|
لا أعرف من المخطئ انا أم زوجي
صباح الخير يارب تكون بآحسن حال مشكلتي مع زوجي وغيرتي الزايده وشكوكي اللي ما اصدق تهدى الا وترجع مرتن ثانيه انا متزوجه من ست آشهر وزوجي حمدلله يحبني وانا احبه واقدره واحترمه زوجي طبيب نفسي وقبل كل شي هو رجل ملتزم وامام مسجد تجيه مكالمات من نساء وبنات مريضات .. وكثير احصل رسائل منهن على جواله وهو عادي يعطين الجوال يعني مايخبي عني ويقول مريضات وهذا عملي لازم اشوف مشاكلهم وانا الغيره بتذبحني ونبدا بالهواش ليش ترد وليش وليش لما هو خلاص يزعل مني وانا والله موب مقصره معه ابدا كل شي يقولي عليه لدرجة اذا اتصلت عليه مريضه يحط السبيكر ويكلمها عندي ويقولها حالتها او تجيه بالعياده وغيرها كثير منهن من تقول تزوجني (( الله لايوفقهن )) وانا ازعل لدرجه انو اقوله بروح معك العياده بكون معك واقولها وانا جد مقهوره والله اخاف يسرقون زوجي انا واثقه فيه هو يخاف الله وملتزم بس البنات مايخلن احد بحاله الحين ببيت اهلي لانو جايه اهلي زياره وهو راح عند اهله يقول متضايق من تصرفاتي وكلمته وتهاوشنا يجي ساعه بالجوال وماحبيت ادخل اهلي بالمشكله اللي يقول غيرتك الزايده بتخرب حياتنا كلمته من شوي والحمدلله رضا بس يقول اخاف تتكرر هالغيره واللي صار من مشاكل وتصيرين مجرد زوجه بدون حب انا مخنوقه لدرجه ودي اموت اغاااااار واسبب مشكله مع زوجي ثمن اندم وارجع اتآسف والله احبه وهو اجمل شي بحياتي عانيت كثير بحياتي الا لما الله جمعني معه بس مشكلتي الغيره والله احيانا اتمنى لو الانتحار موب حرام كان اول ما انتحر انا جد مضغوطه نفسيآ آختي اذا حبيت افضفض لها تقول بتجيبي مشاكل لنفسك واذا طلقك وش بيقولو الناس طلقها وهيه توها عروس وامي بتقول هذا اللي انتي اخترتيه واخواني بيقفون معه ضدي وماعندي احد اشكيلو انا بعرف الغلط مني والا منه ومكالمات البنات اللي الله لايوفق كل بنت تكلم رجل بالحرام وربي صايره ادعي على كل وحده تكلم زوجي وتبي تطلبه الزواج انو الله يكشف سترها ولايوفقها يارب اقوله خلني على عماي لاتقولي عن المشاكل اللي بالعمل ولاتقول كلمتني وحده فيها كذا وكذا ولاتقول يطلبوني اتزوجهن وانا مابي غيرك صرت اقول خبي عني كل شي مادري صح انو اقوله يخبي عني عشان ما ااغار والا خطاء والله فكري مشتت وموب عارفه اجمع كلام دلوني على الصح الله يريح بالكم |
السلام عليكم
حبيبتي انا اشوفك ان مشكلتك بسيطه و حلها سهل لاني قد عشت التجربه هذي مع زوجي اول سنه من زواجنا وانا ياقلبي اشوف ان زوجك بالعكس يستاهل الثقه منك مو الشك لالطريقه هذي والشي حبيبتي اذا زاد عن حده انقلب ضده يعني حاولي تأقلمي نفسك معاه حاولي تتغاضي ولاتفكري باتصالاته اذا جاء يكلم حاولي تاخذي نفسك وتقومي موضروري تسمعي المكالمه اهم شي الثقه موجوده وتكون بمحلها يارب |
حبيبتي خذيها نصيحه مني الرجال مايحب الزوجه الغيوره مرررررررررره
لان الغيره لمن تزيد عن حده تصير شك ويعدها بتبدي توسوسي غشان كذا خلاص حاولي حتى لو كنتي تغاري انك تبيني له ((طالما انا واثقه فيك مايهمني لو تكلم الف بنت وحاولي تبيني له انك واثقه من نفسك جدأأأأأأأأأأ ومتأكده ان محد راح يملاء عينه غيرك وصدقيني راح تطلعي بنتيجه حلوه وهذا شي انا مجربته ويا زوجي بالتوفيق ولاتنسي تطمنيني اش اخر الاخبار |
اقتباس:
وعليكم السلام ورحمة الله فديتك يالغلا مشكلتي انا حساسه مرررره هو الله يحفظه لي يارب موب مقصر بس نوبات صدق احس بليس راكب راسي والا لازم ازعله وبسرعه اندم لدرجة ابكي بدون شعور وانا اكلمه واخاف لايزعل مني ومابيه يتضايق بسببي الله يسعدك ويخليلك زوجك يارب مشكوره ع المرور فديت روحك |
اقتباس:
والله ياقلبي انا واثقه مررره مستحيل يلاقي مثلي لو عاشر مليون بنت بس عيبي هالغيره اللي تخنقني ان شاءالله بسوي اللي قلتي عليه بآذن الله من اليوم وطالع الله يجزاكي خير انا بطبعي عنيده بس بحاول اكابر شوي ومابين له غيرتي آدعيلي انو الله يهديني ويبعدني عن الوساوس والشكوك مشكووره حبيبتي الله يسعدك يآرب |
الله يسعدك ان شالله ويهدي سركــــــــــــم ويخليكم حق بعض
ويرزقكم الذريه الصالحه يارب ويبعد عنكم عيال وبنات الحرام لاتنسي تطمنيني باخر الاخبار |
هلا قلبووو
الله يهنيكم ويسعدكم ويبعد عندك شر بنات الغير اشين شي الحمدلله زوجك رجال صالح ورجال في ثقه بس ابليس يسوس لك انتبهي استتغفري ودايم فكري بشي الزين وخلي الغير عندك شوي حاولي تغيرن جو البيت لا تفكير بنات اللي يكلم يطلبون الزواج الهي نفسك عن هذي سالفه فكري كيف تجذبين زوجك لك اتمنى اني فدتك من جد مااعرف اعبر بكتابه الله يوفقك وكل مسلمه |
اقتباس:
آمين يآرب يسمع منك الله يحفظ آزوآجنا وآخوآننا من البنات اللي مايخافن الله الله يسعدك ياقلبي ومشكورة على المشاركات اللي والله آسعدتني كثير الله يحفظك |
الله يصلحك ياملوكة لا تدعين على بنات الناس
ولا تنسين انهم مريضات الله يشفيهن حبيبتي حاولي تبعدي نفسك عن جو عمله انا زيك غيورة وحساسة وفي المواقف اللي زي كذا ابعد نفسي عن زوجي لأن عمل زوجي يتطلب منه أحيانا مكالمة النساء صدقيني أحيانا يدق جواله واعطيه الجوال بدون ما اشوف من المتصل رغم انه يسألني من بس انا عودت نفسي من اول الزواج لا افتح جواله ولا افتش اغراضه عشان ارتاح وابعد عن دائرة الشكوك والغيرة واحيانا اتغابى واحيان اتجاهل اهم شي ما اعيش الموقف وافقد اعصابي خليك واثقة من نفسك وواثقة من قدراتك انتي زوجته بس اللي تكلمه هذي مريضة تتعالج عنده لازم تؤمنين بقناعات معينة تساعدك على الثبات والهدوء دربي نفسك شوي شوي ولا توسوسين طالما هو طيب معك اهتمي بالنتائج ولا تهتمي بالمقدمات يعني اهم شي انه مايتغير عليك |
اشكر ي الله ان من الله عليك بهذا الزوج الرائع الذي يحمل الخلق والدين
واذا زادت تصرفاتك وشكوكك قد تخسرينه وانتي اصلا عارفه وضع عمله واكيد واحد في عمله سوف يجيه مكالمات من اناس ضاقت بهم الحياة لذالك كيف تقارنين نفسك بهؤلاء المريضات شفاهن الله راجعي تصرفاتك وحاولي تكيفين وضعك مع عمله وتوقعي يجي دائما اتصالات من هؤلاء المرضى وهو انسان واعي ويكفيك انه يسمح لك بالاستماع لمشاكل بعض هؤلاء المرضى حافظي على مملكتك فالشك يدمر |
انا كنت اغار مثلك ماابيه يسافر لدوله فيها اختلاط
مع انه ملتزم وقد طرحت هلممشكله بلمنتدئ ووجدت عده اراء وحلول وبعد تفكير جاد مع نفسي استنتجت اني مكبره السالفه علئ الفاضي اولا فكرت 1..ماقد شكيت به في اي مكالمه او رساله 2..اي اتصال يجيه من اي وحده مخطئه يقؤل لي من باب السؤالف 3..هو وثق فيني يوم جاءني ازعاج من شخص لااعلم من هو ببداية الامر لكن فيما بعد عرفته وحتئ وصل الئ باب بيتي ؤيدق الباب.. وزوجي واثق فيني ولو انه شخص اخر لاكذب خوفي من مجرد سماعي لصؤت رجل دائما ..واتهمني... 4..الان جددت الثقه وبقؤه بزوجي ...وقلت له اذهب وسافر مع اصحابك للمكان الي تبي لكن ودي بعد ارؤح واتمشئ معك بلدوله هاذي بعد ماتتعرف عليها ...ووعدني بذلك... 5.. اذا قال اسافر صح قلبي يقعد علئ نار وهو رايح لكن اقؤم واصلي واستغفر لاجل مااعصب وانفجر به والسبب!!ماودي يشؤف بنت كاشفه غيري صح انه مايرؤح اماكن مو زينه لكن بلشؤارع...وقد قلت له ووضحت سبب ثؤران غيرتي ... الاهم صدقيني زوجك به الخير ولا تسؤي مثلي اؤل كنت اغير وانكد علئ قلبي ولكن بعدين فكرت بلامر وجد اني مخطئه انتي قؤلي لزوجك معد ابعودها اذا كلم قومي وروحي عنه لانك خلاص جددي الثقه ببه هو بيرتاح قلبه من الهواش وليش قلت ليش فعلت .. هذي وظيفنته وش تسؤي تبينه يتركها ...! فكري ليش هو يكلم امامك ...انتي زعلتي يوم وحده طلبت انه يتزوجها !!انتي تذكري وش كان رده ... اكيد الرفض ولاجل من !!مو لاجلك وانه مرتاح منك.. هو وضح لك انه متضايق من تصرفاتك وهو الان عند اهله استغلي هالشيء ودقي وناقشيه واوعديه انك ماعد تسؤين مشاكل من لاشيء وانك فكرتي ووجدتي انك علئ خطاء واني واثقه فيك لاني مالاحت عليك شيء ... قؤلي انا احبك وبعد اليؤم معد ازعلك من اشياء مالها داعي... الاهم قبل مناقشته انتي فكري مع نفسك وطلعي من المخطئ منكم!!! وفكري بعد بلمشكال الي سؤيتيها معك حق بها او لا!! وتجدي انك انتي مخطئه وانك جدا مالك داعي... انتي فكري مع نفسك وتجدي انه لم يخطئ ... يكفي انه يكلم امامك وسبكر لاجل يطمنك ولو انه شخص اخر لقال ممالي دخل فيك تبين تستمرين استمري معي وارضي بعملي او دوامي!!! اختي لاتخنقين علئ زوجك فيطير من يدك بحجة اخذ الراحه والبعد عن التوتر الدئم منك. انتبهي!!, وراضي زوجك واوعديه, |
اقتباس:
من صجك ؟؟؟؟ زوجك الملزم يجي قولك كلمتني فلانة وفيها كذا وكذا ؟؟؟؟؟؟؟؟؟؟؟ ويقولك بعد يطلبوني للزواج ؟؟؟؟؟؟؟؟؟ طيب ليه يقول هلاشياء ويوصف النساء لك ؟؟؟؟؟؟؟؟؟ الظاهر مستانس على غيرتك ......... صراحة تصرفه جدا جدا غريب الغيرة والنار اللي انتي فيها هو السبب فيها كيف يقول هلاشياء لزوجته صراحة غريبة لازم توقفي وقفة جادة تمنعيه يصف اي واحدة ولا يعيد كلام الزواج وما يقولك ولا حرف من اللي يصير بعمله ولازم يعرف وهو طبيب يا سبحان الله ان اللي تجيه تكون نفسيتها مدمرة وما هي بوعيها وتحت ظروف طاحنة وهو ينقلك هالكلام لا حول ولا قوة الا بالله بس قوليله لا تتكلم بحرف عن اللي يصير اولا ذي اسرار ناس واسرار عمل والله لو اعرف ان الطبيب ينقل اسرار مرضاه لزوجته ما اخلي احد يعتبله عيادة وبعدين ليه يزعل وهو اللي يقولك اختي انهي هالباب وقوليله لا عاد تنقل حرف من اللي يصير للمرضى وبعدين اهو ينقل اللي يصير مع الرجال ولا الحريم بس لازم تمنعيه وما تخليه يتمادى باشعال نار غيرتك بالمختصر زوجك زوجك زوجك هو الغلطان ربي يهديه بس |
شكله ينبسط يوم يثير غيرتك عليه
شكله ماحد طلب يتزوجه ، بس بيقهرك قوليله إنت رجال و المفروض توقف كل وحدة عند حدودها لإنه لو عطاها حد ، ما كانت تجرأت و قالت له تزوجني و قوليله لا عاد يعيد الكلمة هذه و وقتها بترتاحي |
الله يعينك من جد ماألومك
المفروض هو يسكت كمان مايقولك بس شكله مبسوووط من غيرتك وأنتي الي بتروحين فيها |
هلا عزيزتي ..
نحن النساء جبلنا على الغيره وهذا شي محد يقدر يغيره فينا ولكن في غيره مرضية وغيرة بتحريض من ابليس وغيره طبيعية وبحدود وهذي الي يحبها الرجل .. انا نفس حالتك زوجي يحتاج احيانا ان يكلم نساء وفي ارقام بعضهم في جواله وايضا في بعضهم مضافين عنده في الايميل والمطمن اكثر اغلبهم نساء كبيرات في السن ولهم مكانه في المجتمع ومعروفين هذا احسن شي ..انا من تزوجته كنت عارفة..وكان دائم يحكيلي واذا دقت وحدة حتى لو كان بعيد يكلمها قدامي ولو كان برى مايرد غير اذا رجع للبيت ويتعمد يكلم قدامي وحتى يحاول يمسك يدي ويتوددلي رغم اني ماطلبته ووالله عمري مافكرت افتش جواله ولا ايميلة واحيانا اتعمد اطلع من الغرفة الي يكلم فيها عارفة ليش عشان ماابي ابليس يلعب فيني وكمان ابغى زوجي يعرف اني واثقه فيه ودائما اقوله انك انت محل ثقة .. والحمدلله احس اني اقدر اسيطر على نفسي ومااسئله ابدا ووالله ان الشيطان معد يوسوس لي صدقيني ابعدين عن الافكار ذي الشيطان ماراح يرتاح غير لما يخرب بيتك وعندي نصيحة مهما صار بينك وبين زوجك لاتتكلمي عن اسرار بيتك عند اهلك و لاعند اي كان هذا عالمك الخاص المفروض محد يعرفه غيرك انتي وزجك وصدقني احسني النية في زوجك وربي بيعوضك خير ولاتنسي الدعاء ..الله يهدي سرك يارب |
يابنتي وهو انتي تضمني منين انه لو مش بيكلم مخلوق انه مثلا مايتجوزش ؟؟!!
الراجل لو لو عاوز يتجوز هيتجوز حتى لو مقفول عليه قفص في قرية مجهولة وبالنسبة للي بيطلبوه للزواج وارد جدا جدا تعلق مريضة بطبيبها النفسي او معالجها وبالنسبة ليهم ده عادي في مجالهم وبيعرفوا يصححوه خليكي واثقة من نفسك وكوني الشخص اللي بيدفع علاقته و شريكه لقدام .. وخلي بيتك واحة غناء والمكان الوحيد اللي جوزك يلاقي فيه راحته على عكس مجال شغله اللي كله مشاكل وتوتر .. مش يبقى مشاكل وشكاوي من الناس وكمان يرجع بيته مكان راحته يلاقي مراته قايدة نار http://www.66n.com/forums/images/icons/icon40.gif!! |
اقتباس:
ضحكني ردك ربي يسعدك |
اقتباس:
|
المرأه التي لاتغار ليست امرأه ولكن يجب ان تكون الغيره في حدودها الطبيعيه وان زادت سوف تفقدك زوجك |
اهلين فيك
تدرين ايش مشكلتك بالأساس؟ انك وحده انانيه جدا وتبغي تتملكي زوجك يعني انتي تعتبري زوجك ملك شخصي لك ومن هالأساس والمنطلق انتي تتعاملي معه وغيرتك مو غيره وحده تحب انتي ماتعرفي الحب اساسا وتصرفك بين هذا الشي شوفي سواتك اللي راح تسوينها اذا زادت راح يخرب عليك زوجك ويطفش منك وبالأساس انتي لازم يكون عندك اساس كثيره ومجموعه من الفضائل تقدري تمشي وتقربي فيهم لربك الأخلاق اوسع من مجموعه عبادات تؤدى وينتهي الموضوع واذا استمريتي اكثر كذا تأكدي وبشده انه حتى اولادك مستقبلا راح يملوا منك ويطفشوا منك وحيصيروا مايؤدوا لك الا الواجب ولا راح تلاقين احد يحبك انا اقول لك هذا الكلام الذي ظاهره مو حلو ، لكن اتمنى انك تفكري فيه زيين بعد ماتهدأ موجة غضبك ، وأدري أنه هالكلام أول مره يمر عليك لكن والله والله كل هذا عشانك وعشان ماتخسري زوجك الطيب انا والله لا اعرفه ولا شفته لكن بصراااحه حسيت انه انسان طيب ، بالله عليك وش تبغين اكثر من انه يكلم البنات قدامك ومن ناحية الزواج ،،ارقدي واامني وحطي في بطنك بطيخه صيفي الزواج مو بالسهوله اللي انتي متصورته ، وشرط انه لو بتجي الصدقيه بتشوفي الهرب والبعد لأسباب ممكن اوضحها لك اذا حبيتي اخيرا وصديقك من بكاك لا من اضحكك وتقبلي تحيتي |
| الساعة الآن 01:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©