|
مارأيكم بالزواج عن طريق الخطابه وسلبياته
السلام عليكم اخواني واخواتي :29: ما هي مواصفات المعرس الي يجي عن طريق خطابه ؟ هل هو مدمن وراعي مصايب وما عنده قيمة المهر يعني باختصار معيوف !!!!! انا واغلب البنات الي متخوفين من زواج الخطابات نخاف من ان يكون هالرجال مصيبه وتزيد همومنا هم اكبر والله انا ما ادري ايش اقول هل يحق لي اني اطلب اتزوج ولا اطنش عمري (ابوي ولا على باله تزوجت ولا لا وكذلك امي تقولي عادي قعدتي من غير زواج !!! البيوت مليانه وهذولا بنات الجماعه بيوتهم بتنفجر من البنات الي فيها ) الاخوان الي يتزوجوا عن طريق الخطابه كيف لجئتم لها وايش كانت ظروفكم وكذلك البنات الي تزوجوا عن طريق الخطابه كيف علمكم وصل للزوج(يعني اشلون درى عنكي و لما خطبك ايش قال لاهلك هل قال انا جيت عن طريق الخطابه فلانه الخ ) ؟ انا وامي خايفين من شي واحد ان الزوج لا قعد وساله ابوي اشلون عرفت عن بنتنا فيقوله بنتك الي راحت للخطابه وجابتني لكم (والله العظيم ان امي مقتنعه بكذا وانها متاكده ان هذا هو الي بيحصل :( ) بالله بيصير كذا !!!؟ وايضا امي تقول ما يدفعون مهور وانهم بيطلقون بالساهل طبعا هاذي كلها افكار امي (وامي ماتعرف احد تزوج عن طريق خطابه كلام من راسها عندها فراسه ردوا علي لا تطنشوني :( جزاكم الله خير ما تقدم لي اي احد وجاني احد قبل فتره بسيطه ورفضه ابوي بحكم انه مو قبيلي 100% مع انه من ديرتنا وانا عمري 27 سنه ومعي شهادة ولا توظفت للحين واخاف اني خلاص عنست :( |
انا ماقد جربت خطابه ابداا بس اذا تعرفى خطابه ثقه وتخاف الله من راي عادى
قبل فتره شافتنى خطابه في فرح وجلست تسال انا مين وكذا شي وماما كان بالنسبه لها عادى وبعدين 27 مو عانس:( انا قربت 30 بعد ايام:29: اتفائلي خير والله يرزقك بي ابن الحلال ويرزقنا جميعا عاجلا غير اجل |
كل الخوووووووووف هذا من العنوسة وتفكري تلجأي { لخطابة } وامك تهول وتحط علي اللي يجي من قبلها وفي واحد تقدملك ورفضتوه بس لانه مو قبيلي وبعد مية في المية ... صراحة تفكيركم جدآ غريب
يعني الخطابة اللي بتلقي عندها القبيلي مية بالمية وابوك بيرضى بيه |
السلام عليكم
1_لا تتزوجين الى واحد مثلك ( قبيلي) 2_لما تكلمون الخطابه الخطابه تذكرك عند الي يسئله ويدورون لولدهم بنت وهي تقول اخبرلكم بنت مسئلت هي تقول انكم مكلميني لا طبعن اهم شي تكون ثقه وتخاف الله بعدين اغلب الأمهات ليصر واحد في سن زواج تقول ميد ام الولد ترى فلنها موجوده ونا نشتري الرجال بعدين اي واحد يتقدم لزواج لا بد اسؤال عنه سوا من الخطابه اوغيرها في عمله وجيرانه وجماعة المسجد الله يوفقك ويرزقك وجميع المسلمين ان شاء الله |
خطابه !! والله ماعندها غير صـوير وعوير والي مافيه خير !! وش خلى هالشاب يلجأ لخطابه الا ووراه مصيبه ! ومستحيل تلاقين شاااااب لم يسبق له الزواج ,. يامتزوج وعنده قبيلة بزران او شايب وحالته بالهم او مطلق ومدكن على بلا ! او اذا بتلاقين شي كويس مسيار ! حبيبتي ! قبل تلجأين لخطابه هل لجأتي لله عزوجل ! قلبي / الزمي الأستغفار والدعاء والله انها اغلى نصيحه اقدمها لأي شخص وعن تجربه الحمد لله ~ اسأل الله العلي العظيم ان يرزقك من واسع رزقه وفضله وان يرزقك بالزوج الصالح عاجلا غير اجلا .. |
ياقلبي لاتستعجلي على رزقك توك صغيره والخطابات أهدافهم ماديه مايهمها الزوج صالح أو طالح الجأي الى ربك وهو الي يسهل أمرك ويكتب لك الخير وممكن تأخير الزواج فيه خيره لك الله يرزقك الزوج الصالح الي يعينك على الخير يارب |
جزاكم الله خير
يا قلبي انتم انا طفشت من الوحده ودي اصير ام تعبت في دراستي قلت يمكن القى وظيفه و ما جات الوظيفه الي ذي اللحظه فضاق خاطري اكثر واكثر ما ادري ليه مضايقه الي هاذي الدرجه ولا صار عندي رغبه اني اختلط بالناس او احضر مناسبات احس شي كبير ناقصني جزاكم الله خير |
ياشيخه هونيها وتهوووووووووووووووووووون
وربي تهووووون هي الدنيا تتوقف لو ماتزوجتي؟ اعرف كثير يجونهم ناس عدي واغلطي وتقول مرتاحه في بيت ابوي ليش استعجل<-مااشجع صراحه المهم انتي حبي حياتك كذا يشيخه ياحلو قعدتك مع امك وابوك بكرى لاتزوجتي تتمنينها يعني قصدي من كلامي حبي حياتك كذا ولاتقولين زهقت وثانيا اسعي مو مشكله ترززي في هالزواجات وتميلحي هههههههه هذا هو الحل لو تعرفين خطابه مضمونه ماتاخذ فلوس توفق بين راسين مو مشكله لان اللي تاخذ فلوس همها تعبي جيوبها بس فيه شيوخ ماشاءالله يجمعون بين الناس |
اقتباس:
نفس الرأي الجأي لربنا أفضل من الخطابات |
اقتباس:
الزواج والطلاق من الله اما انك تقولين الي تزوجوا بمعرفة خطابات تطلقوا فهذا الكلام مو صحيح ياكثر الخطابات وكثر البنات والشباب اللي تزوجوا بهالطريقة ومبسوطين خلي امك تكلمها وتقولها مواصفاتك ومواصفات المعرس ومبرووووووووووووووك مقدماً:14: واهم شي انك تحطين ببالك ان هذا بس اخذ بالاسباب وماتنسين مسبب الاسباب رب العالمين خلي قلبك معلق بالله ومو بالخطابة لانها مجرد سبب لا اقل ولا اكثر |
من رايي الخطابة ما فيها شي
بس لازم تسالون عن الريال قبل وتسالون عدل عدل |
ما انصحك تسوين هالشي
وابعدين علن هالخطابات لانها ما راتح تجيب لك الا الشخص الناقص واللي فيه مشاكل هي راح تدور لك مو عشان سواد عيونك عشان تاخذ فلوس بالاخير انا مره انخطبت عن طريق خطابه شافتني لكن بالاخير طلع الولد كله عيوب وخلعته قبل الزواج والحين الحمد لله خطبني اللي افضل منه مليون مره لتستعجلين ورزقك بيجيك يمكن الله ماخر زواجك لخير لك والله يوفقك ياعسل وان شاء الله ما يمر شهر الا ونسمع عن خبر خطوبتك |
الخطابة هي وسيلة للتعارف بين عائلتين
وحتى لوجاك عن طريقهاا اسالي زين ولاتطحين الامواتسية وان شاءالله ربك كريم والله يرزقك من اوسع فضلة |
اقتباس:
اخوي حرم الحسيني ما قصرت الله يجزاك خير جاوبتني اجابه كامله وشافيه والي عجبني انك الذكر الوحيد الي اهتم يرد مشكوووور كثير :) |
الله يسهل انا كلمت خطابه وقالت اول شي ترى انا بفلوس وانتم اسالوا عنه والي تبيه 3000 ريال !!!
امي قالت لها نعطيكي عيوننا بس انتي جيبي الزين (العدل) فردت عليها وانتم اسالوا عنه والشباب الي يسال لهم امهاتهم ويدور لهم عن طريقها (سالنا اشلون عرفتي عن الرجل الي جاي عن طريقك ؟ ) وطلبت مننا ما نقول انها خطابه !!! الي طمني انه ام الولد والخطابه بيجون اول ما يحددون موعد معنا ..يشوفني وبعــــــدها يصير خير مافيه عريس الى اللحظه اللهم عرفت مني كم معلومه (سطحيه) حتى اسمي ما سالت عنه لكن سالت عن النسب (لاننا ركزنا فيه كثيييير) دعوانكم الله يسعدكم . سبحان الله وبحمد سبحان ربي العظيم |
الله ييسر أمرك ويسعدك ويرزقك من واسع فضله
|
الله يرزقكم بالجنه ويعطيكم خير مافي الدنيا ويجنبكم شرها
|
الله يرزقك بالزوج الي تتمنينه ويسعدك
عني انا اشوف عادي اذا لجاتي لخطابه بس لازم تسالين عن الرجال زين عشان ماتندمين الله ييسر أمورك |
الزواج عن طريق الخطابة عادي مافيها شي لأنه مثله مثل الزواج العادي والتقليدي
بس حنا الي نكبر الموضوع لأنه اسمه جاء من خطابة والله يوفقك ويرزقك الزوج الصالح يا رب |
اقتباس:
نفس الرأي .. الله يرزقني واياك بالازواج الصالحين.. الزوج الهين اللين الدين التقي الغني الكريم الحنون وبنات المسلمين اجمعين .. |
حبيبتي الطلاق او التوفيق من رب العباد اختي تزوجت ثلاث مرات ولا واحد منهم عن طريق خطابه كل واحد افشل من الثاني املى عيوب وهم مش عند طريق خطابه عن طريق الاهل بس نصيب واحيانا القرايب يدلونك متعمدين على واحد كله عيوب نحاسه اقول اختي توكلي على ربك واذا جاءكم احد فصفصوه سوال واهم شي الدعاء
|
والله يا بنات امي كلمت خطابه من اول اتصال وهي تتكلم لنا في نفس الشخصين الي رفضناهم
نقوله ما نزوجهم ما تفهم !!!!!! ما ادري هي كذا الامور تاخذ وقت ولا اشلون بالله الي لها علم تعلمنا لا تبخلون الله يفيد بكم المسلمين جزاكم الله خير |
ههههههه شكل ماعندها الا هذولاء الشخصين وتبغى تصرفهم الله يرزقنا وإياك واخواتنا المسلمات بالأزواج الصالحين .. |
أنا تزوجت عن طريق خطابه وأنا لايهمني هل الخطابة صادقه أو لا !!
أهم شي تدلني وأنا أعرف أطق الباب وأسأل عن البنت |
يااختى واحد من قرايبي تزوج عن طريق خطابه وماخذت منه ولا ريال تقول انا مابي غير الاجر...
|
قد تلجا الفتاة للخطابة إذا لم تجد طريق آخر ...
ولكن طريق الخطابة محفوف بالمخاطر ..فبعضهن لديهن صوراً للعروض المتوفرة ..وهذا مؤشر غير جيد! وبعضهن يفتحن بيوتهن للشوفة الغير شرعية ! ..وتلك الطامة الكبرى !! ولكن جميعهن ينظرن الى الرجل والمرأة نظرة تجارية صرفة .. فما الخاطبة الا وسيط تجاري ..الا من رحم ربي ! |
ابو فراس النمري صاااااااادق!!! مااااااااااا اطيقهن هالخطابات الكذابات! الا من رحم ربي طبعاً !!
الي تقول ابي الاجر وماابي فلوس! هاذي زينه << وغيرها على قولت دانتيل سوير وعوير خخخخخخخخخ وربي مثل ماسوت مع صبيه منسيه بس بتشغلكم بالي معها << تقل بضاعة وبتصرفها !!! الله يرزقنا وياكم قولوا آمين :) |
والله ماعندها غير صـوير وعوير والي مافيه خير !!
ههههههههههههههههههههههههههههههه المجتمع والمحيط يحدد النظرة العامة للخطابة عن طريق التجارب المحيطة بهم |
الله يعبن بس
ويسهل امور بنت المسلمين |
| الساعة الآن 06:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©