|
عريس جديد وماأعرف إيش الأشياء اللي أحتاجها؟
السلام عليكم ورحمة الله وبركاته..........
إن شاء الله أنا مقبل على الزواج وبالعربي ماأعرف إيش الأشياء اللي أحتاجها من ملابس وغيرها فياليت تفزعولي بأي معلومة لديكم وخبراتكم . خصوصا إني ناشب ولا أدري وش أسوي . واللي يخبر محلات زينة لايذخر علينا . أي شئ ولو معلومة بسيطة . الله يجزاكم خير |
الف مبرررررررروك الله يتمملك على خير يارب
انتظر الشباب يفيدوك |
انت باي بلد عشان نفيدك
|
واضح انه من السـعوديه } بس اي مدينه ! اخـوي الي تحتاج من لبس ! هو الي تلبسه كل يوم ....~ ثياب جديده وملابس داخليه .. مناشف احذيه وشراريب .. غتر جديده او شماغ الي تحبه وتفضله بجايم .. وبعد ملابس سبور لطلعاتكم .. من بناطيل وتي شيرتات عطورات ... وشامبو وكل ادوات النظافه من عدة حلاقه وصابون وفرشة اسنان ومعجون محلات بالنسبه للملابس / سنتر بوينت ( سيتي بلازا سابقا) .. راح تلاقي فيه جينزات وتي شيرتات وبجايم وكل شي يخصكم زارا .. احسكم تحبونه يالشباب .. وبيرشكا << فيه فروع يكون فيه قسم للشباب .. جيوردانو .. << ماحبه بس يمكن تلاقي فيه شي لكم يالرجال ! هالمحلات اسعاره معقوله وخامتها كويسه .. وبس اي استفسار نحنـو بالخدمه ،/ والله يتمم لك .~ |
أحب أشكر كل من :
dant!L ~} *( ملاك )* بنت مكة2008 الله يعطيكم العافية ماقصرتوا . أنا من مدينة الرياض... فيه واحد من الشباب نصحني بليلة الرجل اللي جنب مستشفى التخصصي أبي المحلات اللي فيها بجايم حلوة. أي معلومه لاتبخلون بها لاهنتوا........ |
تم النقل إلى القسم الأنسب.. |
الف مبروك..في كالفن كلاين فيه بيجامات و كل مستلزمات الرجال..الله يتمملك على خير..
|
الف مبروك مقدما...
اذكر في موضوع نفس طلبك وانا اذكر رديت عليه وافده كثير ...وكذلك الاخوات والاخوان... بحثت عنه اكثر من مره لم اجده وانت اطلب الاداريين علئ هلقسم من موضوعك بافادتك اكثر بمثل هلمواضيع ويعطونك روابط عديده لافادتك... واذا لم اجد احد افادك بلمواضيع اوعدك بلايؤمين القادمه افيدك اكثر.. لاني مشغوله هليؤمين وبلاخص لانها اجازة اسبؤع. |
الف مبرررؤك فيه ستي ماكس عنده تيشرتات وبناطل روعه وباسعار معقوله
|
يارجل واجد المحلات ماعتقد أنك دورت عليهم
انت بس اطلع وراح تشوف محلات كثيره الله يتمم لك على خير |
الف مبروك اخوي
بس برئيي انو الملابس مو مشكلة اشتري ملابس جديدة على ذوقك وعطر وشغلات كشخة بس هذه الاشياء اعتقد انت وذوقك تفنن في الملابس ,, اسئل احد من اصحابك او من اهلك عن الاشياء الي يشترونها وقت العرس اكيد بيفيدك اكثر ^_^ |
أهتم في العطور
واغراض البدي من سنفره وغيرها روح ..لوجوه .. او باريس غاليري وشوف العطور الي عندهم شوف ايش اخر شي نازل من شانيل ,, عندهم عطر اسمه الوور’’’ راائع ودوتشي اند قبانا فيرساتشي ايف سان لوران جيفنشي قوتشي اسكادا توم فوورد مررة حلو يفضل تاخذ العطور مع ملحقاته لاتنسى تروح للعربية للعود والماجد وسيد جنيد تحياتي |
مبروك ... والله يتمم لكم على خير ...
اما بالنسبة وش تشتري ... أول شي ... بشت . ثاني شي ... بخور ودهن عود . ثالث شي ... الباقي مايفرق ... تفصل ثوب والا تشتري ثوب الدفه ... بالاخير يبقى البشت ساتر كل شي حتى لو بغيت ماتلبس ثوب يعني تطق سروال وفنيله بس اهم شي تلفلف بالبشت مظبوط ... اما الملابس الداخليه محد شايفهم ... بس اهم شي تحرص على الجزم (( تكرمون )) لأن البشت مايغطيهم ... والعطورات من باريس غاليري والا من البطحاء شي راجع لك .. :21: |
| الساعة الآن 08:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©