من وده يترك التدخين معاي؟ بدون تردد يلا فزعتكم :)
 

السلام عليكم ورحمه الله و بركاته ،،

شلوونكم وشخباركم اخواني الغالين ..

أول شي ألف شكر ماتوفي حقكم على كل المساعدات اللي قاعدين تأدونها في خدمتي انا وخدمة باقي اخواني وخواتي الأعضاء ،،

سلمكم أمس يالس اسولف مع الوالد الله يحفظه وكان يكلمني عن موضوع التدخين، وعطاني طريقة بإذن الله من الليلة بابتدي فيهآ ..

قبل لا اقول الطريقة باخبركم بموضوع صغير، ابوي كان يدخن من عمره حوالي 15 او 16 سنة، وتم مواصل عليه اكثر من 30 سنة!
وخلال هالفترة يدتي اللي هي أمه كانت تقوله اترك التدخين وان في دكتور يضرب إبر تخلص من التدخين وقالها انه بيحاول بدون إبر،
واخوه العود بعد كلمه وقاله خذ لزقات، واشترى الوالد اللزقات وماستخدمهم، للأنه كان ناوي إنه يقطع بدون أي مساعدات ..

وخبرني إنه عزم النية، وصلى ركعتين وعاهد الله إنه مايدخن مرة ثانية في حياته،
وربي لك الحمد والشكر ساعده وعاونه في عهده، وبفضل من الرحمن الحين صار له أكثر من 10 سنوات مادخن!

فـ إللي شاره عليّ، آصلي ركعتين الليلة، وآعاهد الله إني ما آدخن لمدة شهر واحد، وتالي خبرني قالي لا خلها بداية إسبوعين،
لكني صريت على شهر، وقالي إدع الله وقول " آللهم إني اعاهدك بإني ما بادخن لمدة شهر، فـ أعني يارب وصبرني " ..

طبعآ كل واحد حر في كيفية طريقة لدعاء الرحمن، لكن هاي اللي باقوله بإذن الله الليلة، واذا كملت الشهر،
صل لك ركعتين شكر وادعي نفس الشي لمدة شهر ثاني، وإن شاء الله عقبها مابتحتاج للدخان،
للأنك إذا رجعت لا سمح الله، مابترجع للإدمانك، لاء .. بترجع للأن إبليس وسوس لك ..

وإن شاء الله الله بيعينك للأنك أخلصت النية والعهد لله، بس اذا ياتك لحظة حسيت نفسك بتدخن، على طول تيدد وصل لك ركعتين واشغل نفسك بأي شي ..

بعد كلآمي ذيه كله .. منهو بيعاهد الله معاي .. وخلونا نبتدي بأول شهر إبريل ..

اللي عجبته طريقة الوآلد ، مابي منه شي .. إلا الدعاء له وحق والدتي فقط .. مابي لا شكر ولا شي ..
أهم شي الدعاء ..

أعانا الله ويآكم ، والله يفك كل مسلم من شر هالدخان ، و أولهم أنا ..

أخوكم محرقي

آلحمدلله إني ربي فكك وخلصك من هالخبث، واٍال الله إنه يقبل دعواتك في هالوقت المبآرك ،،

يزآك الله كل خير يالحبيب ..

عسسى رآسك سآلم يآلشيخ إنته ،

وبإذن آلرحمن ما بآحتآج حق عيآدآت أؤ شي، حفظك ربي ووفقك ويسر أمورك ..

اللهم آمين
الله يهدي أخوي مثل ماهداك الله يثبتك ماشاء الله

الله يعينك على تركه يا رب

ويبعده عن خواني وزوجي والمسلمين اجمعين يا رب

إن شاء الله ..

لك كل الشكر إختي آلعزيزه ،،

ولا هنتوا اخواني الطيبين اللي فوق

الله يوفقك لتركه
وأكيد بالعزيمه والاصرار ربي بعينك
لأجلك ولأجل مستقبلك
وأعطيك معلومه بسيطه لي جاره تنفر بشده من زوجها والسبب الدخاااان

ما شاء الله تبارك الله ..
بادرة طيبة ,,
احتسب الاجر في تركه و ادعوا الله دائماً ان يعينك على تركه

تمنياتي لك بالتوفيق

جعل الله يجزيني وياكم كل خير يارب ،،

والله يفكنا ويفك كل شخص مبتلي من شرّه ~

كلام سليم ومجرب ونااااجح جدااا جداااا...........الله يثبتك ووالدك وكل مسلم قرر يترك التدخين

بفضل ونعمة من الله والبركة في اخواني هني اللي زودوني بمعلومات ونصائح ،، قطعت ولله الحمد الدخان ~

عقبال ان شاء الله كل شخص مبتلي وناوي إنه يقطعه ..

آلله يبآرك في إيمانج خيتي ..

أجمعين ياربي ولج بالمثل ~

والله يفك خوالج واخوج من هالـ آفه !

بس أهم شي يكونون ناوين مو اجبار من فلان أو غيره ،،

وان شاء الله الله يصبرهم ..


ويوفقج يالخيتي لكل خير ..

صآدقه وآلله في كلآمج ،، وبفضل من الله صآر لي حوآلي الشهر مادخنت ..

وإن شاء الله طوول العمر يارب :17:

براااااااااااااااااااافو عليك

الله يسهلها عليك

كل ما حسيت بنفسك تبي ترجع تذكر اجر وثواب صبرك على ترك التدخين وقوم توضى وربي بيجازيك خير ويعطيك اجر عظيم على هذا الصبر

ربي يثبتك اهم شي تدعي الله ان يعينك ويثبتك

جزاج الله كل خير يالشيخه على النصيحه الذهب ..

اخوي

اذا حسيت نفسك تفكر فيه
ماعليك الا تتذكر ريحته وقرفه .. اقلها لما تدخل مسجد .. تذكر ان المصلين اللي جنبك يتأذوا من ريحته
ويمكن يدعون عليك بأسبابها ^^

وغير اهلك لما يتضايقو من ريحته

صدقني بكذا بتتركه .. الله يوفقك ويكفنا وياك شره :)

انا لي شهر الان تاركه ودخلت في عيادة التدخين اخذوا مني 300ريال برنامج سته ايام فقط ودخلت البرنامج يومين فقط يركبون جهاز عند الاذن يعمل ذبذبه كهربائيه لمده نصف ساعه
ولا اراء فيه فائده
اهم شي العزيمه والاراده القويه

ماشآءالله تبآرك آلله ..

عسآك ع القوه يآخوي .. خير مآقررت وأتمنى من كل الأخوان آللي يتعآطونه يمشون على خطآك ...
...

البرنسيسه~N

طريقة مجربة 100%
خذ لك عمره وخصصها لهشي يعني تعمل عمره والادعيه تكون خاصه بان تترك الدخان
طبعاً بنيه صافيه

في الايام الاوله ممكن تجد صعوبه ولكن اكثر من شرب الماء والسوائل وابتعد عن الاشياء الي تهيج عندك الدخان مثل القهوه واشياء اخرى

وابتعد عن اصحابك الذين يدخنو

وسترى النتائج باذن الله حلوه

والله يوفقك ويحقق ماتتمناه