|
خاطب من غير جنسيتي
السلام عليكم ورحمة الله كيف حالكم اجمعين :) ابي استشارتكم في موضوع جدا محيرني تقدم لي خاطب من جنسية غير جنسيتي ماشاء الله مركز ومنصب وجاه ومال واخلاق دين نص ونص - مثلي - بس اللي محيرني انه يبيني اشيل - انزع - النقاب وانا الصراحة ما اقدر اتنازل عن مبدا من مبادئي وابي هالريال لان ماشاء الله لقيت فيه اللي ابيه شلون اقنعه اني مابي اشيه؟؟؟ رايكم كلكم يهمني |
وعليكم السلام ورحمة الله وبركاته
في البداية اسأله تعالى أن يرزقك الزوج الصالح اختي .. تأكدي من اخلاق هذا الرجل ودينه .. لاتقولي مثلي فأنتِ لم يعجبك طلبه وبالتالي ليس مثلك .. انتبهي لاطاعة لمخلوق في معصية الخالق .. قد يطلب منك اليوم نزع النقاب وغدا السهر مع اصحابة بحجة مركزه ومكانته ولاتعلمين عن الباقي ... ارجع واقول انتبهي ولاتضيعي آخرتك لأجل الدنيا ومن ترك شيئا لله عوضه الله خيرا منه .. |
إلا حجابك يا أخية....
حاولي أن تقنعيه أنك لن تتنازلي عن الحجاب لأنه دين وعبادة ولا يجوز التفريط فيه. وإذا كان من البداية يطلب أن تخلعي حجابك فلا أدري ما يطلب منك غداً؟ ................ وتذكري أن من ترك شيئاً لله عوضه الله خيراً منه. |
غريبه خليجي ويطلب منك تشيلي النقااااااااب؟؟؟
على العموم حبيبتي الله يكتب اللي فيه خير لك واستخيري وشوفي اللي ترتاحين له بس اهم شي الحجاااب لاتفكينه لو وش ماصااار واقنعيه وقولي المفروض تستانس اني محجبه والكل مايطالع فيني الله يسعدك ويوفقك يااارب :14: |
نقل إلى مكانه المناسب .
بالتوفيق . |
جزاج الله خير اختي ملاك الغربة
اذا كان النقاب سيرق بيننا فلا مانع عندي ابدا اللي اطلبه شنو الطريقة اللي اقنعه فيها؟؟ |
اشلون تشيلي النقاااب؟؟؟؟؟؟؟؟
مافيه غيره؟؟؟؟؟؟؟؟؟؟؟؟؟ يعني يبي تمشي معاه بشااارع كاااشفه؟؟؟؟؟؟؟؟؟؟ صدق مايستحي!!!!!:(اعذريني موهبه بكره بيقول البسي بنطلون اصحااابي بيجوون على الغداااااا!!!!!!!! هذا اللي باااقي موهبه فكري زيييييين ولا تفطري ببصله!!!!!! الله يجعلك بكل خطوه خير وسلامه حبيبتي |
مشكورين اخواني ابوناصر 22 ومش مجرد كلام
انا لن اتنازل عن حجابي او نقابي ابي الطريقة اللي اقنعه فيها بس ماتكون اقناع ديني ومشكورين |
اقتباس:
ولا ممكن يختبرك ويشوف رد فعلك!!!!!! لاتوااافقي ابد اكيد لو انك عااااجبهاا ماراح يتركك على هالسبب:) |
سبحان الله العظيم وين غيرة الرجل؟ مرة اختي راحت مع زوجها السوق وتضايقت من البنات اللي يطالعون زوجها وقعدت تقولي تمنيت حتى الرجال يلبسون نقاب من كثر غيرتها عليه وهذي هي حرمة تقول كذا نصيحة إذا هو مصر على هالكلام اتركيه والله يعوضكِ خير منه |
اهلين خواتي نورين وانتظار الفرج
مشكورين على مروركم الحمدلله انا نقابي عن اقنتاع تاااااااااااااااام لا ولن اتنازل عنه ومثل ما قلتي اختي نورين ممكن بيختبر مبادئي وعندي مبدا بعد ان اللي يتنازل عن شي كبير ممكن يتنازل عن اشياء وايد اقوى باب التنازل اذا انفتح ما ينغلق بس فعلا انا محتاااااااااااااااارة الريال وايد زين وفيه تقريبا كل اللي ابيه بس هالشي تقريبا اهو اللي مخليني افكر بالموضوع وايد |
الله يوفقك ويرزقك ماتتمنى ويسهل اموررررك
|
الله يثبتكِ حبيبة قلبي موهبة حاسه فيكِ لأني كثير انحطيت في هالموقف بس مو النقاب الفضائيات القذرة الله ييسر امركِ ياااارب |
اقتباس:
ألا ترين ان جملك فيها شيئ من التناقض ؟؟ كيف لن تتنازلي وكيف محتارة في نفس الوقت ؟؟ عفوا لم أفهم |
مشكورة حبيبتي بنت مكة على دعواتك الطيبة
اختي انتظار الفرج الله يثبتنا اجمعين ......... محتاجة نصايحط الذهب اختي رسيل اشكر مرورك محتارة هل اوافق ام لا وهل ساجد زوج مثله ام لا ستين الف فكرة وفكرة تدور براسي دعواتج الطيبة لي |
.. مرحبا عزيزتي ..
.. بس انتي لازم تفكري فيها زين , خصوصا انه الكويتيه اذا تزوجت من غير كويتي , شوي يكون الامر صعب على عيالها .. .. بس اذا انتي مقتنعه , وتبينه , عليج انج تقنعينه ,, .. وتقولي له : انا ابي اكون لك بس انت , وما احد يناظر فيني , ويتفرجي عليي غيرك , وابي جمالي كله لك , وما احد يشاركك فيني بالنظرات , انه حلالك ايه , بس مو حلال الا بره .. .. خبريه انك جوهره مصونه , وهالجوهره , الغاليه , تكون محفوظه عن العيون , حتى ما احد يفكر يسرق هالجوهره الثمينه .. .. تحياتي لج .. |
موهوووووووووووووبة......................عطيه الخياااار ياامااااا يقبل فيك كمااا أنتي ويحترم مبدأك أو بالاصح دينك
ولايعييييييييييد هذااا الطلب مررررررررررره اخرى حتى بعد الزواااج أو الله يستر علك ويحفظك وهو له الخياااار أتوقع هذا أفضل طريقة وحل لمشكلتك.................. موهوووووووووووووووووووبة أهمس باذنك من ترك شي لله عوضه الله خير منه |
جزاكم الله خيرا حبيبتي مس بلو
باشوف اقوله هالكلام الحين احنا موفقين النقاشات الى ما بعد مناقشتي للماجستير و يا رب يقتنع فبهالكلام عزيزتي جمال الروح أشكرج على دعواتج الطيبة والحمدلله عندي مبدا من زمان يا اما ياخذني مثل ما انا او يقعد عند امه <<<<<<< مغرورة والله يثبتا على الحق أسعدني مروركم حبيباتي |
احذري يالغاليه
الا حجابك تاج عفافك استخير المولى في امرك وهو الذي ييسر لك اتمنى لك التوفيق في حياتك ورزقك الله الزوج الصالح |
انا لا ارى مشكلة في طلبه ... على الاقل هو واضح من البداية لم يتزوجها ثم يجبرها لم يمثل عليها الدين و غيره اختي ان كنتي مقتنعة كل هذا الاقتناع بنقابك فحاولي اقناعه ان لم ينفع هذا الشي فانصحك ان تفكري بالامر من ناحية ان الزواج لا يمكن ان يكون مثالي مائة بالمائة ... وانت ما شاء الله وجدتي بهذا الرجل كل ما تريدينه لكنه طلب طلب يتعارض مع ما تريدينه فهل يستحق هذا ان ترفضي هذا الرجل .. خصوصا اذا كنتم متاكدين من كل شي يخصه لانك تقولين انه من غير جنسيتك . لهذا فالاولى ان تتاكدي من اسرته ... من حياته في بلده ... خلفيته ... ماضيه كااااااااامل بالتوفيق ان شاء الله |
أنا تعرضت لنفس موقفك وكان نزع الحجاب..... بس أنا رفضت رفض قاطع وكل ما أتذكر هذا الرجل تشمئز نفسي , الله لا تعيدها من أيام بالرغم.... لا تتنازلي مهما يكن لااااا ينقصك إشئ, إنتي اللي من المفروض شروطك تمشي.... أدعو الله عز وجل أن يهديه ويجعله من نصيبك إن كان فيه خير, وأن يكفيكي شره.... موفقة!!!!!!!!!!!!!! |
اختي راقصة على جتثه
اسعدني مرورك لن اتنازل عن حجابي مهما كان ولكن اريد طريقة للاقناع اذا اردتم من ناحية شخصية فهو شمالي غربي غاليتي ام الجود اشكرك على وجهة نظرك انا بجد مقتنعة بحجابي وعندي قناعة أيضا أن الزواج سواء منه او من غيره لن يكون مثاليا 100% كما قلت ولكن لدي مبادئي وقيمي التي ان تنازلت عنها انمحت شخصيتي وهويتي وانا اريد انا ابقى كما انا وبالتأكيد لن يكون ارتباط الا اذا كشفنا ماضيه وماضي اهله من هالناحية لا تحاتين وشكرا على النصيحة |
الله يوووووووووووفقك ويكتب لك الخير ويسعدك
|
المثل يقول
عين بالشحمة .. وعين باللحمة وهما واحد من أمرين دينك .. ورغبتك وأما مسألة الإقناع فخليها على جنب ..!! |
للعلم الرجال اللي مافيه غيره لايعتمد عليه في شي وببساطه ليس برجل بالمعنى الذي يرضي المراه .. والله يرزقج باحسن منه يارب
|
اختي sabara2009
الله يكتب اللي فيه الخير ويزاج الله خير على دعواتج الطيبة أخي الرسمي الصراحة مافهمت شنو تقصد من المثل اللي ضربته أختي ناااني المسالة مو غيره اهو مو متعود على رؤية النقاب اهله وجماعته محد يلبس النقاب والبوشية والنقاب مو متعارف عليه وايد بديرته دعواتكم لي |
الله يوفقج
|
تم رفض الخاطب
وعسى الله يعوضني ويعوض كل راغبة في الزواج خيرا كثيرا |
إن شاء الله خيرة لك أختي موهبة ..
ومن ترك شيئاً لله عوضه الله خير منه ,, فقط توكلي على الله وكوني واثقة منه ورزقنا بيجي إن شاء الله .. ! |
ليست هناك مشكلة أبداً
ضعي مبدئك هذا شرطا عليه . إذا يبيك بياخذك واذا ما يبيك يعوضك الله خير تحياتي |
اشكرج اختي مشكلة والله
الله يثبتنا واياج على الحق المبين جزاك الله خير اخي عبدالعزيز الصراحة اول مرة اتعرض لمثل هذا المثل ولمثل هذا الطلب اكثر اللي يتقدمون يشرطون عدم اكمال الدكتوراه ولكن النقاب!!! احس شر والله ابعده عني ربي لك الحمد بالختام اشكر كل شاركني ونصحني جزاكم المولى كل خير |
| الساعة الآن 12:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©