|
حالتي بعد طلاقي
السلام عليكم ورحمة الله وبركاته..
حبيت انقل لكم قصتي بأختصار,, انا عمري 21 وعندي طفله عمرها 8شهور,تزوجت من شخصما يقربلي ابدا وبالتحديد انه مو قبيلي وانا قبيليه صارتلي مشاكل معه بسبب تدخل اهله,وهو طلب الطلاق وصار على زواجي سنه بس! وبعدها تطلقنا وبدون اسباب او يمكن اسباب غبيه مع اني كنت متمسكه فيه لأخر لحظه لاني احبه وهو كان رافض يرجعني او انه يعطيني فرصه ,والان حنا متطلقين وصار على طلاقي 3شهور, اهلي حاولو بشتى الطرق انه يرجعني لانهم شافو نفسيتي وحالتي تدهورت للاسوأ بس رفض كل الرفض انه يرجعني.... اهلي قالولي اني بعدي صغيره وبكرا رااح اتزوج وانساه.. مع العلم اني على قدر من الجمال والحمدلله بس للاسف جمالي ما خدمني,ولاني قادره انساه وبكل شي اتذكره,تغيرت شخصيتي كثير صرت جدا عصبيه من بعد ما كنت هادئه وخجوله ومسالمه..ك صرت افكر كثير اني اتزوج عشان اقدر انساه بس اذا تزوجت راح يجي ويطالب ببنته وهذا الشي الي متعبني |
طيب يااختي اذا كان فيه امل رجعه حاولي تدخلين احد من عائلتك او عائلته من الناس الثقات يحاول فيه باي طريقه يراها مناسبه اما اذا كانت ثلاث طلقات فلا امل رجعه الا بعد ان تتزوجي واحد غيره وبعدين هل سبب الطلاق عدم تكافؤ النسب بمعنى ان اهله طالبوه ان يطلقك بسبب انك قبيلية وهو مو قبيلي والا وش السبب بالضبط وكم عمرك وعمر زوجك وكيف مستوى تعليمك وتتعليمه بمعنى هل هناك تكافؤ في التعليم وهل كنتي مرتاحه معه وعايشه معه عن قناعه ام بالاكراه والاجبار 0
|
الله يصبرك ويقويك
صراحه امره عجيب وغريب بنفس الوقت لكن عليك بالأستغفار واللجوء الي ربك دام كل اهلك حاولوا فيه فمعناة مابه طب |
اقتباس:
يعطيك العافيه أخوي.. هو طلقني طلقه وحده بس,ومن ناحيه اهله كثير منهم تدخلو ابوه وجده وخالاته ,,لكنه هو رافض,حتى امه لما كلمتها كانت تبكي وتقولي حنا نبيك وانتي بنتنا وانا ابيك ولدي ما ابي غيرك له..واهلي نفس الشي كثير منهم تدخلو.. ومن ناحية النسب ما كان الطلاق بسبب عدم التكافؤ..ومحد طالبه بالطلاق اساسا اهله مو راضين انه يطلق..ومن ناحية تعليمي انا كنت طالبه بالكليه ووقفت دراستي عشان اتفرغ للزواج,,وهو كذلك كان يدرس بالجامعه لكنه ما كمل,,وصراحه يا خوي كنا مستانسين ومرتاحين مع بعض وكان بينا حب كان يحبني كثير,صحيح انه كان فيه بينا مشاكل بس انها مشاكل جدا عاديه,مشاكل اي وااحد في بداية حياته الزوجيه,بس انه فجأه تغير علي , انا عمري 21 وهو عمره 25... |
اصبري يا حبيبتي وكلي امرك لله
فان مع العسر يسرين |
أختي العزيزة
الله يجمع بينك وبين زوجك ويرجع علاقتكم مع بعض لأحسن من اول اذا في امكانية لرجعوك مع زوجك فحاولي مرة واثنين وثلاثة وألف مرة ولو بيدك تقدمي تنازلات قدمي هالتنازلات بنتك لسة طفلة انتي وزوجك ما حسبتو حساب أنها راح تكبر بعيدة عن اب وأم حاولي بالرجوع لآخر لحظة لا تيئسي على شان طفلتك وانشاء الله ربي يحل مشكلتك قريبا لا تنسيني من خالص دعائك |
جزاك الله خير أخوي,,,
بالنسبه للمحاوله حاولت كثير بدايه عن طريق اهله ,وبعدين كلمته بنفسي وحاولت انا نتناقش بس اني تفاجأت انه يقولي انك تأخرتي كثير وانا طلقتك من اسبوع وطلبت من ابوك انه ياخذ ورقتك من المحكمه..صراحه انصدمت كيف يطلق بدون ما يتكلم معاي او انه يتناقش في الطلاق.. حاولت ادخل بنته بالموضوع واني راضي ارجعله وراضيه بالي هو يبيه مع ان معاي الحق لان اهله غلطو بحقي كثير بس كان كل كلامه ان الموضوع انتهى من زمان بالنسبه له وبنته راح ترجعله بعد كم سنه واني تأخرت كثير بمكالمتي له... قلتله عطني سبب مقنع عشان اعرف ليه طلقت,يلف ويدور ويغير الموضوع ويقول انك ما تحترميني وما تسمعين كلامي اهلي .... |
اقتباس:
اذا زوجك من النوع الي اذا سمع كلام اهله خلاص ما بيتناقش ابدا الله يعوضك بزوج افضل منه ومثل ما قالو اهلك انتي لسة صغيرة ماشاء الله عليك ولسه الدنيا قدامك و إن شاء الله امورك تتحسن ويرزقك ربنا بالاحسن منه |
صحيح هو من النوع الي يسمع كلام اهله كثير,لان كل الي صار بسبب اهله واهله كانو في البدايه يشحنونه
علي الين ما وصل حده وقرر انه يطلق..هنا هم توهقو ما ودهم انه يطلق كل الي يبونه انه يأدبني ويربيني مثل ماهم يقولون ويمشيني على كيفهم.. بالله وش استفادو الحين..؟؟ يعطيك العافيه اخوي.. |
هذا اهل الزوج مايتأدبون الا اذا وصلت حالة ولدهم للطلاق ... بس لو رجعتي بيرجعن يشحنونه من جديد لكن بعد كم شهر ,,
وبالنسبة له خلاص لاتذلين نفسك .. امك تقدر تحضن بنتك .. وانتي تتزوجين ارسلي له ان امك راح تحضن بنتك وانك راح تتزوجين وتقولين له : كان معك حق باللي قلته وانا تقدمولي ناس وعجبني واحد منهم واحتمال هالفتره املك ... لو كان يبغاك رح يجيك .. ولو مايبغاك مستحيل يجي |
يعطيك العافيه اختي,,
والله يا اختي انا لو امي عايشه كان تطمنت من هالناحيه كثير بس للاسف امي متوفيه من زمان وابوي متزوج وحده ثانيه .. فيه ناس كثير قالولي ان مرت ابوي تقدر تاخذ الحضانه لو بأتزوج وناس قالوي لا ما تقدر لانها مرت ابوي .. صراحه انا صعبه علي كثير انها تربى بعيد عني.. وانا لو اقدر اثبت شي ضده تسقط الحضانه منه كان اثبته بس لاسف مافي شي اثبته ضده... |
فيه شي بس اخاف يكون من سبيل الظلم
وهو انك تتهمينه انه جاك من الدبر .. وتقدرين تجرحين نفسك وتاخذين ورقة طبيه انه اعتدى عليك ..بس انا اتوقع هالشي فيه ظلم له .. عشان كذا انتي وضميرك ماعليك منه انتي سوي هالحركه انه انتي مخطوبه عشان تقهرينه |
نحن لانعرف اساس تفاقم المشكلة لكن الله يعينك اختي
مايغيض القلب هو تدخل الاهل بين الزوجين بشكل مباشر يعني لازم يتدخلون في حياتهم حتى بعد الزواج هذه مشكلة قائمة وهي ان يظن الاهل ان الزوج والزوجه مايزالون بحاجة الى توجيه لصيق انا يزعجني ان تكون المشاكل من بداية الزواج 0 وهذا الامر دارج في مجتمعاتنا الخليجية واحمل الزوج السبة الاكبر في عدم تدارك الامور ومعالجتها وفق ماعايش الحياة اسأل الله يوفق بينكم |
اختي العزيزه ا
انا من زمان اقرا بهالمنتدى بس والله ماسجلت ودخلت وكتبت الا علشانك انا مثل ظروفك تماما بس اسوأ والحمد لله على كل حال سبب طلاقي مقارب لك عمري مقارب لك .. ظروفنا كلها متشابهه كثير عزيتي .. كل الا سويتيه غلط .. والله انا سويت مثلك واكثر ولهذا اقول لك غلط سبحان الله حتى نوعيه ابو بنتك مثل نوعيه ابو عيالي الرجال الا يجي يطلق ويهدم بيته ويدمر اسرته انسان مايخاف ربه ولا يسوى شي وثقي انه مابيراعي ربه فيك طالما انه بهالقسوه ايش يعني رجال يحاول يرضي اهله بشي الله مااوجبه عليه وبنفس الوقت يدمر اسرته !! كيف بيواجه رب العالمين!! هو حرمك من الاستقرار بس ماحرمك من السعاده .. بيدك كل شي انتي امرأه وأم هذا اعظم شي ... المرأه هي الاقوى والاعظم يكفي رسالتك الساميه والشريفه الا هي اعظم شي بالحياه انتي انظلمتي وربك مابيضيعك حتى لو انتي تنازلتي وسامحتيه ربك راح ياخذ حقك منه يوم القيامه هذا الا يسموه تبعات البشر ... لو انتي قلت ياربي ابري ذمته وسامحه .. لربك عليه حق في ظلمك حبيبتي اقري وركزي وطبقي .. اتمنى انك تكوني قدها تناسيه تماما تماما... قوي علاقتك بربك وثقي تماما ربك ماكتب هالشي وهو فيه دمار لك ! بالعكس ثقي ربك يختار لك ااحسن ويمكن انه اختبار فحاولي تنجحي فيه.. سوي لك برنامج ديني بعد كل صلاه تسوي شي من اعمال القربى الى الله يعني بعد صلاه الفجر مثلا قراءه سورة ياسين بعد الظهر استغفار الف مره.. وهكذا سوي هالشي برضا وقناعه مش لانتظار شي .. يعني قولي انا اهم شي في الدنيا علاقتي بربي .. كل علاقات الناس ماتسوى طالما علاقتك باعظم مافي الوجود هي علاقه سليمه ربك في النهايه بيده كل شي وانتي رايحه له لامحاله مش الاولى تحافظي على علاقتك بربك !! انتبهي لنفسك .. كملي دراسه ضروري دوري لك اي عذر ودخلي واسطات وترجيهم روحي كملي دراستك وطوري حالك .. اقري كثير وتثقفي ..مارسي هواياتك روح نادي رياضي واستمري عليه رتبي لك برنامج مثلا طلعه يوم بالاسبوع مع صاحباتك ويوم مع بنتك ,, باقي الايام دراسه ورياضه وهواياتك الاخرى اهتمي ببنتك علميها بالبيت ..اطلعي معها دايما .. حافظي عليها خليها تكون مثاليه بحيث ان لو فكر ياخذها بيوم من الايام يشوف ان الكل واقف ضده لانه مابيقدر يوفر لها ولا شي من الا انتي توفريه اهتمي بأكلها ولبسها وسلوكها العبي معاها واطلعي وفرفشي .. خليها تشوفك الام القويه والصديقه وكل شي .. لاتبكي قدامها ولاتكوني كئيبه ابدا.. لاتسألي عنه ابدا وغيري جوالك وارفضي التواصل معه بأي شكل حددي وقت ياخذ بنته يشوفها ويكون هالشي من طريقك زوجه ابوك مع امه مباشره ساعتين بالاسبوع والبنت ترجع لحضنك لاتفكري الحين بزواج ولا غيره لان نفسيتك ماتأهلك تختاري الانسان المناسب ابدا بالاضافه لانك لازم تبدأي شي وانتي اقوى من الناحيه الثقه بالنفس والعلم والدين وكل شي بالاضافه لان بتعطي بنتك حقها من كل شي الحين والعمر قدامك وانتي لسا صغيره اطلبي من مصروف محدد ثابت شهري حاولي تفتحين لبنتك حساب ادخار بالبنك بدون ماهو يعرف وحطي جزء من مصروفها فيه شهريا واصرفي عليها الباقي طنشيه ولاتكذبي وتقولي انخطبتي ولا تتبلي عليه ترا في الله فوقك وفوقه يعلم بكل شي لاتخلين واحد مايسوى يكون سبب في غضب الله عليك كوني صح ونامي مظلومه ولاتنامين ظالمه بتنسيه لو سويت الا قلت لك عليه الفراغ مخليك تفكري فيه دايما لاتكوني فاضيه ابدا.. هو بعدين بيراكض وراك .. ثقي بيشعر بالندم على كل شي وبيشوفك وحده قويه مو مهتمه له بيجي يزحف وراك وقتها انتي ترجعي له بشروطك .. اطلب واطلبي واطلبي الغلط ترجعين له مذلوله .. لانه بيذلك اكثر وبيعيرك كل لحظه تبين تعيشين معاه مهدده بالطلاق اي وقت ؟؟ اكيد لا سوي الا قلت لك عليه .. وطمنيني عليك يا قلبي الله يكون بعون الجميع والله يغير الحال تحياتي |
معليش اختي هل كان هناك اخطاء كبيرة عملتيها في حق زوجك ؟
عشان كذا ماعاد وده يردك ياليت توضحين الصورة بالنسبة لأسباب طلاقك |
السلام عليكم..
جزاك الله خير اختيistrong womanعلى كلامك,من جد اسعدني جدا وريحني كثيرا.. وان شاء الله اقدر اسوي كل الي قلتيه ,الله يسعدك,, |
اقتباس:
والله يا اختي ما فيه اسباب كبيره,,بس الصرااحه بدايه الزواج كان فيه تدخلات كثيره من اهله لدرجه توصلت لغرفت النوم,,وهو كان راضي عن التدخلات مع انها كان السبب الاكبر للمشاكل.. فيوم المشكله بالتحديد صار نقاش حاد جدا بيني وبينه واهله غلطو علي بكلمه وهو طبعا انكر كل الكلام الي قالوه ضدي ,اثناء النقاش مد ايده زي ما يقواون ومسكني من تحت فمي وجلس يصرخ علي ,صراحه شي يقهر ,فأ،ا غلطت عليه بكلمه...بأمانه هل معي الحق او لا...؟؟ فهو خذاها حجه وسبب الي من ضمنهم اني ما احترمه,,اذا على الاحترام ما كان بيننا احترام...وكل هذا بسبب مشاكل اهله |
الله يعوضك باللي أحسن منــه
|
وعليكم السلام أختي الفاضلة قدر الله وما شاء فعل ، الزوج الذي لا يحافظ على بيته ويسمح بالتدخلات لا يصلح ان يكون زوجاً وعليك بالصبر وأكثري من ترديد دعاء (( اللهم أجرني في مصيبتي واخلف لي خيراً منها )) وعليك بنصائح الأخت الفاضلة istrong_woman عوضك الله خيراً وأنزل على قلبك سلاماً وطمأنينة عزوبي:22: بس:d رجل:30: |
اختي العزيزه ا
انا من زمان اقرا بهالمنتدى بس والله ماسجلت ودخلت وكتبت الا علشانك انا مثل ظروفك تماما بس اسوأ والحمد لله على كل حال سبب طلاقي مقارب لك عمري مقارب لك .. ظروفنا كلها متشابهه كثير عزيتي .. كل الا سويتيه غلط .. والله انا سويت مثلك واكثر ولهذا اقول لك غلط سبحان الله حتى نوعيه ابو بنتك مثل نوعيه ابو عيالي الرجال الا يجي يطلق ويهدم بيته ويدمر اسرته انسان مايخاف ربه ولا يسوى شي وثقي انه مابيراعي ربه فيك طالما انه بهالقسوه ايش يعني رجال يحاول يرضي اهله بشي الله مااوجبه عليه وبنفس الوقت يدمر اسرته !! كيف بيواجه رب العالمين!! هو حرمك من الاستقرار بس ماحرمك من السعاده .. بيدك كل شي انتي امرأه وأم هذا اعظم شي ... المرأه هي الاقوى والاعظم يكفي رسالتك الساميه والشريفه الا هي اعظم شي بالحياه انتي انظلمتي وربك مابيضيعك حتى لو انتي تنازلتي وسامحتيه ربك راح ياخذ حقك منه يوم القيامه هذا الا يسموه تبعات البشر ... لو انتي قلت ياربي ابري ذمته وسامحه .. لربك عليه حق في ظلمك حبيبتي اقري وركزي وطبقي .. اتمنى انك تكوني قدها تناسيه تماما تماما... قوي علاقتك بربك وثقي تماما ربك ماكتب هالشي وهو فيه دمار لك ! بالعكس ثقي ربك يختار لك ااحسن ويمكن انه اختبار فحاولي تنجحي فيه.. سوي لك برنامج ديني بعد كل صلاه تسوي شي من اعمال القربى الى الله يعني بعد صلاه الفجر مثلا قراءه سورة ياسين بعد الظهر استغفار الف مره.. وهكذا سوي هالشي برضا وقناعه مش لانتظار شي .. يعني قولي انا اهم شي في الدنيا علاقتي بربي .. كل علاقات الناس ماتسوى طالما علاقتك باعظم مافي الوجود هي علاقه سليمه ربك في النهايه بيده كل شي وانتي رايحه له لامحاله مش الاولى تحافظي على علاقتك بربك !! انتبهي لنفسك .. كملي دراسه ضروري دوري لك اي عذر ودخلي واسطات وترجيهم روحي كملي دراستك وطوري حالك .. اقري كثير وتثقفي ..مارسي هواياتك روح نادي رياضي واستمري عليه رتبي لك برنامج مثلا طلعه يوم بالاسبوع مع صاحباتك ويوم مع بنتك ,, باقي الايام دراسه ورياضه وهواياتك الاخرى اهتمي ببنتك علميها بالبيت ..اطلعي معها دايما .. حافظي عليها خليها تكون مثاليه بحيث ان لو فكر ياخذها بيوم من الايام يشوف ان الكل واقف ضده لانه مابيقدر يوفر لها ولا شي من الا انتي توفريه اهتمي بأكلها ولبسها وسلوكها العبي معاها واطلعي وفرفشي .. خليها تشوفك الام القويه والصديقه وكل شي .. لاتبكي قدامها ولاتكوني كئيبه ابدا.. لاتسألي عنه ابدا وغيري جوالك وارفضي التواصل معه بأي شكل حددي وقت ياخذ بنته يشوفها ويكون هالشي من طريقك زوجه ابوك مع امه مباشره ساعتين بالاسبوع والبنت ترجع لحضنك لاتفكري الحين بزواج ولا غيره لان نفسيتك ماتأهلك تختاري الانسان المناسب ابدا بالاضافه لانك لازم تبدأي شي وانتي اقوى من الناحيه الثقه بالنفس والعلم والدين وكل شي بالاضافه لان بتعطي بنتك حقها من كل شي الحين والعمر قدامك وانتي لسا صغيره اطلبي من مصروف محدد ثابت شهري حاولي تفتحين لبنتك حساب ادخار بالبنك بدون ماهو يعرف وحطي جزء من مصروفها فيه شهريا واصرفي عليها الباقي طنشيه ولاتكذبي وتقولي انخطبتي ولا تتبلي عليه ترا في الله فوقك وفوقه يعلم بكل شي لاتخلين واحد مايسوى يكون سبب في غضب الله عليك كوني صح ونامي مظلومه ولاتنامين ظالمه بتنسيه لو سويت الا قلت لك عليه الفراغ مخليك تفكري فيه دايما لاتكوني فاضيه ابدا.. هو بعدين بيراكض وراك .. ثقي بيشعر بالندم على كل شي وبيشوفك وحده قويه مو مهتمه له بيجي يزحف وراك وقتها انتي ترجعي له بشروطك .. اطلب واطلبي واطلبي الغلط ترجعين له مذلوله .. لانه بيذلك اكثر وبيعيرك كل لحظه تبين تعيشين معاه مهدده بالطلاق اي وقت ؟؟ اكيد لا سوي الا قلت لك عليه .. وطمنيني عليك يا قلبي الله يكون بعون الجميع والله يغير الحال تحياتي ***************************** السلام عليكم اوافق كلام اختي لاني انا نفس مشكلتك وحاليا مضى على طلاقي سنه ونصف وعندي بنت وعمري 26 كانت حياتي ماشيه مافيها مشاكل ومن اول زواجي لاحظت تدخلات اهله لاكن ساكته واخر شي اقنعوه انه يطلقني وهو معترف ان اهله مايبغوني وحاليا تزوج واهله الي خطبوله وكنت معاهم سمن على عسل والله الشاهد على كلامي حتى النوم اخواته الصغار يناموا عندي وهو زيك يقربلي واهله بعد طلاقي ماكأنهم يعرفوني حتى بنتي مايكلموا ولا يطمنوا عليها ....لاكن الي باعك بيعيه وربي بيعوضك احسن منه لانك مظلومه وهئ نفسك لتقبل اي شي تسمعينه عنه مادام المشاكل من اهله عشان مايسببلك صدمه نفسيه زيي والله يعين على الدنيا كلها كبد ربي يعوضني ويعوضك ان شاء الله ...... |
اختى ربنا يعينك
لاء يا اختى اهدى وركزى وربنا معاكى وربنا يباركلك فى بنتك يارب ويرزقك بمن يعوضك عن ما عانيتيه امين:(
|
اقتباس:
أعوذ بالله خافي ربك وش ذا المشورة الشيطانية الظالمة يا ويلك من الله أن سوتها ظلمته بتكوني شريك لها في الظلم |
يعطيكم العافيه,وجزاكم الله ألف خير..
والله يسعد كل من دخل ورد على موضوعي.. |
أختي نصيحتي لك عليك بصلاة قيام الليل فيها راحة لك وتحقيق لكل ماتتمنينه الله بفرج همك وهم كل أخت في هذا المنتدى وخارجه |
نصيحتي ووجهة نظري المتواضعه انك ما تترجينه مرة ثانيه ولا تحاولين تناقشينه في الموضوع لأنه على مأظن عاقل والعاقل خصيم نفسه..
|
الله يعوضك باللى افضل منه نصيحتي لك لا تذلي نفسك له اكثر من كذا خلاص انسيه
|
السلام عليكم ورحمة الله وبركاته...
يعطيم ألف عافيه على كل الكلام الي قلتوه .. واطلب من الله ان يفرجلي همي وهم كل مطلقه عاجلا غير آجلا. |
السلام عليكم
اختي هل انيت قبيليه / وهو غير قبيلي |
وعليكم السلام والرحمه..
مرحباusd...ايه انا قبيليه وهو غير قبيلي... ومشكور لسؤالك.. |
اقتباس:
معليش اختي انتم غلطانين( عدم تكأفء نسب/هذا كلام المشايخ مندون تعصب) يحب يده وجه وقفا(لأنك انتي نعمه عليه وعلى عائلته) يارب انك تعوضها منهو يستاهلها وتستاهله |
أختي العزيزة
أعجبني كلام الاخت istrong-woman كلام رائع لااضيف علية إلا تأكيدي عليك أن تعملي بمافيه كوني قوية من أجل بنتك منك تستمد ا لقوة لكن لوشافتك مكسورة صدقيني بتكون مكسورة أنت الان أم والأم حياتها تضحية لأطفالها سواء كانت متزوجة أو مطلقة وحرصي على علاقتك بربك من وجد الله ماذا فقد *** ومن فقد الله ماذا وجد دمتي بسعادة لاتغادر قلبك |
اقتباس:
كلامك أخوي عين العقل والصواب..وعارفه ان حنا غلطنا غلطه كبيره بس قدر الله ما شاء فعل.. الله يسمع منك ويجزاك خير ويرزقك بالي تتمناه.. |
اقتباس:
الله يجزاك خير ويسعدك ياارب.. |
الملاك يونا ::::::: ما ادري بالضبط البنت هي من وين ولا ادري بعد بقوانين السعوديه
بس اللي اعرفه وعامه ومطبق بالكثير من الدول العربيه انه الحضانه تنتقل من الام الي الجده بحالة عدم كفائة الاب يعني اذا تزوجت الحين الحضانه بتكون للأب والله أعلم |
ياحبيبتي أختي أعاند جروحي الله يحفظلك بنوتتك ويجعلها بارة بك والله يفرج همك ووالله دعيت لك من كل قلبي انتي واخواتي واخواني المكروبين ثانياً :استعيني بالله ثم بصلاة الليل والدعاء والأستغفار بما يتجاوز 1000 على الأقل .. واقري في قصص الإستغفار لتعلو همتك .. |
اقتباس:
الله يجزاك خير ويعطيك على قد نيتك ويفرجها عليك وعلي..ويعوضنا خير اللهم آمين.. |
ياقلبي الي جابه يجيب أحسن منه والرجال إذا ماعنده شخصيه وأهله متحكمين بقراراته فرقاه خيره وحتى لو حبيتيه مو صعبه إنك تنسيه أو تتناسيه من عافنا عفناه لو كان غالي ولاتدمري نفسك علشان شخص مايستاهلك حاولي تهتمي بنفسك وببنتك ومصيره يندم على فراقك والي مايعدك ربح لاتعدينه خساره خليه يروح بستين داهيه ولا تفكري فيه وسامحيني إذا كلامي قاسي والله يعوضك بخير ويوفقك ويسعدك يارب |
اقتباس:
جزاك الله ألف خير ويسعدك ويفرجها عليك.. يا قلبي كلامك ماهو قاسي ..بالعكس كلامك كله صحيح وعين العقل,, ألف شكر لك.. |
طمنينا حبيبتي شو صار معك ؛و الحيات ما خلصت في رجال مثله ؛أصلا الزواج في أوله مشاكل ؛الكل راح يقلك هيك ؛لكن هو ما طول بالو ؛يا ويله من الله ؛أتمنى يعرف قيمتك و يرجعلك ترى الواحد ما يعرف قيمة زوجته إلا لما تكون بعيده عنه؛ولا يتزوج اللي توريلو الويل؛هيك أزواج غلطة ترباية أهلهم؛يحب يتملكوه و زوجته ؛كان عذرك لازم يعرف أنك لسه صغيرة و ماعندك تجربة في الزواج و مشاكله؛ربي حط الطلاق بإيد الرجل لأنه صبور بس في اللي بلا عقل ؛الله ينور بصيرته و أهله و يرجعهلك قادر يا كريم
|
الله يربط علي قلبك اختي ويعوضك عوض الصابرين
ويخليلك بنتك ويسعدك في الدارين |
| الساعة الآن 05:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©