|
زوجي يلتزم الصمت ولايجيب على اتصالاتي
السلام عليكم ورحمة الله وبركاتة صباحكم فل وكادي حبيت أشارككم في هذا المنتدى بعد ما أطلعت على بعض المواضيع وحابة أطرح عليكم ومشكلتي وبليز أريد حل.. مشكلتي مع زوجي إذا صار بيني وبينه أي مشكلة يرفض الحديث معي ويلتزم الصمت ولايجيب على اتصالاتي.. مشكلتي الأخيرة معه هي أبنتي حيث أني أعمل في مدينة وهو في مدينة أخرى فطلب مني أن تحضر أبنتي له عشان عندهم مناسبة عائلية في البداية كنت موافقة وبعدها غيرت رأيي بسبب أني أخاف على ابنتي من العين لأنها حركاتها كثيرة والناس في هالزمن ما تعطي خير. وبعد ما كلمني واستفسر هل ارسلت ألبنت أولا قلتله لا ووضحت له وجهة نظري بعدها ما كلمني وحاولت الإتصال به ولكنه لايجيب وأرسلي رسالة بأنه زعلان لأني ما أرسلت بنته له ووضحت له ليه ماأرسلتها ولكنه رفض تبريري له ودائما يقول لي هالكلمة "أنتي ما تسمعين الكلام" والله يشهد لي إني قايدة له أصابعي شمع بس ما أدري كيف أرضيه وألحين مابينا ألا رسائل وأدري إنه في داخلة ما هو مقتتنع باللي يسويه بس يكابر ولما سألته أنه مقتنع باللي يسويه رد علي أنه شي راجع له.. ببساطة هل في ردة فعلي واني ماأرسلت بنتي له غلط أو لا.. ساعدوني في مشكلتي بليز |
تم النقل إلى قسم المتزوجين.. |
ايه غلط.. الرجال فرحان ببنته ويبغا اهله واقاربه يشوفونها وانتي تقولين اخاف من العين.. عذرك مو منطقي اسمحيلي وعندك حالة منتشرة هاليومين اسمها هوس العين.. حبيبتي الوقايه من العين مو بالاختباء من الناس لا خطأ الوقايه من العين هي بقرائة الاذكار والورد وماعليها الا العافيه.. مالومه انه زعل يعني فرحان ببنته وهي ماهي عنده في كل وقت محروم منها يعني وانتي تكملنيها باعذار مو مقنعه..
|
اللي سويتيه ماله داعي بصراحة
الله هو الحامي وهو الواقي كان المفروض تحصني بنتك وتتوكلي على الله وترسليله البنت لازم في البداية تقتنعي إنك غلطانه وبعدين تعترفي لزوجك بخطأك مع الوعد بعدم التكرار وبإذن الله تنتهي المشكلة |
وعليكم السلام ورحمة الله وبركاته
مناسبة عائلية؟ إذا أنا فاهم كلامك فإنت تقصدين مناسبة فيها أهل زوجك يعني عمام بنتك وأجدادها والله أعلم يا أختي الكريمة إذا تخافين عليها من العين فأولا حصنيها بالأذكار وعوديها تحافط على المعوذات وآية الكرسي في الصباح والمساء ثانيا: الزوج يا أختي الكريمة يفرح لما يشوف عياله يشاركون أهله في أفراحهم هذا يفرح قلبه فلما يسألونه أهله وين بنتك؟ ينحرج يقولهم ما تبي تجيكم لأنها تخاف من العين ونفس الوقت يزعل فإنت تصوري هذا العذر لزوجك حتى تعرفين سبب صمته وتصرفه تخيلي هو اللي يمنع بنتك عن مناسبة عائلية خاصة بأهلك إنتي لأنه يخاف عليها من العين وغير كذا الأبناء يتعودون بعدين إنهم ما يشاركون أقاربهم في المناسبات فتصير قطيعة ويمكن يكبرون ولا يعرفونهم الله أمرنا نتوكل عليه ونعمل بالأسباب من أذكار وغيره ونتذكر دائما (قل لن يصيبنا إلا ما كتب الله لنا) فنصيحتي إنت بمعرفتك بزوجك تسامحي منه بأسلوب حلو حتى يسامحك وترجع المياه لمجاريها بإذن الله |
نعم يا اختي غلطانه
الرجال ينتظر ابنته وانت تقولين له اخاف من الحسد؟؟ كان حصنتيها وارسلتيها والله خير حافظ |
اقتباس:
أخي الكريم كلامك صح بس بنتي لسى صغيرة وما تفهم عمرها سنة ونص وحاولت أفهمه وجهة نظري بس مع كيذا ما هو راضي ما أعرف ايش أعمل له وبعدين يبيها تسافر له 700 كيلو صعبة أخليها بعيد عني كل هالمسافة عرفت كيف سبب رفضي |
والله يختي هو ابوها وحريص عليها وحركتك فيها من الانتقاص لقدره بشكل كبير جدا
يعني ما ارسلتيها بناء على اوهام ممكن تصير او ماتصير والاذكار بإذن الله فيها الكفايه سؤال ابي افهم شلون عايشين بعيد عن بعض؟ |
لحظه شلون بينكم سبعمية كيلو ويقول ارسليها؟ وهي حتبقى مع مين؟
|
اقتباس:
أحيانا يا أختي الاقناع بوجهة النظر لا يجدي في الارضاء استعيني بالله أول ثم استخدمي دلع الحريم واعتذري من زوجك وقوليله يا "اسمع دلع أو حبيبي" مو قصدي أعارضك إنت الأصل ولو تبي عيوني عطيتك اياهم وتحببي له بكلام حلو أو شي يحبه واعلمي علم يقين أن قلب الإنسان بيد ربه فاستعيني بالله وأرضي الله وهو بيرضيك في زوجك ثم بعد كذا سوي اللي قلت لك وتحببي لزوجك |
اقتباس:
طبعا هو يشتغل في مدينة وأنا في مدينة ولا الأقامة في نفس المدينة اللي أشتغل فيها مؤقت لحد ما يلاقيله نقل بأذن الله |
اقتباس:
وهو الله يهديه اخذها سالفة عناد وم راضي يقتنع ومايبي يرد على اتصالي بالله وينا فيه نتعامل بالرسايل |
ياناس البنت عمرها سنة ونص
بغض النظر عن العين يعني بعمر حضانة كيف ترسلها البنت مين ينومها ومين يغيرلها ابوها نظرته قاصرة والبنت ماتفارق أمها بهالعمر معليش حتى لو بنتي كبيرة ما أخليها تسافر أعتذر بلباقة وأجيهم بنفسي أخلي البنت تسلم على عماتها ترى الرجال مايفهمون بتفاصيل الأمور البنت بتصير بحلق عماتها ويالله الوحدة تشيل عييالها بذيك المناسبة الله يهديه زوجك اعتذري وبرري موقفك لأن اسلوبك غلط لما قلتيله أخاف عليها من العين |
اقتباس:
وأنا واالله العظيم ما كان قصدي على اهله كان قصدي الناس لأن كان عندهم ملكة والبنت لسى صغيرة وما بيها تكون بعيده عني وهو خذا الموضوع بحساسية زايده ومابي احد من أهلي وأهله يتدخلون في الموضوع عشان ما تكبر السالفة وهذا طبعه اذا زعل ما يكلمني لين يطيح اللي في راسه وأنا اجلس اكل في نفسي وعمره ما يحمل نفسه الغلط |
سنة ونص صراحة مرة صغيرة
كان قلتي بنتي صغيرة أفضل من إنك تقولي أخاف عليها من العين |
كان لازم عليكي تحصنيها بالادعية وارسليها له وكمان ليش متستقري معاه شغل ايه دا الي يخليك بعيدة عن زوجك 700
كيلو ويعني لو بقت جنبك مش راح تصيبها العين. في الاخير انتي غلطانة وزوجك معاه حق ,ربنا معاكي اختي. |
أرى في سطورك عناد ،،،
لذا بما أنك لزلت مصره ومعانده للأعضاء في رأيهم ،، فمن باب أولى أنك تعاندين زوجك ! لذا السبب الرئيسي ليس البنت .. أصلحها الله وحفظها الله لكم .. أنما هنالك مشاكل عده يعانيها زوجك وهذه النقطه احدها ... طيب .. عندي اسئله .. 1 - لماذا لم يحضر زوجك لأخذك و أخذ ابنته للمناسبه ؟؟ 2 - لماذا لم تذهبي مع من يريد زوجك احضار ابنته هل هو غير محرم ؟؟ 3 - لماذا لم تفهمي زوجك بأن البنت صغيره ولا تعتمد على نفسها و تخافين الناس ينشغلون فيها و ..الخ بدل العذر الغير مقبول .. ؟؟ 4 - لماذا لا تسكنين في مكان زوجك وتعيشين معه و ترتاحون من عناء ومشقه البعد ؟؟ بالنسبه لموضوع العين .. فالعين حق ولا شك .. ولكن الوسوسة بالعين مرض .. لذا حافظي على اذكارك و اعيذي ابنتك من العين و الشيطان .. واقرأي عليها .. والله خير الحافظين .. وفقك الله ... |
وعليكم السلام ورحمة الله أختي الفاضلة بصراحة أنت وزوجك تقاسمتم الخطأ وتكبير المشكلة بينكما فمن كلامك قلت أن زوجك طلب أن يتم إرسال بنته ، يعني أنت منت معها بتكون مع شخص أخر ولمسافة 700 كيلو .... وأنت بعيده عنها ... صراحة طلب زوجك بهذا الشكل غريب وعجيب وماله حق (إذا صح كلامك عن طلب زوجك) ومع ذلك أنت كذلك قابلت خطأه بخطأ؛ لما بررت رفضك بالعين ...!!!! وكأنك بشكل غير مباشر اتهمت أهله أو أبديت عدم الثقة فيهم وأنه لا يحبونك وإبنتك .... فهذا عذر وتبرير في غير محله .... ويزيد المشكلة ويـحورها لإتجاه يزيد الخلاف بينكما لذلك إذا كان طلبه إرسال بنته بدونك ، فكوني واضحة معه وقولي أن صعبة بنت بهذا السن تروح كل هذه المسافة بدون أمها ..... أو إضغطي على نفسك وإذهبي ببنتك لهم وبكذا تدحرين كيد الشيطان بينكما !!!!! وأظن أنه بيتفهم الأمر ، أو على الأقل يكون الخلاف بينكم في حجمه الحقيقي دون تكبير أو تهرب بحجج غريبة تزيد النار إشتعالاً بينكما والله يصلح حالكما ويبعد عنك كيد الشيطان عزوبي بس رجل |
حبيبتي
زوجك غلطان كيف يخلي بنت بعمر سنه ونصف يعني مثل عمر ولدي وسفر 700 كيلؤ وهذا مافهمته معليش لو بنفس المدينه صح!! لكن بعييييييييييييييييييييييييييييييييييييييييييييييده المدينه والله بعيده اذا 700 وييييييين!! لا وبعد عشاء ملكه !! ياناس كلن لا الجده ولا العمه ولا غيرها بيكونون ملتهين بلحفله والبنت من يأكلها ويغير لها ويهتم بها وينومها !!! انتوا الي تقؤلؤن الخطا علئ الام انها رفضت !! والله لو عندكم عيال بعمر هلبنت كان عرفتوا ....... لكن يااختي لو اخذتي عذر افضل واقنعتيه !!! او انك حضرتي انتي مع بنتك ومنها تشؤفي زوجك..... لكن مع الام حق بلرفض الاطفال يتتعبون اصلن من الازعاج والزحمه .... فما بالكم بطفله لاام تفهمها ولا تهتم بها اصلن البنت بتفقد امها !!!حرام لكن اكيد ابؤها اشتاق لها ماعليك الا تسافرين لعند ابؤها وتفاجئينه بجيتك انتي وبنتك صدقيني هو ماصدق يبي بنته يشؤفها !! حرام لاتحرمينه.... |
ليش ماجاء ابوكم واخذكم انتي والبنت لان المناسبة كبيرة واعتذري من العمل يومين مب ضار ولا ما عزموك
|
زوجك مارح يطيح اللي براسه إلا إذا اعترفتي بأنك غلطانه
ومو عيب اعتذري بشدة وقوليله بالعربي اللي بقلبك وخوفك على بنتك وقوليله انا مستعده اجي بنهاية الأسبوع وارصيك |
والله ما الومك
وتصرفك بعدم إرسال بنتك صحيح وش الي سنه ونص وتسافر لوحده بدون أمها واحمدي ربك انها ما راحت والا كان انهرتي بالبيت خوفك من العين قلق داخلي على بنتك يعني انتي خايفه تبعد عنها وتركزت أفكارك على العين والي يقول هوس وما أدري ايش هذي حقيقة الي يعاني منها يصير يفكر فيها بشكل كبير والي ما جربها يستهين فيها لكن هي شي موجود والله يحمينا وأزلادنا من العين الغلط الي اشوفه انك ما بلغتيه وأقنعتيه قبل حاولي تراضينه بالرسائل الحلوه والله يصلح الحال |
طريقة رفضك كانت تنرفز شوي.. يعني تقولين ايه برسلها بعدين تطنشين وما ترسلينها ماهو اسلوب بصراحة.. المفروض كان بمكالمة واتفاق بينكم وما تسكرين منه الا وهو مقتنع انها ما تجي يعني لازم تتناقشون وتوصلون لحل مو تقولين طيب برسلها وتسحبين عليه..
كل شي بين الزوجين المفروض يكون قرار متفق عليه من الطرفين.. انا ضد ان الزوج يفرض ارائه وضد ان الزوجة تفرض ارائها.. لازم تعترفين له بغلطتك وانك المفروض استشرتيه واقنعتيه وتعتذرين.. هذا رأيي.. |
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©