|
يا حظهم متزوجين !!
نحن من نصنع الهم والكآبة لأنفسنا ..
انا رجل صحيح لكن اعيش نفس الإحساس .. ادخل على قسم المتزوجين تعجبني طريقة البعض في مدح ازواجهم .. اعجب كذلك لما اشووف طرق جذب الزوجات للأزواج .. واقول والله عايشين بربيع ايييييييه الله يرزقنا .. واحب اقرى لواحد يحط مشكلة ويبي منكم الحل .. والثاني اضحك لما اشوف طريقته مع زوجته واأتشوق اني اعيش الجو .. وهكذاا على هذا المنوال .. طيب وبعدين ؟؟ ماني قادر اتقدم خطوة ماقدر اعيش حياتي طبيعي لاني معيش نفسي انها مرحلة مؤقته وانا متوقف حتى اشعار اخر !! والسبب اني وضعت لنفسي القيود وحياتي لا تستمر ولا حياة لي من غير زوجة وكل واحد يعذر لنفسه انا رجل احتاج للمرأة ماقدر اعيش من غير اهتمام زوجة وتكوين اسرة اما البنت عادي مكانها البيت وجلوسها فيه ماراح يأثر كونها عايشيه حياتها بهذا المنوال .. وأكيد المرأة لها اعذارها الخاصة فيها .. وانه حق مكتسب الشي اللي تعلمته اني اعيش يومي .. آخر زيارة لي لهذا القسم المفضل لدي كانت .. آخر زيارة لك كانت: 22-12-2007 عيشي حياتك وعيشي حياتج .. العمر يمشي استفيدي منه .. اضحكي احضري عروس استانس نام لين تمل واصحى لين تتعب .. لاتنسى حق الله عليك بالليل والنهار ولا يخزيك الله أبداا . . |
وضح أبن أفصح .. ما المطلوب
هداك الله |
الله مايؤخر شي الا لحكمة ولخيرة اراد بها خيراً لنا والله يرزقك يأخي ند فرسان وجميع اخواني واخواتي الأعضاء العزاب والعزبات والمطلقين والمطلقات والأرامل بماهو خير لهم ان كان زواج او رزق او غيره ... فقد ذكر أحد المشايخ ان يوسف عليه السلام اختار السجن ولو ترك الخيرة لله لكان الله اختار له خيراً من السجن .. نعبد ونذكر الله وندعي بأن يكتب لنا الخير |
كلامك لامس الجراح الله يجزاك خير وييسر أمرك ويرزقك الرزق الطيب
لكن لاتنسى كلمة ماشاء الله تبارك الله فالذي رزقهم قادر على ان يرزقنا |
الله يرزقنا جميعا
|
ص
د ق ت رأيك أجل أشيل توقيعي :d ! |
اقتباس:
ههههههههه ياحبي لك يامشكله .. شيله وانتي مغمضه والله كل ما اشوف توقيعك تجيني الغصه .. الله يرزقك ويرزق جميع بنات المسلمين .. أخوي أند فرسان .. كلامك عين العقل .. مشكلتنا نوقف سعاتنا على شي بيد الله ..والحقيقه مافي احد مرتاح لا المتزوج ولا غيره .. جزاك الله خير على موضوعك الجميل .. |
اخوي حطها حلقة باودانك
محد مرتاح بهالدنيا لا المتزوج ولا الاعزب والمطلق ولا الارمل ولا الميت هههههههههههه هذي حال الدنيا بس على قولة المثل كن جميلا تر الوجود جميلا |
الله يعين على ها الدنيا بالخييييير
صدق مافيه احد مرتاااح الله يوفقك ويستر عليك وتلقى بنت الحلال وتزعجنا في قسم المتزوجين بمشاكلك هههههه |
تفائلو بالخير تجدوه
قولو الحمدلله مرتاحين خلو حياتكم مليانه محاور مو محور واحد بس بحيث لو ماححصلك هالمحور تنشغلين بمحور غيره وتوقفين عليه بس لو خليتي حياتك تحت محور واحد لو ماحصل هالمحور تنهار حياتك |
فعلا والحمدلله على كل حاااااااااال..
|
ياااااااااااااااااااااااسلام من جد موضوعك فتح نفسي...................صاااااااادق ليه كن الواحد موقف
سعاااادته على شي معين!!!!.................وممكن يكون مصدر شقاء له !!!...........خلاص من اليوم وراااايح أبنااام حد ماأمل:d ............تسلم على هذا الطرح المبهج:22: ...............................ننتظر موضوع اااخر>>>>ماتنعطى وجه:d |
لا أظن أن وضع البنت غير المتزوجة كوضع الشاب غير المتزوج. البنت تعاني أكثر وتسمع من الكلام المؤذي مايكفي.
الله يستر على جميع بنات وأبناء المسلمين |
انا مندهش ..
الحقيقه موضوع جال في خاطري وانا جالس في الدوام لما كنت اتابع المنتدى من فترة طويله فحبيت اعطي تجربتي السابقة .. مطلقة صغيرة .. انا بسميج حكيمة صغيرة .. لان ردج ماشاءالله يدل على رجاحة عقل .. ومايخفى على الجميع قصة يوسف لما فيها من العبرة والعظة خاااصة في ما يختص بهالموضوع من ناحية الصبر والرضى بالقدر .. في الانتظار .. أكيد بنقول ماشاءالله للكل .. بس انا قصدت من العنوان شيء معين .. واظن اني وضحت هالشي .. بارك الله فيكم ويرزقكم كل خير .. بنت مكة .. ومن قال يارب .. جزاكم الله خير .. مشكلة والله .. كل مشكلة ولها حل .. من أمـــه نشيله ونسوي شي جديد .. ( مثال انا ديمه ودايماً الاولى ) :22: عاد لو تبين الصج مازال توقيعي في الماسنجر حزين اصلا نسيته كنت عايش قبل نفس الاجواء عقب تغيرت ولله الحمد .. هديل الجرح .. شفتي شلون مافي احد مرتاح الكل مثل بعضه لكن الناس تتفاوت في طبيعة الحياة اللي يعيشونها وظروف حيااتهم أيضا .. وجزاكم الله خير .. موهبة الكويت .. بنت ديرتي .. شدعوه لحقتي على الميت لووول .. هذا عاد خلاص افضى لما قدم يتمنى لو انه يرجع للحياة حتى يعمل صالحا فيما تركت .. وفعلا النظرة التفاؤلية الجميلة تخليك تشوف الاشياء من منظورها الجميل .. مش مجرد كلام .. لوووول ايه زعجكم بمشااكلي .. من يقول يمكن ابلش فيها من باجر .. : )) جزاك الله خير .. بنت ناس .. ونعم فيج اختي .. وهذا اللي قصدته في هالموضوع انه مانحصر حياتنا على شيء واحد .. وايضا ماراح يكون هالشي سهل لكن مع التعويد بيكون سهل ان شاءالله .. تعاندني .. الحمدلله في كل حاال .. جمال الروح .. اضحك الله سنك .. ايييه اشبع نووووم ليين ما تقول بسسس .. عيش حياااتك .. ولا تيأس ولا تنتظر الغد بل استمتع بكل لحظه تعيشها بيومك .. نادية شاهين .. والله مو صحيح .. الكل نفس الشي .. البنت ضعيفه البنت تحتاج رجل وماتقدر تعيش بروحها لالا الرجل كذلك النظره هي هي .. يا ما سمعنا كلام الله يرزقك بنظرة شفقة !! .. ليش للحين ماتزوجت شناطر .. فيك شي ؟؟ومن هالكلام اللي مايخلص .. والرجل فيه عاطفة وقلب ومشاعر واحساس يشعر مثل ما تشعرين .. الفكرة اللي ابي اوصلها واحدة .. أنا جربتها ونجحت معاي ^_^ |
الرجل يحتاج زوجة والمرأة تحتاج زوج هذه طبيعة الحياة. لكن المجتمع أوجد الفرق بين رجل غير متزوج وامرأة غير متزوجة الرجل غير متزوج بنظرهم لعدم رغبته في الزواج. أما المرأة فهي بنظرهم غير متزوجة لأنه فيها عيب كبير أو في شي ناقصها أو ماحد يتقدملها. المجتمع ظالم وقاسي جدا. عانس.. مطلقة.. ماعندك لاولد ولا تلد.. ومن هالكلام اللي يدل على تخلف في مجتمعنا العربي
أخي.. أتمنى أن أكون أوضحت وجهة نظري. أما من ناحية انسانية فالرجل كالمرأة كل منهما محتاج للآخر. سبحان الذي خلق لنا أزوجا من أنفسنا لنسكن إليها |
بجد مو كل من تزوج مبسوط ..ومو كل عزوبي تعبان أو ماهو سعيد ..مافي أحد مرتاح بهالدنيا ..تعرف أنا دائماً أقول
لو ..وأعوذ بالله من كلمة لو لأن لو تفتح عمل الشيطان بس لو يرجع بي الزمان ويجي زوجي يخطبني ماراح أوافق على الزواج منه لأسباب كتيره منها الإختلافات الكبيره التي بيني وبينه ..في التفكير ..في الأسلوب ..أحس أشياء كتيره ناقصتني بس والله حامده وشاكره لله ..وأقول هو ربي إللي قدر لي هالشئ وهو كتبه علي من قبل ماأتولد ..وأنا راضيه أتم الرضى ..خاصة مع وجود الأولاد حبايب قلبي والله لو ماني من النوع اللي تصبر كان من زماان وعدت الحياه الزوجيه لكن ..الحمدلله على كل حال وأقول هو الله اللي يعوض في الدنيا والأخره .. |
مسككككينه البنت من يوم تكبر والناااس وراااها وراااها وتمررررر بمررااااحل
بالاول خطبت وماخطبت كبرت!!!!!!! واذا كانت موحلوه قالوا ااااماتزوجت علشانها عاديه:( ........واذا صاررت حلوه قاااالوااا تشرررط وماحد مااالي عينه وشاااايفه نفسه:( نجي للمرحلة الثاانيه لما تجي تتزوج :25:من بتاخذه غريبه كيف بتاخذ هذا ايه ماجاها غيره يااااويلي ولما تكون أخذت واحد كووويس تلاقي الناااس وااااااااااو بتاخذ فلان:23:والله ياعليها حظ و و وأو ويرضون أنفسهم ايه يمكن يحقرها لانه فلان:( نجي للمرحلة الثالثة لما تتزوج:22: وين سااافرت وين سكنت وبعديييييييييين للاسااااس حملت أو ماحملت؟ واذا حملت على طول ياااااااااااااي ليه ماصبرت شوي مسسكييينه ماتهنت ولما تتأخر يووووووووووووووووه ليش ماحملت ليش ماتعالجين ؟ليش هو مايعااالج ؟وليش وليش ...............وبعدين تحمل:26: وتجيب.........................بنت................. ....................وتنعاااااااااااااااد نفس الكرررره:( |
الله يعين
ومثل ماقالوا الاخوان قبلي مابه احد مرتاح |
اقتباس:
تعليق بسيط فقط ,, أنت تقول أن مكان الفتاة هو المنزل وبقاءها دون زواج شيء طبيعي ولا يؤثر ذلك فيها .. أحب أن أرد عليك : بأن الفتاة حينما تكون في منزل أبيها يكون وضعها مختلف تماما عن عيشها في منزلها ومملكتها الخاصة بالإضافة لوجودها مع شريك حياتها وأسرتها وهذه العلاقة الجميلة لن تجدها في منزل أهلها .. فشعور الفتاة نفس شعور الشاب الذي لم يتزوج ,, وربما يكون شعور أقسى لأنها مطلوبة وتنتظر من يطلب يدها ,, تنتظر فقط أما الشاب فيستطيع الاختيار وطلب من يرغب حينما تسمح له الظروف طبعا تحياتي لك أخي |
الحمد لله على كل حال
يجب علينا أن نتعلم كيف نعيش اللحظة بلحظتها ونستمتع بها وهذا ما أتمنى أن أتعلمه وأتقنه |
نادية شاهين .. مو لانه البنت اذا تأخرت معناتها فيها شي او شكلها عادي ..
شكثر نشوف بنات جمال وخلاق مو بس الجمال ومع هذا مو متزوجه بس .. العاقل اللي يقول نصيب ويعرف انه الله يبتلي عبد سواء المتزوج او غير المتزوج .. يعني البعض يقول المطلقة افضل من غير المتزوجه .. على الاقل تزوجت جربت الحياة الزوجية .. وغير المتزوجة تكون افضل لعله يكون لها فرصه بالزواج لانها ماتزوجت يعني كل انسان له حال خاص فيه .. رووعه لا يا اختي لا تقوولين لو يرجع فيج الزمان كلنا نقوول جذي وماندري انه الله كاتب لنا هذي الحياة قبل ان نولد .. وطالما انتي امرأه صابره حسب ما شفت من ردج .. وتحبين عيالج هذا الاهم .. لانه حبهم ما يلغي وجود اب لهم .. وهم الحمدلله انج راضية بقدر الله كفى بههده نعمه .. جمال الروح .. والله انج وصفتي الحياة اللي نعيشه اختصاار من خلال ردج الاخير .. فعلا هذا حال الناس وهذي اسئلتهم وهذي سوالفهم .. وماعتقد احد ما مر باللي وصفتيه .. اهم شي جمال الروح :30: جمر الوله .. الله يعين كل مسلم .. ويفتح له طرق الخير يارب .. جزاكم الله خير .. الفتاة .. والله انا قصدت هالشي من خلال ملاحظتي لبيتنا يعني اشوف البنات ماشاءالله معززين مكرمين يعلم الله اني اتمنى لهم كل الخير والزواج لكن اشوف وضعهم جدا طيب طالما هم عايشين الى الان في بيت أهاليهم .. واقول يعني طالما الوالد والوالدة موجودين فهي تحمدالله على هذا واما المتوفي عنهم اهلهم الله يكون بعونهم بس عاد عسى يكون لهم اخوان يحلون محل الأب والأم .. العابدة .. عسى الله يجعلكم من أهل الله وخاصته ومن أهل الطاعة والعبادة .. هو اللي قصدته انا بالبداية هذا هوو انه الانسان لايقف عند عتبه واحده .. لازم يتقدم لازم يغير وضعه لازم يستمر .. بالاخير لازم ان نتعلم هالوصفه السحرية .. |
كلامك تقريبا صح
صراحة الزوااج فلة ومسؤولية تعبت من العزووووووووبية ابي اتزووج كل ما اقووول لامي اخطبي لي تقووووول صبرا صبيراا <<< :d :d حلو التعبيرر بس هانت خلاص المشكلة عمري مووب صغيررر فديتني :26: ثلاثيني قولووا ماشااء الله لو تزوجت من اول كاان الحين ولدي داخل المنتدى هذا قسم الالعااب :22::22: بس ولله الحمد كملت درااستي وابتعااثي ولله الحمد دمتم بهذاك وش اسمه امممممممم ايه تذكررت دمتم بوود ؛< هين :30: |
قال الله تعالى : ( لقد خلقنا الانسان في كبد ) والله تعالى أعلم وأحكم
|
صح لسان اللي قالت ماحد مرتاح --لانه مافيه احد يشكر او احد يرضى الا القليل
|
اقتباس:
لكن احساسك بان العمر طار بدون اي انجاز كون الانسان يصل لمرحلة الثلاثينات بدون زواج او حتى طلاق بدون اطفال بدون استقرار بدون وظيفه شي مؤلم |
اقتباس:
اما المرأه في مجتمعنا مجرد ماتوصل نهاية العشرين تبدأ التنازلات وعلى الثلاثين تتنازل عن كل شيء لتحصل على خيال شايب على مشارف قبره لمجرد ان لاتضطر للعيش ضيفه ثقيله عند احد اخوتها الرجل يمكن ان يعيش لوحده بدون اي مشاكل وبدون مايضيق على أحد اما المرأه مضطره تنحشر في غرفه عند احد خوانها لو تقدم بها العمر وماتزوجت في فرق كبير بين الاثنين |
تختلف الظروف من شخص لشخص فبعضهم تقف مشكلته عند الزواج فقط مع انه ممكن يتجاوزها بالنظر بالمقومات الإيجابية وبعضهم تقف امامه عقبات في طريقه وجزء منها الزواج،،،،،،،،،، ويبقى المجاهدة والصبر والتصبر في مواجهة هذه العقبات ،،،،، عزوبي بس رجل |
والمتزوجين يقولون ياحظهم العزااب :d
وانا اقول كلن له نصيبه وبياخذه في وقته الواحد مايستعيل رزقه المسأله كلها ايمان ورضى وقناعه بالقدر خيره وشره دايما مع الرضى يلقى الانسان الطمانينه والراحه حتى مع اصعب الامور ... اختي دودي ماانكر انه احساس مؤلم للاغلبيه اللي طريتيه،، بس اختي ليش تحكرين الانجاز بعمر معين!! شو يعني الثلاثينات؟! هل الحياه توقف بعدها؟ خلاص يعني ينكتب للبنت الموت وهي حيه في حال وصلت للثلاثين ولا تزوجت! ليش التشاؤم اختي! الدنيا حلوه وحلاوتها فالاستقرار النفسي قبل كل شي والاستقرار النفسي مايلقاه الواحد الا اذا كانت علاقته بربه زينه الضيق والنكد نحن نييبه لنفسنا والهم اللي نشوفه كبير لو رضينا به بنلقاه مب بالحجم اللي نحن عطيناه |
الله يعين ربي بيفرجها الحمدلله
|
يالغالي تدري وش اصعب شي في الحياة لما تجرب شي وتفقده بدون سبب وبدون مقدمات
واعتقد كلامي وااااضح جدا اللي بقراطيسه مو مثل اللي فك قراطيسه ( مثل واضح بس مايخدش الحياة ) |
إن الله على كل شئ قدير
فهو يغيير ولا يتغيير |
مدرى
|
الله يوفقك لمافيه الخير
|
الا الزمن مايرجع ولو حتى لحظه .... عشان هيك ..... عيش يومك ... عيش يومك ... عيش يومك .... |
ند فرسان
صدقت والله لافض فوك أنا رجال مثلك وأحس نفس الاحساس والله حتى الأصحاب صارو يعلقو علي يقولو عانس من جد تعبت من اللفلفه في الشوارع والوقت الضايع ... رغم المحاولات المستميته باستغلاله والله صرت أتفشل زملائي واصحابي يجوني يوم الخميس وكل واحد معاه ولده أو بنته إلا أنا شايل لاب توبي من مكان لمكان والله حاله والله حاله عموماً... لاتفكر, لها مدبر لا.. واللي يقهر ويموّت قهر اللي يسأل: كل زملاك تزوجو, ليش ماتتزوج انت..؟ |
يااااااااه توني اعرف إن الرجال بعد يعانون من تاخر الزواج سبحان الله محد مستريح في هذي الدنيا بريد المحبه فعلا اثرت فيني لاني نفس الحاله ماعندي الا لاب توبي الله يعينا جمعيا ويفرجها على الجميع...
|
| الساعة الآن 08:29 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©