|
نكدية زوجي..أحتاج مساعدتكم..
السلام عليكم ورحمة الله وبركاته
سؤال.. إذا الزوجة خلاص أمتلت من زوجها من المواقف اللي تصير ولاعاد له بقلبها أي رصيد هي تحترمه وتقدره وهو يذلها ويقسى عليها تحاول تراسله وتحاوره يقتل كل كلمة قبل لاتولد منها بكلماته القاسية .. وعدم اعترافه اصلا بوجود مشاكل>>لأنه طبعا مرتاح وربي اني أحيانا أحس بالكلمة تموت قبل لاتطلع مو تموت لا ترجع وتبقى بصدري لأني عارفة انها راح تلاقي تصدي وترجع عشر بدال ماهي وحدة وبعدها يبدأ بطريقة سخيفة لإرجاع المياه لمجاريها يبدأ يتطلب>>لأنه عارف اني أحترم حق الطاعة له ويبدأ يكلمني وكأنه أصلا ماصار شيء وإذا شاف ان هالحلول ماسوت شيء يزيد من الكلام القاسي والمذلة والاستهزاء ويرجع الاخطأ كلها لي وطبعا لو بتكلم كلمة على طول يصير الخلل مني اني حساسة ولا اتحمل والحريم طبعهم كفارات عشير.. وحتى دموعي مالي حق فيها لو بصيح أيضا بنال حقي من رمي الكلام وان دموعي على الباب ..طيب خلني ابكي على كيفي مالك دخل.. بفضي شوي.. طبعا الحين خلاص انا صرت أمثل اني طبيعية وعادي بس بقلبي كلام كثير وعتاب لأني أبد مو راضية عن تصرفاته كل هذا ولد عندي إحساس ميت نحوه صار ابدا مايثيرني ولا أشتاق له وإذا شفته أشيل عينه عنه لأني صرت اشوفه قبيح ولا أتقبل شكله على أني مر علي وقت أموت فيه انا ماابي أعيش بهالشكل هذا زوجي حلالي أبي أعيش الهدف من الزواج مو بس تلبية طلبات وحمل وولادة وتربية أبي أصلح حياتي ومحتاجة أحد يساعدني زوجي للأسف ملتزم وأنا قبلت فيه على أساس ان الملتزمين يخافون الله بزوجاتهم ويقتدون بالنبي صلى الله عليه وسلم بالتعامل والله كانت جدتي تقولي تراه اسمر قلت عادي مايهم أنا بعيش مع شخص وجسد مو بس جسد وشيء يغطي على شيء أنا ماابي رومانسية ولا أبي هدايا كلها غاسلة يدي منها من زمان بس ابي تعاااااامل أبي تفاهم وشخصية راقية تقتدي بالرسول على فكرة زوجي يتأثر من بعض المحاضرات بس ماحصلت محاضرة تتكلم عن حسن التعامل مع الزوجة وتقديرها واحترامها لو عندكم قولها لي يتكسبون فيني أجر ماابي رومانسيات ولا كلام من غير ربط بالسيرة لأنه مايقتنع بكل شيء الله يهدينا جميعا أخيرا أنا اتعب إذا نزلت موضوع لأني أنشر غسيلي وأفتح دفتر حياتي للجميع بس رجاي اني ألاقي حلول عملية أرجوكم لاتبخلون على بأي حل تشوفونه مناسب.. وعلشان تكونون بالصورة زوجي من النوع اللي قلبه أبيض يعني مستحيل يشيل على أحد يثور بساعتها وخلاص حتى على اصدقائه وأهله شخص مسؤول وكريم مايحب الحوار يحب الطلعات وسوالف الشباب أنتظركم |
على فكرة
انا مو كاملة و أخطي بس هو ماعنده تغاضي أبدا على الفتفوتة تصير مشكلة |
سبحان الله كأني أنا اللي اتكلم
الفرق ان زوجك ملتزم وزوجي لاا واستخدمت اسلوبك بالصمت والتجاهل والحوار والرسائل الين ماتت مشاعري تجاهه الله يفرج همك وهمي ويهدي هالرجال لزوجاتهم |
اقتباس:
لأني أدور على حل والغريب ساعات أحسه يحبني بس ليش يعاملني بهالطريقة ماادري... خلينا نتضامن وندور حلول أنا ماابي اتطلق لعيون بناتي ممكن تقولون وينك قبل البنات للأسف هو ماكان كذا أولا سنتين كان جدا يحترمني يعصب.. يعاتب.. بس بأسلوب راقي بعدين صار يتغير شوي شوي أولتها انه لأني بذاك الوقت كنت حامل ببنتي الثانية وحملي سيء الحمد لله وكان وقتها يعتذر الحين لا اصلا الغلط راكبني من فوق لتحت وكل الأخطاء من وراي الله يعين يارب |
لا إن شاء الله مشكلتك ماتستاهل الطلاق
وضعك يختلف عن وضعي حبيبتي بس تشابه الطبع سبحان الله الله يسخره لك ولبناتك وانصحك لاتشغلي نفسك فيه اعطيه حقوقه كاملة بس لاتعاتبيه خلاص ويرجع من حالة ان شاء الله طبيعي الفتور يصير بأي علاقة |
اعملو مثلي حبيباتي اعترفو بجميع جراااايم الدنيا وقولو له اعداااااااااام
هههه لا لا ما حد يعمل مثلي انا غير اعرف طبع زوجي الله يعين بس اكثرو من الاستغفار وقبل دخوله البيت اكثرو من آية الكرسي لتبعد الشيطان المتربص لهم لينكدو حياتنا تقولو ابليس متربص لنا لا يشاهدون منا الا المساوء ولا يسمعون لنا او بالاحرى لا يصل صوتنا لهم دايما اردد ابليس واضع اصابعه في اذنيك حتى لا تسمعني حسبي الله ونعم الوكيل |
اول شي مشان المحاضرات اجمل المحاضرات هي للدكتور عمر عبد الكافي (البيوت السعيد) فعلا كلامه بيثلج الصدر
تاني شي حبيبتي ما تلاحظي من قراءة المشاكل بالمندى كل الرجال صايرين ظراف ولله انا زوجي ما بيسمح لي ابوسه و تركته على راحته خلاص... من كلامك زوجك قلبه ابيض وخير وسيلة بهاد الموضوع وحتى لو اخد وقت تعاملي معاه عادي جدا من ناحية الحقوق و الواجبات بس لا تتطلبي منه شي و لا تتكلمي معاه غير للضروة من غير عتاب...راح يشعر بالتغير و حمدي ربك انو بخاف الله لان مخافة الله هي الاساس و صبري عشان البنات و حطي ببالك معظم الرجال صايرين هيك ليه ما عم نعرف والله يحل مشكلتك ومشاكلنا كلنا |
:( والله شي محزن معظم مشاكل النساء على هذا النحو لا اعلم متى يصحو الرجل من غفلته ويمليء عاطفته زوجته :29:انا اعاني مثل ماتعانين ولكن زوجي يسمعني كلام جميل ولله الحمد عموما انا رديت اواسيكي ولايوجد لدي حل الا الصبر والدعاء الله يسخره لكي ويهديه ويجعلك قرة عينه ويصلح حاله للافضل اللهم امين ويهدي ازواجنا جميعا |
دائما الالتزام وحسن الخلق لايدل على لحية وثوب قصير ..
هناك مسبل وحليق لكن يعامل زوجته كما وصانا الرسول عليه الصلاة والسلام .. انا هنا لا اعمم بل بالعكس تماما الله يهديه ويهدينا جميعا |
اقتباس:
أنا جربت هالطريقة يستمر على هالتصرفات لين يطيح اللي براسه وساعاتها أصير خلاص انا عايفته ومليانه من التمثيل وكمان انا لي حق وصعب على الزوجة تمتص وتمتص وتمتص ليه يفش خلقه علي أنا مااعترضت على عدم رومانسيته مثلا علشان يكون العذر فتوره انا اللي مضيق صدري الخطأ اللي جالس يمارسه وبدون أي وجه حق والا الرومانسية والاشباع العاطفي آآآه حلم بعييييييد صار بس يداعب خيالاتي لما تضيق بي الحمد لله اقتباس:
وأنه الشيطان حريص يتأثر يوم واللي بعده نرجع أسوأ نسيت أرحب بعودتك ياالغالية لاتغيبي للمنتدى نكهة بوجودك اقتباس:
الحمد لله الله يسهل أمورنا أجمعين |
اقتباس:
قريت مشكلتك كنت برد ماادري رديت والا لا المهم أن الكلام الحلو والحركات ممكن اكتسابها مع الوقت والممارسة يصير خير بإذن الله عموما حبيبتي الله يخلي لك زوجك حتى الآن ماشاء الله ماأخطأ كله يهون ولا الخطأ والتعدي اقتباس:
وانا ماذكرت انه ملتزم لاجل أعيب فيهم فيهم الخير والبركة وانا لما قلت ملتزم ماكان قصدي اللحية والثوب لو تشوفي كيف لما كنت أسأل عنه ماتركت شيء ماسألت عنه لدرجة أبوي وأخواني وخوالي كل واحد من طريق وكل واحد حسب اللي يقدر يقيسه والحمد لله لقيت فيه صفات كثير حلوة بس التعامل ومو دايم يكون قاسي |
اقتباس:
حبيبتي الحل بالمصارحة في طلعة شبابية،، روحوا شاليه والا جاخور والا اي شي من هذا القبيل،، وقوليله وانتوا قاعدين تشوون او تطبخون او او او ... قعدي معاه قعدة مصارحة وبيني له شنو الاشياء اللي تحبينها فيه،،، ومدحيه،، وبعدين باسلوب مليان بالدلع قوليله سلبية وحدة بس،، وختمي كلامج بمدح بعد والله يوفقج ياربي |
الله يسير امورك
|
اقتباس:
حبيبتي الحل بالمصارحة في طلعة شبابية،، روحوا شاليه والا جاخور والا اي شي من هذا القبيل،، وقوليله وانتوا قاعدين تشوون او تطبخون او او او ... قعدي معاه قعدة مصارحة وبيني له شنو الاشياء اللي تحبينها فيه،،، ومدحيه،، وبعدين باسلوب مليان بالدلع قوليله سلبية وحدة بس،، وختمي كلامج بمدح بعد والله يوفقج ياربي ويوفقك يارب هو مشكلته مايحب المصرحة مايحب الحوار والكلام بس ردك قريته أكثر من مرة عطاني نافذة أمل |
اقتباس:
|
حبيت أقولك التطورات
انا على حالي كأن مابقلبي عليه شيء وهو صار يتعامل عادي كالعادة بس اللي لاحظته أنه يدقق بردود أفعالي كأنه حاس بالخطأ اللي صار واليوم سوا حاجة انا طلبتها منه الاسبوع الماضي ورفضها وهذي خطوة أعتبرها مهمة يعني الحمد لله فيه تقدم بفضل الله و مع هالتغير البسيط اللي صار مع تكريم جاني من الدوام اليوم صرت أفضل نفسيا بكثير شكرا لكم و لأفكاركم ومجرد دعواتكم وبحثكم عن حلول ريحني كثير وحسيت مشكلتي شيء له حل وصرت أشوفها من أكثر من جانب |
الحبيب محمد صلى الله عليه وسلم مع زوجاته http://www.66n.com/forums/showthread.php?t=202306
|
الله يوفقج حبيبيتي
باختصار لا تخلينه يصير اول واهم اهتماماج القلبي راح تتعبين كلام الاستشارية ناعمة الهاشمي ( اذا ما خانتني الذاكرة في اسمها) راح يفيدج |
اقتباس:
حفظته عندي وبإذن الله بوصله له بس محتاجة مساعدة كيف أوصل هالموضوع والمحاضرات لأنه بصراحة صعبة أعطيه مثل هالأشياء خصوصا وانا عارفة انه راح يكابر وممكن هالشيء يمنعه من التطبيق اقتباس:
وإن شاء الله بعيد التوازن لحياتي |
الله يكون في عونك يا عزيزتي
اسلوبه مثل اسلوب وحدة بعرفها هي قايمة بجميع واجباته بدون تقصير بس هو ولا بيعيرها وحتى لما يحكي معاها اسلوبه كثير مستفز وما في ادنى احترام هذا غير الكلام البذيء بسبب و بدون سبب لدرجه صارت تحكيلي انها ما عادت تتضايق من كلامه واذا زودها كثير ممكن هي تتغير ملامح وجهها فهو بعرف انه ثقل العيار لكن يستحيل يعتذر بيصير يحاول انه يفتح اي موضوع او يطلب اي طلب انه هي تعمله و هذة مش عوايده اذا ما في مشاكل بينهم بيضل ساكت ولا كنه موجود بس للصراحه احيانا بلوم صديقتي لما يسمعك كلام مش ولا بد ازعلي وما تتصرفي و كانه ما عمل شيء لا ناقشيه و احكيله انه لازم تتغير مش من اول مرة بيتغير اكيد بس مره على مرة بلين شوي وان شاء الله انه بيتحسن |
اقتباس:
بس يمكن قريتي رد لي فوق إن هالاسلوب ماينفع معاه بالعكس يزيد العيار شوي الله يهديه يارب |
اذا زودها بالكلام الجارح معاج
اخذي موقف وعطيه كلتين بادم واحترام بالعظم وطلعي عنه لا تعطينه مجال لردة فعله والله يوفقج |
بقولكم على الانفجار اللي صار اليوم
طبعا من كتابة المشكلة وانا أحاول اتعايش معاه وأمشي حالي وأتصرف كأني أكثر وحدة تحب زوجها لأني عادة ردة فعلي تكون إما صمت والا زعل المهم طول الوقت أعطي وبابتسامة وروح حلوة مرة تصيب ومرة تخيب ولاحظت أنه صار مثل اللي يستحي فيحاول ساعات لما يقول كلام يجرح والا يثور يبرر>>طبعا مو دائما بس اعتبره تطور بنفس الوقت صار يتمنن علي بشكل يجرح أنا ماتعودت تطلع لي الحاجة بطلوع الروح،أبوي عودني مااذل نفسي لأحد بس قلت يابنت ابوك غير عن زوجك مشيها وأمشيها وأبلع وعلشان أتلافى هالمذلة صرت أحاول قد مااقدر مااطلب شيء وأخلي الطلب للضرورة لأني مااتحمل أسلوب المنة اللي يمارسه معي وأعطي بكل طيب نفس وسم وأبشر وتامر المهم أمس كنت رايحة لعزيمة وبالطريق وقف يصلي فأنا من باب أني أفتح نفسه رشيت رشة عطر ستيلا بالجو>>علشان تحكمون على ردة فعله ولما ركب بدأ يتأفف وتلطم بشماغه وفتح الشباك وسوى لي محاضرة ليش أرش بملابسي>>تعرفون اللي يدور شيء يهاوش عليه أنصدمت من ردة الفعل وسكت لأني ماادري شقول بس قلت رشيتها ابيها تغير جو السيارة اليوم العكس كنت رايحة لأهلي باستراحتهم وطول الطريق يتمنن ومثل اللي يدور الهواش تدوير وفيه بالاستراحة دجاج ومسبح وحوسة وهو يحب يودي البنات لها علشان يستانسون ولما جاء ياخذنا وركبت وركبوا البنات وحدة منهم الظاهر فيها ريحة من الدجاج رغم اني مرررة حريصة على لبسهم بس لكل جواد كبوة وسواها قضية وبدا يتقرف طبعا طريقته كأنه يتقرف مني أنا أنا بصرحة إلى هنا خلااااااااص تعبت يعني الوحدة ليش تتزوج أستغفر الله قال انا عيبي الوحيد أن حاسة الشم عندي قوية>>هذا أسلوب افتخار عنده كأنه يقول انتي ماشميتيها وانا شميتها قلت له كلك عيوب وانفتحت عليه بدا يستهبل كالعادة ولاول مرة صرخت عليه قلت بلا اسلوب صغار وبالاخير بكيـت وبناتي تأزموا وهو بس يشوف الموقف الأخير وكأني مكبرة السالفة بس انا قلبي ملياااان ياناس علموني مثل هذا شلون يحس بقيمتي شلون يتعلم الاحترام كرهته ليش يسوي معي كذا والله اني تذكرت فارس الهم بس ماابي يوصل الموضوع لابوي وانا ضعيفة مالي حيلة يااااااارب يسر أمري |
يااااااااااربي عورتي قلبي الله يصلحه ويهديه يبالغ لايكون احد طاقك عين فيه والا عاملك عمل استغفر الله العظيم لو انا منك والله اروح لاهلي وخليه يشوف حل لاسلوبه ويتعامل معايه كانسانه والا الله معاه العيشه بذي الطريقه بلاها احسن |
اقتباس:
أنا عارفة ان هالحل مؤقت صار نفس هالموقف برمضان الماضي واليوم الموضوع يتكرر هو كأن فيه تسلط خصوصا ان ابوه كان متسلط وبأشد حالاته كان يهد عليه بس انا وش ذنبي الحمد لله يارب اقتباس:
مع انه ساعات أشوف حيونات بالحلم بس أقرأ البقرة عادي وأرقي نفسي عادي مااحس بنفور مثل اللي فيهم نفس والا سحر أما الروحة لاهلي ماراحت عن بالي بس ابوي إذا طاح الرجال من عينه مستحيل يشوفه شيء بعدين وهالشيء بيأثر على نظرة أبوي لي ولبناتي بعد الشيء الثاني حسب تجاربي مع زوجي يرجع تدريجيا لهالطبع برمضان رحت عند اهلي اسبوعين ولما رجعنا تغير وقت ورجع ويمكن اكثر من اول.. يارب ترحم ضعفي أنا متأكدة ان طبيعة زوجي أحسن من كذا بس ليش متسلط علي ماادري حتى وصلت اني أسأله إذا فيه شيء مضايقه بس قال لا مافيه>>هالكلام قبل تقريبا 10أيام |
لهالدرجة موضوعي صعب
مافيه طريقة تعلم زوجي قدري واحترامي الا الروحة لأهلي!!! يارب يسر أمري |
الموضوع ومافيه حبيبتي
ان انتي حساسة جدا طنشي>>> يعني لا يؤثر كلامه فيج نهائيا على سبيل المثال اذا قالج بنتج ريحتا دجاج والا شي اخذي بنتج وضميها وبسيها وشميها وقوليلها اه يا بنتي شحلاتج بريحة الدجاج اللي فيج محد محلي الريحة غيرج يعني قلبي السالفة وخليه يستحي على ويهه ونصيحة مني اذا سويتي اي شي ( بمعنى كلمة اي شي صغير والا كبير) لا تنتظرين ردة فعله ابدا انتظري الاجر من رب العالمين مثلا لما رشيتي الريحة تخيلي ان ميزان حسناتج قاعدة يثقل ويزيد وهو ايا كان ردة فعله ماراح تؤثر فيج لان هدفج مو هو هدفج الاجر من الله واذا حسيتي ان قاعد يبرر ويدور الهواش طالعي بنظرة شفقة والتزمي الصمت وباقولج من الحين ردة فعله بتكون بركان ثاير انتي ما عليج الا التزام الصمت وسوي نفسج صماء يعني ولا كأنه يقول شي ابدا وبالاخير حبيبة انتي هونيها وتهون ولا تحطينه من اولى اولياتج نوعية زوجج اذا صديتي عنه ركض وراج موفقة |
مشكورة ياموهبة
الله يعين يارب |
يازوجات للمرة المليون أقول لكم الحياة الزوجية ( فن وذوق ومكر)
زوجك فيه صفات رائعة كثيرة ولكن تنقصك انت معرفة طريقة إدارة الزوج بإذن الله سأنزل موضوع مستقل لتعم الفائدة الجميع لاتقلقي عزيزتي حياتك رائعة فقط اتركي عنك الحساسية لتسعدي. |
أم جمانة
الله يسعدك يارب مشكورة لزيارتك لموضوعي وأنا عارفة ان زوجي الحمد لله فيه صفات حلوة بس النكدية والتدقيق تتعبني أنتظر موضوعك على أحر من الجمر |
|
شوفي ياحبيبتي
ممكن زوجك متضايق من شي معين وشي ما تغير الى الحين يعني طول ما هو اسلوبه شين يعني ظرفه اللي هو فيه زي ما هو انا زوجي اعطيه جائزة نوبل في النكد هذا اذا كان شاغله ومضايقه موضوع معين او طلبت منه شي ما يحبه تعالي تفرجي اش يصير الله يهديه طبعا اشياء ما يحبها بس هي ضروريه وجربت جميع الطرق ومن افضلها اللي حسيت انه فاد معه اذا بدا يغلط ولا يرفع صوته اقوله بصوت واطي طبعا رجاءا لا ترفع صوتك ولا اقول لاتغلط بدأ ينتبه لنفسه ويتكلم بشويش جربي الطريقه يمكن تفيد الله يفرج همك وهمنا وهم كل مكروب وشوفي موضوع ام جمانه مفيد جدا |
اما ما يسمح لك تبوسيه ههههههههههههه والله قطعتي قلبي وين عايش ذه بالبر بعالم الكهوف
اختي صاحبة الموضوع شوفي النوعية هذي لازم تزعلي وزعل بس بنظرات قهر له مثال يدخل قولي تبي شي قالك لا قولي رايحه انام وروحي نامي طلب منك شي قولي طيب وسوي له الي يبيه النوعية هذي يسمى الطفل المدلل النرجسي يفكر بنفسه ومايهمه الاخرين شكليا ملتزم لكن داخليا بعيد عن الايمان بالاسلوب هذا راح تجرحينه بنظرت الاحتقار له وشوي شوي راح يحس باخطائه واسلوبه وراح يجي يسترضيك ادري هلطريقه بتعورك وتحمليها واذا جا يراضيك قولي له وبعدين لازم نحط حلول لوظعنا بيقولك حاضر وابشري قولي اكيد وبيقول ايه عاد انتي ارضي وسامحي واذا زعلتو مره ثانيه سوي كذه وتعوددي عليه قليل مستمراحسن من كثير منقطع اقصد به انه يونسك ويسمع منك صح ولالا |
حبيبتي
شكيت يؤم قلتي تشؤفين بلمنام حيؤنات !! امي الله يحفظها كانت تشؤف ثعابين ....انتي وش تشؤفين بلضبط ..؟\ ارسلي رويتك للشخ الي بقناة بدايه وهو يفسر لك حلمك طبعا بنهاية الرساله اكتبي انك تعانين من زوجك وكلامه الجارح وانه تغير عليك....... انا ابؤي جت فتره ماانساها كان يجرح ويسب ويشتم امي سؤئ امامي او امام اخواتي الاهم وامي كانت تشؤف ثعابين او بسم الله جنون غيرها ....... والاكثر ثعابين وطلع بعد التفسير عيييييييييييييييييين !!والله اعلم ونصح امي بلرقيه وشرب الماء المقرؤء وحتتئ ابؤي شربناه ..... وقالنا له عن حلم امي ...وانه ينصح بشرب الماء المقرؤء عليه ولا بيجيك شيء !!خخخخ كذبنا عليه لاجل مايرفض شرب الماء .....وهذا من غير تقرء الرقيه بعد كل صلاه وتشغيل القران بلبيت ...تخيلي بعد شهر تقريبا بدينا نلاحظ راحت ابؤي وتعامله الزين المحترم مع امي !!وابؤي بااحدئ اخر ليله من الشهر انتفخ نص وجهه احمر هي الجهه اليمنئ حتئ عينه مايقدر يفتحها ...يؤم شفنها بغينئ نموت من الخوف علئ بالنا انه الخبيث اعوذ بلله لان في العائله هالشيء وراثه !!!!!! الاهم وامي بنفس الليله والله العظيم جاها دوخه وصداع ماقدرت ابدا تتحمل قلت يمكن الضغط ماطلع هو لاني قسته قلت ارهاق نامي ......نامت وقامت يلله رفعت راسها من الفراش وكل ساعه يزيد وتخيلي راحوا المشفئ مافي اي مرض او سبب! فقال الطبيب انصحك استمر بلرقيه وهذي والله اعلم اشك انها عين وترؤح باذن الله ,,,لان مافي اي سبب طبي.... قاموا اليؤم ال2 باقي سؤية تعب واليؤم 3تمام والحمدلله مرتاحين الان عن السابق حتئ اخواتي يدقون علي يشكون من اهاناته لاامي ولهم ومن تجريحه واتهاماته! فاانتي فسري احلامك وشوفي او ارقي نفسك وزوجك... |
اقتباس:
انا ماكنت بيوم أعرف اني حساسة بس انتي وموهبة وبرضو وحدة لما عرضت عليها الموقف كلكم قلتوا ان الموضوع حساسية بحاول أخفف شوية أنا مشيت الموضوع بعد البكى اللي صار يوم الجمعة.. وماشي الحاال الحمد لله اقتباس:
وشفت حالة مشابهة لأحد الأعضاء بموضوع رواء الإيمان أعتقد يقول انه تتأثر معاملة زوجته له بناء على الضغوط مشكورة ياعسل اقتباس:
بس ماكملت المشوار لأن اللي استشرتهم قالوا لي الموضوع مو مستاهل وهو حسب مااشوف عرف غلطته فتعوذت بالله من الشيطان ومشيتها إن شاء الله ان عرف غلطته ولو مااعترف سؤال كيف الرجل يعرف قدر زوجته؟؟!!>>بما انك رجل حسب معرفك اقتباس:
أنا هذا اللي سويته امس جبت جالون موية وقريت فيه الرقية الشرعية وحطيت منه على موية البرادة والباقي حطيته بالثلاجة على اساس أضيف منه كل فترة لأنو حتى حملي لما احمل دائما يكون مهدد فقلت عصفورين بحجر |
تعجبيني ....
وانصح بعد بانك تقرين الرقيه بعد كل صلاه .... وتشغلين قران بلبيت بئي وقت تحبي وياليت زوجك يكون فيه... واذا عين بتلاحظين ان زوجك بدء يتغير..... حنا سؤينا كذا بااهلي ... |
الله يصلح لي ولكي.........حسبنا الله ونعم الوكيل ..لله فوضنا الامر, يارب اصلح لي ولاخواتي في كل مكان الله آمين
|
مرحبا حبيبتي
اسمعي كل رجال مايحب زوجته تبكي تدرين ليش عشان مايحس انه ظلمها بشي عشان مايضطر انه يجي ويراضيها لاتزعلين منه دامك تقولين انه قلبه طيب حاولي تتكلمين معاه انا عارفه انه كثره المشاكل والتدقيقات الي من الزوج تموت اشياء كثيره حاولي تمشين المركب ترا كلنا على ها الموال الله يعين ..............احنا الحريم الي لازم نتحمل كل شي زعلهم خيانتهم ووووووووووو واخر شي كفارات العشير الله يرفع حظنا يااارب |
اقتباس:
الله يسهل يارب اقتباس:
وحال هالدنيا طبعت على كدر وإحنا الحمد لله نتقلب بين النعم مهما كان الزوج لأن الدنيا ماهي بس زوج >>موهبة الكويت صرت شاطرة صح!! اقتباس:
والحمد لله ماشي دام اني أشوف بناتي مبسوطات ومن جد اللي لها أطفال غير الأطفال مهما حنو عليهم العالمين مو مثل الأب ولو قسى وهالشي أشوفه ببناتي أبوهم كل شيء ممكن ياكلونه من أبوهم بس من غيره مرة تتأثر نفسياتهم بس مسألة كفارات عشير هذي صحيحة لأن الرسول صلى الله عليه وسلم قالها وفسرها بأنه ممكن بلحظة غضب تقول مارأيت منك خير قط وهالشيء ممكن يطلع منا:) الله ينجينا من النار يارب مشكورة ياعسل ع الرد |
| الساعة الآن 03:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©