|
زوجي رافض وجود خادمه وانا بحاجه لها ؟
السلام عليكمورحمة الله وبركاته
انا طالبه جامعيه متزوجه لي سنتين وعندي طفل عمره سنه وشهرين المشكله ان القسم اللي انا ادرسه كله بحوث وتقارير واختبارات يعني اجلس شهر كامل وانا اختبر قلت لزوجي ابغا اجيب شغاله تمسك ابني لاني مااقدر اذاكر في جو مشحون بالبكا والازعاج والحوسه بس هو موراضي والله تعبت احيانا اقول ياريتني ماتزوجت الا بعد مااتخرخ بس الحمدلله عل كل حال ابغا طريقه اقنعه فيها على فكره زوجي يشتغل في مدينه ثانيه وانا اودي ابني الصباح لام زوجي (امرأه كبيره في السن ومريضه) وشكرا |
وعليكم السلام ورحمة الله وبركاته
تيماء كم باقيلك على التخرج ؟ |
سنه ونص
|
طيب انتي حابة تخصصك ومتمسكة بيه وحابة تكملي فيه؟
السؤال التاني كم المدة الي يغيب فيها زوجك عن البيت وانتي لوحدك ؟ |
الله يعينك
المذاكرة في هذه الظروف صعبة جداً ولكن لماذا لا يريد زوجك إحضار خادمة ؟ ماهي وجهة نظره؟ |
لو المدة التي يقضيها بعيداً عنك طويلة استغرب رفضه احضار خادمة لكِ . ولكن اكيد له مبرراته للرفض
ثانياً : لماذا لا تحولي قسم اخف من ناحية المذاكرة او انتساب ..... مجرد فكرة لا ادري عن قدرتك على مواصلة الدراسة في نفس قسمك الحالي . |
السلام عليكم ...
حسب السبب الذي يدفعه الى الرفض تستطيعين مناقشته.. اذا كان السبب كرهه للعمالة الوافدة في المنزل .. فعديه أنها مرة واحدة .. وقبل أن ينتهي عقدها تكونين قد تخرجت ان شاء الله ولن تستقدمي بعدها ( بس كوني عند كلمتك ) اذا كان السبب مادي ... فحاولي أن تستعرضي معه بعض الحلول المادية لتوفير مبلغ الاستقدام والرواتب .. أو ... اذا كانوا اهلك في نفس منطقتك فحاولي ان يقضي معهم أكبر جزء من الوقت وكلها فترة وتعدي بإذن الله ،،، في حفظ الرحمن ،،، |
اقتباس:
اكيد انا حابه تخصصي ومعدلي حلو بس بهذي الظروف قاعد ينزل المده اللي يغيب فيها زوجي انا اروح بيت اهلي (مافي احد يمسك ابني حتى امي كله مشغوله ماالومها مدرسه) |
طيب قوليله اجيب شغاله بس نخليها عن امك منها تنتبه ع الولد وامك
وخليها اكثر الوقت عند ام زوجك اكيد من كثر مايسمع عن مشاكل الشغالات خايف على ولده بس إذا تطمن لفكرة معينة ممكن يقتنع الله يوفقك حبيبتي |
اقتباس:
|
شوفي اختي زوجي يكره شي اسمه خادمات
وصار لي عقد عمل اضطر يجيبها وبعد ماخلص عقدي صار هو يحرص على انه يجيبها اكثر مني لانه شااف حياتي تغيرت وترتبت وحتى نفسيتي صرت مروقه <<<لان طبعي مااحب شغل البيت والطبخ هي في البدايه تكون صعبه بعدين بيتعود انتي اقنعيه بشتى الطرق وترجيه قولي عشان مستقبلي وماراح انسى لك ها الشي واذا على الفلوس حاولي تساعدينه شويه ان شاء الله تعدي ها السنه ونص على خيير وتاخذي الشهاده بمعدل زين بس حاولي ماتحملين مره ثانيه اللين تتخرجين |
مبدأيا قولي له وبكل هدوء ياتقنعني يا أقنعك,وشوفي وجهة نظر زوجك,,يمكن مثل ما قالو الأخوان من كثر ماسمع عن الخادمات,,يمكن ظروفه الماديه ماتسمح باستقدام خادمه وخصوصا أن الاستقدام أغلى من أول.
والله يسهل أمورك.. |
مثل ما قالوا ، جيبي شغالة تجلس عند أمه تخدمها دامها مريضة
و نفس الوقت تهتم في ولدك |
اعتقد لو قالتي له انك بتخلي الشغالة في بيت امه مع الولد راح يقتنع لانه هو يمكن خايف على الولد يجلس مع الشغاله وحدة انتي وضحي له انك ما راح تخليه وحدة معها اما في بيت امه وامه تكون تراقبها وبالمرة تساعدها لانها مريضة او بالبيت وانت تكوني موجودة تراقبيها على الاقل حتى تخلصي السنة والنص وبعدين الله يسهلها
بالتوفيق اختي |
اقتباس:
رأي سليم وتخدم الاثنين وتكون بعيده عن بيتكم |
هو هالزمان ماشي ثقه ابد فالخادمات يمكن عشان هالشي خايف هو!!!!!
انتو عندكم خادمات يشتغلن بالساعات؟؟ اذا فيه كان تعاقدي معها فتره الصباح وهذا افضل حل |
لا انتبهي تجيبي بالساعات وبس الصبح لو هربت فيه الله يستر...زي ماقالو الاخوات شغاله لامه ولولدك....
|
| الساعة الآن 07:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©