|
يحبني بجنـون وما عارفة شنو اسوي !
السلام عليكم ورحمة الله وبركاته
أنا فتـاة أبلغ من العمـر 16 سنة , ولما كنت فـ 15 حبيت واحد عمره 25 سنة .. وتعرفون أنا في السن المراهقة .. وما توقعت انو تكون علاقتنا جدية كذا يعني .. والله يحبني بجنون ويلبي طلباتي كلها !!! رغم الظروف الي عايش فيها ولا طلب يرفضه لي .. الحين قعدت استغل حبه له بطريقة بشعة وظليت اطلب واطلب .. مع العلم انو انا ما أحبه كثر ما يحبني .. وبعدين جاه الوقت الي حسيت فيه بتأنيب الضمير .. وقلت بعترف له ! واليوم الي كنت بعترف له فيه .. ( انو انا ما احبك كثر ما تحبني وما ابي نستمر ومن هذا الكلام ) طلب ايدي للزواج وتهربت من الموضوع بعذر انا صغيرة واهلي مراح يقبلون فيك كونك سوري وانا بحرينية .. بعدين تفاجأت انه اهو يعرف رقم بيتنا !! لما قال لي خفت .. وقال انو اهو راح يتصل ويطلب ايدي للزواج .. وكان جدي لأبعد الحدود وقال لي ولي تبينه بسويه لك وبعيشك بعز مثل ما انتي عايشة ( انا بنت من عائلة بخير والحمدلله واهو على قد حاله ) وظل يترجى فيني .. :rolleyes: .. و قلت له أمانة لا تتصل .. وانا قلت لكم انو اهو ما يقدر يرفض لي اي طلب .. عشان كذا اهو صابر وما اتصل بس للحين بترى فيني .. وحبه ئلي حتى ما يخليه يلتقي فيني يقول لي اخاف عليك . يا ربي قولوا لي شنو اسوي ياناس :( همي ذبحني ! |
وعليكم السلام ورحمة الله وبركاته
اختي من البداية تصرفك غلط ولا تتحججي بصغر سنك ولا تلقي بأي اعذار لازم اول شي تعترفي بأن الي سوتيه غلط ,, ثم تحاولي تصلحي غلطك مو انتي بس الي غلطي حتى هو برضو غلط لازم تنهي هذه العلاقة وتتركيه وخليه يقول الي بيقوله ,, لو عرف رقم بيتكم خليه يتصل وقولي لاهلك اي كلام المهم لا تستمري معاه وقطعي العلاقة من الحين هو رجال واكيد بيفهم ,, يمكن لو كان يحبك بجد راح يتعذب شوية لكنه يستاهل لانه هو غلط وانتي غلطتي لذلك نصيحه لا تستمري وانهي هذه العلاقة ,, وياريت تاخذي منها درس انو مشاعر الناس مو لعبه ولا تسلكي هذا الطريق مره اخرى لان ما منه غير المضره اتمنى لك التوفيق اختي ^_^ |
مشكور أخوي على هذا الرد . وان شاء الله راح آخذ بنصيحتك ..
|
أنا كنت مفكرة اللي يعملو هالحركات الشباب بس ، طلعت غلطانة ! ، كله هاد وعمرك 15 سنة بس ؟؟؟ ، بصراحة مش فاهمة تصرفاتك ابدا !!!
يعني خدعتيه واستغليتي عواطفه بالطلبات المادية والشاب بحبك ويخاف عليكي ، حتى لقاء ما فرط فيكي ولاقاكي ؟؟! ، من وين جبتي كل هالمكر والخداع وانت لسة بأول عمرك ؟؟ انت ما فرقتي عن اي شاب بغرر ببنت وبضحك عليها وينام معها وبعدين يرميها ! اللي تسويه تعترفي بكل اللي سويتيه معاه وتفهميه انك بعمرك ما حبيتيه وانك مجرد كنت مستغلة لعواطفه، بعدها اقطعي علاقتك فيه نهائيا... وهو لما يعرف حقيقتك على كل الأحوال مش رح يرجع يحاول يتصل فيكي او يخطبك. |
انا استغرب فعلا من تصرفات البنات وطريقة تفكيرهم
اذا خطبها الشاب قالت مااحبه وماابغيه واذا لعب عليها وخدعها قالت حبيته وتركني بنات هالوقت ماهم عارفين وش يبون وانتي حرام عليك اللي سويتيه للشاب خدعتيه واوهمتيه بحبك واستغليتي ضعفه واخرتها تقولين ماابيه اتقو الله بانفسكم يابنات |
سبحان الله
وايش هي متطلبات البنت في سن ال 15 مدري هالجيل وش خلى ؟ واهلك وين عنك ؟ يعني مو مستغربين شي؟ الله يهدييييييييييييييييييييييييييييك ... توبي لله علشان يستر عليك فوق الأرض وتحت الأرض ويوم العرض |
الله يهديك يارب
أكثري من الإستغفار والتوبة لرب العالمين .... حرام عليك تعلقينه فيك وتطلبي طلبات منه وأنتي شغلك هذا كله فضاوة ولعب ... طيب لو تقدم ممكن أهلك يوافقوا ... لاأدري ماهي عادتكم في البحرين ...... لو في السعودية عندنا مستحيل يوافقوا ولا في الحلم ... بعدين عندنا الهيئة اتخذت موقف في قضايا الإبتزاز ... الله يسدد خطاهم يارب.. |
انا مع رأي (( نور القمر ))
واقول للفتيات بلاش اللعب واللهو النهاية لها اللعب محزنة ومخيفة , وبعدين تفخري بأن اسرتك اعلى منه وهو حياالله على قد حاله لكن سلوكه اثبت العكس بنات الاصول لايخدعن وابناء الاصول هم الاوفياء |
الله يهديج ياشيخه : )) انا بحريني والسورين فالبحرين وين يشتغلون غير فالجيش واهلج مستحيل يوافقون عليه ..
تبين نصيحتي اتركيه وقولي له تدري ان اهلي مستحيل يوافقون عليك واذا تحب لي الخير اتركني اعيش حياتي ،، ولله يوفقج في حياتج :)))) |
مش عارف اقول لك الكلمة هذي ولا ما أقول
لكن لو كانت واحدة اكبر منك كنت بقول عنها أنانيه لكن انت بهذا السن ربما هي نزوة مراهقة والله بفكر بهذا المسكين .. يعني متعب حالة معاكي وخسر فلوس وهو على قده ولما اجاء يطلب يدك بجدية كان عذرك انه على قده !! طيب ليه ما فكرتي بهذي الطريقة وانتي بتستغليه الله يهديك اقولها بجد الله يهديك لانك لو تستمرين بهذه الطريقه رح تضرين المجتمع الله يستر لما توصلي ال 25 |
ردودكم انبت ضميري أكثر !! يا عالم أنا متأسفة قد شعر راسي . عن جد انا ليش سويت هالشي وانا مو محتاجة ؟ يا ربي سامحني على كل شي سويته ..أزديكم من الشعر بيت .. انا اعترفت له بكل شي , يقول لي لو شنو قلتين بظل أحبج وحبج بزيد ما بينقص وابيج بكل عيوبج . يا رب سامحني .. شنو سويت أنا !!!!!
|
راحت السكره وجاءت الفكره
الله يسامحك ويستر عليك وبس اقطعي جميع وسائل اتصالك فيه .. وقللي طلعات و الله يستر من تلفون البيت وهو لحاله بيصد ويروح |
اقطعي علاقتك فيه
و لا تخليه يوصلك مرة تانية و الأهم عدم العودة للتشات مرة أخرى لسا أمامك مشوار طويل للدراسة و بكير كتير عالعلاقات و الزواج انتبهي يا أختي لا تلعبي بالنار ...!! الشات يمكن يدمرك و يخرب سمعتك و لما يجي اليوم اللي يخطبوكي و يسألوا عنك !! انتبهي من هداك اليوم احسبي حساب آخرتك و مستقبلك |
اولاً أنا ضد علاقة الفتاة والشاب واسأل الله ان يهديها لكن القصة شدني فيها بعض الأمور منها: الفتاة تقول : ( أبلغ من العمـر 16 سنة , ولما كنت فـ 15 حبيت واحد عمره 25 سنة ) هي مراهقة وهو شاب ناضج هي مواطنة بحرينية وهو مقيم وتقول : ( انا بنت من عائلة بخير والحمدلله واهو على قد حاله ) الفتاة غنية والشاب فقير وتقول ايضاً (انا اعترفت له بكل شي , يقول لي لو شنو قلتين بظل أحبج وحبج بزيد ما بينقص وابيج بكل عيوبج . يا رب سامحني .. شنو سويت أنا !!!!! اعترفت له بأنها كانت تستغله ومع هذا كله هو يحبها بجنوناظن والله يعلم من المعطيات السابقة ان الفتاة مضحوك عليها وصدقت ان هذا الشاب يحبها وهو من يريد ابتزازها لان زواجه من واحدة مثلها مكسب كبير له شاب في مثل سنه يحب واحدة مراهقة في عمرها ؟ لماذا ؟ و متمسك بها بعد ما عرف انها كانت تبتزه هذا رأي والله سبحانه أعلم |
الله يصلحك ويهديك
وين امك عنك؟؟؟ |
اقتباس:
قد يكون ما ذهبت اليه صحيح اخي الكريم ، ولكن السؤال هل كونها مراهقة ومواطنة وغنية يبيح لها التلاعب بمشاعر الشاب ؟؟؟ ، يعني السؤال ببساطة اذا الشاب مش قد المقام كونها غنية ومواطنة ما الداعي لبداية علاقة معه وهي تعلم تماما انها لا تطمح باتخاذه زوجا؟؟ هنا ترى ان الغرض هو تجربة الحب مع شخص اضعف منها حتى تتحكم هي متى تحبه ومتى تصرفه !!! واذا كان الشاب كما افترضت فهي اخذت ما تريد وهو يطالب بما يريد .. سيكون الموضوع خداع متكافيء!! |
يا رب سامحني على كل الي سويته ! وراح اهتدي ان شاء الله وراح اقطع علاقتي فيه نهائيا , بالنسبة إلى احبه لي اخوي العزيز اما متأكدة من هالشي .. بس زواجي منه شي مستحيل خصوصا انه اهو درى اني الي بينا لعب .. اخاف يلعب علي بعدين في الزواج .. حتى لو كنت قوية بفلوسي .. فيه شي اقوى من الفلوس ..
والله يهديني ان شاء الله .. ويهدي الجميع |
اسلوب القصة ذكرني بأسلوب قصة ثانية..............ماعلينا
بس الان شنو المشكلة بالضبط؟ اعتقد بنت ال15 اللي تلعب على ابو 25 ماينخاف عليها وتقدر تخرج نفسها مثل ما دخلتها والا شنو رأيك عزيزتي |
لا حول ولا قوة الا بالله العلي العظيم
اللهم استر على بناتنا وبنات المسلمين يا رب وش هذا وين امك في الموضوع لا تلعبي بالنار يا بنتي خليك عاقلة ورزينة وتقربي الى الله عسى الله يستر عليك ويهديك الى السراط المستقيم |
يسلم فمك يا سعاد :)
انا بس ناطرة من اول المشكله رد مثل ردك وساكته |
سأقول لكي قصة لعلها تجني ثمارها وربنا يهديك وتنتفعي بها
كان في بنت عندها موهبة لكن للاسف هذه الموهبة ماكانت تسخرها الا للشر واضاعة وقتها ووقت الغير كانت تدخل للمكان فتحدث فيه الضجة والجلبة وتخلي الناس يغلطوا في بعض وتخرج منها كالشعرة من العجين وهكذا ...........الى ان اكتشفتها مؤسسة تعني بمثل موهبتها وتبنتها وهي الان اشهر من نار على علم في مجال موهبتها لذلك انصحك بعدم اليأس والاستمرار الى ان تصبحي مثل لمن اراد ان يمتثل اتمنى اكون وصلت المعلومة |
شوي شوي اخواني وخواتي .. ليش هالهجوم .. انتو اكبر من جذي واكبر من صاحبة المشكله .. البنت عمرها 15 يعني صغيييييرة وايد .. المفروض تاخذونها بصدر رحب وتنصحونها بطيبة .. مو تشنون حملة هجوم وانتي وانتي .. البنت معترفة انها غلطت الحمدلله وبهالعمر ابليس سهل يلعب بعقولهم .. واهي ما فيها مكر مثل ما قال البعض اهي شافت طلباتها تتنفذ وقامت تطلب .. وبعدين الشاب عمره 25 يعني المفروض اهو يكون عاقل بعد ويعرف الشي اذا زاد عن حده .. يعني لا تلبسون الشاب لبس المظلوم والبنوته الظالمة .. اثنينهم غلطو .. والله يهديها انشالله .. حبيبتي استغفري وخلاص مو شي صعب انك تغيرين رقم تلفونج واذا عن رقم البيت لا يهمج انتي اهم شي ما طلعتي معاه ولا شافك .. يعني الغلط في المكالمات بس .. لي اهني وخلاص فديتج .. وابتدي حياة يديدة بدون هالعلاقات وهالاخطاء الي تاثر على حياتج وسمعتج بعدين .. تحياتي |
| الساعة الآن 07:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©