|
هل أوافق على تقديم الزواج أم أرفض من أجل دراستي
[السلام عليكم ورحمة الله وبركاته
ابدأ بالموضوع مباشرة بدون مقدمات >>> العجلة وماتسوي المهم سالفتي جاء رجال لوالدي الله يحفظه وخطبني ابوي مقتنع بالرجال لانه ماشاء الله كفو ورجال بكل ماتحمله الكلمة من معنى المهم ابوي قالي وش رايك انا رفضت تماما الى مااقنعني هو والاهل جميعهم قلت خلاص اوافق بس بشرط انه لما اتخرج من الثانوي وانا الحين بثاني يعني باقي سنة ونصف قال ابوي ابشري متى مابغيتي بس اهم شي انك موافقة عليه بعدين ابوي قاله ابشرك انه وافقت بس تقول بعد مااتخرج من الثانوي الرجال قال مافيه مشكله بس اهم شي انها وافقت بعدين تمت الرؤية الشرعية قبل شهر تقريبا المهم الرجال الله لايوريكم بعد الرؤيه قال لابوي انا مااتحمل لسنة الجاية ابغاه هالسنه قاله ابوي يكون خير وقالي ابوي انه يبغى السنة هذي قلت لابوي اصلا انا ماوافقت الا على اساس انه بيكون السنة الجاية يعني وشلون تسون كذا المهم اقنعت ابوي اني ماراح اتزوج هالسنة والرجال بدا يتردد على ابوي يقول وش صار هالسنة ان شاء الله وابوي قاله انه رافضة تماما المهم هو مصر الا بيقنع ابوي وابوي يبعدي بين نارين حتى الرجال صار ابوه واخوانه يجون يفزعون معه ويتلوقون مع ابوي عشان يوافق يصير الزواج هالسنة وانا لم اوافق انه يكون هالسنة لعدة اسباب اولا اني انا مهتمة بدراستي ومستقلبي مرة ومن يوم انا بالمتوسط وانا اخطط لااهدافي واخر شي تروح علي مع انه هو ماقصر يقول ان بغيتي منازل اواهليه وانا مااحب الاهليات ابغا مدرستي هذي لاني لو تزوجت راح انقل عن منطقتنا كله والسبب الثاني انا مااحمل المسؤؤلية ابد يعني لو صار بها السنة والنصف هذياحاول اعود نفسي بالتدريج على تحمل المسؤولية والله لو تشوفوني ماتعطوني بالثانوي فانا نزلت الموضوع ابغا اشوف ارائكم هل اتزوج السنة وارضي اهلي وارضيه واسكته بعد ام اني اطيع نفسي وافكاري ونسيت اقول اختي من ابوي تبتزوج هالسنة هذا الي خلان ارفض زود صعبة نتزوج بعطلة وحدة والله العظيم اني هالايام حيرانة بس تفكير وبكربة مايعلم به الا الله من فرج عن مسلم كربة فرج الله عنه كربة من كرب يوم القيامة ابغا اصحاب الحكمة والخبرة فقط يردون |
أجل أنا أسحب نفسي من الموضوع
|
اقتباس:
|
شخصياً أرى أنكِ لازلت صغيرة .. ولكنني سأجيب بناءً على أنكِ وافقتِ على الارتباط بالرجل وانتهى الأمر.
وردي.. لا يا صغيرتي .. لا توافقي على إتمام الزواج قبل الانتهاء من دراستك. الدنيا ما بتطير وإن كان الرجل مقتنع بكِ ويريدكِ فلا ضير أن ينتظر قليلاً .. خاصةً أن الانتهاء من دراستكِ كان شرطكِ منذ البداية وهو وافق عليه .. وعلى ذلك يجب عليه الالتزام به. |
اقتباس:
وكلامك عين الصواب بس ويييييييييييييييين الي يسمع وطبعا انا لسا ماملكت |
انا رايي انه اذا كان مايبغى غيرك راح يصبر وانتي اصري على راييك لان كمان مستقبلك ودراستك مهمه خاصة الحياة الحين صعبة والله يوفقك يارب
|
اختي انا الصراحه معك بأنك تكملي دراستك .. وتخلصي الثانوي .. وهذا كان شرطك .. والمفروض الشـاب الي خطبك بكون قد كلامـه ! ومايقعد رايح جاي سردادي مردادي عليكم ! واذا انتي شايفه ان مصلحتك بالدراسـه ومهتمه بدراستك وماراح توفقي بين الدراسـه والزواج انصحك تكملين ولاحقه عالعرس توك صغيره .. وان شاء الله الشاب يعقل بس اكيد يبي كلمه من ابـوك نهائيه انه مافي زواج الا السنه الجايه .. الله يوووووفقك .. :: |
أنا بصراااااحة ما ألووووم الشاب ربما لأنه رأى ما لا صبر له عنه.. لأن الشاب لو رأى خطيبته وكان في أتم استعداد للزواج بمعنى أن المهر والبيت وكل شيء جاهز.. فما أظن أنه يؤخر الزواج .....
لكن لك الحق أن ترفضي الزواج في هذا الوقت.. كما أنه ينبغي أن تعرفي أنه لاتعارض بين الدرااااسة والزواج.. فكلا الأمرين بين يديك.. وسددي وقاربي.. واستشيري الناصحين من أهلك.. واستخيري ربك عزوجل.. بعد ذلك أبشري بما سيأتي لك من لطف الله. |
اقتباس:
|
اقتباس:
امين يارب الصراحة كلامك يثلج الصدر مشكورة |
اقتباس:
مشكور على النصيحة الرائعة |
كان شرطك وشرط ابوك بالموافقة بعد اكمال الثانوية وقد وافق الراجل على شرطيكما والمثل يقول (( المؤمنون عند شروطهم ))
واذا كان فعلا يبغاك فسيعمل بما تم التوافق عليه سابقا اما اذا كان مستعجلا فربما تزوج غيرك ومثل هذا الرجل غير مأسوف عليه لك من الله ما كتب |
اقتباس:
لاابوي بس يبي يسكتني يقول متى مابغيتي ومشكور على مرورك العطر لكن ممكن افهم اخر كلامك |
السلام عليكم صباااااح الخيــــــــر على الجميع شووفي ياعمري ! انا اشوف مادامك تحبين الدراسه ولك رغبه تكملين لاتستعجلين على الزواج بعدك صغيرة فديتك اللحين حتى اللي يكملون الجامعه يحسونها غير كافيه في زحمة هذا الاياام ,,, فمابالك بالمتوسطة !!!! لو تركتي الدراســة.... انا مريت بنفسك تجربتك وماكملت واللحين زواج ومسؤليه وطفلة ,,,والتوفيق على انا شخصيا صعب! لا تستعجلين حتى ماتندمين ,,, لكل شي في الحياه وقته ****وغاية المستعجلين فوته فالنهايه القرار يرجع لك وانت تتحملين نتايجه كاملـــه استخيري وو فكري وشاااوري ....وربنا يكتب لك الخير يااااارب |
كملي دراستك دا الاهم وجوابي هذا من خلال تجربتي انا اتزوجت واتخليت عن دراستي وانا الان نادمة لاقصى درجة لكن لو عاد بي الزمن و انا بتفكيري الحالي لاجتهدت حتى
اصل الى قمة اهل الخبرة و الحكمة |
السلام عليكم انا لست حكيما ولا من ذوي الخبره ولكن سوف اقول راي الشخصي في الموضوع ، المنطق يقول ان تكملي دراستك وهذا حق لكي لانه احتمال تحتاجين الشهاده في المستقبل او يمكن تكملي دراستك في الجامعه او ممكن تحتاجين الشهاده في العمل مثلا وفعلا الشهاده سلاح للبنت يحميها في المستقبل ولا انكر ذلك ، اما بالنسبة لراي الشخصي وبكل صراحه ومن خلال مشاهدتي لاحوال الناس اقول الشهاده للبنت لا تقدم ولا تاخر لان البنت آخرتها لبيتها وزوجها وعيالها علشان تهتم فيهم وفي بيتها ، اما بنسبة لتحمل المسؤوليه بكره ان شاء الله لما تتزوجين راح تشيلين المسؤوليه وتتعلمين من الدنيا ومن الناس ومن اهلك والحياة بتمشي، والسلام عليكم... |
دراستك ثم دراستك ثم دراستك ، بصراحه استغرب لبعض الأهالي الذين اذا تقدم لابنتهم خاطب يلحون عليها بالموافقه والقبول كل أسرة تريد لبناتها وأبنائها العفاف ولكن الزواج يجب أن يكون مبنيا على اتفاق وقناعه شخصية تامة من الطرفين المرتبطين لتكون نتيجة المعادله 1+1=1 والا فأن المشاكل قد تأتي محمله بما هو فوق طاقة الصبر فينتهي الزواج بطلاق لاسمح الله ثماره أبناء لاذنب لهم سوى أن الأجداد يريدون أن يفرحو بابنائهم على حساب قناعة المخطوبين ببعض ، صغيرتي مازال العمر أمامك وفرصك بالزواج قد تكون أكثر وأفضل ، المؤمنون على عهودهم وطالما كان هنالك اتفاق مسبق يجب احترامه والالتزام به وتأكدي لو كان يريدك فسيحترم قرارك ويصبر لأنه وافق منذ البدايه ، أتمنى لك كل ماهو أجمل بالوجود ، دمتي ايجابيه دوما
|
اختي انا انخطبت وانا ثاني ثانويوي نهايتها لان بس كنت ابي خطبه علشان يكون لي واكون له
بعدثالث ثانوي صار كل شي والزواج ان شاءالله بالعطلة وانا صغيره وماني متحملة مسؤلية واختي نفس الشي والحين معها بيبي والله وهي ماتحملت مسؤلية مدلعه كانت والحين ماشاءالله بس طيب اشرايكم تتملكون بالعطلة والزواج بعد ماتتخرجي من الثانوية وانتي تدرسين بالجامعه اذا جتك امتحانات روحي بيت اهلك اعرف كثير متزوجات ويكملون وماضرهم واعرف بنات مومتزوجات ومتظررين يعني اللي براسه انه يكمل دراسته وعنده طموح صدقيني بيكمله لوعنده كم ظرف تقبلي مروري |
اقتباس:
|
اقتباس:
الله يعطيك العافية |
اقتباس:
|
اقتباس:
بس وين من يسمع و ابوي الله يهديه دايما يقولي قال رسول الله صلى الله عليه وسلم (( اذا جاْكم من ترضون دينه وخلقه فزوجه )) يعني حاطها براسه والهرج كفو .. كفو مليت من كثلر مااسمعها وشكورة على المرور |
اقتباس:
بس اخاف بعد الملكة يقول ابغا الزواج هالسنة هذي ومشكورة على المرور |
أختي
الفرصة الطيبة إن جات و رفضتيها ، فما راح تتكرر مرة تانية بس واضح إنك غير مهيأة للزواج حتى الآن ، فلازم توافقي عن قناعة |
اختي اذا تريدين النصيحه تزوجي وتوكلي على الله والدراسه تقدرين تكملينها في بيت الزوجيه واكثر البنات خلصو ماجستير ودكتوراه وهن متزوجات .. http://www.mwrqat.com/up/uploads/ima...05b5d6a0de.gif |
اقتباس:
|
اقتباس:
|
| الساعة الآن 02:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©