يتدخلون صعبه كذا وهو الله يهديه ماخذ الحياه ببساطه ومطنش حلوه هاذينجيب عيال ونرميهم ومن ناحيه اولادك حاولي تتفاهمين معهم بالسلوب التاديب يعني ادبيهم ولو انهم كبار وكبرو على هالشي بس ماعليه تصبري والله يفرج همك ان شالله ولاتنسين سهام الليل |
الله يعينك ويصبرك فعلا دخلى احد من اهلك يكون ثقه يتكلم مع زوجك لازم يتحمل مسئوليه معاكى
الله يهدي يارب |
صدقينى يا اختى والله والله ثم والله مافى مثل الاستغفار والدعاء فى قيام الليل وراح تشوفين اثرهم على نفسك وعياالك
ونصيحتى ليه تتركين الخالق وتشتكين للخلق؟ استعينى بالله وادعى له وراح تشوفين الثمرات |
كيف علاقتك بربك
|
يا عيوني يا ام مودي
حبيبتي تعب الحمل وبقاءك في المشفى السبب حبيبتي ان شاء الله شهر وتستعيدي عافيتك وان شاء الله يرجع كلو مثل الاول واحسن لازم وقفه صارمه مع الاولاد ووقت يلاقوكي رجعتي مثل الاول رح يعملو لك حسااااااب صدقيني كلمه حلوه مع شوية شده لي رجعه للموضوع |
اقتباس:
المشكله ماحد فاضي لي ما لي غير رب العباد الله يصبرني ويثبتني ويعوض صبري خير جزاك الله خير |
تصدقين لي حق أكره الأولاد يا حليل البنيات أحبهم من قلبي
أمي رأسها شيب من تصرفات أخواني المراهقين و هي عمرها 40 تقولين 60 ’’ ما ألومها والله بس أمي ما عندها شغالة تخيلي الوضع كيف مع كل 2 حمل ولادة رضاعة سهر تربية بيت طبخ نظافة اكل .. إلخ و ربي هلاك مشكلتك أبوهم’’ المفروض يوقف معك في تربيتهم بالذات الأولاد و يخفف عنك شوي من المسؤلية شدي عليهم شوي عشان تكون لك كلمة عندهم الله يعينك و يثبتك و يهديهم و يجعلهم قرة عين لك ... آمين |
ربنا يفرج عنك واجزل لك الثواب
ادعي الله ان يهديهم وعليك بمدحهم |
كل اللي قلتيه على العين والراس والله يعينك ويهديهم ان شاء الله.. لكن هذا مابرر لك ابدا ضربك الشغاله .. مافي اي مبرر لانسان ان يمد يده على انسان مثله .. خافي ربك |
أختي
أول شئ ، خذي لك مانع للحمل الفترة هذه .. و لحد ما يكبر طفلك الصغير .. تاني شئ ، عندك مشكلة في تنظيم الوقت و ترتيب الأولويات .. ثالث شئ ، عندك شغالة الحمد لله .. ليه كذا حياتك ملخبطة ؟؟؟؟؟ رابع شئ .. نجي نرتب حياتك : 1 - طفلك الصغير ، شبعيه .. و بعد كذا خلي الشغالة تنظفه و ترتبه و إذا بكي و صاح .. خليه بعيد عن أبوه ، و في الليل إذا صحي و بكي .. صحي الشغالة تشيله عنك .. إنت بحاجة لإراحة أعصابك الفترة هذه .. أنا طبعا ضد ، إنه نرمي الأطفال على الشغالة .. بس حالتك إنت حاليا ، بحاجة لترتيب و تنظيم و إراحة أعصاب .. 2 - الشغالة ،، استسمحي منها ، و جيبي لها هدية صغيرة و قوليلها معليه أنا كنت تعبانة .. أختي لا تتسلطي عليها عشان ربي لا يسلط عليك أحد أقوى منك .. بأتخيل لو أنا أمي في يوم لا سمح الله مدت يدها ، بأزعل و ما أنسى و بأحس بإهانة كبيرة فكيف بإنسان غريب عني ؟؟؟؟ صدقيني راح أشيل في قلبي عليه و أفكر انتقم منه و أعلمه قدر نفسه .. ( بأحاول أقرب لك مشاعر الشغالة ) .. 3 - أولادك الإثنين المراهقين .. ( فاقد الشئ لا يعطيه ) .. فما راح يعطوا أخواتهم الحنان و الحب إذا هم بنفسهم فاقدين الشئ هذا .. لازم تكوني صارمة معهم ، و تروحي لهم دحين .. و تأمريهم بالصلح .. طبعا الأفضل ، إنك تجلسي مع كل واحد في غرفة و تتناقشي معاه و تسأليه عن سبب زعله ؟ و حاولي تقربي وجهات نظر بعضهم .. أما سنة كاملة و شئ و هم مقاطعين بعض ؟؟؟؟؟؟؟؟؟ لا تسكتي عن الوضع .. و لازم تكوني صديقة لهم و تتقربي منهم .. 4 - بناتك ،، لا تسمحي لأحد يمد يده عليهم .. و لازم تكوني حازمة و توقفي أخوانهم عند حدهم ، إنت مو أمهم ؟؟؟؟؟ 5 - زوجك ،، إذا ترتبت حياتك و نظمتيها ، و نظمتي حالك .. فراح تلقي وقت كبير إنك تجلسي معاه .. راح تلقي وقت لزوجك ،، هو يمكن مل و طفش من اللخبطة هذه .. عندك شغالة و الحمد لله و مانت موظفة ،، خلاص .. عندك وقت غرفته تعطريها له و تجهزي له كل أغراضه .. و إذا لقي زوجك الإهتمام و الحب و الترتيب .. فراح يرجع من حاله و يهتم فيك |
كلام روح الطير عين العقل
المشكل الاساسيه في التنظيم واعصابك المنهاره سوف تهدمين بيتك واطفالك بهذه الطريقه المساله محتاجه اعصاب هاديه وتنظيم وحنان للكل واولهم البيبي اولادك المراهقين مساكين محتاجين من يظمهم الى صدرة وينطيهم الحنان والكلمه الحلوه وكذلك البنات انتي يجب ان تكوني كل شيء لهم واذا لتتحملين المسؤليه يجب ان توقفي الخلفه كلكم راع وكلكم مسئول عن رعيته الحمد لله اولادك بصحه جيده وامام عينك وهذه اكبر نعمه وبكرى يكبروا ويتزوجوا الدنيا صغيره يااختي |
الله يهديهم يارب ويصلح حالهم
لازم وقفه قويه منك ومن ابوهم حاولي مره واثنين وعشره مادري اشبهم مراهقين دي الايام يبغوا يثبتوا رجولتهم على اخواتهم بكل قوه |
الله يعينك ويأجرك على صبرك
كلام اختي روح الطير عين العقل .. استفيدي من النقاط اللي قالتهم على كثر ما تقدرين ربي يعينك |
الله يعينك ويصبر قلبك فعلا اللي ينقصك ترتيب وقتك وراح تلاقي وقت لبنتك والشباب المراهقين وابووووو الشباب بعد:d اهدي وروقي اذكري ربك وصلي ركعتين واطلبي من الله ان يلهمك الصواب في القول والعمل دايم احتسبي الاجر عند الله فهذا يخفف عنك كثيرا من الهم والتعب والالم صدقني مثلا قبل تنامي قولي انك تي تصحي لصلاة الفجر وكذا نومتك كلها اجر لك اول ما تصحي اعقدي النيه ان كل اعمالك لوجه الله وكل اللي بتلاقيه من مصاعب يوميه يحسب في قائمة حسانتك واذكري اذكااار الصباح وربنا يبارك لك في يومك ووقتك وحسني ملافظك مع الكل بيقولوا الملافظ سعد وراح بيادلوك الاحترام والحب قولي : حبيبي ,روحي , قلبي ........ وكذا واصلحي مابينك وبين الله والله سبحانه يصلح ما بينك وبين عباده اكثري من الاستغفار فمن لزم الاستغفار جعل له من كل هم فرجا ومن كل ضيق مخرجا ورزقه من حيث لايحتسب كما علمنا ذلك نبيا عليه الصلاة والسلام والمشكله صدقني في تفكيرك لا تحسبي كل شي يصير حولك انك انت المقصودة يعني لو زوجك صد عنك لا تقولي قهرني طنشني لا قولي راح الله يسامحه ولا تشيلي ع خاطرك والكلم اللي تزعلك خلهها تدخل من جهة وتخرج من الجهة الثانيه لا تسمح لها بالاستقرار داخـــلك رتبي وقتك بجدول كل الاعمال اللي تبي تسويها واقري كثير في تربية المراهقين والتعامل مهم حبي نفسك وحبي زوجك وبيتك وعيالك رتبي الحجر .....وخليها دايم مبخره ونظيفه .... افتحي النوافذ خلي الهووواء يدخل يجدد الانتعااااش داخل نفوسكم المرهقه عاملي المراهقين باحترام لشخصيتهم وحسسيهم بالمسؤليه تجاه خواتهم وانهم يحموهم وحطي ثووواب لهم لو تجاوبوا امنحيهم اياه ترى افضل من العقاب واذا سويتي كذا راح تحصلي وقت تجلسي مع زوجك وتتفاهموا وتحطوا حد لتجاهل الاولاد لك واسفه على الدوووشه اللي سويتها والاطاااااااله |
وفعلا في نقطة مهم جدا الشغاله لا تهينيها وتضربيها
تخيلي انه تضربه في غيابك من راسه ...او تحرقه ,,,وفي وحده سمعنا عنها وضعت له المادة الصمغيه _الغراء_ في مكان التبرز_ اكرمك الله السامعين _ ومات ومحد درى عن السبب الا بالصدفه ....وفي حرقتهم واقفلت عليهم الحجره وراااحت تنادي الجيران كانهم هم اقفلوووا على انفسهم ومااااااااتوا جميعهم بسبب ان ابوهم ضربها مره وحده فقط تخيلي ! وهي بعد ما سافرت ارسلت له رساله تخبره عشان تحرق قلبه على ابنائه ..حسبي الله عليها فاحذري جزاك الله خير |
| الساعة الآن 11:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©