|
أرسلت بنتي لأبوها وانهيت حياتي...((حُلت ولله الحمد ))
مساء الخير
اخباركم بنات ابي استشيركم انا زعلانة عند اهلي صارلي شهرين ولاجاء زوجي ولا رضاني بس بتلفون يكلمني وقولي ارجعي وهو طردني من البيت علشان تهاوشت انا وسلفتي اللي هي حرمت اخوة وهي الغلطانة بس صرت انا الضحية انا وبنتي واليوم تهاوشت معة بتلفون وحسيتة انة مو راضي يستوعب انة لازم يجي عند ابوي ويستسمح منة والحين وديتلة بنته وقلت انت ربها انا ماني مسؤلة منها وللمعلومية ان من لرحت عند اهلي مايرسل مصرف ولاشي مو شاطر الابرسايل اخر الليل وماني عارفة اللي سويتة صح اولا..... والحين صار يرسلي يستفزني ان أم قاسية قلب وان بنتي ما درت عني وهو اصلا سويت معة كل الحلول بس هو رافض يبني ارجع انا من نفسي حتى اخوي راحله وكلمة وهو تكبر يحسبنا تنازلنا ويضغط علي ايش اسوي................................... |
اختي ياريت توضحين التفاصيل أكثر حتى نفهم ملابسات المشكلة ومن تم نستطيع مساعدتك
فالسطور التي كتبتها لا تبين من هو المخطئ وبالتالي لا يمكننا الحكم ان كان تصرفك صحيحا ام لا وياريت توضحين اذا كانت توجد مشاكل بينك وبين زوجك من قبل ؟؟؟ وخلال الشهرين الم تصلا الى حل يرضي الطرفين ؟؟؟ وماذا تقصدين بمسجات اخر الليل؟؟؟ هل كان يعتذر لك ويبين لك ندمه ام يبين لك اشتياقه لعودتك أم يؤنبك ويهددك؟؟ ارجو ان تكون الصورة واضحة حتى نفهم ماهو الذي دفعكما انتما الاتنان للوصول الى هذا الوضوع |
اختي الله يهديك كيف طاوعك قلبك ترسلي بنتك لابوها ؟؟!! وش الهدف من ذلك تبغي تضغطي عليه بالبنت ؟؟ طيب لو ركب راسه و حرمك من بنتك ؟؟ حينها سوف تركعين عند رجله عشان تشوفين بنتك ... سؤالي هل هو اللي طردك ام انت اللي ذهبتي لبيت اهلك من نفسك فهناك فرق .. بعدين تخربي حياتك عشان سلفتك ؟؟ سلفتك الحين جالسه في حضن زوجها وانت اللي حياتك على المحك .. كل ما طالت مدة جلوسك بيت اهلك زادت الفجوه بينك و بين زوجك و عشان ايش عشان سلفتك .. كبري عقلك يا اختي .. اتصلي على زوجك و تفاهمي معه و حلي الموضوع بدون ما تخسري حياتك .. وخليك ذكيه و اعرفي كيف تتعاملي مع سلفتك و لا تعطيها فرصه انها تستفزك و تخرب بيتك .. و مشاكلك مع سلفتك حاولي انك ما تخبري زوجك عنها خاصه اذا كان زوجك من النوع اللي يتدخل في مثل هذه الامور و يعمل من الحبه قبه و يرسلك لبيت اهلك .. |
لم تكن بيننا مشاكل وكنا متفاهمين ان بعد سنة نطلع بيت بس صارت مشكلة بيت وانا صرت الضحية وهو اللي طلعني من البيت وبنته لما وديته مو بس علشان اكسرة لانة دخل نفسة بمشكلة وحماي مادخل نفسة بالعكس كان يدافع عنها وخلال الشهرين كان يرسلي يعني كان يبينلي انة يبيني بس اجي عند الباب اجي اخذك وقلتلها تعال عند ابوي انت اهنتن قدام اهلك وطرتني يقول عادي قلت اعطني ارضاوة علشان ارجع يقول ماعندي وماعطيك احس اني اجية يمين يجيني يسار واهله يقول لا تقون عينة علينا
|
والله إنتي الخسرانه بالأخير
تتضاربي مع سلفتك وتخرجي من بيتك ؟ماتدري إن سلفتك ماهمها هادا الشئ ؟؟ قد يكون زوجك أخاصم معاكِ عشان موضوع سلفتك لأنو بالأصل مايبغى يكبرالأمور ..وإنتي أخذتي الموضوع بحساسيه وطلعتي من البيت بدون سبب وليه لازم زوجك يعتذرمنك ياأختي غلط إن الحرمه تطلع من بيتها ؟؟لأنو صعب ترجع له ؟؟ وزدتي الطينه بله وأرسلتي بنتك ؟؟ زوجك صادق إنك ذات قلب قاسي ؟؟ لاتزعلي من صراحتي إنتي الغلطانه إتصلي على زوجك وأتفاهمي معاه وخلي بنتك وزوجك بحضنك ولاتحاولي تطلعي من البيت تاني مره الله يهديكِ ويهدي سركم يارب |
ياليل السـلايف ومصايبهم ~ حيالله سلفه بالله وش المشكله الي خلتك تخسرين بيتك وزوجـك !! ننتظر تفاصيل المشكله :: |
احـــــــــــــــــــن قلب ,,,,,,كثري منها
ياقوي قلبك بنت عمرها شهرين وارسلتيها لأبوها ....... خربتي بيتك وحياتك ...عشان سلفتك !!!! طيب وبعدين ..... كبري عقلك وارجعي لزوجك والله ماأخرب حياتي عشان تفاهات نسوان تلاقينها ميته من الفرح والضحك عليك ..... ايش تقصدين رسايل آخر الليل ياليت توضحين ؟ |
أختي الفاضلة أحن قلب
اسال الله أن يفرج همك ويكشف عنك كل حزن، لا تجعلي الأمور تصل إلى طريق مغلق برجل بطبعة هكذا لا يحب التنازل، ومن أجل أبنتك قدمي أنتي بعض التنازلت من أجل أن ترجع المياة إلى مجاريها ليس من أجلك أو أجل زوجك لا والله بل من أجل أبنتك، ولا تجعلي الأمور تطول أكثر فبعدها يكون الحل صعب لان القلوب تمتلء، وأحذري كل الحذر أن تطلبي الطلاق، حاولي أن تدخلي أي أحد من أهلك من أجل الأصلاح، وفقك الله وسدد على طريق الخير خطاك، |
ارسالك لبنتك خرب عليك
وينك عن الحريم اللي يقطعون قلوبهم ولا يفقدون عيالهم ؟ وبالأخص البنات هالحركه مسيئه لك جدااااااااا لأنه بينت قد ايش انتي مو ناضجه لأن مافيه ام تتخلى عن ضناها لو ايش تخيلي زوجك فجأه قط عليك البنت قال مالي خص فيها وش بتقولين؟ هو هذا اللي الحين ينقال عنك وبعدين زي ما الجميع قال تخربين بيتك عشان حرمه ؟ وهذا هي جالسه في حضن زوجها ومرتاحه وانتي جالسه تاكلين في نفسك وطيرتي بنتك و بعيده عن زوجك يا عزيزتي غلط فادح اللي صار ويوم طردك كان قلتي هذا بيتي ما اطلع اللي مو عاجبه هو يطلع لأن مرده يهدا وهذا انتي قلتي يبيك يعني كانت فوره وتروح ولا تكونين شمتي العدوان فيك ودمرتي حياتك .. و كملتيها بإرسال بنتك!!!!!!!!!!!!!! الحين مين عندها ؟ مين ينتبه لها يأكلها يشربها يحن عليها يحافظ عليها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بعد ارسالك لبنتك حرقتي جميع اوراقك الرابحه رأيي دقي عليه وقولي تعال والله يخزي الشيطان |
اقتباس:
وش دخل ابوك بالموضوع يجي يستسمح منه أبوك ماله علاقة كلميه بس وارجعي له واشرحي له اللي حصل وقولي له هذا اخوك ماسوى في زوجته مثل ما سويت فيني ودمعتين وانتوا بالسيارة واول ما توصلين البيت بيحب راسك ويراضيك بإذن الله |
لاوالمشكله كاتبه احن قلب
وين الحنيه وانتي تركتي بنتك وهي صغيره |
أختي برأيك اذا كلمكي زوجك قوليله لازم نتقابل عشان نحل المشكلة ، واذهبوا الى اي مكان مطعم او شي
وكوني مؤدبة ومحترمة وخليه يندم على تصرفه الأهوج من دون ما تذلينه استسمح من خالي والا من جدي والا من ابوي وارجعي لبيتك ...... ولا تسمحين مثل هالمشاكل تأثر عل ى استقرار الأسرة يعني تفاهة تهدمون بيتكم عشان مشكلة مع كنة شكلكم ماشفتوا المشاكل الكبيرة |
سبحان الله العظيم
احمدي ربك |
السلام عليكم
انا رايي من رايي اختي العقيلات ... وبعدين الوحدة ماتقول عطني رضاوة ... ممكن تلمحين له بس ماتقولينها بالصريح .. بقولك قصة واحد اعرفه هو وزوجته مشكلة سخيفة مرررررة ... قامت راحت لبيت اهلها وتركت ولدها عنده وعمره ثلاث شهور ... الرجال كبرت في راسه وخلا ولده عند امه وتدخلوا اخوانه وفي شهرين بس زوجوه اخوانه والله هم اللي دفعوا المهر والحين هو متزوج من سنين ومبسوط مع الثانية بس هو متحسف على طلاقه للاولى وهي برضو متحسفة ... فالمفروض تهدي الموضوع بينك وبينه الله يوفقكم |
اقتباس:
لاتزيدون عليها هي ام وحاسه في ضناها بس يمكن من باب انه ترجعه لها بس هو اسلوب خطاء اختي احن قلب انا قبل ايام صارت لي مشاكل مع زوجي وصلت لضرب وروحي شوفي موضوعي انا هددته اني اترك البيت بس ماقدرت لانه بيحرمني من عيالي واذا طلعت من بيتي والكل عرف بالمشكله صعبه ارجع مره ثانيه اختي حاااولي تهدين الامور ارسلي له رساله فيها شوق لبنتك وله وانه لازم نتفاهم لان بهذا الشي ماراح تستفيدين شي اذا هو شد وانتي شديتي بينقطع الحبل اذا هو شد انتي ارخي وبعدين سلفتك هذي لاتدخلين معاها بمواضيع خاااصه خلي علاقتك معاها رسميه لان ماوراهن الا وجع الراس الا ماقل الله يهدي امورك ويوسع عليك من عنده ويجمعك ببنتك اميييييين يارب العااالمين ولاتنتظرين تقولين اللين يجي ويتأسف لا بادري انتي وبعدين فهميه قولي هذا مو ضعف مني بل قووه لاني شاريه حياتي وقبل كل شي بنتي وطمنينا عليك اختي |
.. عزيزتي .. طردك زوجك من جنتك !! وبيتك وعشك !!
لكن ما ذنب الصغيره !! لما طردتيها من حبك وحنانك وحضنك؟؟ ..عزيزتي لا نعالج الخطا بالخطا .. .. زوجك غلط عليك .. كان عليه من الاساس ان لا يتدخل بسوالف الحريم .. .. وكان عليه ان يتفاهم معك في بيتكم ولوحدكم ويبين لك الخطأ والصح .. لا ان يطردك !! انتي وصغيرتكما ؟؟؟ .. وكان عليك لا تفرصي على زوجك نوع الاعتذار .. يعني مو من المفروض تقول له , انه يجي عندكم ويعتذر من الوالد الله يخليه لكم .. السالفه كلها بينك وبينه صح .. يعني الاعتذار بيكون لك انتي فقط ,, وليس لأهلك .. .. عزيزتي .. مادام زوجك يتصل عليكي ويسئل فهذا دليل على ندمه , لكنك فرضتي عليه نوع الاعتذار .. لذلك هو يعاند ويكابر .. .. لذلك أتركيه يهدا ويقرر كيف يعتذر .. وانتظري اتصاله .. واخبريه أنك مستعده للتفاهم .. وتفاهمي معه , وكلميه بهدوء .. وبيني أنك يجب ان تكوني عزيزه وغاليه عنده .. وانه ارتكب خطأ اكبر من خطأك .. وانك معترفه بخطئك .. لكنك محرجه جدا من اهله , وكيف أنه قام بطردك من البيت واهانك على مرأى ومسمع منهم .. وانك تخجلين من مواجهتهم , عندها ستفهم خطأه , وسيحاول ان يرجعك للبيت معززه مكرمه .. .. وان شاء الله .. ستتوصلان لحل .. .. والله يهديكم .. لاتهدمي بيتك بيدك .. وبعدها تجلسين تبكين وتندمين .. |
حبيبتي النساء يتحملوووووووووووووون المررر عشان عيالهم وانتي مرسله بنتك تقوولين ربها وانت المسوؤل عنها ؟؟؟ مااقول غير الله يصلح حالك ياااااارب وترجعين لبنتك ... مو ترجعلك لانك احلمي يرجعها لك ......
|
وينك يااحن قلب ردي علينا طمنينا
فيه مستجدات ولو مافيه بادري حبيبتي |
اختي سؤال عابر انتي حاطه مشكلتك في منتدى اخر لاني قريت نفس القصه امس بالحرف مافيها ولاكلمه مختلفه
|
في كل الاحوال لا يجب ان تدخل البنت في الخلاف بينكو ولا تدخل دائرة الصراع ولا تكون ورقة ضغط عليه
كيف طاوعك قلب؟؟؟ البنت مهما كانت صغيرة اكيد حست انو غير مرغوب فيها وقاعدة زي الكورة تترمى هون وهناك ثم انو الوحدة تخرب حياتها عشان خلاف خاص مع زوجها اشي ممكن نتفهمه كون يمس ويخص علاقتكو لكن تخربي حياتك وتعقدي بنتك عشان خلاف جاي من طرف تالت مجرد سلفتك الي لو طرتي ولا نزلتي مو فارقة معها ويمكن فرحانة وحاسة بالانتصار يعني انا بزعل لما اشوف بيوت تنهدم بس بزعل اكتر بكتير لما اشوف انو الهدم بيجي من الخارج مو من الداخل المشكلة انت ارسلتي بنتك وقاعدة تنتظري مفكرة هيك ضغطتي عزوجك بالعكس يمكن يستخدم هاي النقطة ضدك لو تطور الخلاف بينكو وياخدها منك لو طلقك وثقي تماما بالغالب ماحيجي يراضيكي وتطنيشو حيزيد مازلت متعجبة كيف عملتي هيك مع بنتك المسكينة برايي ارجعي من نفسك ولمي اسرتك وبيتك وبنتك حرام نفسيتها ماعمرك تحسسيها بشي زي هيك وتفاهمي مع زوجك اختصري الموضوع لانو مو شايفة انو انت الي بتخسري وبنتك زوجك باينو مطنش في كل الاحوال او بالاحرى اسلوبك معاه مانفع كان لازم اسلوب مختلف ارجعي البيت وازعلي هناك براحتك وقولي انا رجعت عشان خاطر بنتي مابدي تخرب حياتها بسبب خلاف من سلفتي وسدقيني يااختي حرام وخسارة و مصيبة تخربي حياتك بسبب طرفف غير زوجك وغيرك |
عفوا الان شفت عمر البنت شهرين
ياوييييييييييلك حرام عليكي لسة بترضع حراااااااااااااااااااااام تحرميها من صدرك وحنانك والله قطعتي قلبي عليها شو حيعمل فيها زوجك بالله البنت حتتاثر ولو عمرها شهرين عفكرة ولو طولتي الغيبة حتنساكي وتعاملك كغريبة معلش بس قلبك قاسي عنجد |
الله يفرج همك ويسخرلك زوجك
|
مساء الخير اشكركم على الردود
واخر التطورات قالي زوجي راح يحطلي بيت بس بشرط اني اما ازور اهلي لمدة ست شهور او ترجعين الى نفس البيت واكيد راح ترجع المشاكل مثل اول شرايكم بالي تقرونة لاني بصراحة ماني مصدقة معقولة يكون تفكير زوجي كذا لانة طيب بس ما ادري وش اقول الله يسخرة لي قولو امين......................................... |
انتي وافقي ومستحيييييييييييييييل يمنعك انك تجلسين سته شهور ماشفتي اهلك اكيد بتصير مناسبات وتتغير الامور
اعقلي اختي وارجعي لزوجك وبنتك حراااااااااام وربي افكر فيها الله يهديك ويستر عليك وييسر امورك |
يابنت الناس وافقي وأرجعي لبيتك وبنتك ..كبري مخك الله يسعدك وأكسبي رضى الله ثم رضى زوجك وصدقيني هو راح يحس ويحن عليكي ويقولك روحي لأهلك تراهم إشتاقوا لك ... بس هما كدا الرجال ياحبهم في السيطره وفرض شخصيتهم القويه علينا :23: وشوفي ياقمر خذيها مني كلمه بعض الرجال يحب يفرض كلمته حتى لو خطأ ..ويبين إنو رجال وله كلمه على الكل :21: وفي مثل يقول (( الحكم فرحه لو على فرخه )) :30: <<< خبره في الحياه الزوجيه من كتر ماصار لي :25: لاتعاندي معاه وخليكي عاقله أكسبيه بالكلمه الحلوه الطيبه وأغدقي عليه الحب والحنان ونسيه كل اللي صار وأدعي ربك وقولي اللهم حنن قلب زوجي علي وسخره لي ..خاصة أوقات إجابة الدعوات ربنا يوفقك |
الله يصلح حالكم
|
وافقي طبعا... عالاقل تضمني سكن مستقل
بعدين لما تسكني هناك دلعيه وشيليه من الارض شيييل وحطيه عراسك ويعني خليني يحس حالو في الجنة مع الحور العين يعني باختصار غرقيه دلع وبعد مدة هيك لتتنسا القصة ويروق ويكون تشبع بالدلع ادلعي عليه وحسسيه انك مشتاقالهم وابكي قدامه و اكتئبي من شوقك الهم مرة مرتين تلاتة حيحن قلبه خاصة بتقولي طيب وزي مقلتلك دلعيه فوق الوصففففف ولا تزعليه بالمررررررررررررررررررة عشان يتاثر فيكي وينبسط ويحن عليكي اكتر موفقة ومبروك البيت |
طبعا وافقي وارجعي بنتك الى حضنك واحفظي بيتك وزوجك ومسألة زيارة اهلك فلن يطاوعه قلبه وتأكدي
ادام الله الانس بينكم وجمعكم على خير |
مشكورات اخواتي صراحة شجعتوني بس ما ادري وش اقولكم اهلي رفض الطلب وقالو مو بكيفة انة يمنعك منا وطبعن الكلام هذا انا للحين ما قلتلة خايفة انة تزيد المشكلة وساكتة وصابرة قاعدة ادعي ربي ان الله يفرج المشكلة دعواتكم اخواتي....................
|
تبين زوجك اجل اسمعي كلامه
تبين اهلك اجل اعصيه المعادله سهله جدا اذا هم زعلانين منه فبكيفهم .. بس انتي الزم ماعليك زوجك وبنتك اسمعي كلامه واستهدي بالله وقولي لهم ما ابي اتطلق |
ما ادري وش اقولكم زوجي بعدة بيومين يقول انا ما قدر اطلع بيت والمادية صعبة وبعدين قام يقول كلام رمنسي
انة يبني وما يستغني عني وانا خايفة اهلة رفضو البيت لان اول قال وبعدين قام يتمتم وكل يوم رسائل بلهبل رمنسية بس انا ماني قادرة اخذ قرار وماتكلمت بس رافضة الرجوع والحين ما يقول ارجعي بس طايحلي كلام حلو وما ادري وش اخرتها... |
اكثري من الاستغفار وراح تشوفي كل شئ يسرك والله مجربه سبحان الله وراح تتسهل باذن الله
|
.. عزيزتي ..
هل فعلا زوجك حالته الماديه صعبه ؟ ولا يستطيع شراء بيت ؟ ام هو يتلكأ ويتململ فقط لانه أهله رافضين كما قلتي ؟ اذا كانت حالته الماديه فعلا لا تسمح بشراء بيت فأستجوا شقه او بيت صغير على قدكم ويكون اجاره معقول .. اما اذا اهله رافضين يشتري لك بيت .. كلميه بصراحه ,وأسئليه ليه قلت انك راح تشتري لي راحتي بالبيت وبعدين تغير رايئك ؟ احد غير رأيك ؟ وناقشيه بهدوء . وفهميه بهدوء وباسلوب غير مباشر , انه هذه حياتكم وخصوصياتكم لا تناقش بين اهله , لانه ما بيكون عندكم اسرار , وانه تدخل الاهل يزيد المشاكل , قولي له خل رائيك لك وحدك , انت تقدر تاخذ راي وخطوه لوحدك وانا واثقه منك ومن وعقلك الكبير , خلة يحس انه قده كلامه وانه يقدر يحلها من غير اللجوء للاهل وتدخلاتهم الا ما تجيب الا المشاكل .. خليه فعلا يشعر انه هو صاحب المشكله والحل بيده هو فقط .. أما عن اهلك .. ليش تخبريهم انه بيشتري لك بيت وبيمنعك عنهم ست شهور ؟؟ كذا زدتي الطين بله !! لا تثقلي قلوب اهلك على زوجك . وتخليهم يكرهونه .. ..قولي لهم انه زوجك طيب وهذا الكلام قاله بوقت غضب واكيد لما ترجعين وتهدأ الامور بينكم , راح يوصلك لبيت اهلك وبرسم الخدمه كمان .. .. عزيزتي .. أستغلي الرسائل الا يرسلها والرومانسيه .. وردي عليه بمسجات تزيده شوق وولع فيكي .. وانك ( مشتاقه لدفا حضنه ومشتاقه لحنانه ) وبعدين غيري شوي بالمسجات ( مشتاقه يضمني معاك بيت لوحدنا ناخذ فيه راحتنا وندلع براحتنا , وما احد يسمع همسي لك , لا احد يشوف دلالي لك ووووووو ألخ يعني من هالكلام .. .. وان شاء الله راح يفهم انك تبين ترجعين لكن في بيت لوحدك .. وراح يحقق لك مطالبك .. الكلمه الحلوة تفك الحديد .. فأستغليها وفكي الحديد الا بينكم واكسبي الجولة لصالحك .. الله ييسر امورك ويسعدك ويجمعك مع زوجك على الحب .. |
صراحة خذيها من رجل مجرب
اذا دخلتي اهلك بحياتك الخاصة مع زوجك وهو دخل اهله بحياته الخاصة معاك المشاكل راح تزيد ماراح تقل ولا راح توصلون الى حل نهائياً انتي فكري وشوفي وش تبين زوجك بالنسبة له يبي يرجعك للبيت واهلك رافضين اهلك مالهم دخل انتي بتعيشين ولا هم انتي بتنحرمين من ضناك ولا هم ؟ هذا هم اهلك لما قالتي لهم بيمنعني عنكم 6 شهور ثاروا وانتي بنتهم وكبيره مو طفله اجل تتوقعين قلبك انتي كيف راح يكون على طفلتك اللي لك فترة ما شفتيها ؟ لا تخلين احد يقرر لك حياتك وش لازم ووش مو لازم لازم يجيب لك ولازم يسوي لك خليك سيدة القرار واتخذي قرارك بدون تأثير من اهلك |
اخر المستجدات امس قابل ابوي بس من الكلامهم ماوصلو لحل بس كلام مشارة ابوي قال كلمية وتفاهمو
كلمتة اليوم قال بيت ماحط وستني سنةوانا قلت له حل انتم شوف وش رايكم بالحل انا قلت اجر بيت وانا انشاء الله راح التوظف عن قريب قلت نجمع فلوس انا وانت ونبنا بيت وقالي لا مارح اطلع بيت وقلت هذا راي قال اجل مع السلامة وانتهت.. ادعو لي ان الله يسخر لي زوجي وحنن قلبة لي....... |
يختي طولتيها وهي قصيره
ارجعي بيييييييتك الحين هي شراء او استئجار بيت بهذي السهوله!!!!!!!!!!!!!!!!!!!!!!! يختي الناس يقعدون بعشرات السنين الين يالله يالله يدبرون قيمة بيت صغنون الاحوال ماهي مثل اول ارجعي بيتك وطوري من نفسك طوري من طريقة تعاملك مع الناس وخصوصا مع المتسببه بالمشكله اديها طناش خليها تسولف مع نفسها وقولي لزوجك خلاص انا اتنازل عن كل شي الا قربك وحياتي معك بس تتفق مع اخوك وانا اسمع ان لا هي تتدخل فيني ولا انا اتدخل فيها اما مسألة البيت هذي ماااااااااااااااااااااا اعتقد ابدا ولا في سنه بتنحل بعد حطي عقلك براسك وتعوذي من الشيطان وخليكي معاه لو في المريخ |
المشكله اذا صار الزوجين غير ناضجين و ما يعرفوا يحلوا مشاكلهم و كل واحد منهم يعاند الاخر ..
يا اختي زوجك عنيد و غير ناضج .. ما في ااحد يكون قريب لزوجك و عاقل و زوجك يحترمه و يسمع كلمته يستتطيع ان يتوسط و تتوصلوا الي حل وسط .. |
احن قلب شوفي الغالية
ارجعي بيتك ولو انه المفروض يجيك ويرجعك لكن وش تسوين تعاندين ؟ وتخلين له المجال انه يتعود على عندم وجودك ان طولتي اكثر ماراح يتقبل رجوعك وبتصير عنده السالفة عادية لو طلعتي مرة اخرى لاتطلعي من بيتك الا للشديد القوي ترى الدعوى ماتستاهل طلعتك من البيت وسليفتك هذي خلها بحالها ولاعاد تحتكين فيها وعيشي حياتك لوحدك مع زوجك وبنتك ارجعي بيتك وعليك بالسكينة والهدوء الله يرحم الله |
انا بقولكم نقطة مهمة ترى انا مالي بيت يعني ساكنة مع اهلة وسلفتي معنا ناكل ونشرب مع بعض يعني مستحيل اقدر اتحاشاها لان تكون قدامي وما عندي مكان مستقل اذا تضايقت اروح لة ارجو انكم فهمتو وجهت نظري ولا انا مو هاين على لابنتي ولازوجي بس العيشة صارت صعبة يعني حياة نكدية ...
شكرا على ردودكم ودمتم سالمين,,,,,,,,,, |
امس كلمني يقول اذا تبين بيت بعد سنة لين اظبط وضعي قلت خلاص اجر بيت لين يتحسن وضعك يقول ماطلع من اهلي اليوم قلت لابوي قال اذا هو يصبر سنة حنا مانصبر اما يحط بيت خلال الشهر الجاي ولابيننا المحكمة هي اللي تحلها وما قلتله خابفة صحيح تكبر انتم وش رايكم اقوله كلام ابوي ولا اسكت....
|
| الساعة الآن 09:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©