السلام عليكم انامتزوجةلي ستة شهور واعاني من مشاكل مع زوجي من اتفة الاسباب ودايم يغلط علي ويرمي علي بالفاظ سيئة وانا ارد علية بس ماهو نفس كلامة فارجو منكم المساعدة والحين هو تاركني وراح جدة

انا زوجي طيب ويحبني واحبه بس عيبه اذا زعل يقلب واحد ثاني
يتلفظ علي الفاظ تجرح وارد عليه لانه يقهرني بالفاظه واذا رديت يزعل علي
ويقول انتي ماتحترميني قلت حتى انت ماتحترمني قالي والله اذا ماحترمتيني مكانك يبت اهلك
ودايما يقولي اذا ماغيرتي اسلوبك معي بتخسرين بيتك مع ان اسلوبي معه تمام الا اذا غلط علي ماارضى
خاصه ذي الا يام انا حامل ومااتحمل منه شي وهو عصبي شوي ولسانه طويل
اخر مشكله صارت بينا تركني في السياره وراح يقضي شغله طبعا الطوايق كانت مقفله انكتمت واول مارجع قلت له وينك تاركني انكتمت بس عصب وتخاصمنا غلط علي ورديت عليه وكبرت السالفه لدرجة انه كان بيمد يده بس تراجع بعدين رجعت لاهلي وهو معي هو بيتركني عند اهلي لانه عنده مهمه في مدينه ثانيه بس اسبوع يجيني واسبوع يسافر المهم رجعني لاهلي وانتهى الموضوع تصالحنا بس الظاهر هو باقي شايل علي ماسامحني بعدها سافر وماكلمني الا مره مكالمه عاديه ولما جت اجازته ذا الاسبوع على اساس انه يجيني بس ماجاء ادق على جواله مغلق بعدين عرفت انه في جده وانا كنت باموت من الرعبه على بالي صار له شي بس حضرته طلع مسافر على جده ماادري ايش اسوي اخاف يتركني وفي نفس الوقت ابغى اسلوبه يتعدل
معي ويحترمني كيف اخليه يحترمني
انا سمعت عن منتداكم وقلت اكيد ماراح يساعدني بعد الله غيركم

اهلا وسهلا اختي
اتمنى تفصلين الموضوع
وتذكرين المشكله الي بينك انتي وزوجك بالتفصيل
حتى يتمكن الاعضاء المتزوجين من مساعدتك
الله ييسر امورك ويهدي لك زوجك

اللي مثل زوجك ، الرد عليه ما ينفع

بس ردي عليه بطريقة تانية

مثلا شتم و سب ، طالعي فيه و قولي حبيبي إيش فيك ؟؟؟

يعني الكلام الحلو يسكته ، بس الرد عليه يزيده عناد

مشكورة على نصائحكم لكن يااخوات انااحس احيان اذاسكت انة يتمادا في الكلام وفي الاجازة هذي كان يكلمني بس ماهي نفس اسلوبة الي اعرفة ولما اخذ اجازتة دقيت علية علشان اشوف بيجي ولا لا لقيتة انتظار بعدين رجع دق علي وقال انة لما يجي راح يتصل فيني وسال عن امي وابي موجدين ولالا لانة اخر مشكلة غلط على امي وابي لعني ولعن اهلي بعدين سكرنا الخط بعدين انتظرتة ومااتصل فاتصل فية مقفل جوالة لحد الحين بعدين طنشتة ماصرت اتصل فية بس ماادري تصرفي هذا صح ولالا بعدين تتوقعون بيكلم ويسال ولا بيطنش بالمرة انصحوني جزاكم اللة الف خير

بالعكس اسكتي وطنشي حتى اذا تمادى بعدها لما يشوفك ساكته وماتتلفظين عليه بيهدى ويسكت واذا رضيتي بعدين تكلمي معه ليش اسلوبك معي كذا اذا زعلت قولي ترى كلامك يجرحني امسك لسانك شوي اذا عصبت ومع الايام ان شاء الله بيتعدل
اما سؤاله عن امك وابوك غريب ماادري ليش سال لعن اهلك اكيد تمادى وعصب لانك رديتي عليه لاعاد تردين عليه اذا سب عشان لسانه طويل وراح يغلط اكثر اذا رديتي الله يعينك لازم تتحملين
ونصيحه لاعاد تدقين عليه ابد خليه فتره بيحس بغلظه وبيتصل
الله يهديه ويصلحه لك ويصبرك ان شاء الله

ان الله لا يغير ما بقوم حتى يغيروا ما بأنفسهم ..

اختي اعلمي اذا فقد الاحترام بين الزوجين فان حياتهم تتدمر ..

اختي اول شي لا تتصرفي بتصرفات تغضب زوجك .. حاولي انك تفهمي زوجك ..

يعدين اذا زوجك عصب انت الزمي الهدوء و لا تردي عليه .. في بعض الرجال اذا عصب يبغى زوجته

تقف مكانها لحد ما يخلص كلامه بعدين تمشي وهي ساكته ..

و بعضهم اذا عصب و تركته زوجته حتى لا تسمع ما يقول يضطر انه يسكت ..

انت زوجك من اي نوع ؟؟

يعد ما يهدأ زوجك اعملي له كاس عصير و اجلس بكل هدوء وقولي له اريد ان اتكم معك في الموضوع

ان قًبًل تكلمي بكل رقه و هدوء و قولي له العصبيه و عدم الاحترام المتبادل بيننا لازم نشوف له حل

الازواج يصير بينهم خلافات لكن ما في احد منهم يتطاول على الاخر و يجرحه ..

اما اذا رفض ان يتكلم في الموضوع اعطيه وقت محدد و قولي له سوف اتركك الي بكره و من ثم يجب

ان نتكلم في الموضوع مو معقول كل مره تصير بيننا مشكله ننهيها دون ان نحلها من جذورها حتى ما

تتكرر مره اخرى ..

اختي انت ايضا امسكي اعصابك و تعاملي مع زوجك بكل رقي و احترام ..

معلش اخت اميرات عجبني ردك وما عرفت الا ما اعلق ، ولكن لي ملاحظة صغيرة ان هذا التصرف هناك من تقدر عليه وهناك من لا تقدر ، أنا من الناس التي تتمنى ان يكون عندها ضبط نفس وأن اتصرف بهذا الشكل من هدوء أعصاب ، ولكني صدقا لا استطيع ولا اطيق ان اصبر على الاهانة في وقتها ، لكن بعد أن اهدأ اتمكن من الحوار المتزن الذي ذكرتي.

يعني النساء لسن طبع وقدرات واحدة هناك من تمتلك الذكاء العاطفي لتتصرف كما تفضلتي وهناك من تغلبها عصبيتها، فما هو الحل ان كانت الاخت ممن لا يتمالك اعصابه وقت المشاحنة او عند سماعها الاهانة ؟؟

انا زوجي من النوع الي لما يعصب ويزعل يبيني اجلس قدامة لانة مرة مشيت وطنشتة زعل وسوى لي سالفة طويلة لكن يااخوات لحد الحين وهو مطنشني ولا حتى فكر يكلمني تتوقعون وش السبب

جربي هالخدعه’’’’’’’
 

معليش يااخوات انا متضايقة مرة زوجي لحد الحين ماقد كلمني ولا حتى سال عني مدري وش اسوي طيب اذا اتصل فيني ارد على طول ولا اطنشة يوم يومين اعطوني حل ساعدوني مررررة متضايقة

اختي بقوول لك تجاربي الخاااصه
زوجي عصبي واذا عصب يتلفظ عاد انا طويله لساان ارد مااخلي حقي في لحظتها ارد
وتزيد المشكله وهو يغلط وانا اغلط وتمر ايااام كثيرره وحنا متوترين وبعدين نتفاهم اشوف نفسي غلطاانه
بس مشكلتي مااقدر اسكت وانا احاااول اغير من حالي
بل المقاااابل صديقتي غييييييييير
زوجها عصبي ويتلفظ عليها هي تسكت لحظتها وبعدين تاخذ حقها منه
وتحط النقط على الحرررروف ويحس انه غلطاان ويتاسف منها



طبعا صديقتي هي الصح وانا الغلط

انا مااستفيد الا انه يقل احترامي من كثر مايغلط الواحد على الثاااني
حااولي اختي تهدين نفسك وتمشين الامور عشاان تمشي الحياااه

انا حاليا في كورس ريلاكس واهدي نفسي لان وش بناخذ من العصيبه الا الامراض وقله الاحترام والمشاكل
هدي حبيبتي هدي

ةلا قلبي ماصار معي شي جديد لكن عرفت انة عند اختة واختة فهمتة انة مالة داعي في حركتة

وأخته وين؟؟؟

اختة في جدة