![]() |
صديقي محتار من زوجة صديقه ((حُلت ولله الحمد ))
السلام عليكم اعضائي الكرااااام عندي مشكله وابي منكم حلها بدخل بالموضوع بدون مقدمات انا اليوم طالع مع صديق لي وتكلم لي عن قصة حدثت معه ويبي مني حل لأني عطيته جميع الحلول ومافادت معه فأتمنا اجد الحل لديكم هو متزوج وله صديق عزيز علي قلبه وصديقه متزوج ويعتبر صديقه الخاص جداً وفي ذات يوم جاهـ اتصال من جوال صديقه فأذا بها زوجة صديقه فأستغرب من الصوت الأنثوي من رقم خويه فسأل من المتصل فقالت انا زوجة فلان صاحبك فسألت عن تفاصيل ذهاب زوجها معه وهل هو يكلم بنات ولالا وهل هو حق شراب ولالا لأنها قالت له انها شااااكه بتصرفاته وطلعاته الكثيره خارج البيت خصوصا انها وحيده بشقه لحالها لكن خويي ماعطاها وجه ونفى كل شي وقالت وعد ماراح يدري عن اتصالي وأنهت المكالمه بعد يومين جااااهـ اتصال من رقم غريب فعرفته بنفسها وقالت انا فلانه وابي اجيبها من الأخر معك وابغاا اتعرف عليك ورد عليها وقال انتي مثل اختي وانصدم من تصرفها والحين هو محتار وتزعجه علي جواله وبدأ يتهرب عن صديقه ومطنشهم الاثنين والمفاجأه يوم الاثنين الماضي استغرب ان صديقه كلمه وعلمه انه عند الباب وزوجته كانت معه بالسياره يبغا ينزلها عند زوجة صديقي انا بالبيت عشان يتعرفون الحريم علي بعض خصوصا انهم مو من الديره وبحكم الصداقه بين الزوجين قام وصرفهم بحكم ان زوجته تعبانه وبعد ماراحو ارسلت رساله علي جواله نصها ماتوقعت تصرفني بالطريقة هذي وانا جايه اتعرف علي زوجتك عشانك وصديقي الحين عايش محتاااار مع نفسه ياليت تفيدوني بحلولكم وآآآرآآآئكم |
يؤيؤيؤيؤيؤ ماني مستوعبه فيه ناس كذذذا زمن يخوف والله اذا راح الخوف من الله فاصنع ماتشاء
|
ياوسع وجههااااااااا..شكل زوجها يمدحه كثيييييير قدامها او انها معجبه بشكله وعينهااااا.....الله يستر عليها..بصراحه ماعندي حل ...الله يفرج همه...
|
اللي مايخاف الله يسوي كل شي شاكر لك مرورك فيني هدوء الكون |
اقتباس:
ان لم تستحي فأفعل ماشئت الرجال محتار مع صاحبه وقلت له ليش ماتقول له وتفك همك بس فكرت وخفت انه يسبب طلاق بصراحه الموضوع يمس كل شي وماااطرحته الا ابغا حل محايد |
لاحول ولاقوة إلا بالله العلي العظيم
لاحول ولاقوة إلا بالله العلي العظيم لاحول ولاقوة إلا بالله العلي العظيم أستغفر الله العظيم وأنوب إليه والله هذه كارثة وطامة أن تصل الوقاحة لهذه الدرجة اللهم لطفك اللهم لطفك اللهم لطفك كيف ستربي هذه المرأة ابناءها وطيف ستصون زوجها؟؟؟!!! والله اني اخشى ان أرد وأقول رأيي ولكن سأقوله واسأل الله السداد في الرأي برأيي أن يخبر صديقك زوجها بكل ماحدث ويريه الرسائل والأدلة لانها يااخي إن لم تخجل من صديق زوجها فكيف بالله ستخجل من الغريب؟؟ّ هذه مخيفة جدا وليس لها أمان وقد تدخل بيته وفي فراشه من تشاء وهو لايدري ولكن بشرط أن يهديه ويقنعه بن يفارقها بالمعروف |
ياااااااااااااااااااااليل وساعة الوجه !! اكيد هي الي تشرب مو زوجها <<< استغفر الله بسسسسسسسس هذي عقلها وين ؟ مافيها خوف من الله .. او اذا مره بايعتها .. ماخافت من صديقك يوديها بداهيه ! ياربي شلون الناس هذي تفكر اعوذ بالله ! الحمد لله الذي عااااااااااافاني مما ابتلاها .. الحمد لله انصح صديقك انه يطنش اي رقم غريب وان لا يعطيها مجال ويحاول انه يهددها او يخبر احد اخوانها مو زوجها الصراحه الطلاق صعب ويمكن هي تستاهل بس .. والله والله صعببببببببببببه ياناس غدر وخيانه هذي كيف تخون زوجها بهالشكل !! والله انها حقيرررررره لازم احد يأدبها .. لازم خليه يشتكي لأخوانها .. مادري بس احسها شتت تفكيري !!!!!!!!!!! |
اقتباس:
الصراحه انـا محتاره زي ام جمانه ~ بس والله حرام يضل صديقه مخدوووووووووع بزوجته قمة الوقاحه والدناااااااااااااااااااائه والله احس قلبي بيتقطع على صاحبك .. مخدووع وربي حرااااااااام حسبي الله عليها .. يمكن حل ام جمانه صحيح ! بس يحاول انه يهدي صاحبه .. ويفهمه الموضوع .. ياربي ستـــــــــــــرك نسمــــــــــــــع ونسلم .. |
اقتباس:
ماااتوقع فالموقف صعب جداً انه يقوله خصوصا مايعرف كيف تكون ردة فعله وبنفس الوقت مايبي يسبب طلاق ويخرب بيت صديقه فالمرآه جريئه بشكل ماتتصورون حسب كلامه لي |
اقتباس:
هو مايعرف اخوانها بس يعرف زوجها وبنفس الوقت زوجها معطيها الحرية التامه بخصوص اللبس وهو ماقصر اول كان يلمح له عن لبس المرأه الغير محتشم وخصوصا المخصررررر بس والله صعبه خوووويك ولاتعلمه وبنفس الوقت تخليها عل كيفها ومثل ماقالت ام جمانه اللي تجرأت انها توصل له راح تجيب الغريب كل بساطه لاحول ولا قوة الا بالله <<<محتااار |
ليش مايهددها انة يخبر زوجها
|
اقتباس:
هو هددها بس تقول له مافرقت معي مدري حسيت انها قااارفه حياتها منه ومتحججه وبغت تخربها رغم انها كبيرة مو صغيره |
أذكر قبل فتره احد الاخوان كان يواجه نفس
المشكله زوجة صديقه تتصل فيه وتبغى تتعرف عليه وعاد كانت تكلمه بطريقه أوسخ وأرذل من زوجة صديقك ووقت ما يهددها انه بيخبر زوجها تقول مش فارقه معاي بس ما شاء الله عليه عرف يحل الموضوع بطريقة تحفه ما توصف هذا رابط المشكلة للاخ خالد الذابح اقرأها يمكن تستفيد من الحلول واراء الأعضاء http://www.66n.com/forums/showthread.php?t=190957 |
أعوذبالله من غضب الله
اقشعر جسمي أنا لله وإنا إليه راجعون خله يكلم الهيئه تتصرف معها لاحول ولا قوة إلا بالله |
حسبي الله ونعم الوكيل فيها هي وأشكالها
أعوذ بالله !!!!!!:eek::eek::eek: أيش الجرأه هذي؟؟؟ لازم زوجها يدري عنها ؟؟ بس خطر ببالي سؤال كيف أخلاق زوجها؟؟ هل هو تبع بنات وشرب ؟؟ |
على فكره اذا تعرف ان صاحبك هذا يكلم بنات
بالتليفون, مسنجر او يقابلهم انصحه لوجه الله انه يبطل اذا له في هالسوالف يمكن عقاب من ربه في زوجته الله يهدي الجميع |
اذا كانت جريئه بزياده , يعني هذه ثعلب مكار , ويمكن تقلب الموضوع على صديقك علشان تطلع نفسها من القصه !!
.. لذلك لازم خطه محكمة , خلي صاحبك يحتفظ بكل اتصالتها والمسجات كمان , ويخبر زوجها انه في حرمه دايم تدق عليه وتتصل فيه , ومسويه له ازعاج , وانه يخاف انه زوجته تعرف وتفهم غلط , وانه متضايق من اتصالات هذه الحرمه , يعني كانه يشكي له عن مشكله , بس ما يخبره انه الحرمه هي زوجته , وكل يوم يلتقي فيه صاحبه يقعد يشكي له من هذه الحرمه , واكيد انه صديقه راح يقول له عطني رقمها انا اتصل فيها ووقفها عند حدها وادبها , وبعدين .. يصير الا يصير .. وياريته صاحبه , بذكائه يخلي الحرمه تتصل فيه وقت يكون هو وزوجها مع بعض بس من غير ما تعرف انهم مع بعض , ويعطي زوجها التلفون ويكلمها , ومنها يعرف زوجها بخياناتها وحركاتها البطاله , ويوقفها عند حدها وهو بكيفه يتفاهم معاها بطريقته سواء بالضرب او الطلاق , يسوي الا يريحه , هذه حرمه ما تستحي , وتستاهل الا يجيها ( هذا ما جنته على نفسها براقش ) .. .. الله يريح بال صاحبك , ويحل المشكله على خير .. |
لو ما بلغت زوجها ودرا عن السالفه باي وقت ما راح يتفهم موقفك ابدا مهما كانت الظروف
وبدل ما يحس بالغبن من زوجته بينغبن اكثر بزوجته وصديقه انتظر فرصه تتصل و هو موجود و عطه الجوال يكلم و كل رسائلها خله يشوفها و انصحه يطلقها بدون اي عتاب او نقاش معها لأن الحكي مع اللي مثلها ضايع ماهي كفو تصير زوجة صديقك والبنات ملي البيوت يتخير وحده تليق به |
برأيي أفضل حل
بداية لازم زوجته تعرف عن الموضوع وتكلمها وتقول لها لو ماابعدتي راح نفضحك عند زوجك واهلك لو استمرت ولو برسالة وحدة ارجوكم خبروا أهلها أبوها والا اخوها لأنه حتى لو طلقها بتستمر بغيها استغفر الله العظيم وخلوهم يأدبونها الله يهدي المسلمين ليه صارت الدنيا كذا تخوف أستغفر الله |
اقتباس:
يوووووووووووووووه يوووووووه يووووووه يالحل ماااااااااشاءالله تبارك الرحمن خطه محبوووكه ربي فرجها عليه من اوسع ابوابه وعرف يربي زوجة صديقه .. الحمممممممد لله ... الصراحه رووعه جزااااااااااااك الله خير ياخوي عالرابط ان شاءالله يستفيد منها اخوونا طوفان .. اخـوي طوفان شوووف هالحل واعطينا رايك !! |
الحل روعة وتفاهم الزوجين أروع يادانتيل ياقمر بس يمكن وضع صاحب المشكلة مع زوجته الآن يختلف لازم يدرس الموضوع بدل ما تكبر السالفة وتصير زوجته تشك وتلاحقه,, |
اقتباس:
قرأت الموضوع في الرابط وصراحه طريقته مره حلوووووه بس صاحبي وصاحبه مابينهم اهلهم اي علاقة ولا يعرفون بعض وهو مايبي يدخل زوجته في متاهات مع انسانه فاضيه خصوصا ان حياته مستقره ولا يبي يعرفها علي انسانه منحرفه بكل شي ادعو الله لها الهداية |
اقتباس:
يكلم الهيئة تبين تكبرين السالفه الله يهديك يااطياف الرياض شاكر لك مرورك اقتباس:
الرجل ماهو حق شراب ولا بنات بس انه معطيها الحريه التاااامه بكل شي اقتباس:
كلامك عين العقل وانا قلت له تغدا عليها قبل ماتتعشا عليك بس نصيحتك انه يطلقها ترى صعبه فيه الف حل غير الطلاق شاكر لك مرورك اقتباس:
هو مايبي يدخل زوجته بشي ولايعرف الا صديقه فقط اقتباس:
الرابط استفدت منه بس زوجة صاحبنا ماتعرف زوجة صاحبه وهو مايبغا يدخل زوجته بمواضيع الله مغنيها عنها ويخاف بكرا يفتح علي نفسه باب من زوجته واذا اخبرها يمكن تشك فيه وصعب تغير نظرتها له ويمكن ماتتقبل المشكله ويفتح علي نفسه بابين فهو الحين محتاااااار لدرجة انه كلمني اليوم الظهر وقال بشر وش صار مالقيت لك حل قلت اصبر يومين الين نشوف الوضع وارد لك |
اقتباس:
كلام من ذهب وهي ماسوت كذا الا انها جريئه بس المشكله هو شكله علي بركة الله لكن انا قررت اني بقابل صاحبه وابي ادخل نفسي بطريقة غير مباشره وفكرت انه ينصدم مني ولا ينصدم من صاحبي وابي افكر بهالموضوع لكن عطوني رآآآيكم |
اقتباس:
أخاف يكبر الموضوع ويرجع اللوم على صاحبك صاحبه حيقول :فضيحة صاحبي وصاحب صاحبي.. ماهي سهلة هذي عرضه وزوجته.. وبعدين ربما صاحبك جذاب وشخصية .. والمرأة فتنت به أنا ما أعلل لها بس ربما وقع في قلبها يعني موشرط إنها خاااااااينة وأسوأ ماتكون عموما الموضوع يبغى له تفكيييير عميييق ربما أحد يطرح حل يناسب جميييع الأطراف |
اقتباس:
شخصية صاحبي حقيقة جذابه بس حتي لو اانفتنت فيه مو بالطريقه هذي تجيه من الباب للطاقه فالمشكله ليست بصاحبي او هي بل بنظريتي انا ان المشكله بالزوج ولا ايش رآيكم انتم |
لا تخاف الهيئة تحرص على سمعة المرأة وتعرف تتعامل مع هذي الأشكال هم بيناصحونها بطريقتهم
ينزع بالسلطان مالا ينزع بالقران وهم سلطة ممكن صاحبك يتصل ويستشيرهم واتوقع يساعدونه ويتفاعلون مع الموضوع بالشكل المطلوب بدون فضايح يتصل ويجرب مابيخسر شيء موفق |
الهيئه ماهم حل بالطريقه هذي لأني مطلع علي بعض نصائح الهيئه خصوصا اذا كانت بمكان عااام لكن بقضيه زي هذي يصعب عليهم الوصول لحل فيها لكن يمكن يستشير فهذا ليس مانع انه يروح لهم بس مااتوقع يطلعون بنتيجه زي هذي خصوصا انها تعتبر خاصه وليست عامه تحياتي لك |
حسبي الله ونعم الوكيل .. وينها من ربها ذي وصديق زوجها بعد صدق ان لم تستحي فأفعل ماشئت ... الله يعين صديقك وموووقف لايحسد عليه ... ليش مايهددها انه رااح يقوول لزوجها ويخيليه يشووف رسايلها يمكن تخاف وتمسك ارضها موضوووع يجيب الهم .. |
اقتباس:
هي مافرقت معها حسب كلامه يعني متسااااااااااويه معها وهو مايبي يسبب بينهم طلاق ويكون السبب هو الأن هذا الموضوع محتار فيه وغاااااااااااااثه مغثه من كثر مايفكر به لكن انا اليوم طالع معه لمعرض الكتاب الدولي ونشوف كتاب يمكن يطلع بحل منه :d:d صراحه موضوعه اشغلني انا وانا مالي دخل بس من جد يغث وهي بايعتها والمشكله خايف الله فيها ويدري انها ضليلة عقل لكن الشكوى لله |
انت شفيك كل ما قلنا لك حل قلت ما ينفع ما ينفع
وكل كلمه والثانيه تقول هذي جريئه يا اخي هذي صااااااااااااااايعه منتهيه موب جريئه :( حرام عليكم تخلون الرجال غافل عن حركاتها القذره اذا صديق زوجها سووت فيه كذاااااااااااااااااا اجل الغريب وش بتسوي معه لازم تعلمونه يطلقها ما يطلقهااااااااااااااااا هو حر وانا ما الومه لو طلقها خليه يطلقها الحين احسن من يشوف مصيبه ثانيه اكبر واعظم |
اقتباس:
دام مافرقت معاها ليش ماتخليه لانها مو كفووو تكوون زوجه له ؟؟؟؟؟؟؟؟ ان شاء الله ربي يوفقكم وتلقوون حل مع اني اشك مع هالاشكال يفيد :29: |
اقتباس:
الهيئة ستكون رادع لها وبتستر عليها ، وهي لها القدرة والخبرة في أنها تحل المشاكل الخاصة والعامة !!! لذلك تصورك الذي في الأعلى ليس في محله !!!!!!!! والهيئة ستقف في طريقها لأنه ضع بالحسبان ممكن هي لها علاقات أخرى مع أشخاص اخرين،،،،وحتى لو تركت هذا الشخص ،،، ولو تخلص منها زميلك؛ فلن يهنأ له بال والهواجس والقلق ينتابه كلما رأى زميله !!!! فهمت !!! اطرح هذا الإقتراح على زميلك!!!! لكن محتار ما أظن فيه إمرأة تتجرأ بهذا الشكل(حتى لو كان حالها سيء) إلا أنه رأت بوادر ومؤشرات لتقدم على فعلتها وجرأتها؛ يمكن زوجها يصف حال زميله ،،، وهذا جعلها تفتح النظر له ،،، عزوبي:22: بس:d رجل:30: |
رحماااااااك يا الله
من الصدمة ما اعرف شو اقول غير ( اللهم اصلح امة محمد) |
لا حول ولاقوة الا بالله
شكل زوجها ضعيف شخصيه قدامها ومخليها على راحتها في كل شي وخويك مادام نصحه على البس والمخصر شكل فيه خير اذا زوجت صاحبك ملتزمه يخليها تتعرف عليها وتنصحها بطريقه غير مباشره واذاا عندهم وقت فاضي يسجلون مع بعض في دار تحفيظ او اي شي يفيدهم الي مثل هاذي الحرمه يبي لهم تذكير ونصح عن الغفله الي هم فيها الحل انه يتفق مع زوجته بطريقه في اصلاحها ويبعدها عن هاذا الطريق من خويك وغيره0 هاذا الي طلع معي بعد ما قريت قصتك 00 والله يعينكم 000 وتقبل مروري 000 |
يطرح الموضوع على صاحبه (الزوج) وكانه يخص شخص اخر ويشوف ردة فعله
|
لا حول ولا قوة إلا بالله
كما فعلت هذه المرأه مع صديق زوجك فهي ستفعله مع رجل آخر وربما الشخص الآخر يلبي لها رغباتها أويستغلها من الأفضل بأن يخبر زوجها بما حل من زوجته حتى يبرئ نفسه فهذه إنسانه مقاصدها غير سويه أو أنها تريد أن تخرب بيت صديقك إن كان صديقك هذا متزوج ومتهني بزواجه فالحسد يفعل أدهى من ذلك وأمر حمانا الله وإياكم جميعا لكن الحل المنصف إخبار زوجها ليؤدبها ويبتعد هو عن طريقا لكي لا تفسد بيته لأنها والعياذ بالله تمادت وفقكم الله |
استغفر الله
|
أخي طوفان الأشجان ودي أسألك هل كل ما تتصل هي يرد عليها؟؟؟؟؟ |
اقتباس:
طيب طيب اعصابك خلص نقول له يطلقها بس مو من الباب للطاقة لازم نشوف حل مبدئي عشان يتقبل الكلام ويستوعب ومايتهور ترى هذا موضوع مو سهل شاكر لك مرورك اقتباس:
انا بطرح الأقتراح واشوف وش يقرر يعطيك العافيه اخوي عزوبي اقتباس:
هو يغلي صديقي غلا مو طبيعي والظاهر من كثر غلااااه بس يتكلم لها عنه وبالنسبة لصاحبي مايبي يدخل اهله معهم لأنها فاسقه ويمكن تفسد زوجته والله اعلم اقتباس:
بخليه يشوف له طريقه ويبلغ صديقه بزوجته ويريح رااااسه بدال مايشغل نفسه اشوف اغلب ارااائكم يقوولون خله يعلم صديقه احسن لكن شكلي بحطه من ضمن الحلول المبدئيه له وهو بكييفه اقتباس:
كل مية اتصال يرد مره عليهاااااا |
الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©