|
كبر الموضوع بينا وقلت لأبوها لم أعد أريدها و أريد بنتي ((حُلت ولله الحمد))
بسم الله الرحمن الرحيم السلام عليكم ورحمة الله وبركاته طبعاً الموضوع باين من العنوان ربي رزقني بزوجه سليطة اللسان لاتحترم ولا تقدر وناكره الجميل بالعربي المهم صار بيني وبينها مشكله البارح وصادف اني موديها عند اهلها كالعاده لان يوم خميس فوديتها عند اهلها واتصلت على ابوها وقلت له الموضوع واحد , اثنين , ثلاثه قال تعال بكره لاني موجود بالعمل ونتفاهم على اساس اليوم الجمعه رحت اتفاهم معه والظاهر ان مرته اللي تصير عمتي معبيته .. طبعاً ماعلي من هالكلام وقلت له بنتك قليلة حيا لا تستحي ولا تضرب حساب لاحد وقعد اتكلم انا واشتكي له وقالت كلمه مره ماعجبتني تقول اني بخيل والريال يطلع مني بشق الانفس واقسم بالله انها كذبت بها الشي بس ماعلي منها انا عارف نفسي .. المهم بعد هالكلام قلت لأبوها انا ماعاد ابغى بنتك .. وابغى اخذ بنتي انا اربيها بمعرفتي قال جب لي ورقة من المحكمه بحضانه شرعيه .. وابشر قلت ياعمي .. ان وصلت المحكمه ماعاد في رحامه بعد كذا .. شد الكلام معاي وشديت معه وقلت انا هذا اخر كلام عندي لاني بصراحه تعبت تعبت تعبببببت وش يفيد البيت لاصار مبني على قلة الحيا ومعدم منه شي اسمه احترام انا وبكل صراحه ماعاد ابيها ولا عاد ابي منها شي لانها تردد كلمه دائماً .. انت لك عندي مهرك تاخذه على تراب جزمه قديمه الله يعزكم مابي افصل اكثر .. بس هذا اللي صار ويشهد الله اني معاملها بمايرضي الله ولا مقصر عليها شي ومدلعها وحاطها بين عيوني .. لكنها ما تستاهل ودي اعرف وش اللي ممكن يصير بعد كذا وابي اراء الناس العاقله اللي بالمنتدى وشهي الحضانه الشرعيه ؟ وهل البنت اقد اخذها من امها وهي عمرها 5 شهور لان بيت ابوي مفتوح لي وامي بكل صحتها وبخير الحمد لله الله يحفظها وآسف ع الإطاله . راااابط المشكلة السااابقة http://www.66n.com/forums/showthread.php?t=194272 |
شوف أخوك أول شي طبعا مايمديك تاخذ بنتك وان شاءالله ماتوصل حياتكم لهالدرجة لانها بسن الرضاعه فمستحيل تقدر تاخذها..
وبعدين المفروض ابوها يكون اكثر عقلانيه يعني اسلوبه بجد اسلوب طفل صغير ومهما كان ماتوصل به هالدرجة انه يتعامل معك .. بالنسبة لزوجتك الله يهديها اسلوبها جدا رخيص خااصه موضوع المهر يعني قبل ماتهينك تهين شرع سمح لها بإنها تستخدم هالأمر بوقت الحاجه موب لغرض الاهانه والتقليل من الزوج .. أخوي طالما الموضوع وصل لهالدرجة انصحك ان الكبار يتدخلوا يعني الوالد لو موجود ممكن تدخله او العمدة حقت العايلة اذا عندكم وتوضحون النقاط الي بينكم لأن كذا جسر التواصل انتهى وعمك واضح ان شخصيته مهزوزه ومتذبذبه والله يسهل لك دروبك ويسخر لك زوجتك وان شاءالله ربي يهديها ويهدي كل مسلم واذا ربي مو كاتب لكم الله يرزقك ويرزقها ويهديكم اجمعين تحياتي لك |
الله يعينك عليها
وش هلمره ؟؟؟انا حكمت وتأكدت من كلمتها عن المهر وش هلساان معها ..... الاهم جرب تتركها عند اهلها فتره ولا تتسرع وبعدين حاول التفااااهم بعدين وش هالمشكله ألي تقؤم الدنيا عليك بها .... كل شيء بلتفااااااهم مو بلصررراخ وطولة اللسان شكل المشكله عن موضوع يضااايقها لكن حتئ ولو لاتتلسن عليك يعدين متئ ظهرت بينكم المشاااااكل ؟؟؟وش المانع من المنااقشه الهاادئه ؟؟؟ ما سلكت طرق لتربيتها ؟؟؟من ناحية طوووول لساااانها ؟؟؟ ماناقشتها من ناحية كيف يكون الحوواااااار معك ؟؟؟ ترئ الشخص بؤقت الهدوء يتقبل النقاااش افضل من وقت العصبيه ؟؟؟؟؟؟ انت شكلك سكت وسكت وسكت ثم انفجرت فجئه ..... الاهم لاتستعجل بلطلالالالالاق اصلن الطلالالاق بسب لساااانها بأمكانك تأديبها بطرق قبل ماتوديها بيت اهلها اما اذا كنت قد جربت فلله يعينك ... الاهم ناقش مع زوجتك المشكله وناقش ايضا اسلؤبها بلحوووااااااااار.... زوجتك معك من بداية الزووواج كذا او لا؟؟ متئ تغير اسلؤبها معك... الله يعينك . |
ما في شي يبرر ردها
بس هي ليش زعلانة . يعني ما في احد اخلاقه سيئة كذا بدون سبب .. . يا ليت اخي الكريم توضح السبب عشان نقدر نساعد .. واذا كانت مشكلتك قديمة زودنا بالروابط لا تنسى بينكم طفل .. لا تفكر بالطلاق .. عشانه امك الله يحفظها ويطول بعمرها هي والوالد تعبوا في تربيتك انت واخونك و مش مكلفين بتربية طفلك كمان .. لا تعتقد انه مهما كانت حنية الوالدة الله يحفظها انها رح تغني الطفلة عن امها .. وهي لسه صغيرة .. |
زوجتي من ايام الملكه ولسانها طويل بس قلت الله يهديها بعد الزواج
وانا انسان عاقل ومتعلم وبالي وسسسسسسسسسيع مره بس هي من النوع الإستفزازي اللي تقوله لاتسوي شي الا يقهرك ويسويه قدامك عينك عينك وانا مبرد على قلبي ما احب ادور مشاكل واحل المواضيع بالطناش وانهاء المشكله على طول بس خلاص وربي ماعاد ابغاها لو ايش مايصير اصلاً الموضوع منتهي بالنسبه لي |
ابوجوري انا عندي واحد يقربلي نفس مشكلتك بالظبط بس هو صبر على زوجته 18 سنه تخيل وعنده الحين 5 موب واحد..
وزوجته صارت متماديه لدرجة اهله ماقد دخلوا بيته الا زياره قصيرة يعني تقعد اكثر من ساعه قامت وخلتك ولا يمكن تطلع وياما صارت بحكم انه قريب امي اني مره كنت عندها والله ماكملت 10 دقايق الا قالت تصبحي على خير وقعدت لحالي ومامعاي احد .. فأنت لازم تحسم امرك ولاتنتظر حرام والله تجيبوا عيال يتشتتوا وتصير نفسيتهم مو تمام |
اقتباس:
خلها عند اهلهاااااااااا لين تتربئ زييييييييييييين وتعرف قدرك وقول لاهلها اذا بنتكم حكمت لساااانها عني فبيتي مفتووووح لها ... وجرب يمكن تعرف قيمتك واذا رفضت فلك الخياااااااااااااااااار الاهم لاتستعجل بلطلالالالالالالالالالالاق !!!!!لانه خراااااااااااااااااااب بيوت .... حاؤل تكلمها ونااااقشها لكن مناااقشه هادفه لحياااتكم جرب وجرب!!!! الطلالالاق خله أخر الحلول. لاتستعجل فؤلدك هو الضحيه مسكككككككييييييييييييييييييين. لو تقدر توضح مثال علئ مشكله معينه . |
فعلا اتركها كم شهر وبدون اي اتصال فيها هي ابدا بس اترك كلمه عند ابوها انك تاركها تفكر براحتها
اعطها مده 3 شهور مثلا في بالك بس انت قول لهم شهر واحد وبعده ابي تجاوب منها طبعا بيقولون بعد شهر لا ما وصلنا لقرار وانت اعمل نفسك متكرم عليهم بشهر كمان وهكذا 3 شهور بعده قول ابي اقابلها واتفاهم معها خلال هالفتره رح شف بنتك الله يعينك ... وارسل لها مصروفها اذا زوجتك هي طالبه تجلس عند اهلها وانت اللي موديها فما عليك مصروف لها لكن اذا انت اللي موديها لها مصروف مع البنت حاجه اخيره انا حددت الوقت ب 3 شهور لأنه المرأه هذا حدها تصبر عن زوجها .. فشوف انت يمكن تلين وتطخ بعد هال3 شهور؟؟؟؟؟؟؟؟؟؟؟؟؟؟ الله يعينك لكن سليطة اللسان هذي لا يعاش معها ... البذيئه اللي تكفر العيش اعوذ بالله منها الله يصلحك كان ما تعجلت وخلفت منها وانت ادرى بعيوبها |
شف أخوي أبو جوري ..
السلام عليكم ورحمة الله وبركاته ... لي طلب .. ان قبلت به شاركت معك ووقفت بجانبك بإذن الله حتى تزول كل المشكله ... وهو ( أن تدع الطلاق الان و تنساه و تتعوذ من ابليس وكل مشكله و لها حل بإذن الله ) .. ثانيا بالنسبه للبنت لا تسأل عن حضانه وما حضانه .. وتعقل قليلا .. فالبنت مردها لأبيها ... ولكن عند عمر معين قد يكون ست سنين أو تسع سنين .. الله أعلم فهذا يحدده القاضي ولكن مردها لك أخيرا .. أما اذا وافقتني على طلبي فساتداخل مره أخرى ان شاء الله .. في وقت لا حق بإذن الله .. |
أكيـــــــــــد في تراكمات ..
ليش وصل بها الحد الى هالكلام .. راجعوا علاقتكم .. خذوا وقتكم في البعد وإعادة النظر في الحسابات .. لان في الحقيقة مافي شيء "يستحق" الفراق .. وتحمل لاجل ابنتك تعيش باستقرار وأمان ؛ |
اقتباس:
يا اخي عمرك شفت احد يأكل احد بيدينه وهو حاط اصابعه بعيونه ؟ يا اخي اللين متى والواحد يصبر على هالهم انا ارجع من عملي الاقي هم ينتظرني انا والله ماعاد لها مكان بقلبي واصلاً انا كارها من يوم تزوجتها بسبب اسلوبها الهمجي اللي عايشه فيه |
هي ليش سيئه معك؟ وكذا دايما دايما؟
بنفس السوء من ايام الملكه؟ |
اقتباس:
فحركاتها كلها رجوليه .. فهمتني اخوي |
انا اختك مو اخوك يا الطيب
عموما انت وش طلباتك من ابوها؟ انها تتعدل والا عطيته خبر بتنفصلون؟ |
اقتباس:
تبي الصراحه .. ورب البيت اني كرهتها من كثر مشاكلها وكثر محافرها وعنادها انا ما امدح بنفسي بس ورب البيت اول مره اشاور ابوي وامي في مشكلتي وكلهم يأيدوني بنفس الرائي يقوليلي طلقها وبنات الحلال كثير لانها ماقدرت النعمه اللي عايشه فيها من كثر مشاكلها مع اهلي لانها ماتحترم احد وانا صابر وربي عشان خاطر بنتي .. وربي انقلبت الايه اللي اعرفه ان الحرمه اللي تخاف ينخرب بيتها مو الرجال بس مادري وش الحل وانا اللي اشوفه ان كل واحد يروح بحاله احسن لأن مثل ماقلت البيت اللي مو مبني على الإحترام .. مايصير نعيش فيه وابي بنتي وبس .. غير كذا مابي شي ثاني وبالعافيه على قلبها المهر |
عموما ياخي ومن باب التريث والتعقل واغلاق اي منفذ للشيطان
اتركها زي ماقلت لك عند اهلها واضح ان حتى ابوها مو عاقل والا على طول يقول لك جيب ورقة حضانه شرعيه؟؟؟؟؟؟؟؟؟؟؟؟؟؟؟؟ وش هالورقه ؟ بدل ما يقول اهدا وووو او يكون قصده يعجزك ويحيرك ويخليك تفكر ؟ الله اعلم اتركها كم شهر تفكر في تصرفاتها والله يهديكم |
افا
في موضوعك السابق فرحتنا انها صارت مثل ماتبا الله يخزي ابليس،، افرح ماعنده يفرق بين الزوجين عالعموم،، انت ادرى بحياتكم وباللي صاير بس اهم شي وقبل اي خطوه تستخير وتستشير "ما خاب من استخار ولا ندم من استشار" خذت المشوره من هلك باقي تستخير من ربك وعسى الله يكتب لكم اللي فيه الخير البنت لا تضيعها بينكم فالمشاكل ابعدوها عنها،، بعدها صغيره تبعدها عن امها،،! |
اخوي ابو جوري اقسم بعزة الله وجلالة ان مشكلتك مثل مشكلتي بالتمام ونزلت مشكلتي تقريبا قبل شهر
وحتى لدرجة معاملت ابوها معك والله ان ابو زوجتي سابقا نفس الطريقة سواها معي وكبر ابوها الموضوع حتى طلقتها طبعا بعد مادخلت الوالد الله يحفظه بالموضوع لانه يصير ولد عمتي بس مانفع معهم,,, وكنت ناوي انزل مستجداتي لاكن تراجعت لأنها والله ماتستاهل اشغل نفسي وأشغل أخواني الأعضاء الي ماقصروا معي الله يسعدهم لاكن الحمدلله على كل حال والحمدلله ان مافي شي يربطني فيها.... ماأدري وش أقول لاكن الله يعينك على مابلاك والله يكتب لك الي فيه الخير ويسر لك جميع أمورك |
انا قرأت موضوعك الاول وانك ادبتها بتهديدها بالزواج ووواضح انك تموت فيها
الله يكون في عونك بس زوجتك واضح انها مو ضاربه لك حساب ومطمنه تمام انك مو مستغني عنها او انك انت سويت شي خلاها تبيعك تمام |
اها الحين فهمنا سبب المشكله هو البيئه اللي كانت عايشه فيها كونها عايشه مع اربع شباب معناه زوجتك مسترجله من الطراز الأول وعندها نوع من النديه ، طيب انا ممكن أفيدك لاحقا بحضانة بنتك اذا مارجعت الأمور لمجاريها ، أتمنى لك ولأسرتك كل ماهو أجمل بالوجود ، دمت ايجابيا دوووما
|
اقتباس:
والله انا قلبي ميت خلاص .. ما افكر فيها ولا تطري على بالي بس اللي شاغل بالي هي بنتي .. كنت لا زعلت اشيلها والعب معها وتضحك فديت ضحكتها ولا تحب تقعد الا علي واقعد انا وهي بالساعات نتفرج تلفزيون ولا تبكي واضحكها وتزيل الهم عني وربي هذا اللي حارق قلبي وفاقع مرارتي .. جوووووري الله يحفظها ربي رزقها با ام ما تستاهل اصلاً انها تكون ام ربنا كريم |
اقتباس:
مو حاز بخاطري الا جوري وربي ربنا يقدم اللي فيه الخير |
اقتباس:
الله يرحم زمان امهاتنا بس اغلب بنات هالوقت مايشغلهم الا الطلعات والاسواق والمطعم الفلاني والسوق الفلاني الا من رحم ربك الله لايشغلنا الا بطاعته الله يعيني ويعينك |
اقتباس:
ما استغني عنكم يا اخواني الاعضاء |
يسعدهاا ويخليهاا لك جوري
وامهااا:) بس ام جوري كم عمرهااا؟ الله يعينك اخي على بلواااك!! |
اقتباس:
عمرها 26 مافي فارق كبير بالعمر بيني وبينها سنتين اللهم آآآآمين |
السلام عليكم
كان الله لك خير معين مثل هؤلاء النساء مصائب ربي يقدر المبتلي فيهم على الصبر والله اخي بعطيك هالحل ولعله يحل مشكلتك ان شاء الله شوف انت اطلب تقعد مع زوجتك وهي بدار اهلها وقولها شوفي يا بنت الناس بدك تعيشي معي ولا بدك بيت اهلك انت حرة الاختيار، ازا اختارتك حطلها شروطك(مع اني ما اعتقد) اما لو اختارت الطلاق (ومع اعتقادها انها بتلوي ايدك بسبب بنتك) قلها ببرود اعصاب حقك واللي بيريحك بيصير وبالنسبة لحضانة البنت ما راح ازعل كتير لانه آخر المطاف البنت مردها لبيت ابوها تعيش معززة مكرمة اما بالنسبة لي فأنا بدور على بنت الحلال اللي ترتاح معي وارتاح معها واهم شي لا تشعرها بتمسكك ببنتك لحتى ما تقدر تذلك فيها بالعكس اشعرها انك مو فارقه معك لانها بالآخر بترجعلك لانه في بعض النساء لما تعرف هالشي ممكن تعيد صياغتها لحياتها بيجوز تتعدل منها لحالها وترجعلك(طالما انك مش متمسك فيها ولا بيأثر انفصالك عنها في مجريات حياتك) وبيجوز بعد فترة تعطيك البنت لحتى تنغصلك حياتك وما تتهنى بالعروس الجديدة وربنا يوفقك بكل الحالات ويختار لك الاحسن ولا تنس الدعاء وتستخير بكلا خطوة بيكون احسن |
اجعل الانفصال آخر المحاولات من أجل جوري واتركها فترة في بيت اهلها ولا تسأل عنها
ممكن تتعدل إذا احست بمرارة الفراق وعدم المبالاة منك فرج الله كربتك واعانك على اختيار الصواب |
السلام عليكم
قريت مشكلتك كلها مع الروابط اللي حطيتها .... زوجتك مثل ماقلت فيها من طبع الرجااااال ... تدري بس والله اعجبتني في حركة انها ماتبي تحرجك وتروح تبيع ذهبها علشان ماتطلبك ... صدقني معدنها طيب الله يخليها لك... ومثل ماقالوا الاخوان خليها فترة وانت بنفسك تقول ترجع وتحن وتحاول تراضيك .. فخليها وادعي ربك انو يصلح مابينكم ... فيه دورات تبع أ.ناعمة الهاشمي وتجي حتى للسعودية , انو كيف الوحدة تتدلع وكيف تحسس زوجها بانوثتها .. تابع موقع الدكتورة وشوف متى دوراتها وسجلها في وحدة منهم وعطها الاشتراك كهدية ....مرررررة حلوة الدورات احسها راح تنفع لزوجتك الله يصلح مابينكم ... بس نصيحة آآآآآآآخر شي تفكر فيه الطلاق ..انا عندي طفل من زواج سابق وحاليا متزوجة والحمد لله بس قلبي يتقطع ليل نهار على ولدي الله يحفظه ويصلحه آآآآآآآآآآآآآآمين |
قريت مشكلتك بالتفصيل ,,
و لفت انتباهي انها تبيع ذهبها لتساعدك في المصاريف و شراء بعض الامور و هذا امر نادر من تقوم به من الزوجات في وقتنا هذا ,, ربما يكون فيها ميزات اخرى لم تخبرنا بها ,, عموماً لا انصحك بان تتركها في بيت والدها , بالذات و ان والدها كما يبدو يفتقد للحكمة و حسن التصرف و قد يألبها عليك اكثر و اكثر ,, انصحك ان تذهب لها و تتكلم معها مبتدئاً بمدحها و ذكر حسناتها ثم تعرج على الامور التي تضايقك فيها و منها طولة اللسان و الخشونة و ان هذا الاسلوب لا يمشي مع الرجال اطلاقاً ,, فالكملة الطيبة و الدلع و الانوثة تجعل الرجل مثل الريموت كنترول بيد زوجته ,, ثم اطلب منها العودة الى البيت لتحلوا مشاكلكم بانفسكم ,, |
انت من ردودك ياابؤ جوري
انك معصب ونفسيتك تعبااااااااانه حيل وهذا الؤااضح من ردودك !!!!!!!ان نفسك مسدوده منها الاهم والنصيحه اولا اتركها عند اهلها فتره لارااااحة نفسيتك ومهله لاجل تفكر هي بمصييييييييرها معك 2 ناقشها بعد هدوووء اعصابكم 3 انت احكم بعد هلفتررررره بمصيركم . |
اقتباس:
والله يا اختي الفاضله انا مو متعلق في البنت مثل ما امها متعلقه فيها هي متعلقه فيها بدرجه خياليه وانا وهي عارفه انها ماتفرق معاي وانا عن نفسي غاسل يدي مره وحده وجودها عندي شي عادي اصلاً من اول وهي في بيتي وانا ماتفرق انها موجوده او ماهي موجوده الا استانس اذا راحت بيت اهلها وانا اقولها اقعدي عندهم اسبوع غيري جو .. من عيشتها النكد اللي ماتنطاق |
اقتباس:
انا انسان عاقل مابي اخرب بيتي بيدي بس هالنوع من الحريم عندهم شي اسمه لامبالاه .. فما تفرق معاهم ومثل هالنوعيه بيت ابوها اولها فيها لايمتحنون عيال الناس جزاك الله كل خير وحفظك |
اقتباس:
انا موظف وراتبي جداً طيب الحمد لله اصرف عليها وعلى اهلي بنفس الوقت ومو مقصر على احد الحمد لله وحارم نفسي من كل شي عشان خاطرهم وربي جوالي له معاي 4 سنوات ماغيرته كل ما اجي اغيره اقول لا اهلي وعيالي اولى هذا مو عذر .. بس هذي ماخذه هالطبع من امها كل مالقت نفسها فاضيه تروح سوق الذهب جزاك الله خير |
اقتباس:
وقلت انا مو مقصر بشي والحمد لله وضعي جداً ممتاز مو طيب انا احتقر الرجال اللي تصرف عليه مرته او حتى تساعده من جد يطيح من عيني هذي نظرتي وعاد مادري شلون نظرات الاخوان كل واحد له نظره الله يعطيك العافيه على المرور وجزاك الله خير |
اقتباس:
والله يا اختي همس ماحد يصير له اللي يصير لي ويستانس نفسيتي ممكن تتعب بوقت واحد اول ما اصحى من نومي لاني متعود اقوم العب مع بنتي واهمز رجولها فا اقتقدت هالشي بس فديت ضحكتها اللي تسوى الدنيا وبالمناسبه .. انا مو مطنش بس الا ناسي اني متزوج من اساسه :d لان اللي مثلها حرام والله اني اشغل تفكيري فيها وربي ماعاد لي نفس فيها .. الله يرزقها باللي احسن مني جزاك الله كل خير |
أشعر أن خلف التصرفات الصبيانية بنت طيبــــــــــة القلب لكنها لا تحسن إخراج مكنوناتها
إن كانت هذه هي المرة الأولى التي تذهب إلى بيت أهلها غاضبة فتركها وجعلها تشعر أنك غير مهتم لأمرها لعل تكون بمثابة الصفعة التي تنبها أن حياتها الزوجيه في خطر فربما تعيد حساباتها وترجع الأمور لمجرياتها الطبيعيه خاصة إذا كانت تحبك الله يكتب لك ولها الخير |
مستجدات صارت اليوم طبعاً جلست مع الناس الكبار .. مثل صاحب العمل لان انا وياه اكثر من اخوان وعشره اكثر من 6 سنوات فيصير زي ابويه بالظبط الله يحفظه قالي طنش وبنتك لاتقصر عليها كل شهر خذ حفايض وحليب واعطيها بيدها 500 ريال مصاريف لها عشان مايقولو مايصرف مع انك منت ملزوم لان اهلها ماتفهمو الوضع وابوها انسان ماعنده ميزان للأمور وابوي اتصل فيني قالي تروح تعطيهم ملابس ومصاريف اذا تبغى تعطيهم ولاعاد توريهم وجهك واذا اتصل فيك احد منهم لاترد عليهم واذا يبغو شي يعرفو درب المحكمه قلت ابشر يا ابويه المهم انا اخذت ملابس بتني وكوافلها وحفايضها واشيائها اللي عندي بالبيت وحطيتها بكيس واخذت ملابس لأمها واخذتها واتجهت على بيت ابوها اتصلت على اخوها الصغير وقلت له تعالي عند الباب طلع الولد وجيت اعطيه الاشياء قالي ابوي يقول لاتاخذ من رحيمك شي قلت اول شي انا جايب هالاشياء لبنتي يعني لا انت ولا ابوك ولا امك يقدر يمنعني الشي الثاني اذا انت ماتبغى تاخذها شيلها وارميها عند الباب وجيت اعطيه فلوس عشان يروحون ياخذون للبنت ملابس مارضي ياخذها قال الله يخليك لا تسوي لي مشكله مع ابوي قلت بطريقتكم وسألته كيف جوري طيبه انشاء الله قالي بخير الحمد لله ومشي على طوول .. يعني ليش العقليه المتحجره هذي انا مادري يقول لولده لاتاخذ من رحيمك شي ؟؟ حسبنا الله بس على بعض الناس |
الله يهدي والدها
يساعد بنته على هدم حياتها ماراح يعرف قيمة النعمة اللي كانت فيها إلا لما تمر عليها تجربة ثانية والله مايعور القلب إلا الأطفال خلك حليم واتركها عند اهلها فترة طويلة راح تحس بالفرق مهما كانت نظرتها للحياة الآن هي في قمة المشكلة بعد مايهدى الوضع وتهدى الأحاسيس راح تراجع نفسها أكثر لا تيأس من تغيرها واصبر إذا مو علشان أم جوري علشان جوري الله يخليها لكم اسأل الله العظيم رب العرش الكريم أن يسخر لكم الخير ويوفقكم ويبع عنكم الشيطان والهم إنه على كل شي قدير |
طبيعي يكون الوضع مشدود بالبداية ..
انت الحين ريــــــــــح دماغك على الاخر .. و وسع صدرك .. اطلع ويا ربعك اللي مايعرفون السالفة علشان مايطرونها .. وبكذا تغير جووو معهم .. سافر وتمش واستغفر وخلهــــــــــــــا تراجع حساباتها مظبوووووط شهر شهرين .. وانت من كل ثلاث اسابيع مر عليهم او ارسلهم احد من وجهاء العائلتين يقنها بالرجوع مو تسوي مثل الدلخ رجلي يرسل الجيران ..!! استغفر الله واتوب اليه ؛ أخوي "ان شاء الله " تكتب هكذا .. انتبه بارك الله فيك ؛ |
| الساعة الآن 10:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©