|
بيت نظيف بدون خادمه
مرحبا
لااخواتي ربات البيوت فقط (العاملات لا) تبين منزل نظيييييييف وكأن به اربع خادمات...... (مبالغه):25: استيقظي الصباح من الساعة 7واشربي ماء على الريق لاتنسون تراه مفيد وبعدين افطرو وشغلو القران على سورة البقرة :)واشتغلي بالغرف والمطبخ وكأنك نحلة بين الازهار(حلو التشبيه):23::18::18: وركزي على مكان معين يعني اليوم مثلا غرفة اطفالي ترتيب وتنظيف المفارش وتمسيح وترتيب الخزانه وكل يوم غرفه وهكذا قسم بالله اسبوع وراح تشوفين بيتك متغير من... الى ... :17::17: |
ههههههههههههههه
الله يسعدك بعمل مثلك بس عجبتني سيرة النحله:) بارك الله فيك يالغلااااا |
:: ذكرتيني ببيتنا قبل كم يوم ماكان فيه شغاله .. وطبعا عندي اخوات بس احس مافيهم حس المسؤليه والنظافه زيي او يمكن اعتمدوا اني اكيد راح انظف وراهم اقوم اصلي الفجر وامشي عالمطبخ بسرعه انظفه وامسحه .. واذا راحوا للمدرسه امسك البيت تمسيح وكنس .. وترتيب الغرف وغسل الحمامات ههههههههههه حسيت اني انكرفت واستعديت للزواج وبعد هالمهمه الي عشت فيها راح اشرط على أبـو الشباب يجيب لي شقه صغيره مابيها تزيد عن 4 غرف ولو 3 مافي مشاكل ههههههههههه تعبت من الحووسه ببيتنا .. وهذا كله لجل عين امي مابيها تقوم وتشوف البيت حايس وتنقهر انه مافي احد حاس فيها .. :: بس من جد نشااااااط قومة الصبح والقرآن .. من جد رواااااااااقه تحسين انك براحه والشغل يحسسك ان فيه شي وهدف لك احسن من الجلسه على هالنت .. :: وسلامتكم .. |
والله من جد كلام سيلم اتذكرت قبل كم شهر لمن شردوا شغالتنا الاتنين كانت مصيبه:30: حسبي الله فيهم في الاول دلع طبعا
كلو جاء على راسي انا واخواتى صرنا نهتم بي المنظفات واشترينا كذا جهاز يساعد ويريح :22: الفوائد نزول وزن طبعا مع المجهود:d انا اعرف شغل البيت بس اخواتى اتعلمو:25: وكان البيت كلو مرتب ونظيف من جد لانوا اهل البيت والشغالة غير:17: الان رجعنا للكسل:11: تسلمى موضوع حلوو |
يازين العافيه وبعد اذا زكيتيها وزكاتها العباده وشغل البيت وغيره ما بس اكل ونوم
يازين اذا قمتي الصبح ونتي نايمه مافيه الكفايه وقمتي بتنظيف البيت ونتي رايقه ونشيط وسبحان الله شغل الصبح فيه بركه واذ خلصتي من الشغل وجلستي ترتحين وكل شئ نظيف ومرتب سبحان الله تحسين براحه نفسيه وسعاده لانه من جهودك""""" ومنه حركه رياضيه اما الشغلات والله هم ذكرتيني بالنحله هذا التشبيه كان يقولها لي زوجي برمضان كل ما دخل علي في المطبخ قال يانحلتي عساك ما تعبتي تراه ماهو عل شاني علشان ازبط الفطور واملاء السفره بعد الفطور الله يرحم حالي لانحله ولا نمل هههههههه اذا نداني هييه انتي اسمي نحله قال هذاك القول قبل الفطور والا الحين شبعان طيب كمل مدحك علشان اغسل المواعين ونظف المطبخ قال وش وراك غير المطبخ معك لين الفجر الله يخلف علي |
وازيدك من الشعر بيت تنظيف البيت باستمرار يحمي من تكيس المبايض ....
سمعتها من طبيبة نسائية في التلفزيون قالت كل من اتت لها وتعاني منه لم تكن تقوم بتنظيف بيتها وتركت التنظيف على خادمتها وعلى العموم العبرة في الحركة لان التكيس الدهني عبارة عن دهون من زيادتها في الجسم نتيجة الاكل الغلط من مواد حافظة لدهون مشبعة ل..... مع قلة الحركة تخرج على هيئة أكياس دهنية |
اشكركم على الرودود عزيزاتي
والمثل يقول ماحك جلدك مثل ظفرك |
الله يعين بس طيب انا وش اسوي انا ادرس ومتزوجه ومامعي شغاله وربي انكرفت طلع الدلع اللي عند اهلي بشغالاتهم بالعرض ارجع من الكليه عالمطبخ وبعد الطبخ عا لغرف تنظيف وبعد مانتغدى اغسل المواعين وامسح ارضيه المطبخ وبعد العصر من التعب عالسرييييييييييييييييييييييير اذا ماعندي شغل للكليه وربي تعبت |
منووووووور الله يعينك ومصيرها تفرج
|
الشغالات مايجي من وراهم غير القرف
انا من رايي انو البيت النظيف هو الي بدون خدامة الخدامة تيجي كانت مرة بالاسبوع قبل اخر الشهر الاقي المنظفات تلاشت والنظافة مو هالاشي المهم طيب وين بتاكليهم يا بنت الناس ولا تدهنيهم عشعرك؟يعني لا ريحة فريش ولا ريحة المطهرات اموت واعرف شو كانت تعمل بس وبالاااااخر اكرمتها كرم ماعمرها حتشوف زيوو ومعاملة حسنة وبالاخر استهبلت و غدرت فيه الله لايسامحها الان انظف لحالي صحيح تعب عشان الحمل لكن منظفاتي والله بركة اجيبهم اول الشهر وتضل لنصف الشهر الي بعده او عالاقل اول اسبوع بدون متخلص وهادا انا انظف كل يوم والبيت حلو وزي الفل وفعلا راحة نفسية انو نظافة بيتي بايدي قرف عالشغالات بس ان شاءالله اقوم بالسلامة ومااحتاج ولا وحدة ويعطيني الله البركة والصحة و انجز اعمالي بنفسي |
اسمحوا لي يااخواتي بالتطفل على الموضوع فانا في عداد ارباب البيوت حالياً لأني متقاعد :)
النظافة لاتعني خادمة النظافة تعني ربة المنزل حتى بوجود الخادمة .. ولو وجدت الخادمة تهاوناً من ربة المنزل فقولي للنظافة وداعاً .. انا احب تنظيف بيتي لأن فيه سنة للمصطفى صلى الله عليه وسلم .. والمسلمين عموماً هم انظف البشر لأنهم يتطهرون من الأذى ويغتسلون في اليوم 5 مرات .. موضوع جميل بارك الله بك اختي ضوء القمر |
الصراحة الشغالة تريح و تخلي للوحدة وقت تزور و تقوم بواجباتها الإجتماعية خصوصا مع كثرة البزارين
يعني خلونا واقعيين لو كان عندنا فوق الأربع أطفال بسن صغيرة , سيكون الوسخ أضعاف مضاعفة و لا تذهب الوحدة منا لسريرها إلا و ظهرها منقسم نصفين , خصوصا ان أغلب دوامات رجالنا طويلة , فلا يشاركننا في الشيء البسيط من العمل فمتى نتزين او نخرج لأهلنا و نقوم بعمل مانحب مايصير الحياة كلها طبخ و تنظيف و بعدها الوحدة مالها خلق بصراحة للتزين لأن مهمة التنويم بدأت.. طبعا مع ابعاد الخادمة عن الأولاد و شؤونهم و أن نكون مشرفات عليهن , هذا رأيي بصراحة رغم اني ماعندي خادمة لكن إذا حسيت بظهري قريب ينكسر لاسمح الله , لن أتردد |
بارك الله بالجميع
( المسداني) الله يكون بعونك بس صدقيني تنظيم الوقت له دور كبير والخادمات والله مو حاجه ضروريه للاسف نحن جعلناهم حاجه ضروريه وماوراهم الا الهم والمشاكل صحيح الوحده تقول برتاح ولكن نفسيتها تعبانه من وجود الخادمه وتطفلها على خصوصيات البيت هذه وجهة نظري ودمتي بود |
صحيح كلامك غاليتي الله يوفقك
|
ماشاء الله عليك دانتيل عجبتيني
الله يوفقك ويسعدك ويرزقك بذريه باره اللهم أمين |
يعطيك العافيه على هذه النصائح القيمه
|
اسال مجرب الشغلاات وصخاااات
|
بصراحه حاولت مره اشتغل في بيتي بنفسي تعبت مرررررره لانه اكون دقيقه اكثر في التنظيف ( اشتغل بذمه ) هههههههه
وطول اليوم وأنا ألقط وأرتب وأعصابي فللللللللللللللل وبعد العشاء ظهري مقسوم نصفين والسبب عدم تعاون من في البيت على التنظيف والاتكاليه على الطرف الاخر وقد كان عليه افضل الصلاة واتم التسليم يساعد اهل بيته ويغسل ثوبه اما اليوم عليك التنظيف والتربيه وتدريس الابناء والطبخ والاهتمام بالزوج ووووووووو أقول الله يعين الحريم صدق عليه الصلاة والسلام ( استوصوا بالنساء خيرا ) |
الكلام سهل :d
و انا اللي عندي زينه و نحووووووووول في البيت انا انضف و هما يوسخوا وراي يعني البيت ما يترتب نص ساعة على بعضها :29: بوجود الصغار و الله صعب و ما ييجي المسا الا انا خلااااااااااااااااااااااااااااص مو خرج حدا يشوفني من التعب اللي بجسمي ووجهي :( لو بلدنا فيها خدامات من الصبح اجيب وحدة:( |
اهلين بالجميع
(باحثه عن الحق ) كلنا عندنا زينه ونحوووول على قولك بس بعد مايروحون للمدرسه ابدأ اشتغل وماعندي غير الصغيره تتفرج على التلفزيون واكيد بعد العصر بيحوسون بس يبقى الغسيل مغسول والمطبخ نظيف والغرف مرتبه والحمامات نظيفه والحوسه والكركبه كلها بالصاله وهذا امره هين يخلصون بعدين يرتبون اغراضهم غصب عنهم مو برضاهم |
والله مافي أحلى من إنك تعملي بوصية الحبيب محمد صلى الله عليه وسلم لإبنته فاطمه الزهراء رضوان الله عليها إنو وصاها هي وزوجها علي بن أبي طالب رضي الله عنه..إنهم يسبحوا 33 ويحمدو الله 33 ويكبرو 34 والله خيرمعين وأفضل من أي خادمه وياليت نستغني عنهم بيكون افضل لنا ولأبنائنا مشكوره عيوني ضوء القمر على الموضوع الطيب |
| الساعة الآن 01:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©