|
محتارة في وضع ابني هل اتركه مع والدتي أو الخادمة
السلام عليكم و رحمة الله و بركاته
موضوعي ماني عارفه فين أطرحه ؟ هنا و لا في ركن الأطفال أو المغتربين ؟ الصراحة ، عندي موضوع شاغل بالي مررررررة ،، و بال زوجي ؟؟؟؟ و اللي هو ( ولدي ) عمره 3 سنوات .. طبعا أنا مغتربة و أدرس بالخارج 1 - طوال الثلاث الأشهر الأخيرة و أنا أغلب وقتي في الجامعة ، و مرات أواصل في الجامعة و يجي زوجي يجلس معاي ، و مو بس أنا كمان بعض الطلاب نفس الشئ ، و أرجع البيت تاني يوم ، أتغدى أو أتعشى و على طووووووووووول أنام ، أو أجلس مع زوجي شوي عشان أعوضه عن فترة غيابي. و الوقت هذا اللي أجلسه معه ، زوجي ما يبغى غلبة الأطفال و يقول خلي الولد مع الشغالة. 2 - أرجع البيت يا دوب أشوف ولدي كم دقيقة و أنام عشان أصحى و أرجع للجامعة و على ذا الحال. الشئ هذا متعب لي نفسيتي و مخليني ماني قادرة أركز ، لإني أدري إني مقصرة بس غصب عني أنا عنق الزجاجة حاليا ، و يارب تعدي على خير. 3 - ولدي متعلق فيا و الحمد لله ، و يحبني و يحب أبوه ، بس أغلب الوقت جالس مع الشغالة و هي ماشاء الله مو مقصرة معاه ، و تلعب معاه و تهتم فيه بس أنا ماني مرتاحة نفسيا ، لإنه بيتعلم عادات مو من عاداتنا و لا قادر يتكلم إلى الآن.. و أغلب وقته مسكين قدام التلفزيون و أفلام الكرتون اللي هنا ، ما أقدر أتابعه إيش بيتفرج ، و عندهم مقاطع سيئة أسوأ من اللي عندنا. و أدري إنه الشئ هذا مو صحي لمخ الطفل ،، بس مضطرة أجلس في الجامعة و أخلص الفترة اللي مضغوطة فيها علشان أرتاح و يرتاح زوجي و ولدي معاي. 4 - باقيلي شهر و نص و الحمد لله و أخلص الهم اللي عندي ، بس لااااااااااااااازم الشهر و النص هذه أضغط على نفسي أضعاف أضعاف قبل ،، 5 - وعدت الشغالة إني أسفرها الشهر هذا ، و أنا الصراحة ملييييت من وجودها ، صح مساعدتني و شايلة شغل البيت عني و تحب ولدي ، بس بنفس الوقت ، أحس وجودها مسبب فجوة بيني و بين زوجي و هي تبغى تسافر لأهلها و أنا ماني متحملة وجودها عندي. 6 - نزلنا للسعودية أنا و زوجي و ولدي لظروف ، لمدة بسيطة و راجعين بعد كم يوم .. بس محتارة ؟؟؟ ----------------------------------- عندي شهر و نص ما راح أفضى فيها لأحد أبدا و محتاجة لتركيز تاااااااااااااام ، يعني ولدي راح يجلس مع الشغالة شهر و نص و مع التلفزيون 24 ساعة ، و أنا شايلة تقريبا مسؤوليتهم ، فبالي يتشتت مع الدراسة و معهم .. اقترحوا علي أهلي ، إني أخلي ولدي عندهم و أجي أخده بعد شهر و نص ، و إنه الشهر و النص تعدي بسرعة ، و أهلي يموتوا عليه ، و يهتموا فيه ، و أولاد أخواتي يجووا في الويك إند و يلعب معهم أصلا يوم يشوف أولاد أخواتي ، ينساني .. و أخوي ياخده للمسجد معاه ، و اليوم جاء ولدي يقلد الناس كيف تصلي (أحسن من الأفلام اللي كان يشوفها في التلفزيون و الشوارع) زوجي عجبته الفكرة ، لإنه نفسه نجلس أنا و هو لوحدنا مثل زمان ،، و نسفر الشغالة و ترجع علاقتنا تتقوى مثل قبل ، لإن وجود الشغالة أحسه كان كابت علينا ..؟؟؟ فين المشكلة ؟؟؟؟؟؟؟؟؟؟؟؟؟ هل أترك ولدي هنا لمدة شهر و نص مع أهلي و اخواتي ، و أجي بعد شهر و نص و أخده ؟؟؟؟ و أكون فضيت بنسبة 60 بالمية ؟؟؟؟؟؟؟؟؟؟؟ بس هو متعلق فيا .. مع العلم إنه تربى أصلا مع أهلي يعني متعود عليهم ، بس متعلق فيا لإني أدلعه و أفهمه .. أوو أخده معاي ، و أصلا ما أشوفه هناك إلا دقايق لمدة شهر و نص ، و راح يكون أغلب وقته مع الشغالة ؟؟؟؟؟؟؟؟؟؟ ------------------------------ لو تركته ، راح أبكي كل ما افتكرته ، بس لو كان الشئ هذا لصالحه فراح أضغط على حالي و أصبر نفسي شهر و نص ، و راح تتحسن علاقتي مع زوجي ، و اللي ترجع فايدتها لولدي في الأخير . لو أخدته ، فرااح يجلس أغلب وقته مع الشغالة و التلفزيون ، و هي راح تنكد علي عشان تبغى تسافر و ولدي ما راح أشوفه كثير خلال الشهر و النص هذه .. إيش أقرر ؟؟؟؟؟؟؟؟ إيش اللي فيه مصلحة له ؟؟؟؟؟؟ مع العلم بإنه السفر بيكون قريب خلال يومين ، للعودة إلى الغربة |
روح لك وحشه يالغلاا والله
بنت بدووون اي كلاااام خذي الولد وديه عند اهلو مع الجدته والجمااعه هنااا وسلميلي على اهلي بالمره:) مافي احسن من هذا الحل!!! بعدك الشغاله ذيييييك عندك!!!!!!!!!!!!!!!!!!! انتي يابنت وبعدين معك!؟؟؟؟ سفريهاا خلاص هي تبي تساافر اشلون تقعد مع ابنك اشلون؟؟؟؟ بدااال مايقعد مع الشغاااااله 24 ساعه خليه يقعد مع جدته الله يخليهاا لك وخلاته وخلانه بسطه والناس كثااار راح يفرح ويبسط معاهم وتنفتح شهيته! هو يتكلم ياروح؟؟؟ ابنك مصوري حبيبي يتكلم؟؟؟ وراح يصير هريييج صدقيني ويجيك ويقولك رجعيني ثااني:) كلهااا شهر ونص راااح تدخلي الامتحاان وانتي مطمنه وبالك مرتاااح! مااافي حل احسن من كذاااا!! كل شي يتغير وتروح هالشغاله اللي مسببه لكم فجوه:( روح كلامك عييييين العقل لاتترددي:) الله معك ويحفظه لك ويعنك على درااستك ياارب!! |
: شوفي من رد عقلاني مو عاطفي لأـني لو برد عليك برد فيه عاطفه بقولك خذي ولدك وحرام يجلس ووانتي بعيده عنه ............الخ بس شهر ونص مره مره قصيره وماشوفها كثيره وبما ان اهلك مره يجبونه وهم الي اقترحوا عليك هالأقتراح .. استخيري الله اولا واستودعيه ثانيا وتوكلي على الله .. وادعي الله ان يصبرك هالشهر ونص .. وروحي اضغطي على نفسك عالأقل ترتاحين من هم الشغاله وتطمنين ان ولدك بين ايدي امينه واذا خلصتي هالـ 60 % ورجعتي اخذتي ولدك اكيد راح تتغير نفسيتك وينتظم وقتك اكثر اجل وش تقولين على اختي ! بتسافر وتخلي بنتها ماكملت سنه عندنا !! وكل شوي تقولنا باخذ بنتي واحنا رافضين لأنه ماراح تقدر توفق بين دراستها وبنتها ! الله يصبركم يااااااااااااااااااااااااااااااارب ومايضيع لكم تعب ..~ : |
الله يعينك من جد حلين اصعب من بعض
طبعا راح يفتقدك كثييير بس اهلك افضل 1000000 مره من الشغاله الله يحفظوا يارب وينجحك |
نصيحه حطيه عند أهلك ولا الشغالهـ
والله يوفقك |
طبعا اهلك يا حبيبتي
رااااح ترجعي وتشوفيه باحسن حال ولسااانه تنفك عقدته .. الله يوفقك ويسعدك .. |
والله أنا أشوف أنك تخلينه مع أهلك
أمان أكثر ! هذا أذا كان الطفل متقبل الشي هذا ومبسوط عندهم أما تخلينه مع الشغاله الوقت هذا كله أحسها صعبه جداً بالذات أن الشغاله بدت تمل وتبغى تسافر! الله يحفظه لك كسر خاطري ويصبركم على فراقه وبالتوفيق لو أنك حطيتيه بقسم ثاني عشان الكل يشوفه هنا نادراً مايدخلون |
تتركيه عند اهلك افضل من انك تتركيه مع الشغالة لاسباب كثيرة واعتقد واضحة لالك اتحملي شهر ونص بيعدو أوام بتمنالك حياة سعيدة |
اقتباس:
|
طبببببببعا اهلك يا المشغوله
زمان عنك ..لك وحشه والله |
روح واضح انك متخذه قرار بس تبين تشجيع عليه,,خلي الولد عند أهلك ومده شهر ونص ماهي طويله بتعدي بسرعه مثل ما قالو خواتك بقاء الولد عند أهلك يترتب عليه أمور ايجايه كثير منها علاقتك بزوجك وحميميتها راح تتجدد,,انتي راح تتفرغين لدراستك وبالك مرتاح عالولد وهو في حضن جدته وخالاته,,راح تتخلصين من مصدر مشاكل وقلق وضغط اسمه الشغاله,,والاهم من كذا ان الولد يحس بجو العيله ويتعلم عادات سليمه ويتخلص من تأثير الخدامه وأفلام الكرتون عليه..مشاعرك بتقدرين ان شاءالله تسيطرين عليها لان المقابل في صالحك وصالح ابنك الله يكتب لك الخير ويوفقك ويخلصها معك على خير..
|
مايبي لها كلام طبعا الافضل تتركينه عند اهلك اذا كنت متاكده انه ماراح يفقدكم وتاثر في نفسه
|
اقتباس:
ليت الإشراف ينقلوه لركن الأسرة .. علشان أستفيد أكثر من نصايحكم .. اقتباس:
هههه يسعدك يارب .. الله يصبرني و الله ،، أما زوجي يتمنى إني أتركه مع أهلي ،، و يتمنى الشئ هذا .. بس أمي تقول لي ، أتمنى تخليه معنا أتونس مع ولدك .. بس شايفته متعلق فيك و أخاف على ولدك تتعب نفسيته .. بس قلت لها ، أنا أصلا الشهر و النص هذا ما راح أشوفه .. مرات أخرج من البيت قبل لا يصحى و أرجع البيت بعد ما ينام ولدي .. |
اقتباس:
أخاف يجلس يدور عني إذا تركته و نفسيته تتعب ؟؟؟ هذا اللي مخوفني ..؟؟؟؟ ماني حابة أخدد القرار و أندم لا سمح الله .. السفر بعد يومين ،، لازم من دحين أقرر .. عشان كذا اليوم بأغيب عن البيت إن شاء الله لحد بكرة الليل .. و أشوف كيفه مع أهلي ؟ يدور عني و لا لأ .. ------------------------------------------------------ أمي تقول خذيه معاك ، لإني ما تخيلته كذا متعلق فيك و في أبوه .. و حرام ينحرم منكم ، و قلت لها أنا هناك ما أشوفه بالأيام و غصب عني مضطرة .. و زوجي يجلس معي في الجامعة لحد الليل .. |
اقتباس:
ولدي ،، عشان كذا ،، قلت أسمع ارآئكم و خبراتكم .. :) و هناك طبعا ما يسمع صوت الآذان ، و لا يشوف أحد يصلي .. و ما يعرف أي عادات اسلامية ،، بس ضحكني أمس ، يوم أذن العصر .. قام يطالع فيا ، و يقول الله أكبر و يسجد عالأرض ،، و يقول سمع الله لمن حمده .. ( بلغة الأطفال طبعا ) :d أخوي أخده المسجد ، و قام رجعه البيت و راح لوحده المسجد .. قال لي وولدك ما دخلته المسجد مو راضي يخلع جزمته الله يعزكم .. :d و أنا مع ولدي ، يكون مبسوط و مرتاح .. بس ماعرف من غيري ، عادي بيجلس و ما يتعب و لا كيف ؟ و ما أبغى أفكر في مصلحة نفسي ، بأشوف مصلحته فين في الظرف الطارئ هذا .. |
اقتباس:
عشان كذا محتارة .. مرات أقول ، شهر و نص تعدي بسرعة .. و منها يتعلم أشياء كثيرة مع أهلي .. و مرات أقول ، أخاف يدور عني و عن بيتنا ، و نفسيته تتعب ،، خاصة إننا مو مسافرين من مدينة لمدينة ، أو دولة قريبة .. نحن مسافرين من ( قارة ) لـ ( قارة ) .. يعني كل شئ مختلف من حووله ، أخاف كمان أبعد عنه .. نفسيته تتعب .. فماعرف ؟ إذا أحد له خبرة في الشئ هذا ؟ |
روح حبيبتي لاتتعبين نفسك والحل قدامك واضح تأكدي ان من مصلحة الولد قبل مصلحتك بقائه عند جدته وخالاته وناس تحبه من قلبها وبتعطيه حنانك وعاطفتك وبتعوض الولد عنها قدر المستطاع..أنا بنتي لمى كان عمرها سنتين وشوي تركتها 3 اسابيع عند اهلي وبعدها بكم شهر تركتها اسبوع كنت رايحه الحج والحمدلله رجعت والبنت مافيها الا العافيه على الرغم من ان بنتي متعلقه فيني وحساسه جدا تجاه غيابي عنها بس ربك سهلها..بعدين في نقطه مهمه روح علاقتك بزوجك ترك الولد بقوي صلتكم ببعض وبخفف البرود الي بينكم وبينعش علاقتكم ليه مستهينه بهالموضوع؟..مشاعرك تأكدي انها راح تكون تحت سيطرتك خاصه اذا كلمتي اهلك وشفتيهم مبسوطين بالولد والولد مبسوط معهم كل شي بأوله صعب بعدين راح تتأقلمين مع الوضع..ترك الولد عند جدته حل يخدم جميع الاطراف..الله يكتب لك الخير والصالح.
|
بدون اي تردد خليه في حضن الماما ..أحسن من الوحدة اللي بيعيشها هناك وانت وابوه بعيدين عنه ..
غير كذا ماما بتهتم فيه اكثر من شغالتك ..<<لازلت حاقدة عليها من اللي عملته فيك :) |
سامحوني ، الموضوع مكرر هناك بالغلط ..
http://www.66n.com/forums/showthread.php?t=205700 اقتباس:
أمي المشكلة صارت تقول لي ،، أتمنى يجلس معاي و أحبه .. بس شايفته متعلق فيك ،، و حرااااااااااام تحرموه منكم .. أنا أدري إنه يبغاني جنبه و أنا كمان أتمنى الشئ هذا .. بس أنا متأكدة إني باروح هناك و بأجلس شهر و نص في الجامعة ،، و يقطع لي قلبي وجوده مع الشغالة .. و ما راح أشوفه إلا بالنادر في الفترة هذه .. يعني في كلا الحالتين ، أنا بأكون بعيدة عنه الفترة هذه .. بس هناك ممكن يشوفني لو 5 دقايق كل يومين .. بس طول اليوم مع الشغالة .. و جلوسه 24 ساعة مع التلفزيون ، مو صحي أبدا على مخه .. |
اقتباس:
عشان كذا أهلي متعلقين فيه .. و هو يعرفهم بس خلاص تعود علي و على أبوه .. و يوم أخدت ولدي .. الحمد لله عوضته عن الفترةة هذيك ،، و بدأ يتعلق فيا و يعرفني .. عشان كذا أمي تقول ، حرام الولد تبهدل و انحرم كثيييير من يوم ما انولد .. بس بأقول بداخلي ( شهر و نص ) تعدي .. بس الشهر و النص هذه ، يجلسها مع الشغالة و التلفزيون و أنا شفت الفترة اللي فاتت .. كيف كان بالي مشغول معه و متوترة عشان الشغالة و مشاكلها .. أو يجلسها مع أهلي و يتعلم الكلام و أشياء كويسة .. لإنه ماشاء الله ، خلال أسبوع واحد تعلم الصلاة و تعلم كلمات جديدة من الأطفال .. و هناك في الخارج ، مافيش أطفال جنبنا .. وو يكون متعطش لأطفال ،. و يوم أرجع من الجامعة يبغاني أجري وراه و ألعب معاه ( طيري ) ( و قطار )..بس أكون هلكانة ،، و هنا بيلعب مع أولاد أخواتي و أخواني ،، و هم كمان يحبوه مررررررة .. لإن ولدي حنون و مسالم و ماشاء الله اجتماعي مررررة ،، :d كل واحد من الأطفال يقول للتاني ، تراه يحبني أكثر منك .. و التاني يقهر أخوه يقول لأ .. يحبني أكثر و أقول لهم ، يحبكم انتم الإثنين :d شكلي بأتركه هنا ،، بديت أقتنع أكثر .. بس يارب يتحمل هو بعدي عنه .. |
اقتباس:
طيب شهر و نص يقدر يتحملها ؟؟؟؟؟ ما راح يمرض لا سمح الله ؟؟؟؟ زمان كان صغير ، بس دحين يفهم .. و يعرف مين أمه و مين أبوه .. أشوف الفرحة في عينه يوم أبوه يجي يزوره أحيانا .. و كأنه يستنى ناخده و نرجع لبيتنا هناك : ( |
اقتباس:
شكلي بأعمل كذا .. الكل نصحني بالشئ هذا .. كنت خايفة عليه ، يتعب هنا .. |
اقتباس:
ياليت تنفك عقدة لسانه ،، المشكلة إنه حتى المدرسة ما قدر أسجله قبل سبتمبر يعني عيد الفطر .. |
اقتباس:
هنا النقطة اللي أنا واقفة عندها .. خاصة إنه تعود هناك على الدولة .. أخاف ما يتأقلم هنا ،، و يمرض لا سمح الله .. ماعندي خبرة في الأطفال الصراحة .. عشان كذا احترت .. ---------------------------- زوجي يقول اتركيه ،، و أنا بكل صراحة ما أخد بنصيحة زوجي .. :24: لإني يوم تركت ولدي و هو صغير ، زي كذا اقنعني إنه لصالح الطفل و كانت لصالحه الصراحة .. و أمي تقول خذيه معاك ، علشان شفته كيف متعلق فيك .. بس أنا هناك ما راح أقدر أركز ، لإن وجوده مع الشغالة متعب لي نفسيا .. و بيتعلم أشياء غلط منها و من الأفلام .. و أتعب أكثر يوم أرجع تعبانة وما أفضى أجلس معه .. يعني في كلا الحالتين ، أنا الفترة هذه ما راح يشوفني .. بأخرج أحيانا قبل لا يصحى من النوم ،، و أرجع البيت بعد ما ينام .. الشهر و النص هذه لو عدت على خير إن شاء الله .. فمعناها ، خلااااااااااااااااااااااااااااص بنرتاح كلنا أخيرا من القلق هذا .. بس لا سمح الله لو ما قدرت أعديها ، يعني مزيد من القلق و المشاكل و اللخبطة و غيره .. |
اقتباس:
أن شاء الله راح ينشغل بأخوك وأولاد أخواتك ماراح يلقى فرصه يفتقدكم وحتى لو أفتقدكم ماراح تكون بالدرجه الي تأثر على نفسيته بإذن الله وماشاء الله فيه أيجابيات كثيره من جلوسه عند أهلك وحتى أنتي لازم تكون نفسيتك مرتاحه مش ناقصه ضغط زياده بعدين كلها شهر ونص تمر بلمح البصر بإذن الله لاتنسين الأستخاره حبيبتي الله يوفقك ويحفضلك أبنك ويريح بالك ماتدرين ترجعين تاخذينه بعدين تلقينه أمام مسجد:) الله يصلحه لك الله يعينكم يالمتغربين أنا صح بعيده عن أهلي وأهل زوجي بس على الأقل بنفس الدوله نفس العادات ونفس الدين الحمد لله |
روح حبيبتي..خليه مع امك افضل لك وله..وكلها شهر ونص وترجعي تروحيه معك بإذن الله ..والمدة هذي بتمر بسرعة..الله يهدي بالك وتخلصي دراستك وترجعي انت وزوجك لبلدكم سالمين غانمين...قلبي معك ياروح
|
اقتباس:
خلاص ،، شكلي من جدددددددد .. راح أخليه هنا ،، أنا أمس جلست أستخير كم مرة ،، و بعدين قلت استشيركم برضو .. :) و اليوم قلت لزوجي ، عشان أتطمن أكثر خلينا نسافر مدينة قريبة من هنا .. نجلس لحد بكرة ،، و أشوفه كيف مع أهلي ؟؟؟ لإن أختي تقولي يوم يكون معهم يجلس يلعب و ما يفكر فيا .. بس يشوفني يبدأ يتعلق فيا ، و يتدلع و يمشيني على كيفه .. قلت أجرب اليوم ، وو اخليه ينام مع أختي أو أمي .. عشان بس قلبي يتطمن أكثر .. :) |
اقتباس:
ضحكت من جملتك الأخيرة حتى بانت ضروسي .. :d خلاص راح أخد برأيكم بإذن الله .. :22: -------------------------------------------------- مو هناك يحزنني و يقطع لي قلبي ، يوم يشوف أطفال في التلفزيون ،، أحسه مسكييييين متعطش لأطفال قد سنه .. و يأشر عليهم ، يعني نفسه يلعب مع أطفال .. و هنا أشوفه يلعب طيري مع أولاد أخواتي و بلاي استيشن و يتصارع معهم ( لعب طبعا ) .. و هو ماشاء الله دمه خفيف ، و شاطر بالتمثيل وو التقليد ( من كثر ما يتفرج أفلام الكرتون :d ) عشان كذا ينبسطوا البزورة عليه ،، بس في الويك إند طبعا يشوفهم ،، بس باقي الأيام مافيش أطفال .. بس يومين أو 3 في الأسبوع ، أفضل من لاشئ .. <- هنا جالسة أقنع حالي بصوت عالي .. :22: |
اقتباس:
على قولتك ، نفس العادات و التقاليد .. صح بيتعلم أشياء حلوة هناك ، إذا دخلته في المدرسة .. زي النظام و الترتيب و الإحترام و كذا .. بس لإنه البكر ،، فأتمنى إنه يتأسس كوييييس عشان أخواانه اللي في المستقبل إن شاء الله :d يتأثروا به .. و أبغاه يتعود كمان على صوت الأذان ، مو صوت جرس الكنيسة هناك .. : ( وو يارب يطلع إمام ( حقيقي ) للمسجد :d .. دايما أبوه يقول يارب يطلع شيخ إذا كبر .. كنت حامل و دايما أشغل القرآن في بيتي ، قبل لا نغترب ،، و يوم انولد أمي كانت تقول لي .. ولدك إذا سمع صوت القرآن ينام و يهدأ .. سبحان الله .. :25: أهم شئ نفسيته ما تتأثر .. و الحمد لله استخرت أمس أكثر من مرة .. : ) |
اقتباس:
خلاص بإذن الله ،، شكلي من جد بأتركه .. و الله يصبرني على فراقه .. :'( ( أحب زوجي ) ،، يا الله أدعيلنا دحين .. :D |
من رايي
لو ان عمر الولد اقل من سنتين قلتلك اتركيه عند اهلك لانه في هالعمر مايدقق .. ومايفقد احد كشعور يعني!! لكن اسم الله عليه 3 سنين .. يفهم ويسأل وبهالمرحله يكون اكثر تعلقا بوالديه .. كلها شهر ونص خليه قريب مك لا تحرميه .. عالاقل حتى انتي بتكونين مرتاحه .. اما الخدامه عشان تضمنينها اكثر دلعيها اشتريلها هدايا لو اكسسوارات ((بوطقه)) يعني اي شي والله تطير من الفرحه وكل هذا يرجع على طفلك وبالنهايه ... الراي رايج ... وبالتوفيق |
روح الطير .. وحشاني ياقمر ...
ان شاء الله تكون دراستك ماشية اوكي و انتي و عيلتك بالف خير و عافية شوفي اول ماقرات بداية الموضوع كنت اقول لنفسي توديه لاهلها احسن و بعدين قرأت اقتراح اهلك .. هذا هو الحل الاحسن بالنسبة له و لمصلحته بالنسبة لك صح بتشتاقين له بس صدقيني هي اول يومين صعبة و بعدين تتعودي اكلمك من تجربة ابني عمره سنتين و متعلق فيني موت و متعلقة فيها كثير لانه وقتي كله معاه و سافرت و كانت جدته لابوه تموت فيه و اقترحت تخليه عندها اسبوع تشبع منه طبعا كنت اقول لا و بموت من دونه و ايش بسوي ... لكن قويت قلبي و خليته ... شفت الموضوع عادي .. طالما و انك امنه عليه عند اهلك ماراخ تتعبي صدقيني و خاصة مع الدراسة راح تنشغلي عن التفكير و كلها شهر و نص و يرجع لحضنك حطيه عند اهلك و ان شاء الله هو بيرتاح و بيتعلم الكلام سريييييع و بيلقى من يلاعبه و يهتم فيه و انتي بتفضي شوي لدراستك و زوجك الله يعينيك .... و بوسة للنونو :) |
أكيد يكون مع أهلك وتفتقديه في اليوم ألف مره ولا يجلس أغلب وقته مع الشغاله
الله يوفقك وتفضي لأبنك |
اقتباس:
حبيبتي شغالتي مو مثل بقية الشغالات ، ذكية و فاهمة الدنيا و أنا أضمن محبتها لولدي .. أنا الشهر و النص هذه ، ما راح يشوفني فيها ولدي .. أنا يمكن راح أملي عيني به إذا شفته ، حتى و هو نايم .. كلامك بيخليني أتردد من جديد ،، لإني خايفة من الشئ هذا ؟؟؟؟؟ خايفة إنه يفتقدني ، و أنا بجدددددد عن نفسي ما أبغى أتخيل إني أتركه لإني راح أتعب بأبحث عن مصلحته هو .. |
قاعدة عم بتطلع بابني و بتخيل ابعته لأهلي بسورية و اقعد من دونه شهر ونصف
صراحة صعبة خصوصاً عالأم بس يا روح الطير ما دامك ما بتشوفيه أصلاً فالطفل عند بيت جده أسعد له و أبسط و فيه حياة اجتماعية أفضل بكتير من الغربة و بعدك عنه. برأيي بعتيه لأهلك و كل يوم اتصلي اتطمني عليه بتلفون ... شوفي أخباره ... و الحل التاني ترسلي الشغالة و تخلصي من مشاكلها و تجيبي childminder ترعاه (بس طبعا هي شوي غالية) و اذا وقتك نفس أوقات الحضانات حطيه بحضانة برايفت من الـ8 للـ 6 كل يوم |
اقتباس:
ويزعلوا إذا خاصمته ،، و أمي تخاصمني إذا خاصمت ولدي .. --------- إذا ما راح يتعب ،، بأخليه شهر و نص .. : ( |
اقتباس:
طمنينا عليك حبيبتي |
اقتباس:
حبيبتي ،، أنا أجلس في الجامعة 24 ساعة ،، مرات أروح الصبح اليوم مثلا ،، و أرجع بكرة العصر أو الظهر .. بس بعد شهر و نص ،، خلاص بأروح ساعة وحدة في الأسبوع ،، و يصير أسجل ولدي في حضانة .. لإنه في سبتمبر إن شاء الله راح يتسجل في المدرسة .. |
اقتباس:
و أهوون على نفسي إنها شهر و نص و خلاص كل شئ ينتهي بإذن الله .. بس الحيرة فيه هو .. هل راح يتأقلم و عادي ما يتأثر إذا جلس شهر و نص مع أهلي ؟؟؟؟ |
اقتباس:
خلص اذا هيك توكلي ع الله و تركيه عند أهلك |
| الساعة الآن 12:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©