|
باختصار أكرهه ...((مستجدات الرد 28))
الســلام عليكم ورحمة الله بقول لكم سالفتي وابغى اعرف وش اسوي والله حايره وماابغى احد يستهزأ بكلامي ولا يقول كلام يجرحني لأني من جد اعااااني انا متزوجه من سنه و5 شهور وعندي بنوته امووووت فيها نرجع لورا شوي قبل الزواج كنت دايم انخطب وماتتم الخطبه مع ان ماناقصني شي ولله الحمد..لازم يصر شي يخرب السالفه...بالاضافه للاحلام السخيفه واحساسي ان في احد جنبي لاجيت انام هذا غير احلامي بان احد يجامعني وكلهم من المحارم ابوي واخواني قسم بالله اجلس من النوم اصيح صرت اكره النوم ماابغى انااااام ومااحب اجلس مع اخواني .... لما استفسرت من عند شيخ قال لي انتي فيك قرين عاشقك ومايخلي اي رجال يقرب منك وفعلا كنت بالدوام بالذات الرجال مااااايطيقوني مع اني ماسويت لهم شي ماشيه بحالي بس دايم مديري يهزأني مع انه يقول انتي شغلك مافي منه ومحترمه بس مدري ليه اهزأك وبقيمك ضعيف ... وبديت قرآن ومدري وشو الى ان حلمت ان في شخص يبغى يجيني ومو قادر وبعدها انا من نفسي وقفت الرقيه لأني انخطبت وتمت الخطبه ولله الحمد ... صارت الشوفه الشرعيه وكنت مقتنعه فيه وكل شي ...لكن في شي يقول لي لاتاخذينه لكن اخذته ماابغى اعنس صار عمري 24 وخصوصا ان كل اللي حولي اصغر مني وتزوجو ... زوجي حبيب ويحب الهذره واجتماعي وطيوب وبالعكس مااذمه ابد يعني اكيد في اشياء موعاجبتني فيه لكن حاجات تافهه المفروض اني اتغاضاها لكن انا اعترف اني حقيره من ايام الخطوبه وانا اتململ اذا جا لي ومااحب يجلس معي كثير وودي يطلع تزوجت ... وبالعكس سافرنا شهر عسل من احلى مايكون لكن انا مايعجبني العجب.. جيت من شهر العسل وانا اكررررررررررررررررررررررررررررررررررهه مو طايقه ريحته ولا رقعة وجهه وقلت لاهلي ابغى اتطلق .... حزتها شكت اختي اناي حامل وبالفعل طلعت حامل حملي كان صععععب واكتئاااااااااااااب وابد ابد مااطيق حتى اسم زوجي ... رحمه من ربي انه يشتغل بمنطقه ثانيه حاول ينقل بس ماربي كتب قلت اكيد من الحمل ...... ولدت وجبت بنتي وانا بعدني على حطتي اكرهه مدري ليه والله والله اتعذب غصبا عني ... يعني مااقول مثلا انه مو وسيم والا مو نظيف بالعكس وسيم ماشاء الله وعطورات وكشيخ وانيق وكل شي بس انا مدري شفيني ... قلت لامي يمه احس اني مب طبيعيه فيني بلا الرجال مااطيييييييييييقه قالت مافيتس الاالعافيه يتهيا لك دلع بنات ومدري وشو ... قلت يمكن دلع بنات بعطي نفسي فرصه قمت اسوي ليالي رومنسيه واحجز بشاليهات افاجأه وارسل له ورد بمنطقته وهو يستانس ألبس واتكشخ وماااااااااااااااطيق يقرب مني .... لايقرب مني انقرررررف ....وععععععع .... تجيني قشعريره .... مااكذب عليكم مااخليه يقرب واذا قرب مااتجاوب لاني انقرف اذا راح ... اصيح اقول اذا جا بسوي له كذا وكذا انا قاسيه انا مااستاهله وبس يجي مااطيقه وودي يخلص الويكند بسرعه ... احلى شي عندي بالويكند اذا طلع لربعه ودي انه مايرجع ويجيني اكتئاب اذا قرب الويكند لاني بشوفه تصدقون ... حتى اذا جا مااحب اطالع وجهه ... مدري اذا كان مغير الحلقه والا مسوي سكسوكه والا ديرتي مااحب اطالع واغلب حياتنا سكوت ... ماارد ولا اعلق على كلامه لاني احس ان كل كلامه تاااااااااااااافه مايعرف يتكلم واذا تكلم ودي اني اقول له اسكككككككككككت لاتتكلم تعور راسي حتى اذا جا بالويكند ومثلا قال لي وانتي واقفه الله يعافيك جيبي لي مويه اعطيه المويه وانا اتحلطم ((افففففف يحسبني خدامه عنده والا ماعنده رجول يقوم يخدم نفسه ؟؟؟؟؟ )) بوسط الاسبوع اذا دق ماارفع ماابغى اسمع صوته .... مره زعل وراح ولادق علي ...... افتكيت من اتصالاته ثلاث اسابيع ظل زعلان .... وربي اني كنت فرحااااااااااانه مدري ليه .... وبعدين تراضينا والحين بعد زعل وراح وهو زعلان وماافكر اتصل عليه ولا ابغى ادق عليه ومايهمني حتى لو يصير له حادث ويموت احيانا افكر ... ليه مااااااااااااااااااااايموووووووووووووووت ويريحني ... ادري بتقولون حقيره ونذله وكل شي بس والله احس اني مو طبيعيه وربي مدري شصاير وصارت الحين فكرة الطلاق ببالي بس ماابغى اصير مطلقه .... لو يموت احسن علشان مااصير انا السبب قسم بالله اتعذب .... ارجوكم ساعدوني اللي قالت لي عين لأن الكل تكلم يوم خطبني واني محظوظه وكذا واللي قالت شكله بعده القرين اللي عاشقك ماراح واللي قالت طبيعي علشان هو بعيد عنك ومابعد تتعودون على بعض ولا عشتو مع بعض واللي قالت يمكن نفس علشان في واحد كان قبل لااتزوج يبغاني وماصار نصيب تقول لان نفسه للحين فيك واللي قالت يمكن انتي مريضه نفسيا واللي قالت انتي مغروره وحقيره وماتستاهلينه ...... بديت اصدق الاخيره اقتنعت بكلامها اني حقييييره وغبيه احاول اتغير ومو قااااااااااااااااادره دلوني .... احس اني امووووت بالبطئ وكاسر خااااااااااطري بس اكرهه الله يخليكم بلا تجريح |
أختي العزيزة
اسال الله العظيم أن يحفظ لك زوجك وأبنتك ويبث في قلبك حبه ويجعل حياتك كلها سعادة وأشتياق لهذا الزوج آمين. قبل أن أطلب منك أن تحبي زوجك،أريد أن أخبرك بمسألة أنك أنسانه (رائعه وطيبه وحنون ومثابرة ودائماً تبحثين عن رضى زوجك) والله أهنيئك على هذا القلب الذي ينبض داخلك فجزاك الله خير الجزاء على ما تقومين به وكل هذا في سبيل أرضاء زوجك، وما وجدت أروع مما ذكرت ثناءك على زوجك ولم تتطريقي إلى أي سبيلة في تصرفات زوجك بل ذكرتي كل الإيجابيات التي به، حقا حقا أنتي أنسانه رائعه بل قمة في الروعة وبما أنك هكذا واصلي على نفس الطريق الذي بدأتي. هل تعلمين لماذا؟؟؟ لان مع رضى زوجك يكون تكسبين رضى ربك فهنيئاً لك إذا رضي الله سبحانه وتعالى عنك فأي نعمة أنتي بها، قال الحبيب عليه الصلاة والسلام (إذا صلت المرأة خمسها وصامت شهرها وأحصنت فرجها وأطاعت زوجها قيل لها أدخلي من أي أبواب الجنة شئتي) ويجب أن تعلي مسألة، أن العلاقة الزوجية ليست مقتصرة على رجال وامرأة فقط بل المسألة أكبر من ذلك بكثير ، هي آية من آيات الله في الأرض، قال تعالى ( ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة). وأنتي جزاك الله خيراً جمعتي الصفتين تطبيق آية الله في الأرض وهي الزواج والسعي وارء رضى زوجك، فلا تستصغري تصرفاتك فأنتي في الطريق الصحيح، وعليك بالتوجه إلى الله سبحانه أن يزرع في قلبك الحب لزوجك فهو فقط ما تحتاجينه، لان الله سبحانه هو مقلب القلوب، يقلبها كيف يشاء، فأسال الله العظيم أن يزرع في قلبك حب زوجك، |
حبيبتي .. الله يفرج همــك ويعــينك ... ما دام انك مستوعبــه التصرفات اللي تطلع منك .. ومو عاجبتنك معناه انك في بدايه العلاج ... حبيبتي انتي ذكرتي انك وقفتي العلاج بالرقية اول ما انخطبتي .. أعتقد هذا هو السبب الرئيسي لان هذه التصرفات مو طبيعيه ...وحبيبتي لا تستحقرين نفسك ..بالعكس رغم اللي تعانينه اني قايمه بواجباتك تجاه زوجك ما شاء الله ...فانتي طيبــه ومميزه ... حاولي اختي انك ترجعين للشيخ وتبدئين بالرقية من جديد وادعو الله ان يعينك ويفرج همك ويحفظك لزوجك وبنتك ...الله يسعدك يارب |
هلا باللي ردو علي
انا فكرت اني ارجع للشيخ وكلمته واستهزا فيني يقول مو معقول لأني قلت له اني للحين عذرا وفعلا ظليت عذرا سنه وشهر غصب عني لما يجيني انفر انفففففففر مع ان ودي بذا الشي حتى الحمل صار بدون مايتم كل شي ...فهمتو علي ؟؟ من برا معلش اسفه على الكلمه بس بعد السنه وشهر غصبت نفسي والحين كل ماجاني انفر اسوي روحي مشغوله ..نايمه اي شي قلت للشيخ انو ماصار اتصال قال مو معقول وماساعدني ولما قلت لامي قالت اللي قلت لكم انو انتي يتهيا لك .... بس امي ماقلت لها اني ظليت سنه وشهر مااسوي شي احس اني ضايعه |
:: يحـووووووووول ياربي موضـوع متحلطم من أوله ~ لق لق لق لق لق .. ماشاءالله عليـك .. اقـولك شي ياااااأم العسـل << بما ان عندك بنوته وكـل البنات حلوين هع مافي غير اذا راح زوجـك لشغله .. تشوفين لتس .. شيخ يقرا عليتس ؟! والله اعلم ان فيتس بلا .. ولازم يقرون عليتس وانا اختتس .. << سوالف عجـز .. :: الصـراحه بجد لازم ترقين نفسك وتبـدأين فيها من اليـوم .. وحملي الرقيه الشرعيه من النت وشغليها طول الوقت وحمليها على جوالك .. اسمعيها قبل لاتنامين .. حاولي تقرين سـورة البقره .. وتحافظين عالأذكار ووردك اليومي .. حافظي على صلاتـك ؟! << صحيح شلون محافظتك عالصلاه ؟! شيلي من بالك فكـرة انك تكرهينه انتي كذا اقنعتي عقلك البـاطن بهالفكره وصار يطبقها .. مع انك رافضتها ~ من اليـوم رددي دائما .. انا احب زوجي .. زوجي يعجبني زوجي رومنسي .. سعادتي بوجوده ..............الخ يعني خلي عقلك البـاطن يسـوي ديليت لأفكارك القديمـه واستبدليها بأفكار ثانيـه .. يعني بالعربي ْ غيري نظارتك السـوداء ْ والبسي نظاره نظيفه تصفي نظرتك للحيـاه ولزوجك ~ انتي تقولين مستحيل اطلب الطلاق .. وانا اقولك لو طلبتي الطلاق مجنووووووووووووووووووووووووووونه .. حافظي على بيتك وزوجـك .. بس عندي سؤال مهم .. انتي كم لك والـده ؟! يمكن تكون اعراض اكتئاب مابعد الولاده .. ؟! ماعرفش يمكن !! عالعمـوم .. انتي بنت مررررررررررررررررررره مدلعه .. وماتنعطين وجهه << بدت تعصب دانتيـل .. اجل زوج حنون وكريم وعاقل ومتفهم ووسيم ونظيف واخلاق واجتماعي وفرفوش وموظف ويحبك ويحب بنته ومتحمل حلطمتك وحركات الـدلع الي يغث !! وتقولين { اكـــــــــــــــــــــــــــــــــــرهه ؟! اقـول تطلقي بس عندي له عروس وربي تقول للقمـر قوم واقعد مكانك .. زين وجمال ودلال وست بيت واخلاقها سـكر سكر وتنقط عسل .. ياختي يمدي زوجك الحين جاله حالة اكتئاب وبينتحر يمكن من تصرفاتك مو عاجبك العجب .. بجد ترفعين الضغط ! اوووووووووف منك .. الشرهه على الي يدخل موضوعك ياختي << فقدت اعصاااابها .. سلام بس سلام .. :: |
حافظي على الصلوات والاذكار وتابعي الرقيه
وان شاءالله ما تشوفين الا كل خير |
أختي .. الزمي الرقيه ..
إن شاءالله هي الحل .. :: دانتيل .. علينا ننصح ونرشد ونوجه ونساعد بقدر ما نقدر .. ولو ظنك صحيح .. فـ حسبهم الله :) |
السلام عليكم
اختي الكريمة انصحك بالرقية الشرعية ربما تكون عين وايضا انصحك تراجعين طبيب نفسي ليس لان عندك مرض نفسي لاقدر الله لكن ربما من خلال حوارك مع الطبيب النفسي يتبين له اين الخلل والمشكلة يمكن فيه حدث او موقف حصل لك منه سبب لك كره له وتهرب منه الطبيب النفسي يستطيع فهم نفسيتك وحالتك وتفكيرك ويحلل لك المشكلة وابعادها اللي اقصده انه ممكن يساعدك تفكرين وتحلين المشكلة بشكل صحيح اسال الله لك ان يزيل همك ويفرج كربتك و يجعل السعادة من نصيبك في الدنيا والاخرة |
نصيحتي لك اختي العزيزه ان تحمدي الله على الزوج الصالح والذريه غيرك يتمنى الستر وراحة البال وانظري الى مصائب غيرك تهون عليك مصيبتك ... اسال الله ان يهدي سرك ويحنن قلبك علي زوجك ويجعله قرة عين لك ويبار لك فيه .
تقبلي تحياتي |
الأعراض كلها أعراض مس عاشق ولا حول ولا قوة إلا بالله !
>>> تذكرت الأخت الغالية رمش وأهداب =( أختي .. داومي على قراءة سورة البقرة ... داومي على الإستغفار ولا تستهينين في هذي الأمور فالله لن يخيبك وشيلي فكرة الزواج من راسك..أكيد ما تبين بنتك تتربى بدون أب ؟ :) وحاولي تبحثين أكثر عن أعراض المس العاشق وطرق علاجه...الله يشفيك ويوفقك يارب |
اقتباس:
يعني بشكل عااام الرجال ماا يطيقوونك ،، انزين ماا فكرتي كيف زوجك طاقج ..كيف حبج وحب القرب منج ,,, اممم ركزي اكثر وحااولي الرقية مااا تخلينها في كل حاله من الاحوال ,,ولكن يمكن فعلاا كان فيج شي والحمدلله تلااشى وواقتنع عقلج الباطني ولازال به .. حاولي تغيرين تفكيييرج قبل وحااااولي قد ما تقدرين فكري في ان هالامور يمكن اضيع مستقبلج انتي وبنتج يعني مثلا عقب ثلاثين سنه ما تحسين انج محتااجه وجووده عندج اذن جااهدي وجااهدي للمحافظه وتحدي يالقران كل شي والله بينصررج وبيووفقج ,,, دمتي سااالمه . |
أختي أنت أمرك لا يخرج عن إثنين و هما
- السحر أو المس - كرهك لزوجك لأنك بالأحرى لا تريد أن تحبيه فكل إنسان يكره إنسان ثاني رغم أنه إنسان طيب و خلوق فهذا يعود إلى عدم الرغبة في محبته أصلا. فأنا أأعتقد أنك أنت مثلا عندما تحسين بالميل و لو قليلا لزوجك سرعان ما تتراجعين و تنكرين على نفسك ميلها له و تلومينها على ذلك. فشعور بالكره له أصبح ضروررة بالنسبة لك لأنك لا تريدين أن تغيري وضعك معه. أنا لا أقول أنك بعقلك لا تريدين التغيير و لكنك لا تريدين ذلك بقلبك. و ما دمت أنت دائما تريدين التهرب منه فصديقيني لن يتغير شئ. المفتاح بيدك أنت و عليك بمغالبة نفسك في معاملته و تحببي له حتى تحبيه. ثم أبعدي عنك المشاعر و الأفكار المسبقة و تخلصي منها لأنها في 90 في المأئة من الأحيان تكون خاطئة. أنا بصراحة لم يعجبني تفكيرك أبدا لأنه المسكين ما يستاهل و هو طيب مثل ما قلتي. و لو كان نذل أو عيوبه كثيرة أكيد عندك حق. لو كنت أنا مكانه كنت إنفصلت عنك من قبل حتى ما تكرهيني. على كل حال يجب أن تعلمي أن القلوب بيد الرحمان يقلبها كيفما شاء فإستعيني به و بحول الله تتبدل حياتك. |
انا رأيي ان مشكلتك نفسية ولازم تروحي طبيب نفسي
عزيزتي زوجك زي ما تقولي شاب وسيم وماشاء الله عليه يعني الف وحدة تتمناه اذا لحقي نفسك قبل ما يضيع منك و وقتها ما رح ينفع الندم انا مو ضد الرقية بالعكس لازم ترقي نفسك بس في نفس الوقت تروحي لطبيب نفسي ااكدلك ان حالتك نفسية ومحتاجة علاج ........... على الاقل اذا مو عشانك فعشان بنتك الي من حقها انها تعيش في اسرة طبيعية ... والله يصلح حالك ... |
اختي عليك بقراءه القران ليل ونهار
شغلي اشرطه القران عندك بالبيت اسمعيها خليها اربعه وعشرين ساعه شغاله لاتجلسي قدام المرايه كثير حاولي تتحاشي المرايات ابعديييييييي عن الاغاني كثري الدعااااااااااااااء واستغفري مادري بصراحه انا مرة اقول مس ومرة اقول حاله نفسيه لانك تقولي اني اتخيل محارمي هم اللي يجوني اختي يمكن تعرضتي لشي وانتي صغيرة ونسيته بس عقلك الباطن محتفظ فيه جربي روحي لاخصائيه نفسيه وريحي عمرك يمكن كلها كم جلسه وترتاحين وعشان تعرفي اذا هو مس او شي نفسي والله يريحك يارب |
هلا والله
اللي قالت حاله نفسيه واللي قالت اني ماانعطى وجه انا ولدت من 8 شهور .... والاكتئاب اللي جاني بالحمل زي اكتئاب مابعد الولاده بالضبببط نفس الاعراض والدكتوره قالت ان في نسبه قليله يجيهم اكتئاب مابعد الولاده بس من ايام الحمل ويستمر عطتني دوا واخذته وكله نايمه لاعت كبدي ووقفته قبل مااولد ... واللي تقول دلوعه واجيب الغثى مااقول الا يااااارب يجيك اللي جاني علشان تعرفين انه دلع والا مو دلع <<< منقهرهـ وترى لادعيت من قلب تتحقق والعسل اللي قالت انو صار لي شي وانا صغيره وعقلي الباطن خزن الذكرى ..... لا مستحيل ... اخواني اصغر مني وطبعا ابوي مستحيييييييييييييل .... اقولك اجلس من النوم ابكككككي قسم بالله اتقطع وش هالحلوم ؟! واللي قالت المرايه مالمرايه ... انا فعلا لا حظت .... بس بعد ماقال لي الشيخ عن القرين العاشق ... قال لي انتي كنتي تسوين كذا وكذا ؟ كنت اقول ايه شدراك ؟؟ يقول هو يبغى يشوفك بهالوضعيه يعني اني اتكشخ واحط ميك اب وانام ... والا اتكشخ واناااظر بالمرايه كثييييير وانام بدون ملابس ... مع اني من عمر الدنيا بغرفه لحالي بس مااطيق انام بدون ملابس بس فجاه صرت انام بدون والا اني مثلا جالسه مع اهلي وفجاه اروح لغرفتي واكشخ وارقص ...وبعد مااخلص اقول وش هالهبال ؟؟ حسبت اني هبله والا مستانسه بجمالي بس الشيخ يقول هو يحسسك انك تبغين كذا لانه هو يبغى يشوفك كذا صرت مااناظر المرايه الا اذا جيت ابطلع .... وقال لي اتروش بملابسي ... وانام بملابسي ... وماارقص وطبعا ارقي نفسي بديت اقرا البقره بس اذا اقرا تجيني ضيييييييقه واتملل واقفل القران .... وادري ان الشيطان هو اللي يخليني كذا وارجع اقرا بس مرررره اتضااااااايق واقفله والله الاستغفار ما اتركه ابد ابد انا اصلا اشجع اللي حواليني على الاستغفار الصلاه طبعا مااتركها انا بس ابغى اعرف .... اللي فيني الحين وشووووووو ؟؟؟؟ زهققققققت من هالعيشه ابغى اعيش مثل البنات ابغى احبه ابغى اطلع معه نتمشى بدون ما انقرف منه ابغى اقول له كلمة احبك ابغى اعيييييييييييش .... |
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .
|
اختي الكريمه
يبدو لي انك متلبسه بقرين فهذي كل الاعراض وخصوصا انك تقومين من النوم وتصيحين من الكوابيس والاحلام الله يشفيك يارب فالقرين مسكنه (بالرحم) بالمرأه فأذا جائك اكتئاب وصداع بالرأس وصراحه اعراضه كثيره لكن مايمنع انك تقرأين بالنت عن هذي الاعراض لكن عليك بأنك تذهبين الي شيخ قراءته جيده واذا تحتاجين لشيوخ ثقة ازودك بأرقامهم بالرياض والاردن قوليلي انا اعرف ناس كثير ذهبوا لشيخ كفيف بالاردن وايمانه قوي والحمد لله شفو من الاعراض اللي هم فيه بعد اارادة الله سبحانه وتعالي لكن يجب عليك انك تداومين بقراءة القرآآآآن واذكار الصباح والمساء الله يشفيك يارب |
مثل ماقالوا الأخوات
إبدأي بالرقية .. وإذا الشيخ مو مصدق غيريه .. أرقي نفسك بنفسك .. الله يفرج همك تصدقين رحمت زوجك الله يعظم أجرهـ شلون صآبر .. ولا بالعادة يطقون الثانية وهم مغمضين فألحقي عمرك :) دانتيل : هدي هدي هبلتي البنيه خخخ |
يااااربي بموووت من الخوف
توي دخلت موقع اشوف الاعراض للمس العاشق وانا قسم بالله على اني اجلس عالنت فترات طويله بس ماقط طرا ببالي ادور بالنت .... شوفو الاعراض .... علامات يعرف بها المس العاشق: هناك بعض العلامات التي يشخص بها المعالج حالة المريض بأن فيه مس عاشق سواء كان بسؤال المريض أو القراءة عليه وأذكر بعضها 1-كثرة الإحتلام دليل على وجود المس العاشق ولكن مع وجود بعض الأعراض الأخرى كرؤية النساء العاريات أو جماع المحارم ونحوه 2-الشهوة المتوقدة بدون سبب أو على المحارم وقد لايكون مع الزوجة مثله. 3-الوقوع في العادة السرية بكثرة . 4-كره الزواج وعدم الرغبة فيه وقد تكره الفتاة جنس الرجال . 5-الشعور بحركات في العورات وخاصة في القبل سواء كان مثيراً للشهوة أو هرش وحكة أو حركة جماع . 6-شعور الشخص كأن أحداً يرافقه وينام بجانبه ويشعر مثل جسم خفي بجانبه على السرير أو ثقل أو هواء أو نَفَس (كأن أحداً يتنفس). 7-بعض الرجال يجد شعرة امرأة على جسمه وبعضهم يجدها داخل سرواله أو ملفوفة على عورته . 8-بعض النساء ترى من يظهر لها عارياً بأشكال مختلفة وقد ينال منها سواء يقظة أو في النوم. 9-نفور الزوج من زوجته ونومه بعيداً وينزعج جداً إذا اقتربت منه زوجته ومحبتة للوحدة وتمر عليه الشهور الطويلة ولم يجامع زوجته 10-نفور الزوجة من الزوج مع وجود الإفرازات والعصبية الزائدة وإثارة المشاكل وسخونة الجسم ولاتحب أن يلمسها زوجها بل حتى أبناؤها ومحبة الوحدة والنوم شبه عارية وثقل النوم لساعات طويلة. 11-عدم أو ضعف الإنتصاب أو سرعة القذف وآلام تحت السرة بإصبعين كأنها طعنة وآلام بين الخصية وفتحة الدبر ووخز فيها. 12-عدم النوم ليلاً والمكوث ساعات في الحمام والسرحان وشرود الذهن . 13-شم بعض الروائح العطرية في الغرفة بدون معرفة مصدرها . 14-شعور الزوجة حال الجماع أن الذي يجامعها غير زوجها أو تشعر بعد الجماع أنها تجامع من غير أن ترى أحداً. 15-بعض الأطفال يتعرضون للمس العاشق فيستيقظ وملابسه منزوعة ويحكي مايبين تعرضه لجماع وهو لايعلم معناه . 16-الشعور بالرغبة الشديدة والشهوة العارمة في الإنحراف للواط أو السحاق أو ممارستها. 17-بكاء الفتاة إذا تقدم أحد لخطبتها أو رفضها بعد موافقتها بأعذار غير مقبولة أو أن الخطاب لايعودون مرة أخرى مع توفر الجمال والحسب وكل شئ فيها. 18-عدم توفق الرجل للزواج فيطرق كل الأبواب ويرد مع توفر أكثر الأوصاف المطلوبة حتى أنه قد يعقد ثم يفسخ عقده أو يتزوج ويطلق. 19-تجد الرجل لايستطيع أن ينظر في النساء وقد يتصبب عرقاً إذا تكلمت معه امرأة وقد يرتجف إذا تغزلت فيه إمرأة وبعضهم يظن أنه من الحياء وقد يكون من الحياء وقد يكون بسبب المس والفرق أنه يشعر بحركات في جسده وألم في عورته وظهره ووخز في مختلف أنحاء جسده وهذا متواتر قريتوها ؟ يوووووه والله فيني صيحه .... شسوي ؟؟ مااعرف شيوخ .... اللي يعرف لايبخل علي الله يخليكم لاتخلوني بروحي |
اللي فيك مهوب لاغرور ولا انتي حقيرة ولا شي
اللي فيك عين او مس او سحر والله أعلم وها الأمور بسيطة بأذن الله تعالى ومالك الا الرقية الشرعية وإحذري من الدجالين... ترى مو كل واحد يقرى على الناس معناته كويس لا انتبهي فيه دجالين وعندنا بالسعودية قبضوا على كم واحد من هالنوعية. الله ييسر أمورك |
زين زين الحمد لله انك عرفتي انك بحاجة للرقية انا تو انتبه لمشاركتك لأني ماقريت الردود في الصفحة الثانية
نصيحة اختي إتصلي على أحد المشايخ المعروفين وخليه يدلّك على شيخ ثقة يقراء عليك نصيحة وانتبهي الله يحفظك ويستر عليك ويخليك لبنتك وزوجك. |
[gdwl]حبيبتي الله يهديه بس ماتزعلي حبيبتي استغفري الله كثير[/gdwl]
|
بسم الله<<<<<بموت من الخوووف
الله يعاااافيك ويشاافيك ياارب\\روحي لشيخ ليه جاالسه للان؟؟؟؟ روحي بسرعه ومهما تواجهي من صعوبااات تحملي لو استمريتي على كذاا والله زوجك بيطلق لاسمح الله |
واصلي الرقية الشرعية يمكن سحر اوعين واكثري من الدعاء والمحافظة على الصلوات واسال اللة ان يوفقكم
|
بسم الله الرحمن الرحيم
السلام عليكم ورحمه الله وبركاته مرحبا غلطتي انت انصحك بان تذهبي للشيخ لكي يقرا عليكي وداومي علي القراءة وعليكي بقراءة القران وانتي الان ام لبنت وحرام تترمل وتتعذب وتعوذيي من الشيطان وربي معك ويحرسك من كل شر |
[COLOR="Blue"]الشيخ ابو اسامه 0555253636
الشيخ عبدالعزيز النوفل 0505461211 موجودين بالرياض [/COLOR] وراح اجيب لك غيرهم بأذن الله |
اختي روحي لشيخ ثقققققققققه
وشغلي القران في بيتك وابتعدي عن المرايات مررررررررررررره ولاتشغلي اغاني ابد وانتبهي تتعري لوحدك وكثري من قراءه سورة البقرة والاستغفار وترى علاجك عند المشايخ ياختي يحتاج صبر وانتي تبغي تتغيبر اصبر ي فترة بس وتتغير كلللللللللللللللل حياتك ان شاء الله طمنينا وش يسير معك |
هلا بالكل
في اشيا كثيره تطورت وانا مرررره نفسيتي تعبانه مووووت والله تعباااانه انا صرت اشغل ارقي نفسي برقيتين لقيتهم عالنت وحده للشيخ عمر العاطفي والثانيه الغامدي ومن شغلتهم والمشااااكل ماتخلص .. زوجي ذاك الويكند طقني طق بغى يموتني على شي تاااافه وسبني وسب اهلي وهذي اول مره ومنها ماصار يكلمني وحتى الغرفه ماينام معي ينا بغرفه ثانيه وحتى هالويكند جا وقال بوجهي ماابغى اشوف رقعة وجهك ومشى عند اهله وطبعا مارجع وياليتها وقفت على كذا ... الاخطر من كذا اني انا بديت افكر اتخلص منه مو بالطلاق لااا ...ابغى انتقم ... وكل ماهديت شي بداخلي يقول لي قتليه ابغى اقتله ابغاه يمووووووووت اي ابغاه برااااااا حياتي بس مو قبل ماانتقم ساعدوني احس ان في احد يحرضني على هالشي وبقول لكم شغله مدري ذكرتها والا لا ... ان من قبل اي شخص يأذيني لاااااااااازم يصير له شي خصوصا اذا حقدت عليه وقلت بيني وبين نفسي ابغى انتقم منه الشعور هذا الحين جايني تجاه زوجي ماابغى أأذيه بس ابغى اقتله والله مو فاهمه اللي يصير لي احس اني خطر عليه ومشكور ياللي جبت مشايخ بالرياض ياليت تعطيني بعد مشايخ بالشرقيه |
انتبهي من هذه الوساوس وتعوذي من ابليس الله يهديكي فيها قص رقبة بعدي عنه إلين تتشافين الله المستعاااان |
اختي الظاهر لو يقرون عليك من هنا لسنه مارح تتغيرين
اللي يبنا عيت النفس تبغاه .............................. واللي نبي عيا البخت لايجيبه الحب والقبول من الله........... لاحد يستطيع التحكم فيه..... انت فعلاً تكرهينه...... والدليل انه مر عليك اكثر من سنه ونصف ولم تستطيعي حتى التعود عليه... وبدون مايغلط عليك تكرهينه وتتمنين له الموت هذا قدرك اما ترضينه لاجل عيون بنوتك الحلوة................. والا ارفضي قدرك وتحملي تبعات رفضك بس والله مو كاسر خاطري الا زوجك................. اذا كان يحبك.... ويحترمك الشكوى لله الكثيرين من الازواج.......... صارو اقراب..........او اصحاب.... لانهم مستحيل يكونو احباب........ اتي الانسان يعيش بالحياة مره وحده والعمر مثل القمر ماينشبع منه.............. لذا اتخذي قرار صائب يريحك ويقنعك.... بدل الضياع اللي انت معيشه نفسك فيه....... والرجال كمان يلحق عمره ويتصرف بحياته تحياتي |
اسأل الله العظيم رب العرش الكريم أن يشفيك
اسأل الله العظيم رب العرش الكريم أن يشفيك اسأل الله العظيم رب العرش الكريم أن يشفيك اسأل الله العظيم رب العرش الكريم أن يشفيك اسأل الله العظيم رب العرش الكريم أن يشفيك اسأل الله العظيم رب العرش الكريم أن يشفيك اسأل الله العظيم رب العرش الكريم أن يشفيك |
اقتباس:
ليه فيلم رعب امريكي؟؟؟؟ |
تدرين كل الي قلتيه عن زوجك بالحرف الواحد انا عشته باول بداية زواجي
نفس الحالة ونفس الي تحسينه وكل كلمة عبرتي فيها استوعبتها زين لاني كنت بطلة فلم بنفس قصتك تخيلي لاركبت معه السيارة ومست يده جزء من صبعي اتقرف واحس اني ابغى انزل من السيارة وهي تمشي لدرجة مرة قالي مابيك تجامليني ولاتحبيني بس على الاقل عامليني زي الناس اعتبريني صديق وعامليني معاملة الغرباء بس لا تقسين علي ولاتجرحيني حسيت اني حقيرة مثل ماتقولين وان ربي راح يعاقبني ويسحب مني كل شى حاولت اتغير ماقدرت طلبت الطلاق وطلقني مرة ومن الانانية الي فيني رجعت له عشان اعذبه من جديد اخر مشكللة صارت اني خليته يدخل مستشفى بسبب صراخه بالسيارة لين فصل واجمعت عليه الناس وكان بيسوي حادث لاني كنت اجلده بالجوال المهم قضى اليلة بالمستشفى ثاني يوم رحت له قالي تكفين انا الي الحين الي بطلب منك الطلاق ماعاد صرت ابيك انتي دمرتي حياتي انتي جننتيني وقتها تغير شعوري وحسيت اني بفقد حياتي وبيتي وزوجي رجعت له وطلبت منه يسامحني ووعدته اني مرااح اكرر السالفة وصرت احبه مثل عيوني سبحان مقلب القلوب كان يقولي زمان اتمنى اني اسمع منك كلمة احبك يازوجي ابشرك صرت احبه وتعلق قلبي فيه والحين صار يتمرد انقلبت الاية يابعدي انتي مو مريضة وحشاك ان تكوني حقيرة هي مجرد حالة نفسية جالتك على زوجك وتاكدي لو قسى عليك وعزم انه يطلقك راح يتغير شعورك وانا متاكدة انك راح تحبينه واذكري كلامي زين تكفين دقي عليه وصالحيه لا تحسسينه انه تافه هذا برضه ابو بنتك ارجوكي طمنيني عنك اول باول والله يالف بين قلبك وقلب زوجك |
زي ماقالوا الاخوات والاخوان أكيد أنتي فيك
مس عاشق ويمكن هو الي يحرضك على الافكار الي في بالك انتي لازم ترقين نفسك وتتحملين وتقرين سورة البقره والاذكار كل وقت انتبهي على بيتك قبل لايخرب روحي لشيخ ثقه وتعالجي عنده الله يشافيك |
ياختي شوفي
ارسلي لزوجك رساله وقولي له اني مادري وش فيني اشرحي له حالتك عشان اما يودك عند شيخ يرقيك او يوديك عند اخصائي نفسي وخلاص وخلي الامر بينك وبينه بعض الاحيان تكون المشاكل كبييييييييييييييييييييير وصعبه بس بعض الخطوات الجريئه الي لازم نتخذها هي الي بتحل المشكله من جذورها جربي روحي لشيخ اسئلي الي يسئل مايتوة اسئلي في النت عند اقاربك قولي فيه وحده من قريباتي محتاجه شيخ يرقي وطمنينا عنك لكن كون انك ترقين نفسك بدون ماتخذين احتياطات لانو يمكن الي فيك مس عاشق واذكر انو له طريقه في الرقيه عشان مايئذيك وفيه خطوات لازم تبعيها والله يسهل عليك وطمنينا عنك وفكري ببنتك وانو هالشخص صبرك عليك وانتي قرفاااااااااااااانه منه ولاغلط عليك لو احد غيره كان عطاك كف في بدايه زواجك وقال بكيفك وعلى بيتك اهلك وش الي يجبره انه يتعذب معك بس عشانه تزوجك وصار قريب منك .........ياختي هو ماغلط عليك وتحملك بما فيه الكفايه فيمكن الي صار له شي خارج عن ارادته.......وتلقينه كان ماااااااااااااااااااسك عمره الين جاء ذاك اليوم الي ضربك فيه بالله كم صبر عليك ماصبر عليك شهر او شهرين اوثلاثه سنه واكثر بعد ومع ذالك ماشكاك لاحد ولاسوى لك شي بالعكس يعاملك بالطيب تعوذي من الشيطان واتخذي احد القرارات الجريئه لازم تسوين خطوة تغير مجرى حياتك اختي نصيحه من قلب دوري لك شيخ وخليه يشوف حالتك ولاتنسين طمنينا عنك |
أختــي .. تـذكـري أن الدنيـا بكل بـلآويهـآ .. (( ما تسوى )) وإن كلنا مصيرنـا حفـره .. والمـنى كل المنـى اللقاء في جنات نعيـم .. أدري أن كلامـي أسطوانـه واكيد قالوها لك كثير .. بس من باب " فذكر فإن الذكرى تنفع المؤمنين " عدتها مره ثانيه أبيـك تذكرين إن من صبـر ظفـر .. وبغض النظر عن أن فيك مس او ما فيك غير العافيه .. طبعا انتي عارفه ان القوي فيه اللي هو أقوى منه .. ليه ما تصيرين أقوى من هاللي تتكلمين عنـه هذا لو كان فيك .. الدعوه مو طقاق او شي .. انتي بمجرد صبرك عن اللي تحسين فيه تكونين غلبتي هالشيء .. ومع كل فكره تجي فبالك تعوذي من الشيطان وبالنسبه للقرآن لامنك قريتيه و ظاقت بك الدنيا .. كملي وانتي بكذا كاسبه الاجرين اجر الصبر واجر القرآن نفسه .. ووافينا بكل جديد عل وعسى نقدر نساعدك .. واعرفي انك بديتي بعلاج نفسك بمجرد اك عرفتي شاللي فيك .. وترى كل شي هين وربي .. بس الصبر هو مفتاح الفرج .. الله يعينك يارب |
| الساعة الآن 02:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©