|
كيف ارجع مشاعري اللي فقدتها
السلام عليكم ورحمة الله وبركاته صباح ومساء الخير طبعاً إحنا بشر وتتغير مشاعرنا مع الوقت ويمكن طول الفترة يساهم بشكل كبير في تغير وجهة نظرنا للأشياء .. واحساسنا فيها ومشاعرنا وأنا جاية ومعي سؤال يمكن يقدر يفيدني ويجاوب علي من جرب هذا الشيء . ماادري ليش فقدت اهتمامي بالأشياء فالشيء اللي كان البارحة يهمني صار اليوم ولا شيء الشيء اللي كان قبل يسعدني اليوم عادي وجوده أو غيابه مايفرق عندي المشاكل اللي كنت اشوفها قبل كبيره اليوم نقطه في بحر .ولا تهزني ولا تضايقني كثير ويمكن هذه نقطه ايجابيه . أول كنت اهتم بالوقت ويعني لي كثير اليوم الوقت أخر همي تأخر أو تقدم عادي . قبل كنت اداري الناس العزيزه على اليوم كيفهم رضوا ولا جعلهم مارضوا عادي . وهنا أقصد اخواتي وصديقاتي واخواني .. امي رضت خلص الباقي ما أسأل فيهم . أول الحياة ااستطعم تغيرها .. اليوم حاسة العيد والمطر زي بعض .. الحر مثل البرد . قبل لما احس بالملل ادور امي أو اخواني واخواتي أو صديقاتي اسولف معهم وضيع وقت فراغي ... لكن اليوم عادي حتى لوجلست طول اليوم ما سولفت مع احد مومشكله حتى اهلي ملاحظين لأن حديث اللي كانت تجهز كل شي لوقت سواليفها . اليوم لو قالوا لي وش رايك ياحديث المطعم ولا البحر ... عادي مايفرق لو البيت بعد وين المشكلة . حماسي فقدته . سؤالي لكم وخاصة اللي مرت عليه مثل ذي الحالة . هل هذه المشاعر وقتية ؟ وبعدها ارجع مثل أول . هل الطلاق له دخل ؟ كيف ارجع حديث أول .؟ الي اللقاء :30: |
أختي حديث
مريت بهذا الشئ ، بس للأسف ماهو وقتي بالنسبة لي ،، مستمر .. يمكن من كثر ما شفنا بالحياة ، و تعلمنا .. قمنا بنينا جدار حوالين قلوبنا ؟؟؟؟ يعني بنحصن نفسنا ضد الصدمات ؟؟؟ للدرجة اللي قتلنا فيها مشاعرنا .. و الله أعلم .. لإني أنا حاليا ، مو أنا اللي قبل 3 سنوات .. و لا اللي قبل :) |
من كثر الصدماات ومن كثر ماشوفنا
خلااااص تعبنا والله كل شيء سار عاادي أجلس وحدي أجلس مع أحد عاااتي وربي حتى الطلعه من البيت ماعاد لك نفس فيهااا حتى لما تجي تسولفي مع أحد أو تضحكي تحسيهااا مو طالعه من القلب الله يسامح اللي كاان السبب اليوم لو قالوا لي وش رايك ياحديث المطعم ولا البحر ... عادي مايفرق لو البيت بعد وين المشكلة .>> عني تجيني أوقاات زي كذا ... الله يعينا وبس |
أنا أنتهز الفرص لأرفه عن نفسي بس فرص الترفيه مع الاسره قليله
أنتهز الأوقات لأجلس مع الأهل في اجتماعهم لكن بمجرد أن تصدر حركه في بداية اللقاء حتى تفسر من قبلي على كذا تفسيرر فيصبح شغف اللقاء كره وانسحاب حسبنا الله ونعم الوكيل اختي حديث حاولي ان تتاقلمي مع وضعك الحالي وتنسي مافات ولاتبرمجي نفسك على ان الوضع طبيعي انتي في داخلك تري عكس ذلك لذلك حاولي كسر هذه الكآبه وانتهاز الفرص في السرور والسعاده فلم تدم لأحد فغدا ستقولي مافيه شيء يستاهل ان حزنت عليه بالامس لذلك عيشي يومك واسعدي نفسك ومن حولك ولاتحاولي ولو دقيقه ان تقولي انا غير تمنياتي لك بحياه ملؤها التفاؤل والسعاده |
سبحان الله نفس الحاله صارت :25:عندي وما زالت وزيادة عليها لما اشوف احد يضحك والا مبسوط اقول ليش يضحكون وش الي يبسطهم وهذا ردة فعل طبيعي على اللي صار فيني من طلاق مرتين ومرض وحسبنا الله ونعم الوكيل والله يعوضني ويعوض كل محرومه :24:
|
اقتباس:
أنا الحالة هذي ملازمتني من تخرجت من الثانوي للحين ..يعني تقريبا من 3 أو 4 سنوات .... لدرجة قبل كم يوم ولدت أختي والبيت كله فرحااااان فرح مش طبيعي ( هو طبيعي بس أنا اللي أشوفه مو طبيعي ) يوم قالوا يالله نزورها قلت مايحتاج ..تطلع وتجينا .. بعدها جلست مع نفسي وقلت ياوجه إستح وش تقول عني إختي على الأقل جاملي وفعلا رحت وأنواع المجاملة ما أعتقد إنه وقتيه شوفي أنا من متى الحين بتخرج من الجامعة ــ بإذن الله ــ و لاتعدلت صحيح تخف وأحيانا تختفي بس تعود وبشدة :) اقتباس:
اقتباس:
بالتوفيق غلاتي |
وعليكم السلام ورحمة الله وبركاته ..
الموضوع يخص كثيراً النساء والمطلقات بشكل ادق .. لكن باقول رائي.. باتكلم حسب معرفتي ... الانسان يصيبه الملل في فترات لسبب تكرار السيناريو اليومي فتره طويله الروتين في ( العمل ، الجامعه ، المدرسه ، المنزل ، الاصدقاء ) مما يسبب رتابه في داخل نفسه وهالشيء يحصل للكثير من الناس في بعض الفترات .. وممكن مع ضغط اختباراتك وحرصك وبالإضافه لوضعك مع طليقك أثرت بشكل او آخر على مشاعركـ لكن مع الإجازه إن شاءالله تهدأ الاعصاب بعد عناء الدراسه وضغط الاختبارات ... سؤالي الدايم / انتي وزوجكــــــــ للان مارجعتوا لبعض !!!!!!!!! اؤكد في كتاباتي على كلمة زوجك لانه إن شاءالله ستعودين إليه .. اسال الله ان ييسر رجوعكم لبعض ويبعد عنكم كيد الكائدين |
نفس حالتي ماعاد فيه شي بهالدنيا يسعدني كل الأيام والسنين مثل بعضها ولي سنين على هالحال ولاأتوقع بيتغير شي؟
بشريني عنك ايش صارلك مع طليقك دايم هالسؤال ببالي؟ |
حبيبتي حديث هذا والله اعلم من كثر تراكم القلق والضغط وصعوبات واجهتك في حياتك في نفسك فأدى بك الى هذه المرحلة...اسأل الله العظيم رب العرش العظيم ان يهدي بالك ويصلحك امرك وينزل السكيننة والطمأنينة على قلبك ويعوضك كل خير.
|
اقتباس:
وش فيك خوفتيني اجل مو وقتي معقول اظل طول عمري كذا الحياة لاطعم ولا لون والله شفنا كثير ومن بدري من سن 19 والحياة قامت تقلب علينا الحمد لله فيه رب يعينا اسعدني تواجدك ياورده ويارب ترجعي مثل قبل 6 سنوات |
اقتباس:
الله يسامحهم لو شافوا عواقب اللي يسوونه يمكن ما فكروا يضروا غيرهم . جرحني زماني والله أني اقرأ كلماتكم الحزينة توجعت عشانكم .. خليها على ربك يفرجها طيب المطعم ولا البحر ؟؟؟؟ >>> قلت لهم بالله عليكم وش يفرق بحر ولا مطعم كل الحالتين تجلسوا تاكلوا >>> في ذمتكم كلامي موصحيح حطمتهم .. قالوا دام كذا الوضع عندي البيت ازين . >>> وربي زعلت بعد ماحطمتهم مجهزين حالهم من الصبح . |
اقتباس:
هلا فيك في الأنتظار الحمد لله الوضع عندي مستقر وأنا سعيده مامن قصور لكن حماسي فقدته فقدت حديث اول مشاعري متغيرة اللي امس اريده وذابحه حالي عشانه اليوم عادي , مايفرق كثير . صدقيني خلصت اختباراتي وأنا لليوم ماأحس بطعم الإجازة مافي شي تغير مع أنو أنا تجاوزت طلاقي والحمد لله لكن عادي نفس النفسية قبل وبعد الحين أنا قدامي سفر وربي ماني مهتمه ولا جهزت شي من اغراضي أمس جوا اخواتي عشان يودعوا اختهم حديث بكل برود استقبلتهم وجلست معهم كأني تمثال متبلد دون احساس اضحك وقت مايقولوا شي يضحك وبعده خلص انتهى الضحك وجاء التلد . قالت وحده من اخواتي ولدها مريض جلست متنحه ساعة بعدين قلت لها سلامته تخيلي طلعوا من سالفة الولد وأنا داخله بالعرض سلامة ولدك يافلانه >>> احسه تقول صباح الخير تو الناس . والله احاول اكون متحمسة لكن ماحد عنك في الأنتظار يا هلا فيك اسعدني تواجدك |
اقتباس:
الله يفرجها عليك أختي ويصلح حالك ويبدل الحزن فرح بإذنه سبحانه . اسعدني تواجدك اختي وتفائلي خير . |
اقتباس:
أجل مو وقتيه >>> على كذا الله يعين اللي معي ياهم ينحبطون والله اشوف زميلاتي فرحانين بأنتهاء الأمتحانات وأنا عادي أخر يوم وحده تقول واخيراً ياحديث الجبل وأنزاح >>> وأنا في نفسي أقول أي جبل انزاح وش تغير وش بلاكم فرحانين كأن فلسطين تحررت .. ما ادري الأشياء البسيطه تفرحهم وأنا وش ما صار ما عاد يحرك ساكن عندي . الوان زين انك قلتي ( ياوجه استح ) وربي ضحكتيني . أختي دقت علي تقول أنا جايه أسهر معك وربي ودي أقول له والله ماله داعي وش تبين نسوى نسولف هذا أنا اسولف معك في الجوال .>>>> بعدين أقفل الجوال ويمر الوقت وما أحس إلا والجرس يرن واقول ياربي مين اللي جاي >>> نسيت أختي ... لا حول ولاقوة إلا بالله الحماس فقدته وجمال الأشياء فقدته . والله يعين |
قال تعـآلى : = ولا تنسى نصيبك من الدنيا=
تفكري زين زين بهالاية وتمعني فيها وابتسمي .. استشعري بنصيبج المكتوب لج من الدنيا مب معناته فشلنا في شي يمكن يكون بالنسبه لنا حساس يعني خلاص ،، لا يا اختي ..ليش ما تفرحين بالمطر وليش ما تستمتعين بالبحر ..ليش ما تفرحين بالتواصل وليش ما تستبشرين بالآتي ما تعرفين انه النتيجه كله بتكون كلمه الحمدلله والشكر بقلب ادرك نعم خالقه باللي حواليه ,, نعم انا عن نفسي ان فرحت لشي فرحت بالكثير الكثير ساعة ساعتين ونسيته لانه خلاص استوى وفرحت وخلصت وحمدت ربي وانتظر الاتي ان كان مفرح او محزن الله يبعده عنا ,, صحيح ما ننكر عن حجم الصدمات اللي تعرضنا لها في حياتنا والضيقات اللي مرينا بها ,,بس اللي سوته خلت قلوبنا قويه قوويه ولله الحمد فاصبحنا من العباد الذين يحبهم الله ,,المؤمن القوي احب عند الله من المؤمن الضعيف,, نحن وصلنا لدرجه ادركنا فيها ان السعاده لحظة وتزول والحزن لحظة وتزول واللقا لحظة وتزول والوداع لحظة وتزول كلها بتزول لانا اصلا نعيش في دنيا زائله ,, فلاتعطين ابليس فرص يلهيج فيها عن حمدالله وشكره فالفرح والبكى ,, انا اذكر انها هالحالات تزورني بين لحظة ولحظة واحس انها جميله ان ما عطيتها اكبر عن حجمهاا لاني احس اني فيها ما اكون متعلقه بزهو الحياة الدنيا .. وهيييك وهكاا الله المستعان ,, يالله ضحكي وسيري البحر غيرج محرووم منه يريده >-: تأملي وايد ولوسمحتي ادعيلي وياج --> داخله عرض,, ودمتن سالمات واايد احب اتفلسف الله يعينكم., |
عزيزتي آنا آدري انج حاطة الموضوع
تبين احد يخفف عنج , يريحج يطيب خاطرج بكلمتين ! ولكن فاقد الشيء لا يعطيه ... آنا مثلك تماما ً .. فقدت الاحساس بالسعادة فقدت الاحساس بقيمة الاشياء من حولي تساوت عندي الامور ... زعلتهم , صرخت فيهم , ما جبت خبرهم .... بس هذا مو آنا الي اسوي جذي كنت اكثر حرص على مشاعر الاخرين ... آداريهم واجاملهم ولكن من بعد ما فقدت جنيني ... وابتليت بمرض الضغط المرتفع خصوصا ً جلست كئيبة طوال يومي انتظر لحظة خروجي من هذه الدنيا !!!! للأسف هذا كلام الضعفاء , عديمي الارادة ... واخجل من نفسي كثيرا ً لأن الله موجود ويجب أن لا ايئس من رحمته آنا لم اترك نفسي هكذا , اجاهد ان ابعد جميع هذه الوساوس تحسنت قليلا ً الاسبوع الماضي واصبحت اكثر قوة , ولكني تحطمت فجأة فقط لأنني رأيت الرقم المرتفع في جهاز ضغط الدم !!!! الله يعيننا ... والحمد لله على كل شيء الحمد لله عندنا رب غفور رحيم .... احببت ان افضفض قليلا ً فأنا اليوم متعبة قليلا ً ف التمس منك العذر عزيزتي , |
هههههههه ضحكتيني بحكايه البحر والمطعم
ليا رجعه |
لي رجعه لردودكم لكن ليش مصرين أني يائسة الحمد لله أنا اعيش في سعاده ورضا من الله لكن مشكلتي فقدت حماسي يعني بإختصااااار اللي يفرحني أمس اليوم مو ضروري إن كان موجود أو لا ودي ارجع حديث اللي اتعب في شيء ولما احصل عليه احس بسعاده والله اشتاق لحديث قبل |
وانا مثلكم
ماعدت انا احس توصفو حالي بلحرف الواحد حسبي الله ونعم الوكيل على كل ظالم والله يغير الحال يااااااااااااااااااارب |
اقتباس:
|
اقتباس:
عندكم مطر صح :28: الله يعين قتلنا مشاعرنا عشان مانحس بالصدمات الجديده طيب مافيه حل نرجع نعيش ونحس بالحياة زي أول معقول ياروح نعيش بالحياة كذا لا لون ولا طعم .. اكتشفت حتى المشاكل بعد مانحلت وزانت الأمور مالقيت مشاعري تغيرت الحزن باقي مع أنو ماله داعي وخلص انتهينا من ذيك السنين لكن موراضي يطلع آآآآآآآآآآآآآآآآآآه ودي اصيح ابي حديث وينه . روح الطير ازعجتك يابعدي رديت عليك مرتين :29: ماادري وش فيني |
اقتباس:
ياهلا وياغلا حياك ربي وييسرلك حفظ كتابه العزيز ( هذا التنافس الحقيقي ) شوفي انا كتبت هذا الموضوع وقلت بقرأ شيء ثاني لقيتكم تعانون نفس المشكلة لايكون الحالة طبيعية تجي كل النسوان وأنا توني اكتشف . بالله إذا كان الوضع عندكم كذا وشلون متقبلين الحياة هذه . المهم سؤالك هذا بحط نفسي ماشفته ولا مريت عليه ايه يا اختاه راح انطرد من المنتدى لو جاوبت علية فيه من يقرأ ورى الشاشه تبينها تزعل وتوقف عضويتي . بعدين وين اروح . خليها شوى واقولك الخبر السعيد >>> تراي ماقلت شي ياللي تقرين :24: احب زوجي الله يسعدك اسعدني تواجدك |
اقتباس:
هلا وغلا يا هلا يمكن والله واجهت كثير لكن الغريب وقت ماكنت في غمرة المشاكل وزحمة الهموم ما كانت نظرتي للحياو كذا آمين دعائك ريحني كثير لا حرمتي الأجر اختي |
اقتباس:
يعني تختاري البحر لي ... ياهم بيستانسون طيب المره الجاية بإذن الله ماراح اكسر خواطرهم . كلامك سليم 100% الدنيا واعرفها ماتستاهل دمعه لكن هذا قدرنا فيها والصر بالتصبر يعني لازم الواحد يتصبر ويارب هذا اللي أنا فيه ويقتل كل احساسي بالسعاده يكون سحاة صيف وتعدي وتفتح ازهار الفرح في حديقة بيتي . يارب أنا وكل بنات المنتدى وكل من نام وعينه حزينه ريم البحر البحر واكيد ياغاليه راح ادعيك اسعدني تواجدك |
اقتباس:
ياهلا وغلا فيك اختي والله يعوضك خير ويقر عينك بضناك عاجل عير آجل ويرزق كل محروم ... وأنا بعد والله يشفيك من الضغط وعلومه . شوفي ياغاليه أنا هذه الحاله ماسكتني من بعد ما أنتهت سنتين مرت على كلها مشاكل وهم تصدقين .. قبل كنت ابكي لما اتذكر وش صار في حياتي ... وبعد اقوم اغسل وجهي وواغير ملابسي واطلع مع اهلي اما زياره أو لبيت اخواتي أو اسافر .. أحس بطعم التغيير هذا واشوف مزاجي يرتاح ويتغير . لكن الحاصل اليوم شي غريب ... تبلدت الطلعات والخرجات والسفر والعيد وكل هذه الأمور ماتبسطني زي أول السنه اللي فاتت كنت أفرح بغياب وحده من دكتورات الكليه وانبسط وأحس اليوم يصير عيد لكن اليوم لو جت هذه الدكتوره البيت عندي وجلست تعطيني محاضراتها اللي تجيب البلا ماعندي مانع زي بعضه ... مايفرق . منت عاجبني >>> معرفك راكب علي وش رايك نتبادل :) اسعدني تواجدك وكلامك ومعرفك بعد دمتي بحفظ الله وانتبهي على صحتك |
اقتباس:
فالبيت أزين وش رايك >> كلامي صحيح |
اقتباس:
ذكرتيني بصديقتي الغاليه ماعدت أنا وحشتني ليتها ترجع ومايصير إلا اللي يرضيها , هجرك عذاب وأنتِ بعد نفس حالتنا متبلده والمشاعر مقتوله الله يعين ويرجع ماعدت انا هجرك عذاب اسعدني تواصلك |
حياك الله يا أختي بعد طول غياب ما تعانين منه هو فراغ وملل وشوية إكتئاب الحل يا أختي فرفشي و أطلعي من القوقعة اللي أغلقتي نفسك عليها لاتتركي الهم أو السرحان يسيطر على تفكيرك ، ولاتكوني لوحدك ، و إنما شاركي أهلك حتى لو بالجلوس بصمت أنت بخير ولكن لكل جواد كبوة ، و بإذن الله راح ترجعي حديث اللي الكل يتمناها ويفرح لها ويسعد ويأنس بالجلوس معها وبكلامها و أنا واثق أن ما في شئ صعب عليك ، لأن التفكير في الماضي ما له قيمة ولن يعود عليك بالنفع |
اقتباس:
حياك الله أخي عبد العزيز 1424 شرفني تواجدك الحقيقة أنو ماعندي وقت فراغ وإذا فضيت افضى ساعات بس مشكلتي مشاعري فقدتها طعم الحياة فقدته تساوى عندي الفرح والهم نفس الأحاسيس الماضي اليوم مايعنيلي كثير علمت نفسي كيف انسى واتناسى لكن في المقابل فقدت حديث كل شيء كان عندي له أهميته ومعناه ... قبل لو عندي سفر استعد له من شهر ولو فيه مناسبة زواج وماشابة من بداية الإجازة استعد لها لكن اليوم أخر همي اشوف وش البس في حفل زفاف أو عيد .. يمكن ما أعذب حالي وأشتري شيء جديد . يارب يارب ترجعلي حديث اللي كانت حتى في قمة همها تحب الحياة يارب أخي شاكره مرورك الكريم |
بين السطور سبحان الله الإنسان يتغير بكل شيء حتى افكاره تتغير قناعاته تغيير ماادري هل مرور الوقت هو سبب التغيير أوالظروف حتى لوكانت عابره تغيرنا ليش السعاده مانحس فيها كل وقت حتى لو توفرت كل مسببات السعادة إلا ويبقى شيء في قلوبنا يحرمنا الإستمتاع بالسعاده . ليش يوم أقرر إني انسى الماضي واقفل باب الذكريات واسمح برحيلها , يرحل معها إحساسي ومشاعري وجمال روحي . صرت اجلس بعيده عن الناس عشان ما يؤذوني ... لأن همي من اوله لأتلاه سببه الناس . أنا كنت أحب اصحى الفجر اطلع من الفجر مع ابوي وامي نفطر برا البيت نروح كل مكان نتمناه كنت ارجع البيت بشوق له الفرح في كل مكان .. هذا وأنا كنت توني مطلقة وقتها . اليوم الساعة 6 ولا 10 ما يفرق . أشوف أختي تفرح بأشياء كانت قبل تفرحني اليوم اشوفها تافه . اخوي يسألني حديث وش أحلى يكون المدخل مربع ولا مستطيل ... اطالع فيه واعطيه جوابي السريع ما ادري ياخوي . جواتي اقول كيف صرت كذا ومتى تغيرت .>> وتسبق سؤالي دمعه تصحي كل اللي طويته . بصراحة فقدت حديث واتمنى ترجع لأني احتاج اكون حديث عشان اعيش كل الوان الحياة ياحديث ارجعي |
سترجع حديث إذا إنطلقت من عالم المقارنة بين الماضي والحاضر في الذكريات حديث موجودة لم تتغير ولكن إحساسها بأنها تغيرت هي السبب أبعدي عنك الإحساس السئ والمشاعر الفارغة أنتي تتألمين على كيف كنتي وإلى أين وصلتي حتى لو لم تشعري بهذا ، وهذا هو مرض المقارنة فأبتعدي عنها ما زلتي حديث التي عهدناها ولكن أبعدي اليأس عن قلبك ونفسك إفتحي حياتك بوجه جديد وحديث جديدة في كل شئ |
أخي عبد العزيز أنا ما اقارن بين ماضي وحاضر ولا بين حديث قبل الطلاق وبعده حتى بعد طلاقي كنت لفتره احب الحياة بكل تفاصيلها وكأن الوضع عندي أما أنك يا حديث تعيشين ألم الماضي في كل يوم وساعة أو أنك تنسين الماضي بكل مافيه وترتاحي من ذكرياته لكن تفقدي طعم الحياة سبحان الله قبل سنتين كانوا صديقاتي والدكتورات يقولوا نفسنا يجي يوم ونشوف حديث زعلانه من شي وماتضحك .. يابنت اانتِ ماعندك هموم . كان ردي لا وربي عندي هموم لكن أنا ماني فاضية احزن الحياة حلوه ليس نخربها بزعلنا . االيوم يدوروا فرح حديث . أمي تقول اتمنى اجي وأشوف حديث بنتي فرحانه ضحكتي عندهم صارت عمله صعبه سبحان من يغير الحال ولا يتغير . أنا ما أفكر في الماضي طليقي وصلت معه لشيء يرضينا .. ماصار هو همي همي حديث بعد ما وصلت لحل مع رفيق الدرب مرضي مالقيت حديث . |
و هذا اللي أقصده من المقارنة حديث بعد الطلاق كانت قمة ، ولكن مع الوقت ضعفت أو تغيرت طعم الحياة لاينتهي بموقف حصل أو صدمة وقعت ، ولكن هي مثل الزهرة بحاجة للإرتواء والتجديد الحل بيدك ، ولكن حاولي ، لأن الحياة ما توقفت عند حد معين برأيك هل لو إستمري كذا راح تجيب نتيجة؟ أنت في قرارة نفسك تقولي ليش كذا، ومتى أرجع مثل أول إبحثي من بداية حالتك هذه وشوفي الوضع من جميع جوانبه وبعدها راح تستخلصي شئ يفيدك ويكون بداية لحديث أفضل مما كانت |
اقتباس:
لي عوده أخي عبد العزيز شرفني تواجدك جزاك الله عني خير |
وفقك الله
وتذكري لاتكتمي شئ في نفسك لأنك بحاجة للبوح بما فيها و من أسباب تغيرك هو : ((هذه الزهره لم تعد قابله للأرتواء وفقدت حاجتها لذلك ولم يعد هناك من يهمها لتظهر كم هي جميله في عالم جميل .ومل ساقيها)) نظرتك وتفكيرك هذا ما راح يفيدك ، لأنك أنتي من تعيشي لنفسك ، ولذلك غيري هذه النظرة من أجل نفسك فقط وراح تشوفي الفرق و بإنتظار عودتك |
السلام عليكم
من الطبيعي ان الانسان بعد ما يمر بتجربة صعبة مثل الطلاق تتغير فيه الكثير من الاشياء ومنها احاسيسه ومشاعره ونظرته للحياة لكن لو استمرت هذه الحالة لفترة طويلة او حسيتي ان الحالة تسوء مع الايام فانصحك تشوفي معالج نفسي لانه يمكن اتكوني دخلتي في حالة اكتئاب لا سمح الله لذلك انصح كل من تشعر بهذه الحالة ان تبحث عن مختص ليساعدها وهم كثر والحمد لله وفيه نساء لو ما تريدي معالج رجل وانصحك ايضا ان تغيري من روتين حياتك يعني حاولي اتسوي شي يشغلك وفي نفس الوقت تكوني تحبيه يعني مثلا ابحتي عن عمل او اشتركي في نادي رياضي او سجلي في دورة انجليزي او كمبيوتر او حتى خياطة لو تحبي المهم شيئ يخليك يملى وقتك ويشغلك عشان ما يقعدلك وقت كثير تفكري فيه في مشكلتك وربنا يعوضك بزوج احسن من الي راح اختك زخة مطر |
أختي الغالية حديث الوقت ..
أسأل الله سبحانه أن يوفقك ويرزقك من خيري الدنيا والآخرة .. ويبعد عنك كل هم وغم .. كتبت لك ردا على سؤالك ونظراً لطوله فضلت وضعه بموضوع مستقل ..بعنوان هذه تجربتي .. تفضلي الرابط: http://www.66n.com/forums/showthread.php?t=202203 |
اقتباس:
الله يهديك ومعالج نفسي المعالج النفسي هو مثلنا ماقدر يتجاوز مشاكله لو عنده حل كان كل الناس اليوم معالجين نفسيين . لكن عجبني حماسك احسك عندك امل فيهم . أنا في الكليه والتحقت بدورة كمبيوتر وتخرجت منها انجليزي تعلمته من الطفوله لكن حتى الدراسة ولقاءالصديقات ماعاد له طعم زمان كنت اتنفس دراستي واهتم وانافس على المستويات الثلاثة الأولى لكن اليوم . لوسقطت مومشكله عندي زميلاتي يطلعون من القاعة يبكون متحسفين على سؤال . وأنا يمكن لو ماحليت شيء ما يحرك فيني شعره . عندي شيء يقول ياشيخة ماله داعي ذابحه عمرك على ورقة قم بس قم ... أقسم الله أنو اروح السوق مجامله للي معي . وأي شيء يا خذون رأيي فيه أقول حلوووووووو جونان >>> واهو مايسوى ريال واشتري اي شي ما اتعبهم اللف والدوران زخة مطر معرفك عاجبني اسعدني تواجدك |
اقتباس:
منتظرة ياهلا فيك حياك ربي . كلامك جميل وسليم القرآن راحة القلوب واطمئنانها . أنا مجربة .. القرآن يزهد في عيون الدنيا ويحقرها واهي فعلاً حقيره زخة مطر اقيم لك مبادرتك فتح موضوع رد علي يجزاك ربي الجنة ويرزقك سعادة الداريين ويجعلك من صفوة خلقة اين ما حللتي وربي اسعدني كلامك وريحني بشكل ماتتصورينه . بحفظ الله |
اقتباس:
يعني لو دق الهاتف واجوال أكيد النتصل هم وإذا كان فيه زوار فأكيد هم . وإذا كان فيه اجتماع معين أكيد هم ضمن المجتمعيين . إذا جاء اتصال للوالده فأكيد هم المتصليين . إذا طلعت برا البيت اجباري تمر في بيتهم . إذا كان العيد هم من بيين المهنئيين أنا اتناسى افعالهم وماقدرت أنتاساهم لأنهم جزء من حياتي هم أهل لنا . وصل القصد أنا بصدق تناسيت افعالهم معي لكن طاريهم ووجودهم قريبيين مني خلاني ما اشوف للحياة أي طعم العالم في عيوني فقد جماله . كيف تعيش في وسط ناس حرموك الفرح ... وإذا جيت تبي تبعد عشان تنسى لقيت أنك ماتقدر تبعد أنا ماني رجال عشان اسافر وأستقل بحياتي بكيفي . أنا ملزومه بأهل أو زوج . الله يعين ولاحول ولا قوة إلا بالله |
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©