|
زوجي و مشكلة التدخين و النوم
السلام عليكم ورحمة الله وبركاته
انا عضوه جديده عليكم وحابه اطرح مشكلتي لاني بكل صراحه تعبت انا متزوجه عمري 27 سنه عندي ولد وبنت وزوجي عمره 35 لنا سبع سنوات المشكله ان زوجي الله يهديه مايهتم فيني كزوجه مع انه والله العظيم حنون وطيب ومرح بس فيه عيب حب النوووووم والدخان ويعاملني معامله عاديه بتقولون كيف عاديه:( مثلا مايعرف حركات الرومنسيه مايهتم فيني وانا عند اهلي يعني لو شهر عادي عنده مع اني اشوف بنات ازواجهم يعصبون اذا طولو وهو لا كل اليوم عادي بس اذا يبي شي صار حبوب بدايه حياتي معه كانت كلها مشااااااااكل ومده يد ومافي احترام بتقولون غريبه وانتي تقولين حبوب وطيب حبوب وطيب على حسب مزاجه يعني عليه مزاج موطبيعي لو اجلس انا وياه واعاتبه يقول ابشري ولايهمتس وبعدها يرررررررررروح كل هالشي:29: وغير كذا طلعات وتمشيات مافي وسفرات مافي تبين نروح البر مع اهلي بس هذا اللي يبي واذا زعلت قال انتي حسوده وانتي مريضه وانتي وانتي والنوم اااااه يالنوم وربي تعبت احيانا ينام الساعه وحده بالليل ومايصحى الا ثلاث العصر تخيلو واذا تكلمت عصب وغير كذا التدخين يدخن فالبيت وعند العيال وفالسياره واذا قلت احرص على عيالك قال موب شغلتك:14: منهو شغله بالله مدري:) وغير كذا بالحمام الله يعزكم يدخن ومانقدر نستخدمه لان هو الحمام الوحيد واذا تكلمت مطنش بالله وش اسوي وربي تعبت معاه قلت منت طبيعي انت فيك شي مايرد يحب يروح للبر ويكشت ويحب هالخرابيط بس تمشيه وروحه مطاعم ولاشي واذا تفاهمت معه بالعصبيه اللي هو سببها قال انتي شايفه نفسك ان عندك فلوس ودراهم<<<< تفكير غلط لاني وارثه من ابوي الله يرحمه انا تعبت خلاص قلت شف وربي اذا على هالحال نفترق احسن ماني بميته وربي عادي انت وجودك زي عدمك بتقولون ليه انتي كذا وش تبوني اسوي بتقولون عيالي بيضيعون لا اقدر اعيش عيالي احسن عيشه الحمدلله اتمنى الجميع يفيدوني |
في البداية أسأل الله أن يصلح شأنكما
أنا أقترح عليك ياأختي ما يلي: 1- أنك تغيري من تعاملك معه من اليوم إلى تعامل أرقى وأمثل ولا تنتظري منه أنه يعاملك برومانسية بل كوني أسبق لهذا الشيء منه. عامليه برومانسية وحنية ممكن بالطريقة هذه هو يتفاعل ويبادلك نفس الشعوووور. طبعاً لو قلتي أنا أعامله برومانسية أقول لك: اتخذي طريقة جديدة وأستعيني بالأخوات في هذا المنتدى راااح يفيدوكي كثيراً. 2- أنك لو ذهبت عند أهلك فترة من الزمن كوني على اتصال دايم به, وقولي له انك مشتاقة له كثيييير... ومن هذا الكلام المعروف.. 3- لا تتظاهري أمام زوجك أنك مستغنية عنه بما آتاك الله من مال.. بل حاولي دايماً أن تشعريه بأنك محتاااجة إليه كثيراً وأن توصلي له رسالة مفادها (إنت أغلى عندي من المال) المال يروووح وتبقى انت حبيب الروح. 4- أكثري من الدعاء له بالصلاح والابتعاد عن التدخين وكثرة النووووم .. وليكن دعاؤك له في كل سجدة تسجدينها لله.. وأبشري بفرج الله ولطفه. |
هلافيك اخوي
اشكرك على ردك لي ماقصرت بالنسبه لرومانسيه اني ابدا فيها والله اني انا اللي ابدا واسوي له حفله واغير من شكلي ومن لبسي ومن ناحيه اني اكلمه والله اكلمه وارسله وهو مايرسل ابد واذا قلت اشتقت لك يعجبني رده معاي بس لمن ارجع للبيت يكون باول ليله متغير وطيب معاي وبعدها الله لايوريكم ومن ناحيه النوم امه وابوه متضايقين منه والله وحاسين بس وش اسوي |
الله يعينك هو ياكل حبوب منومه وعمله كيف منتظم باالدوام والا لا
انتبهى ياقلبي ولا تستهينين بالدخان لانه يجر وراه بلاوي |
اقتباس:
أما بالنسبة للنوم حاولي تقنعيه إن نومك كثير وإنك لازم تعمل لك حل.. ممكن راح يطلب منك حل فقولي له الحجامة حل مناسب للنوم الثقيل وهي مفيدة صحياً للجسم لأنها بتتخرج الدم الفاسد من الجسم |
تركة البيت اتركيها ولاتفكري فيها وهدم البيوت وتشتت الاولاد والمشكلة ما تستأهل الفراق
اجلسي معه وكلميه بهدوء على اثر التدخين وضرره على الاطفال وعليه وقولي عليه دخن بر البيت ممكن شوئ شوئ يتركه وادعي ربك أن يتركه ويسخره لكم وقربيه من الله اما النوم حاولي تجعلين هناك برامج حمسيه لها مثلا رحلة من الصباح للبر يوم ويوم زيارة اهله ويوم للحديقه وهكذا وشاركيه هوياته وبرامجه ومايحب في حدود الشرع اعانك الله وسخركما لبعض |
انا مع رئ ابو ناصر والله معك
|
اقتباس:
هو لا مايكل حبوب هو دوامه عسكري ايام يكون مرتاح و12 ساعه يكون مستلم ودوامه موصعب لا مرتاح والله اني خايفه لايجر يلاوي شاكره لك مرورك |
اخوي ابو ناصر شا كره لك مره ثانيه والله يجزاك الف خير
والله كل اللي قلته سويته وهو مشكلته نحيف اقول يمكن عندو مشاكل وكم مره قلت روح تعالج اكشف وسو تحاليل يطنش مايهتم |
:[QUOTE=سحابة الصحراء;2341162]تركة البيت اتركيها ولاتفكري فيها وهدم البيوت وتشتت الاولاد والمشكلة ما تستأهل الفراق
اجلسي معه وكلميه بهدوء على اثر التدخين وضرره على الاطفال وعليه وقولي عليه دخن بر البيت ممكن شوئ شوئ يتركه وادعي ربك أن يتركه ويسخره لكم وقربيه من الله اما النوم حاولي تجعلين هناك برامج حمسيه لها مثلا رحلة من الصباح للبر يوم ويوم زيارة اهله ويوم للحديقه وهكذا وشاركيه هوياته وبرامجه ومايحب في حدود الشرع اعانك الله وسخركما لببعض هلافيك سحابه صح كلامك الفراق صعب بس وش اسوي ياناس تخيلو اصحيه الساعه مثلا وحده الضهر ويقوم ياكل فطور واكون انا مسويه قهوه ومرتبه البيت ومغيره ملابس عيالي ومبخره بيتي وربي شاهد علي اني ما امدح نفسي ولمن يصحى ياكل اي شي واروح للمطبخ اجهزله الغدا لمن ارجع للغرفه الجلوس ما القاه فيه راح ينام:( ولمن ارجع له بالغرفه اقول وين البارح نايم شبعان نوم يقول اطلعي سكري الباب واحيانا مايصحى نجلس ننتضره انا وعيالي لساعه ثلاث ماما نبي ناكل وربي رحمتهم بتقولون اكليهم واستني ابوهم انا اكون جوعانه وتعبانه من الشغل ابتغدى وارتاح لوحده اللهم الهمني الصبر وهو مشكلته مايحب ياكل لوحده |
الإشراف / الصورة الرمزية مخالفة .. نرجو التكرم بسرعة تغييرها . وشكراً
|
اقتباس:
اسعدني مرورك الله يحفضك |
لا اله الا الله محمد رسول الله
|
الدخان لوحده كفيل بإنك تكرهينه غير النوم و عدم الرومانسية
الله يعينك والله و يهديه |
موب اكره حتى اني مانام فالوقت اللي ينام فيه هو
شاكره مرورك يالغاليه اتمنى الدعا بان الله يهديه |
اول شي اختي الله يعيينك ويصبرك وعليك با الاستغفار وفكري في عيالك ولاتقولين باعيشهم احسن عيشة العيال يبون يعيشون مع ابوهم وامهم وبيكفونهم عن الدنيا كلها والدخان فيه حبوب نيكوتين في الصيدلية مفيده جداً للمدخنين وكثير تركو التدخين بسببها لانها تغير طعم الزقارة وتخليه مايقدر يكملها وبنفس الوقت تعوضه با النيكوتين الي هو مدمن على الدخان بسببة الين يتعود ويتركه بنفسه ولها جدوله معينه مكتوبة على نفس الحبوب وبا النسبة للنوم الحل جداً بسيط خليه يسوي حجامة مفيدة جداً والرسول صلى الله عليهم موصي فيها واذا سواها اتحداه ينام اكثر من 5 ساعات غير انه بيصحى وهو كله نشاط وصحة وحيويه الله يخليهم لبعض ويألف مابين قلوبكم |
اقتباس:
الاخت مانزلت الموضوع الا محتاجة لنصيحة او دعوه صادقه قل خيراً او اصمت ! |
الله يعينك ويهدي زوجك
|
دروب الشوق
الله يجزاك الف خير يارب وابشتر الحبوب وابحاول معه وان شالله يوافق وبحاول اقنعه بالحجامه الف شكر لك |
جداويه وافخر
دنيتي دنياك الف شكر من الاعماق جزاكم الله الف خير يارب |
.
. . اكتبي له ورقه بكل ماتودين منه وبكل ماتحتاجين منه بأسلوب جميل منمق ... واستري هذاء الدواء وغلفيه بشكل مرتب واكتبي له عبارات معه انك اشتريته من أجله ومن أجل صحته ومن محبتك له ... بيني له كم يأثر ذلك عليك وعلى ابناءه قد تكون الوريقات كفيله بايصال مالم يتفهمه ومالم تحاولي قوله ... وفقك الله وأعانك .. . . . |
رسيل
الف شكر على هالفكره اختي ان شالله بسويها جزاك الله الف خير |
الله يهديه ويسخره لما فيه صلاح لك ولعيالك..
|
اللهم امين
جزاك الله الف خير |
| الساعة الآن 01:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©