|
زوجي ضربني وضرب بنته و والدي يطالبه برضوة
السلام عليكم
انامتزوجه منذ مايقارب السبع او الثمان سنوات لدي بنتين وولد مشكلتي مع زوجي حدثت بالامس زوجي من النوع الي يوم فوق من الطيبه والاخلاق ويوم تحت حتى يصبح مثل المجنون من شده عصبيته وسوء خلقه ومن العشره اصبحت اعرف من مجرد مايصحى من النوم اي نوع هو مزاجه وبالامس كان مزاجه العكر فتجنبته تماما لاني اعرفه راح يدور عن مشكله او اي شخص من البيت يفرغ فيه غضبه المكبوت والله حتى الشغاله ماتسلم منه المهم حاولت ان اتجنبه لين يعدي مزاجه على خير لكن نادي ابنتي البكر فما ردت عليه كانت خايفه منه لانها شافت ابوها يكسر الجوال في الجدار وكنت انا والبنت في غرفة العب فقلت لبنتي ردي على ابوك وروحي له فرفضت قالت بنتي والله راح يضربني قلتها والله رح يضربك اذا مرديتي عليه راحت في الاخير ومالقته طلع من البيت فرجعت عندي وخبرتني وبعدين استاذنتني تنزل تلعب مع عيال عمها تحت بعد فتره طويله رجع ابوها وسالني وينها قلتله تحت وعرفت والله من وجه انه ناوي شر بالبنت وانه بيفضي غضبه فيها فرحت لبست عبايتي بسرعه بغيت اوصلها قبله وارسلها عند عمتي تحت الي هي ام زوجي عشان تحتمي عندهالكن للاسف ماوصلت باب شقتي الا والبنت داخله عليه حالتها حاله وتشاهق وتنتفض مكفخها ومعطيها كف والله عرفت من اثره في وجها والبنت تنتفض مثل الورقه من الخوف لميتها على طول وجلست من غير شعور ادعي عليه وابكي واخذتها لغرفه ثانيه لأني خايفه عليها وعشان ابعدها عن وجه عساه يهدا لكن لحقنا للغرفه وجلس يكلم البنت بشكل مرعب ويصرخ انت ليش ماتجاوبين انا هنا ماقدرت اتحمل فحميت البنت وبعدته ورجعتها هي وري وقلتله رد على سؤاله ليش ماتجاوب لأنها خايفه منك ابعد عنها فقام رفع ايده وضربني بقوته في كتفي وقلي ابعدي قلتله والله ماابعد فضربني للمره الثانيه وحاول بدفني عشان يوصل للبنت لكن ماخليته وثبت فمسك ايدي ولفها ورى ظهري وطرحني على الأرض وبنتي تصارخ بعلى صوتها وملتفه في الركن على نفسها خايفه هو بوم ثبتني بهذا الوضع حاول يروح للبنت لكن فكيت نفسي وضربته ودفيته بكل قوتي عنها البنت هنا قدرت تخرج بره الغرفه وتهرب لجدتها هو حول يلحقها لكن شاف انه مراح يقدر وكنت لاحقته مشان اوقفه مااخليه يلحق ويمسك بالبنت هنا هو وقف قدامي وقال وين رايحه ها وعيونه شر !!!!! وجلس يقرب مني سبحان الله هنا بس حسيت بالخوف وتذكرت نفسي فنظرت فيه وقلتله انت وش ناوي تسوي يعني فدخل هنا اخوه البيت وحلف عليه لو مد ايده عليه لايشوف شىء مايسره والله ماتراجع على طول لا بعد مهدد وعاد وزاد اخوه والله كنت شايفه في عيونه انه ناوي الضرب الشديد ليه المهم بعدها كلمت ابويه قلتله تعال شيلني هو يوم شافني الم ثيابي قال انا ماضربتك لاتقوليني ضربتك خلينا نتفاهم لكني رفضت وابويه االحين حالف مايرجعني له الا برضوه كبيره ويجب كبار العايله عنده ويعلمهم بلي سواه والله انا ما ابغى الفضايح وابويه مو راضي يقول لازم يعرف قيمتك لأنه اول كمان ضربني لكن انحلت ودي بينه وبين ابويه بطلبي ومن غير ما احد يدري---------- لكن انا الي كاسرني ان الناس كلها راح تدري وصورتي راح تهتز ااااااااااااااااااااااه ودي لو ينحل الموضوع ويتادب ودي من غير مايكبر اذا عندكم حلول ياليتكم تكتبونها او تقولون كلام يقوي قلبي عشان اسير مااهتم لنظرت الناس وياليت تعطوني كمان كيف اعامل بنتي الحين وانسيها الي شافته بيننا او اخليها ما تتاثر به وعذروني اذا الموضوع ملخبط لاني كتبته وانا انتفض من هم مافيني ولا فيني اراجعه لأن بودي احد يشور عليه ويكلمني بسرعه الاشراف: تم تعديل العنوان ليتضح المضمون |
الله يعينك
اقترح في هذه المرة يقتصر الحل على أخذ الرضوة كعقاب نفسي له مع التعهد الرجولي والجاد لأباك بعدم تكرار ما حدث دون تدخل أطراف أخرى . |
مادام ابوكي دخل .. سيبيه يتصرف رجاءا
لو منتعتيه هتندمي طول عمرك انك باباكي ماخدش الخطوة دي وعملك قيمة سيبي الرجالة تتصرف |
التائه قلبه هل تعتقد ان هذا الأمر حيكون كافي وراح يتأدب ويكفينا مزاجه النكد
حلويا والله هذا الي اانا خايفه منه الندم وانه يتعود مديت الأيد ويستسهلها رغم انه مامد يده عليه الأهذي المره وقبل وبينهم سنه تقريبا رغم انه والله تحسن معايه كثير وصلح نفسه في كثير امورر لكن يبقى مزاجه البشع والنكد ااااااااااااااااااااااااااااااااااااه وانا ما خرجت من البيت الا بعد ماحسيت ان لو ما اتخذت موقف بسبب خوفي من الفضيحه راح انددددددددددم بقية عمري وراح يتعود يارب استر عليه بسترك ما ابغى اعرف بزوجه المضروبه الله يخليكم الي يدخل الموضوع وماعنده ليه حل يدعيلي على لأقل |
ممكن أعرف أيش سبب مزاجه العكر؟ هل أنت ترفعي صوتك عليه دائماً؟ هل تشتميه لو غضبتي دون أن تشعري أو دون قصد؟
هل تحاولي تحطي راسك برأسه؟ هل دائمة الجدل والعصبية والشد معه؟ ربما كنت جزءً من المشكله في ذلك ,,, وعموماً أياً كانت الأسباب على زوجك التفاهم مع والدك لكي تتضح كل النقاط وإصلاح الأمور وأخذ التعهدات من الطرفين أياً كان المخطيء ,,, |
لااعرف انا نفسي سبب مزاجه لأنه يقوم من النوم بمزاجه هذا حاولت التحاور معه اكثر من مره لأعرف سبب مزاجه وايقنت اانه هو نفسه لايعرف
هكذا يشعر بانها حاجه ملحه لابد ان يخرجها على من حوله حتى لو كانت امه لا ارفع صوتي عليه ولا اشتمه كيف افعل ومنظره والغضب يتطاير من عينيه مخيف اصلا مجرد ما احس ان مزاجه نكدي ابتعد عنه واتجنب مايغضبه لآنه يبحث عن مايغضبه ليفجر فيه نكده مهما كان |
اعانك الله يا اختي على مزاج زوجك العكر ..
هل زوجك عنده مشاكل في العمل او مشاكل ماديه ؟؟ كيف كانت طفولة زوجك هل عانى من القسوه اختي زوجك محتاج الي علاج عند مختص عشان يعرف يسيطر على غضبه .. انا بصراحه ما الوم والدك .. لازم يسلم لك رضوه كبيره و يجيب كبار العيله عشان يعرف كيف يتعامل معك في المرات القادمه ... ويعرف قدرك و يعرف مدى غلطه .. زوج اللي جاب لنفسه الفضايح .. لا تتنازلي يا اختي .. |
لا عذر للرجل بأعذار تافهة مثل المزاج والاستيقاظ من النوم لضرب زوجته او ابنته على وجهها
مع الاعتذار زوجك مريض نفسي و ضعيف الشخصية (حسب شرحك والعهدة على كلامك) فتصرفاته تصرفات إنسان ضعيف الشخصية ويريد ان يعوض النقص الذي فيه على الضعفاء اتحدى ان يتعامل مع الرجال في الخارج كما يعاملكن في البيت ولا لكان يرجعلك كل يوم مضروب ومكسر والدك على حق ويجب ان يلتزم بتعهد للرجال وكبار العائلة بعدم تكرار هذا فلا تسكتي فستكونين شريكة له في الأثم لو حصل مكروه مادي (محتمل) لأطفالكم أو مكروه نفسي (وهذا قد حصل وسيزيد تأثيره) فاتقي الله في أولادك إذا نت لا تهتمين بنفسك فلا الشرع ولا العرف ولا العادات تسمح له بما يفعله كلامي مبني 100% على كلامك |
الله يعينك يا قلبي
بالنسبه لزوجك خلص خلي الوالد يتصرف واكيد ما راح يضرك واما البنت خذيها بالحنان ان شاء الله الاعضاء يفيدونك اكثر |
أختي معاك حق من ناحية ، إنه راح يقولوا الناس ،، هذه مسكينة زوجها يضربها
و تعرفي الحريم و كلامهم ،، يعني أنا تزوجت زوجي ، و يوم سألنا عنه ،، قالوا الناس هذه أمه يوم كانت شابة كان زوجها يضربها ( شوفي ، يوم كانت شابة من 20 و لا 30 سنة ) ------------------------------------------------------------ فالحل ، إنك تسمعي كلام أبوك ، و نفس الوقت وضحي له إنك ما تبغي الناس تتكلم عنك علشان يراعي أبوك النقطة هذه و يعرف يدخل مين من كبار العيلة زوجك يعاني من طفولته ،، أعرف حالة نفس حالة زوجك يحب يعوض النقص اللي فيه بإنه يستقوى على الضعفاء ، و راح يستمر كذا و يزيد إن ما اتخذتوا موقف و ليت يتعالج عند شيخ أو طبيب ،، و أتوقع علاج زوجك إنه تحاولي تقربيه من ربنا أكثر قلت لك أعرف شخص نفس الحالة ، و ما خفت و راحت عصبيته و مزاجه هذا غير يوم بدأ يتقرب من القرآن و بعد ما حج من سنتين ------------------------------- أما بنتك ،، ( مادري كم عمرها ؟ ) فقولي لها إنها غلطت علشان ما سمعت كلام أبوها يوم ناداها .. حتى لو أبوها عصبي ، مو حجة إنها تطنشه و تروح تلعب .. و حاولي تساعديها إنها تحاول تتقرب من أبوها ، مو تبعد عنه .. هذا أبوها مهما كان |
تصرف الوالد صحيح
أتذكر مرة قريت لعلاج ضرب الزوج انك انت ترفعي عليه شيء كأنك بتضربيه راح يبطل على طول |
كان الله غي عونك عزيزتي
والله حالة زوجك مو أسوأ من حالة زوجي عصبي جدا ويضرب لكن أنصحك بأن تخلي أبوك يتصرف لأن الأب عز يا أختي فأنا أفتقد الى الأب وأحس ان ما عندي أحد أشكي له وهذا يخلي الزوج يتمادى أكثر فأكثر، خلي والدك حماية وسند اليك لا تفكري في كلام الناس، هذي حياتك انتي وانتي وابنائك المضررين من هذا العنف، ترى الناس كل شي تتكلم عنه الزين والشين، طنشيهم. لأن هذه العنف سيولد لدى أبنائك سلوكيات عدوانية في المستقبل وهم ايضا سيتعاملون مع ابنائهم اذا كبروا بالضرب وهذا اللي انا خايفة منه مع عيالي. زوجي نفسه اعترف لي ان كان يعيش في عنف وكان يتلقى الضرب المبرح من قبل والده وأخوه الأكبر واحنا اللي قاعدين ندفع الثمن انا وابنائي. حاولي ترضينه على طول ولا تزعلينه أبدا، واذا مثل ما تقولي يقعد من النوم ومزاجه متعكر حاولي تسوي أشياء وحركات من الصبح تروق مزاجه. الله يعينك ويعيني ويهدي أزواجنا ولا يشمت بنا الأعداء |
أبد لا يهمك كلام أحد
والرجال من هذه الشاكله لا يردعه إلا حل قوي خلي أبوك يتفاهم معاه لا تتهاونين بكرامتك عز نفسك تجدها بأي حق يضربك أو يضرب بنته أو حتى يخوفكم الله يعافيه ولا يبتلينا |
اقتباس:
اقتباس:
مثلي ااحس مربط الفرس في طفولته مع العلم انه يتيم وربته امه مع اخوانه انا حاولت اكثر من مره اعرف عن طفولته عشان اقدر احلل نفسيته لكن ماقدرت غير انه مايحب يتكلم عنها ابدا وكمان نتبهت لمسئلة الضغط هو من النوع الي مايتحمل اي ضغوط اي ضغط يؤدي الي الانفجار0000 بنسبه لعمله مايخبرني ابد كتوم من هذي الناحيه اقتباس:
كل كلامك صحيح ماشاء الله 000000000 وكلامك الي ضللته اثر فيه بقوه وبالفعل من بعده مراح اهتم بكلام الناس ابد لازم احميهم اقتباس:
اقتباس:
ماراحت له بسرعه لانها خايفه منه يعني حق خمس دقايق ويوم اله لقته خرج من البيت 0000000 يااختي قلبي مايطاوعني اقربهامنه لأني احسه مريض حتى يوم جيت خارجه من البيت مسكها وقلها شفتي هذا كله الي سار منك انتي 000انتي السبب في ان امك تخرج من البيت بالله هذا تصرف انسان عاقل0000000 وانا ماعمري حاولت ابعدها عنه على كل حال000 والله يهديه ويصلحه |
اقتباس:
اشكرك يااختي والله يصلحه ويهديه [/read] اقتباس:
|
الله يعينك.. ويهدي سركم.. ويسخره لك..
وبالنسبة للضرب.. خليك بشور الوالد..نصيحة .. هو ظهرك اللي تتسندين عليه.. وبعدين وإذا تكلموا الناس!!!! الحمد لله العيب عليه هو مو عليك..!!! وعشان كذا لما تكونين بشور أبوك.. راح تصكين حلوق الناس.. برد كرامتك.. يعني ماني مطقاقة.. يوم طق , وقفته عند حده.. |
عزيزتي الله يعينك
انا كنت نفسك زوجي اي كلمه تستفزة ويقوم يضربني لكن من اربع سنوات تقريبا رجعت بيت اهلي وطلب ابوي كحل رضوة وجمعت رجال يتعهد قدامهم مايمد ايده علي مره ثانيه وصدقيني ليومي هدا ماعادها مع انه مشاكلنا كثيرة لكن ماعاد مد ايده لانهم بخافوا ينفضحوا مرة ثانية قدام الرجال اللي تعهدوا قدامهم انا زوجي تعهد انه مايمد ايده وان مد ايده اللي اني اطلب الطلاق وعليه انه يطلق ويعطيني كافة حقوقي وانا بحمد الله اني الي اب واخوان اقدر استند عليهم الله لايحرمني منهم خلي ابوك يتصرف نصيحه لاتخلي يرخص فيك وفأهلك موفقة عزيزتي تحياتي |
صحيح
لا تهمشين دور ابوك فتندمين خليه يتفاهم معاه زوجك للأسف فيه تصرفات صبيانيه مع اعتذاري للكلمه .. يمسك البنت ويقول انتي السبب ؟؟؟؟؟؟؟؟؟؟؟ وين الرجوله وتحمل الخطأ؟ خلي ابوك يتصرف واطلعي انتي من الموضوع والله يهدييييييييييييييييييييييييييييييييييييييييييه |
مستجداتي في الموضوع
ابوي راح كلم الكبار في عايلته وكلهم قالو له مالك الا اانك تروح انت وعيالك تضربونه عشان مايعيدها و يتأدب يمد يده وصدقني اذا سويتوها والله مراح نجيك ولا نكلمك00000 واحنا راح نروح له نهزئه الحين ونجيبه لك يتعذرر0000000 المشكله الحين هي فيه 000000 اشعر بذنب الشديد نحوه والانكسار وكاني انا من اخطات وليس هو لدرجة احس اني مالي وجه اقابله واني فضحته بين الرجاجيل وكسرته قدامهم بدات ائنب نفسي بانه المفروض كان اصبر واعاتبه بعد ان يهدأ لكان ذالك استر لي وله 000 لكن يو م اتذكر نظرته وانه كان ناوي يكمل ضرب شديد يبرد حرته اتراجع رغم ان شعوري بذنب لازال ولكني ارى ان فعلي صحيح 0000000000000000000 اشعر اني حطمت حياتي بيدي ونسفت كل التقدم الذي احدثته فيها اخاف ان ينتكس ويرجع شخص سىء معي رغم انه كان جيدا معي منذ شهووور لم يشفع له هذا عندما اخطىء اشعر انه حاقد علي حتى الصميم والله لااعلم هل مافعلته صحيح ام خاطىء مشاعري متضاربه والاحساس بتانيب يقتلني |
أختي
أول شئ ، تعرفي دعاء إفراج الهم ؟ ادعيه دايما ، حتى إذا رجعتي لزوجك ، إذا لاحظتي إنه بيوم قام من النوم متنكد ،، أدعي هذا الدعاء و صدقيني ، بيروح أي نكد أو هم في حياتك بإذن الله تاني شئ ، ماعرف إذا الحق معاك أو مع الوالد يمكن اللي لهم خبرة أكثر يفيدوك ، بس دايم استخيري ربنا و الله يوفقكم |
اشـوووووووووووووووووووووى الحمد لله انك ماتنازلتي وربي اني اقرا وحاطه يدي على قلبي ! اخاف تتنازلين او تحلين المشكله ودي وبسهاااااااااله مصيبـه وربي ~ بالذات الضـرب اذا توقف الرجال عند حده من اول مررررررره مستحيل يعيدها ابدا اما اذا طنشتيه وربي يدوووووسك برجله .. الا الضرب .. كل شي تتحملينه الا العنف والأهانه .. اصلا هو يوم يجي يضرب ليش ماكسرتي خاطره ليش مافكر فيك وعيـونه كلها شر ولا بعديضرب ضنـاه ويهينها ويحملها مسؤلية اخطاااااااااائه وغبائه ! شلون يبي بنته تحن عليه وتبر فيه اذا كبر ؟! والله اعرف بنـات يدعووون على ابوهم صبح ومساء بسبب ضربه لهم .. هو على باله انه يربيهم وهم يكرهوونه لدرجـة يتمنون انه يموت ؟! وش بيستفيد غير ربى عياله على الحقد والكرهه بس انتي هنا واجبـك .. تقربينها من ابووها الصراحه انا حزنت على بنتك اكثر من اي شي انتي عندك ابوك واخوانك يحمونك بس هي مسكينه ؟! اذا هذا ابوها وش تسـوي حنني قلب ابوها عليه .. دايم قوليله ان فلانـه تسأل عنك واليوم مانمامت تفكر فيه ويوم سوينا حلا شالت لك بصحن تقول هذا حق بابا ؟! زي كذا لين يحزن عليها ويحن عليها ... الله يحنن قلبه عليك وعلى عيـاله ~ :: ومن ناحيتك انتي لاااااااااااااااااتتنازلين ترا هذا حقك ومستقبلك وحق بناتك لو تنازلتي عن هالأهانه والله بتندمين بكرا اول ناس راح يوووقفون ضدك عيالك ؟! لأنهم يعرفون ان الحق كان بيدك والناس مستعدين يساعدونك وانتي تنازلتي خليك قووووووووويه وادعي الله ان ربي يلهمك القوه والصبر والشجاعه .. اذا خايفـه على مشاعر زوجك خافي اول على مشاعرك ومستقبلك معاه وعلى حيـاة اولادك هو الي جابه لنفسـه لأنه لو بعقله ورجال صاحي ماسـوى سواة الـرخـوم << مع احترامي لك لأن الي يمد يده على مـرهـ { زوجته او بناته او خواته } هذا مايعتبر رجاااااااال خليه يتأدب وخليك قويـة عين ~ من ناحية الضرب بليــــــــــــــــز ارجووووووووووووووووووووك كوني قويـه عشان اولاااااااااااادك .. لاتتنازلين عن حقوقـك .. وصدقيني هو الآن بيموووووووووت ومتأكده انه حتى النوم ماينام اول شي اخوه شافه وهو بيضربك وبالقوه هدااااه وشافووا بنتك وشافوه جنانه يعني انتي معاك الحق والكل الآن واقف ضده ... خليك صاااامده وبيتأدب وترجع حياتك مستقره ... مثل مايقولون { العـود من اول ركزه } وامشي على هالمثل ~ :: |
الحمد لله خطوة حلوة.. لكن أنتبهي تبينين له أنك حاسة بتأنيب الضمير.. أننننننننننتبهي..
وإن شاء الله إذا رجعتوا لبعض.. لا تقولين له أنا ماكان ودي أبوي يسوي كذا أو أو أو ألخ.. تراك راح تهدمين اللي بناه أبوك.. بالعكس.. قولي له حصل خير.. وأنا ماكان ودي تخلينا نوصل لهذي المواصيل.. وخلي الغلط عليه.. أنه هو السبب باللي صار.. وأنا سامحتك.. وإن شاء الله ماعاد تتكرر منك..وخليك رافعة راسك.. مو تحسسينه أنك منحرجة ومو قادرة تطالعين بوجهه!! |
8
8 8 مع كلامك مليـون بالميـه ~ |
احلاهم كفت ووفت
الله يكون بعونك |
اقتباس:
الجماعة اهلها ناوين يروحون له البيت ويضربون الريال ويكسرونه و يهينونه اشد اهانه لكي يتعدل ، واهانة الرجل وضربة في بيته كسر لا يجبر ابدا لدى الرجل . ما الفرق بين تصرفهم الطائش هذا وتصرفه المجنون ؟! مع العلم ان تصرفه جاء بلحظة غضب وقتية شديدة وان كانت بالطبع غير مبررة بينما تصرفهم ان حدث سيكون عن سابق اصرار وتصور |
ما اعتقد اهلها بيسوونها والا كان سووها من اول
اقصى شي بيسمعونه الكلام اللي قالوه اهله وتهديد جامد والا لا يا صاحبة الموضوع .. لأن لو فيه ضرب معناته ماراح تستفيدين شي ... لازم تحلون الموضوع بغير الضرب لأنه اساس المشكله |
اقتباس:
هذا الحل مرفوض فلا يمكن تصحيح الغلط بغلط اكبر منه .. ما اعتقد ان اهلك راح يعملون هذا التصرف فهو غير حضااااااري .. لكني مع كلام اختي العزيزه دانتيل و احلاهم .. كلامهم سليم .. اذا عيالك شافوك ضعيفه و ما تعرفي تدافعي عن حقوقك فانهم بكل تأكيد راح يكونوا ضعاف الشخصيه في المستقبل .. طمنينا اختي عن اخر الاخبار .. |
يا قلبي عليك اكثري من قراءه القران والاستغفار والتقرب الى الله لان بذكر الله تطمئن القلوب والله يهدي زوجك عليك امين
|
رحمت البنت مسكينة رح تجيها حال نفسية
من تجبر ابوها زوجك مريض ولازم يتعالج لارضوة ولا صلح رح ينفع معه |
يااخواني واخواتي هذا الحل راح يتبعه اهلي اذا زاد عاد الضرب00 00000
الحين راح يكتفي انه يطالب برضوه كبيره ليه بعد مايجي هو وكبار عايلته 0000000 والي كاسرني قصة كبار العايله احس فضحته وكسرته 00000 هو اصلا ماعنده ثقه في نفسه بعد هذا الموضوع ماادري كيف بيسير 0000 اناكسرته كسرته ماعاد له وجه يخرج برى لبيت او يجلس بين الرجال رافع الراس |
فضحتيـه ! انتي مافضحتيـه ياقلبي معقووله يكون عازك ورازك ومونسـك وتجيبين الفضيحه لبيتك ولزوجك ؟! الفضيحه لو جات جايـه بسببه وبسبب ضربه .. حياتي : الفضيحه الي تقولين عنها هي الي بعد الله عزوجل راح تأدبه وتخليه يفكر مليووووووووووووووووون مره قبل يمد يده عليك وعلى عيـالك ~ وش فيك ياقلبـي قوي قلبـك ولعلمك تلاقين الي فزعووله يمكن زيـه بس كل واحد مخبي مصايبه يعني ماتعتبر فضيحه عند الرجال !! اصلا الرجـال ماشين على مبـدأ { مايعيب الرجال الا جيبه } نسوا الأخلاق والـدين ~ واذا هو ماعنده ثقه بنفسه عاد مشكلته لازم انتي تحلينها معـاهـ بس اقوولك وبكل اختصار والله ثم والله ان لو طلعتي ضعيفه اول ناس راح يكرهونك هم اولادك بالذات لو انعكس ضعفك عليهم وماحسـوا انه فيه احد يدااافع عنهم لو يوم من الأيـام هالأب قام ومزاجـه معكـــــــــــــــــر !! :: ماعليـه شده وتهووون وادعي من الله ان الله يصبرك وينهي المسأله على خير ,., على فكره انا ضد تمااااااااااما ضربكم له خير وين عايشين ؟! بحلبـة مصارعه !! خطـــــأ خطـأ لاتفكرون بهالحل ابـدا ابـدا ~ وطميننـا بليز .. اميـــــــــــرات وحشتيني ~~ :o |
كلام اختي دانتيل صحيح ... دانتيل انت وحشتيني اكثر سعدت عندما شفت تواجدك في المنتدى لاني افتقدتك الفتره الماضيه .. |
الله يفرج همك ياأختي
زوجك هذا الي جابه لنفسه والرجل أذا مد يده على زوجته وماوقف عند حده بيظل طول عمره في تمادي أنتي ماغلطتي بشي وأذا كنتي ماتبي مسألة كبار العايله شوفي أبوك أذا بيرضى يكلمه ويبين له حدوده وكيف بتكون ردة زوجك الله يفرج همك ويصلح لك زوجك لاتنسي ياأختي الدعاء وكثرة الأستغفار |
| الساعة الآن 04:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©