|
زوجي تزوج علي بنت عمه ... أريد أرائكم ((مستجدات الرد 14))
بسم الله الرحمن الرحيم انا امرأة متزوجة عمري 25 سنة وزوجي بسني تزوجنا صغار من ثلاث سنوات مرينا بمصاعب الما تزوجنا ورزقنا بطفلنا الاول بعد سنة ونص وتوفى بعد الولادة بسبوعين وعوضنا ربي بالثاني والحين عمره 9 شهور الله يخليه ولايحرمني منه قولو آمين كانت حياتنا مرة حلوة ومبسوطين أنا مااقول عن نفسي مثالية بس الناس تضرب بي المثل بالزوجة الكويسة والمطيعة وحتى بالغرفة كنت أرضيه وهذا بعترافه هو ... المهم بعد ولادتي بطفلي ب4 شهور أوأقل بشوي سافر زوجي اجازه وبعد ماجا عرفت انه خطب بنت عمه علي فكانت ردة فعلي اني طلبت الطلاق مباشرة وقعدت على هذا الحال عشرين يوم بس المهم بعد مارجعت حسيت انه يحبها ويتراسل هو وياهافحسيت نفسي غبية المهم أناوقفت معاه الما تزوج و تدمرت نفسيتي على الاخير وكرهت نفسي ولما كان في شهر العسل قعدت عند أهلي ومارجعت وطلبت منه أقعد عند أهلي لاني تعبانة ومارضا وغلط علي بالحكي وبعدها حطيت عليه شروط وقلت له ماراح أرجع من دونها وهو زعل وماهو راضي بالشروط اللي حطيتها عليه(شروطي كانت أكمل دراسة ورضاوة مادية وبيت غير عن بيت شريكتي ولو دور بس) واحنا الحين مانكلم بعض ولاني عارفة ايش اسوي بالذات اني أحس نفسي بايعة ولاعاد شي يهمني واخاف اذا رجعت ماتحمل الغيرة والمشاكل واندم واذا رجعت كيف اتعامل معاه لاني احس انه مايقدرني وانا كنت أعشقه واقدره واااااجد ومعليش طولت عليكم بس حابة اسمع راي الرجال بالموضوع |
نقل إلى مكانه المناسب
|
أنا مقدر لك وضعك ونفسيتك.. لكن يا أختي ضع نفسك في الأمر الواقع.. فلست أول امرأة يتزوج عليها زوجها.. كثير من النساء مثلك وحياتهم بحمد الله هنية وسعيدة..
أما كون أنك ما تتحملي الغيرة والمشاكل؛ فالغيرة أمر طبيعي في النساء خصوصاً الضرائر بل إن الغيرة كانت موجودة بين أزواج الحبي صلى الله عليه وسلم, لكن ينبغي أن نضبط تصرفاتنا والغيرة التي فينا , بمعنى أني لا أعتدي عليها بالكلام ولا باليد, وفي نفس الوقت ما أكون كثيرة الكلام في هذا الموضوع عند الزوج.. بل عليك يا اختي الكريمة أن تزيدي من احترامك لزوجك وتكلميه بأحسن اسلوب حتى تشعريه بأنك امرأة عاقلة ومتفهمة لوضعه. إن أكثر المشاكل بين الزوجين بعد الزواج تكون بسبب تصرفات المرأة الخاطئة مع زوجها بأن تتكلم عليه أو على زوجته أمامه. فالذي أريد أن أصل إليه أنه إذا دخل عليك زوجك فاعتبري أنك زوجته الوحيدة فلا تذكري زوجته من قريب ولا بعيد...... وأنا على يقين أن حبه لك سيزيد وأنك ستكبرين في عينه جداً |
بسم الله
الله يعينك 1- التأكد من صدقه فيما قال عن بنت عمه. 2- إن كان صحيحا ما يقول فأرى أن تقبلي بالأمر الواقع لتشتركي معه في الأجر. 3- ستغارين -بلا شك- وهذه طبيعة المرأة، وربما تحترقين غيرة، ولكن تحملي الغيرة احتسابا للأجر. 4- الخروج من بيت زوجك لن ينفعك بشيء، بل ربما أصبحت في عداد المطلقات، ولن تكوني أفضل من حالك الآن حتى لو تزوجت بآخر، لأن معك منه بنتا. 5- من الطبيعي أن يراسل زوجته الجديدة، ويكتب لها رسائل الحب، فهي جديدة وتحتاج ذلك، والحقيقة أنه يحبك أكثر. 6- أظن أنك إذا وقفت منه موقفا إيجابيا، ستزدادين منه قربا وحبا، وسيحسب ذلك لصالحك. . |
هلافيك اختي
والله يخليلك ولدك يارب شوفي حبيبتي اول شي لاتكلمينه ولاتتصلين عليه الا اذا هو من نفسه جا لمك وثاني شي المفروض الرضاوه طلبتيها من عرفتي انه بيتزوج مو بعد زواجه وهذي من حقك وخليك على رايك لاتتنازلين عنها نصيحه وصدقيني مدام البنت عندها مشاكل وماضيها مثل ماقلتي انها غابت فصدقيني ماراح يرتاح معها مهما طال الزمن بيرجع لك انتي واصلا هو وش دخله وش عليه من البنت انا نفسي مو مقتنعه بكلامه بس نصيحتي سوي مثل ماقلت لك وان شالله ربي يهديه ويرجعه لك يارب |
ادعو الله ان يلهمك الصبر و يحن قلب زوجك لك..
|
طيب اخواني واخواتي قولو لي وشلون اتصرف معاه الحين انا مابي اتنازل عن احقوقي وهو ماادري وافق على الشروط ولا لأ لأنه نقل عمله برا الرياض وماعاد نكلم بعض وانا عند اهلي اكمل الدراسة باقي لي بس هذي السنة واخلص وبعدها المفروض اني ارجع بس هو لسة ماسوالي شي وما ادري بيسوي ولا لأ |
مستجدات
وصلني خبر انو( زوجي) موجود قي الرياض الحين :29: تخيلو انو جا وانا ماأعرف ابوي شافه بالصدفة في عزيمة بالله عليكم وش المفروض أحس فيه ألحين :11: |
الزواج من اخرى امرطبيعي وطلبك لمسكن اخر طلب حق بحسب مقدوره
نصيحتي ان تكوني معه كما كنت واحسن لان الزوجة الاولى تعبر نفسها غير مقبولة كماكانت من قبل وهذا خطئا يساعد الزوجة الثانية اجتذابه اليها اكثر لانه يجد عندها وعند الاولى النرفزة والعتاب الدائم واتهامه بالتقصير فينفر منها ولو انها عاملته معاملة الطيبة واخفت ماقديتملكها من عوامل الغيرة الزائدة لعاد اليها بشوق اكبر واعتبر قبولها بالزوجة الثانية عقلا وفطنة ورضاء بحكم الله هذه نصيحتي كما لو كنت بنتي كما يعلم الله |
الله يكون بعونك ويريح بالك
|
اختي الله يصبرك انا موقادرة استوعب الموضوع بس بالنسبة لدراستك حبيبتي كمليها وخليها شرط لاتتنازلي عنه لان الشهادة بعد الله ستساعدك مع الايام بس حاولي تتجنبي الزوجة الجديدة والله ماعندي كلام اقوله بصراحة صار فيني غصة
|
الله يجزاكم خير ومشكوووورين على مروووووركم والله كلامي معكم يريحني كثير |
اقتباس:
خوي أنا والله كنت أعقل من عاقالة معاه والفترة اللي رجعت فيها وهي فترة خطبته ظميته لي وحاولت اني ماأنكد عليه وكان يحكي معي انا عن مشاريعه وخططه اللي بيسويه بعد زواجه ومرة سألني عن رايي فيها لاني قعدت معها مرتين يوم سووا لي عزيمه عشان زواجي (:14:هههه ) واصبر على اني كنت اموت كل يوم لان حبي له كان جنوني والله مابكيت قدامه الامرة وتنكد وبعدها ماعدتها حتى اني عرضت عليه يخلي خطيبته تستعير فستان زواجي ومن كثر ماتفاجأ باسني على جبيني وقال الله يكملك بعقلك وقبل لايسافر اهديته شماغ جديد تزوج فيه ....والله اللي ماغيره احد اني الوحيدة اللي وقفت معاه بزواجه وان الكل كانو ضده يعني هو وقف بوجه العالم عشان ياخذها بس (بالله شي مايقهر )والوحيدة اللي ممكن يوقف هذا الزواج انا بس ماوقفته عشان ماافشله قدام العالم ويقولو مرته خلته يخلي بنت عمه والناس يحكو عليهم (ادري غبية بس هذا تفكيري ) وانا اللي كنت اهدي على اهله لانهم معارضين ولااحد حضر عرسه وانا اللي قلت لابوه روح احضر زواجه لاتفشلوه قدام الناس لكن والله من كثر ماتعبت ونفسيتي تدمرت طلبت اني أقعد عند اهلي بس وارتاح هذا بس اللي طلبته لكن رفض وغلط علي بالكلام ومن الزعل قلت عاد والله ماارجع الا بشروط (عشان بس يقدرني لاني شفت ان رجعتي بلاش خلته يطمع ) وهو نقل برا الرياض من دون لايبلغني ولايسلم ولا يرد علي شروطي اللي هو رافضها طبعا يبين انا وشريكتي نسكن نفس البيت وأنا اللي طلبته فيلا لها دور وانا دور بس والرضاوة المادية رافضها على انه اخترع فلوس عشان زواجه من تحت الارض يعني لما يبي يطلع فلوس يقدر واما على دراستي هذا الشي اللي قاهره والشي اللي مااققدر اساوم عليه من جد لان ماعاد اثق فيه وماادري وش يصير بينا بعدين يعني شهادتي سلاحي وانا باقي لي بس ترم وهو مايبي يصبر يعني بالله شوف الفرق شوف وش سوا عشانها وانا وش سوا عشاني ..أنا ماحصلت الا الكلام اللي لو ينباع صار هو أغنى البشر ويقول يحبني وهي وقف بوجه العالم عشانه ويقول مااحبها هي بالنسبة لي عادي ..والله اسمع كلامه استغرب واشوف افعاله اتعجب وسوري طولت بالحكي صايرة ثرثارة هالايام:d |
مو قلت لكم جا الرياض امس اليوم جت خالتي اللي هي ام زوجي عندنا وأخذت الولد عشان يشوفه ابوه يعني ماكلف على نفسه يجي مسوي زعلان مني ومن اهلي ولا فوق هذا يبيني انا اجي اسلم عليه في بيت اهله وهو ماكلف نفسه بمسج بس ياربي ودي أضحك هههههههههههههههههههههههههههههههههههههههههههههههههه هههههههههههههههههههه |
يختي الله يعينك ويساعدك
مالكي الا انك ترجعي له وحطي رجلك في البيت اللي بياخذو عشان ضرتك لا تاخذ عليكي البيت كله اجلسي على قلبها لا تعطيها فرصة دبري لروحتك عنده اهم شي وبعدين ارجعي الرياض كملي دراسه اهم شي عفشك يتحط في البيت |
أشور عليك انك ترجعين لبيت زوجك وتحاولين تكسبينه في صفك
|
والله قهرتيني
أهله أنفسهم ماهم راضين وإنتي تسوين اللي سويتيه آآآآه يالقهر عطيتيها زوجك باردة مبردة ؟؟؟؟ ترى اللي سويتيه معه في زواجه حسسه إنه ماهو غالي عندك حتى لو ماقال .. بس الان تغير الوضع وصار واقع واقع مرير بعد فهنا لازم تجبرين اللي كسرتيه بإنك تتمسكين بشروطك وخاصة الدراسة والرضاوة هنا راح يحس إنك تحبينه بجنون صح بس تحبين نفسك اكثر والرجل دايما يحب يجري ورا االمرأة موالعكس يعني طنشييييييييييييييييييه وبنت عمه(زوجته الثانية) اللي بينه وبينها مسجات سواء قبل الخطبة او بعدها راااح يملها صدقيني ولا راح يامن لها مرة ثانية لأن الرجل الشرقي غالبا تفكيره إن اللي تكلمني او حتى تراسلني ممكن تسويها مع غيري... أهم شئ لا تتنازلين عن حقوقك مهما صار... |
هذا اللي خلاه يتزوج عليك
لأنك ما تبينين مشاعرك عندك .. يعني ما تبينين اللي بقلبك .. انتي تبينين لزوجك العكس .. يعني هو ما يدري انك تحبينه .. يعني انتي اذا قلتي له خذ فستان زواجي هو بيفرح عليك .. بالعكس بيقول وش هذي المرة ما تحبني ولا شي .. ما عندها مشاعر .. تراني اقول كلام حقيقي .. وفيه رجال تزوج على زوجته عشان هالسبب وهو الوحيد من العائلة اللي تزوج على زوجته منهم كلهم .. يوم سألوه ليش؟؟ قال انا ما اخذت انسان اخذت جماد مالها مشاعر ولا شي .. يقول اسوي اشياء ابغاها تزعل والا شي ما تزعل ؟؟ مع انه يحبها بس يقول ابغى احد يبادلني الحب .. يشتاق لي اذا رحت ويفرح فيني اذا جيت .. يزعل اذا زعلته او سويت تصرف ما يعجبها .. تسأل عن حقوق .. تلح بحاجاتها وطلباتها اوامر .. لكن باحترام وادب وبالسحر الحلال .. ايه على طاري سحر .. لا تصير بنت عمه ساحرته .. لهذي الدرجة يحبها ينقل شغله عشانها .. طيب ليش ما أخذها من أول .. ؟؟؟؟ الله يستر عليكم ويرجع حياتكم زي أول وأحلى .. ويكفيكم شر الحاسدين يارب .. : / |
اقتباس:
والله يااختي لي ثلاث سنين معاه يدري اني اموت عليه والله مابقى الاأعبده استغفر الله ..وفي البداية انا أخذت موقف اني طلبت الطلاق وهذا الشي جننه الما قال العذر اللي قاله وانا صدقت ورجعت وحبيت ابين له اني ممكن ادوس على قلبي عشان كلامه ماينزل الارض يعني يقدرني اكثر بس للاسف طلعت أكبر غبية بس الحمد لله ماتعودت اندم على شي سويته لان الخيرة فيما اختاره الله وهي لها قسمة معاه بس القاهرني تصرفاتهال:15: والمتناقضة. |
مشكورررين اخواني واخواتي على وقتكم اللي قدمتوه لي:17: |
السلام عليكم ..اختى..وضعك يحتاج منك لتحليل اكبر واعمق للامور حتى تصلى الى ماتريدين لدلك ساطرح عليك اولا بعض الاسئلة وحاولى ان تركزى فى اجابتها ..كيف تزوجتى زوجك ..زواج تقليدى او عن معرفة بينكما وعلاقة .....هل لاهله دخل بزواجك....ماهو موقف اهله منك قبل وبعد الزواج والان...هل لزوجك علاقات سابقة بالدات بابنة عمه هده..هناك دورة اختى وجدتها اسمها 10ثوانى ..10شهور ..10سنوات حاولى الاطلاع عليها ومن هنا اختى وحتى تتضح رؤية الامور امامك الشئ الوحيد الدى يجب واعيد يجب المحافظة عليه هو اتمام الدراسة ..لى عودة اخرى اختى معك باذن الله
|
اقتباس:
اهلا والله وغلا وعليكم السلام ورحمة الله وبركاته انا بقولك قصتنا كلها أول شي زوجي يصير ولد خالتي لزم ثاني شي انا كنت احبه من صغري وهو كمان (مادري كان حب أوبس اعجاب شديد من ناحيته )الى سن المراهقة وحدنا نظرات بس ماكان في اكثر من كذا .. خطبني اول مرة وانا عمري 19 وهو عمره 19 كمان وابوي رفض بحكم انو احنا صغار وماكان يبي يربطني فيه الما نخلص دراسة يخاف نتعلق ببعض وبعدين احد فينا يترك الثاني بعدين قال بس يكبروا يصير خير الحين هم اصغار وكمان اللي زاد الطين بله ابوي قال انشاور عمامها (تعرف بدو:18: ) المهم اهله كبروا السالفة وهو زعل واخذ موقف وبعدها سافر يغير جو وبذيك السفرة شاف بنت عمه اول مرة ومثل مايقولو هي ارسلت عليه وقالت تبيه وهي اعجبته وخطبها ولما وصلني الخبر جاني شبه انهيار وصدمه فضيييعة المهم استمرت خطبتهم كم شهر وبعدين انفسخت ماادري ليش وبعدها رجع لي واعتذر وقال انه يبيني لسة طبعا هذا كان الكلام عن طريق اخته وهو اللي مرسلها وانا قلت انا باقية عليه دامه ييبيني وكان هذا اول اعتراف منه انه يحبني طبعا هو ترك الدراسة واشتغل وكون نفسه ولما صار عمره 21 خطبني من جديد وابوي وافق واستمرت الخطبة 6 شهور كان فيها مشاكل بين امي وامه على اشياء سخيفة واحنا ماكان بينا مكالمات الا قبل الزواج بشهر واحد لانا ماكنا ملكين كنا بس مخطوبين وابوي شديد مرة اما من ناحية اهله هم من زمان يبوني ويحبوني ولسة يحبوني بس الحين ماخذين مني موقف على طلباتي لكن ودهم نرجع لبعض طبعا اول صدمه لي بعد الزواج اني اكتشفت انه خطب غيري(غير حبيبته وغير بنت عمه وهذي بالفترة اللي رجع لي فيها وقال يحبني ههههههه) قبل وكمان اكتشفت انو كانت له علاقة بوحدة ماتقرب لنا وكان يحبها ويبي يتزوجها وابوه كان رافض (قضايا التناسب تعرف بدو:18:) وانا حاولت اعدي هذي الاشياء قلت انا مالي دخل فيها هذي قبل الزواج المهم انه الحين يحبني انا يعني (كذبوا علي باشيا واجدة ) بس الشهادة لله ماقد خاني وكمان حبيبته الاولى دقت عليه وماعطاها مجال وبنت عمه ماصار بينهم مسجات الا بعد ماخطبها المرة الثانية المهم الوضع مررررة يخربط ووالله مادري هو وش يبي حسيته كازانوفا من جد |
الموضوع بصراحه يحـــر !! لكن شوفي اذا انتي قادره تتحملين الغيره والوضع اما اذا ماتقدرين اقولك اشتري راحتك احسن
ومن باعنا برخيص بعناه بتراب !! |
قصة الزواج الثاني لا تقبله أي امرأه تحب زوجها ولكن الله تعالى يغار و يعلمنا عدم التمسك و الأمل والرجاء الا اليه سبحانه والله أمرنا بحس التبعل والرضا للزوجوأنت مأجورة انشاء الله على الصبر وقضية التعدد احلها الله بشروط وهو محاسب ان لم يعدل
|
لعاب
نفسي اقول لك طنشيه بس خوفي اقول لك طنشيه ترجعي تلقي عفشك بره وهي في البيت ولك نص غرفة .. هذا ان كان لك شي...لأنك انت تركت البيت ينفع ترجعي بيتك وتقولي له مرااح اخلي احد يدخله غير انت؟ انت ادرى بحالته المادية يقدر ولا لا وبعدين خفي عليه شوي لا يكون حب اعمى لها الدرجة الي هو واثق انك عمرك ماراح تخلينه وتموتين فيه!!! اعتقد زوجك لو حس انك بايعاها بيتغير، بس انت ادرى، يمكن تاخذه هي وانت ماتلقين شي انت ادى بحبه وحالته |
اقتباس:
الله يعاااااااااااااااااافيك اي بيت احنا لنا ثلاث سنين متزوجين وساكنة بجناح عبارة عن غرفة وحمام ببيت اهله ويوم اجي اطلع لبيت لحالي اطلع على ضرررررة آآآآآآآآآآآآآآآآآآآآآآآآآآآآآآآآآه ياربي ودي اضحك على نفسي من جد يعني صمت صمت وافطرت على بصل ههههههه وبعدين على حالته المادية هو ياخذ بدل سكن 18 الف سنوي والبيت اللي بياخذه بتبوك مو في الرياض وتبوك ارخص بكثير يعني مومعقولة مافيها فيلا ب18 يقدر يقسمها دورين انا والله بس هذا اللي ابييه والله ارخصت نفسي واااااجد بس هو يبيني على كيفه ارضا باللي يعطينياه ويكون هارون الرشيد زماناانه والله مااقدر اسكن معاها حرااااام مااقدر احرك كنبة من مكانها الا واشاورها انا ابي مملكتي لحالي انا مواشوفه يوم يروح لها وتشوفه لما يجيني ونتشارك الحمام يعني والله يظلمنا كذا وراح يتجازا على القهر اللي بنحس فيه والغيرة وبعدين اللي ماخذه الحين دور ارضي بس يقول كبير وانا ماادري حيرني الله يحيره بنفسه |
لا لا لا لا لا لا
لاتسكنين معها بنفس البيت هو تزوج وهو اللي يتحمل نصيحه مني اذا الوحده ماتاخذ راحتها مع اهل زوجها بالله كيف بتاخذينها مع الطبينه يالغاليه زوجك شكله شايف نفسه وانتي راح تتعبين معه اذا وافقتي واي شي يبيه بتسوينه فكري بالايام اللي جايه ومقابلها هذي نصيحتي لك والله يوفقك ان شالله |
الله يساعدك ويصبرك يبنتى لاتحزني ولاتنكدي نفسك ورح يرجع بنفسه لك ويترضاك بس مشكلة السكن هذه محيرهالله يجعلك مخرج وحل لصالحك ان شاء الله ---واتمنى ان تتشاوري معه على اكمال دراستك اهم شئ وان تجلسي عند اهلك مدة الدراسه ويزورك وتصفو النفوس بينكم وبعد ماتنتهي دراستك فى هذه الفتره قرري السفر معه--والسكن مع زوجته --ولوالضطر الامر قسم الشقه لقسمين بواسطة حواجز خشبيه--- بارتشن---وان شاء الله تكملي ترمك وتتشتغلي وشهادتك هي سندك بعد الله ---الله يوفقك يارب ويبرد على قلبك ويرده لك ردا جميلا
|
اقتباس:
انا الحين عند اهلي واكمل دراستي لكن هو ماخذ موقف يقول انتي اخترتي الدراسة علي وكانت الدراسة عند اهلي احد الشروط اللي حطيتها لكن هو الله يهديه ماوافق على شي عشان يصير في تواصل او يصير يزورني هو يبيني امشي معه وبس وصارت مشاكل بينه وبين اهلي واخذ موقف منهم وحتى امس لما جا الرياض مافكر يجي عندنا وارسل امه تجي تاخذ الولد يشوفه ورجعوه بنفس اليوم |
انت قدمتي تنازلات كثيييير
وهو ماقدر ولا حيقدر هذا من نوع اعطيه اصبعك يطلب ذراعك وابدا ماراح يعطيك شي كل الي حيصير ان عشان تستمري معاه راح تقمي مزيدد من التنازلات واعتقد انك من النوع دا ميته فيه وهو مصدق عمره ان لايمكن تتغيري.. وبنفس الوقت عنده تصبيرة تعطيه وقت حرمانه وضعك مرة صعب..وانا خبرتي ميح نفسي اتحسبن عليه..بس مالي حق ياليت السيف المهند او باريسا وبقية الاخووة يردون عليك اكثر من مرة ورطت وطلعوني بعد الله |
اقتباس:
أنا لسسسسسسة فيني صبررر بس ماادري متى بنفجر بس أظن هالشي قرييييييييييييب معليش يعذرني كل من شاركني رايه وماعلقت عليه مشكووورين جميع انا مبسوطة لاني اتكلم معاكم ماقووول غير صبر جمييييييييييييييييييييييييييييييييييل والله المستعاااااااااااااااااان |
كازانوفا.....
من جد صاير كازانوفا الله يصلح الحال اسمعي يا أخيتي اولاً هو مازال صغيرسن وفي عنفوان صلابة الرأي.... يعني أقصد انه يبي يمشي راية غصب ((وراح يندم بعدين)) لأني أعتقد من كلامك انه يحبك بس كازانوفا مازال براسة حب ما انطحن... أخاف أقولك أجلسي عند أهلك لكن يمكن يجي ويمكن مايجي و كبريائة ماراح يسمح له و راح يندم بعدين وأخاف أقول لك روحي لبيتك ومملكتك وزاحمي ضرتك وخوذي حقك ويعتبرك انك ضعفتي ويزيد في تجاهلك.... والله أحترت لكن دام بينكم ولد ودام ان اهله يحبونك وكانوا معارضين زواجة..... أنا اشوف انك تتنازلين شوي في سبيل ان الأمور تصلح شوي شوي وانا قلت لك في البداية انه ((صليب راس)) ولازم تكون المبادرة منك وإن شاء الله ماراح تندمين.... والله أعلم أتمنى لك حياة سعيدة مع زوجك و ابنك |
اقتباس:
|
يقول انتي رجعتي من اول ليش ماقلتي هالكلام من قبل لاترجعي لي
يعني هو كان ميت عشان ارجع وبعد مارجعت ذلني بالرجعة يعني أنتي ألحين راجعة وإلا كيف مافهمت!!؟؟ |
شوفي يابنتي اذا ممكن ان تاجلي فصل الدراسه بعذر وتتفاهمي معه على اساس انك رح ترجعي معه لبيتك وعلشان طفلكم وبعدها خذيه بالسياسه والتودد على ان يتركك تكملي هذا الترم بعد فتره زمنيه قصيره والله يساعدك--مع ان الشهاده هي السلاح للمراءة في هذا الزمان والتضحيه الزايده لبعض الرجال ماتنفع بل يزدادو عناد وتمسك برائيهم --الله يهديه ويسخره لك ويكتب لك ربي الأجر والخير على صبرك
|
هلا والله مرة ثانية اناشرحت الوضع في البداية وبشرحة مررة ثانية انا لما عرفت بخطبته طلبت الطلاق ومانويت الرجعة واستمريت على هالحال 20 يوم وبعدماستنفذ جميع محاولاته لرجعتي كلمني وقال انو السبب الرئيسي ورا زواجه انه بنت عمه صارت لها سالفة وحب يلم الموضوع على ان عيال عمها واجد واخطبوها بس هي مارضت وانا صدقت ورجعت من دون شروط (وطبعا كان هو يقول لي احتمال مايدخل عليها واحتمال الموضوع مؤقت ومن هالكلام ) وبعد مارجعت حسيت ان الاسباب اللي قالها كلها واهية وحسيت انو هو يبيها من جد المهم تعبت جدا وقفت معه الما تزوج وبعد زواجه طلعت لاهلي ولما جا من السفر قلت له تعبانه وابي اقعد عندهم فترة بس ارتاح عندها غلط علي بالكلام وما رضا يخليني هالفترة بس ارتاح وعندها تهاوشنا وقلت عاد والله ما ارجع الا بشروط حطيتها عليه فانا حبيت اشوف وش ممكن يسوي عشاني وهو يحبني ولا لأ لأني بعد مارجعت وبدون شي ماعذر تعبي وانا احبه بجنون وغلط علي مرة ومرتين فعرفت انه ما قدر رجعتي وانه اناني وبيتعبني واجد فكنت ابيه يعرف مقداري (وهذي السالفة باختصار وعالعموم كل التفاصيل مكتوبه بالصفحات السابقة واذا في اي سؤال انا بجاوب بس ودي اعرف انا معي حق ولا لأ انا من الاساس معارضة اني اسكن مع شريكتي وهو عارف هالشي بس موراضي ) |
والله يا اوخيتي إستخيري ربك
أنتي معك حق بس يمكن زوجك ماعليه من ان الحق معك والا معه.... يعني إللي براسة بيسوية وواضح انه مش راح يجيبها لبر , لكن أنا أشوف انك تحاولين تلاقين لك ثغرة بحيث تخلينة يقول ترى ابجي آخذك أو كلمة تفتح لك بابا العودة بكرامتك (ولو قليل) , وبعدها أنتي لازم تبدأين تكسبين زوجك بالتي هي أحسن (انا أتوقع انه يبيك وشاريك بس هو عنيد شوي) نصيحتي لك تكسبينة ...... زوجك هذا بالكلمة الحلوة تاخذين منه اللي تبين بس أهم شي بموافقتة مش بلوي اليد(طبعاً حسب تفكيرة هو)... الله يكتب لك اللي فيه خير |
ا
نا والله قاعدة احاول انو يصير بينا تواصل عشان اعرف اتعامل معاه ووالله مو عشانه عشان الطفل اللي بينا حرام يتشتت وبكرة يقول يمة ليش ماحاولتي .. هو كلمني قبل شهر تقريبا لكن قعد يعاتبني وبعدها انقلب العتاب لهواش وبعدها انقطع ماعاد دق يعني من ثلاث شهور مادق الا مرة وتهاوشنا فيها وارسلت له بعدها مسج حلو ومارد وبعدها ارسلت مسج عشان مصروف الولد لانه ماكان يرسل لي مصروف غير لما طلبته يرسل وارسل له ايميلات عادية بس هو مايرسل شي يعني هو شكله بدا يبيع بس يمكن يبيها تجي مني واظاهر مرته الثانية حطته بجيبها وعالعموم كلامك صحيح مية بالمية وكأنك تعرفه |
شوفي يالغالية مادام انك تحبينه لاتفرطي فيه لها وتتمكن منه وخاصة هذا الفترة
اذا كلمك يبغاك ترجعين ارجعي بس اشرطي بيت منفصل وحافظي على بيتك واسرتك |
اقتباس:
هلا والله اختي انا هذا اللي قلته لما كلمني بس هو مووووووووووووووووووووراضي يبينا نسكن بيت واحد وهو دور ارضي انا بعينه اليمين وهي بعينه اليسار وهو مثل هارون الرشيد بس الحين انا بظل متمسكة بموقفي الما اخلص الترم هذا واذا جا بعدها وبيلبي اللي طلبته ولا انا خلاااااص ماعاد ارخص نفسي اكثر من كذا كرامتي كرامتي كرامتي بصون اللي بقالي منها |
| الساعة الآن 06:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©