|
ارفض العودة إليه إن لم ينفذ شروطي
السلام عليكم
الله يخليكم ساعدوني احس اني مشتته وماني عارفه وش اللي ابغاه انا من يومين تهاوشت مع زوجي على سبب تافه وقال روحي لاهلك ولما لبست عبايتي قال لا اتصلي على اهلك يجون ياخذونك وانا رفضت قلت انت اللي توديني المهم طلعت بالحوش ووقف على الباب ع اساس ماافتحه بعدين قال تعالي جوووا بطلقك قلت طلق الحين مافيه فرق قال طيب لحظه قام جاب صورتي كنت حاطتها فبرواز عطاني اياها وقال انتي طالق طالق طالق ودخل جوووا وقفل الباب وطلعت انا وولدي بالشارع وكلمت اخوي وجاء اخذني واخوي عصب بالمررررررررررررررررره لانه تركنا بالشارع وطلع بسيارته وحنا بالشارع انا وولدي ودق عليه اخوي وسب فيه على حركته الغبيه المهم انه ارسل اليوم وقال انه سلم الشقه ويبغاني اروح اخذ اغراضي وفصل الجوال الحين الطلاق صار بالثلاث والا كيف ايه وقال انه ورقة طلاقي بتوصلني خلال هاليومين سؤالي يقدر يرجعني او لا من جد احس اني ضايعه وتفكيري كله بولدي حبيبي ارحمه واصيح لاشفته والا الابو ماعليه حسافه بس ولدي كاسر ظهري الإشراف : تم تعديل العنوان ليتناسب مع المضمون . |
ياختي الله يهديكم هالكلمة كأنها لعبة عندكم المفروض لما قال ابي اطلقك ما طاوعتيه عشان ابنك والان تنتظرين ان يرجع
المفروض الامر انتهى اساسآ من الاول طالما باعترافك ان السبب تافه الله يصلحكم المفروض لما قالك اتصلي باهلك ياخدوك اتعوذتي من الشيطان وقلتيتله بابو فلان ما يستاهل نكبر الموضوع واترك البيت خلينا نحل هالخلاف ونتغاضى عنه وننساه عشان الولد يتربى بينا ما يجوز نشتته عشان شي تافه ما يستحق ولما طلب الطلاق الله يهديك ليش تكملي الحكاية وتخليه يقول هالكلمة وانها ما تفرق برة ولا جوا المهم تقولها حسستيه انها ما تفرق معاك والرجل ما يهمه شي وانتي الخاسرة الان اراه مصر على الطلاق والباين انه كان يخزن من زمااان واتى هذا الامر التافه ليفجر الامر واصبح هذا الشئ التافه هو القشة التي قسمت ظهر البعير زوجك عصبي وانتي لم تتعلمي كيف تتصرفي في هذه المواقف بل وقفتي ندآ له وبادلته كلمة بكلمة حتى الطلاق كان باشتراككما انتما الاثنان الان يقول ورقتك ستصل لكي ... اتصلي به قبل وصولها لكي واعتذري منه ولمي الموضوع علشان المسكين ابنك اللي طاح بين اب وام مستهترين وهذه الحقيقة والان لا ينفع الندم حيث اتى ولابد ان تلزمي الصمت التام اثناء عصبية زوجك وتفادي الشئ الذي يثير عصبيته |
الله يهديك ويصلحك .. انهيتي حياتك عشان مشكله انتي تعترفين وتقولين انها تافهه ؟؟؟...؟؟؟
ماكان المفروض انك تطولينها معاه .. يوم عصب كان انهيتي الكلام عشان مايطور . لان من غير الطبيعي انكم ثنينكم تشدون الحبل ..لازم واحد يشد والثاني يرخي ... >>> الطلاق هذا يعد طلقه واحده حتى لوكانت بلفظ ثلاث مرات .... اذا كنتي انتي سبب المشكله ..حاولي تتصلين فيه باي طريقه .. وتصلحين بينكم او كلمي احد من اهله يتوسط بينكم لا تتركينه لمن يرسل ورقتك ..حاولي تصلحين الي اخترب بينكم . صدقيني مافي احد بيدفع الثمن غير ولدك . الله يجمع بينكم على خيييييييييييير |
جزاكم الله خير
يعني اذا ارسل ورقتي مايقدر يرجعني؟؟؟ |
لا حول ولا قوة الا بالله
يعنى هو معصب وقال كلمة اقل شي تسكتى لاتزيدي النار حتى لو طلقك ماخاف عليكي طيب يخاف على ولدوا ايش الزمن دا الله يفرج همك ماعندي خلفيه عن موضوعك |
جزاك الله خير
|
عليكم السلام..
أختي الله يهديك المفروض مو بهالسهوله تخربون بيتكم سواء انتي السبب او منه السبب المفروض هديتي الوضع وبعدين تفاهمتو على كل شي بعدين وش السبب الي يخليه يطردك انتي وولدك بالشارع,,, وعلى فكره يمكن يوم قالك انتي دقي على اهلك ماكانت عنده نية طلاق او ماتوقع انك تدقين كان ينتظرك تعتذرين او تفاهمون على الموضوع,,, بالنسبة لسؤالك هذي فتوى للشيخ ابن عثيمين جبتها من موقع الشيخ وان شاء الله تفيدك http://www.ibnothaimeen.com/all/noor/article_6568.shtml |
جزاك الله خير
|
الله يفرج همك
|
الجميع يارب مشكوره
مارديتووو علي اذا طلع ورقة الطلاق خلاص مايقدر يرجعني؟ |
حتى وان لفظ الطلاق اكثر من مرة فهي تعتبر طلقة واحدة ولكن استغرب من تصرفاتكما انتما الاتنين لانها تصرفات لا مسؤولة ها انت الان تسألين ان كان يستطيع ان يردك ام لا رغم انك انت من استفزه للطلاق بقولك لا يفرق معك ان كان داخلا او خارجا يعني بالعربي بايعة الموضوع مما جعله يثأر لرجوله حسب نظره ويطلقك بل ويطردك خارج البيت ممكن نعرف كم عمرك وعمر زوجك |
اعمارنا 28 سنه
وجزاك الله خير بس سؤالي هل ورقة الطلاق تعني عدم الرجوع اليه؟ |
السلام عليكم أو شيء فتاوى الطلاق ماهي من هنا في مشايخ يحكمون في القضية بعد مايسمعون منكم الإثنين كلكم وسيطلبون شهود....لو فيه شهود.. وبعدها ينظرون في القضية وسيعطونكم الحكم في قضيتكم.. ثالثا اللي حصل حصل......بس الرجل إذا زعل ...يطيش عقله ويصير ما يعرف غير كلمت الطلاق....بصراحة شي يحزن.......الشديد الذي يمسك نفسه وقت الغضب وبعض الحريم ماتدري أنه في أي وقت ينفعل الرجل الواجب على المرأة أن تهدي الأمور تجنبا لمثل هذه النهاية التعيسة...... والسبب ما يستاهل إنك تتطلقي عليه... ماشاء الله أعماركم 28 المفروض أنكم أكبر من أن تصنعو مشاكل. الله يعينكم ويرجعك لزوجك عاجلا غير اجل. |
انا قهرتني حركته يوم يطلعكم بالشارع ويقفل الباب!!
لا والقهر انه طلع وركب سيارته وانتم برااا !!! وربي لو كنت اخوك لا امسح فيه البلاط وامرغ بكرامته الارض اشد شيء اشوفه ان الواحد يستقوي على امرأة ضعيفه . لكن لو عرف ان وراءها رجال يدوسون في بطنه كان حسب الف حساب قبل يتصرف مثل هذا التصرف طبعا مع احترامي لاهلك ولاخوك .. لكن هذي ردة فعلي مع هذا السخيف التافه . الرجل اذا كان بدون شهامه وكرامه ونخوه مايعتبر رجل . بالنسبه لطلاقك وهل وقع؟ الافضل ان تسألي دار الافتاء والمشايخ وهم اللي يحددون هالشيء . المشايخ حريصين جداً على عدم هدم كيان الاسره وتشتيتها ولعلها تحسب طلقه واحده وترجع المياه لمجاريها لكن يجب عليك لو كتب الله الرجوع ان تشترطي عليه بعض الشروط التي تناسبك وتكون رادع لها من مثل هذه التصرفات الحمقاء . |
جزاكم الله خير
والله يكتب اللي فيه الخير |
لولو اذا هذي اول مره .. وراح يثبتها بالمحكمه .. راح تكون طلقه وحده .. ويتسخرج القاضي صك طلاق بس بينونه صغرى .. زي الي حصل مع اختي وتقدرين ترجعين لزوجك بس بمهر وعقد جديد ... لأنها لسا طلقه وحده .. والله يهدي النفووووس |
جزاكم الله خير
انا والله عايفته بس افكر بولدي والحمدلله اهلي مو مقصرين معانا بأي شي بالعكس عايشه ملكه والحمدلله وهو قال انه بينقل بشقته عند اهله طبعآ منفصله الشقه بس انا اشترطت عليه كم شرط انه مصروفي يزيد ويعطيني رضاوه 10000 وانه السكن يكون مؤقت لحد مايخلص قرضه ونطلع لكنه رفض وقال امكانياتي ماتسمح وانا ماراح ارجعله بكل سهوله لانه اللي سواه فيني مو سهل وهذا ابسط شي اشترطه عليه وماراح اتنازل ويوم رفض الشروط وانا رفضت اني ارجع من غير شروطي قلتله يرسل ورقتي ابرك |
نقل إلى مكانه المناسب
وفقكم الله . |
اقتباس:
لم افهم ما هي قصة الشقه الا تريدين السكن في الشقه اللي بيت اهله ؟؟ واضح ان مشاكلكم متراكمه عشان كذا انفجر بسبب تافه و طلقك ؟؟ ان لم يطلقك فكري جيدا في اصلاح حياتكم .. |
حبيبتي الي صار صار وانا حاسه فيكي والغلط من الطرفين
خلص الي الله كاتبه راح يصير استغفري ربك والله ييسر امورك يا قلبي لا تسوين شي الله كفيل بكل شي |
اقتباس:
عجيب كلامك!!!! اختي شوفي بموضوعك كم مره كتبتي(يعني مايقدر يرجعني) وخايفه وحالتك حاله! ويوم قال برجعك تقولين ماراح ارجع بسهوله!!!!!!! الله يهديك باين عليك العناد!! خربتي بيتك بيدك واذا مصره على كلامك اعرفي انك ماراح ترجعي اجل رضااوه بعشر الاف!!!!!!!!!! |
الله يصلح مــآبينكــم ..
|
[gdwl]حبيبتي انا بوصيك عشيء واحد بس الي هو ابنك ماتحرميه من بيو اذا حب يشوفو ما تحرميه منو ارجوك[/gdwl]
|
اقتباس:
(منتدى-): والله انا قهرني كلامك أكثر من أي شي بهذه الدنيا! هل تتوقين ان تردي على زوجك و تجاوبيه، خاصة بكلمة الطلاق، ولا تتوقعي الرد القاسي؟ أخت (لولو الكبيره): الله يهوّن عليك و يحل مشكلتك. أقول سيسيه حتى ترجعي و اشتغلي لاصلاحه من اجل ولدك. خليك كبيرة! |
جزاكم الله خير
دعواتكم لي |
| الساعة الآن 02:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©