|
ابنتي مصابه بمرض السكر
السلام عليكم ,,,,,,,
يا أمهات ما اقدر اقول غير لا حول ولا قوة الا بالله العلي العظيم بنتي الوحيده اللي دعيت ربي يرزقني الذريه الصالحه والحمدلله ربي رزقني بنت زي القمر بعد مرور ثلاث سنوات ويوم كملت الثلاث سنوات تعبت ورحت احلل لها بعد ما لاحظت نزول الوزن عندها وكثرة شرب الماء,,,,,,,,,,,,,,,,,,,,, طلع بتحاليل انها مصابة (بسكر) لا حول ولا قوة الا بالله بنات انا مصدومه منهاره تعبانه يارب تثبتني يارب يارب تساعدني يارب بنات انتبهوا من الحلويات ومن العصيرات المعلبه انتبهو انتبهو الله الله بدعاء لاطفالكم بنات انصحوني وش توجيهاتكم لي علما بان نتيجه التحليل صائم....65 بعد الافطار,,,,,,275 عمرها 3سنوات ولا هي بدينه وانا ماعندي سكر ولا ابوها عنده سكر بس ابوي وامي انا عندهم سكر..... مساعدتكم بنات لبنتي بتويجه والنصيحه الدكتور قرر لها ابر انسولين اوافق او اعرضها ع طبيب ثاني .... بنات كيف اتعامل معها كيف اخليها تترك الحلا والشوكلاته وش البديل بنات كيف ما اخليها تحس انها مريضها ايش اسوي لا قالت لي ابغى شوكلاته اللي تعرف احد عندها طفل مصاب بسكر تساعدني كيف اوصل لاافضل النتايج وكيف ارفع من نفسيتها واشجعها وخليها قويه وعندها مناعه ضد الحلا والعصيرات المعلبه ..... شاكره لكم بنات حسن تعاونكم تم تعديل العنوان ليتفق مع المضمون..الاشراف |
الله يشفي بنتك اختي
استشيري الاخصائي الذي يعالجها وضعي لها نظام معين للاكل مع اخذ العلاج اللازم لها ولو كان هناك شيء بديل عن الابر فهو افضل لها و ان شاء الله الاخوات ممن مرو بنفس التجربة ان يفيدوك في هذا الشأن والله يخليها لك تصحيح لفظ المشيئه (ان شاء الله)..الاشراف |
انا اعرف نا اتبعوا حمية معينة وراح من عندها السكر يارب يروح من عندها اسالي كذا طبيب ربي يشفيها وشربيها ماء زمزم لملى شرب له
|
حاولي تضعي اي حشرة بالشوكولاته والعصير قوليلها يع كلهم كدة واكليها قرع ينظم السكر الي شكله زي الشمام ينعمل متبل اذا مابتعرفيه انا حاضرة ادلك كيف
|
الله يطمنك عليها يارب
ادعيلها دايماانه الله يشفيها ويخفف عليها وزي ماقالت الاخت ام لؤي الله يجزاهاالخير كرهيها بهاالطريقه في عمرها سهل جدا باذن الله السيطره عليها اكيد لسى مابتروح المدرسه ممكن توقفي شراء كل الاشياء الضاره سويلها حميه وربي يطمنك عليها يارب |
أسأل الله العظيم رب العرش الكريم أن يشفي بنتك وجميع مرضى المسلمين
اللهم امين والحمد لله على كل حال هذا قضاء الله وحكمه |
الله يشفيها يارب ويعافيها
|
اسأل الله العظيم رب العرش العظيم ان يشفها
والله حزنت عليها اختي تحملي واصبري واحتسبي الاجر حاولي تسوين لها اكل صحي واللي بتقول الدكتوره امشي عليه يعني ابره او دواء امشي عليه وانا سمعت ان المره زينه لمرضى السكر تنقعينها في ماء بس يكون خفيف مررررررررررره عشاان مايضرها لانها صغيره يمكن ماتتحمله ودائما ارقيها واقري في ماء زمزم وخليها تشرب منه لاني سمعت اذا الطفل جاه سكر فيكون على عين والله اعلم الله يشفيها ويعااافيها وطمنينا عنها اختي |
االله يشفيها لك يااختي ولا تقلقين لان هذا الامر للاسف صار عادي في هذا الوقت
بنتي جاها السكر وعمرها كان 11 سنه وتفاجئت مثلك وضاق صدري عليها لكن ماباليد حيله يااختي ماعلينا الا الرضى بالقضاء والقدر واحين عمر بنتي 18 سنه وهي ماشيه على ابر الانسولين صباح ومساء ماعليك الا الدعاء لها مثل ماقالو الاخوات بالعافيه والقراءه عليها وتحاولين بقدر الامكان ان تبعدي عنها الحلويان والدهون لان حتى الدهون ترفع السكر وان شاء الله لكبرت وفهمت الوضع تحاول تعتني في نفسها الله يخليها ويشفيها ويشفي بنتي يارب |
ينقل الى مكانه الانسب عيادة المنتدى حتى يجد التفاعل المطلوب..الاشراف
|
شكرا لكل من رد علي جزاكم الله الف خير يارب
|
اقتباس:
عزيزتي لاتلجأي أن تكرهيها بالشكولاته والحلى لأنها قد تحتاجها عندما ينخفض عندها السكر ... أنتي محتاجة تستشيري أخصائية تغذية تتابع معاها حتى تضع لها نظام غذائي مناسب لها .. وتحتاجي تقرأي الكتيبات التوعوية حول هذا المرض .. ابحثي في النت في المواقع الطبية وكذا .. وأي تساؤل أنا في خدمتك .. والسموحة لأني كتبت ردي على عجل .. |
جزاكم الله خير ع الردود اخص الثناء والدعاء من كل قلبي الى dr.shoshoالله يفرج همك يارب ع الرد المجزء والمفيد احب اعلمك الدكتوره يوم الاثنين اللي راح قالت لي جيبي بنتك يوم الخميس الصبح بسوي لها تحاليل ثانيه وعندك 3ايام الاثنين والثلاثاءوالاربعاء سوي لها حميه وهاتيها نشوفها بعد الحميه عشان نحدد نسبه الانسولين والله 3 ايام ماارتاح لي قلب ولا جفت لي دمعه ولا توقف قلبي ولساني عن الدعاء لها والقراءه والرقيه بالقران وشربتها ماء مقريء فيه طلعت النتيجه وش تتوقعين؟؟؟؟؟؟؟؟؟؟؟؟؟؟؟؟؟؟
والله اللذي لا اله الا هو طلعت النتيجه وهي صايمه 79وبعد الافطااااااااااااار 84انصدمت انصدمت شكرت ربي بغيت ابكي من فرحتي قالت لي الدكتوره هي فطرت ايه قلت لها خبز وعصير وتفاح استغربت بس طلبت مني تحليل سكر اللي يطلع نتايج 3 شهور اللي راحت سويته لها اليوم الظهر والنتيجه المغرب يارب يارب يطلع مافيه سكر يارب لان الدكتوره قالت لي احتمال عشان الحميه اعتدل بنطلع النتيجه من 3 شهور يارب مافيه دعواتكم الصادقه ياارب تشفي لي سارة يارب |
الله يشفيها لك ويخليها
ترى يااختي حتى الزعل يرفع السكر فانتبهي لها |
يا رب تطلع النتائج سليمة ويطلع السكر مضبوط
بالنسبة للشكولاتة والحلويات ما تقلقي اختي فيه انواع خاصة بمرضى السكر وكذلك العصيرات والمكرونة والطحين والخبز والبسكويت وكل شي يخطر على بالك يوجد منه انواع خاصة لمرضى السكر وخصوصا السكر الابيض يجب ان تستغني عنه وتستخدمي بدلا منه سكر الفواكه المخصص لمرضى السكر |
nene2004شكرا لتوضيح بنتي ماطلع معها سكر خطأ طبي حسبي الله عليهم
|
الحمد لله
http://uaemusics.com/uploood/images/...qojcidr1gl.bmp الحمد لله ربك كريم و ما تدري ممكن ببركة الدعاء والتقرب الى لله الله نجاها احمدي الله واخرجي صدقة شكر لله والله فرحتلك من كل قلبي الله يحفظلك بنتك ويبعد عنها كل مكروه يارب ولا يهمك اختي كل شي بأجره أسأل الله أن يكتبلك أجر معاناتك وحرمان بنتك المسكينة طول هالفترة في ميزان حسناتك يالله نبي الحلواااااااااااااااااااااااااااااااان وهده هدية مني لبنتك الله يحفظها تعويض على حرمانها المسكينة طيلة الايام اللي فاتو http://www.godiva.com/assets/images/prodimg/1306-z.jpg http://www.ecardica.com/ecards/postc...clate_cake.JPG http://www.whdane.com/up/uploads/b8be9021dd.jpg اليوم خليها تستانس المسكينة واطلعوا روحوا للملاهي وخلها تنبسط وتاكل اللي مشتهيته والله قطعت قلبي بس مو كله مع بعضه هههههههههههههه كل يوم تاخذلها صورة الله يخليها هههههههههههههههه |
يغلق الموضوع ..الاشراف
|
| الساعة الآن 09:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©