|
مشكلة جارتي و رغبتها بالتغيير و التقرب لزوجها
السلام عليكم ورحمة الله وبركاته ،،،
الموضوع مشكلة لجارتي .. فهي صعبة جداا...والله احترت معاها برغم من رغبتها للتغيير لكن دائما تضع اعذار .. المشكلة زوجها : تقول جاد نكدي ناشف لايقبل النقاش ...حياتهم روتين يتكرر كل يوم ... حاولت اساعدها واضع لها الحلول لكن رفضت هذه الحلول بحجج.. نبذة عن حياتهم اليومية : في الصباح يوصل الأبناء للمدرسة ويذهب للعمل و الظهر يرجع يتغدا ثم ينام قليلا وبعد ذلك يشرب الشاي ويذهب لوالدته ويتغرض لها ثم يذهب للدوانية وبعدها يرجع يتعشا وينام او يشاهد فيلم في دوانية البيت ثم يدخل الغرفة وينام .. بعض الحلول : قلت لها : هل حاولتي مداعبته قبل ان ينام ....سواء له حاجه أو لا .. تقول : لا لأني اخاف من ردت فعلة .. قلت : اجلسي وشاهدي الفيلم معه واكسري الحاجز .. تقول : لا الأفلام حرام ...:( قلت : ارسلي له مسجات تثيره أو تضحكة ... قالت : أخاف يقول هذي خفيفة أو انجنت ... قلت لها اسمعيني وبأختصار الرجل ( الزوج ) يحب المرأة 1- المرحة التي تجعلة دائما مبتسم عندها واذا ابتعد عنها يبتسم يتذكر مداعبتها له .. 2- من تشعرة برجولته و تسعده في غرفة النوم .. والله تعبي معاها ..جننتني :23:.....عنيدة ترفض حتى المحاولة.... اخواني واخواتي ... ساعدوني احتمال انا ما قدرت ان اقنعها .... ما الحل ؟؟؟؟!!!! ولكم مني جزيل الشكر ،،،، |
سئل نابليون: كيف زرعت الثقة داخل جنودك قبل الحرب؟؟ قال: كنت أرد ثلاثاً بثلاث: 1-من قال: لا أقدر... قلت له: حاول 2-من قال: لا أعرف... قلت له: تعلم 3-من قال: مستحيل... قلت له:جرب فلماذا جارتك لا تحاول...وتتعلم...وتجرب؟؟؟ |
تمر الحياة الزوجية بمرحلة جفاف قاسية قد يسببها العديد من ظروف الحياة ..
الزواج (مودة ورحمة) والمودة والرحمة = حب .. فإذا انعدمت الرحمة وأنقشعت المودة فإن الحب لايجدي ..والتودد لاينفع ! وهنا ينبغي التعامل بذكاء وبعقل .. الأساليب التي طرحتها على جارتك مشكورة هي أساليب تعلم جارتك مسبقاً بانها لاتجدي ..لأنها ادرى بطبيعة العلاقة الزوجية التي تحيا بها .. ولابد من حيلة او خطة تتصيد بها هذا الزوج الغير مروض ليقع في شباكها من جديد .. ولدي بإذن الله خطة مجدية .. ولكن لا اقول بأنها الحل النهائي للمشكلة ..بل هي أول الطريق نحو التغيير .. قولي لصديقتك بان (تطنشه) قليلاً .. وسيكون لذلك صعوبة في البداية ولكن مع الأيام ستشعر بالفرق .. ولاحظي باني اقول (تطنشه) وليس تتجاهل وجوده او تقصر في واجباتها معه .. هذه الطريقة الأمثل لها (حسب ماوصفتيه لنا من شخصيتها) وطريقة الطناش كالتالي : - تبحث عن أمور نافعة ومجدية لها مثل القراءة او الإنترنت او زيارة الجيران والأقارب او الخروج للتسوق او التنزه .. - تبرمج اوقات نومها قبل حضوره من خارج البيت إذا قام بالتأخير عن موعد الحضور - تكتب له إحتياجاتها من المنزل او خلافه في ورقة - تكثف اوقات جلوسها مع أبنائها في حضوره المهم ان تشعره بأنها بدأت تبتعد عنه وبان في حياتها ماهو أهم منه .. الرجال لايطيقون ذلك ابداً حتى لو كانوا بصلابة الحجارة .. فسيقوم زوجها بردة فعل غير متوقعة منه (وهي المراد والمطلوب) سيغير من بعض عاداته لاإرادياً وسيعطي زوجته وقتاً أطول صدقيني إن لم تفلح هذه الطريقة فلن تخسر شيئاً مادام ان الوضع بينها وبينه قد وصل الى هذا الحد .. ولكن أرجوا ان تكون الرغبة بالإستمرار في الحياة الزوجية بينهما مشتركة . |
"إن الله لا يغير ما بقوم حتى يغيروا ما بأنفسهم"
لا تحرقين نفسج عليها اذا اهي مو هامتها نفسها ولا حياتها ليش تهمج انتي عندي وحدة من اهلي مثلها كل ما اعطيها حل تعذرت بستين عذر اخر شي قلت لها كيفج اذا انتي حابة النكد والحياة التعيسة براحتج |
اقتباس:
اتمنى ان تقرأ جارتي تعليقك ... تخيل اخي الفاضل تقول كلما اردت ان احاول افتح النت شيئ يمنعني ... وكأن كل ما في النت منكر وحرام ... :24: اشكر لك اهتمامك |
اقتباس:
انا راح احاول ان اجعلها تشترك في هذا المنتدى الطيب المفيد ...وأسأل الله ان تستفيد هي كما استفدت انا الكثييييييير ... جزاك الله خير اشكر لك مداخلتك ومشورتك |
بصراحه .. جارتك يبي لها تترك هالتفكير السلبي اللي متوقعته من زوجها وردة فعله
وش اللي خفيفه وانجنت ووش اللي اخاف من ردت فعله وهي مافكرت بالمحاوله خير شر :( اعتقد انها هي مساهمه بشكل واضح وكبير في هالجفوه والجديه اللي بينهم يعني لو انها حاولت نقول مايخالف بس تشتكي وهي مافكرت تعالج تبي التغيير من جهة زوجها بس اذا هو مابادر هي ماتبادر ؟! وتنتظر منه يكسر روتينها اليومي الممل ؟! حسستني ان ردة فعله بتكون قاسيه جدا وان ممكن تخلق مشكله! مافي احد مايحب المزح والمزوح سواء كبير بالعمر او لا ..التواد والمداعبات بين الازواج مطلوبه طيب الافلام حرام لا تتابعها ولا تلتفت لها بس تشاركه جلسته تداعبه تمازحه ان لقى شي ممتع منها بيلتفت لها وبيترك الفيلم هذا انا لاجلست اتقهوه مع امي ساعات تحط ع الاخبار وانا مالي فيها كثير ..بس شوي معها و شوي افتح موضوع معها وتنشد امي لي وتنسى الاخبار ماتلقى الا انا مغيره القناه منذو مبطي :d صدقيني عزيزتي تفكيرها ممكن يكون خالق في عقل زوجها نوع من النفور اذا انت قلتي لها كذا تقول لا يحسب اني خفيفه او انجنيت اتوقع لو يطلب رجالها منها شي بتقول يووه لا مايصلح لاتسوي ولاتسوي خليها تسوي ديليت لهالافكار اللي تزيد من الجفاف والجفوه دام لها فرصه لاتتركها وتعيشها بيومها رجلها وهي زوجته لا العب واضحك معه ومع عيالي الثقل زين بس اوقات الواحد يحتاج انه يفرفش ويسعد قلب من يحب مو كل شي جديه !:11: |
اقتباس:
بارك الله فيج ... اشكر مرورك العطر يا الغالية.. ادعيلها ان تتحسن الأمور معها... |
اقتباس:
أنا اقترح عليها ان تلعب مع ابنائها في الصالة ( جر الحبل ..الكراسي ... بالونات ..)وتخلي احد ابنائة يغصبه على مشاركة معهم ... ردت والخدامة تشوفنا ؟؟!! قلت : عادي قالت : راح يقول لا تجرحون مشاعر الخادمة بأنها بعيد عن اهلها .. قلت : خليها تشاركم ... قالت : لو تموت ما راح اخليها .. مو مهم عندها زوجها واولادها المهم الشغالة لا تشارك زوجي واولادي .... ردها يرفع الغط...:29: |
السلام عليكم ...
من الصعب جدا مساعدة من لا يريد مساعدة نفسه ..وانتي لم تقصري ما شاء الله |
اقتباس:
واذا تغيرت للأحسن ( ان شاء الله ) هنا أشعر اني ما قصرت معها ... لذلك انا هنا لاطلب منكم المساعدة... لا يأس مع جارتي .... شكرا جزيلا ،،،، |
اقتباس:
اتضّح لي من ردك هذا انها معقده المسأله بشكل رهيب ..! وان كل شي بتكون وراه عاقبه الله المستعان يعني لازم تعقّد الوضع بمجرد ماتطرحين فكره تحاول جاهده تدّور مخارج علشان ما تنفذّها ! وبعد كذا تقول نكدي وجاد ومايحب النقاش كيف يحبه و هي تصده بطريقه او باخرى مثل ماتوقعت فيه افكار تحتاج انها تسوي لها ديليت والمشكله تكمن فيها مو في زوجها ! |
.. هي من صنعت هذا الروتين !!
.. نعم بجفافها , وبرودها , وبعدها عن زوجها ,, .. قولي لي هذا زوجك , مهو شخص غريب .. سوي له حركات ,لبس , مسجات ,اي شيء يرحكه , ويروح الطفش والروتين .. .. يعني وقت الا يشاهد الفيلم ,, تلبس وتدخل عليه , حامله ( سناك = مقرمشات ) وعصير وخفايف ) يعني من هالامور , وهو ابدا أبدا . ماراح يكمل الفيلم خخخخ راح يبدأ فيلم جديد معاها , واكيد أكيد << تتكلم عن تجارب وخبره زواج 10 سنوات ماشاء الله , أكيد راح يفرح ويستانس , وتتجد الحياة بينهم ويروح الروتين .. .. الورقه الا تكتب فيها أغراض للبيت , لا تكتب : بصل , طماطم , مكرونه ...ووو الخ ,, لاااااااا خليها تسويها قائمه من نوع ثاني .. .. خليه وهو يقرئها بالسوبر ماركت , يترك الاغراض ويرجع لها ,, من كثر ما تجنن من الكلام الا كتبته .. .. تكتب له يا قمري نحتاج طماطم حمره مثل لون خدودك .. وقشطه بيضاء , مثل بيضا قلبك الطيب << من هالكلام الحلو .. .. ووقت الغذا , تلبس وتكشخ , وتتزين ,, وتغذي العيال قبل ما يجي ابوهم , واذا قدرت تنومهم يكون افضل , وتتذغا هي وهو بسسس , وتقول له ,, تفضل يا عمر وياقلبي << ومن هالكلام , ولا تقصر من الحركات بعد .. .. وقت الشاي , تسوي حلو , وتجيب العاب حلوة , مثل ( الاربعه تربح ) ,, وتلعب مع زوجها , وممكن يشاركوا الاطفال معاهم ويصير منافسه ,, واذا على الشغاله , تلهيها بشغل البيت او تخليها تنام خخخخ او تخليها تكلم اهلها على الجوال ,, وبكذا ما تكون جرحت شعورها .. .. قولي لها ترى الرجال يمل ويطفش من الروتين والملل ,., ويدور الوناسه في البيت واذا ما لقاها , دورها بره .. ولازم تحنين عليها وتصرين عليها ان تتغير شوي ( وكثر الدق يفك اللحام او الحديد ) .. .. ولا تنسين تقولي لها ان ترسل لزوجها الصبح , مسج صباحي , وتتصل عليه بنص وقت الدوام تتطمن عليه وتسولف معاه , وتقول له كلام حلو ,, ..واذا ما سمعت لك ولا كلمه ( جيبي كرسي وربطيها فيه ) وقولي لها ما راح أفك اسرك الا لما توعديني تسوين الا اقول لك عليه << أرهابيه هههههههههه |
اقنعيها من الطريق اللي بقنعها
يعني إذا هي تبرر بمنافاة الأمور الرومانسية للدين أقنعيها بالأدلة والحجج و كلام العلما،ء أن الزوجة الصالحة هي الزوجة التي تسعد زوجها ، و تحصنه من الحرام ، لأنها إن لم تكن معه و تعمل له حياة حلوة و مرحة سيبحث عن هذه الأمور عند غيرها و الشيطان شاطر. بعد أن تحصلي على اجابات كافية هنا اعزمي جارتك و اجلسيها أمام الشاشة تقرأ كل اللي كتبه الأعضاء سأحاول البحث عن أدلة شرعية و استشارات العلماء حول هذه الأمور و أضيفها لكِ هنا. جزاكِ الله خيراً لمساعدتك لها . |
اقتباس:
وأنت جزاك الله خير ايضا على حرصك على أختك حاولي تغيري نصحك لها بطريقة أخرى مثلا : اذكري لها قصة نجاح لعائلة سعيدة (لأن القصص لها اثر عجيب بالنفس) اهدي لها شريط عن الحياة الزوجية أو كتيب أو مقال نوعي طرق النصيحة بدون مصادمة واخيرا لاتحاولي ان تدخليها ببعض المحرمات من أجل اصلاح البيت وادعي لها بالثبات والتوفيق لأن مثل هذه النساء يجب ان يشجع للإستمساك بالدين وليس العكس وفقك الله |
اقتباس:
فديييييتج.... انا راح اخليها تشووووف رد كل عضو ....( ما قصرتو ..) وخاصة ردك .. |
اقتباس:
الله يهديج |
| الساعة الآن 06:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©