|
متى يحق للزوجه ترك غرفة نوم زوجها ؟
السلام عليكم جميعاً
والسؤال موجة لأخواتي النساء ولا مانع من مشاركة إخواني الذكور متى يحق للزوجة إنها تطلع من غرفة زوجها وتروح تنام في غرفة ثانية مثلاً عند بنتها بعد عشرة مدتها ((عقدين من الزمن)) بسبب مشكلة تافهة يعني تتوقعون إنه عادي انها اذا زعلت تطلع من غرفتها؟؟؟ او ماتطلع إلا اذا الزوج مسوي شي خطير ؟؟؟ والا تعتبر غلطانة وغلطانة بقوة لأنها طلعت من غرفتها بسبب مشكلة تافهة؟؟؟ يمكن أنا ما صغت السؤال كويس بس اظن ان الفكرة وصلت. |
أنا ضد فكرة الخروج من الغرفة.. سواء من الزوجة أو الزوج..
ومرة أختلفنا شوي انا وزوجي وطلع هو من الغرفة.. وزعللللللللللت منه.. وكبرتها.. وقلت له لو عدتها مرة ثانية.. أنسى أني زوجتك.. وفعلا كنت صادقة بكلامي..خاصة أنه هو الغلطان.. بالحالتين.. |
حبيبتي حتى لو زعلانه قد شوه ليه تطلعين من غرفتك واذا طلعتي يعني تتوقعين بتنحل المشكله مستحيل وأذاكانت المشكله تافهه بيكون طلوعك من الغرفه ماله داعي بس خليك في غرفتك مهماتزاعلتم وغطي وجهك بالشرشف وأبعدي عنه وكبري المخده وأذاطلع زوجك من الغرفه الحقيه حتى لوفوق السطوح :29:'.'لله'يسعدك
|
اقتباس:
والله يكملك بعقلك ماشا الله تبارك الرحمن |
اقتباس:
كلامكم صحيح وجميل لكن السؤال متى المفروض المرة تطلع من غرفة زوجها؟ أخوك راحت حياتي |
ماعليش أخوي فكرة انك أمرأه أخوي ليه المرأه تطلع من غرفتها؟ المفروض ماتطلع مادام مع زوجها الى اذا طلقهاتطلع ..بالتوفيق
|
مهما كان يجب أن لايخرج احدهما من الغرفة فالغرفة تجمع بينهما مهما اختلفا
وقد يكونا في موقف فيحدث الصلح ويسود الود |
أحيانا ممكن تبغى تتدلع عليك ، علشان تروح تراضيها مثلا ؟
|
اقتباس:
وبالنسبة للموضوع انتي تشوفين ان المرأة ماتطلع من غرفتها إلا اذا تطلقت؟ يعني ما فيه شي آخر يدعوها الى الخروج؟ |
اقتباس:
أنا معك في كلامك لكن ماجاوبتي على سؤالي *السؤال: متى المفروض المرأة تطلع من غرفة زوجها؟ |
اقتباس:
لالالا اتوقع مستحيل زوجة تدلع بهذي الطريقة أبد. لكن كل قاعدة ولها شواذ تسلم/ين على المرور |
لالالاتطلع زي ماقالت الأخت سحابة صحراء يمكن يكونوفي موقف ويحدث الصلح ويسود الود بس أناأشوف ماله داعي خروجها.. ألى أذاطلقها عاد هذاشي ثاني .
|
[gdwl]لا حبيبتي ما لازم تطلعي من الغرفة مهما صار [/gdwl]
|
ماشاء الله عليك مرة موهاين عليك زوجتك نطلع من الغرفة واضح انك تحبها الله يزيدكم
اجل ليه انا لمن اخرج من الغرفة زوجي مايجب خبري ولا يسال فيا:29: معليش جاوبت سؤالك بسؤال |
اقتباس:
يمكن تعود.. وعارفة .. لو تصير مشكلة وماطلعتي بيستغرب!!!!! فمن الأساس مااااااااا أطلع.. ولا أهين نفسي.. |
اقتباس:
|
اقتباس:
أتوقع قصد أختي روح أنها تتدلع لما تطلع وهو يجي وراها ويترجاها ويدلعها عشان تجي معاه.. وممكن الوحدة تطلع ويطنشها .. وتصير طلعتها على راسها:) أعتذر اختي روح على لقافتي..:25: |
متى المفروض المرأة تطلع من غرفة زوجها؟ اذا ما شي زعل او مشكلة بينهم .. فممكن الزوجه تطلع من غرفة زوجها .. اذا كان احد العيال مريض ومحتاج لوجودها معه ..ولا مانع ان تطل على زوجها كل شوي الى ان ينام ... او ممكن تخرج من الغرفه اذا عنده عمل اليوم الثاني وهي إجازه وتبي تسهر وتمارس هواية القراءة أو تبي تشوف التلفزيون او تسهر مع عيالها ..علشان ما تزعج زوجها .. أما في حالة وجود مشكلة او زعل .. فبرأيي الحالة الوحيده اللي ممكن الزوجه تخرج من غرفة زوجها اذا كان زوجها ( يزني ) والعياذ بالله .. وهي تخاف على نفسهــا من ان ينقل لها اي مرض لا سمح الله ... وبالنسبه للمشاكل التافهة .. فلا أؤيد خروج احد الزوجين من الغرفة والنوم في غرفة منفصلة لان مع الايام بيتعودون على الوضع وبيصير شيء طبيعي وعادي ... وعلى الزوجين على ان يتفقا منذ البدايه على ان الزعل حدوده باب غرفة النوم ... ما ان يدخلا الغرفه ..عليهما ان ينسيا الزعل والخلافات .. ولا يضعـــا رأسيهما على المخده الا وكل واحد راضي عن الآخـــر.. الله يوفقك اخي الكريم |
انا اعتقد يا اخي ان زوجتك بتحبك كثير ولما زعلتها اخذت على خاطرها وفضلت تحزن عند بنتها الصدر الحنون اللي لقاتو بعد ما زعلتها انت يعني لم تجدحبيبها الذي دائما ما تكون معها وذاك اليوم لاء بسبب مشكلتكم .هذا تفسيري لخروجها من الغرفة والله اعلم.
|
أميرة بطبعي
شكراً لمرورك العطر ام لطفلة الله يعطيك العافية ماقصرتي على هالرأي شاهي العصرية والله أبد مو هاين علي بس الشكوى على الله ولو تدرين أختي وش السبب كان بتنقهرين ان فيه عقول بهذا الصغر احلاهم واتحداكم بس الدلع اختي الكريمة لهحدود ملتستدعي إنها تدلّع وتخرج من غرفتها أبد مشكورة على المداخلة اختي لمني بشوق تسلمين ويسلم هالرأي والله يخليك لعين ترجيك وانتي قصدك انها ماتطلع من غرفتها إلا لشيئ كبير مشكورة اختي اختي ميسم4 انتي حكمتي علي إني مزعلها!! والله مازعلتها أبد لكن تعودت اني طيب واترضاها ولو هي غلطانة وهذا أنا اللي غلطت فيه من تزوجتها. الله يجزاكم خير على مشاركتكم جميعاً |
أخي* راحت حياتي *انافهمت من كلامك ان في شي في خاطرك ماتبي تقوله وسألتناهالسؤال وتتوقع أحد بتكون أجابته قريبه من ألي تبيه و طلعت زوجتك علشانه بس كاتمه في قلبك انت سألت ولاأحد أعطاك الجواب الي يريحك بس فضفض وتلقى الأجابه من أخواتي وأخواني الأعضاء الي يريحك ..أعذرني لوبتدخل وقولك فضفض والله أحسك مالقيت الاجابه الي تبيهالاتقول ملقوفه براحتك لو ماتبي تقول ..تحياتي :25:
|
اسمــح لي اخي الكريم ... لأن اجـــابتي كــانت بشكـــل عــام ... مــاكنت ادري إن المشكله تخصـــك فإذا كـانت المشكــلة تخصــك ليتك تخبرنا اذا ما عندك مانع وان شاء الله الله يقدرنا جميعا على ايجاد الحـــل وآســفه مره أخرى .. بالتوفيق |
اختي قد ماكنت زعلانه وقد ماكانت المشكلة كبيرة اوعك تتركي غرفتك مهما كان السبب
ان اراد هو الخروج من الغرفة فهو حر اما انت لا تتركي غرفتك مهما حصل اعرف قصة لواحده ما شاء الله هي من ذوات الأجسام الكبيرة وزوجها نحيف جدا وجسمه صغير زعلت هي وزوجها مرة فذهب ونام في غرفة الضيوف فقامت وشالته ورجعته لغرفة النوم !!! |
اقتباس:
نرجعلك اخي الكريم ليتك توضح ماهي المشكلة بالضبط قد نرى انها ربما تكون محقة:11: |
هههههههههههههههههههه تخيلتها شاااايلته هبااااااااااااااااااااااااا للغرفة!!!!!!!!!!!!
|
أختي أحلاهم و أتحداكم
إيه فهمتيني صح ، أنا الصراحة تقصدت أكتب كذا علشان ما ودي أزود على الأخ و أولع النار بينهم لا سمح الله بس الصراحة ، ما عمري الحمد لله عملتها مع زوجي لإنه هو كان بدايةة الزواج يعمل كذا ، و كنت أخد مخدتي و ألحق وراه ، و أنام جنبه عناد :D لحد ما تكلمت معه و قلت له الأسلوب هذا غلط ، و يبعدنا عن بعض و مو حل أبدا لأي مشكلة و من يومها الحمد لله ترك الطبع هذا ،، و ما أفتكر عمره أحد فينا طلع برة و أنا أرفض الفكرة هذه لإني أحسها تولد الجفاء فليه ما تعمل مثلي ؟ خد مخدتك و روح وراها :D و بعد كذا تفاهم معها ، و وضح لها إنه الشئ هذا غلط و الأسباب كذا و كذا و كذا ..!!! |
بصراحه عجبتني فكرة انك تشيلي المخدة وتروحي وراه
هههههههههه اما الي شالته مررررة فله لو كان هو دبه اش تعمل ؟؟؟؟؟ المهم احس انه البعد يولد الجفا وانا زوجي ان شاء الله ماراح اخليه يخرج ابدا ولا راح اخليه ينام وهو زعلان ان شاء الله رغم انه هو مرررة حساس لو خرجت انا انام بره حيكبر الموضوع لكن بصراحه ماراح اخرج الا لو سوا شي كبير مرة ولا انا بصراحه مااقدر انام الا على سريري وكمان بشرط لازم يكون هو جنبي ههههههه |
لماذا لا توجه السؤال لزوجتك بشكل مباشر؟؟ وتتحاور معها
هي الوحيده القادرة على إجابتك يمكن لها أسبابها الخاصة ومهما حاولوا الأعضاء لايمكن يخمنوا السبب الصحيح؟ الصراحة والوضوح والحواربين الزوجين مهم وانعدامها من أسباب تفاقم المشاكل أتمنى لك حياة سعيدة موفق |
مهما كانت المشكلة لا احبد خروج الزوج او الزوجة من غرفتهم لانه بعدين الرجعة اصعب
ارى ان هده مملكة الزوجين لا احبد ان يتنازل احد الزوجين عن مملكته |
اقتباس:
شكرا اخي تخرج اذا عمل امرا كبيرا كالخيانه ومراحلها او طردها فقط :( |
الله المستعان
|
اقتباس:
والله يا أختي الكريمة لو أقول السالفة اللي طلبت عليها الطلاق بتقولون مش معقول ان يكون هذا السبب, لكن انا الوم نفسي كثير بسبب اني صبرت لين صارت تزعل على أتفه سبب ولأني ما ارضى انها تكون زعلانة ولأنها شافتني متعلق بأبنائي صارت تضغط علي لدرجة انها عرفت اني ماراح اقدر اطلقها علشان ما يفقدون عيالي حنان امهم والله المستعان... مشكورة جداً لشعورك الطيب. |
اقتباس:
|
اقتباس:
ولكن للصبر حدود وهي اللي جنت على نفسها . |
اقتباس:
انا في وادي ومضنوني في وادي......ينوم الليل وعيوني سهيرة والله المستعان شكراً لك |
اقتباس:
عشرين سنة وانا افاوض وأحاور وصريح وواضح ولا وجدت اسباب مقنعة لكن أمشي الحياة علشان أبنائي وهذي كانت نقطة ضعفي. الله ينور دربك ويعطيك العافية |
اقتباس:
أنا سويت أمر كبيييير وهو أكبر أمر سويتة......قالت بننزل للرياض قلت لا عندي شغل كذا وكذا وفهمتها وش شغلي, ولكن مارضت قالت الا نروح قلت خير وخليت ولدي يوديهم للرياض......شفتوا وش قد انا حقير , راحت للرياض وجت توقعت انها بتتأسف انها ضايقتني لكن جت وراسها مليان من أختها و اللي حصل انها دخلت لغرفتها وشالت مخدتها وراحت لغرفة بنتها اللي هي بنتي طبعاً وبالأخير اتفاهم معها تقول هذي عيشة قرف ولا تنطاق......وطلقني!!! شفتوا كيف انا حقير وظالمها المسكينة |
اقتباس:
لالا ابد وانا اخوك تكرم ويكرم الجميع ويبدو إنك شايل من الهم الشيئ الكثير ومن الواضح انك ماترغب بطرح مشكلتك وإنما مجرد تنفيس عن النفس ولو بالقليل أتمنى من الله العلي القدير ان ييسر أمرك ويرزقك البصيرة في جميع أمورك. |
طيب ليه ماتزوج وحده ثانيه
|
صراحة غريبة زوجتك تطلب الطلاق عشان مارضيت توديها للرياض لا وبينتلها السبب
وكمان سمحتلها تروح مع ولدك لا وتسمح لاختها تعبي راسها عليك وانتم بينكم عشرة20 سنه مب سهلة اكيد فية سبب ثاني وانت مستحي تقولة لاتستحي قوووووووووول يمكن تلاقي الحل من جد ان كان هذا السبب بس صراحة الله يعينك ويفرج همك توجه لرب العالمين وشكيله همك الله يفرج همك |
| الساعة الآن 12:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©