|
الى متى الصبر والتضحية
أود أن أسرد لكم معاناتي فقد تزوجت من فترة تقارب السبع سنوات بزوجة وقع الإختيار عليها من قبل الأهل وبحسب ماوصفه الأهل لي من صفات قد تكون تقليدية في أي فتاة تم الزواج وبدأت العشرة ومع مرور السنين بدأت تتضح لي الصورة الحقيقية لزوجتي عاملتها بكل إحترام وتقدير منحت لها كل ماتتمناه أي زوجة من زوجها سلمت لها قلبي وعواطفي وكل مشاعري وفرت لها كل ماتحتاج ضحيت بوقتي وتنازلت عن جميع هواياتي وإجتماعاتي الخارجية أي خارج المنزل وصخرت لها جميع وقتي يعلم الله أنه لم يمر يوم قد أسأت معها الأدب أو جرحتها بأي كلمه حاولت أتناقش معها في كل ماهو ينقصني منها لكن دون فائدة إمرأة ترى نفسها أنها هي أم الصواب وغيرها هو الخطأ رزقت منها بطفلين وفي الآونه الأخيره بدأت برفع صوتها في وجهي أغلب الأحيان لكنني اتمالك أعصابي طيلت هذه السنين وأنا أكتم في صدري ولم أبين لأحد المعاناة التي أمر بها أصبحت في حاجه الى الكلمه الحلوه لأنني إفتقدتها طيلة هذه السنين أقسم بالله العلي العظيم لو أمنح مامنحته لزوجتي لإمرأة أخرى والله لتحطني تاج فوق راسها لست أزكي نفسي ولكنني واثق من تصرفاتي وأسلوبي مع المرأة التي تبادلني الحب والتقدير ..... إيش أعمل وإيش رايكم
|
طيب صارحها اجلس معاها ثقفهاا جب لها كتب مبين انه تنقصها ثقاافه
وليش ترفع صوتها عليك ؟؟؟؟؟؟؟؟؟؟؟ ليش انت تسكت لهااا؟؟؟؟؟؟؟؟؟؟؟ |
اخي المرأة اذا شافت الزوج حابها وملبي طلباتها على الاخر ومدللها للاخر تتمادى وتظن انها تقدر تسيطر على الزوج وقوتها حبك لها تستغله انا ما اقول لا تحبها حبها بس شد وارخي ما على طول اللي تريده هي منفذ خلاص خلي يكون لك كلمة وعبر عن رايك وحسسها انك ما ضعيف يعنى كل ما تبتعد سوف تحاول هي اللحاق بك ...بين لها انك ما راضي عن تصرفاتها وخليها هي تعتذر بنفسها تجيك ...او بين لها انك تفكر بالزوجة الثانية بس كتهديد ولعلها ترجع
بس عاد اللي ترفع صوتها على زوجها أخاف تتعود على هذا الشي ربي يوفقك في حياتك |
اخوي
السلا عليكم ردي هذا سيكون مزعج للبعض.... ويراه البعض همجي ون هالكلام حبيبي.... غير اسلوبك معها اقلب عليها 180 درجة تقولها هذا لونه احمر قلها لا لونه اسود... يعني عطها اشكل لاتصير كالخادم وهي سيدتك.... بالاشارة تركع لها.... لاتكن لين فتعصر ولا تكن قاسي فتكسر...مرمطها كم شهر... حتى تعرف قيمتك... لاتلبي طلباتها الا بعد مشقة... لاتبحث عن الكلمة الحلوة عندها... لاتلزق فيها...سو اللي يعجبك...رفعت صوتها بوجهك اشكمها... صدقني رح تصير معاك زي العسل اغلب الحريم اذا شافت زوجها طيب ويحبها يصيبها غرور وتشوف نفسها مافيه مثلها... وتشوف نفسها ان زوجها مايستحقها لان عقلها فارغ وتفكيرها تافه حبيبي الجنس الناعم!!!!! لازم يقابله جنس خشن.... والا وشلون يتوافقون ....صدقني اذا ماحست بقساوتك... وبخشونك ارح تحرك مشاعرها....فهي ملت من الطيبه ومن تواضعك ... وانت ماعندك غير التشكي وانت لاقي احد يقدر تضحيتك.. اشكمها.... راح تشكرك هي بقوة مشكلتنا نحن الرجال... عند الحريم سواقين... نعطيهم مصروف...ونتعب من اجلهم وفي الاخير وش نحصد منهم... حبيبي المراه ياتمشي مع صح.... والا اعطيها نفس ماتعطيني... واذوقها من نفس الكاس... لاحد يقولي انت متخلف ومدري وشو..هذا طريقتي في الحياة..... واغلب الرجال اللي اشين على هالمبدا والله ان زوجاتهم ماتشوف مثلهم وانا واحد منهم تحياتي اعجبك ردي ... كان بها ماعجبك... الله يسرها لك |
اقتباس:
مع احترامي لصاحب هالرد اعلاه انت تبي زوجه والا ورع تربية من جديد.... اذا ماتربت عند اهلها... كيف بتنفع زوجة كتب وخرابيط بعد ماشاب ودوه الكتاب المراه اللي بتحافظ على زوجها ... هي رح اطور نفسها بنفسها رح تبحث وتطور للافضل اما انها اطنش والمسكين يتعذب... ليه من تكون هي.... والله ماخلق غيرها. انا شاب ومو ناقصني شي.... واضيع شبابي علي وحده ماتستاهل واشيب قبل مشيبي |
اقتباس:
|
اقتباس:
اقسى بتعاملك وشوف نفسك عليها بس لا تقصر بحقوقها اللي ربي فرضها عليك |
اقتباس:
ليش واثق لهالدرجه ؟ هذا انت اعطيت كل شي من وجهت نظرك لزوجتك ولم تحصل على مقابل مماثل مشكلة الحياة مع البشر انها غير منطقيه, الا فيما ندر يعني مو مثل برنامج كمبيوتر ياخذ مدخلات ويعطيك مخرجات محدده من تجربه شخصيه اقول لك قلل من الشخصيه االمسئوله والحساسية و كن انانياً لدرجة ما لترضى عن نفسك و تحصل على رغباتك بمرونه استخدم الطرق التي ذكروها لك الاعضاء و اجعل لك طرقاً بديله للحل حتى لو كان جذرياً |
لكن أخي في الأخير لا تتهور و تاخذ قرارات عشوائية و ظالمة و تندم بعد. لأن الإنسان حتى لو أخطأ و حكمنا عليه حكم قاسي دون التدرج في محاولة إصلاحه نصبح ظالمين له. و لهذا إصلاحك لزوجتك هو حق لها هي قبل أن يكون حق لك أنت. و لهذا إتبع كل الطرق و الوسائل البناءة لتحسيسها بضرورة التغير. حاول تشتد شوي و تكون صارم نوعا ما و تقتصر أحيانا على الضروريات في العيش و المعاملة مع الحزم في القرارات. و نرجوا لك الخير و التوفيق.
|
اخي قرأت قصتك وعرفت مشكلتك وفهمت معاناتك وتأكدت من مرادك
انت تبحث عن الرومانسية في زوجتك وهذا حقك الشرعي منها تبحث عن الكلمة الطيبة عن اشياء تتمنى ان تكون مزروعة داخلها لكن اخي لابأس ان تطلب منها ماتريد اعلم ان هذا صعب جدا لكن لابد من الصبر والدعاء ولا تكن رطبا فتعصر ولا يابسا فتكسر اشعرها بانها بدأت تفتقدك لكي تنال ماتريد وهذا من حكم تجربة عشتها والان الحمد لله ولي عودة للموضوع |
اقتباس:
اي ليش مايجلس معاها ويقول الشي هذا يعجبني وهذا مايعجبني انت تشوف بعض الرجال يجبون الهم واللي راعي مخدرات واللي راعي مغازل وش تسوي الحرمه تجلس تعدل فيه وتحل مشاكلها معه وتدور على حلول والكلام اللي قلته ابدا مو حل وكلام مو في محله ابدا ابدا |
(واثق الخطوه)
انت ابدعت :22::22: وافي اسمع كلامه الرجال في بيته لازم يكون له هيبته وكلمته!! اما انها ترفع صوتهااا عليك؟؟؟ لاتعليق والله انا عصبيه وصوتي ارفعه على الناس قدام زوجي ماعندي لساان!! مش مجرد كلام سامحيني يالغلاا بس كلامك جدا مو فيه محله وش يجيب لها كتب يثقفهااا!!! يعلمها اشلون تطيع زوجهااا!!! اذا في بيت اهلها ماتعلمت وطوول هالسبع سنين ماتغيرت !! تتغير بكتاب يجيبه بيوم وليله؟؟!! على حسب كلامه اظن زوجته ماينفع معاها الا التغير الجذري من زوج فيه كل المواضيع اقف مع الطرف الثاني واضع الاحتمالات الا في المواضيع اللي زي كذا!!!:( الله المستعان ! |
اقتباس:
المنطق يقول العين بالعين والسن بالسن والبادي اظلم هل جزاء الاحسان الا الاحسان والرجال مانشر غسيله هنا الاوهو مقتنع انها (ميح) يعني طفح به الكيل والله الكلام ماينفع .... الافعال يكون لها صدى قوي تحياتي |
noriin
عضو مثالي اخجلتيني بصرررررررررررررراحه موفقه ان شاء الله |
اقتباس:
اخوي وافي .. حياك الله اخوي .. هل كل ماتحتاجه البنت من زوجها هو انه يترك ما وراه ودونه ويجلس مقابلها 24 ساعة ؟ ما اعتقد وافي .. احتياج البنت عاطفي بشكل عام .. بس انت الله يهديك دور عليه .. يمكن انت خلال السبع سنوات هذي ما عرفت بالضبط وش تحتاج زوجتك منك .. انت الان بالجزء الاول الي انا ظللته بالاخضر تقول تشوف غيرها غلط وهي الصح .. طيب وافي كيف توصلت لهالحكم ؟؟ يمكن انت شخصيا تشوف مجرد معارضتها لرايك = شوفة نفس عليك وافي مدري ليش احس انكم خلال السنوات الاولى ما قربتو لبعض بشكل صحيح وما كان بينكم حوار ايجابي .. تقول بعد ما جابت الاطفال صارت تعلي صوتها عليك هذي السلبية الوحيدة الي انت ذكرت بعد ماجابت اطفال وافي .. اذا الزوجة بالاصل ماكانت مرتاحة مع زوجها + جاها اطفال منه وانت عاد تعرف الاطفال قديش مسؤولية مرهقة .. فالانفعال من جهة الزوجة ردة فعل طبيعية ( سواء برفع الصوت او غيرها ) وافي .. اخوي ما اقصد ابدا اجرحك او ازيدك هم لكن احاول ابين لك انك رغم انك ما قصرت معها واعطيتها اشياء يمكن حريم كثير يحلمون فيها .. لكن يمكن تكون ما عرفت وش تبي منك .. او انك عارف بس ماتعطيها اياه والاحتمال الاول احسه اصح .. وش رايك تحطها عند اهلها كم اسبوع عشان ترتاح نفسيتك شوي .. وهي بعد ترتاح ؟؟ وبنفس الوقت تفكر بتركيز وهدوء .. |
اقتباس:
واثق .. يا ترى هل لو كان الموضوع معكوس صاحبته زوجة تتشكى من رفع زوجها لصوته عليها واهماله لها .. هل راح يكون كلامك هو نفسه ؟؟ هل هذي سياسة حل المشاكل عند الرجا ل؟ اذوقها من نفس الكاس :) دمت بود |
اقتباس:
روعة المعنى والله ياحبت عيني... اذا ماجت بالطيب تجي بالعين الحمراء( آخر علاج الكي) واذا استعصت ... ومانفعت معها الحالتين............. اسرحها واخليها ادور ماينقصها مع غيري اختي الكلام سهل.... ولكن ماتحرق النار الا رجل واطيها العمر ينعاش مره وحدة......... اضيع منه شبابي مع وحدة ماتقدرني ليه وش يجبرني؟ اكثر ما كثر الله الحريم........... طيب يمكن ماراح اسعدها وهي ماراح تسعدني............ اعيش عمري تعيس... والا شلون بعض الحريم والله ثم والله انها غنيمة.......... وبعض الحريم والله انها مرض يجب التخلص منه تحياتي |
اقتباس:
واثق .. كلامك الي ظللته بقوة اؤمن فيه انا ولو انه للاسف ينسى ويطير لو كان الموضوع معكوس (يعني صارت المرة هي الي تتشكى من طولة لسان زوجها وقلة تقديره لها ) لكن مو موضوعنا فكرة ردك الاول صحيحة اوافقك عليها رغم انك جاي مسرررررررررع ضحكتني :d الرجل اكيد لازم تكون له هيبة وكلمة مهما كان حميمي مع زوجته .. بس عاد مو للدرجة الي تقول ! تقول اذا ما نفع الطيب .. طيب كيف شكله هالطيب ؟؟ يمكن تكون طريقة تقويم الخطا .. خطا .. ! انا اشوف ان الرجل المفروض يكون حكيم وعنده شوية دبلوماسية عشان يقوم اخطاء زوجته ويشجعها تنتبه لها عشان تكون الحياة الزوجية اكثر نجاح ولانه هو اصلا طبيعته (كونه عقلاني وغير متسرع) تساعده على هالشي واثق تقدر تخلي زوجتك تنتبه لكل كلمة تقولها من نظرة معينة لو قالت شي غلط .. او انك تسكت ثواني وتغير الموضوع احسن من انك تقول رديت لها غلطها بطيب واهتمام ودلع هذي سلبية .. ما تنفع مع كل الحريم (خصوصا الي فيهم لؤم ) ما تحس معي ان بعض الرجال يتعامل بهالسلبية مع اخطاء زوجته ؟؟ يسكت عليها ويبقى يدلعها ويداريها لين تصير ماتشوفه شي .. بعدين ينفجر لانه طول هالفترة كان يجمع بقلبه .. المفروض من البداية يكون حازم من جهة عشان يوفر عليه تراكمات نفسية كثير .. وبنفس الوقت عشان يقطع الطريق على زوجته ماتتمادى وعشان لو تمادت يكون لسا فيه حماس يصحح الوضع او بلفظ اخر (يدقمها) :d حياك |
هلا روعة المعنى انا والله مستعجل لازم اطلع
ولكن........... العااااااااااااااقل خصيم نفسه لي رده تحياتي |
صراحه كنت أحسب دائما المرأة الجانب الأضعف في الزواج
وكنت أرى الرجل انه ماخذ حقوقه بالطيب بالغصب بالقوه ياليت تعطينا تفاصيل تعاملها معاك تحترمك تقوم بواجباتها تجاهك والا لا غير رفع الصوت عمر بن الخطاب كانت زوجته ترفع صوتها عليه فهل قلل من رجولته شي المرأة تعصب من البيت والأطفال وتثور أحيانا لكن احترام زوجها والقيام بأموره ومعاملته بالطيب شي واجب عليها فما بالك إذا كان انسان فاهم وواعي |
كلام واثق الخطوة قوي عند التأكد أن الاساليب استنفدت
لكنني حقيقـــــة أؤيد روعة المعنى فالأولى أن تعمل العقل وأن تبحث أكثر عما تحتاجه هي من وجهة نظرها لا من وجهة نظرك حتى تتوصل ‘لى الاسلوب الامثل في التعامل معها لأن المرأة تحتاج إلى رجل تحترمه وتهابه بس يستطيع يديرها |
اقتباس:
اختي روعة المعنى كل اللي تقولينه حلو ولو ان فيه مثاليه زايده... نوعا ما اختي والله العظيم جربنا انواع واشكال من الحريم.... الله يتوب علينا ويغفر لنا المراه ... تحب الرجل اللعوب ( مقطع السمكه وديلها) يوديها البحر ويردها عطشانه الرجل الذي ... يحرص على اثبات شخصية .. وايصالها للزوجة كما هي... دون ان يغير ويحرف ويتكلف بشخصيته لكي تناسب زوجته لين الجانب مهم.... وقوة الشخصية مهمه جداً واذا كانت سفينة الحياة الزوجية بقيادة مره ... الله يخلف على هالسفينة... بتلعب فيها الامواج... وربما يكلها حووووووووووت ضخم الرجل الذكي هو من يجعل زوجته تحبه وتتعلق فيه.... وتعشقة... بصدقه .... وحنانه وقيادته وقوامته... وتوجيهه... الانسان بطبعة ملول... اغلب الرجال يقول خلاص وفرت الماكل والملبس.والسكن.. يظن انه اكتفا... وينسى اهمية العاطفه.... والذي منه:d ......ولاننسى دور المراة ... بعضهن جلابة مشاكل.... من تصرفاتها الغبية وريحتها القشرا المعفنة تجعلك تصرخ بقووووة الله ياخذك لاننكر بان التنازل هم ومطلوب بين الزوجين لكن.... لايصل للاهمال او امتهان كرامت الطرف الاخر ملاحظة.......... يشرفني انني تناقشت مع قلم مبدع كقلم روعة المعني وكلنا خطائون وخير الخطائون التوابون تقبلوا تحياتي |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©