فارق العمر بين الزوجين.
 

السلام عليكم ورحمة الله وبركاته ... بصراحه لا اخفي اعجابي بهذا الموقع واعجابي بالقائمين عليه من اعضاء ومشرفين .
ادخل بالموضووع بسم الله الرحمن الرحيم
انا سبق وتقدمت لخبطة اكثر من فتاة لكن الله ماكتب نصيب ،، بالامس القريب تقدمة لخطبة فتاة وبصراحه انا متردد بسبب العمر ،، يا اخوان الفتاة اللي تقدمة لها تكبرني تقريباً بسنتين وانا بصراحه محتار هل اتوكل على الله واكمل ما انا مقدم عليه او انسحب واعيد البحث من جديد ..اتمنى الجميع يساعدني في قراري ويرشدني فما خاب من استخار ولا ندم من استشار . وياليت اللي زوجته اكبر منه او يعرف قريب منه ياليت يحكي لي تجربته ...دعواتكم يا اخوان لي بالتوفيق وان الله يكتب اللي فيه الخير ..

معقولة بس وقفت عند العمر بس

في اشياء كثيرة تحدد لو الفتاة مناسبة او العكس دينها اسلوبها اخلاقها تربيتها سمعتها عائلتها شكلها هل هو حسب صفاتك التي تبحت عنها والا العكس كل هذا المهم ولو وجدت كل ذلك تمام وحسب رغبتك خلاص العمر مو مشكلة امام كل تلك الصفات الرائعة

والله انا اكثر مايهمني الاخلاق والدين ،اضفر بذات الدين تربة يداك .والحمد لله بالنسبه للاخلاق والدين الحمد لله مشهود لها بالخير والصفات الحميده .لكن عندي مشلكة العمر هي مايقلقني .

انت قلقان من كلام الناس والا من عدم اقتناعك بالفكرة ؟

ممكن من كلام الناس وممكن انو اني مستسهل الفكره انو الزوجه تكون اكبر من الزوج .. ما ادري متردد احيانا اقول عادي واحيانا اقول اكبر مني كيف راح اتعاامل معها .ماادري ابغاكم تدلوني.

طالما واضع كلام الناس في بالك من الان على عمر زوجتك فعندك حلين اما ان تعدل عن فكرة الارتباط بها او انك تقدم وتنسى حكاية عمرها للابد لانك وضعت كل صفاتها الجميلة في كفة وعمرها في كفة موازية لها يعني الناس تركو الاخلاق والدين وبيتكلموا عن عمرها وانت شايل هم هالكلام ؟

والله يا اخوان خايف كيف اقدر اتعامل معها وافرض رائئي او ... بصراحه ماني عارف هي اكبر مني ،ممكن لانها اول مره اعيش الشئ هذا في المجتمع اللي انا فيه لكن والله ودي بالبنت لكن خايف اندم لاقدر الله بعدين .ماادري ابغى تطمنوني ولو كانت فيه تجارب وناجحين بالزواج راح ارتاح اكثر..

قبل سنه ونصف لما كنت ينت لساتني عند اهلي كانو يجو الخطاب واول سؤال اسئل, هو كم عمرو؟
كان السن اهم حاجه عندي وتصدق عدو فوق ال12 خاطب . وكنت بس ارفض .
وكانو صحباتي ينجنو ليه ترفضي احنا لو جاء واحد بسنا يدنا وجه وقفا.
كنت اقول مو أي شي ويلله نمشي الحال .
بس عشان اتزوج.
المهم انو انا حطيت سن معين في راسي وتخيل بغيت يفارقني بالعمر 7 سنوات حتى اكون دلوعتو الصغيره .
وحقق اللي بغيتو وصدقني لما جاني السن المناسب فارق العمر7 سنوات.
بس بعدما انسجمنا مع بعض واعرفنا بعض كاننافارقين سنه وحده. وقتها حسيت اني شلت هم عالفاضي لان العمر مالو شغل ابدا بالزواج,
الزواج يخص المحبه والاحترام الود واهمها التفاهم. صدقني لا تشغل بالك زيي وأتوكل على ربك.

الله يعطيكم العافيه على مشاركتكم لي ونصائحكم ..والله يكتب اللي فيه الخير

ليه كذا خليتني اقلق على زوجي
 

أنا ملكت قبل اشهر قليله وزوجي أصغر مني بقرابة السنه ولكن والله مو حاسه ابدا وهو لاشكله ولااسلوبه يقول انه اصغر مني بالعكس احس اني طفله جنبه واهم شي انك تحبها وتحسسها بالحنان وقتها رح تحس هيا انها طفله وتحسسك انك ابوها واخوها الكبير ويارب يوفقك و استخير ولاتفكر كثير

واظفر بذات الدين تربت يداك
فهي ستكون الأم العاقلة والرزينة لأبنائك والظاهر أن سنتين لا تكون فرقاً شاسعاً بينكما
والإستخارة خير جواب لكل مؤمن بها والحمد لله رب العالمين

استخر الله اخي يمكن تكون احسن من الي تصغرك .

إذا دينها وأخلاقها ومستواها العلمي والثقافي زي ما بدك توكل على الله ولا تتردد
أخوك عاقد على بنت أكبر منه ويحمد الله ليل نهار على ما من الله به عليه .. العمر مو سبب .. ما في بعد الزوجة الصالحة كما قال عليه السلام: "الدنيا كلها متاع وخير متاعها المرأة الصالحة" .. فعلاً والله ألمس حديث رسول الله في حياتي الآن .. إن توفر ما تحدثنا عنه توكل على الله وادع لنا واعزمنا على العرس ;)

اخي الفاضل..
طالما انك متردد فهذا يعني انك لست مقتنع، قد تسير كل امور الحياة بدون الاقتناع، لكن الزواج يجب ان يكون عن رضا تام واقتناع 100 %..
لا تحدث نفسك بانك ستتعايش مع هذا بعد الزواج او ان العشرة ستغير قناعاتك، او ان المزايا المتبقية ستغطي على فرق السن، قد يكون لك هذا، ولكن ما يدريك بان لا تتغير قناعاتك، هذه امور غيبية، لذلك لا تدخل نفسك في متاهات، واستمع لنفسك ولما تحدثك به سريرتك وعقلك...