|
في منتصف العشرين وحزينه من نظرة المجتمع
السلام عليكم ورحمة الله وبركاته الى كل احبتي من يقرأ موضوعي شاب او بنت أنا عندي مشكللللة أتعبتني كثييييييييير أنا ولله الحمد على قدر من الجمال لكن قليل مايتقدم لخطبتي شخص فيه المواصفات المطلوبة وتعبت من نظرات المجتمع انا عمري تقريبا في منتصف العشرين وقبل فترة تقدم لي واحد معه مرة انا هنا وقف قلبي وضاااق صدري وأهلي تضايقوا صارو يدعون لي وفي هالايام تقدم لي واحد ووافقت على غير قناعة بس تجاوز لمرحلة العنوسه وتفركشت الخطبه وحزنت مو عليه على المجتمع الفاشل اللي ينظرون للبنت اذا وصلت حد معين من العمر بالرحمة والشفقة والحييييييين انا نفسسيتي زففففت من الهم والتفكير انصحووووووووني الله يخليكم ودعواتكم
|
الحل أنك تصبري وكل تاخيره فيها الخيره ماتدرين وش الي الله كاتبه لك ..
كثري أستغفار ودعاء وركعتين أخر الليل وأن شاء الله ربي يرزقك . |
وعليكم السلام ورحمة الله وبركاته:
اختي كل تاخيره فيها خيره لك الانسان مو عارف وين الخيره له وطنشي نظرات المجتمع وتاكدي إن ارضاء الناس غايه لاتدرك أسال الله لك زوجاً صالحا تقياًنقياً مخموم القلب. |
وعليك الرحمة عزيزتي
لم افهم مشكلتك تماما يا غالية هلا شرحت لي ذاك باختصار شديد ليس القصة من اولها بل اقصد المشكلة والعقدة ؟! لك شكري |
يا اختي هذا نصيب من الله هو مقسم الأرزاق
انتي خطابك قليل وان شاء الله يجي نصيبك ويكون الزوج الصالح وتسعدي معاه وعن عمرك منتصف العشرينات طيب صغيرة ياقلبي ما بالك بالبنات اللي فوق الثلاثين ولا تزوجوا هدي عمرك مو محتاج هالضيق والخوف .. نصيبك بيجيك ان شاء الله الله يرزقك ويرزقني ويرزق كل بنت ياااااارب |
و عليكم السلام و رحمة الله و بركاته عادي حبيبتي منتصف العشرين مو كبيره يا قلبي اتوقع عمرك 25 نفس عمر اختي لما تزوجت و عمر اختي اللي قريب انخطبت .. ما عليك من كلام الناس لانهم بكل الاحوال يتكلموا اذا تزوجتي صغيرة قالوا جاهلة وش فهمها بالزواج و اذا وصلتي لسن معين قالوا عجوز .. ما عليك من احد اكثري من الدعاااااء و الاستغفار و الصدقة لان هذه الامور تكفر الذنوب و توسع الرزق الله يوفقك و يرزقك بزوج نااصح صااالح عاجلا غير آجل |
تم النقل إلى القسم الأنسب.. |
الان فهمت القضية اختى الكريمة بكل وضوح :d
وبالفعل انت لا زلت في سن مبكر جدا جدا :18: هناك من هي اسوأ حالا منك غاليتي وانت الان تقولي انك لا زلت في العشرينات من العمر :25: امامك طريق وحياة مشرقة وجميلة لا تضيعي وقتك في التفكير في نظارات الناس وغيره على حساب سعادتك الخاصة وبكل حماس عيشي حياتك يا غالية لك دعواتي وكل امنياتي |
أشكركم حبايبي على الردود بس أنا لم ذكرت لكم اني تفركشت خطبتي تأثرت نفسيتي لانه صار بعد الشوفة الشرعية انا مارتحت وهو فهم اهلي اني أعجب بي شكلا بس مارتاح نفسيا بس راح يفكر ويرد رد نهائي وانا على طول فرحت وقلت اصلا من البدايه مارتحت له بس اللي قهرني اني رديت بالرد هذا بعد كلامه فصار موقفي يقهههههر كاني ارد اعتبار لنفسي
واللي يحزني زيادة ان اللي حولي قرايبي وحتى زميلاتي يقولون لي غريبه انك حد الحين ماتزوجتي عاد انتي حلوه صرت اشك بعمري اني محسودة معليش يمكن ازعجتكم بكلامي بس من جد ماكد فتحت قلبي ابد بالكلام هذا |
مرحبا يا أختي
الله يرزقك بالزوج الصالح الي يستر عليكي ويهنيكي أولا انتي ما عنستي ولا شئ الحين صارو الشباب بيتأخرو في الزواج بسبب الوظائف ومصاريف الزواج فشئ طبيعي أنه يتأخرو البنات مع الشباب في الزواج ولا من وين راح يتزوجو شئ ثاني للهروب من كلام الناس والمجتمع اشتغلي شوفي شغلانة كويسة واشتغلي فيها المجتمع ما بيحب الناس الي بيجلسو بدون نجاح لو اشتغلتي ونجحتي والله مافي أحد راح يقدر يتكلم عليكي وبعدين لا تخافي ولا تستعجلي رب ضارة نافعه الي جابه يجيب ألف واحد غيره ربنا سبحانه وتعالي بيرزق النملة السوداء على الصخرة السوداء الصماء في الليه الظلماء وبعد هذا خايفة بانه ربنا ما يرزقك اسمعي كلامي وهتدعيلي وبعدين على فكرة أنا مفتخر فيكي وفي كل البنات الي ما تزوجو الى الحين افتخاري فيكم ما يكفي ؟؟؟؟؟؟ |
اقتباس:
|
[gdwl]اسمعي يابعدي كل تاخيرة وفيهاخيرة
انااستعجلت بالزواج وصرت مطلقة وعمري 25 حطي نفسك مكاني وترضين بوضعك اولاتوكلي على الله وكثري استغفار واقراي البقرة وارقي نفسك وتروشي بخلطة الرومي وان شاءالله مافيك شيء لاتووووووووووسين وان شاءالله زوجك يدور عليك بس مضيع بيتكم ههههههههه الله يوفقك ويرزقك الزوج الصالح تفاءلي خير ولايهمك احد بعدين العمرقدامكك لاتخافين ربي يرزقك ان شاءالله وتبشريناقرررررررريب[/gdwl] |
حبيبتي عيشي حياتك وكل تأخيره فيها خيره
وترى كلاام الناس مايخلص والله اعرف وحده عمرها 19 او 20 سنه تقدملها واحد ورفضته ساروا ينادونها العانس عاااااانس وهي عمرها 19 سنه كلاام الناس طنشيه وعيشي حياتك وفليهاا |
هههههههههههههههه أعجبتني يدور علي بس مضيع بيتنا المشكله كلها في هالناس والمجتمع اللي يبلشون فيك والله الحريم يكلمون امي يقولون هاه ماعندكم شي احسهم يهبلون بالواحد والله صرت اقول اي واحد اباخذه بس ابفتك
|
ياحوبيلك .. وسعي صدرك ولا تاكلي هم .. رزقك جاي بإذن الله بس تفائلي شوي ... تدرين يمكن عمري نفس عمرك وقبل شهر تقدم لي واحد عمرهـ 47 ومتزوج وعنده أولاد !! بس ما ضاق صدري ولا قلت عآنس هذي أرزاق ياقلبي .. وبالنسبة للخاطب اللي راح مالك نصيب فيه والحمدلله خيره خيره ماتدرين عنها ... إستغفري ..ثم إستغفري .. ثم إستغفري ... وأسألي المجربين عن الإستغفار .. ولاتفوتين أخر ساعة من الليل صلي وأقرأي قرآن وأطلبي ربك يسهل أمورك وأنتبهي توسوسين .. وتقولين حسد أو مدري ايش ولاتفكرين العوانس أو ( المتأخرات عن الزواج ) سيئات أو قبيحات بس مثل ماقلت ..أرزاق .. الله يرزقك بالزوج الصالح التقي ويسهل أمورك وتجين هنا تبشرينا بخبر زواجك قررررررريب بإذن الله وإياي وكل بنوتات المنتدى |
اقتباس:
وانتي بعديارب يرزقك بالشاب اللي يسعدك ويحطك بعيونة لاياس مع الحياة وغداأجمل وربناكريم كلامك درر الله يفرحني فيك |
اقتباس:
لاياعنوني الزواج حياةومستقبل جديد لاترمين نفسك ووتتهورين عشان كلام الناس اكثر وحدة عانيت انا وصابرة ومحتسبة الاجر يالبى قلبك بس الله ينصرك عليهم ويوفقك ويسعدك ويرزقك الزوج الصالح وينوردربك |
|
اقتباس:
أبد بالعكس بس المقصود هنا انه قليل اللي يجون فيهم مواصفات مقبوله يعني اللي يتقدمون كثير بس ماناسبوني وبالعكس بالنسبه للي خطابهم قليل ماأأيدهم على الخروج لعرض أنفسه من أجل الخطبه هذا رزق يجيك لو انك منسدحه ببيت أهلك لكن المشكله هنا بتفكير المجتمع وازعاجهم تزوجت ماتزوجت ووحده تسألني تقول أنت حاطه أكيد أحد في باللك بغيت أكفخها بالله هذا سؤال!يعني المشكله في الناس خصوصا ان خواتي متزوجات بعمر أصغر من عمري على العموم الله يوفقك ياأخي وجميع بنات وعزاب المنتدى وييسر أمورهم:) |
جرحني زماني-ألوان أشكركم على تفاعلكم معي ودعواتكم الله يوفقناااا كلنا يارب:d
|
أختى الكريمة الخروج للعمل أو للفسحة ليس عرض على الناس ..ولكنه إثبات وجودك فى المجتمع(إمضاء حضور :))
وأنا لاأشك أبدا فى كثرة خطابك ..ولكنى أخاف عليكى كثرة التردد فى الإختيار ..عن تجربة صدقينى يكفى جدا الحصول على نسبة 60% من شروطك لكن عليك ترتيب أولوياتك وشروطك فى زوج المستقبل حتى لايضيع العمر ..لا تستعجلى ولكن أيضا لا تطولى فى التفكير ... أتمنى أن تكون وجهة نظرى واضحة.. تحياتى لكم جميعااااا |
اقتباس:
وإن شاء الله في القريب نسمع أخبار حلوةعنك وعن أختك ياااااااااااارب |
اقتباس:
نصيحتى لك ولنفسي ولكل مهموم الابتعاد عن كل ما يغضب الله والتوبة من الذنوب مهما كانت صغيرة الاستعاذة من الشيطان الرجيم في كل وقت الاستغفـــــــــــــــــــــــــــــــــار في كل وقت الدعــــــــــاء والالحاح فيه بالزوج الصالح والذرية الصالحة عاجلا غير آجل ويا حبذا لو كان في الثلث الاخير من الليل وأثناء السجود لان العبد اقرب ما يكون لله في حالة السجود المداومة على الرقية الشرعية ( تستطيعي تحميلها من الانترنت وسماعها في اي وقت ) المداومة على قراءة او الاستماع لسورة البقرة كل ليلة صدقيني راح تلاحظي بنفسك تغير نفسيتك وستشعرين بالراحة بإذن الله وستتسير امورك كلها بإذن الله فقط لا تقنطي من رحمة الله وربنا يرزقنا بالازواج الصالحين اللي يقدروا قيمتنا ويسعدونا ويقر اعيننا بالذرية الصالحة انه قااااااااادر على كل شي قولي آآمين |
ياحبيبتي لساتك صغيره عيشي حياتك وانبسطي وصدقيني رزقك ان شاء الله جاي واحمدي الله كل تأخيره بخيره
انا اول ماتطلقت غبطت الغير متزوجات وقلت ياحظهم هم في نعمه مو حاسين فيها وتمنيت اني جلست ببيت اهلي ابرك لي من حياتي الزوجيه الفاشله الله يرزقك بالزوج الصالح الطيب القلب & |
nene همس الاصيل اشكركم على مروركم وارائكم واهتمامكم بموضوعي وبالتوفيق للجميع
|
( وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ )البقرة216
الواحد ما يدري الخير وين فقط ثقي بالله عز وجل ووكلي امرك لله سبحانه أكثري من الاستغفار والتسبيح وقراءة القران خصوصا سورة البقره لان لها بركه وتركها حسره ... مو شرط كل واحد متزوج مبسوط ولاهو شرط كل عزابي ضايق صدره فقط تأكدي أن الارزاق في السماء ومابين طرفة عين وانتباهتها يبدل الله من حال الى حال لو هناك متسع من الوقت كان سردت لك قصتي لكن بأختصارها لك بجمله صغيره كوني قريبه من ربك راح تتغير حياتك حتى نظرتك للدنيا وللاشخاص بتكون غير ... الله يفرج همك ويرزقك ما تتمنين واكثر ويرزقنا وياك وكل مسلم ... |
اقتباس:
|
ياحلوه ولى يهمك ولى على بالك
ونظرت الناس وكلامهم ارميه بحر ولا توافقي الى وانتي مقتنعه انا تقدمولي كثيييير ودايما ارفض لان ولى واحد اقتنعت فيه اخر واحد اللعام ورفضته للعلم كان عمري 26 وهو عمره 28 لكن رفضت وكل اهلي يلوموني وقولولي لمتى؟؟ وعدين ماحدا راح يخطبك لانك دايم ترفضي وووووو وانا بكل ثقه اقول ليهم والله لو يصير عمري خمسين وماجاني حدا اقتنعت فيه بضل ارفض ورزقي ونصيبي باخده الحين لو بكره والحين الحمدلله كتب اكتابي قريب وبقناعه تامه وانتي بعد نصيبك بتاخديه الحين لو بكره اهم شي الأختيار الصحيح تحياتي اختك j |
حبيبتي لا تفكري هذا التفكير صدقي يا قلبي
اذا ربنا كاتبلك شي راح تاخذينه هذا كله نصيب اتعوذي من الشيطان وسمي بالرحمان والله يفرجها عليكي وعلينا يا رب |
اختي انتي لسه عمرك في العشرينات يعني لسسه مو عاانس وماتفكرري كذا كل شي قسمه ونصيب وصدقيني نصيبك ماانكتب للحين بس انصحك انتبهي تسسستعجلي وتتهوري في مو ضوع الزواج وتاخذي اي واحد يخطبك لمجرد اسم عانس وربي اعرف بنات تزوجوا وهم بالثلاثينيات وعايشين احلا احلا حيااه واعرف بعد بنات تزوجوا بدرري تندموا وبالا خر كل شي قسسسسمه نصيب تحياتي لك ياعسسسل:14: |
ياقلبي هونيها وتهووون
انتي في عز شبابك الله يرزقك الزوج الصالح وعيشي حياتك حتى يجيك نصيبك ولايهمك كلام الناس وانا اختك الناس حتى الي في قبره ماتركوه |
ياقلبي لا تزعلي نفسك .. ترى الناس راح تتكلم في كل الاحوال .. يعني عيشي مبسوطة ومالك من كلام احد .. ولو وحده قالتلك غريبة مااتجوزتي لدحين وانتي حلوة واخلاق والخ ... قوليلها والله ياقلبي ما جا النصيب ولا اقولك دحين انزل البقالة اشتريلي عريس من الرف <<< ترى دايما اسوي دي الحركة بس اقولها بطريقة مزح :d
عموما على قول الاخوات كل تاخيرة وفيها خيرة وربنا ما اخر موضوع الزواج الا عشان خير لك ماتدري يمكن لو اتزوجتي بدري كان ضاعت عليكي اشياء حلوة في حياتك بتسويها وانتي بنت يعني بالعربي شوفي الجانب المشرق والله يرزقك الزوج الصالح انتي وكل بنات المنتدى |
اقتباس:
انا قبل كم يوم حضرت فرح واحده عمرها 33 او 34 اعتقد ماقد اتزوجت اخدت واحد اعزب ومن عيله معروفه ومهندس ربنا الرزاق الكريم |
لاتحزنين انتي لسى صغيرة وتوكلي على الله وراح يجيك نصيبك المسالة مو جمال اوغيرة المسالة نصيب كاتبة ربي لك
عيشي حياتك واستانسي لاتفكري في كلام احد |
لم يأتي نصيبك بعد والحياة لاتتوقف على الزواج فقط
عليك بالدعاء والاستغفار والصلاة آخر الليل فلها مفعول عجيب ولاتتركي وقت الفراغ بل اشغليه بما ينفعك وادخلي دورة لغة او حاسب او حلقة قرآن ففيها خير كثير وفقك الله ورزقك ماتتمنين |
هجرك عذاب
بردانه روحي تحبك قلبي طفل مغرور زهرة بنت مكة غدي أملي سحابة الصحراء أشكركم جميعا بأسمائكم وبألوانكم والله يحقق مطالبكم وأمانيكم:) |
هجرك عذاب أنا كذا كثير أرفض وصارت أمي تلومني وانك مو عاجبك أحد ومن هالكلام .... لكن زي ماقلتي أهم حاجه القناعه لاني أنا اللي أبعيش مو الناس
|
ماراح يفيدك كلام الناس . .
ولاتاخذين شخص الا مقتنع . افضل من بكرة تقولين ياليت وياليت وتتعذبين . . الزواج قسمة ونصيب . ماهو غصب . ولاهو لاجل خوف من احد ~ والله يكتب لك النصيب ويجيك فارس احلامك :) |
أشكرك أخي أو أختي:dجمرالوله
وكلامك هو الطبيعي لكن الواحد أحيانا يفكر تفكير غريب أشكرك مره أخرى:) |
انا من رائي كل بنت لازم تتزوج لكان كل وحده ونصيبها سواء قريب او بعيد والله يرزقك ويرزقنا
|
| الساعة الآن 01:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©