|
زوجي ضربني وابي حل؟؟(( حُلت ولله الحمد ))
السلاااااام عليكم ورحمه الله وبركاته
قبل ثلاثه ايام صار خلااف بيني وبين زوجي وفي اليوم الذي يليه جاء يصحيني لكي اسوي الغداء وانا رفضت اصحى بسبب الخلااف اللي صاار بينا طبعا ردت فعله انه ضربني ومو اي ضرب ضرب مبرح لدرجه اني ماادي انا في حلم او حقيقه وبعدها طلبت منه يوديني ل اهلي وقال روحي وانا اللحين مجهزه اغراضي وملابسي وعااادي عنده ماله اي ردت فعل بصراحه انا ماودي عشااان اولادي لانه يقول باخذ اولادي وانتي روحي ل اهلك وانا اعرف عيالي مايقدرون يعيشون بدوني وصعبه جدا اخذهم عند اهلي يعني بختصاااار هم ضحييه بصراحه لو انه جاء لي وتأسف ووعدني مايكررها عاادي برضى مو عشااانه عشان عيالي انا اللحين على اتفاقنا بكرة بيوديني اهلي اهلي بعيد عني في مدينه ثااانيه وعلى اساس اليوم اول ايام المدرسه ولدي ماراح اليوم قال له بتدرس في مدرسه ثانيه عند اجدادك ياليييييت تفيدوني وش اسوي اصر على رائيي واروح ولا وش اسوي انا لو اروح صعبه جدا ارجع لاني بنفضح عند اهلي واهل زوجي وقرايبنا ومايحتاااج الكلاام والسوالف ساااااعدوني تكفووون وش اسوي؟؟؟؟؟؟؟؟ |
الله يعينج اختي انتي تقولين ضربك ضرب مبرح ولا انهز له رمش ولا فكرحتى يعتذر انتي ليش خايفه هو الي غلطان والمفروض انه يخاف عيالك ما يقدرون يعيشون من دونك هذا من مصلحتك لانه بيكونون وسيلة ضغط عليه هذا الشي ما ينسكت عنه خليه يدرون اهلك واهله الفضيحه له مو لك انتي الضحيه روحي كلميه بقلب قوي اممممممم شوفي حبيبتي اذا انتي ضعيفه عمر زوجك ما يحترمك انا ما اقصد كوني ملسونه كوني قويه لا تسكتين عن كرامتك وعن حقك والله العظيم مقهوره عيكي انتي المضروبه والمنهانه وكمان شايله همه وهم عياله ترى له فيهم مثل الي لك وهو عارف ومتاكد انك مستحيل تخلينهم عشان كذا يضغط عليكي لاكن اذا وريتيه العين الحمرا قوليله انا اولا ارتاح بعدين ادور راحة عيالي راح يفكر الف مره قبل لا يجرح مشاعرك هذا مو كلامي ادخلي على قوقل واكتب ناعمه الهاشمي واقري مقالاتها ومقال سبعه اسرار لحياة زوجيه سعيده وبعد مقالات نوره الصفيري يبغالش تقوين نفسك من الداخل والله يوفقك وطمنينا.
|
لا تروحي طبعاً من خرج من داره ياأختي ... !!!!ومشوار بكرة سوي نفسك مصدعة تعبانة ... اي شي وتاني يوم زي كدا إلين يهدأ الجو وبعدين انت وشطارتك طبعا الضرب بسبب الزعل أصلاً مش دايما صح؟؟ كتير حالات طلاق تبدأ بخروج ولكن خروج بلا رجعة تكبر في راسك وراسه وأهلك وشغله طويلة خذي موقف منه وحاولي تتحيني فرصة وتخليه يعتذر ...أحيانا إحنا نزعل ما نترك لهم مجال يراضونا |
تسلمين اختي على ردك ودعواتك
انا شخصيتي مو ضعيفه بالعكس اخذ حقى وزياااده بس دائما سبب مشاكلنا هو عصبي وانا عناااديه الشي اللي خايفه عليه عيالي انا مااقدر على فرقاهم وهو يشوف انهم الشي اللي يضغطي عليه فيه اذا صارت مشكله قال روحي اهلك وانا اخذ عياااالي حسبي الله عليه طووول الدنيا وعرضها والله العظيم اللحين ددموعي مغرقه خدي مااابي فرقا عيالي ولو اقوله هذا الكلااام بيقوى علي ودائما بيهددني فيهم ياليت توجهوني بسرعه لان على كلااامه بكره الظهر بنمشي ل اهلي والله يجزاكم كل خيير |
خلاص اختي طالما اعترفتي بنفسك ان ذهابك لاهلك ماوراه الا الفضايح وانتشار المشكلة وتكبيرها وانتي ما هتستفيدي شي والادهى والامر انك هتكوني بعيدة عن اولادك فما تروحي وخليك ببيتك ومع اولادك
وزعل زوجك يعتمد على اساس المشكلة اللي سبقت الضرب بأيام من السبب فيها ؟ ومن المخطئ فيها بحق الاخر ؟ وهل هذا طبعه دائمآ ام انها اول مرة ؟ ارى ان تتغاضي عن الخلاف من اجل اولادك كما تفضلتي لان ذهابك لاهلك نتائجه لا يعلمها الا الله متى ستنتهي المشكلة والى ماذا ستنتهي والخاسر الاولادك تشتت وانعدام التركيز بالدراسة وانعدام الاستقرار والحل ليس بذهابك لاهلك بل بمعرفة سبب الخلاف الجذري وحله وتفاديه مستقبلآ وليس بالهروب بالنوم وتحاشي النقاش مع الطرف الاخر للوصول لنتيجة مرضية لطرفين عمر الهروب وتفادي النقاش وعدم فتح حوار لحل الخلاف القائم عمره ما كان حل ابدآ اهدئي وابقي ببيتك محفوظة وتعوذي من الشيطان وحاولي تجلسي مع زوجك لحل اساس الخلاف والعمل على عدم تكراره ولا شك ان ما بدر من زوجك شئ مؤلم لكن لابد من حل اساس المشكلة التي ادت لذلك الفعل وخاصة ان الزوجة تعرف طباع زوجها وما الشئ الذي يؤدي لانفلات اعصابه وشعوره وتصرفه بهذا الشكل |
الله يسير امورك ويعينك يارب على ماابتلاكى
|
اقتباس:
لاني مااحب انفضح عند الملاء وبعدها ارجع بالساهل وهذا الشي اللي بوصله له اليوم لو اطلع من بيتي مستحييل ارجع له مرره ثانيه |
اقتباس:
انا ودي اجلس بس احس كرامتي في الحطيط يعني هو اللي يغلط وعاادي عنده ومايعتذر لا ويقرر بكره بوديك ل اهلك |
اقتباس:
لازم تمتصي غضب زوجك وعصبيته . والطريقة هي بالتزامك الصمت والهدوء التام اثناء فورانه حتى لو كان هو المخطئ ومهما تفوه بأي الفاظ حتى ينتهي تمامآ ومع الوقت سيشعر ان غضبه غير مبرر لانه يقابل بهدوءك وصبرك وسيقل مع الوقت حتى يختفي لان غضب الرجل يزيد ويتضاعف لاقصى درجة ممكنة لو قوبل بعناد الطرف الاخر ومبادلته الغضب بغضب مثله حاولي تمسكي اعصابك وهدوءك وقت فورانه حتى يهدأ ولازم تعرفي لو كان هذا طبعه يبغاله صبر ومسايسة منكي حتى تمر الامور على سلام وامسكي انتي زمام الامور بهدوءك وحكمتك لا بذهابك لاهلك وتكبير الخلاف الى ماشاء الله الامور اهون من ذلك بكثييير يبيله صبر وحكمة وهدوء منك وخبرة بالتعامل مع طباع زوجك غاليتي |
اقتباس:
|
الله يهون عليكي ويستر عليكي وعلينا
نصيحة اخت لا تروحي لا تطلعي من بيتك سمعتي بيتك لا تروحي مكان وهدي نفسك وقومي بواجبك اتجاه زوجك الحين هوه معصب وعنده عادي ردة فعل طبيعيه كم يوم وبيهدى الوضع بس اصبري لا تطلعي من بيتك رجعي اغراضك مكانها وصبري يا قلبي اصصصصصصصصصصصصصصصببببببببري والصبر مفتاح الفرج |
الله يفرج كربتك
هو اول مره يضربك؟ انا رايي انه ماتطاعي من بيتك مثلي عليه انك دختي عشان يرحمك مادري صراحة ودي افيدك تقطع قلبي عشانك بس صدقيني شكل زوجك لو تطلعين لو تقعدين سنه مارجعك كثيييييييير تهورو طلعو من بيوتهم وصارو معلقات لا تطلعي لاتطلعي لاتطلعي |
اقتباس:
بحاااول اصبر مع العلم اني اذا تذكرت ذاك اليوم اقول بروح اليوم قبل بكرة |
اقتباس:
وتسلمين حبيبتي على ردك وتعاطفك معاي |
اقتباس:
سوي كذا عشان يرحمك وما تروحين لكن اذا هدت الامور اتكلمي معاه وحلو مشكلتكم وتعهديه مايعودها |
اقتباس:
وهو اول مره يضربني وتسلمين قلبي على تعاطفك معااي |
انا مثلت عليه ورحت للمستشفى على اساس يدي تعورني وعااادي ماعنده لامابلاه
عاارف اني امثل مع العلم والله تعورني ومبين فيها علاماات |
اقتباس:
وفكري بالاشياء الحلوه بينكم وقولي لنفسك عادي ضربني وين المشكله ترى مشكلتك بسيطه ان شاء الله اصبري خليكي اقوى من الشيطان لا تطلعي من بيتك استغفري ربك وصلي وكل ما تفكري بالموضوع افرشي السجاده وقولي يا رب |
اقتباس:
انا ظروف مثل ظروفك انا ماني عند اهلي انا في مدينه ثانيه واعتبر نفسي في غربه مااعرف احد وصابره ومتحمله عشااان الحياه تمشي مع العلم مهملني ودائما طالع برا البيت ومونس نفسه واقول عاادي كل الرجال كذا بس الله يعين ياااارب |
اقتباس:
صدقي اليوم غير بكره ان شاء الله بكره احسن خليكي واثقه تسبحي والبسي وحطي مكياج وخليكي عادي يالله قومي لا تتمي جالسه وحطي عطر ولاعبي اولادك وخذي الوضع عادي ولا تكلميه واذا طلب منك شي سوي وانتي ساكته بس يا قلبي قومي الله بيفرج كل شي |
اقتباس:
والف الف شكر لك قلبي |
يهددك بأولادك.ماهذه الطريقة الرخيصة في الإبتزاز؟
إن شاء الله خير. |
كلمي اهلك وشاوريهم اذاهذي اول مره يمد يده عليك...بالتوفيق...
|
يا اختي الله يهديك و يهدي زوجك .. كل بيت لا يخلو من المشاكل .. لكن الفرق ان هناك من يعرف كيف يتصرف و يحل المشكله و هناك من لا يعرف كيف يتعامل مع المشكله فتتدمر حياته .. يا اختي ازعلي من زوجك و لكن ليكن زعلك على سنع على ذكاء مو على غباء و عذرا على اللفظ بصراحه انا ارتفع ضغطي من كلامك فكيف بزوجك .. يا اختي اذا زعلتي على زوجك مو معناته انك لا تقومي بواجباته و تنامي و لا تطبخي له الغداء لا و تعاندي كمان .. زوجك اول مره يضربك وواضح من ضربه المبرح لك انه مشحووووووووووووون قلبه عليك .. واضح ان فيه تراكمات بينكم مو عارفين كيف تحلوها ... اصلا وقت الزعل لا تعطي زوجك اي فرصه ليمسك عليك اي مستمسك .. قومي بواجباته على اكمل وجه و احترميه و لا تنظري له بنظرات تحدي و استخفاف .. ازعلي ولكن ليكن زعلك زعل انثى مو زعل امرأه جاااافه ... لا تتناطحي مع زوجك ... اذا زعلتي زعل الانثى الرقيقه و قمتي بواجباتك على اكمل وجه و اجتهدي في ذلك فان ذلك يكسر عين زوجك و يحنن قلبه عليك فيسامحك .. خليك ذكيه يا اختي ... انت و زوجك مو ناضجين و لازم تعيدوا برمجة حياتكم من جديد يا اختي اجلسي مع نفسك و شوفي اين الخلل في علاقتك مع زوجك .. هل تحترمي زوجك و تعملي له حساب .. هل زوجك يحترمك او لا ؟؟ اختي ما يسوى الفضيحه بين اهلك و اهله .. من رأيي انك ترجعي اغراضك و تعتذري لزوجك و بلاش من التمثيليات المكشوفه .. و اعيدي ترتيب حياتك او انك راح تتعبي طووول عمرك .. |
اقتباس:
كنت بدي اكتب نفس الكلام شكرا لك أميرات يا أختي لما يعصب زوجك تصرفي كزوجة مثالية و لا تتركي له أي مجال يلومك و تطلعي الغلطانة بنظره و خصوصا انه زوجك عصبي كتير والانسان لما يعصب بشدة ما بملك السيطرة على نفسه و المفروض التعامل معه بحذر (معاملة خاصة) لأنه مافي كتير فرق بين الغاضب غضب شديد و الفاقد لعقله صحيح انه المفروض ما يمد ايده عليكي لكن انتي تصرفتي بطريقة اللي بكب الزيت ع النار الله يصلحه و يهديه لا تتركي اطفالك لأنه ممكن لو رحتي يضربهم لأنه سيكون غاضب أكثر و أكثر افتحي صفحة جديدة بنفسية جديدة ولا تكرري غلطتك و لما يضربك و انتي مو عاملة أي ذنب وقتها ممكن تروحي لأهلك لأنه سيكون مدان بكل الأحوال موفقة |
اقتباس:
بس اذا طلب منك شي سوي وعادي:rolleyes: وبكره اذا جاه بيوديكي عند اهلك قولي ما ابي اروح:( واذا قالك ليش قوليله ما لي نفس اطلع من بيتي الحين او تعبانه المهم لا تروحي وصدقي اذا شافك كذا بينقهر:19: بيتم زعلان يوم يومين الله اعلم بس راح يندم صدقي :o بس اصبري وانبسطي مع اولادك:15::17::23::17::15: |
الله يهديك
انتي الي جبتيها لنفسك عندتي والحين تدورين لحل اختي خذيها درس طول عمرك الله يصلح شانكم |
انا ماألومك وربي هو غلطان وبالمره بس انتي خليك أكبر واعقل منه
ولا تمشوري نفسك وبالنهاية تروحي لأهلك ومعروف اهالينا بيستقبلونا كم من شهر وبعدين تبدء التعليقات الغير مباشرة صراحه شي يقهر وانصحك تاخذي بنصيحة العضوات إلي قبلي جزاهم الله خير |
انا معاكي انتي لوطلعتي من بيتك صعب ترجعين وانا مجربه انضربت ووداني بيت اهلي ومع تدخلات الاهل والناس اصبحت مطلقه عشان كده لا تطلعين وقولي له هذا بيتي وبيت عيالي وبجلس عشانهم معليش اضغطي على نفسك ووقومي بيتك وبعيالك وواجباته وطنشيه خليه لاتكلميه حتى لو استفزك لا تجادليه محد يدري وش يصير خلي الامور تهدأ وبعدين راح تنحل مع الوقت بس وتصرفي معه بذكاء خليه يحس انه الضرب شي مو سهل ومو مقبول والله ييسر امرك ويهدي لك زوجك ويصلح بينكم ا |
الف شكرا لكل من رد على موضوعي واختي بردانه لك الفضل بعد الله في حل مشكلتي
اليوم جاء وراضاني واعترف بغلطته ووداني للمول واخذ لي هدايا ووعدني ماراح تتكرر واختي اميرات انا مو من اللي ذكرتي في مشاركتك انا ولله الحمد ذكيه وهو معترف بها الشي يعني اذا هو عصبي يغلط علي وانا اتحمل عشانه عصبي طيب انا حساسه ليش هو مايقول ماراح اجرحها وهي حساسه صح انا عاندته بس على اثر نقااش صار قبل المشكله \\بس مشاركتك قهرتني زياده لاني مااحب احد يلومني وهو مغلوط في حقي الف شكر لك مسك2009 وماقصرتي اختي الله يعوظني |
اقتباس:
كنت متابعه لموضوعك وكنت أشوف ردود الأخوات ماشاء الله ماقصروا ربنا يسعدهم ويوفقهم ويسهل أمورهم ويجمعنا سوياً في جنات النعيم حبيبتي نصيحه من أخت لك في الله لاتعاندي زوجك مهما كان ..الزوج العصبي تركه أفضل من عنادو خليكي عاقله ياقمر ولاتخلي أو لاد ك يدفعوا الثمن ويكونوا ضحيه وحطي ببالك إنو الشيطان حريص على هدم البيوت فلاتخلي له سبيل عليكم ..شوفي ماأمدح نفسي أحياناً زوجي من عصبيته ووقت الخلاف يقولي إنتي حماره ماتفهمي ..أطنشه ويكررها إنتي حماره أقوله طيب ماشي أنا حمارتين ماني حماره وحده إيش أعمله يقول كلام بدون وعي وبعدين والله يخجل من نفسه ويسكت ويبعد عني أو يخرج من البيت ويرجع ولاكإنه سب أو شتم ..طبعاً أنا أجلس أدعي الله وقت غيابه ..إنو الله يهديه ويصرف عني شره ويهدي سرنا وبالنا الله يخليكي لزوجك ولعيالك وبطلي عناااد لو هو عصبي أبعدي عنه ..ولاتتناقشي معاه نهائي وبعدين وهو هادئ قولي اللي بقلبك وبهدوء ..بطريقه مناقشه ومفاهمه ماهو طريقة لوم وعتاب .. وتاني شئ لو حصل خلاف خليكي عاديه قومي نظفي بيتك أطبخي ..رتبي نفسك أهتمي بكل شئ حتى هو إهتمي فيه وصدقيني راح يندم ..لكن إنتبهي من نقطه مهمه لاتخليه يكرر ضربك مره تانيه يعني أسباب المشكله القديمه إبعدي عنها حتى لايضربك والله يوفقكم يارب |
عزيزتي مش مجرد علام رح اقولك سر بس احتفظي بي لنفسك لا تقولي لزوجك طيب اسمعي تقولي دايما يهددك يوديك عند اهلك ورح يا خد العيال هوا يعرف نقطة ضعفك في بعدك عن عيالك وما رح تتحملي بعدهم فبتالي هوا ما يقدر على بعدك فيربط العائله كلها ببعض فهمتي تعرفي ليش يسوي كدا عشان يحبك بس ايش نسوي حب الرجال قاسي بالفعل مو بالقول انا لا الومك ولا الومه وقت الغب الله يبرد القلوب دحين عرفتي سر حبه لك وبعدين اتذكري المثل (ضرب الحبيب زي اكل الزبيب ) هههههه اسالي الله ان يهدي واكثري من الاستغفار تقبلي تحياتي
|
الف شكر لك اختي حلم الامومه
مشكله زوجي مايعبر عن حبه وممكن هذا اسلوب من اساليبه بس بعدين يقول لي انا مااقدر على فرقاك ومن ها الكلااام بس انا مرات ابين له انه عاادي خذ اولادك صح مو من قلبي بس عشاان مايكرر لي التهديد مشكوره على مرورك وتعليقك |
مشكوره اختي روعه على مرورك وتعليقك
الله يسعدك ويرزقك رزق من عنده اسعدني ردك وكلامك |
ضرب الحبيب مثل اكل الزبيب اعطي نفسك شوية وقت وراح ترجع المياه لمجاريه ولاتتهورين فكري باولادك لاتفكري بنفسك وبس
|
مشكوره اختي ضوء القمر على المرور
والحمدلله اليوم امورنا حلوه وكل شي كويس وانا ياقلبي تفكيري كله في اولادي مو بنفسي والله حرااام احرمهم يعيشون بعيد عني والله تحملت ودست على كرامتي عشانهم بس ان شاء الله ماتتكرر |
اقتباس:
قاسي وحبهم فعل وليس قول ..شوفي أنا لي تقريباً عشرين سنه متزوجه وزوجي أحياناً يقولي أوديكي لأهلك وربي أطنشه وفي نفس الوقت ماأبين له إني خايفه من هاد الشئ ..ماأكذب عليكي أنا ماأبغى أرجع لأهلي وأترك عيالي خاصة إنو عندي عيال مراهقين ..ومحتاجين لي بعد الله عزوجل ..ومحتاجين لأبوهم ورعايته عشان كدا لما يقولي هادي الكلمه ماكإني سمعت شئ والله على طول أدعي ربنا إنو يهديه وأتحرى أوقات الإجابه ...وغير إني أستغفرالله كتير وأقول أعوذ بالله من الشيطان داسم الرجيم لأن هادا الشيطان هو اللي يحرش بين المتزوجين حتى يهدم البيوت ..قل ربي أعوذ بك من همزات الشياطين وأعوذ بك ربي أن يحضرون ..برضو هادي الأيه ردديها كتير الله يوفقك ويسعدك دنيا وآخره... |
حبيبتي الشكر كله لله وانتي ما شاء الله عليك ذكيه
اهم شي اذا شفتي زوجك متظايقك خلاص تجاهلي ولا تقعدي تعانديه والله يوفقك يا قلبي |
الحمد لله .... والله كنت متأثره بموضووعك ...
|
حبيبتي روعه وربي انك روعه في كل شي
الله يكملك بعقلك ويصلح الاحوال ويسعدك يااااارب .................................................. .. الف شكر لك بردانه وربي البارحه دعيت لك من قلب الله يوفقك ويرزقك حبيبتي |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©