|
زوجي طردني من منزلي ويهددني بالطلاق وحرماني من ابني
انا متزوجه منذ سنه ونصف وعندي طفل 4 شهور.من بدايه الشهور الاولى من زواجي بدء زوجي السيطره علي لدرجه انه يتحكم بكل شيء حتى الخصوصيات مثلاالبوم صور زواجي منع صديقاتي يشوفنها ولمن حاولت اعترض بشكل ودي وحاولت النقاش معاه وسؤاله السبب رغم انه بجيب الالبوم عند اهلي مو عند احد غريب سوالي مشكله لدرجه انه قال بوديكي عند اهلك وجابني لعند بيت اهلي ونحن مالنا شهرين متزوجين وانا ترجيته انه يسامحني واني ماعاد اعترض على كلامه ومشيت الحياه على هذا الحال .انا بنت قبايل وهو من عوائل جده حيث انه الزمني باني اكشف وجهي على اصدقائه وزوج اخته ولا البس حجاب على راسي قدام اخوه اللي عمره 23 سنه وانا يشهد الله اني اعترضت بكيت لكن كنت حامل وهددني بالطلاق وانه يرميني تحملت وسكت ولا علمت اهلي لانهم مايرضون لانه لو يدرون بيطلقوني منه .وهذا غير انه مااحترمني وحس باني قاعده احافظ على بيتي لدرجه صار التهديد على لسانه بابسط الامور دائما يهددني بالطلاق .وهذا غير امه ونصايحها اللي تخليه يزيد علي لدرجه قلت لها ياعمه انا حرام اكشف قولي له انه حرام(امه تكشف طبعا لمن خطبتني جاتني متغطيه مانعرف لو اعرف ماتزوجته) قالتلي الحرمه تسمع كلام زوجها وانه ترا لو علمتي اهلك ماينفعونك وتخيلو راحت علمته وجا البيت وصفقني والله سكت وكنت حامل بالسابع المهم استمرت حالتي بتدهور وبعدين مرضت وتنومت بالمستشفى وجاني وجلس يبكي ويقول يحبني وحمدت الله انه تعدل وكان اليوم الثاني حفله تخرجي وطبعا بقاعه ,المهم كان يترجا الدكتوره انها تسمحلي اروح ورحت وامه حضرت كنت محتاجه اشوف الناس ويشهد علي الله اني ماسويت شي بامه حتى كانت جالسه مع امي وخواتي طبعا لمن خلص الحفل قالت امه بتخلي زوجي يوصلها وانا قلت طيب انا اخوي يرجعني المستشفى تخيلو الدكتوره انبسطت على حالتي وقالت تقدري ترجعي البيت المهم رجعت من البيت لقيته معصب وقام يهددني بالطلاق قال امي تقولي انك تضحكي مع صحباتك وترقصي وانك ماجلستي معاها ياناس وش اسويلها يعني والله ومرضت من التعب مره ثانيه طبعا هو يصرخ باعلى صوت وفضحني مع الجيران وكذا حياتي وطبعا هذي الاشياء اللي اتذكرها .واخر شي امس عاقبني عشان ماقمت بدري ونظفت البيت وانا ولدي صغير عمر ه 4 شهور قلتله طيب بس ارتاح اقوم قال طيب راح لامه ورجع ووجهه احمر ومعرق وقام يجرني بيدي ويقولي روحي لاهلك ياوصخه قلتله ماني وصخه وراح يفتش بالبيت ما لقى وصاخه بس استمر يجرني بقميصي وينزل شنطي ويحط ملابسي وقالي يالله انا بوديك وبنزل ولدي لامي انا خفت عشان ولدي وتحملت وقلت لا انا ابي بيتي وزوجي ماراح اطلع قال اطلعي غصب رحت ابي ادق على ابوي قال لي لا انا باخذ ولدي واتركك ولمن اطلع دقي عرفت انه جبان رحت سلمت على يده وقلت خلاص بتعدل وانا مادري على ايش قال خلاص مالك الا فرصه وطبعا داخلي بركان ليه الاهانه انا بشر والله لو شغاله واحد طردها ماتجلس دقيقه . دقيت على امه وقلتلها ياناس قالتلي عادي اصبري الرجال كذا وقالتلي لو يطلقك ياخذ ولدك ويسفره كندا عند اخته انا حسيت ان الله انطقها وعرفت نوايه الخبيثه المهم مر اليوم وانا افكر وادعو الله وجا الصبح ودقيت على ابوي وطلعت من البيت وتركته وجيت عند اهلي حالتي صعبه وبس ابكي عى حياتي والله صبرت المهم هو اتصل مره وقالي ليه مارحتي لمن طردتك امس قلت مادري وقالي بجي العصر امر اخذ ولدي قلت طيب لكن بداخلي اقول والله على جثتي المهم بعدها قفلت جوالي وهو ماتصل على اهلي ارجوكم انا ايش اسوي .. يقدر ياخذ ولدي لانه مجرم واخاف يسفر ه |
اختي اول شئ اعتراضي على العنوان
الصبر ربي امرنا به وان شاء الله ربي مايخيبك بالنسبة لزوجك فهو شخص امه مسيطرة عليه وولدك خليه في حضنك وماحد يقدر ياخده منك باذن الله لانه الطفل يجلس مع امه وهذا حقها |
تم النقل إلى قسم المتزوجين.. |
انتي سنحتي لنفسك بالاهانة من الأول ..
لااااااااااااا طاعة لمخلووووق في معصية الخاااااااااااااالق .. من الأول ليش سمعتي كلامه وكشفتي وجهك .. انتي مو ضايعة .. عندك أهلك حتى لو طلقك تجلسين عند أهلك معززة مكرمة أحسن من تعيشن مع واحد كل يوم وهو يهاوش ويهدد بالطلاق ويذلك .. زوجك يسمع من هنا ويطبق من هنا .. وولدك شرعا لازم يصير معك غصبا عن اللي ما يرضى .. فيه محاكم توقف معاك .. الله يكتب اللي فيه الخير لك .. ادعي لنفسك .. وما راح ننساك من الدعاء .. |
غلطاااانه يوم طعتيه وكشفتي وجهك !!
مين الأولى بالطاعه هو ولا الله سبحانه وتعالي الله لايكثر من أمثاله وولدك مايقدر ياخذه بأذن الله ولاتنسين الدعاء والأستغفار حبيبتي الله يعين كل واحده أبتليت بمثل هذا الذكر أستغفر لله العظيم وأتوب أليه |
الله يعينك اختي الولد مايقدر ياخذه لوينقز
قدامكم واذا مايبغاكي خلاص ارجعي لي اهلك معززه مكرمه ولاالاهانه الي تشوفها منه والاعياذبالله منه رجال والله يوفقك ان شاء الله |
^^
^ ^ ^ ضحكتني جملة لو يناقز قدامكم حسيتها طالعه من قلبك:) ربي يسعدك |
لا تخافي على ابنك
ما راح يقدر ياخذة لو يطول السماء واياك ثم اياك ثم اياك يقول لك باخذ ولدي كم ساعة عشان اهلي يشوفونه اللي يبغي يشوف ابنك يجي عندك البيت الغلط يا اختي انك سكتي من اول الامر كان المفروض انك على طول بلغتي اهلك بتعاملة معك عشان يوقفونه عند حده اسمعي كلام اهلك ولا ترجعي له الا بضمانات كبيرة جدا |
عزيزتي يا حلوة تمسكي بولدج "بأضافرج وأسنانج " ولو يسوي اللي يسويه ما يقدر ياخذه
أهلج الحين هم نقطة قوتج وعجبتيني لما هديتي ا|لأمور بينج وبين زوجج وبعدين رحتي بيت اهلج مع ولدج عشان ما ياخذه خلي اهلج يتفاهمون معاه وانتي اهتمي بولدج يحليله بعده محتاج لحنانج ربي يحميكم من الشر قوليلنا شو صار |
اعوذ بالله من كلمه باقولها كانت على طرف لسانى ..ان كان ما ذكرتيه مثل ما حدث صدق انه لا يمت للرجوله بشى ...كيف تخلى زوجتك تكشف وجها لاخوك ....عجيب هذا الزمن اللى تكون الزوجه متمسكه وياتيها الزواج يحطم نفسيتها لكى تكشف والله عجيبه عموما عليك بابلاغ اهلك لانه الظاهر بيتفردون فيك باسلوبهم هذا وخاه امه
|
كان الله في عونك ..
زوج مثل هذا العيشه معه تقصر العمر .. هذا انتم صار لكم سنه و نص و هذا هو طريقة معاملته لك فكيف راح تكون حياتكم بعد 5 سنوات او 10 سنوات .. انت ماذا تريدين الان .. هل تريدين ان تواصلي معه الحياه ام تريدي الانفصال ؟؟ |
إسمحيلي ماعنده سالفة
|
هذا ديوووث
الطلاق منه نجاه من غضب الله تحمدي ربك لد واحد ولا نص درزن الطلاق من هذا والله لهو قمة الشرف |
ولد عمره 4 شهور يسفره كندا هذا مجنون ....
|
عزي نفسك تلقينهاا
شكله شايفك متمسكه فيه وفي ولدك صار كل شوي يهدد بالطلاااق روحي ل اهلك الطلاااق ارحم من عيشته وولدك بيكون معااك شرعاا وقانونا حنا مو عااايشين بغااابه |
يا اختي انتي الغلطانة من الاول ليش ماتغطي شعرك قدام اخو زوجك حرام المهم ماعلينا الي فات مات
اولا دا انسان مستحيل الوحدة تعيش معه ثانيا اطلبي الطلاق لانو العيشة في بيت اهلك احسن مليون مرة من العيشة مع ها الاشكال . |
شكرااا على تفلعلكم معي وكلامكم وربي اثلج صدري وجزاكم الله خيرررر
انا الان عند اهلي وهو ولا اتصل لا على ابوي ولا علي . انا مادري ذحين لو طنشني كم يبيلي عشان اطلب الخلع وجزاكم الله خيرررررر |
داومي على :
اللهم اكفنيهم بما شئت أنك انت السميع العليم ( وجعلنا من بين أيديهم سدا ومن خلفهم سدا فأغشيناهم فهم لا يبصرون ) وأقرأي سورة البقرة كاملة كل ليلة .. ولا تنسي صلاة القيام أثرها عجيب |
اختي
اول شي هذا النوع من الرجال جبان بكل ماتحمله الكلمة من معنى واي رجال شورة بيد مره لوكانت امه اغسلي يدك منه الشي الثاني... الغلط راكبك ن راسك لساسك انت من الاول سكتي ... وهذي غلطت عمرك هالنوعية ن الرجال لازم تورينه النجوم في عز الظهر اختي العين بالعين والسن بالسن والبادي اظلم خليك قوية وثقيلة شوي عطيه اشكل لاترجينه ولا تهتمي فيه لانه مثل الاطفال ماعنده غير لسانه وابشرك ولدك مايقدر ياخذه ...اذا كنت داخل السعودية.... لان النظام يقول الولد يتةرك مع امه حتى يبلغ ومن ثم يخيربين الاب والام الشي الثاني دخلي اهلك بالموضوع فوراً وحاولي تختاري احد اخوانك الشباب الاكثر جراءة واقدام للتفاهم معه اهم شي لاتسكتين عنه واذا قال بطلقك قولي له طلق.... صدقيني مارح يقد ر يسويها... ولو سواها.... رح يرجع يبكي... ولو مارجع الفكه منه غنيمه تحياتي |
اقتباس:
خليك عند اهلك... ولاتفكرين فيه اكيد بتشوفين... شعوره تجاهك... بعد فترة بس لاتستعجلين اصبري شوي |
اخوانى واخواتى الاعضاء
تحية طيبة ..وبعد... بالامس كان ردى على الموضوع ..ولما ذهبت الى البيت وخلال انشغالى باحولى ..جائنى حاجس يقول لى هل تظن من حقك انك تتلفظ على شخص ما حدثة بينه و زوجته اشكاليه و تنطق بانه ليس لديه رجوله ..الى اخره من الالفاظ !!! فقلت فى نفسى لا يجوز لى ذلك ....اى نعم قد اتفعال مع الموضوع ...,لكن ليس مقابل ان اقع فى غيبة او عرض شخص اخر لا اعرفه ولا يعرفنى ...فاقول الله يغفر لنا ولم وقعنا فى اعراضهم من باب اننا ننصح للطرف الثالث . اذكر نفسى واذكركم |
اختي دلع الله يعينك.....امي تقولك الولد ولد امه ما احد يقدر ياخده منك اهم شي تطلقي منه والله يعوضك خير منه ولاتخافي من كلام الناس ما دام انتي على حق قبل لا تتورطين ويصير عندك بنات واللــــــــــــــه يساعدك ويوفقك على قرارك ........
اختك زيماسه |
لاحول ولا قوة الا بالله
الله يفرج همك يااااارب اصعب شي لمن يكون الزوج ولد امه اكبر غلط فعلا السكوت من الاول قرات مشكلات كثيرة في المنتدى بدايتها التحمل والسكوت بس اتعلمت اشياء كثيرة ان شاء الله تفيدنى مستقبلااا |
حبيبتي
اغسلي يدك دااااااااااااااااامه يسمع كلام امه ...!ويجيك ثاااااااااااير رجاااااااااااااااااااااااال والنعم...!!!! وشوفيه الان لادق ولا شيء !!!! انتي عقليه....ربيه .... انتبهي علئ ولدك ...لايجيء بعد ايااااااااااااااام ويطلبه من اهلك ...! انتبهي انتي قؤلي لاهلك انه قالت امه تحملي زوجك ولا يسفره عند اخته !!!!! واذا صار فيها محكمه قؤلي للقاضي ماقالته امه لك....... وقؤلي هذا سبب منعي انه يأأأخذه مني !!! والقاضي بيكتبه او يعطيك ضمان مايسفره ولا شيء....................انا مافهم بلمحاكم لكن الاكيد مستحيييييييييييييل يااخذ طفل رضيع من احضان امه ..... والاهم لاترررررررررجعيييييييييييييييييييييين انا قهرني بس الله لايسامحه ويسخر له واحد ظاااااااالم يذؤقه ماذؤقك لان رحمتك ياقلبي انتي! يؤم سلمتي علئ يده الله لايرده حسبي الله عليه الاهم هو اظن علئ باله بتدقين وتترجينه انه يرجع لانه مادق ولا شيء حتئ انتي مادق ؟؟ كله يبي يثقل!!حبيبتي اثقلي وخليه يتأدب الله لايسامحه الله له. |
السلام عليكم .... اختي اولا ماعاد يفيد اننا نلومك على خطأك من البدايه وبرضو ماتنلامي لانك كنتي تحبي زوجك وجاهله في الحياه ...
اهم شي نصيحتي لك لاترجعييييييييييييييييييييييييييين ابد حتى لو يقدم لك الدنيا كلها لان اللي هذا اوله ينعاف تاليه واخاف تندمي لما ترجعي ويجيلك عيال اكثر ... خلاص الحياه مع اشباه الرجال ماتنطاق شوفي حياتك وانتبهي لشبابك وعمرك من اوله وايااااااااااااااااااااااااك تعطيه ولدك يجي يشوفه اوكي ويكون معاه احد من اهلك ......... انسي هالانسان للابد لانه مو كفو ومو انتي اول ولا اخر واحمدي ربك انه واحد وتطمني الشرع معاك ولدك معك لين يخيرونه... هو مااتصل عليك يفكرك زي اول انتي اللي تتنازلين وينتظر تنازلك له زي كل مره.. اطلبي الطلاق واذا ماطلق روحي المحكمه وقوليلهم سالفتك من اول وراح يجبرونه يطلق ... والله يفك كربتك عاجلا غير اجل وربي تعاطفت معاك جدا ((( سبحانك اللهم وبحمدك اشهد ان لا اله الا انت استغفرك واتوب اليك ))) |
جزاكم الله خيراااا ماتدرون قد ايش نصايحكم فادتني كثير
وطبعا ماتصل ولا شي وبالفعل تصدقون احس انه سوالي غسيل مخ ل\رجه انه اول ماجيت عند اهلي قلت لازم ارجع وبحاول معاه لكن بالفعل مثل ماقلتم انا بطلب الطلاق |
اختي العزيزه .... الله يكون بعونك ويفرج همك اتمنى تستخيري قبل تتخذي اي قرار وطمنينا عليك ....
|
عزيزتي كوني واثقة بالله انه ماراح يكتبلك الا الي في خير بيده الخير كله
استغفري وكثري من الاستغفار اللهم اني استغفرك واتوب اليك قولي لااله الا انت سبحانك اني كنت من الظالمين وادعي الدعاء الله بدك اياه كثري من قول حسبي الله لااله الا هو عليه توكلت وهو رب العرش العظيم ان شاء الله الله بفرج همك ابنك من حقك لاتتنازلي عنه من حقك تطلبي الخلع بسبب تصرفات زوجك لاتسمحي لزوجك ياخذ ابنك لو يوم لو يبي يشوفه يجي لعندكم هو او اهله خليك ثابته انت على حق زوجك كثير كلام على الفاضي ان شاء الله مايضرك ادعي ربنا يبعد شره عنك وضلك قولي اللهم اني اجعلك في نحورهم واعوذ بك من شرورهم ان شاء الله بيسرلك امورك وببعد شرهم الله يوفقك تحياتي |
الله يصلح الحال
|
ياليتك من اول ما تزوجتي و شفتي طبعه طلبتي الطللاق قبل لايكون في طفل بينكم
بس ايش اقول نصيبك مقدر و مكتوب شوفي انتبهي انتبهي .. لو يجيك يبكي و يقول ندمان و احبك و من الكلام دا لا تسمعي كلامه و لا تصدقيه .. انسان زي كدا ما يتصدق تطلقي منه و انفذي بجلدك قبل لا يجيك اكتئاب منه .. و ابنك ماحد يقدر ياخذه القانون و الشرع بصفك لغاية ما يكون عمره 7 سنوات ... المهم ما تعطيه ياهم ابدا حتى لو زيارة و نبهي على اهلك كمان اذا حابب يشوفه يجي بيتكم و يشوفه و يكون و ابوك و اخوانك معاه و زي ماقالت همس لازم تقولي للقاضي الكلام اللي قالته امه بخصوص السفر لكندا ضرووووووووووري عشان تضمني انه مايسافر ابدا ربي ينجيك من شر هالظالم و لا يحرمك من ابنك يا ارحم الراحمين |
لم تحل مشكلتي ان موجوده عند اهلي وهو ارسل مسج يقولي البيت مفتوح لك لو تبغي ترجعي وبس
وش اسوي مع هالرجال المريض اتركه اطنشه ولا اطلب الطلاق ولا اصبر اللين بعد 4 سنوات واطلب خلع ولا ايش بالله افيدوني جزاكم الله خيررررررررر |
حبيبتي مثل هذا ينخاف على دينك منه قبل أي شئ ثاني
وبما انه لادين ولاغيرة هذا غير مساوئة الثانية فأعتقد الحياة بدون زواج افضل من زواج من مثله الزم ما عليك دينك على الاقل تسترجعي دينك اللي ضيعتيه بسببه لو انا في مكانك كان تلركته من اول يوم طلب منك الكشف على غير محارمك هذا دايووووووووووووث طبعا هذا مسماه في الدين . يا أختي لا ترجعييييييييييييييييييييين وطنشيه يا أختي إنجي بدينك وولدك من حقك ما يقدر ياخذه منك الشرع معك .. |
ياحبيبتي الله يهديك بس
انا مره كنت غلطانه على زوجي وطولت لساني حبيتين وهددني بالطلاق وقلت سامحني وترجيته اقسم بالله بعدها كل ماسويت شي لوبسيط قال بطلقك لكن انا وقفته عند حده وبينت له اذ انا مو مسويه خطاء بكيفك بعدها ماعاد رددها انتي سمحتي له من البدايه يسوي معك كذا لاضرر ولاضررا صحيح اسكت واحترم بس بحدوود وبعدين شلون الله يهديك وينور قلبك تعصين الخالق سبحانه وتعالى عشان مخلووق انا اقول استغفر ربك واخلصي النيه وتغطي ولاتكشفين ولو توصل للطلاق والولد مايقدر ياخذه في محاكم وفي شرع وهذ ولد مو بنت يجلس معك لين 7 سنين وبعدين يخير امه او ابوه واكيد بيختارك الله يفرج همك احس مشكلتك بضعفك قدامه الرجال ماينفع معهم الضعف |
| الساعة الآن 03:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©