|
زوجتي تتضايق من أهلي مالحل ؟
سلام عليكم
حبيت اطرح عليكم موضوعي واتمنى تفيدوني لاني بصراحه تعبت انا متزوج من سنتين تقربياً وعندي زوجتي بعد زواجي بست شهور اشغلتني اهلك واهلك انواع السب والتريقه عليهم وتقول تعاملهم مو زين معي مع اني اول ما تزوجنا قلت لها يابنت لا تحتكين فيهم مرة وقالت طيب ولا نفذت الكلام الا انا اعاني من ها المشاكل لدرجه اني كرهت زوجتي صحيح تجي بعض المضايقه من اهلي لكن مو لدرجه الي تخليها تتحامل عليهم سبحان الله مو عاجبه شي اخوي متزوج من برا العائله تقول هو ليش يتزوج هذي لايفضحنا خله يطلقها طيب هي من برا العائله بس مدري ليش شوفت النفس وتضحك على الوالدة لانها عايشه بالطايف وكلامها شوي حجازي وتقول لا جت عندنا عند اهلها لاتتكلم حجازي تفضحنا جلست معها الف مره اناقشها وتقول طيب وترجع زي ماهي ماتتغير تدرون ثاني في زوجنا رحت انا وياها مطعم المهم جلسنا اشوفها وجها متغير وش فيك قالت متضايقه من ايش مدري قعدت احاول اضحهكا رفعت علي الشوكه وتقول لي بتسكت ولا ارميك فيها بالله هذا كلام وحده تقوله ثاني يوم بزواجها كل ما زعلت من ناس قلت لاتروح لهم ولا عاد تمشي معهم اقول لها الناس هذي جماعتي تقول لا تروح حتى اهلي تقول ليش تروح لهم واجد اقولها يابنت البيت قريب تقول انت تروح وتحشون فيني حتى ايام وفاة الوالد الله يرحمه كنت اروح لاهلي بعد العزاء اجلس معهم تعرفون صعب الموقف عليهم خصوصا انه موت فاجئه واجلس عندهم شوي انهبلت علي ليش تروح خلاص خلص العزاء وش اقول وش اخلي تعبت منها وش الحل لاحد يقول تفاهم معها تعبت وانا اتفاهم والمشكله تقول احبك فيه احد يحب شخص يسوي كذا |
أخي الفاضل
الخيل من خيالها وأنت يجب أن تفرض أحترامك على زوجتك فالموضوع هنا فيه أبعاد أخرى منها تربيتها وأخلاقها وطريقة تعامل أسرتك معها طريقة تعاملك أنت مع زوجتك طريقة تعاملك مع أسرتك فلا داعي أن تطلب منها أن تتجاهل أهلك كما أنه يجب أن تطلب منها أن تتوقف عن هذا تماما ومباشرة ولكن الأسلوب يجب ألا يكون تهديد وتحدي ولكن في نفس الوقت حازم وواضح صعب أن اعطيك طريقة لأني لا أعرف ملابسات حياتكم وخلفياتكم الثقافية والأسرية وخاصة زوجتك فالموضوع يرجع إليك ولكن الحكمة والهدوء مع الحزم والصراحة والوضوح من أهم العوامل وفي الأخير راجع نفسك قبل أن تراجعها وأنظر ما هي العوامل التي أدت إلى تفاقم الوضع أو سمحت به من المرة الأولى وكن عادل مع نفسك فلا تكون أن الحمل الوديع وهي الذئب الشرس وعودوا إلى الله معا وأجتهدوا في العبادة والطاعة والقيام والصدقة ليفتح الله عليكم في حياتكم وأخرتكم وفقكم الله |
اقتباس:
جزاك الله خير اخوي انالم اطلب منها تجاهل اهلي بس قلت لا تتعمقي اكثر من اللزوم كل اللي قلته اخوي سويته لكن لاحياة لمن تنادي وصلت احيانا الي مد اليد |
من ردك هذا أعتقد أن الخطأ من عندك
أولا مباشرة برئت نفسك وثانيا وصلت للضرب وهو ضعف شخصية عند الرجل في أغلب الاحيان عفوا الموضوع والمشكلة تبدأ منك أنت إذا وليس من زوجتك |
اقتباس:
بس من يومها كان مفروض تعالج عناد وتمرد زوجتك بتقلك في المطعم ارمي الشوكة عليك !!! من بعدها شافت ردة فعلك باردة راحت تمادت من ناحية تصرفاتها معاك هية غلطانة ولكن انت كمان شوف شو اهلك بعملولها بخليها تكرههم لهدرجة حاسة في اشي قاهرها عنجد من ناحيتهم ماتظلمها عشانهم اهلك اسمع الها واسمع لاهلك بلكي هما مزعجينها جدا وانت مو حاسس او يمكن هية بتحسك سلبي ومابتدافع عنها فبتزعل وتتاثر نفسيتها وبتعاملك بالشكل هادا |
خليهاا تشوف الوجه الثاااني!!
واذا ماعندك الله يعينك! |
لكل فعل رد فعل
أقصد على ماذا عودت زوجتك.. تأكد بأنها لن تأتي بفعل يثير غضبك ما لم تتهاون أنت من هذه الناحية. واشير إلى طريقة التعامل.. فمن خلالها يمكنك أن تكسب الشخص وأن تخسره.. فلو وجدت هذه الزوجة المعاملة التي تشعرها بأنها أنثى لها قيمة عندك، سوف تعاملك بالمثل وستضع ألف حساب لأي سلوك معاكس منها خوفاً من رد الفعل عندك.. ولا تنسى بأن القوامة يجب أن تكون عند الرجل دائماً.. أما .. أن تقول لك أحبك وتعيش معك .. طبع البشر .. يمكننا التعايش مع من نحب ومن نكره .. طالما أن هنالك بعض الأمور المشتركة .. وطالما أن مصيركم ارتبط بعلاقة زواج وأبناء في هذه الحالة توضع اعتبارات لأن المجتمع الخارجي لا يرحم .. والنفس تأبى الظلم .. وأشياء من هذا القبيل .. يا أخي.. أنا أؤمن بالمواجهة والصراحة مهما كانت قاسية والكثيرين لا يتقنها.. إلا أن نتائجها إيجابية في كل الأحوال إذا أردت أن تحافظ على بيتك.. أنظر إلى سلبياتك أولاً قبل سلبياتها وحاول ان تعالج أماكن التقصير عندك.. وأن تقدم بعض التنازلات حتى تسير عجلة الحياة .. لكن ان تعاند انت وتعاند هي .. ويصل الأمر إلى رفع اليد .. ستسؤ العلاقة أكثر .. فأكثر وقد تصل إلى ما لا يحمد عقباه .. فكر في كلامي .. وفقك الله |
خل شخصيتك قويه شوي عليها ترى بداية الزواج الزوجه تشوف شخصية زوجها اذا كانت ضعيفه ومهزوزه سيطرت عليه وفرضت شخصيتها عليه واذا شافت شخصيته حازمه فهي تحترمه وتطيعه وتسمع كلامه والنساء كيدهن عظيم ولايزعلون علي الاخوات ولكن هذا هو الواقع اللي نشوفه في حياتنا واين الزوجات هداهن الله من كلام الله سبحانه وتعالى بان القوامه للزوج وليست لها واين هن من كلام الرسول صلى الله عليه وسلم بان الزوج هو جنتك ونارك واين هن من حديث الرسول فيما معناه ان من باتت وزوجها غضبان عليها تلعنها الملائكه حتى تصبح ويجب على الزوجات معرفة بان اللي مافيه خير لاهله مافيه خير للناس فاذا كان زوجها مافيه خير لاهله فمن الطبيعي لن يكون فيه خير لها هدى الله ضال المسلمين لما يحبه ويرضاه انه سميع مجيب0
|
ورها العين الحمرا
واحرمها تروح لهلك اذا قالت ليش قل انتي تقولي اهلي مو عاجبينك خلااااااااص وش تبين فيهم تبين تروحي لهم لا تجيبي طاريهم عندي الابالزين |
أنا اعرف أن اهل الزوج قد يجعلوا الزوجه تصل الي درجه كبيره من الغضب والغيظ وسوء التصرف وقد يسببوا لها حاله نفسيه سيئه وقد لا تستطيع ان تأخذ حقها في الرد فتعوض ذلك معك في السخريه واحيا نا سوء الادب في التحدث عنهم خاصه اذا وجدت الزوج لا يتعاطف معها
فاذا كان منعها عن زيارتهم سيدفع الضرر عنها وعن حياتكم الزوجيه فامنع هذا التواصل وليكن في أضيق الحدود ولاتستثر غيرتها باعلامها بذهابك اليهم او نقل اخبارهم فبعض الامهات يجرحون زوجات ابنائهم بطريقه متخفيه لايلاحظها الا الزوجه وبتعبيرات غير صريحه فابحث في الاسباب والدوافع وجرب الحلول المطروحه فان لم تستجب فهذا يدل علي سوء اخلاقها وان المشكله فيها فيجب ان تضع لها حد ولكن لاتنحاز ضدها من البدايه فانت لا تعرف كيد النساء |
اقتباس:
الشى الثاني قول لحق زوجتك دامها تستعر من اهلك ليش تزوجتك من البداية وزوجة اخوك لا تدخل فيها وش برى العائلة يعني وش ذا التخلف طيب لو اخوك تزوج من برى المملكة تقوم تطلقها منه اسمحلي اقولك ان زوجتك انسانة غير حضارية ومتخلفة من تواضع لله رفعه والزواج من برى لاهو عيب ولا هو حرام ودامها تستعر من امك اقولك طلقها وخلها تروح لاهلها لانه كله ولا الام وان سمحت لها تتكلم عن امك فانت ...ماودي اقول بس ترى عيب لحد الام وكفاية وايش ماكانت امك المفروض تتحملها وتراضيها وتبوس قدمها باختصار الي ماله خير باهله ماله خير بالناس |
زوجتك الله يهديها ...إذا ما تحب أهلك وتتضايق منهم ......... لا تروح لهم وخلي الزيارات رسمية في الأعياد ...
. . وأنت خلك عادي مع أهلك ... لأن هيا مالها دخل بعلاقتك مع أهلك ... . . أجلس معاها وفهمها لأن لازم يكون لك وقفه ... حتى لو ما فهمت أتكلم معاها عند أهلها ... إذا لزم الأمر ... . . لو أنت كنت تعامل أهلها بشكل المزري ذا ؟؟؟ كانت قومت الدنيا وقعدتها .. . . أحزم أمرك وبسرعة . . الله يوفقك |
أنا عندي قاعدة إن الزوجة إذا كانت من النوع الحساس
وحاولت تكون زياراتها لأهل زوجها خفيفة وعلاقتها فيهم مو عميقة معناها الزوجة ما تحب المشاكل وتبغى تحافظ على علاقتها فيهم وهذا شيء لاحظته كثيييييراً جداً اما اللي ما فرقت معاها ومستعدة تشمر عن ساعديها لأي مشكلة فهي ( تلصق ) فيهم هذا ما يمنع طبعاً إن لكل قاعدة استثناء وأنه يوجد زوجات الطيبة فيهم زايدة ويتحملوا أي شيء وما يظنوا الظنون في كل كلمة والثانية بصراحة زوجتك محظوظة لما طلبت منها تخفف من احتكاكها بأهلك لكن يبدو إنها مو مقدرة النعمة |
بأختصار : 1 / خليها تخفف زيارات لأهلك 2 / واضح انه معطيها وجه قالت وقال ولاتروح ولاتجي ! خير ان شاءالله مين الرجال بالبيت !! ياليت توريها شخصيتك الرجوليه بس من غير ضرب ! لأن الضرب لايمت للرجل بأي صفه ~ : الله يعينك . |
الحل
سؤيت النصح ولا نفع مامعك الاانك تهاوشها او تصارخ عليها اذا غلطت علئ اهلك او غير اهلك وانك ماتحب هصفه... وبعدين صرخ وابتعد لاتكلمها قؤل اذا تعدلتي ابرجع لك مثل اؤل انا تعبت من اسلؤبك الخطاء. |
الله يهديها..بس يااخي انت جزء من تفاقم المشكلة..يجب كان عليك من البداية ان تتخذ موقف حازم وقوي معها..بحيث تفهمها انه هذول اهلك مابصير تتمسخر عليهم ولاتدخل فيهم..وهمه اهلك ايش ماعملوا بدها تتحمل عشانك...لا وترفع الشوكة عليك..اخي معلش الحق عليك انت مخليها تتمادى..هذا الكلام في المستقبل بيأثر في تربية الابناء..لذا احزم موقفك من الآن.
|
سلام عليكم
معليش ناسف للاطاله عليكم بالرد لانه كان عندي مشكله بالنت
|
اقتباس:
جزاك الله خير |
اقتباس:
يوم رفعت الشوكه وش كنتي تبيني اسوي لها من ثاني يوم زواج اختي سمعة لها وقلت تحملي بس مو راضيه تتحمل ابدا |
اقتباس:
وريتها وجيه بس فالج لاتعالج |
اقتباس:
يمكن اني انا تهاونت معها بعض الشي الحين حنا نتفاهم ونامل ان الله يسر الامومر لانها اخره فرصه لنا كزوجين |
اقتباس:
جزاك الله خير اخوي |
اقتباس:
الحين انا مسوي الطريقه هذي معها وقلت ماعاد في روحه الافي المناسبات |
اقتباس:
الحين هذي الطريقه اللي انا مسويه معها ما اعلمها باخبار اهلي ابدا ولاتروح لها الا في المناسبات |
اقتباس:
معك حق وشكرا على مرورك |
اقتباس:
جزاك الله خير انا الان مطبق نفس الكلام اللي تقوله |
اقتباس:
المشكله كنت صريحه من البداية بس لا حياة لمن تنادي |
اقتباس:
مطبق نفس الكلام وجزاك الله خير على المرور |
اقتباس:
الحين عطيت نفسي وعطيتها اخر فرصه والله يسهل الامور |
اقتباس:
جزاك الله خير على المرور |
اقتباس:
سلام عليكم سبق وطرحت هذا الموضوع على الاخواة والاخوات الاعضاء بالمنتدى وافادوني ببعض الحلول المهم ياجماعة سويت معها كل شي وبعدتها قدر الامكان عن اهلي وواعدتني انها تتغير وعادة حليمه لعادتها القديمه واكثر شراسه لدرجه اني اذا رحت لاهلي قالت تبي تروح تحش فيني مع اهلك وقبل يومين صار بينا مشكله بسبب هذا الموضوع واخذت اغراضها وقالت بروح لهلي واتصلت على اخوها وجاء ثم هون ما اخذها طبعا هي ليش قالت بروح لاهلي لانه مع الهواش قلت رحي لاهلك طفشت من العيشه هذي وهي ماصدقت المهم انا اخذتها ثاني يوم وديتها عند اهلها وقات اجلسي فتره فكري وانا افكر وصراحه انا افكر بالطلاق لاني طفشت وحده ماتسمع كلامي وش اسوي قيها تحياتي لكم |
الله يعينك أخوي
لكن خيييييييييير إن شاء الله تكلم في أهلك المفروض تحترم نفسها خلها تجلس عند أهلها شوي يمكن ترجع غير عن أول موفق ,,, |
اقتباس:
جزاك الله خير اختي على مروك الان هي عند اهلها والي الان فيها شوية تغطرس ناوي اخيها تجلس كم شهر ويمكن انهي العلاقه الزوجيه بينا |
خل الطلاق اخر الحلول
تناقش مع اهلها اولا ولا مع امها قؤل انا قد قلت لها لاتحتك كثير مع هلي وقؤل لها بعض الامثله عن زوجتك مثل ماذكرت انت باصل المشكله مثل اخوك الي متزوج خارج العائله ووو.........زالخ خل امها تعرف بنتها وتعقلها قؤل لاامها ياعمه انا شاريها لكن هي زودتها حبتين صارت مشاكلي معها بسب سبها لاهلي و........ال فاتمنئ تنصحينها وابرجعها اذا عقلت واحترامي من احترام اهلي لكن ان كانت مثل السابق سب واستهزاء وذم لاهلي فلانفصال هو الحل ! وانت تابع الاوضاع وواجه زوجتك بلي يضليقك بعتاب مو تجريح . قؤل لها اذا ترضين اسب واستهزء باهلك ولو عندي مشاكل معهم والله مااجرح في اهلك وامامك بلعكس احافظ علئ شعؤرك واحترمه لكن اجرح اهلك واتشمت فيهم فذا انا ماارضاه لنفسي ! |
أخي مثل هالنوع من الزوجات ما ينفع معها إلا العـزل التام يعني خل أهلها يوقفون معك ، وكلمهم بهذا الأمر والظاهر من كلامك أخوها يعرفك ويعرف طبع أخته على العموم مثل هذه إذا صار كل من حولها ضدها ولا يوافقونها على تصرفها .... تبدأ تعدل من تصرفاتها .... ولازم تكون صريح مع أهل زوجتك وتشرح لهم الأمر كما شرحته هنا الله يكتب لك الخير ويجمع شملكم ويهديها ويكفيها شر نفسها عزوبي بس رجل |
اقتباس:
عاشت الانامل فيما كتبت بالضبط اعتقد هذا السبب والي اغلب الزوجات ومنهم انا نشكو من هذا السبب الف شكر مرة اخرى |
عجيب اتطلق زوجك على مود هل الموضوع البسيط
اتق الله الطلاق ليس لعب |
ليش العلاقات الاجتماعية صعبة للغاية ومعقدة جدا !!!
انا يا أخوي دخلت موضوعك ما عندي حل وأتوقع إني أكون أسوأ من ينصح أحد بس أنا دخلت لأني أعاني من شي قريب لمشكلتك بس أنا الطرف الثاني وهي الزوجة أهل زوجي عارفة وشبه متأكدة إنهم مو متقبليني وحتى أنا كنت اختيار ابنهم مو اختيارهم وأحيانا ألاحظ تقليل في قيمتي وعدم احترام وأحيانا ألاحظ العكس وهكذا الدنيا تمر ..لي اقل من ثلاث سنين متزوجة المهم إني معاملتنهم معاملة راقية وأحاول أكتم غيظي منهم وربي شاهد علي كيف إن نفسيتي تعبانة وابغي أطلع من بيتهم بأسرع وقت الله يفرجها علينا ....يمكن هم ما يأذوني أذية مباشرة لكن على قولتهم من تحت لتحت وشايفين أنفسهم ومدري كيف يمكن لو يقولون في وجهي اللي في خاطرهم اهون من التطنيش وتقليل القيمة و التصغير وبعض الغيرة وغير هاذي من الأمور .... آسفة إني كتبت مشكلتي في موضوعك بس من القهر اللي فيني شو اسوي الله يردكم لبعض ر دا جميلا وتقدر على زوجتك العنيدة |
الله يهديها ياارب
انت حاول اذا تكلمت مره ثانيه ازعل عليها ولاتكلمها حتى تعرف غلطها مهما كان قل ترضين اتكلم عن اهلك مثل ماتتكلمين عن اهلي وباذن الله تبي تعتدل |
اقتباس:
جزاك الله خير اختي على مرورك وسبق وقلت لامها عن لكن للاسف مافي استجابه ابدا مغيره تفكيرها وشبه واقفه معاه وفي الاخير قالت لي حل مشاكلك مع زوجتك انت مالي دخل وقد قلت لها عن اهلها انتي ماترضين اتكلم عن اهلك قالت كلاما ماينقال وبعدين ترى في الواقع اهلي ماغلطو عليها ذاك الغلط مافي شي ابدا هي اللي تحسس من كل شي ماتبي احد يقول لها شي ولو مزح |
| الساعة الآن 07:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©