|
تقدم لي شاب (مطلق) بدون اطفال هل أوافق عليه؟(تم الرفض)
اولاً شكراً لهذا المنتدى الجميل :)
ثانياً اعرض سؤالي: تقدم لي شاب (مطلق) بدون اطفال ،، على دين وخلق ،، ولكنه مدخن ! يعني بتقولون كيف دين؟ يعني يصلي وحاله حال الشباب.. المشكلة انه قال: ما ابي نت، مابي جوال، ماابي حتى تليفون في البيت! لاني انا انسان ما احب هالاشياء في بيتي! ومابي طلعات! بيت اهلها وبس! لا دراسة ولاشغل!! طبعاً باقول لكم ترى عمري بيكمل عالثلاثين :d واهلي عاجبهم الرجال! انه رجال بعينهم يعني وهالاشياء موب لازمه! يعني هو شغله زين مررررررة وملتزم بعمله! ومستعد لكل شي! وبعد يصلي واخلاقه سالوا عنها وزينه مرة عند كل الي سالوا عنه! صراحة انا ماعجبني اطلاقاً لاني حسيته شكاك والعياذ بالله!! ادري طبعاً الانسان مايبين عليه! يعني ما اقدر الاحظ هالشي عليه مهما حاولت! واهلي مقتنعين فيه (لانه شخصية مرة وكلامه مرة موزون! ).. ابي راي الشباب خاصة في الموضوع الله يوفقكم،، وش ممكن تسوون لو جاكم واحد زي كذا؟؟؟ ولايهونون البنات بعد :d مشكورين وماقصرتوا :17: |
اقتباس:
وييييين يااختي ..طلبك غريب !! |
اقتباس:
مع إحترامي للمتقدم هذا زواج واستقرار أم معتقل وسجن؟؟ الجوال والتليفون هي احتياج وليست كماليات حتى تكون قابلة للرفض.. لاقدر الله صار لك شئ وانتي لوحدك كيف تتواصلي معه ؟!! صراحه امره غريب وشروطه اغرب .. أستخيري وأسالوا عنه جيداً قبل الموافقة.. وموضوعك هذا قسمه المناسب وليس العوانس كما طلبتي فكل فتاة مهما بلغ عمرها فهي مقبلة على الزواج بإذن الله تفائلي فمابعد الصبر غير الفرج أسأل الله العلي القدير أن يكتب لك الخير حيث كان ويرضيك به.. |
غلاتي
لا تسالينا اذا توافقين عليه او لا انتي اعرف بنفسك وماتحبين منا اذا تشوفين نفسك فيك القدرة على القبول بدفن حياتك وشبابك مقابل الزواج او اقصد شروطه .. فتوكلي على الله اتصور فهمتيني .. انا لو مكانك .. مرفوض غير ماسوف عليه ويا عل عمري 50 مهو 30 .. ادفن شبابي ليش ! عشان واحد مهو طبيعي ! يبي يعيشني بمعتقل مثل ماقالت وردة الله يسعدها فعلا كلمتها بليغة بوصف العيشة معه .. الله يعلم الخافي ويكفيك شره غلاتي انتي عمرك 30 .. ولكن ابدا ما يعني انك ترخصين نفسك لاحد .. انما هي فكرة المجتمع الظالم والي يبي يشوفك متزوجة وعندك اطفال وبس .. من دون ادنى اهتمام براحتك وسعادتك .. |
اقتباس:
|
أبرد عليك بما اني أرى أن الرأي للبنات في موضوعك ولايهينون الشباب أعتقد كذا:d
أنا من وجهة نظري شخص مطلق ولايريد الطلعااات ولايريد الجوال النت التليفون ويدخن..............عفوا هذاااا شخص غير مناااسب للزواج والارتباااط به هو راح يتزوج انسااانه مو خدااامه!!!!!!!!:( ومهماااا وصل فيك العمر لاتضطرين انك ترمين نفسك على أي شخص.......أنا استغربت من طلبه والشروط اللي يبغاااها أكيد انه طااالع من صدمه مع زوجته السااابقه...........على العمو لاتتسرعين فهذي حياااتك ............وأنتي ثمممممممينه فتزوجي اللي يستحقك...............موووفقه:) |
اقتباس:
العمر كلو يارب وانا نفس عمرك والله لو دا اتقدملى ارفضوا بدون ماافكر الناس تتقدم مو ترجع لوراء وانا اعرف اي شاب يطلب دى الطلبات دا انسان معقد نفسيا واكيد مر بي شي سي ويبا يطلعوا في بنات الناس عيشي في بيت ابوكى معززة مكرمة ولا تدخلى السجن بيدك وتندمى |
أختي هل سألتوا عن أسباب الطلاق وكم أستمر زوجه السابق ولماذا ليس لديه أبناء ؟؟؟؟؟؟
أسأله مهمه في رأي كما أرجو أن تجلسي مع نفسك هل تقبلي أن تقبلي برجل داخل على شروط وشروط كبيره في راي سيتطلب منك التضحيه يعني ما في خرجات ولا نزهات ولا هاتف طيب ليش هل يريد أن يعزلك عن العالم إن كان ليس واثق من البنت التي خطبها ومن تربيت أهلها فلماذا جاء ليخطب. الله يرزقك برجل صالح تقي حنون وإياك إن شاء الله قريب على آجل |
لا اعرف لماذا تقدم الفتيات على الزواج من اي شخص حتى لو كان مريض نفسيا لمجرد انها قربت الثلاثين
اختي الكريمة احيانا ان يفوتنا القطار اهون من ان يدهسنا طلباته غير منطقية ابدا ابدا .. تنم عن شخصية غير سوية .. ونظرة اهلك كذلك .. استخيري استخيري استخيري .. انا شخصيا لو تقدم لاي من اخواتي سارفض .. حتى لوكان عمرها 50 علما باني امراة ولست رجل .. لانك طلبتي راي الرجال |
اقتباس:
|
استخيري
لكن من شروطه اشوف انه غير مناسب |
بصراحه
هذا باين من بدايته شكاااااااااااااااااااااااااااااك ايش مافي نت ولا تلفون ولا طلعات وين عايشين احنا واذا عمرك بالثلاثين يعني ترمي نفسك على واحد الله العالم ايش حالته النفسية العيشة ببيت اهلك ابرك من سجن استغفر الله بس هذا رايي وبصراحه لو كنت مكانك ومن البداية نازل طلبات وشروط مستحيييل اوافق الله يبعثلك واحد احسن من بمليون مرة |
الله يسلمكم يارب وماقصرتوا أبداً معي!
ماعليش انا كنت كاتبه باستعجال شديد.. اعتذر لو فيه شي ماانفهم صح.. الحمدلله تم الرفض من قبلي ! وفعلاً غير مأسوف عليه!! واحمد ربي الف مرة انه كشف نفسه قدامي!! لانه مافيه اصعب من المريض النفسي!! الله لايبلانا يارب!! ومشكورين ماقصرتوا جميعاً ... |
أقرب قريب للفتى ...
نعم اختي عندي اسئلة وعليك الحل :
1- هل عندك اخوان ؟ اذا كنت جريئة حالولي تسئلينهم بطريقه غير مباشرة عن الرجال . 2- هل باستطاعتك الجلوس معه بوجود محرم ؟ خلي قريبك يسولف معه وانتي اسمعي وخلي اخوانك يدقون عليكي وطلعي جوالك وكلميهم او اطلعي ثم شوفي ردات الفعل من القريب اللي جالس معه ويسئله . 3- الشباب هلا الأيام الوحدة خليه يصنع قرارات لكن اذا توددتيله بكره وشاف صدق حنانك ومعاملتك معه راح تغيرين كثيييييييييييييييييييييييييييييير . 4- سألتم إمام المسجد عن الرجل ومواظبته على الصلاة وخاصة الفجر في المسجد مع الجماعة ؟ 5- ما ندم من استخار ؟ 6- قبل وبعد كل شئ الموفق هو الله سبحانه وتعالى . |
..............الحمدلله انك رفضتي وارتحتي
وعقباااااااااااااااال ماتجين تخبرينا هنا بالزوج الحنون الوسيييييييييييييييييييم:d موووووووووووووووووفقه:) |
[...مع احترامي الشديد لك اصلا هدا الخطيب الله لايبلانا لا تشاورين الناس فيه .. المكتوب مبين من عنوانه اولا مطلق هدا ماهو عيب في الرجل ... بس لما بانت لي ملامح بعض شخصيته عرفت ان العيب منه بنت الناس ماطلعت من فراغ البنات اللحين صاروا يعضون على ازواجهم ويحاولون قد مايقدرون انه ماينهدم بيت الزوجيه ويصبرون ويتحملون لان خلاص ماعاد فيه رجال الا ماندر .. الوحده ليه تتزوج الا عشان تبي واحد يدللها ويكرمها ويطلعها ويمشيها .. مو عشان يمنعها من ابسط حقوقها ... وربي مررره ضااق صدري عليك ... ترضين على نفسك هالحرمان هدا كله .. وربي انا ماارضاها عليك ... ولك القرار ... تمنياتي لك باختيار القرار الموفق... ] |
الله يرزقك بي الافضل
دا الله لايبتلينا بي زيوا يالطيف |
ليه .. هو مشروع زواجي ولّا معتقل غوانتنامو !! الله يعوضك خير ولا تستعجلي ترا ذي حياه أبدية .. مو بشيء تغيريه إذا ما عجبك |
اقتباس:
عوضك الله خيراً ورزقك من حيث لاتحتسبي.. يـغـلـق.. |
| الساعة الآن 08:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©