|
زوجتي مدحت شخص أمامي
ودي اسأل كل رجل عن موقفه من زوجته لو مدحت رجل قدامه
لاني سمعت زوجتي بالصدفه تكلم اختها بالجوال وتقولها حطي على القناه الفلانيه فيها برنامج لفلان الفلاني يابخت زوجته ياليتني مكانها يهبل ومن هالكلام الفاضي انا تجاهلت الموقف ولم افاتحها في الموضوع حتى الان واخاف اتكلم اتهور ابي حل سليم لاني فكرت اطلقها وفكرت وفكرت لكن مالى الا الله ثم انتوا تشورون علي بماذا وابي كل واحد يحط نفسه مكاني |
ياربيييييييييييه ياساااااااااتر
بس عشان كذا !! اصبر يمكن ارجع مره ثانية ارد عليك لأني مو مستوعبة ان قرار كبير زي الطلاق يجي بسبب موضوع تااااااااااااااافه !! ياللهوووول !! !!!!!!! !!!!! !!! ! |
هل الموضوع تافه عندك ؟؟
هل انتي تمدحين رجالا غير زوجك ؟ لا اظن رجل لديه غيره يرضى بهذا الامر |
اختي مشكلة والله
تخيلي زوجك يطالع وحدة و يقول ليتني مكان زوجها و يابخته !!!? ماشاء الله الاخ حليم و اظن الرجال افضل يعطوه حل لاني اخاف اجيب العيد :25: |
صحيح كلامك يافاضل وماألومك ..
خخخخ بس هدي اعصابك شوي .. أولاً انا غير متزوجة ومريحة نفسي من الغثاء يعني بالأصح ماجربت الغيرة .. لكن اقولك يمكن بعفوية قالتها عاد حنا يالحريم خذنا على قد عقولنا .. السنتنا تتكلم بدون وزن .. ولانضرب للكلمة حساب .. بعني هي قالتها بدون جدّية .. كذا بس يمكنها تمزح .. أو يمكن تبي تثير غيرتك وذلك لأنها تحبك وتبي تشوف غيرتك عليها .. لاتدقق وانسى الموضوع .. الموضوع بسيط إن شاء الله ,, واذا كن ولابد صارحها .. أو شوف وش السبب اللي خلاها تقول كذا ؟؟ يمكن شافت في الرجال شيء تتمناه فيك ,, أسأل الله لكم التوفيق وأن يصلح الله مابينكم .. أختكم / مشكلة والله ! ! |
اقتباس:
واقوله يازين فلان الفلاني اختار اي احد بس عشان اغيظه .. وبعدها ينطم !! :d كبري عقلك ياروح كبروا عقولكم شوي .. اجل هذا شيء ازعل منه اعتقد انها مزحة مهب صادقة زوجة الاخ ,, ! ! |
لا يا اخوي الموضوع بسيط ويحتاج لك انك تنبه زوجتك انها تتجنب هالامور. اللين والرفق ماكان في شي الا زانه ومانزع من شي الا شانه الموضوع بسيط للغاية وانا اخوك. ربي يوفقك للخير انت وزوجتك |
السلام عليكم ورحمة الله ...
أخي الفاضل ... معك حق في غضبك, فمثل هذه العبارة تستفز أي رجل ولا شك, وهذا معروف عند من يعرف الأمر وطبائع النفس البشرية والاختلافات الجبلية بين الرجل والمرأة ,,, ولكني أنصحك في هذا الموقف: ان تصارح زوجتك بما سمعت منها فلعلها توضح لك مقصدها في الأمر فيخف عنك ما تجد, ولعل ما دفعها لذلك كلام مقابل ممن حادثتها في الهاتف... الأخت مشكلة! لا أعلم ما الهدف من عبارتك (كبروا عقولكم), ولكن تكبير العقل بمثل صورتك يفترض منطقاً لا ينطبق على البشر! |
لاتبآلغ عآد طلاااق مرهـ وحده صحيح انو غيرتك عليهاا بمحلها بس مو لهـ الدرجه واجلس معها جلسه هاديه وتكلم معهآ وصآرحهآ وقوول اللي بخاطرك والله يصلح مآبينكم ويوفقكم ...
|
أخي الكريم ..
لاتتجاهل الموضوع .. فاتح زوجتك .. وبين لها خطأها .. ليس من المعقول أن تمدح رجل أجنبي عنها .. ربمارأتك وكانت ستغيضك .. وربما لصغر سنها .. ولكن الواجب عليك .. أن تبين لها وتنصحها .. وتقوي الوازع الديني لديها .. اقتباس:
سخر الله لك زوجتك .. وسخرك لها .. |
ومن عفى وأصلح فأجره على الله
يا أخي لاتتهور وتهدم بيتك وباين عليك انسان عاقل صارحها باللي سمعته وعاقبها بأكثر من طريقه بس الطلاق ابعده عنك خراب البيوت مو سهل وانا اخوك والكاظيمن الغيظ والعافين عن الناس احتسب الأجر عند الله الله يسعدك ويوفقك ويسهل طريقك دمت بحفظ الله ورعايته |
كل من رد اسألكم بالله
هل تخيلتم انفسكم مكاني ؟؟؟؟؟ |
يا ساتر طلاق
هدى اعصابك واتفاهم زي مااتفضلوا الاخوان |
اقتباس:
اولا: هي ما قالته قدامك هي قالته في غيابك ومو ذنبها انك كنت تتسمع لها وهي تكلم اختها وهذا الكلام موجه لاختها ولم توجهه لك شخصيآ وانا متأكدة وهذا الشي مفروغ منه لو انت دخلت المكان بدون قصد كانت ستقطع كلامها الذي سمعته وستغيره فورآ وهي اصلا لا تعرف للان انك سمعت واعتقد انه من غير العدل ولا الاحسان ولا من التصرف السليم الذي امرنا به الله ان نقوم بمحاسبة احد على شئ فعله دون قصد منه ودون علم منه ان احدهم يستمع اليه . لان الذي حدث يحدث كل يوم في احسن العائلات ولا يعني ان ازواجهم لا يعلمون ان زوجاتهم لا يتكلمون ارفق بزوجتك ولا تحاسبها على شئ فعلته المفروض في غيابك والحمدلله انها لم تكن تذم فيك ولم تغتابك بكلام بذئ او تشتكي منك عدا عن ان معظم النساء يتكلمن بالشكل التلقائي هذا في مجالسهم الخاصة واصلا مين كانت تكلم؟ اختها مو انسانة برة العيلة ولا صديقة ولا غيره ولو كنت تريد ان تطلقها من اجل حديث كانت تخص به اختها فماذا ستفعل لو تزوجت اخرى وسمعتها ( بالصدفة ) تشتمك مثلا ؟ ولا ارى اصلا داعي لان تعلمها انك استمعت لحديثها مع اختها لانها طالما لم تقوم بهذه الاشياء امامك يعني انها تعرف حدودها وتحترمك لكن ليس لك الحق بمحاسبتها على كلام قالته في عدم حضورك الا لو كررته امامك وفي حضرتك شخصيآ |
اقتباس:
ومع أني لم أفهمك استاذي الفاضل .. ولكني لم أقصد بها أن استحقر أي أحد .. انما جاءت هكذا لأني تفاعلت مع الموضوع يطلقها لهذا السبب !! لأن المنتدى متشبع بالمشكلات العظيمة خيانات وترك للصلاة وشرب للمسكرات وأرى أن مشكلة صاحبنا سهلة إن شاء الله .. وتذكرت بسرعة احاديث النساء في المجالس فلان وعلان ويازينه وياحلوه كذا ويضحكون .. فهل هذا يعني انهن ليسوا مقتنعين بأزواجهم .. قطعاً لا ! إنما سواليف عابرة .. ثم بإمكانه أن يصارح زوجته إذا كان متحسس من هذه المشكلة بهذا الحجم ويرى هدفها من ذكر ذلك ,, ولاتنسى أنكم ايها الرجال لاتخلوا مجالسكم من هكذا مواضيع إلا ماندر !! عذراً ,, ! |
لا حول ولا قوة الا بالله اخي انتبه تتهور وبصراحه شكل زوجتك طيبه وبنت اصول انت ذا طلقتها بتظمن تاخذ لك وحده مربيه والا يمكن تاخذ وحده ام وجهييين
اخوي شل فكره الطألاق من راسك ادري ان الوضع صعب للرجل شرقي لكن مو لدرجه طلاق بعدين يمكن جد تبي تشوف انت تغار والا لا ادري انك بتستخف بعقلي بس والله ثم والله تصير مع الحريم كثير وانا بنت واشوف واسمع يعني تبي تشوف يغار او لا مو يقولون ان الرجال عقولهم اكبر من النساء خلاص خلي عقلك اكبر منها وتفاهم معها بهدؤؤؤؤؤؤؤؤؤ لانو شكلك عصبي والله اعلم خل كلامك كلمه ورد غطاه يعني قل لاها ان مارضى بهالشي ولا توقعته منك اصلا وترى اذا تكرر بتشوفين شي مايرضيك وقفل الموضوع على طووووووووول اوقل الكلام قبل خروجك عشان تترك لها فرصه انها تحاسب نفسها اخوي ان أبغض الحلال عند الله الطلاق لاتتهاون في الطلاق وخليه كلمه تطلع من لسانك بسهوله بعدين فكر بعقلانيه بعيد عن الانفعلات ............تطلقها عشان كلمه والله قويه انك تطلقها عشان كلمه شي مايستاهل انا معك ان الشي قوي تمدح احد قدامك بس وقسما بالله اذا كان هذا عيبها بس فهي درة عند كثير من النساء ياخي في هالزمن قل من تجد الصالحه مئه بالمئه يأخي تريث وانظر لا إيجابيات زوجتك وانظر كم تحملت من شي انت تعرف انه صعب عليها وفكر بمحاسنها اسمحلي اخوي والله لو ان اخوي ولد امي وابوي جا وقالي هالكلام بقوله نفس اللي قلت لك واكثر وبخليه يشيل فكرة الطلاق وبصراحه موقفك متهوووور تطلقا مره وحده لاياخوي تريث وتعوذ من الشيطان ادبها بأسلوب الحوار هو اللي بيأثر فيها وصدقني لو سويت الحركه اللي قلت لك انك تكلمها وتطلع على طوول صدقيني بتفكر بتترك لها مجال انها تصحح كل اخطائها وبتحترمك اكثر لانك سمعت هالكلام وصبرت وقلته لها بأسلوب وان شاء الله ماترجع البيت الا وهي معتذرة منك والله يوفقك وبشرنا عاد باخر التطورات:) يرجى كتابة (ان شاء الله ) كما بين أقواس و شكرا. الاشراف |
السلام عليكم
أخوووووي أول شيء الطلاق انساه ...!! ثاني شيء انا حطيت نفسي مكانك وحسيييييييت بحرقة ....!! فعلاً شيء مؤلم مثل هذا الكلام ....!!!! وأنا بقول نصيحتي وأنت تشاهد التلفزيون في برنامج تقدمه أمراءة قول ياليتني مكان زوجها ماشاء الله تهبل وهكذا ...!! وقول نفس كلامها لاتزود ولاتنقص وقوله مو حقد فيها خلي نيتك بانك تحسسها بان هذا الشيء غلط وانه يسبب ألم موجع آخر الشيء كل إنسان يخطىء وفقك الله سبحانه وتعالى |
والله يااخ بصراحة انت مكبر الموضوع انا شايفة انه مجرد كلام يعني من باب المبالغة بس انا متاكدة انها مابتقصدبالمعنى اللي انت سمعته فهدي اعصابك اي رجل بيغار على زوجته وايضا الزوجة تغار على زوجها من هذا الكلام لكن انت لو اخذت الموضوع بعقلانية ستجده لايستحق حتى ان تذكر كلمة طلاق الله يهديك ويهدي جميع المسلمين
|
اقتباس:
الحريم ناقصات عقل ودين وابغض الحلال عند الله الطلاق في اكثر من اسلوب تعاقبها فيه وشيل الطلاق من راسك انا حطيت نفسي مكانك والله انها لو سمعت لي هالكلام لأقولها هو احسن مني في إيش ؟ ايش زايد عني الأخ ؟ واقطع علاقتي فيها شهر اخليها تعرف غلطتها اهجرها احرمها من كل شي كنت تسويه خليها تحس انها فعلاُ غلطة وخليها تتحسف على نفسها ونتدم مو تطلقها فكر يا اخوي سامي والله خراب البيوت مو سهل الله يهدي زوجتك يارب |
اخوووووووووو ي
سألت لك اثنين من اخواني واحد قال ابكلم واحد من اصدقائي وبسوي لها نفس الحركه والثاني قال خير ماتوصل للطلاق بس فيه فرق اذا كانت قالت هالكلام وهي تدري اني اسمعها اذ تدري اني اسمعها كل ماشفت التلفزيون بمدح اللي فيه و ابعصب عليها في البدايه واذ كانت ماتدري اني اسمعها بعصب عليها وازعل شوي <<<<<<<<<<<<<<<<على لسان اخواني ا |
ياريت من الاعضاء اللي بيكتبوا ان النساء ناقصات عقل ودين لايكتبوها بمعنى استخفاف بعقول النساء لان الكلمة لاتدل على هذا واتمنى ان نقرا عن هذه الكلمة حتى نفهمها تمام
|
اقتباس:
وهذا كلام رسول الله عليه الصلاه والسلام ولاحد يسوي معصب ولا زعلان لأن هذا مو موضوعنا اصلاً احنا قاعدين ننصح الأخ سامي وهذي احاديث استدلاليه على أساس نهون المشكله الله يهدي |
اخي الكريم..طبعا هذا الكلام غير جائز ولايرضاه الله سبحانه وتعالى اولا ولا يرضاه زوج من زوجته ثانيا.......لذلك الحل الحكيم وانت ماشاء الله عليك رجل عاقل..تجلس وتحدثها بما سمعت بشكل جدي وقلها مش عيب اسمع هالكلام منك...شو رأيك لو حكيت لأبوك واخوانك ماقلتي(طبعا انت لن تفعل فقط من باب احساسها بماقالت)..وقلها وقبل هذا وذاك انت اغضبتي الله قبل ان تغضبيني...وحاول اتقوي وازعها الديني..لأنه يااخي صدقني هذه دلالة ضعف الايمان في قلبها لانه مايجوز للمرأة ان تنظر الى رجل اجنبي وتقول عنه جميل.......اخي الكريم للأسف اسمع كثيرا مثل هذه العبارات هداهن الله..ولايعني ذلك انهن لايحببن ازواجهن بل هو ضعف الايمان كما قلت....والطلاقل لا لالاتفكر به ابدا...فمثل هذه الامور تحل بهدوء وعقلانية.
|
اخ ابو جوري شهر كتير كفايه اسبوع زعل
ثم اخوي صاحب المشكله رح اعطيك مثل لماذا اصلا التلفزيون والمسلسلات وخصوصا التركيه والتعلق بمهند والاسمر مع انهم لي مقرفين ولكن لنكن واقعيين وكما نشاهد ويصلنا على الايمالات تعلق اكثر البنات العربيات بالممثلين واخيرا قرأت ان فتاة انتحرت والعياذ بالله لان مراد علم دار في مسلسل وادي الذآب مات في المسلسل اخي اذا كل شخص فكر بالطلاق من زوجته لانها مدحت شخص آخر كان اكثر البيوت مطلقين اخي لنكن واقعين اولا هذا الفلان الذي تصفه زوجتك لا يزيد عنك شيآ بالعكس انت اجلس قربها على التلفزيون وامدح احد المذيعاااااااااااات والله رح تجن وتحرم تمدح حد انت وقت تجلس تحضر الاخبار قل لزوجتك :تعرفي انو كلو مكيااااج حتى للرجاااااااااااال يضعو على وجههم فوندايشن انت اذا دخلت غرفة النوم رح تلاقي زوجتك تستعمله ضعه على وجهك واسألها مش هيك اجمل من فلان خلي ثقتك بنفسك كبيره وابعد فكرة الطلاق تمااااااااام ولا يضر اسبوع زعل وخليها تراضيك ووقتها بدنا الحلوااااااااااان انما نصيحه لوجه الله تعالى ما تزيدها كتير بالزعل وتخرب بيتك على شيء موجود في كل البيوت لانك لا سمح الله طلقتها وتزوجت غيرها نفس الشي او انك تكسر التلفزيون وتريح نفسك وهيك تحرم نفسك من مشاهدة الاخبار ومتابعة الرياضه |
انا مع رد اخوي GREEN222
انا قلت شهر وهذي تعتمد على قوة تحمل أخونا سامي هون على نفسك يارجال مافي شي يستاهل هذا كله الله يصلح زوجتك ويهديها |
ابو جوري انا اختك
واخوي صاحب الموضوع تذكرت شي الآن تعرف زوجتك محظوظه انك تغير وهذا ليس من باب المدح لك ولكن من باب القهر لي ازعل اسبوع كفايه انما ما تزيدها كتير يعني خذ حقك بالمعقول على فكره الزوجه تحب كتير وقت زوجها يغاااار تحس انو يحبها |
الله يهديك اخوي طلاااااااق مررره وحده؟؟؟؟؟؟؟؟؟؟
يعني انتو يالرجال ابددددد ماتخطؤن .... الي اعرفه واشوفه ع الواقع ان غالبيت جلسااتكم ماتخلو من بعض هالامور ويمكن اكثر من كذا!!!!!! |
يا الله يا اخوي ان ابغض الحلال عند الله الطلاق .. كلمة طاالق تعتبر اخر الحلول مو على اي امر خلاص تفكرون بهالموضوع .. انت حتى ماناقشتها ولا كلمتها ولا عاتبتها .. لو كنت مسوي كل هالاشياء وعطيتها فرصه ثانيه وثالثه وليلحين تتمادى ومستمرة على الموضوع نفسه بعدها تقدر تتخذ قرار مثل هذا وبعد استخارة وتفكير طويل .. اخي انه ما الومك الغيره تقتل ولو كنت انت مكانها وقلت نفس الشي عن بنت انه متاكد انها راح تقلب البيت فوق حدر وبتزعل وووو .. بس هدء من عصبيتك واخذ نفس عميق وفكر بعقليه اكثر بدون العاطفه .. اخوي واجهها ليش تبتعدون عن المواجهه مو بالهواش والسب بالعكس قولها بنبرة تحسسها انك متضايق شوي وانك ماخذ بخاطرك عليها وايد وانها زعلتك .. قولها انه سمعتك بالصدفه تكلمين اختك وتقولين لها كذا وكذا وتمدحين شخص وتتمنينه علي .. اطلب منها تخلي نفسها مكانك .. وقولها شبتكون ردة فعلها .. ذكرها انك حبيتها وعزيتها وصنتها اخر شي يطلع منها هالكلام .. خلها تحس بالذنب .. واتركها وامشي عنها عشان تقعد تفكر بهدوء بالموضوع وتقلبه في بالها .. وان شاء الله تعتذر منك وتعتبر وما يتكرر منها هالتصرف .. والله ايسر اموركم ويصلح حالكم .. تحياتي يرجى كتابة (ان شاء الله ) كما بين اقواس و شكرا الاشراف |
الصراحه كلامها مره كبير حتى لو مع اختها
مااتوقع اقدر اقول كذا لاختي عن زوجي لكن مايمنع انك تلمح بالكلام وتحسسها بنفس اللي حسيت فيه كل شي الا جرح المشاعر لانه تظل بالقلب اما سيره الطلاق فلا ماهو حل لان هذي الاشياء تصير بين الزوحين لكن وجها لوجه مو من وراه 00 |
وربي موقف ما تحسد عليه!! لا تفكر بالطلاق. أمسح القناة. كلام الأخ GREEN222 حلووو. الله يعينك. الله لا يبلانا. |
انا عندي رائي ثاني يمكن زوجتك حبت اتثير غيرتك وتلفت انتباهك
دلع حريم يعني بس اخطات بالوسيله احيانا نحب انشوف الغيره بعيون ازواجنا بس طبعا بدون تجريح على العموم انت لازم تفاتحها بالموضوع واتوضح انه هذا الكلام مش سهل او عندي فكره تانيه ايش رائيك تعمل نفس الشي شوف مذيعه او فنانه وامدحها وقول يا بخت زوجها فيها يارتني زوجها على مسمعها وشوف بعدين ايش راح يصير بس اخوي املك اعصابك |
اللي صار سوالف حريم.. أنا ما أقول انه اللي صار عادي..
لأ اللي صار مصيبة.. لأن الله أمر بغض البصر .. لللنساء والرجال.. و لو ندخل مجتمع الرجال بنلقى مجالسهم ما تخلو من مدح وغزل وإعجاب بفلانة وعلانة!!!! ولا حلال على الرجال حرام على الحريم.. لكن لو قلت لنا أنها وجهت الكلام لك .. بيصير موقفنا ثاني.. |
سبحان الله..الحين يوم وصل الأمر للطلاق
بعض الاعضاء قالوا يمكن انها صغيرة واللي يقول الحريم على قد عقولهم والكل يدلي بدلوه هذي مصيبة عظيمه .. والزوجة المفروض الحين في بيت اهلها خلاص اي زوج راح تطيب نفسه من زوجته اذا قالت هالكلام لا احد يقول وانتم يالرجال تسوون مثل ما نسوي انا كرجل عندي المجال اتزوج 4 نساء لكن الزوجة مالها إلا زوج واحد يعني مستحيل يكون لها زوجين بنفس الوقت وهذا يدل على انها ما تبي زوجها واللي تبي تمزح تدور شي ثاني تمزح فيه مو تتمنى رجل غريب ويمكن خيالها راح اوسع من التمنى !!!! |
الله يعينك اخي الكريم
شوف انا بقولك شي من واقع خبره ويمكن اول مرة اتكلم بهالموضوع لكن اللي يقول بسيطة وعقول النساء صغيرة ترا بالنسبة للرجل جدا كبيرة انا مرة كنت حاطة على قناة شعرية وبالتحديد برنامج شاعر المليون واستمع لقصيدة لشاعر ما وقال بيت حلو وابتسمت ! فقط ابتسمت !!! ومن يومها ممنوع علي اشوف قنوات الشعر ولا مدح أي شاعر ولا حتى اجيب سيرته بأي شكل كان ولما زوجي يحط على قنوات الشعر والله العظيم اني الف وجهي عن التلفزيون حتى ما اشوف حد .. وفقط اسمع معه واسوي نفسي مشغولة بشيء ثاني اعرف تماما الشعور الذي تشعر به .. ولكن يجب عليك أخي الكريم أن تصارحها بشكل فيه حزم قليلا حتى تعرف ان اللي سوته مو سهل ابدا يقول المثل " كل واحد يتعلم من كيسه" وانا لو ما مررت بتجربة الغيرة بسبب خطأ استهونته وكان بسيط بعيني ما تعلمت وبعدين يا أخي .. هالقنوات اصلا ليش موجودة في بيتك ؟ انت راعي البيت وانت المسؤول امام رب العالمين على كل ما يخص زوجتك واولادك كن حازم .. ولكن ليس الى درجة الطلاق لا سمح الله فقط بين لها خطأها .. وازعل عليها وفقك الله ورعاك |
الظاهر انه زوجتك صغيرة
و لسا ما وعيت انها تزوجت و انه هالكلام لا يجوز لسا مفكرة حالها عايشة مراهقتها الموضوع طبعاً له حل متل ما بقول المتل (فركة اذن ) يعني تكلم معها بحزم و بين لها غضبك و قل (آخر مرة بسمع منك هالكلام ) و هي ستعرف حجم خطأها ولن تكرر ذلك |
اقتباس:
معليش أخوي .. أنا أتفق معاك على أنها مصيبة!!! لكن هل الحرام فقط عليها!!!! هل تبيح هذا الكلام للرجال دون النساء بحجة انه الشرع أباح لكم 4!!! يعني إذا كنت متزوج أربع نساء خلاص يصير بعدها حرام تتكلم باللنساء لأنك أستوفيت حقك!!! الحرام حرام .. سواء من النساء أو الرجال.. لكن مايوصل لدرجة الطلاق.. يحكم نفسه أول.. هل مجالسة هو كرجل تخلو من المهاترات والنظر والتغزل بالحريم بالتلفزيونات.. إذا كانت تخلو تماما.. فأنا معاه بأن يطلقها!!!! لكن إذا هو مثلها يطلق النظر بفلانة وعلانة.. والهمز والغمز مابينهم وبين بعض.. فيرجع لنفسه ويصلح خطأه.. ويترك المعاصي .. ويطلع الدش من البيت .. بس مو يطلعه من البيت ويروح لربعه يتفرج!!!! |
يا أخي لك حق تزعل وتاخد على خاطرك بس ما توصل لدرجة الطلاق!!!!!
الطلاق وهو ابغض الحلال عند الله شرع عند استحالة العشرة بين الطرفين وليس كحل لمثل هذه الامور فهل استحالت العشرة بينكما لتفكر في الطلاق؟؟؟؟؟؟؟؟؟ اخي هذه الاحاديث كثيرا ما تدور بين النساء للاسف دون وعي منهن أو قصد فهناك من تعجب بشيخ وتمتدحه لصديقاتها وتبالغ في مدحه لتقنعهم وتشوقهم لمتابعة برامجه اي من باب الترغيب والتشويق ليس الا وهناك عدة طرق تحسسها فيها بغلطها وتأدبها حتى لا تعيدها سواء امامك او في غيابك |
يعني هما الرجالة وهما قاعدين مع بعض .. مايحصلش انهم يهزروا ويقولوا آدي النسوان ولا بلاش !!
|
يا اختي حلوايه
ولو هم الرجالة اللي بعملوه خطأ .. نحلل الخطأ للمرأة ايضا ؟ ماهو كله خطأ بخطأ |
اعتقد مثل ما قال انها قالت كلامها في ( عدم وجوده ) وهو سمعها ( بالصدفة ) مثل ما ذكر
يعني حتى العنوان لا يعكس الواقع الحقيقي للقصة وكل خلافكم على شئ فرضي لم يحصل وهو انه ماذا لو مدحت زوجتك شخص ( امامك ) اعتقد ساعتها هتستحق الشنق مو الطلاق بس لكن لا ذنب لها لو تسمع لكلامها مع اختها والحمدلله انها اختها مو سلفتها ولا جارتها وياما يصير بين الخوات اخي هل حصل يومآ ان قامت زوجتك بمدح شخص ( امامك )؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
| الساعة الآن 10:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©