|
معا نحو الرشاقة (الجزء الثالث)
بسم الله الرحمن الرحيم يسعدنى أن أفتتح لكم الجزء الثالث من رحلتنا نحو الرشاقه وأتمنى لكن جميعا فى بداية هذا الجزء التوفيق فى تنزيل اوزانكن والوصول لهدفكن كما يسعدنى ان ازف اليكم خبر جميل جدا مع بداية هذا الجزء لكى تشاركونى فرحتى وتتشجعوا حتى تصلوا لهدفكن الحمد لله الحمد لله الحمد لله لقد حققت هدفى ووصلت الى الوزن المرجو بفضل الله ونعمته:14::14::14: قولوا بسم الله ماشاء الله لقد توصلت لانقاص اربعين كيلو جرام من وزنى خلال سنه واربع شهور ويومان :22: سوف احكى لكم تجربتى كاملة مع الرشاقة من اول يوم لآخر يوم على فترات باذن الله حتى تستفيدن جميعا وأنا تحت امر اى أخت منكن تريد منى اى سؤال او استشارة فلن ابخل عليكن ابدا لأن كان لهذا المنتدى الأكثر من رائع الفضل فى تشجيعى حتى النهاية أشكركن جميعا وانا متواصله معكن حتى تصلن كلكن الى بر الرشاقه أختكم فى الله : أم عمار ( الرشيقة):d |
السلام عليكم ورحمة الله وبركاته
أختي sa33 ماشاء الله تبارك الله أهنيك على هذه الهمه والعزيمه.. كيف ممكن أبدأ معكم ولا لازم يكون من الجزءالأول |
ماشاء الله تبارك الله
الله يوفقك يارب اهم شي حافظى على الخسارة وثبتى وعقبالى يارب انا ليا الان 3 شهور تقريبا دايت اهم شي شجعنى ويارب كلنا ننحف وعقبال مااكتب نجاحى يارب |
بسم الل ما شاء الله
يارب اصير زيك عندي عزيمه واراد وانزل 40 كيلو انا متابعه معكم |
sa33
اهنيك على انجازك ما شاء الله تبارك الله بس عندي سؤال بعد النزول الكبير هذا كيف صار شكل الجسم بشكل عام اقصد من ناحية الترهل ترهل الجلد علامات التشقق ياليت تفيدينا شاكره لك.. |
اقتباس:
يالله قومى سجلى فى ورقه وزنك ومقاساتك وابدأى من النهارده على طول معانا وقيسى وزنك مرة كل اسبوع وعرفينا قد ايه نزلتى:22: |
اقتباس:
وعقبالك يارب انتى بالذات انا متحمسه جدا ليكى وحاسه انك هتوصلى لهدفك وبكره تفتكرى كلامى ده وتقولى ام عمار قالت:) |
اقتباس:
حقيقى فكرة عبقرية :22: يالله شدى حيلك وانا متأكده انك هتوصلى |
اقتباس:
أما عن سؤالك عن الترهلات فلن أكذب عليكى .....طبعا فيه ترهلات وخصوصا فى منطقة الأوراك و البطن من الأعلى ولكنى قرأت ان هذه الترهلات ستتحسن كثيرا خلال عام من نزول الوزن لو حافظت على وزنى الحالى فربنا يسهل واحافظ على وزنى واجرب وأقول لكم بعد سنه ايه اخبار الترهلات ولكننى اعتبرها ضريبة السمنه او عقاب السمنه الذى سيظل ملتصق بى طول عمرى كى يذكرنى وينذرنى من الا اعود لما كنت عليه |
بسم الله الرحمن الرحيم
سوف اسرد لكن تجربتى مع الرشاقه من اولها على مراحل حتى تستفدن كما وعدتكن وسوف ابدأ من نقطة الصفر من اول ما بدأت ازيد فى الوزن وكان هذا فى طفولتى وانا فى سن الرابعه تحديدا حيث سافر ابى وامى للعمل وتركانى لمدة عام مع جدتى التى اهتمت بى اقصى اهتمام فى وجهة نظرها طبعا فكانت تطعمنى ليلا نهارا وكلما سألتها ماما هترجع امتى تقول لى كلى ونامى ولما تصحى هتلاقيها جات فكنت آكل وأنام حتى تأتى امى التى لم تأتى الا بعد عام كامل من الأكل والنوم لتأتى وترى ان ابنتها أصبحت بنتين فى بعض :dطبعا كان المنظر عجيب فلم تكن لى رقبه ابدا بل كانت مدفوسه فى صدرى وجاء ابى ليحملنى كى يقبلنى فلم يستطع:( وقررا أن يأخذانى معهما ولا يتركانى ابدا وبالفعل سافرت معهما ورجعت للعب مع اختى وخسيت جدا ورجعت طبيعية جدا كأى طفله ولكن طبعا بضعف عدد الخلايا الدهنية فى جسمى فكنت لو أكلت مثل اختى ولعبت مثلها هى تظل نحيفه وانا اظهر ممتلئة ومن هنا بدأت معاناتى مع السمنه وعند مرحلة البلوغ بدأت اعراض السمنة بالظهور فورا فبدأ وزنى بالزيادة بدون اى تغيير فى نمط تغذيتى وبدأت الانتقادات اللاذعه من والدى الذى كان يجبرنى ان اصعد الدرج وانزله ( اربع ادوار) لمده نصف ساعه بعد كل وجبة اعتقادا منه ان ذلك سوف يؤدى الى نقصان وزنى وبالفعل كنت ممتلئة لكن لم اكن سمينه بل كان جسمى فى منتهى الجمال مع قابليه شديده للسمنه وبعد دخولى الجامعه ومع عدم حركتى نهائيا لأننى كنت اطلع من الجامعه اقعد على الكتاب حيث كانت دراستى صعبه وتخصصى يحتاج للمزيد من المذاكرة والجهد فكنت اذاكر وآكل فقط رجعت لزيادة الوزن حتى وصلت عند التخرج لوزن 75 كيلو وظللت هكذا حتى زواجى وخلال هذه المده التى سبقت زواجى بعام حاولت كثيرا تنزيل وزنى ولكن بطرق خاطئة جداادت بى الى ان كنت على وشك الوفاه حيث كنت اتناول اقراص اسمها ايزومريد للتخسيس بدون وصفة طبيه وكنت اصرف كل نقودى على شرائها وطبعا لم تنزل من وزنى ولا كيلو واحد ولم يكن لدى ادنى استعداد للرجيم ولا للرياضه وبعد ذلك اصدرت وزارة الصحة تحذيرا من هذا الدواء انه يسبب هبوط مفاجئ بالدورة الدموية وسكتات قلبيه مفاجئة وسحبت كل الدواء من السوق وحظرته وبالتالى بطلت الدواء ومع بدايه ايامى الأولى فى الزواج انهالت على الانتقادات من زوجى الغالى الذى لم يبخل على بكافه انواع النقد الجارح من شكل جسمى وسمنتى التى تفاجئ بها وكأنه لم يرانى قبل الزواج او اننى كنت لابسه طاقية الاخفا مثلا ولن انسى كلمته الشهيرة لى فى اول يوم زواج لنا ( دراع ده ولا ورك!!!!!!) ومن يومها قررت ان اكون رشيقه والا اترك له فرصه كى ينتقدنى بهذا الشكل وبدل من ان اقضى احلى ايام شهر العسل فى اكل مالذ وطاب مع زوجى الحبيب وخصوصا ان ثلاجتى كانت مملؤة عن آخرها بأشهى الحلويات والتورتات والجاتوهات والأكلات تركت هذا كله وكنت آكل خضار وفاكهه فقط وسافر زوجى بعد 15 يوم فقط من زواجنا وتركنى عند أهلى حتى يجهز لى اوراقى وقررت ان افاجئة بشكلى الجديد عند ذهابى اليه ...... وهنا كانت بداية رحلتى الصحيحة مع الرجيم الصحى لأول مرة فى حياتى كان عمرى وقتها حوالى 22 سنه وكانت معدلات الحرق عندى مرتفعة جدا فتمكنت من خلال رجيم بسيط ومتوازن جدا ان انزل من وزن 75 كيلو الى وزن 54 كيلو فى حوالى اربع شهور وبدون اى رياضه ولا شيء فكنت افطر ربع رغيف مع بيضه مسلوقه وقطعة جبن قريش وملعقتين فول مع سلطة كثيره وشاى والغذاء نصف رغيف مع خضار بدون دهون مع ربع فرخة او قطعة لحم او اى بروتين والعشاء مثل الفطار تماما ولم اكن آخذ يوم مفتوح ولا غيره فكنت ماشيه على النظام ده طول الاربع شهور وكنت احيانا انافس نفسى فأستغنى عن النصف رغيف فى الغذاء مع تزويد السلطة وكانت اختى تدعمنى وتشجعنى كثيرا وكانت دائما تقول لى ان شكلى اصبح اروع واننى اصبحت انحف منها وان زوجى سوف يتفاجء ويسر جدا ولكننى عندما سافرت له تفاجئ بشكلى ولم يعجبه!!!!!! وقال لى انا لم اقل لكى ان تخسى بهذا المنظر لقد اصبحتى شوية عظم على بعض وايه الترهلات دى ،،، شكلك كده بقى وحش جدا!!!!! وحصل انى حملت بعدها على طول فتركت الرجيم تماما ولكنى لم ازيد ولا شيء فظللت محافظه على وزنى بدون رجيم طوال فترة الحمل لم ازيد الا 9 كيلو ونزلتهم مباشرة بعد الولادة وبدأت فترة الرضاعه وهنا بدأت زيادة الوزن بالتدريج مره أخرى فزدت عشرة كيلو وأبح وزنى 64 كيلو لكن شكل جسمى كان رائع فى هذا الوزن فهو ممتلئقليلا لكن شكله انثوى جميل ولكن الزيادة استمرت وعملت رجيم وظللت اطلع الى وزن 70 او اكثر قليلا ثم انزل الى 64 وهكذا وهنا تغيرت معدلات الحرق فى جسمى طبعا من التذبذب فى نزول الوزن والزيادة باستمرار فانخفضت معدلات حرق الدهون جدا عندى واصبحت لا انزل بسهوله وبدأ التخاذل عن الرجيم والى هنا سأتوقف اليوم وأكمل معكم مره أخرى لاحقا ولكن على شرط ان اجد لديكم التفاعل وان تكون تلك التجربه بمثابة الحافز القوى لكن كى تفعلن مثلى |
انا بستناكي
بالله كملي متحمسه اعرف :) لا اطولي علينا |
يالله ننتظر التكمله صراحه ردت فعل زوجك تحطيم
|
صباح الفل على كل الوردات الرشيقات
طبعا انا مستغربه جدا عدم تواجد ام جوجو حبيبتى فى الموضوع بقى لها مده يارب يكون المانع خير وأشكر أختى ورده وأختى بنت مكه على تفاعلهم معى وتواجدهم الجميل واتمنى من الله ان تصلاالى هدفهما وتكونا رشيقات هذا العام ويدخلن ويكتبن تجربتهن للجميع كى يستفيد الكل ويتشجع سوف اكمل لكم من نقطة توقفى امس وهى بداية فترة التخاذل عن الرجيم وهذ عندما قلت معدلات الحرق بجسمى وأصبحت أخزن كل ما آكله ولا أحرق الا القليل منه هذه العوارض تزامنت مع وجود حالة نفسية تحت الصفر واكتئاب شديد فقد تأخرت فى انجاب طفل ثانى وأصبح عمر ولدى حوالى خمس سنوات ولم يحدث حمل تانى ومع بدأ رحلة الذهاب للأطباء من اجل الانجاب بدأت الكارثه فقد كانوا يعطوننى منشطات وابر وخلافه زادت من وزنى عشرة كيلو وللأسف بدون اى جدوى بل باءت كل المحاولات من عمليات وغيره بالفشل ولا حول ولا قوة الا بالله العلى العظيم ولم اخرج من كل هذا الا بزيادة فى وزنى فوصلت للثمانين كيلو لأول مره بحياتى وزادت كآبتى وقلت حركتى جدا لدرجة اننى لم اكن اتحرك الا فى اقل الحدود داخل البيت وقل نشاطى الجسمانى فليست لدى رغبة حتى فى تنظيف المنزل ولا غسل الملابس ولا كويها وحتى الطبخ أقوم أطبخ بالعافيه واى حاجه سريعه علشان اخلص ولكن الشيئ الوحيد الجيد الذى كنت افعله هو اننى كنت اعمل فكانت رياضتى الوحيدة هى الذهاب للعمل يوميا علما بأن مكان عملى كان بجوار بيتى جدا وظل الحال كما هو عليه وكنت فى هذه الفترة فى بلدى وبعدها سافرت الى زوجى وكنا قد انتقلنا الى تلك القرية الصغيرة التى اعيش بها الآن وطبعا لا يوجد بها عمل لى ولا يوجد اى مكان للترفيه او المشى ولا توجد نوادى للسيدات ولا حتى للرجال ولا يوجد محل يبيع ادوات رياضيه فهى قرية صغيرة تبعد عن المدينة حوالى 350 كيلو فكان نظامى اليومى غريب وعجيب وكنت أفعل كل ما هو غير صحى تماما أولا نظامى اليومى انقلب فكنت انام طول النهار وأسهر للفجر ولبعد الفجر كمان وأستيقظ على الساعه 1 او 2 ظهرا قبل مجيئ زوجى وابنى من بره بثوانى حتى لا يغضب زوجى اذا جاء ورآنى لازلت نائمة بينما هو ذهب لعمله وعاد أقوم فورا أسخن طعام الغذاء الذى اكون مجهزاه من الليل ونتغذى وطبعا بكده وجبة الافطار ملغية مافيش فطار أما الغذاء فلابد من وجود مقالى لاما سمك مقلى بانية او دجاج بانيه او لحم مشوى والخضار طبعا مطبوخ على الأصول بالسمن والدهن وكل شيئ أما الرز فكان يحتل المكانة العظمى على السفرة فيوضع بأكبر طبق ويؤكل قبل كل شيئ اما السلطة فكانت فى اصغر طبق وتوضع على السفرة ولا تؤكل بل ترمى بنهاية كل وجبة وبعد الغذاء لابد من التحليه وطبعا لم اكن اطيق سيرة الفاكهه الا انواع محددة لا تتواجد طول العام مثل البرقوق والدراق والكرز والمانجو فهذه كانت فواكهى المفضلة ولو لم تتوافر اذن فالحلوى هى البديل الرائع والأفضل بالنسبة لى وأنا بارعه فى صنعها فلا يخلو البيت عندى من البسبوسه والكيك بكافة انواعه وأشكاله والمعمول طبعا وتارت الفاكهه والتشيز كيك ولو كسلت عن عملهم يبقى اشترى لوح شيكولاته باللوز واخلص عليه طيب أكلتى كل ده ....... قومى بقى اتحركى ولا اعملى اى مجهود .. طبعا لأ بعدها اما اقعد على النت او اشاهد التلفاز أو أذاكر لإبنى وطبعا شرب الشاى ده طول اليوم عمال على بطال الكوب يخلص املى غيرة وهكذا فكنت اشرب حوالى من 7 الى 10 اكواب من الشاى الأسمر المحلى بالسكر طبعا ومايمنعش يكون معاه قطعة حلوى مرتين تلاته فى اليوم نيجى بقى للعشاء لأنى طبعا مش هأنام من غير عشا ما ينفعش مش كفايه ما فطرتش اتعشى ايه بقى وامتى ؟ اتعشى فى آخر الليل بعد ما الكل ينام حوالى الساعه 12 ونصف ليلا والعشاء اما بيتزا او فطاير محشوة او ساندويتش عيش فينو مع الجبن الكريمى والزيتون الأسمر وكوب الشاى طبعا ولا وجود للخضار على القائمة وبعد العشاء اتسلى وانا قاعده قدام التلفزيون باللب الذى كنت مدمنه عليه فممكن اخلص 225 جرام فى الليله الواحده وبكل بساطه وانسى اصلا انى اكلت لب حقيقى هذا كان نظامى فى الأكل بدون اى مبالغه أما الشرب فطبعا كانت تمر أيام كامله بدون أن أشرب بها كوب واحد ماء نهائيا فكان الشاى عندى بديلا للماء وللعصير وللحليب الشاى والشاى فقط وبعد عام من هذا النظام المدمر وصل وزنى لل84ونصف او 85 كيلو وكان شكلى فعلا يخوف فقد اصبحت بدينة كجدتى والشحم فى كل مكان بجسمى وركبتى تعبتنى جدا فلم اكن استطيع الوقوف وانا اغسل الأطباق مثلا فأحضرت كرسى بالمطبخ وأصبحت أطبخ وأنا جالسه وأغسل الأطباق وأنا جالسه وتحولت لإمرأة عجوز وليست شابه فى الثلاثينات والأسوأ من ذلك اننى اصابتنى حالة ارتجاع فى المريئ فكانت الحموضه لا تغادر معدتى ولا تخف الا بالأكل فآكل فتخف لمدة وجيزة جدا ثم تزداد اكثر من الأول ودخلت فى حلقة مفرغة وأيضا زيادة الشحم على صدرى وقلبى كانت تجعلنى اقوم مختنقة فى منتصف الليل لا استطيع ان آخذ نفسى براحتى ولابد من الجلوس حتى استطيع التنفس أما زوجى العزيز فكان قد يئس منى فأصبح يبتعد عنى شويه شويه فلم اعد أعجبه ابدا بل تطور الوضع للأسوأ من مقارنتى بمن يشاهدهم على شاشات التلفاز من نساء رشيقات وقمرات وأصبح يقول لى بكل صراحة شوفى دى جسمها رشيق ازاى ودى ما اعرفش ايه ودى ودى ولو اتضايقت او زعلت يقول لى يعنى انتى عايزة تحرمينى من انى اشوف ده فى مراتى ولا كمان اشوفه على الناس وهو طبعا محافظ جدا على وزنه ولو زاد 2 أو 3 كيلو ينتبه وينزلهم فورا فهو نشيط جدا ولا يعمل رجيم ابدا بس بيزود نشاطه فيخسرهم فى اسبوع او اثنين وأصبح ايضا يعايرنى بأنى اشمعنى انا الوحيدة فى اسرتى اللى سمينه ففعلا باقى اخوانى وأختى وأمى وأبى فى منتهى الرشاقه بل هم نحيفين ايضا لدرجة انه فى يوم قال لى لو كنت شفت أختك قبلك كنت خطبتها هى فأنا كان نفسى اتجوز بنت رشيقه مش سمينه !!!!!! وكانت هذه الكلمات تقتلنى بالبطيئ لكن كانت ردة فعلى عجيبه فكأننى كنت أعاندة بأنى أغضب منه وأخاصمه بالشهور وأنقض على الأكل أكثر وأكثر وحدث انه ذات مره طلب منى شيئ يحتاج لمهاره وحركه وأنا لا أستطيع فقلت له لا أجل هذا الطلب الى ان اخس حتى استطيع فقال لى يا فلانه انتى مش هتخسى ابدا فأعمليه دلوقتى وخلاص لأنى لو انتظرت لحد ما تخسى يبقى عمرك ما هتعمليه !!!!! وكانت تلك الكلمة هى القشه التى قسمت ظهر البعير فقلت له لقد تحديتك فى بداية زواجى وكسبت التحدى وها انا سأعيد التحدى مره اخرى وسترى اننى سأخس حتى أصل لأقل مما كنت عليه ولكنى لا أريد منك ولا كلمه لاتشجعنى ولا تحبطنى لأنى طبعا كنت مدركه تماما انه لن يشجعنى ابدا بل سيظل يسمم بدنى بكلامه الجارح وانتقاده الدائم ولكننى لم اتخذ القرار النهائى ببداية الرجيم من هذا الوقت بل أخذ الموضوع معى حوالى ثلاث شهور أخرى وأنا فى حالة جذب وشد مع نفسى ........ فأنا غير راضيه عن شكلى ولا عن نظامى اليومى ولا عن حياتى لكنى اشعر اننى مكتوفة الأيدى ولن استطيع ان افك قيودى واتحرر منها وظللت طوال الثلاث شهور هذه انوى كل ليله وبعد ما اتعشى واشبع على الآخر اقرر انى من بكرة خلاص هأبدأ حياه جديده هأصحى من بدرى وهأعمل رجيم وهأتحرك وأعمل رياضه وهأبقى انسانه تانيه ووووووووووووو.......... وأظل فى أحلام اليقظة هذه حتى افاجئ بأن الفجر أذن ولم اتمكن من النوم فأصلى وأنام وأضبط المنبه على عشرة الصبح وطبعا اطفيه وارجع انام لبعد الظهر كالعاده ......... طيب والحل ؟؟؟ هأفضل كده لحد امتى ؟ أنا بقيت اخاف اطلع على الميزان او اشوف وزنى بقى كام وماعدتش بأرضى ابص فى المرايه لأنى رافضه شكلى ونفسى وانعزلت عن العالم تماما فكانت جاراتى يحببننى ويحببن زيارتى لكنى طبعا لا ارد لهم الزياره فيتكسفوا يزورونى تانى وفى الآخر يستسلموا ويزورونى ولكن على فترات متباعده وكانت زياراتهم ثقيله على قلبى جدا فأنا لا اريد ان اقابل أحد وحتى أهلى أصبحت لا اتصل بهم ولا اكلمهم الا كل فتره كبيرة أما زوجى فقد انعزلت عنه تماما واصبحت ابيت بغرفه ابنى وهو ماصدق وارتاح لكده وكادت هذه الأمور ان تدمر بيتنا وعلاقتنا كلها وجاءت جارتى المقربه الى قلبى لزيارتى فى يوم وجلست تتكلم معى بقلب مفتوح ولأول مره .... بدأت كلامها بأن حكت لى عن كثير من مشاكلها مع زوجها والتى لم اكن اتخيل ابدا ان لها مشاكل معه فهى دائما تشكر فيه امام الجميع وحاولت ان تجد لدى الحل !!! |
ولكن أنا من كنت احتاج للحل ..... المهم أدركت وقتها انها تحاول ان تجذب الكلام منى حتى اتحدث معها عن حياتى مع زوجى ومشاكلى وأنا طبعا من النوع الكتوم جدا الذى لا يحب ان يعرف اى مخلوق فى الدنيا شيئ عنه فلم اتحدث معها الا عن مشكلة تأخرى فى الحمل وأن هذه المشكله تؤرقنى كثيرا
وقالت لى هى كلمات لازالت ترن فى أذنى لليوم قالت لى أنا أشعر ان هذا الموضوع قد أخذ من وقتك وجهد وسعادتك الكثير خلاص انتى عملتى كل اللى تقدرى عليه وربنا ما ارادش يبقى ليه تضيعى احلى ايام حياتك وشبابك فى الجرى وراء سراب ليه ما تواجهيش قدرك بقوة وتسيبك من التفكير فى الموضوع ده ولو حصل كان بها ونحمد ربنا ولو ماحصلش يبقى ما تضيعيش اللى فى ايدك انتى الحمد لله معاكى طفل وربنا رزقك بيه من غير تعب يبقى ليه تتعبى نفسك وجوزك وتعذبى ابنك معاكى ....اهتمى بابنك واعطيه كل حبك وحنانك ورعايتك وحققى هذه الأمومة فيه وآهو طفل زى عشرة المهم انم ماما وابدأى بقى فوقى لحياتك ولجوزك وابنك ونفسك ........ بصى كده لنفسك انتى زدتى من ساعه ما شفتك اول مره لحد دلوقتى حوالى عشرة او 15 كيلو وفعلا شكلك ما بقاش حلو وانا مش عارفه ازاى جوزك ساكت لك على كده المفروض انك تهتمى بيه وبنفسك اكتر من كده .. اوعدينى انك تفكرى فى حياتك بايجابيه اكثر . فقلت لها والله انا بقى لى 3 شهور كل يوم اقول هأبدأ من بكره اعمل رجيم واصحى بدرى والعب رياضه وووو وأنام فيتبخر كل الكلام ده مع النوم . فنبهتنى لنقطه مهمه جدا وقالت لى ان تفكيرى بالشكل ده غلط وهو اللى مخلينى ما اعملش اى حاجه . قالت لى ما ينفعش تقلبى 360 درجة مره واحد كده عمرك ما هتعملى حاجه . انتى الأول ابدأى بالرجيم وبعد شويه ابدأى دخلى الرياضه وبعد فتره ابدأى عدلى مواعيد نومك وبكده هتقدرى تحققى كل احلامك لكن انك تكربسيها كلها مره واحده يبقى ماعملناش حاجة. وكانت فكرتها واسلوبها فى التفكير فعلا ممتاز واقتنعت بيه وبدأت من تانى يوم هى كانت عندى انى اعمل الرجيم وكان ده فى يوم 1-11-2009 العام الماضى والى هنا سأتوقف اليوم وأكمل لكم رحلتى مع الرشاقه لاحقا |
والله انك خطييييييره يا ام عمار بجد حبيت طريقتك بالكتابه انتي كانك بتتكلمي عني انا بعيش نفس الضروف بس الفرق حاجه واحده انه جوزي بقلي ما بهمني كلي حبيبتي كلي
من جوا انا مش طايقه نفسي وانعزلت عن الجميع نفسي ارجع زي زمان لل ستين للرشاقه للبس حتى شكل وجهي اتغير مكلبز وخدود استغفر الله المهم لا اطولي علينا انا متابعه معك عاطول :) احبك في الله يا ام عمار |
متابعه ونفسي اكمل باقي القصه:d
اليوم رجعت من النادى كان قياس وزنى زايد 200 جرام كنت 81 و200 صرت 81 و400 طبعا انا مره انقهررررررت وزعلت من نفسي ومن جسمى الغبي العنيد قد مااتعب واسوي رجيم برضوا ازيد مدرى ايش المشكلة منتظمة في كل شي حتى الدواء الا اكرهوا مدوامه عليه طيب ايش اسوي ايش الحل ماخليت شي تعبت من جد حتى اليوم ماسويت رياضه احس اى شي اسوي يطير في الهواء ويتبخر الكل ينقصوا ماشاء الله اقل شي كيلو و2 وانا زياده :29: :19::19::19: استغفر الله بس لو الانتحار يجوز كان ارتحت من حياتى وخلاص من جد مليييييييييييت |
السلام عليكم اولا مبروك يا ام عمار وصولك للوزن المثالي و ان شاء الله تحافظي عليه. و عقبال لباقي الدبدوبات و على رأسهم انا. الصراحة مش قادرة اوريكم وجهي لاني وعدتكم ابدأ لكن لحد الان لم افِ بالوعد والله و الله لظروف خارجة عن ارادتي فانا من النوع الذي لا يستطيع عمل اي شيء و بالي مشغول بعدة امور. المهم مرشدتي ارجو منك ان تعذريني و لا تزعلي مني. انا متابعة معاكم . الصراحة قصتك مؤثرة جدا و كم وحدة ستجد نفسها في قصتك لكن الاهم اننا نتشجع و نعمل مثلك و نتبع نصائحك حتى نصل لهدفنا ان شاء الله.
بنوتة لا تزعلي حبيبتي و استغفري الله ما في اي شيء في الدنيا يستاهل الانتحار على شانه حتى لو كنت زايدة 100 كيلو بعد الشر. تفاءلي اختي. شوفي لا تفكري كثير في الامر اتبعي الرجيم و الرياضة و خذي الدواء بانتظام و انسي الوزن و سوف تلاحظين ان وزنك سينقص باذن الله. |
ماشاء الله لاقوة إلا بالله
وألف ألف ألف مبرووك يا أم عمااااااااااار وصولك الوزن المثالي ...وربنا يثبتك ويرزقك الصحه والعافيه وجسم مثالي وقوام رشيق وإن شاااااء الله نبااارك لك قريب بعماااااااار عاجلا غير أجل فعلا شعرت في قصتك أن لكل مجتهد نصيب ....تعبتي ووجدتي نتيجة تعبك الحمد الله ....كان لي رغيه أعلق بعد الأنتهاء من قصتك الشيقه كامله ولكن لم أتمالك نفسي ....فأنا متااابعه موضوعك منذ بدايته ولكن علي الصامت وحاولت أنا أبدأ معاكم ولكن كثيرا ما كنت أتكاااسل ...وكنت متااابعه دائما لموضوعكم ويوميااتكم حتي أتشجع وبفضل الله بدات من حوالي شهرين في رجيم النقاط wieght watcher وخسرت الحمد الله 5 كيلو ولكن عندي لكي بعض الأسئله بخصوص الترهلات فمشكلتي أن جسمي ممتليء من الجزء السفلي ومنطقه بطني ...والأن بعد أن خسرت 5 كيلو أشعر بأن أصبحت نحيفه جدا من الأعلي منطقه الوجه والصدر وخصوصا صدري ....أعلم أن التمارين مفيده لهذه المناطق وأمارسها ولكن السؤال الذي يشغلني هوه هل عندما أصل لوزني المثالي سيكون جسمي مليء بترهلات وأشعر بعدم التناسق لأني كما أخبرت أشعر أن صدري يكاد يتلاشي والمنطقه السفلي ما زالت مليء بالشحوم (أعتذر ولكن أريد أن أستفسر فقط) أنا قصيره طولي 149 ووزني الحالي 56 كيلو وهدفي أن أصل لل50 .... وكنت أتمني أن يكون هدفي الأخير 45 كيلو .....ولكن كما أسلفت أخشي عندما أصل لهذا الوزن يصبح جسمي غير متناسق وغير أنثوي ....فبماذا تنصحيني ؟؟؟؟؟ أعتذر عن الأطاله وأتمني أن يكون كلامي واضح ومفهوووم وجزاااااااااااكي الله كل خير وزرزقكي من حيث لاتحتسبي وأتمني لكي دوااااااااام الصحه والرشاقه |
اقتباس:
الفضل اولا واخيرا لرب العالمين وانا ما عملت شيء هذا اقل من واجبي تجاهك كعضوه مميزه وانتي احرجتيني بذوقك ولطفك :) انتي عارفه ليه سالتك عن الترهلات لانه من فتره كنت متابعه برنامج تلفزيوني يعلم الرجيم والرياضه على اصول وكان فيه شخص جدا جدا سمين وبعد الرياضه والرجيم خس كثيييييييييييييير لكن للاسف جسمه صار ترهلات يعني زي ماتقولي جلد مرهرط فنصحوه الاطباء انه يعمل عملية قص جلد لانه هذا يعتبر جلد زائد.. لذلك الفضول دفعني اعرف بعد خسارة 40 كيلو ايش وضعك كان مع الترهلات.. ان شاء الله تضبط معاك وتروح مع الوقت والاستمرار بالرياضه.. وبالنسبه لقصتك روووعه استمري استمري الكل متاااابع :17: |
اقتباس:
عارفه والله مافي شي يستاهل بس احس بي اكتئاب من جد وطول الوقت مضايقه واحاول اضحك وانبسط دايما وانسى الفكرة بس اول مااطلع الميزان والقي زياده انصدم وانقهر على تعبى الا بدون فايده يضيع الله يعين بس ويصبرنى على ماابتلانى تسلمى |
بنت مكة حبيبتي العفو يا روحي اصلا لولا التشجيع و المساندة لما استمر هذا الموضوع. عارفة اقول لك شيء عشان نتشجع انا و انتي ارجو الا احبطك اكثر انا و انت اللي بقينا من ذوي الاوزان الثقيلة الكل ما شاء الله اما وصل الوزن المثالي و اما قرب و اما زايدين بس 5/6 كلغ و عايزين ينزلوهم . تعرفي ليه لان التوتر عامل حاجز بينا و بين الهدف اصلا انت لديك مشكل الغدة و مزودة المشكل بتوترك اما انا فحدث ولا حرج.... المهم خليك متفاءلة و شجعيني و اشجعك حتى نتوج باذن الواحد الاحد لما نصل للوزن المثالي ان شاء الله.
|
اقتباس:
اوك راح اتشجع معاكي معظم البنات اصلا اختفوا كم وزنك الان انا قرات رجيم دشتى صراحه حلو بس مااعرف يناسبنى ولا لا |
ونا بنظم معاكم
بس عطونا نظام نمشي عليه انا زايده 8كيلو وزني 68 وناابغى اوصل ل60 |
اقتباس:
على فكرة أنا كتبت مذكراتى مع رحلة الرشاقة هنا لأنى متأكدة ان فيه كثيرات مثلى يعانون بصمت ويقفون مكتوفى الأيدى يشعرون انهم حبيسين داخل ذلك الجسم الضخم الذى لا يعبر ابدا عن شخصياتهم الحقيقية ولا يبرز معالم جمال شخصياتهم فقط لأنهم بذلك الجسم ولذلك كتبت هنا كى أعطى دافع لكل من تقرأ هذه التجربة ان تتشجع وتبدأ معنا فورا طريقها نحو الرشاقة وليس هذا فقط ولكننى أنوى باذن الله ان استطعت تقديم كل العون والمساعدة والنصائح والحلول التى تعلمتها على مدى العام ونصف السابقين لكل من تسألنى النصيحة وان لم املكها فسأكتفى بالحث والتشجيع لها حتى نصل كلنا لهدفنا ونسعد جميعا بأجسامنا وعقولنا وصحتنا مشكورة وجزاكى الله كل الخير |
اقتباس:
ليه كده انتى عارفه انى شبه متأكده انك هتكونى من اوائل الناس اللى هيلحقوا بى فى قطار الرشاقه وهتفتكرى كلامى ده وتقولى ام عمار قالت انتظرينى مع باقى مذكراتى عن الرشاقه وسترين بنفسك ان ما يحدث معك الآن حدث معى كثييييييييييرا ولكننى تعلمت ان لا أبالى وأن أستمر فى هدفى قدما ولا انظر لوزنى المهم ان شكل جسمى بدأ يتحسن وفعلا احيانا يثبت الوزن او يزيد قليلا لكن تتغير المقاسات تماما وتصغر وهنا يكون الجسم بيعمل شيء اسمة اعادة توزيع للدهون به او reshaping فلا تيأسى ابدا . أنتى وضعت هدف لنفسك وماشية فى طريق تحقيق الهدف فاياكى اياكى والتراجع او التخاذل او الوقوف محلك سر اجتهدى واعملى كل اللى ممكن تعمليه واتركى كل شيء لله رب العالمين وسترين ان النتيجة ستكون مذهلة حتى وان تأخرت قليلا ونصيحة أخيرة منى من اليوم زيدى على وقت الرياضه بتاعك كمان نصف ساعه واعملى الرياضه صباحا قبل الفطور وقبل تناول اى شيء الا الماء وستخسرين الوزن باذن الله |
اقتباس:
أما عنك حبيبتى فأريد أن أهمس فى أذنك همسه : المشاغل لن تنتهى وان انتظرتى حتى تنهى ما يشغل بالك ثم تبدأى فى اتباع الرجيم والرياضه فلن تبدأى اذن ابدا اذن قومى من الآن وابدأى معنا ولا تنتظرى روقان البال وعايزة اقول لك على حاجه مهمة قوى الرياضه بتعمل على روقان البال والسعاده لأنك لما بتلعبى اى نوع من الرياضه جسمك بيفرز المادة المسؤوله عن الشعور بالسعاده فبالتالى يروق بالك وتخسى فى نفس الوقت:) يالله ابدأى من اللحظه دى . |
اقتباس:
والف مبروك نزول الخمس كيلوات .... انتى عارفه ان كل ما تنزلى من وزنك 7 كيلو بتخسرة مقاس واحد من ملابسك يعنى زمان مقاساتك هتتغير للأرشق دلوقتى:22: أما بالنسبة لاستفسارك يا حبيبتى فلازم تعرفى معلومة مهمة جدا وهى ان جسمنا ده ماشى بنظام معين فهو بيبدأ يخسر الدهون عكس ما اكتسبها يعنى بيخسر الدهون اللى اكتسبها آخر فترة فى أول الرجيم والدهون القديمة اللى اكتسبها من زمن بيخسرها فى الآخر خالص وطبعا انتى عندك الامتلاء فى منطقة البطن والأرداف والفخذين فهذه المناطق ستكون آخر شيئ ينزل فاستمرى على الرجيم والرياضه وما يهمكيش النزول مش هيكون من الصدر بس لكن بالنسبة لموضوع الصدر فهو مشكله حتى عندى والله بالرغم من انه كان ممتلء لدرجة تخوف زمان لكن دلوقتى صغر جدا بس زى ما قلت لك هو بيفضل يصغر لحد ما يوصل لدرجة معينة ويوقف عندها وبيكون غالبا متناسق مع طولك ووزنك المثالى فانتى 149 سم يعنى المفروض وزنك يكون من 45 الى 50 فلازم يكون لك صدر صغير على قدك يعنى اما لو أردتى تكبريه فمافيش فعلا اى علاج ولا اى حل آمن وحطى تحت آمن مليون خط يعنى لا عمليات تكبير ولا سيليكون ولا شد الحل الوحيد هو رياضه متخصصة لهذه المنطقة تقوم على حمل بعض الأوزان او الأثقال يعنى وبكده هتكبر العضلة اللى شايله الثدى نفسه وتقوى فتعطيكى مظهر جميل ومشدود فى نفس الوقت أما لو كان حصل لك ترهلات فى منطقة الثديين فأنصحك بالتدليك فى اتجاه عقارب الساعه و ابتداءا من اسفل الثدى وصعودا لأعلاه بحركة دائرية حول الثدى كله بزيت الحلبه لمددة شهر لو لاحظتى تحسن استمرى |
اقتباس:
|
اقتباس:
رجيم دشتى لأ والف لأ ده رجيم كيميائى هينقصك فى الأول شويه تفرحى بيهم وبعد كده هيدمرلك نظام الحرق فى جسمك ومش هتخسى تانى ده غير ان له اضرار كبيرة جدا نظرا لاعتمادة الكامل على البروتين فله مضار جامده على الكليتين خصوصا وارتفاع اليورك أسيد اللى هو الحامض البولى اياك منه يا بنت مكه اللهم قد بلغت |
اقتباس:
|
اقتباس:
واليك هذا الرجيم الصحى القائم على الهرم الغذائى طبقيه كما هو كما كتبته لكى لا تغيرى بالأيام ولا بالوجبات الافطار اليومى : كوب شاى بالحليب خالى الدسم او نسكافيه بالحليب خالى الدسم +3 ملاعق كبيرة فول أو بيضة مسلوقة+ 2 توست رجيم (بر او أسمر يعنى)ويمكنك تناول بعض الخضروات معه مثل خيارة او نصف حبة طماطم وفلفل رومى العشاء اليومى 3 مغارف اما من شوربة العدس او الخضار + ثمرة فاكهه ( الموز والمانجو والعنب والتمر والتين ممنوعين ) لو لم يعجبك هذا العشاء فاستبدليه بعلبة زبادى خالى الدسم + 2ثمرة فاكهه الغذاء: اليوم الأول: نصف كيلو جمبرى مشوى + 4 ملعقة رز أبيض أو بالبصل + طبق سلطة كبير اليوم الثانى: 8 قطع شيش طاووق +طبق سلاطه +رغيف بر اليوم الثالث ربع كيلو كفتة مشوية + طبق سلاطة + رغيف بر اليوم الرابع: ربع فرخة مشوية او مسلوقة +طبق خضار مطبوخ بدون دهون او مشوى فى الفرن+4 ملاعق رز+سلطة اليوم الخامس: صدر أرنب مشوى او مسلوق ولو مش بتحبر الأرانب يبقى ربع فرخة + خضروات مطهية بدون دسم+4ملاعق رز+سلطة اليوم السادس: 8 ملاعق مكرونه باللحمة المفرومه ( اللحمة تتعصج بدون دهن نهائيا)+ طبق سلاطه اليوم السابع : وجبة مفتوحة وممكن تاكلى بعدها اى قطعة حلوى تشتهيها بشرط الا تزيد عن نصف كف يدك يعنى تقيسيها من عند اطراف الأصابع لحد منبت الأصابع فقط. مع تمنياتى لكى بالرشاقه وممكن بنت مكه تطبق الرجيم ده حلو ومنوع وهيساعده تنزل كويس ان شاء الله. |
كده وبعد ما رديت عليكم كلكم والحمد لله هأكمل لكم جزء بس قليل شويه لأنى أتأخرت على ما رديت على الكل
المهم كنت وقفت عند أول يوم فى الرجيم وده كان بتاريخ 1-11 -2009 تاريخ طبعا لن أنساه وكان جوزى مسافر لمدة اسبوع وقلت والله فرصه آدينى هأطبخ أكل رجيم ومش هأحتار بقى فى الأكل لكن أقول لكم الصراحة أنا كانت معلوماتى عن الرجيم بسيطه جدا وماكنتش أعرف ايه اللى ممكن يسمن وايه اللى مايسمنش فبدأت أول اسبوع ده بأنى آكل جزر وكرنب كثير جدا اعتقادا منى ان الأكل ده خالى من السعرات وآكل بقى على راحتى وطبعا عرفت بعد كده ان كل 100 جرام من الجزر فيها 45 وحدة حرارية لدرجة انى كنت بأعمله حلويات كمان بأنى أسلقة وأضيف له ملعقة عسل وأهرسه واكله ولم اعمل اى رياضه فقط الرجيم ووزنت بعد اسبوع من المعاناه فطبعا وحده كانت بتاكل كل اللى قلتلكم عليه قبل كده وتعيش اسبوع كامل على الجزر واكرنب وقليل من الخبز والجبنه او ما يتوفر فى البيت من بروتين المهم لم انقص ولا حتى ربع كيلو ولم يتزحزح الميزان عن مكانه وبدأ الاحباط والاكتئاب وكأن جسمى بيعاندنى ومابقيتش عارفه اعمل ايه قعدت افكر..... معقولة أنا مش هأعرف أخس ابدا تانى زى ما جوزى قال لى .... وفضلت كلمته دى ترن فى ودنى ولكن سبحان الله اعطتنى دافع ان اكمل فقررت تغيير هذا النظام الفاشل وأن امشى على نفس الرجيم اللى اتبعته فى اول ايام زواجى وهو كان رجيم مريح وكويس وفعلا اتبعته لمدة اسبوع كمان وجيت اوزن نفسى آخر الاسبوع لقيت الميزان لم يتحرك ولا نصف جرام بل ثابت كما هو ........... يا لهوى يعنى مر 14 يوم حرمان وهأتجنن وآكل حاجه حلوة وحايشه نفسى بالعافيه وفى الآخر تكون النتيجة كده!!!!!!!!! ايه رأيك بقى يا بنت مكه ؟؟ عرفتى انك مش لوحدك فى المر ده...... وبقيت مش عارفه اعمل ايه طيب اجرب كمان اسبوع ولا اوقف واسكت ولا اجرب رجيم تانى ولا اعمل ايه ومن هنا فكرت أن أكتب مشكلتى هنا فى المنتدى لعل اى احد يفيدنى بفكرة او معلومه وفعلا كتبت أول موضوع من هذه السلسلة وكان بعنوان ( كيف أنزل من وزنى) وحكيت ووصفت معاناتى بالرجيم لمدة اسبوعين دون ادنى تزحزح فى الميزان وبالفعل وجدت ردود من أخوات فاضلات جزاهم الله عنى خير الجزاء وأخص بالذكر الأخت مشاعر والأخت الغربة مرة الله يصبحهم بالخير فقد أفادونى كثيرا وكتبت لى الأخت مشاعر عن تجربتها فى تخسيس زوجها حوالى 25 كيلو من وزنه ولازال مستمر وبدأت توجهنى الى نقاط لم أكن اعلم عنها شيء من قبل وطلعت لى كل الأخطاء اللى فى نظامى الغذائى فهى مثلا علمتنى الا أجمع بين 2 بروتين فى طعام واحد او وجبة واحده فمثلا لا آكل فول وبيض على الفطار وأكتفى اما بالفول او بالبيض حتى لو زودت كميته قليلا بس قالت لى انى ما آكلش نشويات نهائيا وطبعا المعلومه دى مش مظبوطه فأى رجيم صحى فى الدنيا مافيهوش حاجه اسمها انك تستغنى عن عنصر مهم من عناصر الغذاء وآديكو شايفين الرجيمات اللى بأنزلها لكم هنا كلها مليانه رز ومكرونه وعيش وكل حاجه بس المهم الكمية والنوعية وطريقة الطهى المهم مشيت على الى قالت لى عليه لمدة اسبوع كمان وده كان الاسبوع الثالث ووالله عمرى ما هأنسى ابدا إحساسى فى الاسبوع ده كان ايه ....... كنت يا جماعه حاسه انى جسمى بينهار ... ما أعرفش ازاى اوصف لكم الاحساس ده بس كنت وأنا واقفه فى المطبخ مثلا أحس ان جسمى ده زى مبنى وبدأت أحجارة تتفتفت وتقع وحسيت ان مقاومة جسمى لعدم نزول الوزن وعندة قل وفعلا وزنت نفسى فى نهاية الاسبوع ولقيتنى خسيت نصف كيلو :14: طبعا فرحت واستبشرت وقلت يالله أول الغيث قطرة وقررت أكافئ نفسى على النزول الجميل ده بيوم مفتوح وليست وجبة واحده فقط وجهزت كل اللى كان نفسى فيه من بيتزا وبيبسى وشيبسى ومكرونه وحلويات وقعدت آكل طول اليوم ولا كأنى فى رجيم اعتقادا منى بأن يوم واحد بعد ثلاث أسابيع رجيم وتعب مش هيعمل حاجه وكانت الكارثه انى زدت كيلو يعنى المحصله النهائية هى انى بعد ثلاث أسابيع زدت نصف كيلو عن وزنى السابق !!!!!!!!!!! وفى الوقت ده بالصدفه وأنا ماسكه الريومت بتاع التلفزيون وقاعده اغير فى القنوات من الزهق لقيت برنامج الدين والحياة اللى بييجى على قناة الحياة كل يوم اثنين الساعه 5 العصر بتوقيت السعودية وكانت دعاء مستضيفة الدكتور بهاء ناجى وكان لسه فى الأول يعنى يمكن كان تانى اسبوع له مع القناه وكان الموضوع كله طبعا عن الرجيم وناس بتتصل بيه تقول له على مشاكلهم ويحلها لهم وكده وفى آخر الحلقه راح منزل جدول رجيم الاسبوع (واااااااااااااااااااو هو ده اللى كنت بأدور عليه) وتابعت معاه الجدول بس للأسف ما كنتش مستعده ولا معايا ورقه ولا قلم علشان اكتب وراه ولقيت كمان ان الأكل اللى بيقول عليه أكثر بكثير من الأكل اللى أنا بآكله فى رجيمى فقررت انى أسمع البرنامج بس علشان باقى النصائح وماليش دعوه بنظامة ده . وفعلا بدأت أتابع البرنامج ده بشكل اسبوعى وكمان بدأت أبحث فى النت عن كل ما يتعلق بمواضيع الرجيم ومن هنا بدأت معلوماتى وثقافتى تزيد واستنتجت ان اهم خطوة لابد تتزامن مع الرجيم هى الرياضه والا فلن ينزل الوزن الا ببطء شديد وسأتوقف معكم اليوم الى هنا وأكمل لكم فى وقت لاحق |
بسم الله الرحمن الرحيم
|
اقتباس:
تسلم ايدينك على النظام ببدا فيه من السبت باذن الله |
اقتباس:
اقتباس:
بس انا شفت الموضوع بعد مافطرت اليوم كاسة عصير برتقال واتغديت سلطة -نص علبه تونه- ربع رغيف اسمر طبعا يختلف عن الا في المصر الا في مصر صغير عندنا حجموا كبير الرغيف راح اتعشى زبادى وثمرتين فاكهه احاول اكتب كل يوم ايش اكلت عشان اتشجع اكتر ورجعت اليوم للرياضه الكابتن قالتلى امبارح ماطلعتيش قلتها كنلت زعلانة من الوزن قالتلى لما تزعلى حطي كل حرك في الايروبكس :18: طبعا انا اذا زعلت او اضايقت اترك كل شي وابعد:30: تسلمى ام عمار على مجهودك انتظر باقي قصتك |
اقتباس:
|
مااعتقد سعرات كتيره
اتعشيت علبه لبن زبادي خالى الدسم وحبه تفاحه وحبة كيوي:22: وبكرة اليوم التانى ان شاء الله يارب انحف:d |
انا طفشت من وزني احس مش طايقه نفسي لانه وزني زاد من سنه ومش قادره اتحكم بنفسي او اعمل رجيم
قبل سنتين تقريبا عملت رجيم ورياضه ونزل وزني بصعوبه لكن حسيت برضى عن نفسي وعن شكلي بس بعد سنه رجعت اكل وتركت الرجيم والرياضه لانه اهلي منعوني اروح للنادي الصحي ورجع لي الاكتئاب بسبب زيادة الوزن ادعولي اني انحف وانا بصحه واصير رشيقه .. |
ماشاءالله عليك باانتظار التكمله لا تتأخرين عليناا
كم طولك؟ |
اقتباس:
لو عملتوا كل ده يبقى النظام ده هينزلكم من نصف كيلو (الأوزان الصغيرة) الى 2 كيلو ( الأوزان الكبيرة) فى الاسبوع حسب وزن جسمك أصلا ومعدلات الحرق عندك طيب انا بأقول ليه ما نبدلش فى الأيام ولا نغير كلمة من الرجيم ؟؟؟؟؟؟؟ لأن الرجيم ده مدروس من أخصائيين تغذية وهم بيكون لهم موازيين محدده فى كل يوم فبيعلو يوم بالسعرات وينزلوا يوم تانى بالسعرات فيما يسمى بنظام الموجة فى الرجيم وده بيساعد على ارتفاع معدلات الحرق بالجسم جدا فتحصلن على أفضل نتيجة للرجيم. موفقين باذن الله.:) |
| الساعة الآن 04:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©