خسيت 10 كيلو تقريبا في شهرين عندي السر !
 

السلام عليكم ورحمة الله وبركاتة ..

شهران مرا مثل الحلم .. تعبت بدايتها وكلي اصرار .. اصرار نادر وإرادة اول مرة تجيني .. وبعد هالمدة نقصت من 9 إلى 10 كيلو .. بصراحة مو مصدقة !!!

الحمدلله .. كان في بالي وقتها (اني بتعب شهر شهرين عشان اغير حياتي كلها) وفعلاً .. تعبت ونلت .. ومن حبي لكم احب اني اشارككم الطريقة اللي انا مشيت عليها وهي مو صعبه، بس يبي لها إطلاع وما اغني النت بالمعلومات اللي تقدر تساعدنا .. يعني مو ضروري خبير تغذية (في حالة عدم وجود امراض او حساسيات طبعاً) ..

المهم .. بالنسبة للرياضة .. نص ساعة مشي يوميا تقريبا (او 5 مرات بالإسبوع) واللي ساعدني ان في ممشى في منطقتي .. والجو الحلو يخلي الواحد غصب يمشي .. كنت امشي لأن للمشي فوايد قريتها في النت .. يعني اهم شي انه يعدل النفسية .. ويعدل الجسم .. ويقى من امراض العصر ..

وبالنسبة للأكل .. كنت أكل الأشياء اللي احبها وبس .. كل شي احبه آكله .. بس استبعدت نهائيا (الخبز الأبيض والرز والمشروبات الغازية والعصاير المحلاه) .. يعني اذا ابي اشرب شي غير الماي .. كنت اطلب عصير فرش بيور بدون سكر .. وبس ..

انزين .. قبل الفطور ومن الصباح الباكر كنت اشرب كوب ماء دافي .. هو ينظف الجسم وينقي البشرة وانا عندي (فرضية) انه يذوب الشحوم ..

الفطور .. كنت أكل نص خبر اسمر بالنخالة مع جبن .. أو زبادي اكتيفيا .. أو زبادي قليل الدسم ..

بعدها بثلاث اربع ساعات (وقت اللي اجوع) كنت آكل خضروات او فواكه مثل خيار، جوافة، تفاحة، خس .. اقطعهم وآكلهم بتلذذ .. او كنت أكل (جرجير) لأني سمعت ان الجرجير زين للشعر ..

الغدا كنت آكله متأخر .. يعني العصر .. ويكون لذيذ ممممم .. تقدرين تبتكرين شي على حسب اللي تحبينة بس بدون خبر او بدون رز ..

1. علبة تونه صغيرة بالماء .. على كيفك تسوينها .. تقدرين تسوينها (سلطة) او (تحمسينها مع طماطم وفلفل بارد وبصل وتسوينها سبايسي - حارة)

2. عدد 2 سوسج مفيوح (مغلي في ماء) - وتضيفين عليه طماطم مقطع / خيارة مخلله مقطعه / هلابينو مقطع / ملعقه مسترد / جبن .. وخليه في المايكروويف وتللذذي بطلعمة اللذيذ ..

3. عدد 2 بيض مفيوح / تقدرين تسوينه سلطة .. او على كيفك ..

بالنسبة للعشا، كنت اقطع كيوي وفراولة .. على اساس انهم يساعدون على تذويب الشحوم مثل ما سمعت .. او نص ثمرة جريب فروت .. او عصير فرش .. يعني نامي خفيفة .. او يمكن سلطة .. وعلى فكرة ترا قريت ان الجريب فروت يخفف حب الشباب ويحسن مظهر البشرة .. يعني قيمة مضاعفة ..

وطبعاً وقت الريجيم يكون الشعر والبشرة معرضة للخطر .. فكنت آخذ حبه فيتامين اسمها (سترس تابس ويذ زنك stress tabs with zink) وصفها طبيب تغذية حق صديقتي .. هي زينه حق اللي يسوون ريجيم وسمعت انها رهيبه للشعر وفعلا الحمدلله شعري بخير ..

اهم شي حطو في بالكم انكم بتتعبون وترتاحون العمر كله ان شاء الله .. وصدقوني الجوع يتنسي في لحظة تشوفين فيه مقاسك صار احسن .. والأكل مو كل شي بالدنيا ..

بعد كل اللي قلتة اتمنى يصير عندكم ارادة واصرار يا بنات وشباب بعد ..

مع التحية والإحترام للجميع ...

أم كريم ..

ماشاء الله تبارك الله انا شهرين نقصت 7 كيلو وزدت فجاه 2 كيلو وانا متابعه الرجيم والرياضه بس الله يعين وارجع تانى انقص 2 كيلو واكمل باقي الدايت

في عبارة مافهمتها

[QUOTE][2. عدد 2 سوسج مفيوح (مغلي في ماء) -/QUOTE]


ايش يعنى

وبالتوفيق يارب وعقبال مااكتب انى نزلت 20 كيلو

الف مبروك النزول بس انا آسفه انى اقول لك ان رجيمك ده فيه غلطه قاتله ولو تركتى نظامك ده للأسف هترجعى تزيدى العشرة كيلو وفوقهم يمكن شويه
ليه بقى
لأنك تقريبا لاغيه النشويات فى نظامك وده بالضبط يسمى فى علم التغذيه الرجيم الكيميائى وهو مدمر للجسم ولنظام الحرق
نصيحة ارجعى فورا لنظام الهرم الغذائى وادخلى النشويات فى وجباتك ولكن بحدود

السوسج معنا نقانق او hotdog ..

وبالنسبة للنشويات فبعد ان نقصت اول 5 كيلو بديت آكل رز مرة في الأسبوع .. وقمت أكافئ نفسي بوجبات احبها مرة كل اسبوعين .. وعلى العموم الخبز الأسمر يحتوي على نشويات تقريبا أكله كل يوم بس نص الخبزة ..

وبالنسبة لموضوع اني ارجع اكسب اللي فقدته فهذا الشي وارد في كل الريجيمات في العالم .. بس بيدنا نتحكم في هالموضوع .. بالنسبة لي فأنا اشتريت ميزان الكتروني .. اراقب وزني كل يومين .. عشان لو زدت كيلو احاول ازيد في وقت المشي .. عشان ما يروح تعبي ..

كلنا نعرف الأكل اللي يسمن .. والأكل اللي ما يزيد الوزن .. فمن هالمنطلق نعرف وش ناكل .. انا ما حرمت نفسي ابد .. اكافئ نفسي بقطعة كاكاو .. او وجبه سريعة (تخيلو) .. اهم شي اشبع نفسياً .. ومن تجربتي لو حرمت نفسي من كل ما احبه من طعام فسوف ارجع (اهجم) على الأكل ويزيد وزني دبل ..

ماشاء الله عليكي

شكراً جزيلاً على الردود الحلوة :22:

اختي (ترستال) .. المشويات كانت من ضمن القائمة ..

كنت انوع وما ارتبط بقائمة ثابتة .. عشان ما امل من الأكل .. مرة اتعشى فتوش (لاحظو تحتويى على النشويات :)) والليلة ثانية اتعشى مشويات .. والليلة اللي بعدها بس عصير فرش بدون اضافات والللي بعدها بس فواكة (نوعين من الفواكهه الخفيفة) وهكذا ..

انا من النوع اللي مااقدر ارتبط بقائمة ريجيم ثابتة .. امل بسرعة .. واشتاق لأنواع معينة من الأكل .. فعشان كذا سويت حق نفسي برنامج احددة يوميا .. يعني من اقعد من النوم الصبح احدد شنو باكل .. وكله بيكون اكل خفيف ..

انا بس قلت تجربتي عشان يستفيدون اخواتي العضوات وعشان ابين ان انقاص الوزن مو شي مخيف او يعني تجويع .. بالنسبة لي ما كنت افوت ولا وجبة .. كنت اتفطر واتغدى واتعشى .. بس خفيف واشياء ابحث عنها في النت وعن السعرات الحرارية اللي راح تكسبني والفوائد اللي تجيني منها .. بس ما كنت (اعد) السعرات الحرارية .. كنت ابي شي سهل بلا عد بلا هم ..

وكنت اشغل وقتي مع اطفالي وزوجي حتى لا افكر بالأكل .. اهم شي (الإشباع العاطفي) ..

وعلى فكرةً كنت صحية في اكلي .. واهم شي اني وقفت المشروبات الغازية .. ان شاء الله بلا رجعة .. :22:

تحياتي ..

جزاكل الله خير الجزاء
وادام عليك الصحه والعافيه

جزاج الله خير
كنت ناويه اسوي ريجيم كيميائي بس لانكم مامدحتوه ماراح اسويه .. وراح اتبع طريقتج لانه سهل ممتنع لاجدول ولا خرابيط يعني تاكل بس بحدود!!
فيني اراده بس الجو اللي انا فيه مايساعد .. ابي احد وياي يساعدني عالريجيم بس الله يعين
انا ابي انقص 10 كيلو يس!!
تصدقين قيل مده كنت مسافره 6ايام كللللهم مشي بس وزني ثابت .. تحطمت !! دايما اقول لزوجي الميزان خربان !!!اكيددد !!!

سؤال اختي اشلون عالبطن .. المعروف ان الواحد لما يضعف يبرز بطنه !!

اختي ناني .. فعلاً لاحظت بروز البطن .. يمكن لأن الخصر صار انحف والارداف صغرت فالبطن صار واضح اكثر .. بالنسبة لي وخصوصا لأني كنت والدة قيصرية مرتين .. احاول اني:
- أتجنب الإمساك:
لأن كل ريجيم بيكون فيه امساك (حسب خبرتي) .. بالنسبة لي أكل زبادي اكتيفيا يوميا تقريباً و أكل الأكل اللي فيه الياف من الخضروات والفواكهه.
- أعمل رياضة الضغط عشان البطن ينشد ..

اختي، انا وايد حاولت اسوي ريجيم او امشي بس مثل اللي حصل لك .. كنت اشوف وزني ما يتغير وكنت بعدها افقد الأمل وامل ..
* هالمرة غير لأني قمت آكل الأكل اللي يذوب الدهون مثل (الجريب فروت/ الفراولة/الكيوي والشاي الأخضر) او اشرب عصيرهم ..
* هالمرة غير لأني وقفت عن الخبز الأبيض واستبدلته بالخبز الأسمر ..
* وقفت عن الرز .. آكل مرة في الأسبوع ..
* وقفت عن المقليات واستبدلتها بالمشويات ..
* امشي يوميا تقريبا لمدة نص ساعة كحد ادني ..
* آخذ فيتامين (سترس تابس وذ زنك) .. هو فيتامين مخصص للي عامل ريجيم يعطيهم طاقة ويعوض الفيتامينات الناقصة ..

اختي حاولي، دائماً لازم توزنين مرة بالأسبوع .. مش كل يومين .. عشان تشوفين الفرق ..

تحياتي لك وشكري على المرور ...

ااهلن وسهلن

ماشاءالله تبارك الله

لله يثبتك

حلو المشي مرره ضروري

بس ساعات في امور تمنعك عن الاستمرار في بعض النقاط

ماشاء الله تبارك الله زادك الله قوة وحماسا ورزقنا قوة الارادة لنصل للوزن المثالي

ماشاء الله تبارك الله عقبالي

ما شاء الله تبارك الرحمن

انا كان ودي اسوي ريجيم وكنت ابدخل نادي

لكن انا الان حامل بعد الولادة باذن الله لابد لي من وقفه ضد هذا الوزن الزائد


مشكووووووووووووره

ماشاء الله إراده قويه ربي يحفظك ويسعدك

الله يعطيكي العافية يارب
ومبروك النزول الى الامام
عجبني الرجيم تبعك هجربه ان شاء الله
تحياتي
نـــــورر 22