|
معقوله الفلوس تسوي كذا (حُلت و لله الحمد)
بسم الله الرحمن الرحيم
سبق وتكلمت عن مشكلتي مع زوجي اللي كانت بسبب المال يعني مشكلة مادية ياناااس ياعاالم والله اني بانفجر مادري وش اسوي الله يخليكم دلوني ع الصواب وش اسوي في مشكلتي هذي مادري اشتكي لاهلي واعلمهم بكل شي ولا اكلم اهله ولا وش اسوي انا توظفت من 3 شهور وظيفة مؤقته وراتبها مررة حلو المهم قلتله من باب المساعدة مصروفي ومصروف ولدي وراتب الخدامة علي لان هو علية ديون واتفقنا ع كذا لكن وش اللي صار تخيلوا من توضفت قطع عني المصروف بتاتا وعن ولدة وصار كل شي اطلبه بالدين وقاعد يسجل كل شي عنده بورقةتخيلوا وش سجل اول شي مبلغ استقدام الخادمة 12900 ريال ورواتبها 600 وراتب السواق اللي يوديني 600 وكل شي اطلبه حتى لو الله يكرمكم جزمة ب10 ريال تخيلوا كيف لهالدرجة ولما استلمت راتبي حسبها اجمالي وقال انا بتنازل عن اشياء كثيرة واطلبك بس 12000 مع اني قد بعت من قبل ذهبي ب5000 وعطيته وقالي برجعلك قيمتها لكنه خصمها من المبلغ اللي هو يطلبني تخيلوا كيف الظلم والقهر انا احاول اساعدة وهو ولا همه نزلوا لي راتب وعطيته 3000 واخر شي نزلوا لي راتبين مع بعض بقيمة 10000 ريال قال اعطيني فلوسي قلت اوكي باعطيك الحين 5 والباقي بعدين لاني انا بعد محرومة مااخذت شي قال انا ابي 9700 تخيلوا كل شوي يزود علي انا قلتله بزعل احسب كم تبي وان باعطيك لكن انا اللي احدد متى الاعطيك يعني مو معقوله اعطيك كل الراتب وانا اللي اتعب واشقى وبالخير مايصفالي شي زعل وقام يهاوش ويقول انا مابي منك شي هذا حقي ولا انا ماطلبتك ولا باخذ شي وراق وصرف 9700 وبقالي 300ريال وقال خلاص مافيه دوام اجلسي بالبيت تخيلوا كيف اخذ فلوسي كلها وجلسني بالبيت قهرررني وظلمني حسبي الله ابي شوركم وش اسوي اروح يم اهلي مع انهم بعيدين عني ولا عندي احد قريب وش اسوي معاه الله لايسامحة تكفون وربي ماشكيت لاحد وخايفة اشكي لامي وربي عشان مااشوه صورتة وخايفة اسكت ويضيع حقي تكفون شوروا علي دلوني تكفووووووووووووووووون |
أنت اللي خليتيه يتمادى!!!
المفروض ما تقولين مصروفي ومصروف ولدي والخدامة علي!! لأنه راح يعتبر انه هذا واجب عليك.. يعني توظفي وخلي كأن تكرم منك إذا صرفتي شي للبيت.. لأنه الزوج هو المسؤل عن النفقه.. مو الزوجه.. |
صدقتي والله انا السبب والرجال مايجي معاهم الطيب مالهم الا العين الحمراء
لكن الحين وش اسوي وش الدبرة ابي حل |
اسمحي لي هذا مو طيب
يعني أنا أستغرب من الموظفة لما تشيل نفسها من زوجها وانتي ماشاء الله مابقى الا هو تشيلينه وخوذيها مني الرجل إذا حب يسدد ديونه بيسددها بس حنا فينا حرارة مالها داعي ومادام انه بيسوي هالحركة الجلسة بالبيت أفضل وانتي ليه بتدخلين الناس أهلك بيكرهونه ويحقدون عليه واهله بياخذون عنك فكرة انك مادية وعن حياتكم انها جحيم صارحيه انتي قوليله اللي بخاطرك انا مثل هالامور مستحيل اخليها معلقة وانتي لاتشيلين هم دينه خليك باردة وهو بيشيله والله اني اشوف زوجي لاشال همه ابوه بررررد وإذا بررد ابوه اشتغل هو>>مو دين امور ثانية اطلبي لك ولولدك بالمعروف واستمتعي بالحياة الرجل يكره الزوجة إذا خذت دور اهله انت زوجته وهو مسؤول عنكم وعن توفير حياة كريمة لكم مو انتي وصدق اللي قال(لادخلت الفلوس خربت النفوس) |
عادي .. أتركي الوظيفة.. على ما تهدى الأمور.. وينسى انك شلتي عنه المسؤولية..
وبعدين قدمي على وظيفة ثانية.. ولا تعلمينه عن راتبك .. فرضا كان راتبك 4000 قولي له راتبي 2000 .. أو 1500 وإذا تكلم معاك عن راتبك.. قولي له: شوف أنت الرجال.. وأنت المسؤول.. وأحنا مانستغني عنك.. وراتبي يادوب يكفي شغلات خرابيط.. من هدايا لصحباتي.. أو أهلي.. وكمالياتي.. ومساهمات خيرية.. و و و الخ. |
زي ماقالوا غلطانه
وبما ان وظيفتك مؤقته احمدي ربك ... مو جالس ينهبك كل شهر اعتبريه درس عرفتي فيه معدن زوجك وانتبهي منه بعدين ولا تسكتين عن حقوقك وخليه يأدي اللي عليه بلا طيبة قلب وحنيه لأنها مو في محلها |
اعانك الله بعض الرجال ماينفع فيهم الطيب ويجب ان يعرف ان الراتب هذامن حقها والنفقة ملزمة للزوج
وانتي غلطتي وهي فترة مؤقته ولكن لعلها درسا لك ولا تبوحي بهذا الى اهلك تكبر المشكلة وهي مؤقته وتزداد الانفس شحناء اصبري فترة وتزول |
هذا جباااااااااااااااااااااااااااااااااااااااااااااااا ن الله يخزية
إخخخخخخخخخ وجع قلبي التعبان هذا شوهاي النذالة الله يصبرك عليه |
اقتباس:
|
بصراحة طريقة زوجك خطأ ، لو يبى فلوس منك ياخدها لكن بطريقة أحسن
عموما الأمور المادية اذا بدت بين الزوجين ما بتنتهى وبتخلى النفوس دايما مو مرتاحة من رأيى أذا وقفتى عن الشغل يكون أفضل أما اذا اشتغلتى فلابد انك تنفذى اللى يطلبه ما دام انه بمقدرتك هذا فقط : كى تستمر حياتك معه بدون متاعب |
وياااااااااااااااما بالرجل من عجايب الله يدلك على الحل الصواب وستخيري
|
اقتباس:
مهما كااان هذا زوجهاااا وضروري نحترمه!!! كلنا نغلط ولازم نصحح الغلط!! ارجو ان تقدم لها النصيحه بدون التطاول على زوجهااا:) |
السلام عليكم ....
حبيبتي احتسبي أموالك عند رب العالمين فهو المنتقم ... والأفضل أن تتركي الوظيفة مادام هذا حاله وهذا أسلوبه الله يصبرك وينصرك ويسخر لك |
الاخت الفاضله ،،،
دمعة امرأه ... اقدر ما تمرين فيه من امر صعب للغايه حيث أنك : لسان حالك يقول : ( قدمت لزوجي الكثير و انترظت الكثير ولكن للأسف أخذ مالي و حرمني من وظيفتي ) .. أعرف أنك تحسين بالظلم و القهر - واتعاطف معك في ذلك - ولأنك أخت فاضله و طلبت المشورة و المساعدة .. سأقول لك رأيي بالموضوع ... بصراحة مشكلة الراتب هذه بدل أن تكون خيرا لكم أصابتكم بمشكله اصبحت إلى حد الظلم و القهر لذا .. أقول لك أولا ً : استعيذي بالله عز وجل من الشيطان الرجيم .. ثم توضأي و صلي ركعتين لله عز وجل .. ثم اهدأي قليلا و اقرأي حروفي فلعلك تجدين الحل بين طياتها : ما حصل قد حصل و مافات فقد فات ولن تعيدي الماظي بحزنك و غضبك .. لذا دعي الحزن و الغضب .. ثم اعلمي أن اتفاقك مع زوجك هو ما جعله يتمادى معك .. فالخادمه خسبها عليك و السائق حسبه عليك و راتب الخادمه حسبه عليك ..وجمع كل ذلك ..واعتبره دين عليك . بموافقتك على ذلك بالبداية .. فأنتي هنا لا بد أن تعترفي بخطأك بعدم حساب كل ذلك جيدا .. وزوجك اخطأ بغضبه الغير مبرر و تعنته بتسديدك المبلغ فورا مع حاجتك له ومع وجودك كزوجة له .. المشكله في هذا المال الذي يقلب النفوس و يألبها .. :: الحل : اتوقع أن زوجك لن يجعلك تتركي الوظيفه بل قالها بلحظة غضب .. حيث أن حيثياتي : 1- وجود خادمة براتب 600 .. 2 - وجود ديون متراكمه عليه بقولك ذلك . 3 - اعاده مصروف لك وللطفل وقد ارتاح من ذلك . في النهاية .. لكي تحل مشكلتك هذه .. اطلب منك تجريب ما يلي : 1 - الحل الأول .. بحوار زوجك بكل هدؤ و عقلانية و وضع النقط على الحروف .. وليكن حوارك مركزا على مسألة ما تريدين وليس أن تناقشيه بما فعل معك .. اعقدي اتفاق جديد .. قولي له خلصت ديوني و الحمد لله ... اريد ان استمر بالوظيفه و اصرف على نفسي و ولدي وراتب الخدامه بالنص و اذا احتجت شيء اساعدك .. 2 - ان تعلني بأنك لم تعودي ترغبي بالوظيفه و تتمسكي بذلك بعد اخذ أجازه من الدوام مدة اسبوعين أو اكثر .. وتخبريه بأن ذلك بسبب أن المال - الراتب - فرق بينكم و أنك كان غرضك من الوظيفه مساعدته بينما هو جعل من الوظيفه تسديد ديونك ويريد فصلك منها .. ومن خلا ل رده سيتضح لك ما يريد ..هل فعلا يريد تركك للعمل أم يريد منك غير ذلك ! اختي الفاضله ... لا اطلب منك أن تغيري مفاهيمك عن الرجال ولكن اذكرك بأبيك و أخاك هل هم على شاكلة زوجك ؟؟ طبعا لا ... لذا لا تعممي حفظك الله و خصصي .. ثم اعلمي اذا كان زوجك من النوع الغاضب و العصبي و الحوار معه صعب .. فكوني لينة الجانب و اكتبي ماتريدي نقاشه بورقه و ارسليها إليه .. هذا ووفقك الله و أصلح الله شأنكم ،، |
اقتباس:
|
بصراحة اشكركم جميعا من كل قلبي
اشكركم ع مساعدتكم ووقفتكم معي وابشركم المشكلة انحلت وتفاهمنا ولله الحمد |
اقتباس:
الحين كنت ابي ارد عليك!! بس الحمدالله فرحتيني ياعمممري!! الله يسعدكم ويخليكم لبعض ياارب!! حللت ولله الحمد:d |
ماشاءالله ... لكن احترسي من تكرار الاخطاء .. حتى لاتعود المشكله
|
لي صديقة ضكتها كالصباح الخجول تمر بجواري فأعرف أن لها أنفاساً طيبة تحضر بمجرد أن يملأ المكان السكون .. لكن ..!!! في يوم ما تخلت عن رسالتها وتركت الماجستير لأجل رجل تحبه والتنازلات عادة تبدأ بخطوة أولى ..!! .. وإستمرت تتنازل لأجله مره عن راتبها ومره عن أحلامها ومرات .. إلى أن تطلقا العاشقان .. وسط ذهول الآخرين وذهولي ..!! .. واليوم هي مع أخ لاينصت من زوج إلى أخ .. ويتفق الإثنان في مبدأ الإستغلال لمعدن طيب كمعدنها .. قبل يومين فقط .. رأيتها وهي لازالت بطيبتها .. وبساطتها الكل يستغلها ..!! لديها صفاء يملأ السماء ُأحبها لكنني قسوت عليها وقلت لها ماسأقوله لك .. أنا لا اقف عادة في صف الرجال لأنني لا أثق بأحدهم .. إلا من رحم ربي ..!! لكن أنتِ أين عقلك حين تكونين كبطاقة الصراف وتقدمين كل مايشتهيه تحدثي معه لكن بحزم وهناك فرق بين الحزم وبين التسلط وإعلمي أن مامن رجل يريد النكد أكدي له أنك حين تكونين سعيده فستقدمين له سعادة هو ملكها .. الرجل لايحب الخضوع وأنتِ خاضعة ربما لحب وربما لطاعة وربما ثقافة الرجل ليدنا طاغية لكن مما قرأت رأيت أنه تغير حين أصبح لك وضع مادي .. لاتضعي برأسك زوجي سيء فهو زوجك أنظري لنفسك لربما هناك خطأ ما جعله يطمع .. وقليلاً من الحوار سيفي بالموضوع لكن بالحكمة والحكمة ضالة المؤمن ..!! التعاون جيد وليس عيباً أن تتعاونا لقد قدمتِ له ماهو أثمن من المال لكن الجشع يسئ لأرواحنا فكيف إن جاء من نحب ..!! .. أتمنى لك سعادة شمسها لاتغيب .. محبتي ،،، |
كيف انحلت طيب؟
|
المهم انحلت الله يوفقك .. |
| الساعة الآن 06:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©