|
أعاني من مشاكل متواصلة مع غيرة زوجتي الشديدة
تزوجت قبل 3 سنوات من قريبتي . خلال السنة الأولى عشت حياة هادئة وجميلة, إلا ان أنتقلنا إلى الخارج لدواعي الدراسة , ولنا الآن سنتين ما مر أسبوع بالكثير إلا وتحصل مشكلة كبيرة بسبب الغيرة من الأجنبيات وعدم تكيفها مع المجتمع وعاداتهم , مع العلم بأني لست من النوع الذي يبدا بالحديث مع النساء , ودائما أحاول قدر الأمكان أن أتجنب المواقف معهم حتى أراعي مشاعرها.
. . .. انا رجل بيتوتي, وقليل ما أطلع لبرا البيت فقط للجامعة, للسوق . ومع ذالك أغلب الطلعات تنتهى بمشاكل كبيرة وبكاء ,تقريبا هناك ثلاث مواقف, أحد المواقف على سبيل المثال (إذا خرجنا للسوق وبعد ما أحاسب أقول للكاشيرة " شكراُ " مع نصف إبتسامة مصطنعة ) ولاكن بمجرد ما نركب السيارة تبداء بالكاء والحزن ,, وكيف أنك تراعي مشاعرهم على حسب مشاعري . دائما ما تقول أذا كنت تحبني ,, فلازم تكون صارم في التعامل معهم ولا تقول شكرا , وإ ذا قلتها لاتناظر في الوجه المحاسبة ,,,, طبعاً لو حصل العكس فهذا دليل على عدم تضحيتي وصدق حبي لها. . . . . لما يقارب السنتيين ,حاولت مرار وتكرار أشرح موقفي بشتاء الوسائل ( بالدين, بالعقل , بالمنطق, بالكلام الحلو ), ولكن لم أستطع أن أقنعها لعنادها الشديد. تطور الوضع الآن وأصبحت الحياة لا تطاق. لنا فترة طويلة نعيش حياة عادية وسامجة علشان نراعي نفسية طفلنا. المشكلة هذي لها فترة طويلة ولم تحل, ومع الوقت يزيد تعقيدها. للمعلومية : - أنا وزوجتي من بيئة محافظة جداً. - أخبرتها قبل الزواج بنيتي للدراسة في الخارج , ووافقت. مالحل برئيكم |
طيب لاجل حياتك والهدوء والاستقرار حاول تقلل من الذوق مع النساء
لاتخسرون حياتكم علشان أمور بسيطة وتخيل لو الموضوع عكس اتصور ماتحب ان زوجتك تبتسم وتشكر غيرك بحضورك ولو كنت ترضى من باب الذوق مثلا فتنازل لأني متأكدة انها متنازلة لاجلك في بعض الأمور وعلى فكرة أغلب النساء غيورات>>وانا أولهم مو كله يعلم الله سوء ظن بالزوج بس لأننا نفهم جيدا كيد ومكر وخطط النساء وعلى فكرة المفروض تتفقون انه لو صار الكاشير أنثى تكون هي اللي تحاسب والعكس بالعكس..وبكل المجالات مثل استقبال المستشفيات وغيره |
للمعلومية زوجتي عندها خبر بهذا الموضوع,, وأحتمال تشارك
"" بالنسبة للكاشير حاولت كذا مره معها أنه هي الي تحاسب بس ما أقتنعت" . |
اخوي
الحل : انه تعطي لزوجتك المبلغ و هي تحاسب مع المراة و مو لازم تبتسم لها يا خوي :) |
انا مع راي زوجتك قل شكرا بس من دون ماطالعها..اوخل زوجتك تحاسب عنك....
|
صحيح في ناس يكون عندهم الغيرة واجد سواء رجل او امراة وزوجتك من هذا النوع اللي يغار على اشياء بسيطة وحتى انك تتلافى هذا الامر حاول انك تبتعد عن اي شي تظن انه راح تغار عليه وحاول انك تغرقها في حبك وتبن لها انها غير عن باقي النساء بعيونك وكلمها عن هذا الموضوع وتناقش معها والله يعينك
|
هداكم الله لما يحبه ويرضاه حاول انها هي اللي تحاسب وبنفس الوقت مدامكم ماشاء الله من بيئه محافظه تحاول انها ماتخلي الشيطان يدخل بينكم وتكون ثقتها بنفسها وبك اكبر من كذا
|
أخي الفاضل أتفهم حسن نيتك ، وأخلاقك مع الأخرين من دون تفريق
ولكن الله عزوجل يقول ( قل للمؤمنين يغضوا من أبصارهم ) يكفي أن تكن محترما ً عندما تحاسب. فابعد عن هذه الأمور طاعة لله وزوجتك انسانة تحس كما تحس أنت بالضبط ( تخيل أنها تبتسم لرجل أجنبي ) أو حتى رجل أجنبي يبتسم لها من باب الذوق وحسن الأخلاق هل سترتاح لهذا صحيح ماتفعله بحسن نية وطيبة وأخلاق عالية ، |
يوووووووووه بصراحه انا حاسه بزوجتك ومتعااطفه معها ..يااخوي زوجتك تغاااار حط نفسك محلها بصدق ورح تحس بأحساسها...
بصراحه انت انسان تحب نفسك كثير ياخي دامك عرفت سبب المشااكل اذن تجنب هالاشيااااء نهاااائي .. حرام تضيعون عمركم بمشاكل عشان موضوع حله بيدك.. |
حاولت مرار وتكرار أشرح موقفي بشتاء الوسائل ( بالدين, بالعقل , بالمنطق, بالكلام الحلو ), ولكن لم أستطع أن أقنعها لعنادها الشديد
مو عناد هذا شي فطري مابتقدر تغيره فيها بس تقدر تغير تصرفاتك اللي تثييير غيرتهااا |
مساكم ورد اول شي انا زوجته وحابه اوضح بعض الاشياء علشان تفهموا الموضوع كويس>>> 1_انا كنت معاااااااااااارضه وبشده على السفر من ايام الخطوبه وصارت مشاكل كثير وهو عارف 2_هو غيور جدا وحتى الدراسه منعني منها على فكره انا اراعيه جدا في مسأله الغيره وهذا أكثر شي قاهرني 3_هو يقول يراعيني وانا اقول مشكلتي انو مايراعيني والدليل مره رحنا سوبر ماركت ولما كنا خارجين انا كنت ادف عربية بنتي وأسولف معه فجأة مرت من قدامي بنت صغيره وكنت بصدم فيها بس امها سحبتها وزعلت طبعا زوجي صرخ علي وزعل بقوه وقال لي عربجيتك هذي خليها في البيت مو على الاجنبيات كلام جارح مره ولما قلتله ليش هالزعل كله قال ماشفتي امها كيف زعلت وانا ولله العظيم اني ماشفتها حتى الموقف فهمتوا بعدين منه الزبده انو يهتم في مشاعرهم مره بس انا مومهم . 4_زوجي كان جدا عفيييييييييييييف ويغض بصره لدرجه قبل ما اتزوجه يوم كنا نركب معه في السياره مع اخواته طبعا كان يرفع صوت القران علشان مايسمع اصواتنا وعلى هالاساس انا تزوجته. |
اهلا بكما وحياكما الله..
انا اتفق مع الزوجة ان لا داعي ابدا للابتسمات الغير ضرورية والمجاملات التي انت بغنى عنها.. اخبرني يا اخي: ماذا سيحصل ان لم تبتسم للمحاسبة؟؟؟ هل ستقول عنك انك عديم الذوق؟؟؟ فليكن، مع العلم انها لن تقول ذلك، لانهم يعيشون في مجتمع اخر ما يلتفت الى المجاملات التي نقدسها نحن العرب بغرابة. راعي شعور زوجتك اخي الفاضل، وضع تفسك مكانها، هل تحب ان تبتسم لهذا وذاك من باب الذوق؟؟ ولماذا تضطرها لان تحاسب؟؟ حاسب انت بدون ان تزعجها، اخي هذه زوجتك، اسعى لراحتها، فهذا الامر بيدك وهي لا تطلب المستحيل. وماذا حصل عندما اصطدمت بالبنت الصغيرة؟؟ ما الجرم الذي ارتكبته وما الذي دعاك كي تنهال عليها بهذا الكم من الاهانات؟؟ من اجل غضب وانفعال ام الطفلة؟؟!! اسمحلي يا اخي، لا تجرحها لاسباب غير مبررة.. انا اعلم انك لا تقصد اي شيء لا سمح الله، وانك باذن الله لا تفعل شيئا محرما، ولكن لماذا كل هذا التبجيل للاخرين على حساب زوجتك؟!!!! انتما في غربة ويتوجب عليكما ان تعينا بعضكما على الحياة هناك، كن لها في الغربة كل شيء، الزوج، والحبيب، والاخ والابن وكل شي، هون عليها الاحساس بالغربة. لا تغضب مني يا اخي فانا اريد مصلحتكما واريد ان اراكما تعيشان بسعادة وهناء. وفقكما الله. |
يابو نايف هنيالك بزوجتك ماغارت عليك الا من حب لك
الله يوفقكم انا طليقتي الاولى تؤبش ألبي كانت نفس الشي بتغار كتير خصوصا اذا كنا في سفر بالخارج واحاسب مع الكاشيرات بس النصيب وتداعي الامور اوصلنا الى الانفصال . الله يعوضني و يعوضها خير |
اماا نتو يالرجال عليكم طلعات
اي شي تسوونه عادي مافيه شي والحريم الله الله بس هذا اول موضوع ماشاء الله الجاني والمجني عليه يجون :d والله انتو سبور ماشاء الله عليكم نيالكم الله يحفظكم اتذكر مره زوجي كلم موظفه في بنك ووالله انها مايعه ..يعني لو قال لها رقمك الخاص والله ماتقصر طول الوقت وهي تضحك وتكركر معاه ماشاء الله وهو الصدق ما تجاوب معها لما جا ينهي المكالمه قال لها شكرا عزيزتي وقفل وقفلت انا بعد الله الله ع اللي حصل بعدها الله الله من عصر اليييييييييييييييين عشا وانا اهزيء فيه وهو يكابر انه عادي الكلمه جيت بعدها الساعه تسعه بحموتها دقيت ع الدليل .. طبعا معروف عنهم على طول اذا لقي الرقم اللي تبيه يقفل منك انا سويت نفسي انه لسا معاي وقلت شكرا عزيزي ماقصرت الى يومكم هذا وهو يذكرها لي وبزعل(السالفه قبل خمس سنين ) .. انا مبسوطه ... خليه يزعل بس ربي عارف اني ماقلتها له ... بس هو اخذ درس مايكررها بمعنى يا اخ ابو نايف ..مو شرط تبتسم . الابتسامه هي هي .. نص والا كامله مصطنعه والا من قلب انحسبت ابتسامه..مخك حرك عضلات وجهك بناء على الامر الصادر ( ابتسم للكاشيره ).. ترى الكاشيره مابتسحب منك الاغراض ابدا اذا بطلت تبتسم زي ماتبي من زوجتك انت قدم لها .. وانتي يازوجته الله يحفظك انتبهي لا تدوسين طرف بنت اجنبيه لا يتهمونك انك ارهابيه لديها نية دعس وتقطيع البنت !!!!!!! وكمان خفي .. لا توصل للبكا وتنغيص العيشه الله يهديك .. تراها تنحسب من العمر هالسنتين |
ال عند زوجتك سوء ظن وليس غيره ...
في عندها موضوع اتجاهك.. وخايفه تواجهك فيه ..وفي نفس الوقت واقف زي الغصه في حلقها ... حاول تجلس معاها ... وتسالها شو ال جواها ..وبطريقتك انت بقى ...بس تاكد انه في عندها شي بيخليها تشك فيك او تسوء الظن فيك ... او حتى تغير عليك لهذا الحد وخبرني شو بيصير معاك |
ما فيه مشكله واحمدوا ربكم ولا تعظمون الامور ترا حياتكم حلوه ولابد من هيك مواقف وهي ملح الحياه
اعجبتني حركتكم وجيتكم للمنتدى مع بعض .. بس يا ليت محد يزعل منكم إذا طلع الحق مو معه ويجلس يعاند !! بالنسبه للموضوع ما احد منكم مخطي ، لكن يا ابو نايف يا حبيبي دام موضوع الشكر والابتسامه المصطنعه راح يسبب لك مشاكل اتركه يا اخي !! يعني على افتراض انك ما قلت مشكوره ولا ابتسمت ، وش راح يصير يعني ؟!! طبعاً ما راح يصير شي وانت مو ملزوم بالشكر والابتسامه اللي بتسبب لك مشاكل .. إذن هذي نقطه لابد انك تبتعد عنها بإجماع الموجودين من نساء ورجال .. ثانياً : أم نايف .. اتمنى الماضي تنسينه ولا تذكرينه وتعيدينه عند كل موقف ، يعني الماضي انتهى وماله داعي ترجيعه ، بعدين اتوقع زوجك له ايجابيات كثيره تغطي على الموقف تبع العربيه ، وانا اشكرك على طاعتك لزوجك وهذا يدل على حرصك عليه ، وبالنسبه للعفه فزوجك كان ومازال عفيف ان شاء الله ، ولو ما هو عفيف ما كان انتي على ذمته للحين .. عموماً وفقكم الله وزادكم ستر ومحبه |
اقتباس:
أحب اقولك ان مشكلتكم بسيطة ولاتقضون ايامكم الحلوة بزعل وهم أيام الغربة دائا تقرب بين الزوجين ماتباعد بينهم وانتي احتسبي الاجر عند رب العالمين انك رحتي معه لاجل تعفينه وتونسينه تراك مأجورة بهالرحلة لايضيق صدرك منها أما موقف السوبرماركت فلو كنت مكانها أكيد بزعل يعني الرسول صلى الله عليه وسلم قال:خيركم خيركم لأهله وانا خيركم لأهلي حسن الخلق حتى مع الاهل وهذا يرفع منزلة المسلم صعب جدا ان الزوجة تشوف زوجها يخطأها قدام أحد واحد مايستاهل ومشترك معاها بالخطأ وهي غلطتها بعد ماتستاهل ولو ان السالفة بالعكس كان هاوش زوجته ليه ماتنتبه لبنتها التغاضي والعفو والصفح والرحمة مطلوبة بين الزوجين أنا اعرف انه مو بس ابو نايف اللي يمون على اهله بس مهما كان هذا خطأ وأتذكر جدتي تقول انها قالت لجدي الله يرحمهم جميعا لاصرنا بالغرفة هاوشني واضربني وسوا اللي براسك بس قدام الناس لا مو معناته الهواش والضرب عادي بس قدام الناس يصير الجرح جرحين الله يسعدكم يارب |
اقتباس:
ماشاء الله عليكم والله العظيم أزواج مثاليين الحل مش بها المنتدى في رأيي أن توقفو الموضوع نهائيا لأنه ماراح تحتل المشكلة بالمنتدى بل ستزيد اشتعالا الحل إخوتي بغرفة النوم في حوار هادئ وودي حوار بين حبيبين كيف تكون أنت وكيف تكون هي وتتفقو على الآلية التي تعيشو بها وتجددو حياتكم على أساس من التفاهم والإحترام المتبادل وأنت أخي برهن لزوجتك أنك تحبها بمراعات مشاعرها فهي والله تحبك وإلا كيف لها أن تغارعليك وهي لا تحبك وأنتي أختي الله الله أن تحذري من الغيرة الزائدة لأنها ستتطور الى شك وبعدها الى نكد أرجوكم والله لا حل إلا بالحوار الأسري داخل عشكم الزوجي صدقوني |
اقتباس:
|
من باب تجربتي مع الغربة أنا و زوجي ،، فراح أجاوب الأخت الغالية و زوجها
1 - الأجنبيات ، ما يصدقوا يشوفوا وحدة متحجبة (بعضهم)، إلا و تلاقيهم يستحقروها ، حتى لو بداخل قلوبهم كم وحدة قابلتها ، أعاملها بأخلاق طيبة علشان ديننا و أخلاقنا و علشان أثبت لهم إننا مسلمين نتميز بأخلاقنا و كم موقف صارت ، انحرجت الوحدة مني .. و كم موقف لي صار مثل ما صار لك يعني ما تكوني غلطانة ، و تقولي لهم آآآآآسفة و يقوموا يكشروا بوجهك فيوم هي زعلت ، بكيفها ...... تزعل و تنحرق في ستين داهية أنا الصراحة في النقطة هذه ،، ( معاك ) بس زوجك ما كان يقصد إنه يجاملها على حسابك بأوضح لك من تجربة مشابهة : :D لإنه اليوم بالذات كنت أعاتب زوجي على موقف صار لنا من كم يوم و أنا متضايقة ، قلت له ، بإنه اللي يقطع لنا التذاكر قال شئ و ما فهمته وقتها مع تعب السفر .. و سألت زوجي و أنا واقفة ، و قام زوجي ( يشممممممق لي ) كأني ماني عاجبته ؟؟؟؟؟؟؟؟؟؟؟؟؟؟؟ :( :( و طنشت وقتها ، علشان ولدي كان فيه و كنا مستعجلين عشان القطار لا يفوتنا و تعبانيين من السفر و الشنط ماعمره عمل كذا حتى قدام أهله :( :( بس قال لي اليوم ، إنت تجيبي كلام من راسك متى كذا عملت معاك ؟؟؟؟ قلت له ، ترى نحن الحرييييييييييييييم .. هذه الأشياء البسيطة تأثر فينا و لازم تعرف الشئ هذا مو حبيبتي و حياتي آخر الليل ؟؟؟؟؟ تراها ما تأثر فينا .. المواقف البسيطة هذه هي اللي تأثر فينا و تجرحنا ( طبعا أتحدى لو إنه فهم شئ ) :D قلت له ، الشئ اللي تبغوا تفهموه تفهموه بسرعة ،، بس اللي ما تبغوا تفهموه ما تفهموه :29: قلت له على موقف تاني ( مو من طبعي أخلي في نفسي لإني صريحة ، بس كنت بأحاول أعود نفسي التطنيش ، بس في هذولا ما قدرت أطنشهم أكثر ) :D الموقف الثاني ، يوم وصلنا مطار لندن ، الحرمة سألتني سؤال اللي تشيك على جوازات السفر أنا فهمتها بالمعكوس و صوتها كان واطي ، و طالعت في زوجي ، و قلت له صح ؟ و لا تقصد هي شئ تاني ؟ بالعربي سألته .. قام عمل نفس الحركة هذيك ،، و كلهم الموقفين كانوا في نفس اليوم طبعا ، هو ما يفتكر ، أو إنه يفتكر و يكذبني بس المهم إني وصلت له الفكرة -------------------------------------- عشان كذا يا قلبي ، زوجك هذه الأشياء البسيطة على باله إنها ما تأثر في زوجته و ما يدري إنها مهمة مرررررررة و أنا حسابي مع زوجي بعدين :D أحيانا هو يفهم السؤال غلط و أنا ما أتريق عليه ،، أقوم أفهمه بالعربي بشويش بحيث ما أحرجه .. بس المرة الجاية ، أشمق له يستاهل :( :( بس إنت لا تعملي مثلي :D |
اقتباس:
أحلى رد الله يسعدك |
طيب يا اخي حط نفسك مكانها لو انة اللي يحاسب رجل
وزوجتك ابتسمت لة وقالت شكرا << وش موقفك وش اللي حادك على الابتسامة يعني مثلاُ ماراح تتم المحاسبة الا بها شوف الصراحة حلووة وحلو انك تعترف ترى انتم يالرجال تحبون حركات التميلح مع الحريم عموماً دايم السنوات الاولى من الزواج تكون زعل وخناق وعقب كلن يفهم الطرف الاخر الله يهديكم ويسعدكم |
اشكر كل الأعضاء الي ردوا علينا من كل قلبي طوال السنتين الماضيه وانا أحاول أقنع زوجي بس مو راضي حتى يسمعني ويقول احمدي ربك كل اصحابي معهم صديقات الاأنا بس الحين احس فيه شوية تغير مع انه يكابر ويقول أنا ماغلطتI ] [] وحابه اوضح شغله مره مهمه انو تعامل زوجي مع النساء اختلف حتى في السعوديه يعني المشكله موبس هنا ولا كان صبرت لانها بس فتره وتعدي وعلى فكره هو يتعامل مع النساء بلطااااااااافه اكثر من الرجال حتى مفهوم غض البصر عنده اختلف مره قلتله لما تجي تتعامل مع الحريم ليش ماتغض بصرك وتطالع في الارض قال لي ليش اطالع في الارض ناقصني شي ولا شخصيتي ضعيفه سبحان مغير الاحوال ماكنت اتوقع هالكلام اسمعه من زوجي بالذات ولله العظيم حاولت اتجاهل وأطنش بس ماقدرت اتقبل الموضوع وهو كمان ماساعدني يعني خرجاتي من البيت قليله مره احيانا تمر شهور وانا ماأطلع من البيت يعني مو معقوله انو مايقدر يمسك نفسه شوي علشاني بعدين انا مراعيه انو الوضع هنا مختلف علشان كذا صابره على اشياء كثيره وعارفه انها غصب عنه زي دراسته مع البنات وكمان تواصله مع الدكتورات موعجبني الوضع بس صابره على فكره هو مو مقتنع من الردود لانه كان متوقع الكل يغلطني |
ماعليك بيكابر شوي
لكن احب اقول شغله ثبتت صحتها ( قد يشك الناس في كلامك لكنهم سيصدقون افعالك ) و راقب افكارك لأنها ستصبح افعال وافعالك طباع وطباعك ستحدد مصيرك .................لكم الثنين |
أختي أم نايف
ما نبغى مشاكل لا سمح الله مع زوجك ، بس بأقول لك شئ يا غالية من باب التجربة :) :) أتركيه ،، و صدقيييييييييييييني ،، فترة و بيرجع لك أفضل من قبل بإذن الله ،، أول ما جيت مع زوجي ، تعبني كذا و تركته و أنا غيارة أكثرررررررررر منك ، و ألحين صار أفضل بكثيييييير من قبل ----------------------------------------------- حطي في بالك هذه النقاط : 1 - دايما حطي في بالك ، إنك إنت الشريفة العفيفة اللي مستحيييييييييييييييل تتساوي مع وحدة من هذولا و زوجك يعرف الشئ هذا بقرارة نفسه ، ما راح يساوي بنات رخيصات بوحدة تقول لا إله إلا الله :) 2 - دام زوجك كان ماشاء الله محافظ بالأصل ،، فيعني بذرته طيبة و الحمد لله و مصيره يرجع لأفضل من قبل بس اتركيه ،، صدقيني بيرجع أفضل من قبل بإذن الله ، بس اتركيه حتى يعرف قيمة هذه الأمور من حاله بإذن الله 3 - استغفر الله العظيم ، اللي لاحظته في الخارج ، إنه الأماكن اللي يكثروا فيها العرب و المسلمين و بالذات الخليجين بدل ما تلاقيهم يشدوا على يد بعض ،، تلاقيهم يسحبوا بعض للغلط ،، علشان كذا ما أحب أعيش في المدن اللي فيها عرب كثيرين ،، على قد ما تلقي ناس كويسين ، على قد ما تلقي ناس بطالين 4 - نظرة الأجانب غالبا ليست كنظرة بعض الدول العربية ،، تلاحظي في بلادنا كيف يناظروا الوحدة من فوق لتحت حتى لو كانت متحجبة ، بس في الخارج خلاص معروف عندهم البطال بطال و العكس ،، فيمكن زوجك من الناحية هذه إنه ما يدقق في النقطة هذه ،، فما ينظر للمرأة ( يوم يبتسم لها ) إنها إمرأة بالتحديد .. 5 - هو يحبك و إنت تحبيه ،، بس الغربة تراها مزعجة و متعبة ،، تحمليها و احتسبي الأجر ،، و مثل ما قلت لك ،، أتركييييييييييه و مصيره يرجع للأفضل بإذن الله ------------------------------------------------ بس ألحين نقطتين لازم تخرجوا منها .. 1 - إنه لا يجامل الحريم أو الآخرين على حساب مشاعرك (قدر المستطاع )،، ههههههه ، اليوم كنت مع زوجي في محل ، و هو بيحاسب .. افتكرت موضوعك و قلت خليني أشوف ؟ يبتسم و لا ما يبتسم لها ههههه ؟؟؟؟؟ ( و كنت ناوية عليه خخخخ :D ) جلست أطالع فيه و عاملة نفسي مشغولة ،، و قام حاسب و دار وجهه لها و مشي و هي كانت مبتسمة طول الوقت :D قلت لك ، خلاص إنت قلتي له و الشئ هذا كفاية .. يكفي إنه عرف بإنه الشئ هذا يزعجك و هو راح يحاول شوي شوي 2 - زوجك ما يقصد يبتسم لهم ، إنه يتميلح ، بس حاب يكون جنتل معهم :D |
اقتباس:
الشئ هذا لا إرادي صدقيني ، حتى أنا يوم أرجع السعودية ،، صرت غييييير عن زمان مرة واحد في المطار و معاي ولدي و قام يعطيني ورقة و أنا جالسة بحجابي ،، قمت شرشحت فيه و لميت الناس عليه ،، و لا قبل كنت أخاف و أسكت و مو حكاية عدم غض للبصر لا سمح الله ،، بس شفتي مثلا كيف الشغالة تمشي في البيت بالحجاب قدام أخوانك أو أبوك و ماحد يطالع فيها ، غير إنها شغالة ؟ مع إنها حرمة ؟؟؟؟ بس لإنه خلاص تعودنا على أشكالهم كذا نفس الشئ تخيلي .. و الرجال عموما ،، يا ثقل دمهم إذا شافوا وحدة .. بدأ عقلهم يستخف :D .. لا تدققي <- أمزح ترى عشان أقهر زوجي :25: |
اقتباس:
يا أختي هي عيشة الغرب لا بد أن تتغير بعض الأمور في سلوك المسلم عندما يعيش مع الأجانب الذين لا يمكن ان يعرفوا لماذا هذا الرجل يتكلم و هو ينظر للأرض و غيرتك من الدكتورات و تواصله معهم طبعاً مبالغ فيها لأنه هذه ضرورة (طبعاً إلا اذا كانت علاقة زوجك معهم خارج نطاق العمل والدراسة) ذكرتيني لما جيت مع زوجي لانكلترة و كان لما يسوق و تجي امرأة توقف سيارتها و تعطينا الطريق نمشي يلوح بيده (بمثابة شكر) ، كنت أشعر بالغيرة . لكن لما تعلمت السواقة و شفت انه هالأمور من عاداتهم أمور جداً أساسية في تعاملهم عرفت انه غيرتي غير مبررة. إما ان تحاولي تقبل طريقة معيشتكم مع غير المسلمين ببعض التغيير و إما أن ترجعوا لوطنكم. و بالتأكيد وجودكم بالغربة لضرورة الدراسة أو/و العمل و لذا عليكِ أن تخففي من غيرتك موضوع الابتسام للموظفين أمر أحياناً يخرج عن ارادة الشخص بعد أن يعتاد عليه. و هناك فرق بين من يبتسم و هو لا ينظر من يبتسم و يحدق النظر في الموظفة و شكلها و لبسها .... الخ لكن إن كان هناك ما يدعوك للشك ، خصوصاً أنك ذكرتِ أن زوجك في إحدى المرات أشعرك بدفاعه عن الأجنبيات (حكاية العربية) فأرى بهذه أنك على حق في غيرتك. و أقول للأخ أبو نايف خطأ جداً ان نعيش مع الغرب و ننبهر بما عندهم و نعجب بهم . نحن أفضل منهم خلقاً لأن ديننا هو الذي علمنا الاحترام و اللطافة و ضرورة الابتسام في وجه الآخرين و اعتبرها " صدقة". و أخيراً أسأل الله أن يديم الحب بينكما و سعدنا جداً بوجودكما معاً في الموضوع . فالسماع من الطرفين يعيننا على ابداء الحل الأفضل. |
أضيف على كلام الأخت ماريا و قالت الشئ اللي ما قدرت أقوله
و كنت بأقول لك كمان ، يمكن لو درستي يالغالية ، راح تعتادي على الأشياء هذه مثل ما قالت ماريا حكاية السواقة إنه أول ما جينا ، كان زوجي يخجلللللللللل إنه يظهر علامات تدل على تمسكننا بديننا و يحاول يقلدهم .. و يتضايق مع إنه كان ملتزم في السعودية و أهله ملتزمين .. و ألحين ماشاء الله ، إذا كنا في مكان و مافيه مكان للصلاة ،، اختار له مكان في الركن و على جنب و صلى بدون أي احراج .. و تحسن أكثر من ما كان في السعودية ما عدا الموقفين الآخيرين :( <- لسى زعلانة :D عشان كذا أقول لك ، اتركيه وهو من حاله راح يرجع للأفضل يعني مثلا أنا ناقشته بالموقفين هذولا و هو كابر و قال متى ؟ و تجيبي كلام من راسك .. و طنشته شوي ، بس رجعنا عادي نضحك و نتكلم أهم شئ إنه عرف بإنه الشئ هذا بضايقني و يراعي النقطة هذه مرة تانية و بينت له إنها أمور تهمنا نحن الحريم ( الأشياء الصغيرة هذه ) و هم ما يدركوها :) |
اشكر كل الي تفاعلوا معنا وأعطونا من وقتهم بس ياليت الاداره خلاص تقفل الموضوع
|
اقتباس:
يغلق |
| الساعة الآن 04:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©