|
هل أعطي زوجي من مالي؟
السلام عليكم ورحمة الله وبركاته ..
الأخوة والأخوات الكرام .. هذا أول موضوع لي في هذ القسم بعد الزواج .. وأثق بإذن الله أنني سأرى آراء سديدة .. سؤالي كما هو في العنوان .. المعطيات : *لي راتب بسيط خاص فيني .. * زوجي دخله بسيط + ديون .. *لي قرابة 3 أشهر متزوجة .. * زوجي محناج للمال ونفسيته مررررة تعبانة ... * قدمت له المعونة عندما احتاج قبل 3 أسابيع تقريبا وقبلها كذلك قدمت معونة أخرى .. * منذ تزوجنا لا أطلب منه مالا أبدا... لأني أقدر وضعه المادي وفي بعض الأحيان أشتري ( المؤنة ) للبيت >> وهذا نادرا .. * هو خلوق وطيب وكريم ومتفاهمين ولله الحمد .. * طلب مني هذه المرة وأنا أعرف أنه محتاج أكثر من المرات السابقة .. لكني ضيعت السالفة .. استشرت صديقتي المقربة وقالت : لا أنصحك بإعطائه ,,, الرجل يحب ويحترم المرأة الي يعطيها ويدلعها ,,, إذا إنت ما تاخذين منه مصروف وتصرفين على نفسك هذا يكفي ... هو رجال ويدبر نفسه ,,, غير كذا إنت ما تعرفينه زين إلى الآن3شهور ما تكفي للثقة به مهما كان طيبا ,,, الرمح على أول ركزة ,,, إذا أعطيتيه بيتهاون يحل أموره بعد كذا .. خلك قوية .. الحقيقة محتارة .. قلبي موجعني عليه ولا أريد أن أتخذ قرارا وأندم عليه ... أن بانتظاركم لا تتأخرون ... دمتم في حفظ الله ورعايته .. |
السلام عليكم ورحمة الله وبركاته الحياة الزوجية هي متكونة من شخصين (جسدين) اصبحا روحا واحدة كيف تنادي الزوجة زوجها ياروحي...إذا ماكانت حاسة بهذا الاحساس زوجك يفترض ان تقفي معه في المرة قبل الحلوة ....وفي الحزن قبل المسرة.... نصيحتي لك ساعدي زوجك اولا وثانيا ساعديه على تسديد ديونه انت بهذه الحالة تدفعين زوجك الى طريق الديون وانت لا تشعرين وفي النهاية هذا زوجك وانت اولى وأجدر بالوقوف الى جانبه من غيره هذا قريبا سيصبح ابا لاطفالك....هذا قرة عينك ساعديه .... وأجرك عند الله واتمنى لك التوفيق |
اممممممممممممممم......
طيب ابسئلك انتي تصرفي علئ نفسك ؟؟؟مثلا من مشتريات وملابس وبنظري هذا حلو مادام انك عارفه وش هي ديونه ....وتساعدينه وهذا شيء حلو ........ ولدي سؤال اخر انتي ليش اعطيتيه بلامرات الماضيه مبادره منك او طلب منه!!لان في فرق....؟ يمكن طلبك لانه معتاد انك تبادري بأعطائه المال وكان بلامكان هو يحل الازمه ...وانتي بادرتي والان هو محتاج ولم يجد مبادره فااستغرب الامرر......وهذا اعتقاد مني ولا يتضح الامر الا منك وبعد اجابتك وانتي اعلم بظروفه.... وانتي ادرئ بزوجك واحتياجه وادرئ بحياتك معه ..... هل يستطيع ان يحل ازمته بعدة طرق..... ومن وجهة نظري اذا كنتي انتي تبادري سابقا .. لاتعودينه علئ هالشيء,,,,,, هو طلبك الان فلبي الامر لانك بتوقفين معه وتساندينه ومابينسئ هالشيء صدقيني مابينسااااااااااااه .... واتوقع مافي رجل يطلب من زوجته فلؤس الا وهو مضطر ..... لانه يخجل وهو ماامور بلنفقه عليها......طبعا الا من رحم ربي.... ساعدي زوجك والحياه اخذ وعطئ ...... ودامك مرتاحه معه واثنيتي بااخلاقه فهو يستاهل وانتي قلتي راتب مو كثييييييييييييييييير وديؤؤؤؤؤؤؤن!!!!! وماطلبك الا وهو محتاج....صدقيني بتكبري بعينه.....واما صديقتك شكلها ماقد تزوجت او متزوجه من رجل تاخذ حذرها منه ومن تصرفاته......لاني حسيتها حرييييصصصصصصه... ولو انا والله لااساعده. |
تبغي نصييييييييحة من تجربة !!!!?????
ترى انا اول ماتزوجت كنت مثلك وكتبت نفس سؤالك هنا في المنتدى والاعضاء مانصحووووووووووني وماكنت مقتنعة واستخرت وقلبي ضاق سبحان الله والحمد لله اني استشرت الاعضاء هنا اختي 1 - الرجال ترى شااااااااااطرين باظهار الحزن والضيق والانكسار اذا شاف فلوس بيد زوجته وانت لسى ترى ماعرفتيه صدقيني ماعرفتيه ٢ - قسي قلبك خلاص خليه يتعود يشيل مسؤولية البيت خااااااااصة انكم في بداية زواجكم ووالله ماندمت على شئ اكثر ماندمت اني كنت مغفلة واهل زوجي يستغفلوني وكانوا يعلموه انه ياخد مني 3 - اللي يقولك زوجك ومازوجك .. فانا اقولك هذا الشئ اذا صار لكم فترة متزوجييييين .. بس موووووو دحيييييين 4 - راح تجيكم مشاااااااااكل بسبب الشئ هذا هذه نصيحتي وترى انا باساعد زوجي حاليا وقلبنا على بعض والحمد لله .. و بعد ما كان بسبب غلطاتي هذه في البداية كانت راح تدمر حياتي .. لاننا في الغربة حاليا بس اول لا ..ماكنا مغتربين.. |
واللي تقولك ساعديه - غالباومااقصد احد - تكون تحكم وتقيس على زوجها
لانهاجربته وعاشت معه سنوات وخلاص تعود يصرف عليها لكن خذي نصيحة من وحدة بنفس ظروفك والله اعلم اكرررر .. باقول كذا لاني حمدت ربي انه بيوم من الايام بعض الاعضاء هنا نصحوني بالشئ هذا وماكنت افهم شئ |
روح 2001
هذا ما يملي علي قلبي وأكثر من ذلك ولكن عقلي يقول غير هذ الكلام .. شكرا لك .. همس 2009 سؤالك مهم ويدل على دقتك في الحكم على الأمور .. والإجابة أني في المرتين السابقتين هو الي طلب ... مشكورة وما قصرت ... روح الطير ... كلامك مايمليه علي عقلي وما زلت في حيرة ... ألا ترين ياروح أن عطائك لزوجك في بداية زواجك رفعك في عين زوجك ... وكان من أسباب راحتكم الآن !! مشكورة عزيزتي ... |
اقتباس:
كفاااااااااااااية انها تشيل نفسها وبسسسسسس ديونه هو المسؤول عنها والله اني كنت راح اتورط واوقع على اوراق وقروض بس الحمد لله انه ربي معايا دايما .. العيب مو من زوجي بس كان هناك اللي يعلموه من غير ماكنت ادري ويشوفوا انه غصب عنك قريبتي كانت تعمل كذا وجابت اطفااااااال واول مازوجها جاته فلوس بدل مايعوضها ويسدد ديونها وقروضها اللي اقترضتها عشانه راح يسافر بفلوسه مع اصحابه للخارج ويوم طلبت منه يسدد ديونها لانه تسديد القروض تعبتها ومصاريف البيت طلقها بعد ٢٠ سنة عشان السبب هذا وامها تقول ماكنا ندري واول مرة بنتها تقول الحكاية وتزوج وصار يصرف للتانية |
رأي شخصي
وعليكم السلام ورحمة الله أنصحك ما تعطيه هذه المرة .... لكن حاولي تشجعيه أن يبحث عن مصادر أخرى حتى يغطي مصاريفكم والديون التي عليه .... فهذه المرة أعطيه بدل المال؛ الثقة والتشجيع أنه بإمكانه يتجاوز هذه الضائقة المالية .... وشجعيه وعززي ثقتك به وأنه قادر - بإذن الله - وإتركيه يبحث عن حلول لمشكلته ، وإذا طلب مشورتك فقدمي له ما تعرفين ... الله يقضي عنه دينه ويوسع له في رزقه عزوبي بس رجل |
عزوبي ...
أحس إني ما ني قادرة هو طيييييييييييييب جدا ... وما يستاهل إني ما أوقف معه ... وقبل شوي دق علي أحد محارمي وقال لي إني حولت لك على حسابك مبلغ وقدره ..... هدية الزواج ..أحس ربي راسلها عشانه ... ! ما أدري شلون أقوي قلبي! مشكور أخوي.. |
أنا يااختي اعطيتك نصيحتي...وانت ادرى بطبع زوجك
ولكن انت تعرفي زوجك اكثر....هل يحبك؟ هل يحاول اسعادك؟ لو انت وقعتي في موقف مثله هل سيساعدك ويعطيكي من ماله؟؟؟؟ فكري جيدا يااختي وتذكري انه زوجك وشريك حياتك ولم نطلق على ازواجنا (شريك الحياة) الا واننا متيقنين اننا نشاركهم ويشاركونا في السراء والضراء والله ولي التوفيق |
على فكرة أنا صليت استخارة ( أعطيه أو لا ) قبل ما أكتب الموضوع ..
وبعدها بساعة أرسل لي المبلغ على الحساب ألا ترون أ ن هذا ... يدل على إني أعطيه !! |
اصلا ليه تستشيري صديقتك بامور الشخصية بينك وبين زوجك
وبعدين انتي امنتيه واعطيتيه نفسك وشرفك وخايفة منه على الفلوس ؟ |
ملاك ..
اقتباس:
من ناحية تأمينه عل نفسي وشرفي يختلف عما أعنيه وعن (صلب الإستشارة) !! حيث أن القضية ليست في (حب المال والرغبة في امتلاكه) !! ولكن ما هو الأصلح في التعامل لحياة مستقرة !! شكرا لك .. |
من راي ساعدي لو بجزء بسيط والله يوفقكم يارب احس صعب واحده تشوف زوجها محتاج وماتساعدووا
|
اقتباس:
1 - نصيحتي لاختي دايما.. انه زوجي تراه مو زوجك والعكس صحيح .. بس نحن نقولك وانت احكمي مع نفسك.. ٢ - تحملي للمصاريف في بداية زواجي سببت شرخ كبير وجالسة اعالجه والحمد لله تشافيت تقريبا.. لانه تحول الى استغلال للطيبة وطمع من اهله .. مع اني كنت حريصة من البداية .. 3 - الرجال ترى راح يتعوووووود اقولها لك من دحييييييين وراح يشيل يده من المصاريف .. و بكرة يجيكم اطفاااااااال 4 - اللي خلانا الحمد لله دحين ماشييين تمام عشان النقاط اللي مشيت عليها: - ديونه هو مسؤؤؤؤؤؤؤول عنها وانت مالك دخل فيها - انك تشيلي نفسك وتصرفي على حالك ومايضر تساعدي مراااااااات مو دايما في مصاريف البيت بس مو في الاساسيات يعني مقاضي وكذا زي زيت ورز وفواتير هو يتحملها .. بس مثلا بسكويتات مكسرات هدايا صحباتك ولادة و زواج خلاص انت - ساعدتيه في دين .. اطلبي اثبات ????? لانه حجتهم دايما ديوووووووون وهم كذابين تلقيهم يصرفوا الفلوس على نفسهم وديونهم تجلس عشرين سنة ماتسددت خلاص مو هو الرجال? خلاص مو هو اللي تدين? خلاص يتحمل مسؤولية نفسه - كل مااحتاج فلوس قام اعطاك الكلام المعسول و عمل نفسه مكسور عشان قلبك راح يحزن غصب عنك و مايرضيك تشوفيه زعلان حبيبتي الرجال مو مثلنا - وانا قلت اللي يبري ذمتي لانه الغير موظفة وزوجها يصرف عليها.. ابدا ماراح تحس بالشئ هذا :) |
طيب هو عادي يطلب منك فلوس كل ما احتاج
مو كفاية ما يصرف عليك سؤال قالك بيرجعهم متى ؟ |
اقتباس:
أختي الكريمة أنت أعرف بزوجك وطبعه ولا نستطيع نعطيك نصيحة عامة قد لا تناسب وضعك فإذا رأيت أنك تريدين مساعدته بهذا المبلغ ،،،، فخبريه أن هذا هو المبلغ المتبقي والوحيد عندك ....:25: وحاولي تشجعيه وتطلعيه من المزاج السيء الذي يمر فيه..... حتى يتحرك ويشوف حلول لوضعه والله يقضي دينه ويوسع له في رزقه ويبارك له عزوبي بس رجل |
الديون اللي عليه مصاريف عرسكم يعني انتم طلبتم حاجات فوق قدرته ؟
بعدين فكرة عزوبي روعة قوليلا هذا اخر مبلغ عندي واصلا هو ما يدري عنه كفاية انك بتقوليله عليه |
مشكوووورة روح الطير وما قصرت ... كلامك صحيح ..
الله يقوي قلبي... ويوسع لنا في رزقنا ,, |
في الاخير
حالتي يمكن تختلف عنك بس انا مثلك كنت وجيت سالت هنا وكنت مقررة خلاص بس مع الاستخارة عرفت انه امه واهله كانوا يعلموه ويشوفوا انه اجباري علي اعطيه ومايخلوه يصرف علي واشياء كثيرة تكشفت لي وزاد الموضوع انه امه خلتني اوقع على اوراق ولغيتها الحمد لله و كنت باتورط بقروض وربي حماني وانت براحتك في الاخير بس لاتجي بيوم تقولي مايصرف علي ولاعلى الاطفال ونسي مساعداتي له ... etc و زوجك على ماتعوديه |
عزوبي ..
شكرا لدعائك .. أحاول أطلعه من المزاج السئ ... بس حقيقة مو جايب نتيجة معاه... أسوأ شئ عند الرجل عندما يشعر أنه عاجز عن الصرف ,, أقدر مشاعره جيدا ,,, ملاك .. لا أدري يا عزيزتي لما تخرجين عن مسار الموضوع ركزي قليلا !! لا داعي بأن أخبرك بتفاصيل ديونه فليست ( القضية ) هنا ... وبالنسبة لفكرة عزوبي ... هو يعرف أن هناك راتب ينزل شهريا ... يعني لو مر بأزمة ( مرة ثانية ) راح نعيد نفس السمفونية !!! شكرا لك ِ |
بنت مكة ..
حتى لو كان جزء بسيطا فسيعيد طلبه مرة أخرى .. شكرا لك >> رأيك يناسب قلبك فأنت طيوبة .. : ) |
ايش يعني عارف ان لك راتب يعني شكله بيستمر الاستاذ باخد الدين منك
صراحة معاها حق صديقتك برايها اشعر الان واعترف انك شاورتي حكيمة |
بدل أن تشككين في نواياه المستقبلية شاركية في الادارة والقيادة والتخطيط للمستقبل لأنكم كيان واحد وتركبون في سفينة واحدة واي تصدع في نصفها يغرق النصف الآخر .
المعنى ان تسألية عن حجم ديونه وترسمون خطة مسقبلية اقتصادية لمعالجة هذا الخلل في ميزانية الأسرة مع تحديد حد منطقي ومتوازن لمساهمة كل طرف في تحمل هذا العبء ، والمسؤولية الأكبر بالطبع تقع على كاهل الرجل . |
قوليله اعطيت فلوسي الشهر هذا لامي عشانها محتاجته وراح ترجعه ليا بعدين
بس معايا شوي باعطيك هو بس ترجعه ليا و جربي طيبته بيوم مايكون معاك فلووووووس و شوفيه كيف بيكون معاك لاتحكمي على طيبته معاك وانت معاك فلوس والاخوات اللي يقولوا الحياة شراكة فنحن عارفين الشئ هذا ونصيحتنا عشان تتجنب مشاكل مستقبلية |
اقتباس:
انا عملت كذا مع زوجي صح بس توقعي يقوووووووول بانه زوجها ماراح يقول لها لانه الفلوس راح تحلى بعينه والدليل انه طلب منها مرتين وراح يستمررررررررر يطلب لحد ماتتنفجر الاخت اروح اذاكر :24: |
التائه قلبه ..
هو يحتاج الآن ( مالا ) ليس من أجل الديون .. .. فالديون أقساط شهرية ماشية من راتبه لا تتغير... لكن لأنه تقريبا ما عنده شئ!! وبالنسبة للتخطيط فنحن نخطط لكن حقيقة هو بعيد عن طريقتي وإلى الآن لم يقتنع بطريقتي في التدبير الإقتصادي بس مو مشكلة ما زلنا في البداية مع الوقت راح نتفق بإذن الله ,,, وأنا شخصيا أرى أني تحملت عبئا بما أنني لا أطلب منه مالا + شرائي لبعض احتياجات المنزل بعض الأحيان .. شكرا لنصحك .. |
ربي يكون بعونك
ساعديه من باب اخد الاجرمن الله واطلبي ربي يعوضك بالجنة بوقفتك معاه هذا الحل الوحيد |
روح الطير..
بالنسبة لموضوع أعطيتها لأمي >>> ما أعرف أكذب ولا حتى أمثل الكذب ... ولا إني قادرة أقوله هذي فلوس ورجعها بعدين !!! أحس إنه يشوف إنه ما بيني وبينك سلف ,,,!! والله تعبت .. |
اقتباس:
اختي ساعديه بالمصروف لو صح ماعنده شئ .. بس لايتعووووووووود هنا الزبدة: ديونه هو يسددها + لايتعود كل شوي على راتبك خليه يوفر شوي ويفكر كيف يحسن من الدخل مثل ماقال الاخ عزوبي |
انا قلت بردي الساااااااااااابق......!!
حاولي انه مايتعود .... انا اولا علئ بالي انه لتسديد الديون مساعده منك بسيطه لكن دام الديؤن توخذ من الرااااااتب فليش يطلبك !!!يعني انتي شؤفي لايش يحتااااااجها ؟؟ وشكلها لشيء مو اساسي وضروري ....دام انها مو من الدين .... اذا قدرتي تقؤلي وش يحتاجها فيه فقؤلي !!لاجل نحكم صح.... وبعدين انا يااختي روح الطير لم اعمم ان الرجال كلهم ياخذون من زوجاتهم للضرؤره قلت الا من رحم ربي ....يعني بعضم الله يهديهم وبس .......ولي اقارب ياخذون رواتب زوجاتهم غصب !هاه وش رايكم !!حسبي الله علئ كل ظالم الاهم لاختي صاحبة الموضوع انتبهي بس لايتعود يااخذ منك وانتي صرفيه بئي شيء قؤلي امي عطيتها او ..........زالخ. |
رغم طيبته يجب أن لا يتعود يطلب منك هو رجل ويتصرف وعليه ان يبحث عن دخل آخر مثلا وظيفة مسائية
ورأي صديقتك عين الصواب 0 ومن تجربة شخصية الرجل لايحس بقيمة المراة التي لا يصرف عليها |
.......................
|
أنت تستشيرين في موضوع صعب للغايه ؟؟
حيث أنك أنت اعرف الناس في زوجك .. فأن كان يتصف بالاتي : 1 - رجل ذو دين .. 2 - كريم وخلوق و معطاء اذا لديه مال .. 3 - يحترمك و يقدرك .. 4 - تعرفي أنه صادق .. أن كان يتصف بذلك كله .. فأني أقول لك .. أنت أدرى الناس بزوجك .. فأن كان يغلب على ظنك بأن وقفتك معه ستزيدك حبا و احتراما وسينظر لك بأنك وقفه بجانبه ... فأعطيه هذه المره و حاوريه و شجعيه بأن يسدد ديونه و اتفقوا على آليه لذلك .. و أن كان يغلب على ظنك بأنه يرغب بالمال فقط ولا ينظر إليك والى وقفتك .. فلا تعطه المال بل اعطه مبلغ بسيط جدا و قولي تصرفت براتبي و ألا أعطيتك .. :: هذا و أقول صعب على الرجل أن يستجدي المال من امرأه ...صعب و صعب و صعب .. ولكن قد يكون زوجك من النوع الذي ينظر للحياه الزوجيه أنها شراكه و ...الخ . وهذا ما أعارضه .. أسال الله أن يغني كل محتاج و أن لا يحيجنا و إياكم لأحد من خلقه .. |
سالتيني سؤال وماقدرت اكمل مذاكرتي لحد مااجاوبك للامانة :)
زوجي الصراحة وبصدق دحين اللي الحمد لله بالفعل :22: ربي مايضيع اجر احد وكنت اعملها لله .. بس صعب يوم تحسي انه احد يستغل طيبتك ومجرد مايجيه شئ يفكر بانانية .. ومو واحد وبس ???? لاااااا .. بتخطيط مسبق من الكبير للصغير. بدون مبالغة اقولها :29: ------------------------------------------- بس متى صار الشئ هذا.. يعني حسيت انه الامور تحسنت وبالفعل زوجي يحاول يثبتلي :14: بديت احس انه زوجي بالفعل قدر قيمة وقوفي معه في وقت الكل تخلى عنه ???? يعني الزبدة: صح وقفاتي معه جابت نتيجة ايجابية حاليا بس بعد ايش ? - بعد ما كنت اتمنى واتخيله بيعوض تعبي من غير مااتكلم - بعد ماانصدمت باللي قلتلك عليه ومريت بصدمات وفقدت الثقة والامان - بعد ما وصلت لمرحلة قسيييييييت قلبي و لا زماااااااان كنت مثلك استحييييي و احزن و اتعاطف ووووالخ و الحمد لله اني من الناس اللي اسيطر على نفسي و عشان كذا قلت لك هناك شرخ و رممته الحمد لله بعد ماتعلمت :) ------------------------------ و زوجي يستاهل و الحمد لله كل خير .. بس الغلط مني من البداية انا كمان كنت مثلك <- ترقعها ههههه :d لو فيك حييييييل ونفس طوييييييل .. اعملي مثلي :) زوجي كانوا اهله مسيطرين على تفكيره انه زوجتك تصرف عليك وانت تصرف علينا و كله ماضي و الحمد لله عالجت مشاكلي بنفسي و كل شئ بنتعلمه من الحياة و التجارب ;) |
اقتباس:
و زوجي دحين صار كذا والحمد لله يوم تكلمت كم مرة وتعبت وانجرح قلبي وووووالخ :29: بس المهم في الاخير النتيجة :22::14: و راعيت انه الوسط اللي كان يعيشه عندهم مبدا مختلف تماما سبحانك اللهم وبحمدك اشهد ان لا اله الاانت استغفرك واتوب اليك:24: |
حقيقة ضاق صدري من اغلب الردود في الموضوع ولا يلومني احد على هذا لاني اقرأ لهجة غريبة جدا لا افهمها ... لهجة لا تصلح ان تكون لغة بين زوجين فانا ارى ان الزواج علاقة اطهر واكثر قدسية من ان ندخل فيها مثل هذه الحسابات حسابات مالي ومالك حصتي وحصتك .. وكلمات مثل ..سيتعود على ذلك وستخسر ذلك من اقرب الناس للزوج حتى يطلب المساعدة منه ان لم يكن الزوجة والعكس صحيح !!!!! هل هي شركة نتقاسم بها الحصص ... ام زواج فيه الطرفان روح واحدة ومستقبل ومصير مشترك !! ان كانت شركة فانا سافهم ردودكم .. ام ان كان زواج كما نفهمه وكما فهمه اباءنا واجدادنا وجبلت عليه فطرتنا فانا اقول وبملئ فمي ان كل امرأة لا تساعد زوجها وتقف معه وقت محنته فانها تفقد اكبر فرصة لتثبت لنفسها ولزوجها ولربها قبل ذلك انها وبكلمة واحدة زوجة وليست بزنسومن تبحث عن مصلحتها فقط ... لماذا ننظر للرجل على انه الطرف الذي يجب عليه ان يقدم ويتنازل ويعطي ويتعب ويتدين وربما ينذل ويهان وكل هذا من اجل الحفاظ على كرامة ومال ومكانة الطرف الاخر وهو الزوجة التي حتى وان وصل حال زوجها الى الذل وهم الدين فلا يجب عليها ان تحرك ساكنا .. بل ربما تزيد عليه همه وتطالبه بحقوقها كاملة بغض النظر عن احواله ... هل هذا منطق ... حقيقة وفي ظل هذا المنطق لا نستغرب هذا الكم من المشاكل في الاسر وان كانت اسباب البعض ان الزوجة لا تعرف زوجها تماما لهذا يجب ان تحذره .. فاقول ...ان هذه المصيبة بحد ذاتها .. فكيف تتزوج المرأة من لا يعرفون اخلاقه ولا دينه ولا طباعه.. هل تزوجت رجل من الشارع تقدم لها لا تعرف عنه شي ؟؟؟؟ بالطبع لا وليس هذا حال مجتماعتنا اطلاقا ... واذا فرضنا ان الزوج لا يستحق المساعدة .. فانا لا اجد هذا عذراً ولا سببا يبرر ان تترك الزوجة زوجها في ازمته ولا تكون اول من يساعده . |
اختي ام الجود
الحياة مشاركة ولا ماكانت الوحدة وقفت مع زوجها وساعدته طيب اذا كان الرجل اخدها بمفهوم اخر فهل تبقى الزوجة على سذاجتها ونحن قلنا لها تساعده بس لا تشتكي بعدين انها هي اللي شايلة مصاريف البيت وزوجها لا .. مو كفاية عليها شايلة مصاريفها وتساعد في البيت ولا تعودنا خلاص اننا ننظر بانه المراة مجبرة على كل شئ ومالها حقوق وتضحي كل شوي و بينما الرجل معذور في كل شئ والرجال قوامون على النساء بما انفقوا من اموالهم وجهة نظر :25: |
اقتباس:
الرد في الاقتباس اعلاه وتبقى وجهة نظر |
انا متزوجه ليا 4 سنوات
اول ما طلب مني زوجي فلوس كانت بنتي عمرها 4 شهور وطب 2000 واعطيته ورجعلي هيا بطلوع روح لكن طلب مره 2 و3 و4 بس ما اعطيته غير مرتين ورجعلي هيا غير كذا اذا طلب ويكون جدا محتاج يطلب بس مو اكثر من 100 وانا اكثر من 100 ما اعطي وعلى فترات لانه رجل وعتمد على نفسه انا شايله مصروفي وهوا شايل مصروف البيت فخليك قويه ولا تعط كل مره مو ماتعطي ابدا لانه ححس انك انانيه وماتقدري ظروفه |
| الساعة الآن 07:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©