|
انا سرقت اخي
انا مو صغيرة وباقي لي كم شهر واتخرج من الجامعة من اسبوعين كان معنا اجازه ورحت اقضيها في المدينه اللي يعيش فيها اخي مع زوجته انا مريت بظروف صعبه مررررررررررررررره وزادت ديوني وكنت قريبه من الضياع بسبب قلة المال اخي مقتدر وغني ولما رحت بيته لاقيت 15 الف ريال في جيب الجاكيت ويوم ورا يوم كنت اشوفه هو وزوجته ولا يقربو من الفلوس دي وبدا الشيطان يلعب بعقلي ويوسوس لي ويقول لي اني بهذا المبلغ راح احل كل مشاكلي واقضي عطله مريحه وفكرت في الموضوع وقلت في نفسي هذا المبلغ ما يفرق معاهم وهم يصرفوه بيوم او يومين بكل سهوله لكن هو يفرق معي مررره وراح يخرجني من مشاكلي وفعلا اخذت المبلغ واتصرفت ب 8000 وحليت مشاكلي فيهم وباقي معي 4000 ريال وبعد اربع ايام تذكر اخي المبلغ وقال لزوجته تشوف له الفلوس في جيب الجاكيت ولما ما لاقيتهم فز من مكانه وكان خايف وبدأ مسكين يتذكر ويتذكر وين حطهم واتصل بكل اصحابه يسالهم يمكن حطها مع واحد منهم وبدا يقول لي ادعي له يلاقيهم انا انقهرت مرررره وحسيت بالندم لكن كان مستحيل اقول له الحقيقه وقلت في نفسي لما الله يفرجها علي راح ارجعهم له من غير ما يعرف وهو بكره راح ينسى لكن والله بكره جا وبعده ومر اسبوع واخي قهران مره وكل شويه يتذكر الموضوع وينقهر اكثر لحد ماجا اليوم وقال قدامنا انه من كثر القهر اللي داخله على الفلوس ما راح يتهني فيها اللي سرقها وان الله راح ينتقم منه باعز انسان عنده لما دعي على اللي سرقهم انا شفت الدنيا مظلمه حولي ودخلت اكتب لكم واشكي لكم همي كيف اتصرف انا تعبانه مره ونادمه شوية بس لانه المبلغ حل لي كثير من مشاكلي ومشاكل غيري كانو محتاجين واخي الله معطي له وزياده ومو ناقصه شي بس كنت اتمنى انه ما يتاثر لهذه الدرجه بالموضوع لحد ما يقدرني الله وارجعهم له كيف اتصرف دلوني |
اقتباس:
حتى لو اقول لك صارحيه ما اعتقد بتصارحينه لانه انتي نادمه شويه بس !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!! مايصلح تقعدين تحسبين على اخوك انه مبسوط وفي كم يوم يصرف الفلوس مو هي اللي تعب وجابها ؟ اجل يحرقها بكيفه اما انك تاخذينها وتقولين لا هو مستوسع وعادي عنده ومابيحس فيها وندمانه شويه معناتها رح تتكرر الف مره هالحركه واذا انتي الله يهديك ماعندك دخل يكفي ليه ماتدورين افضل وعموما لا عاد تتسلفين وشلون بعد انتي ارتحتي وغيرك ارتاح؟ انتي محتاجه وغيرك محتاج؟ هذي مافهمتها ابد معليش .. بس احس ان ديونك كلها اكسسوارات .. والا المحتاج فعلا يطلب المساعده مو مثلك من ورا لورا الله يكون في عون اخوك دخلك بيته وسرقتيه عاشت الاخلاق والاخوه |
لاحول ولاقوة الابالله..بتعرفي يااختي انه الفلوس اللي سرقتيها هي حرام في حرام...وعم تآكلي في حرام وتشربي خلايا جسمك بالحرام..وحتنجري لسعير النار من اجل الحرام...لاحول ولاقوة الابالله بترضي تكوني سارقة..طيب..بتعرفي انه ما أخذ حياءاً فهو حرااام..فما بالك باللي أخذ سرقة...!!!!!...انت عارفة شوحد السرقة..حدها قطع اليد يااختي من كثر ماهو الفعل شنيع...توبي بالاول من فعلتك لله الذي لم تستحي منه انه يراك وانت تسرقي...وشو يعني غني ومعاه فلوس تسرقي منه!!!وحتى لوكان اخوك..السرقة هي السرقة...خافي الان من رب العزة..رب العرش العظيم اللي غضبان على اثمك البشع...توبي يااختي من فعلتك وصلي ركعتين توبة...واستغفري وعاهدي نفسك ان لاتفكري بمثل هالفعل بتاتاً...ولازم إطهري حالك من هالحرام..خليني افكروبرجع ارد عليك....لكن الآن اول شي توبببي توبة نصوحة لله عزوجل وبعدها بتنحل ان شاء الله.
|
اقتباس:
والله ندمانه وكلي ندم وقهر واشعر ان الذنوب تغتسلني واني ابتعدت عن الله كثيرا واريد ان اتوب وان اعود طاهرة نظيفه عابده نقيه لكن هناك شي يبعدني ويجعلني اتمادى في هذا الشي واشياء اخرى وبنفس الوقت هناك صراع كبير داخلي فانا لم ارتاح ولا ثانيه منذ ان سرقت من جيب اخي واشعر بالاحتقار لنفسي واتوقع غضب الله وعقابه بكل لحظه ساعدوني كيف اقوي الايمان في قلبي واهزم هذا الضعف امام الماده وصعوبه الظروف |
وكيف اتوب وكيف اعرف ان الله غفر لي |
اخواني ساعدوني خطوه بخطوه للتوبه
انا باقي عندي 4000 ريال ويش رأياكم ايش اسوي فيها انا افكر ارجعهم له مع رساله اعتذار من مجهول ووعد اني راح ارجع المبلغ الباقي بدون ما يعرف من من حتى يسامح من سرقه ايش رأيكم |
أذا كنتي صحيح ندمانه وتبغي تتوبي الى الله
أول شي ترجعي الباقي لأخوك وتعترفي أنك انتي الي سرقتيهم وتبيني له الأسباب ودامك ندمانه اكيد اخوك رح يتفهم الوضع ياأختي الأنسان الي يسرق ربي مارح يفرج عليه بالعكس بعيش حياة كلها نكد وهم أسأل الله لك الهدايه ولجميع المسلمين |
أخدتي الفلوس و صرفتيها فين ؟ و مين اللي محتاجها ؟ دامك عايشة مع أهلك و الحمد لله ؟؟؟؟
أخوك ربي ناعم عليه ، بس هو بيتعب و يشقى ، الفلوس ما تجيه من السماء أختي اللي عملتيه يستاهل ( قطع يد ) ، تخيلي يدك تنقطع ؟؟؟؟؟ تبغي ربي يعاقبك في القبر و الآخرة ؟؟؟؟ مانت حاسة بكبر جريمتك اللي عملتيها ؟؟؟؟؟؟؟؟؟ هو راح يدعي على اللي أخد اللي الفلوس و زوجته كمان ،، إنت قد الشئ هذا ؟؟؟؟؟؟؟؟ بأقول كذا لإني أحسك ماخدة الموضوع ببساطة ، و ندمانة شوي و أخاف يومين و تنسي ،، بس ربي ما ينسى |
والله ندمانه وبعد كلامكم زاد ندمي وخوفي من ربي
لكن صعب جدا اعترف له بل مستحيل انا توضيت وصليت واستغفرت كثيرا وناوية اجمع كامل المبلغ وارجع له يوم من الايام والى ذاك اليوم راح ارسل له رسالة موبايل اقول له ان المبلغ اخذته في لحظة ضعف وساعيده له قريبا وراح تكون رسالة من مجهول ادعو لي بالهدايه يا اخوة وادعو ان الله يعينني على التوبة ويقبلها استغفر الله العظيم |
يااختي شكلك بعيدة عن الله عزوجل عشان هيك قدر الشيطان يتمكن منك بسهولة..بدي اياك تتخيلي الآن ملك الموت امامك وجاي يقبض روحك للباري...ياترى هل انت مستعدة لسكرات الموت?هل انت مستعدة للنار?هل انت مستعدة لعذاب القبر الذي يستمر لقيام الساعة??هل استعددت للحظةوقوفك امام الله عزوجل يحاسبك??ماذا ستقولين?يارب عندي ديون واضطريت اسرق!!!!!!!!!
يااختي ابدأي من اللحظة صفحة جديدة مع نفسك كوني انسانة اخرى.... هل تؤدين الصلاة على وقتها ولاتقطعيها?? هل تصلين الفجر???هل تبتعدين عن الغيبة والقيل والقال??هل تتصدقين ولو بالزهيد??هل تجعلين من وقتك الثمين وقت لذكر الله وقرآءة القرآن ولو خمس او عشر صفحات يوميا??اصدقيني قولا كم لك لم تفتحي كتاب الله??? ياحبيبتي ويااختي الدنيا هي الدنيا من الدنو وقلة القيمة والدنيا فانية ولن ينفعك غير عملك فعملك هو يحدد مصيرك...وتذكري دائماالآية الكريمة(يوم لاينفع مال ولابنون الا من اتى الله بقلب سليم).. عيشي يااختي في الدنيا كالمسافر الذي يرحل لوطنه الدائم فنحن في هذه الدنيا كالمسافرين مهما طال بنا السفر لابد ان تحضرنا النهاية ونصل لوطننا الدائم ..فهل تحبي ان يكون وطنك هو نار تلظى لا يصلاها الا الاشقى..يااختي نار جهنم لونها سوداء من كثر حميمها وغليانها..فهل قدرنا على نار الدنيا لنتحمل نار الآخرة.....!!! |
فيه وحده تقرب لي قرابه درجه اولى
طيب هالقريبه يا حبيبة امك سرقت ذهبنا انا وخواتي وامي ومن الوقاحه تلبس بعضه قدامنا من باب انه في كل بيت قطع تتشابه !!!!!!!!!!!!!!!!!!!!!!!!!!! اوكي هالقريبه هذي ... كل ما تذكرنا ندعي عليها ان الله يحرق قلبها على شي غالي عندها تعرفين يعني ايه ندعي ؟ خلتنا ع الحديده .. ولا قطعه عندنا .. عارفه يعني ايه لما احد ياخذ حاجتك؟ ويحرق قلبك عليها؟ ويغصبك انك تدعي عليه؟ كانت كافيه خيرها شرها وعلاقتنا سطحيه ولما دخلت قامت ع الذهب هالقريبه امي دعت عليها ان الله يكفينا فيها بما شاء الان لها 18 سنه تتعالج تبي عيال خيره من ربك خلاها بدون عيال والا هذي وش بتربي ؟؟؟؟؟؟؟؟؟؟؟؟؟؟؟؟؟؟؟؟؟؟ على اي اخلاق ؟ على اي دين؟ وحاجه ثانيه صيره لها الله لا يبلانا .... شعرها طاح ... تقريبا قرعت المره ..لكن لا نجد لها اي رحمه في قلوبنا ابداااااا والله لا يسامحها نصيحه لا تعترفين لأخوك لأن مهما كان بتقعد في قلبه.. لكن الله يعينك استلفي 11 الف ع الباقي عندك و رديها بدنك جالس ينمو الان من حرام ................ وانتي عارفه الجسم اللي ينمو من حرام وش المكان اللي اولى به |
الله يهديك ويصلح حالك
احسنة شئ تقابلي اخوك لوحدك وتعترفي له بالسرقه والسبب الذي دعاك لفعلها هذا اخوك ليش تستحي منه صدقيني راح يقدر وضعك ويسامحك وممكن ما ياخذ منك الفلوس الاعتراف بالحق فضيله الله معاك |
حاسه ان كل الاخوان اللي بردون على موضوعك بيقولون لك اعتذري لاخوكي
وانا شبه متأكده انك مستحيل تقدرين تعتذرين له او خلينا نقول في الفتره الحاليه تقدرين تعتذرين لان نفسك ما بتهون عليكي انك تشوفين نفسك طايحه من عيون اخوكي اذا ما بتعتذرين له رجعيله ال4000 اللي ما استخدمتيهم مع رسالة اعتذار من مجهول نفس ما قلتي واوعديه انك بتردين الباقي في اقساط وقوليله في الرساله ان ظروفك كانت صعبه عشان كذه سرقتي الفلوس وانك عايشة كل دقيقه في هم وغم وحاولي انك اتدبرين على الاقل 1000 كل شهر وترجعين له حرام الصراحه تخيلي كيف تعب وسهر وصحى الفجر عشان يشتغل ويجيب هالفلوس وبعد ما تدفعين له المبلغ كله بفتره صارحيه بكل شي. واذا بتعتذرين له حاليا بيكون احسن ويمكن حتى يعفيكي من المبلغ الله يهديكي ويفرج همك |
البنت غلطت وبدها تصلح خطاها لا تزيدو عليها انا بنصحك انك تصارحي اخوكي وترجعي الباقي له وتعتذري واكيد اخوك ماراح يزعل بعدها لانو الصدق ينجي |
أنا أقول رجعي اللي معك الان وهي4000واجعليها رساله من مجهول وتوووووووووووووووووووووووووووووووبي لله العظيم ولاتخبرينه انك انتي اللي أخذتيهم لان راح تستمرين بنظره محتقره وحتا بعد التوبه بس حاولي تجمعين الباقي وترجعينه باقرب وقت لان اللي صلحتيه حررررررررررررررررررررررررررررام وكبيرة من الكبائر الله يتوب عليك وعلى كل مخطئ
|
تم النقل إلى القسم الأنسب ..التربية والحوار الأسري |
لا وش تصارحه
بتقعد طول عمرها منذله بلا مثاليات زايده أرى أن تتسلفي الباقي وترديها لأخوك بأي طريقه مع رساله بالاعتذار فقط واستغفري الله لنفسك وأخوك وضمني الرساله بدعاء له وانه يسامحك وبس لا تتأخرين عليه كثير |
اقتباس:
الخطوه الثانيه الندم والتوبه ولا تخبري اخاك عن هذا الأمر ابدا اذا تيسر باقي المبلغ فأعيديه بدون ان يدري أسال الله ان يتقبل توبتكِ ويغفر لك مامضى |
اقتباس:
انا مقصره في العباده واصلي الصلاه مو باوقاتها والقران اهجره طويلا قبل ما ابدا اقرا شكرا لك على كلامك ونصائحك وادعيلي |
اخواني اشكركم من كل قلبي على تفهمكم وانا مثل ماقال بعض الاخوه مستحيل اقدر اعترف له وراح يكون شرخ بيني وبينه طول العمر اذا اعترفت له
انا ناويه مثل ما قلت لكم ارجع له الباقي او انتظر الى ان اجمع كامل المبلغ وارجعه له كاملا مع رسالة اعتذار واعتراف من مجهول لكن كيف ارسل الرسالة ما هي الطريقة احترت وانا افكر في الطريقة اللي ارسل فيها الرسالة ساعدوني |
اسال الله لك الهداية والصلاح وان يفتح على قلبك
الفلوس يجب ان ترجع له ارجعي له الان الذي تبقى والباقي على مراحل في اسرع وقت توبي الى الله والسارق عقابه في الدنيا قطع يده وفي الآخرة عذاب من الله سبحانه اكثري من الطاعات والاستغفار |
تفضلي يا اختي شروط التوبة ، الله يقبل منك
وأما شروط التوبة فهي التي لا بد منها لقبول التوبة عند الله وهي: 1 ــ الإقلاع عن المعصية أي تركها فيجب على شارب الخمر أن يترك شرب الخمر لتُقبل توبته والزاني يجب عليه أن يترك الزنا، أما قول: أستغفر الله. وهو ما زال على شرب الخمر فليست بتوبة. 2ــ العزم على أن لا يعود لمثلها أي أن يعزم في قلبه على أن لا يعود لمثل المعصية التي يريد أن يتوب منها، فإن عزم على ذلك وتاب لكن نفسه غلبته بعد ذلك فعاد إلى نفس المعصية فإنه تُكتب عليه هذه المعصية الجديدة، أما المعصية القديمة التي تاب عنها توبة صحيحة فلا تكتب عليه من جديد. 3 ــ والندم على ما صدر منه، فقد قال عليه الصلاة والسلام: «الندم توبة« رواه الحاكم وابن ماجه. 4 ــ وإن كانت المعصية تتعلق بحق إنسان كالضرب بغير حق، أو أكل مال الغير ظلمًا، فلا بدّ من الخروج من هذه المظلمة إما برد المال أو استرضاء المظلوم؛ قال النبي عليه الصلاة والسلام: «من كان لأخيه عنده مظلمة، فليتحلله قبل أن لا يكون دينار ولا درهم« رواه مسلم رحمه الله. 5 ــ ويشترط أن تكون التوبة قبل الغرغرة، والغرغرة هي بلوغ الروح الحلقوم، فمن وصل إلى حدّ الغرغرة لا تقبل منه التوبة، فإن كان على الكفر وأراد الرجوع إلى الإسلام لا يقبل منه، وإن كان فاسقًا وأراد التوبة لا يقبل منه؛ وقد ورد في الحديث الشريف: «إن الله يقبل توبة العبد ما لم يغرغر« رواه الترمذي وقال حديث حسن. ويشترط أن تكون قبل الاستئصال، فلا تقبل التوبة لمن أدركه الغرق مثل فرعون لعنه الله وكذلك يشترط لصحتها أن تكون قبل طلوع الشمس من مغربها، لما صح عن النبي عليه الصلاة والسلام: «إن في المغـــرب بابًا خلقــه الله للتوبة مسيرة عرضه سبعون عامًا لا يُغلق حتى تطلع الشمس منه« رواه ابن حبان. وقال عليه الصلاة والسلام: «من تاب قبل أن تطلع الشمس من مغربها تاب الله عليه« رواه مسلم.فمن أراد الله به خيرًا رزقه التوبة النصوح والكاملة والثبات عليها حتى الممات. |
أختي حيرانة . أعتقد والله أعلم أن لدى أخوك الكثير من الشك من ناحيتك أو من ناحية من يتواجدون في المنزل ولهذا السبب فهو قد ذكر الموضوع أمامكم أكثر من مرة لكي يحرك من مشاعر الشخص السارق وفي اعتقادي أن أحسن الحلول هو الجلوس معه مع شرح معاناتك وإثباتها بالبراهين وأنك أخذتيها لكي تفكي بها ضيقتك على أمل أن ترجعيها له في أقرب فرصة ، وهذا ما لم تستطيعي القيام به بسبب عدم قدرتك على توفير المبلغ ولهذا السبب فأخبريه أنكِ على اتم استعداد لتقسيط المبلغ له على فترات قصيرة لعل الله أن يوفقك في التوبة النصوح وأن يسهل أمرك مع أخوك . أخلصي النية وأصدقي في توبتك . |
اولا وباللهجة الشديدة
اخواني الاخت دخلت هنا تطلب مساعدة مو نصائح ومواعظ وعتاب ثانيا اختي :- الاعتراف بالحق فضيلة اياك ان تعترفي له لانك ستندمي اكثر ،، ومادام ان الله سترك فلا تكشفي الستر ثانيا ارجعي الفلوس ، خذي قرض بالمبلغ اللي صرفتيه بس انتبهي ترجعي الفلوس بنفس الطريقة اللي اخذتيها حاولي تحطيها بمكان في البيت وكانها كانت ضايعة هناك واذا كانت من فئة 500 مثلا ارجعيها بنفس الفئة ،، خلي الذنب بينك وبين الله وصلحي الخطأ ،، بدل ماتصبي النار بالزيت ،، بتقولي كيف اخذ قرض ، حاولي ترهني ذهب او اي شي تملكيه يساوي المبلغ المهم ان ماحد يعرف كمان بموضوع القرض |
اقتباس:
|
اختي انت وقعتي في معصيه وهذ لا جدال عليه واسبب ضعف ايمانك ماهو سبب ازمتك لا
واضح عليك انك متعوده عل هاذا اشئ والا و يش عرفك ان في جاكيت اخوك افلوس هو حصل اللي حصل اهم شئ التوبه اللى الله وعدم تكرار المعصيه والتوبه النصوحه الاقلاع عن فعل المعاصي وعدم الرجوع لها وامداومه عل الصلاه واداها في وقتها (ان الصلاة تنهى عن الفحشاء والمنكر) اما افلوس اخوك فرجعيهن اليه بس بدون يعرف انه انتي من سرقهن انتبهي احد يعرف انك انتي الفاعله حتى لا تهتز مكانتك عندهم لو صارحتيه و سامحك بس يبتل انظر نظرة استحقار لك ولو يفقد شئ اول ما يطري عل باله انتي شوفي اجمعي الفلوس ونفس الفيئه اللي انتي اخذتي ورجعيهن بس بطريق لا احد يكشفك او يشك فيك حطيهن في جاكيت معلق في دولابه ما لبسه من قديم راعي الفصول اي فصل شتاء صيف اخذتيهن ورجعيهن نفس لبس الفصل وادعو الله ان يتوب عليك وان يستر عليك ولا احد يشك فيك انه السميع العليم وان يحل ازمتك ويظهرك من همك وان يسدد دينك ويرزقك الرزق الحلال اطيب المبارك وان يلهمك الله الطريقه الصحيحه في ارجاعهن بدون فضحك |
تم اغلاق الموضوع لعدم متابعة الموضوع من قبل العضوة
|
| الساعة الآن 06:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©